|
دعواتكم لزميلنا المفكر د.الباقر العفيف بالشفاء العاجل
|
|
 Re: منو الداير اقابلهم من اعضاء المنبر و ليه ؟ (Re: يحي قباني)
|
2- الحبيب و الرجل الوقور العم ارنست ... سوداني عجوز ...
رغم ان بوست عدت الى المنبر لأبشر بالمسيحية لا يؤذيني على الاطلاق ...
سؤالي ... هل اقنعت احد حتى الان بالدخول للمسيحية و انت في الجزء الخامس ؟
او ما هو الهدف الحالي و المرتجى من البوست...
مع كامل احترامي و تقديري ...
| |
  
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: محمد عبد الله الحسين)
|
Quote: الأخ يحي صباح الخير
أنا قريت العنوان و بداية الموضوع و اكنت قايل إعجاب و كده للشخصيات المقصودة.
لكن في الآخر لقيتها زي التحقيق......هههههه
إمكن أكون غلطان
و لّأ الاثنين؟
المهم في الحالتين بيفتح دروب كتيرة بتكسر الحواجز.
تحياتي لك و لضيوفك الكرام
|
تحياتي محمد عبد الله ...
انا ما بريد بوستات الاعجاب دي نهائيا ... اللهم الا يكون في Wow Factor على قولة الكنديين ...
اما الزول الكويس فنشكره لي شنو ... ما ده الطبيعي ...
تحياتي يا جميل ...
| |
|
|
|
|
|
|
|
|
 Re: منو الداير اقابلهم من اعضاء المنبر و ليه ؟ (Re: الطيب رحمه قريمان)
|
تحياتى يا قبانى .. اشكرك و انا اتمنى ان اراك .. باذن الله تعالى ساكون فى Toronto فى سبتمبر القادم ..
و بما انى اجبت سؤالك بالطريقة التى طلبت .. لى ان اوضح امر لك و للقارئ ..
أنا الطيب رحمه قريمان .. مواطن سودانى .. و عقديا انتمى الى طائفة الانصار .. بحكم الاسرة و بقناعة تامة و رضى ..
و سياسيا .. انتمت الى حزب الامة القومى مبكرا .. و عملت فيه و مارست فيه عملا سياسيا فى السودان و فى كل البلاد التى عشت فيها ..
و لا ازال عضوا فيه الى يومنا هذا .. لم أقدم استقالة منه و لم افصل من عضويته الى هذا اللحظة ..
الطيب رحمه قريمان
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: الطيب رحمه قريمان)
|
Quote: هههههههههه مبالغة يا قريبك
دي حسن موسى هيمسلف ما سبقك عليها :) |
وكت جيتني بي كرعينك يا هندسة :)
و الله عندي سؤال ...
1- بوستك حق الصلاة على الحبيب ... لامن كل يوم بترفعه الصباح بالصلاة على الحبيب ...
هل بتتوقع تزيد حسنة كل يوم لانك كتبت ذلك فعليا مع انك ممكن تصلي على الرسول الحبيب في سرك ...
ام بتتوقع تاخد حسنتك زايد كل اجر حسنات الناس الداخلين معاك ... ؟
و لا الحكاية معاندة زي ما قال عبد الرحمن الريح هههههه
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: زهير عثمان حمد)
|
أبدا يا هندسة ويا الغالي, ما قاعد أحسب الحسنات بالطريقة دي كل ما في الأمر حبيت أن تكون الصلاة على الرسول هي أول ما أكتبه في البورد
و ما أظن هناك من يتأذى أو يتضايق من الصلاة على الرسول حتى أعانده بها
أها انتهيت من اسألتك ولاّ لسه عشان عندي كم سؤال برضك و ارجو ما تتحسّس بس :)
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: جلالدونا)
|
ياخ سليت روحنا,, سعالك لى انا شنو عشان نخلص.
ودالبشرى ده مابتلقالك فيه فَرقة ,, تقول ليهو ساكن وين؟
يقوليك فى بيتنا ,, تقول ليه بيتكن وين يقول ليك مع أخوى
واخوك ساكن وين يقول ليك مع بعض ,,
***********
جلالدونا ياخ صَلِّح مداخلتك البِقت زى العربية العطلانة فى شارع
One way دى.
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: الطيب رحمه قريمان)
|
يا طيب رحمة،
تنتمي عقديا لطائفة الأنصار بحكم الأسرة وبقناعة تامة
دي شويّة صعبة علينا!
كدي في الصيف الجاي وانت في تورنتو خلي الأنصار والمهدي والاسلام ذاتو لمدة اسبوع
وفكر في القناعة التامة دي من جديد
قناعة تامة عديل؟
يا أخي، يزوروا فيك
الشيء المحيرني في المهدية والانصار، المهدي دا كيف كان ببكي بعين واحدة؟!
بالمناسبة:
إتّا من الناس القاعد ارتاح ليهم في المنبر دا
والشين عجبو قاسي
موش برتاح ليهم بس، بريدهم
ريدة الصداقة، بالك ما يمشي بعيد
تقول ودمدني ال. دا قاصد شنو؟
فيك صدق لا يخفى على المستنيرين امثالي
الصدق الواحد دا
فشنو؟
سلام ليك ولقباني وفاطمة عمر وعثمان حسبن وهاشم صديق
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: أبوبكر عباس)
|
المايسترو قباني ازيك يا اخي
الدخلني البوست الملان مطبات دا مداخلة المستنير ابو بكر ..
وينو الصدق الحاسيه في هذا القريمان ..زول اخر مداخلة رفعها في بوستو بتاع (انجاس مطلوبين للقصاص )قبل اسبوع واحد من وصولو للخرطوم واثبا مع ابلة تراجي ..
انعل ابو الصدق البتشموا في اسبوع واحد من تغيير قناعات الشخص ل 180 درجة ..
دي استنارة شنو دي ؟؟؟؟؟
مالك يا اخي بتخبط في الحلل...
لسع ليك في سويداء القلب محبة
خليك صادق حتى في كضبك ..
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: أبوبكر عباس)
|
تحياتى و تقديرى لك يا قبانى و لضيوفك ..
تحياتى و تقديرى للاستاذ ابو بكر عباس ..
كتب الاستاذ ابو بكر عباس ..
Quote:
يا طيب رحمة،
تنتمي عقديا لطائفة الأنصار بحكم الأسرة وبقناعة تامة
دي شويّة صعبة علينا!
كدي في الصيف الجاي وانت في تورنتو خلي الأنصار والمهدي والاسلام ذاتو لمدة اسبوع
وفكر في القناعة التامة دي من جديد
قناعة تامة عديل؟
يا أخي، يزوروا فيك
الشيء المحيرني في المهدية والانصار، المهدي دا كيف كان ببكي بعين واحدة؟!
بالمناسبة:
إتّا من الناس القاعد ارتاح ليهم في المنبر دا
والشين عجبو قاسي
موش برتاح ليهم بس، بريدهم
ريدة الصداقة، بالك ما يمشي بعيد
تقول ودمدني ال. دا قاصد شنو؟
فيك صدق لا يخفى على المستنيرين امثالي
الصدق الواحد دا
فشنو؟
سلام ليك ولقباني وفاطمة عمر وعثمان حسبن وهاشم صديق |
يولد المرء و بالطبع و لا يختار والديه و لا مكان ميلاده و لا كيف يولد و لا يستطيع تحديد ملامحه .. و هذا من المعلوم بالضرورة ..
انا ولدت و بالتالى لابوين ينتميان الى الاسلام و تحديدا طائفة الانصار السودانية .. و هى فى الحقيقة هم .. انصار الله و ليست انصار المهدى .. و لكن احباب الامام محمد أحمد بن عبدالله ..
و تعلمت البيعة .. و كنت انناقش والدى فى تفاصيلها .. و لم اكن تابع دون بصيرة بل كنت مناقشا و مناكفا ..
فترعرعت و كبرت و تشربت افكار و نهج هذه الطائفة دون ان يكون لى خيار بفهم و وعى .. و لبست "العراقى " ال" العلا الله " و انا طفل مثل كغيرى من اطفال الانصار ..
و بفضل الله قد اتحيت لى الفرصة ان اطلع على كثير من الكتب .. من مكتبة عمى التى "سرقت " معظم كتبها .. و عمى شقيق والدى كان نهم و قارئ ممتاز .. حفظه الله ..
فوجدت فيها عدد كبير من الكتب متنوعة و مختلفة .. و اذكر ان اهم ما قرأت من تلك الكتب .. كتابا .. كان عنوانه .. كيف تقرأ..
بعد الاطلاع على ذلك الكتاب .. استطعت ان اصنف الكتب التى ملاءت غرفتى انذاك .. و بذلت جهد غير مقصود و لا مخطط له ان اطلع و اغوص فى بحور تلك الكتب و انا فى سن صغيرة جدا ..
و اذكر أنى كنت اقضى اليوم كاملا فى القراءة .. و كانت تاتىنى امى رحمها الله .. و وسدها الباردة .. بالاكل و الشرب دون ان اتحرك الا للضرورة ..
و كنا نسافر الى كوستى و نحن صغار السن مع الوالد رحمه الله .. فكنت اذهب الى مكتبتها الرئيسية الوحيدة انذاك .. و اشترى الكتب بمختلف انواعها لانها فرصة لا تتكرر الا كل حين ..
فقرأت فى مجالات عدة .. الجغرافيا و التاريخ و العلوم و الى العقيدة و الفلسفة و ما الى ذلك مما اتيح لى ..
سافرد بوست منفصل لتفاصيل ذلك .. باذن الله ..
المهم .. و انا فى المرحلة الثانوية .. تلخبط على الامور .. خاصة .. انى ذهبت الى مدينة كسلا لدراسة المرحلة الثانوية .. لوجود نشاط طلابى ضخم .. و اركان و نقاشات بين الطلاب و الاساتذة .. و دى قصة طويلة ..
لكن المهم يا أبا بكر .. بعد جهد و تنقيب و اطلاع .. وصلت الى قناعة ان منهج طائفة الانصار .. انصار الله و احباب الامام المهدى هو منهجى .. و سوف افصل ذلك فيما بعد ..
لذلك قلت انى .. انا انصارى بحكم الاسرة و بقناعة بالاطلاع و المقارنة .. و هناك دبابيس .. و منعرجات .. سوف اناقشها فى مكان آخر
و اما بكاء الامام المهدى طيب الله ثراه .. بعين واحدة فلم اسمع به من قبل .. فاذن .. انا و انت in the same boat ..
فاما انك تريدنى .. فاسال الله ان يحبك الله الذى احببتنى فيه .. فانا و الله احبك فى الله حبا خالصا لوجهه الكريم ..
و اتمنى ان التقيك قريب جدا باذن الله تعالى .. و بالمناسة فى الحتة دى مخى ما بيمشى بيعد ابدا ..
I usually do not assume
و انت عارف لما الزول assume البحصل شنو .. هههههههههههههه
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: يحي قباني)
|
Quote: تحياتي يا هندسة لك وللضيوف
تعرف أنا بتكتب ياربي برضو أنا عايز الموية اللي بحبها ما تنقطع أبدا
وتحياتي للعجوز أسامة |
أبو الزوز يا رجل يا دكشنري ...
صاحبك أسامة كان في السودان الأسبوع القبل الفات و رجع ... قعد أسبوع ...
توفى عمك مجدوب مدثر رحمه الله ...
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: يحي قباني)
|
Quote: أبدا يا هندسة ويا الغالي, ما قاعد أحسب الحسنات بالطريقة دي كل ما في الأمر حبيت أن تكون الصلاة على الرسول هي أول ما أكتبه في البورد
و ما أظن هناك من يتأذى أو يتضايق من الصلاة على الرسول حتى أعانده بها
أها انتهيت من اسألتك ولاّ لسه عشان عندي كم سؤال برضك و ارجو ما تتحسّس بس :) |
و ليه بس الان الحُب ده ظهر معاك ؟
ليه ما من زمان مثلاً ما كنت بتبتدا بيو يومك هنا ؟
الدين ده مش من زمان ؟ و لا في حاجة جديدة يا هندسة ؟
_____________________________________
لا ما انتهيت و الله ... لستتي طويلة ... فشنو ... لوك الصبر ...
بعدين ياخ انا فاتح بوست عشان أسأل و لا يسألوني ؟
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: يحي قباني)
|
Quote: امممممممممممك
[......أها انتهيت من اسألتك ولاّ لسه عشان عندي كم سؤال برضك و ارجو ما تتحسّس بس :)......]
غايتو يا قبانى كان انتهيت من اسئلتك حقك راح
[..... اسألتك ,,,,]
شدّة مو مستعجل لامن بقى يغلط الغلطات البتضرس ديك
|
عشان بنوم ليو .. يا جلي ... ههههه
| |
|
|
|
|
|
|
|
|
 Re: منو الداير اقابلهم من اعضاء المنبر و ليه ؟ (Re: يحي قباني)
|
يحي
سلام واشتيااق.........
الناس البتسئ وبطارد بتعبر عن نفسها
وهم ما بسيؤو لي انا انما لا نفسهم ولتربيتهم
وانا الحمد لله عارفه نفسي وواثقه منها عشان كده ما بتلفت لي كلام الناس
بل بختو تحت رجلي واعلو
ومعروف من قديم انو الناس بترمي الشجر المثمر
واساءات الفاقد التربوي بتديني الاشارات اني صاح واني موجوده في الامام
عشان كده بهاجموني
والناس ما بتهاجم الفاشلين
وكما قال الامام علي بن ابي طالب هي صحائفهم فاليكتبوا فيها ما شاؤوا
ووجود الناس الزيك ومولانا مرتضي وكثيرين من الجميلين في المنبر
هم البدوني الدافع عشان اتواجد
ودا حال الدنيا زي مافي ناس جميلين ورائعين
فيها السيئين وقليلين التربية والمواهيم والفاقد التربوي والحساد
فهل الواحد بخلي الدنيا عشانهم
عشان كده انا موجوده
تحيانى
واحترامي الذى تعرفه
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: وضاحة)
|
يحي
سلام واشتيااق.........
الناس البتسئ وبطارد بتعبر عن نفسها
وهم ما بسيؤو لي انا انما لا نفسهم ولتربيتهم
وانا الحمد لله عارفه نفسي وواثقه منها
عشان كده ما بتلفت لي كلام الناس
بل بختو تحت رجلي واعلو
ومعروف من قديم انو الناس بترمي الشجر المثمر
واساءات الفاقد التربوي بتديني الاشارات اني صاح
واني موجوده في الامام عشان كده بهاجموني والناس ما بتهاجم
الفاشلين وكما قال الامام علي بن ابي طالب هي صحائفهم
فاليكتبوا فيها ما شاؤوا ووجود الناس الزيك
ومولانا مرتضي وكثيرين من الجميلين في المنبر هم البدوني
الدافع عشان اتواجد ودا حال الدنيا زي مافي ناس جميلين ورائعين
فيها السيئين وقليلين التربية والمواهيم والفاقد التربوي والحساد
فهل الواحد بخلي الدنيا عشانهم عشان كده
انا موجوده تحيانى واحترامي الذى تعرفه
يا سلام عليك يا دكتورة
كلام واضح من وضاحة
كلام ينضح عقل و رزانة
لك و ل يحي أنضر التحايا
| |
|
|
|
|
|
|
|
|
 Re: منو الداير اقابلهم من اعضاء المنبر و ليه ؟ (Re: محمد جلال عبدالله)
|
معروف في بلدنا المنكوب دا الأنصارية والختمية يدخُل فِيهِن عامل الوراثة.
إنت يا المستنير قباني دا ما داير يقابلك عِشان يسعلك من سغالتك العمّت
القرى والحضر دي ؟.
مودتي التي تعلم.
يا علي دفع الله أهلنا في المثل قالوا،
كُلُو عفناً ليهُو شمّام.
يا جلالدونا صلّح مدآخلتك المِتل الريالة دي يأخ...
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: معاوية المدير)
|
فعلا يا بكرى الصدق ماعندو علاقة بين الصاح والغلط
اذا اخدنا الرقم مثلا مية ..رقما مجردا .. وختينا الصفر نقطة مرجعية .. هنا الامر بختلف
شوف الفرق بين المية يمين الصفر والمية شمال الصفر بتكون 200 كعدد مجرد
يعني لو زول مشي من الخرطوم للشمالية مية كيلو وزول تاني مشي مية كيلو في اتجاه الجزيرة المسافة بينهم بتزيد
ف شنو الفكرة
ايهما يصعد بقيم الانسانية وايهما ينحط بها
سيدنا ابوبكر صادق في امره وابوجهل صادق في امره وكلاهما مستعد للموت من اجل ما يؤمن به . لن يرفع قتل ابوجهل من صدقه
أطلب الموت توهب لك الحياة
قائلها سيدنا ابوبكر
مع الاخذ في الاعتبار ان الاسلام ثورة دعمها الفقراء
مع اكيد الاحترام
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: جلالدونا)
|
"كل عفنا ليهو شمام"
يعني الطيب عفين وأنا أعفن منو!!
ألا تستطيع أن تتعلم من مداخلات ناس ابسن ديل في أدب الحوار؟
يعني يا نتفق معاكم في نظرتنا للاشياء، يا تحصبونا بقلة أدبكم؟!
كدي خلينا من موقف قريمان من الحوار فقريمان رجل سياسي تتباين مواقفه وتتغير ١٨٠ درجة
أقول ليك موقفك من الحوار وهيجتك الثورية* دي سببها شنو؟
سببها انو بعد التلاوة واللقيمات مع منصور، تاني يوم سمعت بيهو في الخرطوم دون أن يكلمك بموعد سفرو
لو كان كلمك، اقسم كنت وصلتو المطار
وكنت الآن مدافعا عنه
نحن نتابع الناس عبر هذه الشاشات ونكون فكرة جيدة عن شخصياتها، وبساطة شخصيتك لا تخفى
--------------
* ثورية من ثور هائج
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: أبوبكر عباس)
|
أنا زاتي ما عايز أقابل قباني دا
"صابر" ود جيرانّا في حي النصر كوستي قرينا الابتدائي سوا
كان فردة الروح، ما يفرقنا إلا النوم
الصباح الصباح و هو قاطع الشارع الفاصل بيناتنا يكورك قبُل يدفر باب بيتنا:
مِعااوية مِعااوية
يناديني نمشي المدرسة و ناس بيتنا يضحكوا من طريقة نطقو لإسمي
ويتشرقوا بكباية الشاي
------
بعد الابتدائي نقلوهم الخرطوم، فافترقنا.. الكلام دا سنة 75
بعد عشرين سنة لمحتو في المحطة الوسطى (ميدان أبو جنزير)
زُغت مِنّو وغيّرتَ طريقي.. ليه؟
فكّرت برومانسية عويرة جدا إني من شِدة شوقي ليهو
أقوم أطوّل فترة الافتراق وأؤجّل لحظة اللقاء
تقول الواحد كاتب عقد عُمر مع ربنا
مرّت عشره سنوات تانية ثم التقينا (2005)
حق الله بق الله .. حق الله بق الله، وتتذكّر وما تتذكّر..
بعد نص ساعة شعرت بإنو ما عندي حاجة تانية -تاني- أقولها ليهو،
هو زاتو سكت
اتواعدنا نتلاقى وأنا بقلبي أدرك أن وعدي كاذب ومجاملة ساكت ليس إلا
وأنا ماشي منو تراءت لي صورة جير يتقشّر من حيطة علاقتنا
-----
قصتي مع ود قباني ما كده .. لكن زمن ملاقاتو راح وانطوى
المسألة مسألة سياق
ؤ صفيُّ القلب قباني الدين دا.. سياق سبعينات سبعينات
زمن كنت تلاقي الناس في شوارع بلدنا السودان وتحبهم من طرف وتغمز ليهم كمان
أرجو أن أكون قد أبنتُ
وخلّصت ضميري من كذب وعدي لرفيق الطفولة صابر
و أتمنى أن يكون وعده لي حينذاك.. برضو كان كذلك
(جِنّي و جِن الناس البكتبو في بوستي مداخلة أطول من اللّاتي
فليغفر لنا هذا الحلبي اللذيذ)
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: معاوية الزبير)
|
الأخ الحبيب يحى قبانى ..
شكراً لكلماتكم الرقيقة ولدعوتكم التى أكبرها ..
وأنا أيضاً .. أبادلكم نفس الشعور .. ليتنا نلتقى ..
2- الحبيب و الرجل الوقور العم ارنست ... سوداني عجوز ... رغم ان بوست عدت الى المنبر لأبشر بالمسيحية لا يؤذيني على الاطلاق ... سؤالي ... هل اقنعت احد حتى الان بالدخول للمسيحية و انت في الجزء الخامس ؟ او ما هو الهدف الحالي و المرتجى من البوست... مع كامل احترامي و تقديري .. المصدر :
للإجابة على سؤالكم .. هل أقنعت أحداً حتى الآن بالدخول للمسيحية .. الإجابة نعم ..
ولكن أود أن أعدل فى السؤال .. لست أنا الذى أقنع الناس .. بل الله .. وما أنا إلا وسيلة ..
أنا كالمزارع .. الذى يبذر البذار .. فإذا كانت التربة جيدة .. فإن هذه البذار ستأتى بالثمار الجيدة ..
وأما إذا وقعت هذه البذار على أرض حجرية .. أو .. وقعت على قارعة الطريق .. حيث تدوسها الأقدام ..
أو إذا وقعت بين الأشواك .. وخنقتها .. الخ .. الخ .. ولهذا أود أن أقتبس لكم هذا المثل الذى قاله السيد
المسيح ..
إنجيل متى
الفصل / الأصحاح الثالث عشر
1 في ذلك اليوم خرج يسوع من البيت وجلس عند البحر
2 فاجتمع إليه جموع كثيرة، حتى إنه دخل السفينة وجلس. والجمع كله وقف على الشاطئ
3 فكلمهم كثيرا بأمثال قائلا: هوذا الزارع قد خرج ليزرع
4 وفيما هو يزرع سقط بعض على الطريق، فجاءت الطيور وأكلته
5 وسقط آخر على الأماكن المحجرة، حيث لم تكن له تربة كثيرة، فنبت حالا إذ لم يكن له عمق أرض
6 ولكن لما أشرقت الشمس احترق، وإذ لم يكن له أصل جف
7 وسقط آخر على الشوك ، فطلع الشوك وخنقه
8 وسقط آخر على الأرض الجيدة فأعطى ثمرا، بعض مئة وآخر ستين وآخر ثلاثين
9 من له أذنان للسمع، فليسمع
10 فتقدم التلاميذ وقالوا له: لماذا تكلمهم بأمثال
11 فأجاب وقال لهم: لأنه قد أعطي لكم أن تعرفوا أسرار ملكوت السماوات، وأما لأولئك فلم يعط
12 فإن من له سيعطى ويزاد، وأما من ليس له فالذي عنده سيؤخذ منه
13 من أجل هذا أكلمهم بأمثال، لأنهم مبصرين لا يبصرون، وسامعين لا يسمعون ولا يفهمون
14 فقد تمت فيهم نبوة إشعياء القائلة: تسمعون سمعا ولا تفهمون، ومبصرين تبصرون ولا تنظرون
15 لأن قلب هذا الشعب قد غلظ، وآذانهم قد ثقل سماعها. وغمضوا عيونهم، لئلا يبصروا بعيونهم، ويسمعوا بآذانهم، ويفهموا بقلوبهم، ويرجعوا فأشفيهم
16 ولكن طوبى لعيونكم لأنها تبصر، ولآذانكم لأنها تسمع
17 فإني الحق أقول لكم : إن أنبياء وأبرارا كثيرين اشتهوا أن يروا ما أنتم ترون ولم يروا ، وأن يسمعوا ما أنتم تسمعون ولم يسمعوا
18 فاسمعوا أنتم مثل الزارع
19 كل من يسمع كلمة الملكوت ولا يفهم، فيأتي الشرير ويخطف ما قد زرع في قلبه. هذا هو المزروع على الطريق
20 والمزروع على الأماكن المحجرة هو الذي يسمع الكلمة، وحالا يقبلها بفرح
21 ولكن ليس له أصل في ذاته، بل هو إلى حين. فإذا حدث ضيق أو اضطهاد من أجل الكلمة فحالا يعثر
22 والمزروع بين الشوك هو الذي يسمع الكلمة، وهم هذا العالم وغرور الغنى يخنقان الكلمة فيصير بلا ثمر
23 وأما المزروع على الأرض الجيدة فهو الذي يسمع الكلمة ويفهم. وهو الذي يأتي بثمر، فيصنع بعض مئة وآخر ستين وآخر ثلاثين
24 قدم لهم مثلا آخر قائلا: يشبه ملكوت السماوات إنسانا زرع زرعا جيدا في حقله
25 وفيما الناس نيام جاء عدوه وزرع زوانا في وسط الحنطة ومضى
26 فلما طلع النبات وصنع ثمرا، حينئذ ظهر الزوان أيضا
27 فجاء عبيد رب البيت وقالوا له: يا سيد، أليس زرعا جيدا زرعت في حقلك؟ فمن أين له زوان
28 فقال لهم: إنسان عدو فعل هذا. فقال له العبيد: أتريد أن نذهب ونجمعه
29 فقال: لا لئلا تقلعوا الحنطة مع الزوان وأنتم تجمعونه
30 دعوهما ينميان كلاهما معا إلى الحصاد، وفي وقت الحصاد أقول للحصادين: اجمعوا أولا الزوان واحزموه حزما ليحرق، وأما الحنطة فاجمعوها إلى مخزني
31 قدم لهم مثلا آخر قائلا: يشبه ملكوت السماوات حبة خردل أخذها إنسان وزرعها في حقله
32 وهي أصغر جميع البزور. ولكن متى نمت فهي أكبر البقول، وتصير شجرة، حتى إن طيور السماء تأتي وتتآوى في أغصانها
33 قال لهم مثلا آخر: يشبه ملكوت السماوات خميرة أخذتها امرأة وخبأتها في ثلاثة أكيال دقيق حتى اختمر الجميع
34 هذا كله كلم به يسوع الجموع بأمثال، وبدون مثل لم يكن يكلمهم
35 لكي يتم ما قيل بالنبي القائل: سأفتح بأمثال فمي، وأنطق بمكتومات منذ تأسيس العالم
36 حينئذ صرف يسوع الجموع وجاء إلى البيت. فتقدم إليه تلاميذه قائلين: فسر لنا مثل زوان الحقل
37 فأجاب وقال لهم: الزارع الزرع الجيد هو ابن الإنسان
38 والحقل هو العالم. والزرع الجيد هو بنو الملكوت. والزوان هو بنو الشرير
39 والعدو الذي زرعه هو إبليس. والحصاد هو انقضاء العالم. والحصادون هم الملائكة
40 فكما يجمع الزوان ويحرق بالنار، هكذا يكون في انقضاء هذا العالم
41 يرسل ابن الإنسان ملائكته فيجمعون من ملكوته جميع المعاثر وفاعلي الإثم
42 ويطرحونهم في أتون النار. هناك يكون البكاء وصرير الأسنان
43 حينئذ يضيء الأبرار كالشمس في ملكوت أبيهم. من له أذنان للسمع، فليسمع
44 أيضا يشبه ملكوت السماوات كنزا مخفى في حقل، وجده إنسان فأخفاه. ومن فرحه مضى وباع كل ما كان له واشترى ذلك الحقل
45 أيضا يشبه ملكوت السماوات إنسانا تاجرا يطلب لآلئ حسنة
46 فلما وجد لؤلؤة واحدة كثيرة الثمن، مضى وباع كل ما كان له واشتراها
47 أيضا يشبه ملكوت السماوات شبكة مطروحة في البحر، وجامعة من كل نوع
48 فلما امتلأت أصعدوها على الشاطئ، وجلسوا وجمعوا الجياد إلى أوعية، وأما الأردياء فطرحوها خارجا
49 هكذا يكون في انقضاء العالم: يخرج الملائكة ويفرزون الأشرار من بين الأبرار
50 ويطرحونهم في أتون النار. هناك يكون البكاء وصرير الأسنان
51 قال لهم يسوع: أفهمتم هذا كله؟ فقالوا: نعم، يا سيد
52 فقال لهم: من أجل ذلك كل كاتب متعلم في ملكوت السماوات يشبه رجلا رب بيت يخرج من كنزه جددا وعتقاء
53 ولما أكمل يسوع هذه الأمثال انتقل من هناك
54 ولما جاء إلى وطنه كان يعلمهم في مجمعهم حتى بهتوا وقالوا: من أين لهذا هذه الحكمة والقوات
55 أليس هذا ابن النجار ؟ أليست أمه تدعى مريم، وإخوته يعقوب ويوسي وسمعان ويهوذا
56 أو ليست أخواته جميعهن عندنا؟ فمن أين لهذا هذه كلها
57 فكانوا يعثرون به. وأما يسوع فقال لهم: ليس نبي بلا كرامة إلا في وطنه وفي بيته
58 ولم يصنع هناك قوات كثيرة لعدم إيمانهم
+++
والمجد لله دائماً ..
وللإجابة على السؤال الثانى .. وهو ما هو الهدف ..
صدقنى يا أخى يحى .. الهدف هو محبتى لكل إنسان ..
وهذه المحبة النابعة من القلب .. والتى علمنا إياها الله ..
لأن الله محبة .. والذى يحب الله يشعر بهذه المحبة ..
و هذه المحبة تريد أن يخلص الجميع من الهلاك الأبدى ..
و الإنسان المسيحى .. يشعر بهذا الخلاص .. لأن الروح
القدس هو المحرك الأساسى لأننا نؤمن بأن الإنسان المسيحى
يكون بداخله الروح القدس .. وهذا الروح القدس هو الذى يرشد الإنسان ..
والروح القدس هو الذى يبكت الإنسان على خطاياه .. و لكن إن كان
هذا الإنسان المسيحى .. يعيش فى الخطيئة .. يصبح الروح القدس حزيناً ..
غير عامل فيه .. ولكن إن رجع هذا الإنسان الخاطئ عن خطيته أو خطاياه ..
وقدم توبة حقيقية و جادة .. هنا سيغفر الله هذه الخطايا .. ويعود الروح القدس يعمل
مرة أخرى فى هذا الإنسان ..
...
أنا آسف يا أخى يحى للإطالة ..
وأرجو من الله أن أكون قد وفقت فى الرد عليكم ..
الرب يبارك حياتكم ..
اخوكم وعمكم العجوز ..
ارنست
+++
| |
|
|
|
|
|
|
|
|
 Re: منو الداير اقابلهم من اعضاء المنبر و ليه ؟ (Re: Sudany Agouz)
|
Quote: داير الجد يا ود المدير انت غلطان
و الغلت راكبك من راسك لى كرعيك
كان تتمها ياخ |
عليك الله عرفتني كيف قاصد معاوية الزبير بقولي، لك كامل مودتي ؟،
أكون قُلتها ليك بالتلفون، مُش !.
بعدينك يا جلالدونا يأخي المثل بتاعي زي لما زول يقولك، أكان 2 قالولك
راسك مافي أتِبنوا، في زُمّتك كلآمي دا مُو صُح. هسّع في داعي صاحب
صاحبك دا يجي نافخ فيني زي التور !. غايتو اليومين ديّل يمرقنا اللآ نام
لا أكل الطعام من كل ذو ظفر في هذا المكان...
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: معاوية المدير)
|
القلوب على اشكالها تحس
عارفك قطيم وقاصد بيها ود الزبير
مشت قلت ليك مصيبتى فى الدنيا دى انى ذكى
يا قول ليميا حبوبتى
___
ياود الزبير ..ياخى يضرب لينا المثل فى حسن الحوار بى اب سن!!! مالو الهادى الشغيل .. اليعيبو لى
يمين الله لو ضرب بيهو المثل كان اضّامنت معاهو ورشيت ليهو ود المدير زى الترتيب
____
يا ود قبانى ... ياخى الهادى الشغيل ده لازمن و ضرورى جدّاّ تلاقيهو
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: وضاحة)
|
Quote: يحي
سلام واشتيااق.........
الناس البتسئ وبطارد بتعبر عن نفسها
وهم ما بسيؤو لي انا انما لا نفسهم ولتربيتهم
وانا الحمد لله عارفه نفسي وواثقه منها عشان كده ما بتلفت لي كلام الناس
بل بختو تحت رجلي واعلو
ومعروف من قديم انو الناس بترمي الشجر المثمر
واساءات الفاقد التربوي بتديني الاشارات اني صاح واني موجوده في الامام
عشان كده بهاجموني
والناس ما بتهاجم الفاشلين
وكما قال الامام علي بن ابي طالب هي صحائفهم فاليكتبوا فيها ما شاؤوا
ووجود الناس الزيك ومولانا مرتضي وكثيرين من الجميلين في المنبر
هم البدوني الدافع عشان اتواجد
ودا حال الدنيا زي مافي ناس جميلين ورائعين
فيها السيئين وقليلين التربية والمواهيم والفاقد التربوي والحساد
فهل الواحد بخلي الدنيا عشانهم
عشان كده انا موجوده
تحيانى
واحترامي الذى تعرفه |
كتر خيرك يا دكتورة على الإطراء و ضمنا الى قائمة ود المرتضي الرجل الإليت ...
طيب سؤال تاني :
الناس البتسيئ بأبشع الالفاظ ...
بجيها عين و تجي تكتب هنا تاني زي الما حاصل شي كيف ...؟
ده يكون من شنو ؟
ممكن افهم انه الإساءة انكتبت تحت تأثير الزفت في ساعته و تاريخه ...
طيب لما الزول وعى ... و عرف رقبته كتب شنو ...
تاني بجي كيف و بكل أريحية ... و داير يكتب و يقعد في نص الناس ...
ده يكون دين ابوهو شنو ؟
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: يحي قباني)
|
يا عم آرنست ..
هو لو في زول ربنا حلاهو من مسألة الدين دي .. شنو البخليهو يمشي يشربك في دين تاني !!
بالنسبة لي شاروخ عادل خان .. فعادل ده زول لذيذ ليس الا .. هو ذاتو عارف انو قاعد يبرمج بقراء المنبر.. انا ذاتي فكرت اعمل لي دياقراماات لافكاري واخليها جاهزة في الديسك توب وكوبي يا بيست ..
تاني في منو؟..
الطيب ؟!!!
فالطيب في شطارتو مبدع ..
دخلوها وتراجي حامت ..
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: يحي قباني)
|
يا عم آرنست ..
هو لو في زول ربنا حلاهو من مسألة الدين دي .. شنو البخليهو يمشي يشربك في دين تاني !!
بالنسبة لي شاروخ عادل خان .. فعادل ده زول لذيذ ليس الا .. هو ذاتو عارف انو قاعد يبرمج بقراء المنبر.. انا ذاتي فكرت اعمل لي دياقراماات لافكاري واخليها جاهزة في الديسك توب وكوبي يا بيست ..
تاني في منو؟..
الطيب ؟!!!
فالطيب في شطارتو مبدع ..
دخلوها وتراجي حامت ..
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: عبدالعزيز الفاضلابى)
|
و الله يا فاضلابي ما طالبني حليفة ...
زمااان طلبت من ود المرتضى و من ود البُشرى يعلموني ( فن ) إدارة البوستات ...
ود المرتضى باعتباره أستاذ في ذلك ...
وود البشرى أستاذ و أيضا بحكم الوظيفة في البورد :)
بخلوا علي بي خبرتهم و الله ...
و انا غالباً الفكرة بتزن لي في راسي بقوم اكتبها ...
بعد داك يا مشيت فيها ... يا مليت منها ... الصبر ده ما مدرسة يا عبد العزيز ...
كان عندنا منه كان نكون قاعدين في السودان لي الان ...
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: مزمل خيرى)
|
Quote: كتر خيرك يا دكتورة على الإطراء و ضمنا الى قائمة ود المرتضي الرجل الإليت ... طيب سؤال تاني : الناس البتسيئ بأبشع الالفاظ ..
. بجيها عين و تجي تكتب هنا تاني زي الما حاصل شي كيف ...؟
ده يكون من شنو ؟ ممكن افهم انه الإساءة انكتبت تحت تأثير الزفت في ساعته و تاريخه ... طيب لما الزول وعى ...
و عرف رقبته كتب شنو ... تاني بجي كيف و بكل أريحية ... و داير يكتب و يقعد في نص الناس ... ده يكون دين ابوهو شنو ؟ |
يحي
الجمال يجذب بعضه البعض
وقبيلة الرائعين واحدة وتربط بينها وشائج من نور تشع بالالق والبهاء النقي
وانت ومولانا محمد المرتضي عندي من شيوخ هذه القبيلة
هؤلاء فقدوا الاحساس وامتلائت ارواحهم بالقبح حتى الفوهو وظنوه جميل
وفقدوا الحياء واذا لم تستحي فأصنع ما شئت
وحالتهم دي حالة ميؤوس منها لأنها موروثة
فهذه الالفاظ الشنيعة هي التي تفتحت اذانهم عليها من طفولتهم وسمعوها من قدواتهم
وكانت هي لغة التخاطب في محيط نشأتهم لذا لم يعرفوا غيرها
ففي التفكك ترعرعوا وعلى الاذية فطموا ومن قبح الالفاظ والاخلاق نهلوا
يا عزيزي بعض هؤلاء فاقد تربوي سيئ السيرة والسريرة غير مؤتمن
تشير اليه الاصابع بالسؤ في المجتمع وتجنبه الناس
يهرب منه كل من عاشره واقترب منه
يزداد عمراً ويزداد قبحاً
لا يعرف النخوة ولا القيم ولا الرجوله
فهؤلاء القبح اصبح اصيل في طباعهم ولا يزول ولا يحتاج لمؤثر ليخرجه
فهو يتدفق منهم كل لحظه وكل حين
فهل تتوقع من امثال هؤلاء ان يستحوا او يميزوا الخطأ من الصواب ؟
حبي ودى الذى تعرفه
| |
|
|
|
|
|
|
|
|
|
Re: منو الداير اقابلهم من اعضاء المنبر و ليه ؟ (Re: وضاحة)
|
محمد المرتضي يا حنين
الزول الجميل السامي
انا لم اكتب فيك الا القليل مما انت له
فانت واحد من شموس هذا المنبر ومن الذين اعتز بقرأة حروفهم ومعرفتهم
ليس كل الخشونة تنتهي بقفل اللاب توب وليست كلها حميدة
فالبعض خشونته مؤذية ونابعة من نفس جبلت على الشر وامتلاءت بالقبح
ولا اكذبك فقد تأذيت من هذا الصنف وتسببوا لي في مشاكل في حياتي
فهؤلاء يرمون الكلمة ولا يلقون لها بال لانهم لا عروض لهم
ولكن ولله الحمد كانت برداً وسلاماً علي وكانت خير وبركة
فقد كشفوا لي معادن اشخاص كنت اعتقد انهم قريبين مني
ولكن وجدتهم قد ارخوا اذانهم لافتراءات هؤلاء وطاردوها
اشخاص رفعتهم ولكنهم اخلدوا الى الارض
واكتشفت انهم لا يعرفون غير اللهاث في كل الاحوال
فترفعت عنهم كما اترفع عن المسيئين رغم الالم الذي تسببوا لي فيه
فظلم من كنت تعتقدهم اقرب اشد
وطعنة من احسنت اليهم اكثر الم
ولكن اكتشفت انها محبة من الله لي ان عافاني منهم
وكشف لي معدنهم في الوقت المناسب
وقوت عودي وعلمتني ان ليس كل ما يلمع ذهب
كما قالت جدتى لي ناصحة
(ان تيراب الحنظل لن يثمر عنبر حتى ولو رويته بماء السكر )
فعسى ان تكرهوا شيء وهو خير لكم
لذا احمد الله في كل حين على ذلك
تحيالتى يا حبيب
| |
|
|
|
|
|
|
| |
يحي قباني
Hani Arabi Mohamed
MOHAMMED ELSHEIKH
سيف النصر محي الدين
محمد البشرى الخضر
عفاف الصادق بابكر
عبدالحفيظ ابوسن
د.محمد حسن
محمد عبد الله الحسين
الطيب رحمه قريمان
زهير عثمان حمد
جلالدونا
عبدالعزيز الفاضلابى
أبوبكر عباس
علي دفع الله
وضاحة
Hamid Elsawi
محمد جلال عبدالله
معاوية المدير
معاوية الزبير
Sudany Agouz
محمد حيدر المشرف
محمد المرتضى حامد
ياسر السر
مزمل خيرى
فيس بوك
تويتر
انستقرام
يوتيوب
بنتيريست