|
|
|
 Re: موجة الغلاء موجه رباني (Re: عبدالحفيظ ابوسن)
|
ههههههههه
ابسن يا حبيب بجيك راجع البوست دا حا يكون حافل بالكفر بالارادة الربانية المشاترة البتزيد معاناة البحبهم الله (اذا احب الله عبدا ابتلاه )...
امسك الخشب عارفك زول ما بتحب الملاواة ..
| |
 
|
|
|
|
|
|
|
|
Re: موجة الغلاء موجه رباني (Re: عبدالحفيظ ابوسن)
|
علماء السلطان
لعنهم الله الذي يتاجرون بإسمه
يكتنزون الذهب والمال ويتزوجون مثنى وثلاث ورباع
ويحجون لبيت الله كل عام
إيش ناقصهم عشان يحسو بالغلاء
لنا ربنا ... ولهم بشيرهم الضليل والمضلل
| |
|
|
|
|
|
|
|
|
Re: موجة الغلاء موجه رباني (Re: عبدالحفيظ ابوسن)
|
هيئة علماء السلطان دا القدرو عليه...
صدعوا رؤوسنا بالالتزام الديني الذي اجتاح الامة السودانية في عهد مشروعهم الهراري...وهسع يجوا يقولوا سبب الغلاء من ابتعادنا من الدين ...خليهم يركزوا على واحدة ...
لو قالوا دا ابتلى من الله لانو بحبنا كان احسن ...
واحد شيخ من شيوخ الامارات مش شيوخ الدين شيخ زي الامير عند السعوديين ..اها جوه المطاوعة قالوا ليه يا شيخ المطر قل والبلد جفت لازما توقفوا البارات دي ..قال ليهم امس القريبة دي انا عايد من بانكوك الكاس طايح والمطر طايح ...
--------
الحل شنو يعني يا علماء السلطان نحبس الجوامع مثلا...
| |
|
|
|
|
|
|
|
|
|
Re: موجة الغلاء موجه رباني (Re: عبدالحفيظ ابوسن)
|
ابو علاء سلام
ياخي نحنا تبنا الى الله
الأمة تابت وقالت الرووووب
اها ....،هم البتوبهم شنو؟
اكان علماء أكان السلطان العينهم
واستعان بيهم عشان يزينوا ليهو
الباطل حق.
الأمة رضيانة بالجوع والفقر والمرض والغلاء
بس يبعدوا لينا من تشويه الاسلام دا والكضب
علي الله
.........
الهي ان لم يكن بك علينا غضب فلا نبالي
| |
|
|
|
|
|
|
|
|
|
Re: موجة الغلاء موجه رباني (Re: عبدالحفيظ ابوسن)
|
يحكي ان سيدنا عمر اعطي محتاجا كيس نقود
قال ليهو
شيل الكيس داك
الكيس خشمو مربوط بي حبل .. وكاي وبالفصحي وكاء
اها الزول رفع الكيس وسألو
اشيلو بي وكائه
تخيلو رد بن الخطاب قال ليهو شنو
قال ليهو
خليهو ما تشيلو
| |
|
|
|
|
|
|
|
|
|
Re: موجة الغلاء موجه رباني (Re: عبدالحفيظ ابوسن)
|
مَا لَهُمْ بِهِ مِنْ عِلْمٍ وَلَا لِآبَائِهِمْ ۚ كَبُرَتْ كَلِمَةً تَخْرُجُ مِنْ أَفْوَاهِهِمْ ۚ إِنْ يَقُولُونَ إِلَّا كَذِبًا
سوف ينتشر داء المغسة ويفتك بالشعب السوداني وهذا المرض تسببه جرثومة تسمى Cosmosis Monafigatis
تمص دم الشعب وتسبب طنينا مزعجا باصوات تصدر منها
| |
|
|
|
|
|
|
|
|
|
Re: موجة الغلاء موجه رباني (Re: muntasir)
|
موجة الغلاء دي مالا ما وصلت علماء السلطان ديل؛
وآل كافوري وحتى لاصغر متحلل؛
هل ديل مبالغين في التوبة؛ وقريبين من الله لدرجة ان رفع عنهم اسباب الغلاء؛
فطفقوا يرفلون في نعيم الدنيا؛ وربيع دنياهم...
والم يقل نفس هؤلاء : ان الانقاذ اسلمت الشعب والشارع؛
ووطدت الدين في البلد؛
وان الشعب في الانقاذ اصبح متدينا جدا...
ايه الجدَّ الان؛
الامر لم يعد ينطلي على الشعب الطيب!!!
وهو استغلال للدين لاخر جنيه لافي صينية عن الشعب ليدور وينتهي عند الانقاذيين ومن والاهم...
.................................
الشعب اعظم واوعى...
والثورة مستمرة
و
سننتصر...
| |
|
|
|
|
|
|
|
|
|
Re: موجة الغلاء موجه رباني (Re: عبدالمنعم الطيب حسن)
|
منو القال( للعلماء) ديل ان الله ربط مابين الرزق والايمان والتوبة؟؟؟ الله يرزق الجميع مؤمنهم وكافرهم مخطئهم ومصيبهم!!
في قصة سيدنا ابراهيم قال تعالي "وارزق أهله من الثمرات من آمن منهم" فكأنه سيدنا إبراهيم طلب الرزق للمؤمنين وحدهم
.. ولكن الله سبحانه أراد أن يلفت نظر إبراهيم إلي أن عطاء الألوهية ليس كعطاء الربوبية ، و الرزق عطاء ربوبية يناله المؤمن والكافر لأن الله هو الذي استدعانا جميعا إلي الحياة وكفل لنا جميعا رزقنا.
اذا لا توجد علاقة بين ارتفاع الاسعار وعدم توبة الناس او كثر سيئاتهم ,,ا
وربا معظمهم كفار وملاحدة ولكن الله يرزقهم ..وهم مرطبين اكتر مننا!!! ياخي حكومة فلندا اعلنت بداية من يناير 2017 سوف تعطي كل مواطن مبلغ حوالي 560 يورو شهريا شغال عاطل صاحب مصنع برضو حيدوهو ..اها رايكم شنو؟؟
يا علماء الامة ارتفاع الاسعار جاي من صرف عدة ملاين من الدولارات علي بردة الرئيس باديس ..وفنيلة ميسي ..يا علماء الامة الفساد ..وعدم الانتاج ..وعدم الدراسات الاقتصادية الصحية هي وراء ارتفاع الاسعار .
الصحابة رضوان الله عليهم كان معظهم من الفقراء وكانوا لايجدون قوت يومهم..وداك كان زمن الايمان الصحي صحي
لكن نقول شنو ...لما يكون الدين في خدمة السلطان بتكون النتيجة الكلام المضحك زي كلامكم الفوق دا
| |
|
|
|
|
|
|
|
|
|
Re: موجة الغلاء موجه رباني (Re: عبدالحفيظ ابوسن)
|
دي واحدة من اهم دعايات السلطة
المشكلة من المواطن
بيتو غرق لانو بني في مرقد الموية والخيران
والحكومة هي الوزعت ليهو قطعة الواطة ودفعتو فيها دم قلبو والمضطر سكن
انقطاع الكهرباء لأنو المواطن بشغل الكهرباء وقت الذروة بالليل وفي الصيف
مفروض ما يشغلها ويدفع ليهم رسوم العداد
و
هكذا
| |
|
|
|
|
|
|
|
|
|
Re: موجة الغلاء موجه رباني (Re: عبدالحفيظ ابوسن)
|
ديل مش نفسهم الأفتوا بعدم جواز خروج المواطنين في مظاهرات؟
مش نفسهم الأفتوا بعدم جواز (في الحالة دي اللهجة كانت ناعمة) سفر الرئيس لبلاد يمكن أن يتعرض فيها للخطر؟
لعنة الله عليهم بقدر مناصرتهم للظلم
لعنة الله عليهم بقدر تضليلهم للبسطاء.
الوجع كتير يا حفيظ، نسانا نسالمك.
أعفي لينا .... وسلام
| |
|
|
|
|
|
|
|
|
|
Re: موجة الغلاء موجه رباني (Re: محمد أبوالعزائم أبوالريش)
|
ياهم يا الريش لا يستحون من الله ولا يستحون من خلقه
الشعب السوداني قادر يفرق ما بين الدين والخداع بأسم الدين
بحكوا لينا ونحن صغار
واحد مشي لي عالم عشان فتوي .. لقي العالم داير يحلب غنمايتو وشايل ليهو حصحاص في طشت .. بحرك فيهو عشان تجي ويقبضها
زولنا رجع منو
العالم ناداهو يعرف موضوعو
قال ليهو
جيتك لي فتوي
اها قول سؤالك
قال ليهو
خليتك .. انت بتغش الغنماية حقتك ... دحين ما بتغشني
| |
|
|
|
|
|
|
|
|
|
Re: موجة الغلاء موجه رباني (Re: عبدالحفيظ ابوسن)
|
موجة الغلاء التي تشهدها البلاد موجه للامه ان تتوب لله سبحانه وتعالي
................................................................................................
و الله الشعب ده دايما محرجنا ياخي. 
| |
|
|
|
|
|
|
|
|
|
Re: موجة الغلاء موجه رباني (Re: ناصر احمد الامين)
|
شوف جنس الاحراج دة يا ناصر
ﺗﺴﻠﻠﺖ ﻣﺠﻤﻮﻋﺔ ﻣﻦ ﺍﻟﻠﺼﻮﺹ ﺇﻟﻰ ﺷﻘﺔ ﻳﺴﺘﺨﺪﻣﻬﺎ ﺍﻟﻘﻴﺎﺩﻱ ﺍﻟﺒﺎﺭﺯ ﺑﺤﺰﺏ ﺍﻟﺒﺸﻴﺮ ﻭﻣﺤﺎﻓﻆ ﺑﻨﻚ ﺍﻟﺴﻮﺩﺍﻥ ﺍﻟﺴﺎﺑﻖ ﻭﺭﺋﻴﺲ ﺍﻟﻘﻄﺎﻉ ﺍﻹﻗﺘﺼﺎﺩﻱ ﺑﺎﻟﺤﺰﺏ ﺻﺎﺑﺮ ﻣﺤﻤﺪ ﺍﻟﺤﺴﻦ، ﻛﻤﻘﺮ ﻻﺩﺍﺭﺓ ﺍﻋﻤﺎﻟﻪ، ﻭﺗﻤﻜﻨﺖ ﻣﻦ ﺳﺮﻗﺔ ( 28 ) ﺃﻟﻒ ﻳﻮﺭﻭ ﻭ ( 32 ) ﺃﻟﻒ ﺩﻭﻻﺭ، ﺑﺠﺎﻧﺐ ﺑﻌﺾ ﺍﻟﻤﺒﺎﻟﻎ ﺑﺎﻟﻌﻤﻠﺔ ﺍﻟﻤﺤﻠﻴﺔ ﻭﺍﻟﻌﻤﻼﺕ ﺍﻻﺟﻨﺒﻴﺔ .
ﻭﻋﻠﻤﺖ ( ﺍﻟﺮﺍﻛﻮﺑﺔ ) ﻣﻦ ﻣﺼﺎﺩﺭ ﻣﻄﻌﻠﺔ ﺍﻥ ﺍﻟﺸﻘﺔ ﺗﻘﻊ ﻓﻲ ﻣﻨﻄﻘﺔ ﺍﻣﺘﺪﺍﺩ ﻧﺎﺻﺮ ﺷﺮﻗﻲ ﺍﻟﺨﺮﻃﻮﻡ، ﻭﺍﻧﻬﺎ ﺑﻤﺜﺎﺑﺔ ﻣﻜﺘﺐ ﻳﺒﺎﺷﺮ ﻣﻨﻪ " ﺻﺎﺑﺮ " ﺑﻌﺾ ﺃﻋﻤﺎﻟﻪ، ﻭﺃﺷﺎﺭﺕ ﺍﻟﻤﺼﺎﺩﺭ ﺍﻟﻰ ﺍﻥ ﻣﺤﺎﻓﻆ ﺑﻨﻚ ﺍﻟﺴﻮﺩﺍﻥ ﺍﻟﺴﺎﺑﻖ ﺩﻭّﻥ ﺑﻼﻏﺎً ﻓﻲ ﻗﺴﻢ ﺍﻟﺸﺮﻃﺔ ﺗﺤﺖ ﺍﻟﻤﺎﺩﺓ ( 174 ) ﻣﻦ ﺍﻟﻘﺎﻧﻮﻥ ﺍﻟﺠﻨﺎﺋﻲ .
ﻭﻟﻔﺘﺖ ﺍﻟﻤﺼﺎﺩﺭ ﺍﻟﻰ ﺍﻥ ﺍﻟﺸﺮﻃﺔ ﺷﻜﻠﺖ - ﻓﻮﺭ ﺗﻠﻘﻴﻬﺎ ﺍﻟﺒﻼﻍ – ﻓﺮﻳﻘﺎً ﻣﻦ ﺍﻟﻤﺒﺎﺣﺚ، ﻭﻛﺜّﻔﺖ ﺗﺤﺮﻳﺎﺗﻬﺎ ﻟﻔﻚ ﻃﻼﺳﻢ ﺍﻟﺠﺮﻳﻤﺔ، ﺍﻟﺘﻲ ﺗﺤﻮّﻟﺖ ﺍﻟﻰ ﻗﻀﻴﺔ ﺭﺃﻱ ﻋﺎﻡ ﻓﻲ ﻣﻨﻄﻘﺔ ﺑﺮﻱ ﺷﺮﻗﻲ ﺍﻟﺨﺮﻃﻮﻡ .
ﻭﺗﺸﻴﺮ ( ﺍﻟﺮﺍﻛﻮﺑﺔ ) ﺇﻟﻰ ﺃﻥ ﺣﺎﺩﺛﺔ ﺳﺮﻗﺔ ﻣﻜﺘﺐ ﺭﺋﻴﺲ ﺍﻟﻘﻄﺎﻉ ﺍﻹﻗﺘﺼﺎﺩﻱ ﺑﺤﺰﺏ ﺍﻟﺒﺸﻴﺮ ﺻﺎﺑﺮ ﻣﺤﻤﺪ ﺍﻟﺤﺴﻦ، ﺗﺒﺮﻫﻦ ﻋﻠﻰ ﺣﺠﻢ ﺍﻟﻔﺴﺎﺩ ﻭﺍﻟﻌﺒﺚ ﺑﺎﻟﻤﺎﻝ ﺍﻟﻌﺎﻡ ﻓﻲ ﺍﻟﺴﻮﺩﺍﻥ، ﻋﻠﻰ ﺍﻋﺘﺒﺎﺭ ﺍﻥ ﺻﺎﺑﺮ ﻛﺎﻥ ﺃﺣﺪ ﺣﺮﺍﺱ ﺍﻟﻤﺎﻝ ﺍﻟﻌﺎﻡ ﻭﺍﻟﻨﻘﺪ ﺍﻻﺟﻨﺒﻲ ﻓﻲ ﺍﻟﺴﻮﺩﺍﻥ .
ﻭﺭﺃﻯ ﻣﺮﺍﻗﺒﻮﻥ ﺗﺤﺪﺛﻮﺍ ﻟـ ( ﺍﻟﺮﺍﻛﻮﺑﺔ ) ﺃﻥ ﻭﺟﻮﺩ ﻣﺜﻞ ﻫﺬﻩ ﺍﻟﻤﺒﺎﻟﻎ ﺍﻟﻜﺒﻴﺮﺓ ﻓﻲ ﻣﻜﺘﺐ ﺍﻟﻤﺤﺎﻓﻆ ﺍﻟﺴﺎﺑﻖ ﻟﻠﺒﻨﻚ ﺍﻟﻤﺮﻛﺰﻱ، ﺗﺒﺮﻫﻦ ﻋﻠﻰ ﺍﻥ ﺍﻟﺮﺟﻞ ﻳﻤﻠﻚ ﻣﺜﻠﻬﺎ ﻣﺌﺎﺕ ﺍﻟﻤﺮﺍﺕ ﻓﻲ ﺍﻟﺒﻨﻮﻙ . ﻣﺸﻴﺮﻳﻦ ﺍﻟﻰ ﺍﻥ ﻭﺟﻮﺩ ﻣﺜﻞ ﻫﺬﻩ ﺍﻟﻤﺒﺎﻟﻎ ﺍﻟﻜﺒﻴﺮﺓ ﺑﺎﻟﺪﻭﻻﺭ ﻭﺍﻟﻴﻮﺭﻭ ﻳﺆﻛﺪ ﺍﻥ ﺗﺮﺍﺟﻊ ﺍﻟﺠﻨﻴﻪ ﺍﻟﺴﻮﺩﺍﻧﻲ ﻣﻘﺎﺑﻞ ﺍﻟﻨﻘﺪ ﺍﻻﺟﻨﺒﻲ، ﻳﻌﻮﺩ ﻟﻤﺜﻞ ﻫﺬﻩ ﺍﻟﻤﻤﺎﺭﺳﺎﺕ ﺍﻟﺘﻲ ﻃﺮﻓﻬﺎ ﻧﺎﻓﺬﻭﻥ ﻓﻲ ﺍﻟﺤﻜﻮﻣﺔ، ﺧﺎﺻﺔ ﺍﻥ ﻭﺟﻮﺩ ﻣﺜﻞ ﻫﺬﺍ ﺍﻟﻤﺒﻠﻎ ﺍﻟﻜﺒﻴﺮ، ﻳﺆﻛﺪ ﺍﻥ ﺍﻟﺮﺟﻞ ﺍﻣﺎ ﺍﻧﻪ ﻣﻦ ﺍﻟﻤﻀﺎﺭﺑﻴﻦ ﻓﻲ ﺳﻮﻕ ﺍﻟﺪﻭﻻﺭ ﻭﺍﻟﻴﻮﺭﻳﻮ، ﺍﻭ ﺍﻧﻪ ﻳﺴﺎﻫﻢ ﻓﻲ ﺍﻧﺘﻌﺎﺵ ﺍﻟﺴﻮﻕ ﺍﻻﺳﻮﺩ، ﺑﺸﺮﺍﺋﻪ ﻟﻤﺜﻞ ﺗﻠﻚ ﺍﻟﻤﺒﺎﻟﻎ ﺍﻟﺪﻭﻻﺭﻳﺔ ﺍﻟﻜﺒﻴﺮﺓ .
ﻭﺳﺒﻖ ﺍﻥ ﺗﻌﺮﺽ ﻣﻨﺰﻝ ﺍﻟﺪﻛﺘﻮﺭ ﻗﻄﺒﻲ ﺍﻟﻤﻬﺪﻱ ﺍﻟﻘﻴﺎﺩﻱ ﺍﻟﺒﺎﺭﺯ ﻓﻲ ﺣﺰﺏ ﺍﻟﺒﺸﻴﺮ ﻭﺭﺋﻴﺲ ﺟﻬﺎﺯ ﺃﻣﻨﻪ ﺍﻻﺳﺒﻖ، ﺍﻟﻰ ﺣﺎﺩﺛﺔ ﺳﺮﻗﺔ ﻣﻤﺎﺛﻠﺔ، ﻋﻨﺪﻣﺎ ﺳﻄﺎ ﺑﻌﺾ ﺣﺮﺍﺳﻪ ﺍﻟﻤﺴﺆﻭﻟﻴﻦ ﻣﻦ ﺣﺮﺍﺳﺘﻪ ﻭﺣﻤﺎﻳﺘﻪ ﺍﻟﻰ ﻣﻨﺰﻟﻪ ﺑﺤﻲ ﺍﻟﺼﺎﻓﻴﺔ ﺍﻟﺮﺍﻗﻲ ﺑﺎﻟﺨﺮﻃﻮﻡ ﺑﺤﺮﻱ، ﻭﻗﺎﻣﻮﺍ ﺑﺴﺮﻗﺔ "40310" ﻳﻮﺭﻭ ﻭ " 11,336 " ﻓﺮﻧﻜﺎً ﺳﻮﻳﺴﺮﻳﺎً ﻭ "9" ﺃﻟﻒ ﺭﻳﺎﻝ ﺳﻌﻮﺩﻱ ﻭ "5" ﺁﻻﻑ ﺟﻨﻴﻪ ﺍﺳﺘﺮﻟﻴﻨﻲ ﻭ ( 645 ) ﺃﻟﻒ ﻟﻴﺮﺓ ﻟﺒﻨﺎﻧﻴﺔ، ﻭ ( 420 ) ﺃﻟﻒ ﻟﻴﺮﺓ ﺳﻮﺭﻳﺔ، ﻭ ( 20 ) ﺃﻟﻒ ﺟﻨﻴﻪ ﻣﺼﺮﻱ، ﻭ ( 26 ) ﺃﻟﻒ ﺩﻭﻻﺭ ﻭ ( 91 ) ﺃﻟﻒ ﺟﻨﻴﻪ ﺳﻮﺩﺍﻧﻲ ﻭﻣﻮﺑﺎﻳﻞ .
ﻭﺑﻌﺪ ﺍﻟﺘﺤﺮﻳﺎﺕ ﺗﻢ ﺍﻟﻘﺒﺾ ﻋﻠﻰ ﺗﺴﻌﺔ ﻣﺘﻬﻤﻴﻦ، ﺛﻼﺛﺔ ﻣﻨﻬﻢ ﺗﺠﺎﺭ ﻋﻤﻠﺔ ﻭﺍﻟﺮﺍﺑﻊ ﻣﻔﺼﻮﻝ ﻣﻦ ﺟﻬﺎﺯ ﺍﻷﻣﻦ ﻭﺍﻟﺨﺎﻣﺲ ﻭﺍﻟﺴﺎﺩﺱ ﺗﺎﺑﻌﺎﻥ ﻟﻼﺳﺘﺨﺒﺎﺭﺍﺕ، ﻭﺍﻟﺴﺎﺑﻊ ﻭﺍﻟﺜﺎﻣﻦ ﻣﻦ ﻣﻌﺘﺎﺩﻱ ﺍﻹﺟﺮﺍﻡ، ﻭﺍﻟﺘﺎﺳﻊ ﻳﺘﺒﻊ ﻟﻠﻘﻮﺍﺕ ﺍﻟﻤﺴﻠﺤﺔ .
ﻭﻗﺎﻝ ﺍﻟﻌﻘﻞ ﺍﻟﻤُﺪﺑِّﺮ ﻟﻌﻤﻠﻴﺔ ﺳﺮﻗﺔ ﻣﻨﺰﻝ ﺍﻟﺪﻛﺘﻮﺭ ﻗﻄﺒﻲ ﺍﻟﻤﻬﺪﻱ – ﺣﻴﻨﻬﺎ - ﺃﻣﺎﻡ ﺍﻟﻤﺤﻜﻤﺔ ﺃﻧّﻪ ﻗﺎﻡ ﺑﺴﺮﻗﺔ ﻣﺌﺘﻲ ﻣﻠﻴﻮﻥ ﺟﻨﻴﻪ ﻷﻥّ ﺭﺍﺗﺒﻪ ﻻ ﻳﺘﺠﺎﻭﺯ ﺛﻼﺛﻤﺎﺋﺔ ﻭﺧﻤﺴﻴﻦ ﺟﻨﻴﻬﺎً . ﻭﺫﻛﺮ ﺃﻧّﻪ ﻃﺎﻟﺐ ﻣﺮﺍﺭﺍً ﺑﺰﻳﺎﺩﺓ ﺍﻟﺮﺍﺗﺐ ﺍﻟﺬﻱ ﻻ ﻳﻐﻄﻲ ﻧﻔﻘﺎﺕ ﺃﺳﺮﺗﻪ ﺇﻻ ﺃﻥّ ﺻﺎﺣﺐ ﺍﻟﻤﻨﺰﻝ ﺗﺠﺎﻫﻞ ﺫﻟﻚ ﻣﻤﺎ ﺍﺿﻄﺮﻩ ﺇﻟﻰ ﺗﺪﺑﻴﺮ ﺣﺎﺩﺛﺔ ﺍﻟﺴﺮﻗﺔ ﻣﻊ ﺁﺧﺮﻳﻦ .
ﻭﻗﺎﻝ ﻗﻄﺒﻲ ﻓﻲ ﺃﻗﻮﺍﻟﻪ ﺃﻣﺎﻡ ﻗﺎﺿﻲ ﻣﺤﻜﻤﺔ ﺟﻨﺎﻳﺎﺕ ﺑﺤﺮﻱ ﻭﺳﻂ، ﺑﺄﻧﻪ ﻳﻮﻡ ﺣﺎﺩﺛﺔ ﺳﺮﻗﺔ ﻣﻨﺰﻟﻪ ﻛﺎﻥ ﺑﺎﻟﻤﻤﻠﻜﺔ ﺍﻟﻌﺮﺑﻴﺔ ﺍﻟﺴﻌﻮﺩﻳﺔ ﻫﻮ ﻭﺃﺳﺮﺗﻪ ﻷﺩﺍﺀ ﺍﻟﻌﻤﺮﺓ، ﻭﺑﻌﺪ ﺳﻤﺎﻉ ﻧﺒﺄ ﺍﻟﺴﺮﻗﺔ ﻋﺎﺩ ﺇﻟﻰ ﺍﻟﺨﺮﻃﻮﻡ ﻭﻋﻨﺪ ﻭﺻﻮﻟﻪ ﺇﻟﻰ ﻣﻨﺰﻟﻪ ﻭﺟﺪ ﺍﻟﺒﺎﺏ ﺍﻟﺨﺎﺭﺟﻲ ﻣﻔﺘﻮﺣﺎً ﻭﺍﻟﺪﺍﺧﻠﻲ ﻣﻜﺴﻮﺭﺍً ﻭﺩﻭﺍﻟﻴﺐ ﻣﻜﺘﺒﻪ ﻣﺤﻄﻤﺔ ﻭﺍﻷﻣﻮﺍﻝ ﻗﺪ ﺳﺮﻗﺖ .
ﻭﺃﺿﺎﻑ ﺃﻥ ﺣﺎﺭﺱ ﺍﻟﻤﻨﺰﻝ ﺃﺧﺒﺮﻩ ﺑﺄﻧﻪ ﻗﺎﻡ ﺑﻔﺘﺢ ﺑﻼﻍ ﻟﺪﻯ ﻗﺴﻢ ﺍﻟﺼﺎﻓﻴﺔ ﻭﺑﻌﺪﻫﺎ ﺗﺎﺑﻊ ﺇﺟﺮﺍﺀﺍﺕ ﺍﻟﺒﻼﻍ ﻭﺃﺧﺬﺕ ﺃﻗﻮﺍﻟﻪ ﻛﺸﺎﻙ ﻣﺘﻀﺮﺭ .
ﻭﺃﻛﺪ ﻗﻄﺒﻲ ﻟﻠﻤﺤﻜﻤﺔ ﺃﻥ ﺍﻟﻤﺘﻬﻢ ﺍﻟﺴﺎﺩﺱ ﻛﺎﻥ ﻳﻌﻤﻞ ﻣﻌﻪ ﺳﺎﺋﻘﺎً ﺧﺎﺻﺎً ﻟﻔﺘﺮﺗﻴﻦ، ﺍﻷﻭﻟﻰ ﻛﺎﻥ ﻋﺴﻜﺮﻳﺎً ﺑﺎﻻﺳﺘﺨﺒﺎﺭﺍﺕ ﺍﻟﻌﺴﻜﺮﻳﺔ، ﻭﺍﻟﺜﺎﻧﻴﺔ ﺑﻌﺪ ﻓﺼﻠﻪ، ﻣﺆﻛﺪﺍً ﺑﺄﻧﻪ ﻟﻢ ﻳﻄﻠﺐ ﻣﻨﻪ ﺃﻥ ﻳﻮﺍﺻﻞ ﻣﻌﻪ ﻓﻲ ﺍﻟﻌﻤﻞ ﺑﻌﺪ ﺍﺳﺘﺪﻋﺎﺋﻪ ﻣﻦ ﻗﺒﻞ ﺍﻻﺳﺘﺨﺒﺎﺭﺍﺕ ﺍﻟﻌﺴﻜﺮﻳﺔ ﻭﻟﻢ ﻳﺘﺎﺑﻊ ﻣﻮﺿﻮﻉ ﺍﺳﺘﺤﻘﺎﻗﺎﺗﻪ ﺑﻌﺪ ﻓﺼﻠﻪ .
| |
|
|
|
|
|
|
|
|
|
Re: موجة الغلاء موجه رباني (Re: عبدالحفيظ ابوسن)
|
| Quote: اي شي لو حصل قضا وقدر إلا قدوقدو دة لو اندفق إهمال |
والله يا أخ اب سن
انا قريت التصريح من هيئة علماء السودان واحترت أولا واخيراً في (قوة عين هؤلاء الناس)
تحياتي
أحمد الشايقي
| |
|
|
|
|
|
|
|
|
|
Re: موجة الغلاء موجه رباني (Re: عبدالحفيظ ابوسن)
|
الأستاذ الفاتح جبرا
إبتسم فأنت في هذا العهد الزاهي النضير .. ثم بعد أن تبتسم ابك ما شئت لك من البكاء و (جعر) .. ثم أضحك ملء فيك وبعد أن تتأكد بأنك (جنترتا) ..توجه لأٌقرب (صينية) ثم قم (بالتحلل) الاصغر وذلك بالتخلص من (القميص والفنيلة) أما التحلل الأكبر (من غير هدوم) فأتركه حتى تقرأ هذا التصريح الذي جاء ضمن حوار أجرته (صحيفة المجهر) بعدد أول أمس (الجمعة) مع فضيلة الشيخ محمد عثمان رئيس هيئة علماء السودان ..
سئل معالي الشيخ في الحوار الذي أجري معه (ما رأئكم في موجة الغلاء التي إجتاحت الأسواق والأسعار) فأجاب لا فض فوه :
(موجة الغلاء الحالية هي بلاغ من عند الله سبحانه وتعالى للأمة إلى أن تتوب وتعود إلى الله ، وكما قال تعالى (ولو أن أهل القري آمنوا واتقوا لفتحنا عليهم بركات من السماء) !
الشيخ الموقر يعزي ما يحدث في طول هذه البلاد وعرضها من فساد يزكم الأنوف وإستباحة غير مسبوقه في نهب المال العام أقعدت بالإقتصاد وأهلكت العباد يعزي كل ذلك لبعد المواطنين عن الله ، ويناشد الأمة (يبدو إنو خجل يقول المواطنين) بعد قرابة الثلاث عقود من (الحكم الإسلامي) أن تتوب إلى الله !
الشيخ الموقر لم يعز ما يحدث من غلاء وضنك وكوارث للقروض الربوية العديدة التى أجازها البرلمان بحجج ومبررات (واهية) وسكت عنها الشيخ وهيئته الموقرة (كمثال) ذلك القرض الربوي لتمويل مشروع الرصيرص من الصندوق العربي للإنماء الاقتصادي والاجتماعي بقيمة 60 مليون دينار كويتي والذي تمت إجازتة فى خلال (شهر رمضان) !!
قال الله سبحانه وتعالى: (يَا أَيُّهَا الَّذِينَ آمَنُوا اتَّقُوا اللَّهَ وَذَرُوا مَا بَقِيَ مِنَ الرِّبَا إِن كُنتُم مُّؤْمِنِينَ (278) فَإِن لَّمْ تَفْعَلُوا فَأْذَنُوا بِحَرْبٍ مِّنَ اللَّهِ وَرَسُولِهِ ۖ وَإِن تُبْتُمْ فَلَكُمْ رُءُوسُ أَمْوَالِكُمْ لَا تَظْلِمُونَ وَلَا تُظْلَمُونَ) سورة البقرة، 278-279 .
ليه ما يحصل البحصل لينا ده يا شيخنا الكريم و(حكومتك) تتحدي الله سبحانه وتعالى وتبيح (الربا) وكمان مش كده وبس (في رمضان) !!!!! وأنتم سكوووت !! ثم إذا تكلمتم عزيتم ما يحدث إلى أثام الشعب وذنوبه وبعده عن الله ... الله الذي تجاز له قروض الربا في نهار رمضان !!
والشيخ الموقر يعلم تمااام العلم بأنه لا يوجد استثناء في أكل الربا ، كما يعلم بأن القرآن كان صريحاً فيما يتعلق بالمعاملات الربوية وأنه لا مجال لاجتهاد فيها ... فلا ضرورة تبيحة ولا يحزنون وهب يا شيخنا أن الضرورة تبيحه فهل نحن في ضرورة وقحط ونحن في بلاد يختفي من ميزانيتها ما يقارب (مليار دولار) فلا يعرف له مكان؟ وهل نحن في فقر ومسغبة في بلاد يتحلل فيها اللصوص عما (هبروه) من مئات المليارات دون أن نسمع لكم رأياً أو نقرأ لكم بيانا (يااخ بااالغتا) !
إذن هي يا شيخنا الفاضل حرب من الله ورسولة كما جاء في كتاب الله فلا تحمل الأمة ما لا طاقة لها به ، وعموما وعملاً بما صرح به الشيخ المبجل وحيث أن مشروع (التوبة لكل مواطن) الذي طرحه (شيخنا الجليل) من المفترض أن يهم (أمنا الحكومة) في المقام الأول إذ من شأنه خفض الأسعار وإستقرار الدولار لذلك حقو (الحكومة) تقبض في (الكرت) ده بأيدينا العشرة وتقوم بتنزيل مشروع (التوبة) إلى أرض الواقع ، وتتأكد تماماً بأنو أي مواطن في هذا البلد الأمين قد تاب إلى ربه وأناب .
بالطبع سوف تكون هنالك عدة عقبات عملية سوف تواجه الحكومة منها .. كيف تتأكد الحكومة بأن المواطن قد تاب إلى ربه ؟ مش ممكن مواطن يقول (تبتا) وهو ما تاب ؟
تفادياً لهذه الثغرة العبد لله يقترح بأن تكون (التوبة) مع (فاتورة الكهرباء) يعني ذي (الموية) ، تمشي تشتري (كهرباء) تقول للموظفة :
- (أديني كهرباء بي عشرين )
- طيب ردد معاي ..
- أردد معاكي شنووو
- التوبة ..
- توبت شنو كمان؟
- كيفن إنتا مش عارف أي مواطن مفروض يتوب لى ربو عشان الأسعار تنخفض والدولار ينزل ذي ما قال مولانا محمد عثمان؟
- لا والله .. هو الدولار بينزل كده؟
- خلينا من الكلام ده .. إسمك منو ؟
- عبدالسخي
- طيب قول معاي .. أنا المواطن عبدالسخي ..
- أنا المواطن عبدالسخي
- أتوب إلى الله
- أتوب إلى الله
- توبه نصوحا
- توبة نصوحا
- خلاس كده بقيت مواطن تائب .. أها قلتا ليا داير كهرباء بي كم ؟
- بي عشرين
- لكن يا عبدالسخى الموية براااااها بي خمسة وعشرين !!!!!!! رين رين رين !!!
كسرة :
• دي حالة يتوبو فيها !!
كسرة ثابتة (قديمة) :
أخبار ملف خط هيثرو العند النائب العام شنو (وووووووووووو)+وووووووووووو)+ (وووووووووووو)+(وووووووووووو)+(وووووووووووو)+ (وووووووووووو)+و+و+و+و+و+و+و+و+(و)+و
• كسرة ثابتة (جديدة)
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووووووو) +(وووووووووووو)+و+و+و+(و)+و
• كسرة جديدة لنج :
أخبار (أجهزة التصنت عالية الدقة) التي إستخدمت في غش إمتحانات الشهادة السودانية لسنة 2016 يا وزيرة التربية شنو (و)+(و)+(و) +و؟
| |
|
|
|
|
|
|
|
|
|
Re: موجة الغلاء موجه رباني (Re: ASHRAF TAHA)
|
قالوا يا اشرف
الزول جا لي جارو يشحدو حمارو لي مشوار
جارو قال ليهو الحمار مافي ساقو الولد
في اللحظة دي الحمار هنق جوة البيت . جارو قال ليهو
ماياهون دا الحمارقاعد
رد ليهو
انت طالبنا حمار ولا عذر
ف شنو
الجماعة ديل التقول طالبنهم عذر
| |
|
|
|
|
|
|
|
|
|
Re: موجة الغلاء موجه رباني (Re: عبدالحفيظ ابوسن)
|
شكرا أخ أبو سن
بالنسبة للسادة هيئة علماء السودان
كنت منتظر الجماعة يطلعوا بيان يطالبوا إمام المسلمين بالقيام بواجبه في محاربة السوق السوداء والنظر في اجراءات لضبط الغلاء المتصاعد وارتفاع اسعار العملات الاجنبية في مقابل الجنيه السوداني
لو توبة المواطنين المغلوبين على امرهم هي العلاج الموصوف من هيئة علماء السودان فلماذا لا تشمل التوبة المحكومين والحكام
أم أن الهيئة ترى أن السادة الحكام لا حاجة لهم بالإنابة إلى ربهـم وأنهم أطهار مطهرون وأبرار مقربون ولا يأتيهم الباطل من بين ايديهم ولا من خلفهم
إذا كانت الهيئة تعتقد أن الغلاء وارتفاع الدولار فقط سببه ذنوب المواطنين فليعوضنا الله في الهيئة وفي علمها وفي الدنيا التي عليها السلام
وإذا كانت لا ترى سبباً لنصح الولاة والحكام وتشجيعهم وحثهم على اتخاذ الاجراءات الكفيلة بضبط الدولار والاتجار في العملات والاستيراد المطلوق على الآخر فلا بد من التساؤل عن عدالة عهؤلاء الناس
سيكون هذا البيان والتصريح سبباً في عدم الاخذ بأي فتوى صادرة من هذه الهيئة والامتناع عن تقديمها في أي أمر من أمور الدين
لماذا لا تنظر الهيئة في اعادة عقوبة الاعدام على المتجرين بالعملة خارج القنوات الرسمية
أم أن العملات الاجنبية الكافرة (في هذا الزمن) أضحت بأيدي أناس (يهم الهيئة سلامتهــم)
؟؟؟؟؟؟
| |
|
|
|
|
|
|
| |
عبدالحفيظ ابوسن
علي دفع الله
حيدر حسن ميرغني
عثمان عووضة
معاوية المدير
حمد عبد الغفار عمر
بدر الدين الأمير
عبدالمنعم الطيب حسن
وهبه الشبلي احمد
nour tawir
محمد أبوالعزائم أبوالريش
ناصر احمد الامين
ASHRAF TAHA
محمد هاشم ابوزيد
فيس بوك
تويتر
انستقرام
يوتيوب
بنتيريست