من كان عصيانه لمجد شخصي ..

Quote: قول ليه قالت ليك بت نفيسة انا خارج السودان في دولة تعتبر من العشرة دول من ناحية الرفاهيةفي العالم . لا طمعانة في سلطة ولا دايرة لي سلطة كل الدايراه تعيشوا كرماء كما انا اعيش بكل ما تحمل الحياة الكريمة من معني . وقول ليهو انا حا اقيف لاخر نفس في حياتي مع الشعب السوداني . ولو ما دايرنا يارجع بعد التغيير ما حا ارجع حا اقيم قبلي بس حا اكون سعيدة وحا اعيش اسعد لاني حا تنزل مني هموم الوطن التي اصبحت في قمة تعاستي وانا اعيش في بلد لايعرف التعاسة بل بلد في منتهي السعادة .

(عدل بواسطة عمر التاج on 11-29-2016, 10:35 AM)

Quote: سلامات ود التاجطبعا قصة حكومة الملايكة البتتكلم عنها دي مستحيلة تماما ولا حتى في أعلى دول العالم تصنيفا من ناحية الشفافية و النزاهه الفساد في و حظ النفس في و المحسوبية في وكل أمراض النفس البشرية التي تجعلها السلطة تطفو على السطح يلّا الفرق وين:الفرق في القانون العادل والسلطات المفصولة في القضاء البحاكم و البرلمان البشرع و يحاسب و الصحافة البتراقب باختصار الفرق في الديمقراطية الحقيقية البتخلي أي فاسد يخاف مليون مرة قبل ان يسرق لأنه اصغر صحفي ولا مدون انترنت يمكنه جرجرته في المحاكم الديمقراطية القالت لرئيس أكبر دولة في العالم بل الفيتو بتاعك واشرب مويته نحن الكونجرس ممثلين الشعب كلمتنا تمش عليك والفاسدين ديل ما اتولدوا من بطون امهاتهم حرامية لكن علّمتها لهم السلطة المطلقة وغياب المحاسبةعشان كدا لو التغير بقى حقيقي و طبقنا ديمقراطية صاح بعدالتها و محاسبتها ما تشيل هم يمسكنا أيّا كان إن اخترنا الإجابة الصحيحة لسؤال كيف يحكم السودان ما بفرق معانا حينها من يحكم

(عدل بواسطة عمر التاج on 11-29-2016, 12:58 PM)