|
|
|
 Re: نائب مستقل يقول لتراجي أن التعيين يشوه ال� (Re: محمد البشرى الخضر)
|
للمستعجل أوعك تسمع كلام البشرى
اللقاء دة كلو مهم وممتع من قولة تيت لحدي نهايتو
والطاهر دة ذاتو حقار عصر علينا في الزمن .. متعة زي دي لو أنا صاحب البرنامج بخليها 4 ساعات أقل حاجة
____________
حضرته الصباح بدري قلت أكتب حاجة عنه لقيتو كلو يصلح عناوين مانشيتات .. في النهاية لصقتو لي ود الباوقة في البوست بتاعه وطلعت الشغل
| |
 
|
|
|
|
|
|
|
|
Re: نائب مستقل يقول لتراجي أن التعيين يشوه ال� (Re: ياسر منصور عثمان)
|
تراجي قاعد تحرج نفسها براااها
ما كان في اي داعي تقول انو عندها ققل جماهيري
الطاهر طوالي نطا ليها بالسؤال الواضح ثقلك الجماهيري شنو ووين ومنو
بعدين النايب هو البشع بيهم يا ياسر ياخي طلعهم عبارة عن زيادة عبء وهو صادق طبعاً غي دي
بعدين البروف دي بروف في شنو عاملة طريقة كلاما الغياظة دي
هي عارفة والدنيا كلها عارفة انو الموضوع دا موضوع محاصصات
ثم انو الملاليم البقولوها دي طالعة من دين الشعب الروحو مرقت دا وكت شايفاتنها ملاليم
ما يتنازلن عنها وللا هو كلام للاستهلاك والاستهبال بس
حاجة تمغس والله
| |
|
|
|
|
|
|
|
|
|
Re: نائب مستقل يقول لتراجي أن التعيين يشوه ال� (Re: حاتم إبراهيم)
|
انا مع مبارك النور
كلامو واضح وصريح ومنطقي وفيهو نبرة صدق
لا ينكرها إلا من أبى .. عافي منو .
البروف مع كامل الاحترام لمكانتا العلمية لكنها
أكثرت من الشعارات الحنجورية وأفرطت في
مخاطبة العواطف بلا قول نجيع .. وفشلت في أن تخفي ال ( أنا)
المتحكرة جواها .
الأخت التانية تراجي لا جديد .. نفس عنترياتها
الخنفشارية وكواريكها العدائية .. وأكاد أجزم انها
لو دخلت انتخابات فلن يصوت لها إلا تراجي
وأسرتها .
| |
|
|
|
|
|
|
|
|
|
Re: نائب مستقل يقول لتراجي أن التعيين يشوه ال� (Re: طلحة عبدالله)
|
الغريبة البروف دي بتتكلم وكأنو النظام الحاكم دا ما حصاد أيدهم ..
وبتتكلم عن الدعوة للسلام وكأنو هم ما كانوا وراء تدمير السلام الاجتماعي الكان موجود في السودان ..
كلام البروف دي بقى لي زي الطبيب البجري ليك عملية خاطئة ..
ؤ بدل يعترف بخطئة وعمل يده الآثمة ..
يجي يفتخر ويتفضال عليك بأنو عايز يضمد جراحك وينقذ حياتك !!!!!!..
كل الناس عارفا النظام دا جاء راكب ضهر مين يا بروف ..
وأي زول عندو فهم إولي لللعبة السياسية بعرف أنو الحوار دا مبدئيا من استراتيجيات قيادتكم السياسية ..
التي استطاعت بسرية إقناع الرئيس لتبنية بدلا عنهم مكررين ذات النهج القديم ( سوف أذهب إلى السجن حبيسا ....)..
بكل أسف أي شخص صدق أن فكرة الحوار طلعت وصعدت عشان عيون الشعب السوداني ..
أو عشان يضمدوا جراحات البلد التي تسببوا فيها ودمروا نسيجها الاجتماعي ..
كما تدعي البروف يكون وقع في شباك التضليل وغسيل المخ المستمر 28 سنة ..
فكرة الحوار والاعداد لها بما صاحبها من زخم واستقطاب وتحنيس وإغراءات ..
كان الدافع الأساسي له تلافي مستجدات إقليمية تمثلت في ثورات الربيع العربي من جهة ..
وقرارات بدأت تتخذها بعض الانظمة المؤثرة في الإقليم تجاه تنظيمات الإخوان المسلمين ..
دا كان الدافع الرئيس وراء ابتداع فكرة الحوار كوسيلة لترقيع النظام حتى لا يسقط ..
لإنو وقوفهم متفرجين بعيدا عن مساندة النظام ..
يعني أول ما يعني أنهم سوف يكونون من أوائل الضحايا سواء كانوا مشاركين أو غير مشاركين ..
سبحان الله ..
قالت أيه جايا تصنع السلام وما عايزة اقصاء ..
في الوقت الفيه النظام بواسطة أغلبيته الميكانيكية المسترزقة ..
مرر قبل أسبوع فقط قوانين مش إقصائية فقط بل تمنع حتى مجرد حرية الرأي ..
بس في النهاية الواحد ما بستغرب كلامها لإنو دي هي طريقة الكيزان من يوم عرفناهم ..
ياريت يا بروف بدل اللف والدوران وتغليف اهدافكم بموضوع سلام لن تسمحوا بتحقيقه ..
أن تصدقوا مرة واااحة بس ؤ تعلنوها واضحة لهذا الشعب الصابر المكلوم بأن هدفكم هو التأسيس لنظام خالف..
نعم نظام خالف يلم شعثكم مع شعث سدنة المؤتمر الوطني وآخرين ممن يرتضون الفتات ..
لضمان استمرار النظام ولو بمسحة شبه ديموقراطية جديدة .
غايتو الله يعينك يا تراجي سوف تكشف لك أيامك المقبلات صحة ما قلته أعلاه.
| |
|
|
|
|
|
|
|
|
|
Re: نائب مستقل يقول لتراجي أن التعيين يشوه ال� (Re: aosman)
|
فات عليّ برضو أعلق على كضبة تضليلية أخرى أطلقتها البروف من الدقيقة 44:48..
لما قالت الآن نتنفس رفع الضغط الدولي ..
والحوار اقنع المجتمع الدولي إنو عندو حاجات صحيحة !!!
بينما الحقيقة الموضوعية الملموسة ومعروفة إلى الآن ..
أن هنالك ظروف موضوعية دفعت ليس ( المجتمع الدولي ) بهذه الصيغة التضليلية التي أطلقتها السيدة البروف ..
بل الغرب الأوربي والولايات المتحدة ..
ظروف موضوعية دفعتهم لتأسيس نوع جزئي من التعاون المحدود مع النظام ..
المشهور ومعلوم منه للكافة :
1 ـ محاربة الإرهاب المنظم ..
إذ لم يعد خافيا على أحد تعاون جهاز الأمن السوداني معهم في هذا الملف ..
2 ـ الهجرة الكثيفة غير الشرعية إلى الدول الغربية بوجه أخص من أفريقيا ..
لذا ذهبت استراتيجية الاتحاد الأوربي المعلنة ..
لاستغلال الحكومة السودانية كبوليس هجرة مدفوع الأجر..
يعمل على الحد من تسرب المهاجرين عبر حدوده إلى بلادهم ..
غير أن هذا التعامل لا يعني بأي حال من الأحوال أنهم ائتمنوا في النظام الحاكم بالمطلق ..
أو أنهم يعملون على أسقاط العقوبات الدولية المقررة عليه ..
بالنسبة للعقوبات الأمريكية التي رفعت جزئيا أواخر عهد الرئيس السابق ..
فهي في حقيقتها كانت بمثابة الجزرة ..
أو رد الجميل للتعاون والخدمات الأمنية التي وفرها جهاز الأمن السوداني ..
يعنى حتى في جزئية رفع العقوبات الأمريكية لا أثر للحوار ومخرجاته فيه ..
بل إن كان هنالك فضل فهو يعود لجهاز الأمن السوداني .
| |
|
|
|
|
|
|
|
|
|
Re: نائب مستقل يقول لتراجي أن التعيين يشوه ال� (Re: محمد على طه الملك)
|
| Quote: جاتني رسالة في الواتس آب بتقول بي أنه تراجي دخلت المجلس الوطن ممثلة لدائرة المواقع الإسفيرية,,, |
أضحك الله سنك يا عثمان
أنا غايتو من مطالبي تقنع بكري يعمل مكتبات لكل الأعضاء
ويعمل مكافآت لأي بوست يحصل عشرة ألف مشاهدة
وترفع نسبة العضوية النسائية
وتعيد الناس الما قاعدين يكتبوا
وتتأكد إنه بكري ما عندو بيوت أشباح
| |
|
|
|
|
|
|
|
|
|
Re: نائب مستقل يقول لتراجي أن التعيين يشوه ال� (Re: معاوية المدير)
|
اهلا بالشباب هلا والله
حقيقة ركّزت على تراجي وانا اتابع الحلقة و حتى في كتابتي لعنوان البوست من واقع العشرة هههههه
لكن بعد استماعي لها مرّة ثانية بتركيز أكثر لقيت ان النكتة الحقيقية هي البروفسر بتاعة الشعبي التي ما فتئت ترد الأمر لرئيس الجمهورية كلّما سُئلت عن التعيين و المحاصصة و بتاع
بالإضافة لطريقها في الحديث, يبدو أن الترابي رحمه الله قد خلّف خوازيق في الشعبي أكثر ممّا فعل في الوطني وفي كل شر !
امّا السيد النائب المستقل الذي يعترف انه ليس بمقدوره فعل شيئ في البرلمان مع الأغلبية الميكانيكية للمؤتمر الوطني فحاله أشبه يحتج على مزاحمته في المركز الأخير في السباق, ياخي وقت اصلك مو قادر تسو شي خلّيهم اليسترزقوا معاكم الحسادة فوق شنو!
| |
|
|
|
|
|
|
|
|
Re: نائب مستقل يقول لتراجي أن التعيين يشوه ال� (Re: محمد البشرى الخضر)
|
سبحان الله .. عشنا وشفنا!!
والله ما استغربت الا على قوة عين تراجي البتقول (نحن مستعدين للانتخابات هسي دا)!!!
لا .. ليس هذا فحسب .. قولها للبرلماني المنتخب بانك لا تمثل إلا نفسك!!
زول انتخبوه الاف الناس عشان يمثلهم تقول ليهو ما بتمثل الا نفسك بس!!
سبحان الله الذي أسرى بعبدته من "المنفى" إلى البرلمان السوداني عبر الكمبارز!
اليس هذا هو نفس الاسطوانة التي تهدد بها تراجي خصومها في سودانيزاونلاين؟!
كل ما تختلف مع شخص أيّ كان موقعه، تهدده بمقولة (انت لا تمثل الا نفسك)
وفي نفس الوقت تدعي بانها تمثل العالم كله ولديها جمهور بحجم سكان الصين!!
البروف ديك كمان حاجة تانية خالص (الله يعينها في بروفها)
كامل تعاطفنا مع اخونا البرلماني الزعلان من الشقيانيين الزاحموه في الشقاوة
بس عفيت عنو تب (جلد النسوان ديل جلد) محظوظين بقية الكمبارز الما دعوهم للبرنامج
| |
|
|
|
|
|
|
|
|
|
Re: نائب مستقل يقول لتراجي أن التعيين يشوه ال� (Re: اسماعيل عبد الله محمد)
|
الواضح إنه تراجي حاولت تخلي كلامها قليل .. ومن قل كلامه قل ذلـله ..
لانها لو قتحت في النضمي ما مضمون تقوم تنسى نفسها وتسرح ..
وتفتكر نفسها في اليوتيوب وتشتم وتنبز وتجيب العيد في البرنامج ..
صراحة انا شخصيا خذلتني تراجي جيت وفاكرها حتفضفض وتورجغ ..
وتملا البرنامج غلاط وكلام وجوطه ..
لكنها تركت البساط للبروف اللي مش جابت العيد جابت المولد معاهو ..
وقلبت النضمي لي معايرات وكلام كلو مهاترات ..
مع انه عضو البرلمان كان زول موضوعي ..
ووجهة نظره معتبره رغم انه الانتخابات الشكرها دي الناس عارفاها مخجوجة ..
لكن برضو ما ممكن يجيبوا ناس بالكوتة زي ناس تراجي ..
يجوا يشاركوهم في البرلمان بلا أي سند جماهيري رغم هنته ..
غايتو البروف ربطت الحبل في رقبتها بي حكاية دخلها البيصل لي 40 مليون في الشهر ..
وحييقى ليها المخارجة من كلامها ده ان لزم الأمر قاسي وصعيب ..
غايتو اتجلجغت وما خلت شي وتراجي من شافتها اتدفقت بقت تتكشم ..
البروف كان تتم الناقصة وتعلن تنازلها عن قريشات البرلمان ..
وتعلن خدمتها للشعب السوداني مجان لانها ما محتاجة ليها .....
| |
|
|
|
|
|
|
|
|
|
Re: نائب مستقل يقول لتراجي أن التعيين يشوه ال� (Re: ست البنات)
|
يا مستنير نقد نجيض مش ؟
لالا أنا عارفك قتها بسرك ..
بعدين وكت قلت غير قانوني دي الركة ..
لإنو تهمني الشرعية ..
الشرعية الدولية للقيادة..
:
صحيح يا ود القوذ تراجي كانت متحفظة ..
لإنها في ظني بدت تحس أنو الصراع ما صراع حكومة وممانعين بس ..
وإنو موضوع الممانعين والحركات ووقف الحرب وهموم الشعب بجي في آخر الأولويات التنفيذية للناس ديل ..
وإنو الصراع الحقيقي صراع داخلي بين الاسلاميين وسدنة المؤتمر الوطني وومواليهم من الفلوترز والنفعيين..
وح تكتشف إنو هياكل الحكم ومؤسساتو كلها موظفة لحماية القيادات على الرغم من صراع السلطة والثروة المحتدم بين قواعده.
وهي حتلقى نفسها لا إلى هؤلاء ولا إلى هؤلاء.
| |
|
|
|
|
|
|
| |
محمد البشرى الخضر
Arif Nashed
عمر سعيد علي
ياسر منصور عثمان
عبدالعظيم عثمان
محمد المسلمي
Nasser Amin
حاتم إبراهيم
طلحة عبدالله
Hatim Alhwary
محمد على طه الملك
Abdullah Idrees
aosman
معاوية المدير
محمود على
اسماعيل عبد الله محمد
ست البنات
جمال ود القوز
Ali Abdalla Hassan
فيس بوك
تويتر
انستقرام
يوتيوب
بنتيريست