من الجميلين

Quote: هل شفتا ليك دكتور لقى ليهو حتّة رطب فوقها، مرتو خلتو يرجع لعجاج أم در؟ كل الذي نستطيع فعله لامسودان هو التضامن عبر حوش بكري

Quote: أبوبكر صالح، الشهير بأبي بكر النيجيري لديه طريقة في الكتابة لا تقل في متعتها عن حسن موسى. مرّة بقطع فوقو مع صديقنا هاشم الحسن الذي يهيم بشوارع سان انطونيو بحثا عن مخرج يؤدي لقبة سيدي الحسن بكسلا قال لي هاشم الحفيد: أبوبكر صالح هو حسن موسى بتاع سودانيز قلت ليهو: لكن دا نيجيري قال: برضو بشبهو

. حسن موسى دا شعرا ما عندنا ليهو رقبة. الراجل عنده اسلوب عجيب فى التعبير لا يقل فى تفرده عن اسلوبه فى الرسم و التشكيل. انا غايتو كل ما عندي هو شوية لسعة رباطابية ورثتها من امي. ايام العوة حقت نجيري ديك بتونس معاها فى التلفون. قلت ليها يا بت ابو العاص انتو قالوا جايين من نيجيريا، قالت لي القاولك منو؟ قلت ليها واحد في الانترنت. اخدت ليها صنة و قالت لي وكت الناس جوا من نيجيريا و سكنوا الباوقة هو حارس باقي الصقيعة ديل بسوى فى شنو
بقية اهها موزعين بين العبيدية وبربر لكنها تلعن سلسفيل العبيدية. تقول ليك العبيدية كان ربطوا فيها الحمار، يقطع يفوت!

Quote: ابوبكر صالح اب جزم زول حلو

انا قريت الثانوي فى كوستي و عندي اهل كتار موزعين فيها، لكن ما لاقاني زول بالمفهومية الشديدة ايامي الفيها.
ربما لانو اانا جيتها اعربي جديد من المرابيع ود اللبيح ما عرفت مداخل البلد.

Quote: بكور الكلس ده برلومي في المنبر يامان حقيقة روحه حلوة في الكتابة

. طبعا انا عارف بشلاقتي دي مرات احرجته شوية لكن فوتاها لي و ما قصر، في مقامي اخوي الكبير و الله.

Quote: مفيش احراج ياشفيف كلنا في النضال حدين سيف وسوا بنقاتل

مية مية يا فردة.

Quote: . وبعين مين ابوبكر صالح .. والبتوصفوهو بكتاباته الظريفة.. وليه ما قرينا ليه قبال كدي.. والله يديك الصحة والعافية

Quote: ابوبكر صالح فارس لا يشق له غبار وله بصمة واضحة ومميزة وسط فرسان هذا الميدان

Quote: تفق معك مية المية سيكون له شان عظيم في السياسةبعدين يا مستنير ابوبكر حاف ما بتجي ابوبكر دكتور وعالم فيزيائي اد الدنيا

. ضحكنا زيين و الناس سكتوا من الضحك و انا واصلت براي اضحك كل شوية من النكتة، غلبني اسكت. ام ايمن قالت لي انت مالك بتضحك لحدي هسة، ايمن قال ليها ما دا من العواليق بتاعين الجامعة زاااتم. اها يا صاحبي نحنا هنا عواليق جامعة ساكت! حتى بكور دكتور الابل ماخد حق دكترته بالكامل و نحنا بتاعين فيزياء الغلاف الجوي و المحيطات ضاعين ساكت ههههه.

(عدل بواسطة abubakr salih on 10-10-2016, 09:08 AM)

Quote: ابوبكر كتاب جدا وممتع اظنه برضو عنده كتابة سمحة في الرياضة ومنتديات كووورة لوما اتلخبطت في الاسماء

Quote: التانية..المدحة دي على زماننا وزمان ناس ابكر الطويل..كانت تجري هكذا:قالوا البرلوم انخلع..دخل الإكزام وقع..حماني الباص منع..!قام برلوم وبرلومة..!!

(عدل بواسطة abubakr salih on 10-10-2016, 02:10 PM)

Quote: يا ابو بكر النيجيرى سلام غايتو شايف انه ربنا حباك بصفات كثيرة تشابه فيها زولنا دة غير الاستنارة زمان فى الحلة كانوا بينادوه بابكر الفلاتى تانى حاجة الاثنين طلعتوا دكاترة ساى لو اكلتوا عنكوليب زول بيلومكم مافى

تضامنا مع مرضاهم.

Quote: ما تخليه يستمتع بالشكر دا شوية!! غالبك تصبر يوم يومين :)