|
Re: مناضلوا الخارج..بطلوا التنظير والمعط..تعا� (Re: حسين يوسف مكى)
|
عظيم يا حسين .. وسوف أنقل المادة إلي بوست "أسمع جعيراً .. ولا أري طعناً".
أردم أصحاب الحلاقيم المشروخة .. والله من منافينا البعيدة لا يهمنا إلا سعر الدولار وصل كم .. وما نتكبه هنا فى زمنا الضائع أو الفائض عن حوجة معاشنا ..
ما خطاه قلمك حق .. ولا تبالي .. وأسألنى من كل كبيرة وصغيرة عن المهجر والمهاجرين والمغتربين ... أنا واحد منهم.
بريمة
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: بريمة محمد)
|
بريمة.. هصور الكلمة الحقة وقسور معروف الصنائع.. اصبت أيها الهمام.. أعلم حال المهاجر والمهاجر أولاها بفتح الميم وكسر (الجيم) والأخيرة بضم الميم وكسر الجيم.. الرابط بين عاطفة النضال الهوجاء وبين عقلنة القومية هو خيط رفيع من الانتماء. اجزم غير منافح أن كثير من معتنقي النضال في ما وراء مدن الحداثة تغلب عليهم عاطفة الثقافة السماعية. دعهم حتي حين.. فإننا حريصون علي فلذات اكبادنا اكثر من تشبثهم بحق اقامتهم في تلك البلاد. الشكر بحجم صواع الملك يا فنجري.
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: حسين يوسف مكى)
|
سلامات يا حسين كلامك و فكرتك عن دور مناضلي الخارج كان سيستقيم لو الأمر معكوس و كانت مساهماتهم عي التي تقود ثورة الداخل و تدفع الشباب للتظاهر! لكن الحقيقة ليست كذلك, الشباب الطلعوا ديل خرجوا بملئ وكامل ارادتهم و لهم المبادرة في ذلك مائة بالمائة و هم المتقدمين و الفايتين الناس مسافة اخرجهم الغبن و الظلم المعايشنه بشكل يومي اخرجهم رؤية طالب زميلهم حايم جوة الجامعة بتبخترا بسلاحه اخرجتهم رغبتهم في ان يعبروا عن رايهم و يقولوا لا دون ان يتم قتلهم بدم بارد وترمى جثثهم في ترعة ما مناضلي الأسافير ديل حد نضالهم الاسافير وهم عارفين كدا و الحكومة عارفة كدا وعشان كدا لا تأبه لهم و عايزة كل الفعل المعارض ليها يظل حبيس الاسافير و على الشاكلة دي لكن ما يخيفها هو العمل الجد على الأرض هي صرخة الآلاف في الميادين التي تشق آذانهم و ترجف لها قلوبهم, الآلاف ديل زي ما قلت ليك ما مرقتهم الأسافير ولن تفعل مرقهم الظلم و القتل و الفساد و التجبر و عدم مخافة الله فيهم ودي شايفنها شوف العين ومعايشنها ما قرواها في واتس آب ولا فيس بوك ناس الاسافير كان حاموا بصورة طالب مضرجة بدمائه المرقوا ديل رفعوه من الأرض لحظة سقط و الدم الفي الصورة مسحوه بيدينهم لو انت تخشى عليهم فليكن نقدك وهجومك على من يقتلهم, فقط لأنهم قالوا لا
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: محمد البشرى الخضر)
|
قال مبتدر البوست
Quote: ياخ الناس راضية بما هي فيه.. انتو كان قايلين نحن بنطلع ليكم ونثور عشان نعيش بنفس مستواكم الهلامى ده تبقوا وآهمين!!تعالوا كلكم البلد اشختوا للحكومة من هنا من مدينتك من حيك الشردت وخليتو واجرت بيتك فيهو.. اسنثماراتكم شغالة.. ترسلوا في القروش تبنوا في الفلل والمحلات التجارية ودايرين المواطن الغلبان يجيب ليكم حقكم؟ ده كلام فاضي.. |
لا أبدا الناس ما راضية ولا يحزنون ولذلك يخرجون للتظاهر الناس الدخلها أقل من مليون شهريا والمعيشة أكثر من 8 ملايين شهريا أبدا ما راضية الناس الما لاقية حقنة بنسلين ولا مقعد لأولا دهم في غرفة دراسة أبدا ما راضية الناس المتقاسمة غرفة طين وشايفة القيصر يبني في قصر تاني وتالت أبدا ما راضية
Quote: انتو كان قايلين نحن بنطلع ليكم ونثور عشان نعيش بنفس مستواكم الهلامى ده تبقوا وآهمين |
إنت ما تطلع عشان زول لو شايف الغلط وين ولو إنت شخصيا متصرر منه كان عاوز تخرج أخرج عشان ذات نفسك ما في واحد في كل هذا الكون دايرك تناضل نيابة عنه من يخرج طلبا للحق سيجد آلاف يتضامنون معه
Quote: هنا من مدينتك من حيك الشردت وخليتو واجرت بيتك فيهو.. |
البتقول عليهم شردوا ديل هم ناس شردتهم الديكتاتورية من العمل في وطنهم يعني منعوهم اللقمة الحلال وإعتقلوهم في سجون كوبر ودبك وشالا سواكن وعذبوهم في بيوت الأشباح وخرجوا عشان اللقمة الحلال لهم ولأسرهم من خلفهم ويقول الحق عز وجل ( إن الذين توفاهم الملائكة ظالمي أنفسهم قالوا فيم كنتم قالوا كنا مستضعفين في الأرض قالوا ألم تكن أرض الله واسعة فتهاجروا فيها فأولئك مأواهم جهنم وساءت مصيرا) المستضعفين في السودان خرجوا لارض الواسعة ومع ذلك لم ينسوا حبهم لوطنهم السودان فغير المساعدات المالية لأهلهم ووطنهم السودان ساعدوا السودان برأيهم وهذا بالتحديد ما يزعج الديكتاتورية من كم سنة وناس الجهاد الألكتروني يقولون بالتحديد ما تقول أنت
أمسك عندك الناس الصدقوا كلام الحكومة من عينة تعالوا ناضلوا في الداخل وتعالوا نتحاور شوف الحصل ليهم شنو الصادق المهدي خرج مهاجرا ومرغما وعاد طائعا مختارا لنضال الداخل والحوار فأودعوه السجن فخرح مرة أخري أبو عيسي عاد للداخل برضو دخلوا السجن ودا حال عشرات زيهم
Quote: اسنثماراتكم شغالة.. ترسلوا في القروش تبنوا في الفلل والمحلات التجارية ودايرين المواطن الغلبان يجيب ليكم حقكم |
كدي فتش وشوف أصحاب الإستثمارات في السودان هم منو ما فاتت الكيزان شبر واحد الناس الحاولوا يستثمروا في السودان من غير الكيزان عادوا بخفي حنين والحسرة والببنوا في الفلل قطع شك ما راجين ليهم مواطن غلبان يرجع ليهم حق لو المواطن صحي غلبان يشوفه يجيب حقه من العمل منه غلبان ولو كنت تقصد (بجيب الحق) هو سقوط ديكتاتور الفساد الذي قسم البلاد وخرب الإقتصاد وجوع العباد ..... ومن ثم تعود الحرية والديمقراطية فدا حقنا جميعا مواطن غلبان ومواطن مرتاح (عدا الذين إرتاحوا بسبب فساد الديكتاتورية) مواطن جالس في الوطن ومواطن مهاجر في البلاد (أرض الله الواسعة) ذلك حقنا جميعا ونسعي لهم جميعا والعنده بليلة بعاشي بيها
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: Nasr)
|
Quote: فإننا حريصون علي فلذات اكبادنا |
هههه ؤ مالو برضو منطق ( الخواف ربا عيالو ) موجود بينا .. بس اتلومت في حق إخوانك البرة البلد مع إنو تلقاك انت ذاتك عندك منهم بره .. لإنو ما ظنيت في أسرة سودانية ما عندها مغترب أو مهاجر زمن النقاذ.
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: الهادي ابوبكر)
|
كتب الأخ حسين يوسف مكي
Quote: . احترمك جدا ايها السودانى المصادم واحترم فكرتك الثورية لو كنت بتناضل من مدينة الفتح وللا كرري وللا امبدات وللا الحاج (يوسفات) وللا جبل أوليا والكلاكلات وللا أي مدينة من مدن السودان. |
. دع ممن يناضل في الخارج ــ وخليك فيمن يناضل بالداخل ـ من يقتلوا ويعذبوا ويمارس عليهم التجويع والإذلال ـ أين موقفك أنت من قضية هولاء ؟ ومن سلطة الإنقاذ وممارساتها؟ ـ دع ممن يناضل في الخارج وخلينا فيمن تحترمهم ـ أين أنت من قضيتهم وعذابتهم ؟ أين أنت من جلادهم ـ ؟ من قتلوا برصاص البشير هم أهلنا بالداخل ومن ثار وخرج للشارع هم مناضلي الداخل فأين أنت منهم ــ ؟
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: م. سيد احمد قدورة)
|
مرحبا حسين وضيوفه لعلي اتجرأ قليلا عليك .. فلا يمكن ان تعامل الجميع من هم بالخارج ككم واحد اصم .. فهم كأهل الداخل لهم اختلافاتهم وان توحدت حول ازالة النظام وليس للنضال وحب الوطن طريقا واحدا .. فكل الدروب الحرة تصب في الوطن فهم يناضلون يوماتي من واقع تجربتي الشخصية . دعك من كتاباتهم هنا بعضهم جعل الحياة ممكنة بالمعني الحرفي للكلمة ساهموا في انقاذ المرضي اولئك الذين تخلت عنهم السلطة ساعدوا المستشفيات العامة دعموا في كل مناسبة .. رمضان .. الاعياد .. الكوارث الطبيعية دفعوا دون من ولا اذي ولا سمعة جابو الشيلة حين عجز الشباب عن الزواج نتيجة سياسات الدولة الخرقاء دفعوا قروش المستشفي للولادة بعد جعلت الدولة العلاج استثمار جابو خروف السماية وسترو الولد البكاتل يوماتي قدام نسابتو بنو الحيطة الواقعة وفعلو وفعلو تحية لهم وانحناءة لهم
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: محمد البشرى الخضر)
|
محمد البشري سلاما سلاما . التاثير الفعلي من طبقة المثقفين في كل الدول يكون له ابعاد تكمن خطورته في تصدير فكرة اعرف حقك بفكرة مغايرة عن معطيات الشخص المستلهم للفكرة. عمارة الارض والتعايش والمعايشة علي ظهرها خاضع لديناميكية الصراح بين احقاق الحق وتتبع سبله وبين مسلك باطنه باطل وظاهره هتاف عاطفي لا ينهى عن بؤس ولا يقم كرنفالا حتى لفرح لحظى. ما أشرت اليه هو مدى تاثير اصحاب القلوب الاسفيرية الذين يصدرون فكرة اخرج للتظاهر.. كانى به يتقدم الصفوف ولا يعي خطورة ما يقوم به ذلك العشريني!! خلافي أو اتفاقي معك في تبيان الحقيقة لا يخرج عن جزئية الانتماء لهذا الوطن ومواطنه. لك التحية علي طرح افكارك المهذبة.
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: حامد بدري)
|
Quote: زى الصادق المهدى وباقى المعارضين عاوزنا نطلع الشارع وننجلد ونموت ويجو هم من الفنادق يلقوها جاهزه ويحكمونا هم ما يجو يقودو الشارع
|
الصادق المهدى لو جاء للسلطة حيجى بواسطة صندوق انتخابات والجية دى تحددها انت وغيرك من خلال الصندوق مثل ما حدث فى 1986 بعد انتفاضة مارس ابريل وما حيلقاها جاهزة كما تدعى ! الا اذا كنت بتفضل دكتاتورية الكيزان على ديمقراطية الصادق المهدى ! والمواطن اليوم وعى اكثر من امس وبيتحدث عن كيف يحكم السودان وليس عن من يحكم السودان ؟
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: خالد حاكم)
|
Quote: ياااخ انت قابع في مدنك الهلامية اللي ما عارفين وصلتها بالسمبك وللا مشيت علي رأس وفد مفاوض باسم الغلابة والكادحين. |
كلام مهاويس
Quote: حسين يوسف مكى-جدة / المملكة العربية السعودية |
ورينا إنت يا الحبيب وصلت جده بى شنو ؟ البشوف كلامك دا يقول أنك قاعِد فى السودان .
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: خالد حاكم)
|
انتفاضة ابريل قام بها اهل الداخل ... و لم ينادي احد من في الخارج العودة لإجلاء نظام النميري ...
من في الخارج في ذلك الوقت كانت لهم نفس وصائل الميديا المتاحة الان لرأيتهم كتبوا و دعموا اخوتهم في الداخل بنفس الطريقة ...
الفرق الشاسع بين ابريل و الآن ... ان في ابريل كانت هناك قيادات واعية في الداخل و نقابيين شرفاء ...
الان بعد ان نجحت الإنقاذ في تكسير كل القيادات ... لا يوجد امل سوى ان الطلبة انفسهم يخرج من بينهم قيادات حرة ...
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: خالد حاكم)
|
قال م سيد أحمد
Quote: زى الصادق المهدى وباقى المعارضين عاوزنا نطلع الشارع وننجلد ونموت ويجو هم من الفنادق يلقوها جاهزه ويحكمونا هم ما يجو يقودو الشارع |
الصادق المهدي دفع ضريبة الوطن والديمقراطية بزيادة
يا ما قضي من سنوات طوال وعجاف في سجون العسكر في كوبر ودبك وبورتسودان منذ ستينات القرن الماضي وحتي العشرية الثانية في القرن الواحد وعشرين ياما نفي أو أبعد او أبتعد مرغما (خروجه الاخير كان بعد إعتقال في كوبر لمدة من الزمن ) يا ما قدم الراي والمشورة يا ما بحث وكتب في شأن السودان يا ما سعي للحوار والمنازلة السلمية مع كل الأنظمة العسكرية بل يا ما سعت الأنظمة العسكرية له يا ما فرشت له البساط الأحمر لينضم لهم ولكنه كان طوال الخط علي مبادئه لك ان تفخر أن أمتك السودانية أنجبت قائدا فذا مثل الصادق المهدي
ثم أن الصادق لم يصل للسلطة يوما من علي ظهر دبابة حملته إليها أصوات الشعب السوداني جاء للسلطة برضاء الناس عنه لأنه لم يتخلي عنهم وكان دوما في طليعة معارضي الديكتاتوريات
بس... لا الصادق المهدي ولا باقي قادة المعارضة لم يطالبك أيهم أو أي شخص آخر بالنضال نيابة عنه إذا كان الخروج للشارع لإسقاط الديكتاتورية لا يهمك أنت شخصيا خليك قاعد في بيتك سيخرج الشعب السوداني لإسقاط الديكتاتورية سواء قال لهم الصادق ذلك ام لم يقل فقط لأن الديكتاتورية أحالت حالهم إلي حجيم
المجد للصادق المهدي ولحزب الأمة ولجماهير الأنصار العصية علي التطويع المجد للشعب السوداني قاهر الديكتاتوريات
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: Nasr)
|
مين القال انهم بيخرجوا من صباح الرحمن للشغل وبيجوا راضيين؟؟
القاعدين بره ديل هم البيأكلوا ويشربوا معظم القاعدين جوه.. هم البيلموا القروش علشان يعالجوا جار ولا صديق ولا قريب جوه البلد.. هم البقوا يقوموا بدور الحكومه بعد فشلت تقدم علاج وتعليم وبعد شردت أجيال من الخدمة المدنية ومن القوات النظامية.. القاعدين بره ما قالوا للناس أطلعوا إحتجوا لكن دعموا الناس في طلوعها لأنه ده واجب عليهم.. هم البيبنوا المراكز التعليميه في قراهم ويحاولوا يصلحوا في المباني التعليميه والصحية بالمبادرات الشخصية والمجتمعيه علشان أهلهم ما يضيعوا ويموتوا بالإهمال.. علي فكرة القاعدين بره البقصدهم هم المغتربين واللاجئين السياسين وغيرهم....
نجي بقي للقاعدين جوه ومانعين الناس النفس جوه البلد وخارج البلد.. إنتو بيتعبكم شنو أساسا في كلام الكيبوردات لو شايفنوا ما حقيقي وبيخوف؟؟ عملتو شنو في حالة الجوع والتعب والحالة المترديه للبلاد من حروب وقتل وسرقات ال آخر ما يمكن وصفه من جرائم؟ عملتو شنو علشان تأمنوا داخل البلاد ,علشان إقتصاد البلد يتصلح والإنسان يعيش بأمان؟؟ البلد مقسومه لإتنين ما عندهم تالت.. ظالمين وهم الحرامية والسراق لقوت الشعب والقتلة لأبنائهم.. ومظلومين وهم الشرفاء من أبناء هذه الشعب ..
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: محمد جبره)
|
رغم ما يقدمه أهل خارج السودان و حملهم مسؤوليات الدولة. لازالت الحكومة تسعى لنهب أموالهم عبر بيع الأراضي و العقارات, الضرائب و رسوم تعليم الأبناء, الجمارك و اسعار الصرف غير الحقيقية. و لازال بعض الجهلة, لا يعلم كيف تسير البلاد و أموال من, هي التي تصرف في بزخهم و سوء تدبيرهم. أتظنون أنها من الصناعة أو الزراعة أو العمل المضني؟ بئس الحال. جهل الجهلاء!! و ما عطايا أهل الخليج و غيرهم, إلا إكراما لأهل خارج السودان, لو علم المغيبون!! فهلا صمت الآن, أصحاب الضمائر الميتة!!
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: Abuzar Omer)
|
Quote: جوكم أهل الوجعه الواعيين، جيبو مواعينكم خمو، ياخ نوم قفى كلام والسلام، دا لغو ساكت لغو!! |
تحياتي اخ منصور دع لنا مساحة لكي نحترمك كزميل منبر بعض الامور لايصح تقيييما هكذا وبحجر واحد يعني اتا مامغترب ماياهو مشارك في هم الوطن وبدون حياد كمان في زول اتهمك بعدم الوعي او بالرشوة اذا كان مايكتب هنا لغو فماتفعله فرفرة مذبوح بسكين ميتة وكمان تاستك المداخلات
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: Nasr)
|
Quote: تحياتي اخ منصور دع لنا مساحة لكي نحترمك كزميل منبر بعض الامور لايصح تقيييما هكذا وبحجر واحد يعني اتا مامغترب ماياهو مشارك في هم الوطن وبدون حياد كمان في زول اتهمك بعدم الوعي او بالرشوة اذا كان مايكتب هنا لغو فماتفعله فرفرة مذبوح بسكين ميتة وكمان تاستك المداخلات |
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: ثروت سوار الدهب)
|
صاحب البوست حسين..
فى حقيقتين ثابتتين.. لا أنت بتقدر تنفيها... و لا شتايم الحكومة كمان تقدر تنفيها...
أولا..
لولا وجود ملايين السودانيين فى الخارج.. وتحويلاتهم الشهرية الى الداخل.. لماتت ملايين الاسر من الجوع والمرض اللذان تخلت عنهما الحكومة وأنصرفت لما يثبت كرسيها..
ثانيا... لولا ضغط السودانيين فى الخارج على حكومة الانقاذ.. مثلا.. فضح أنتهاكاتها الصارخة تجاه المواطنين.. قتل وترويع الشعب بالجملة وبالقطاعى.. مظاهرات.. ندوات... ورش عمل... مقالات... منظمات... أحزاب... أفراد.. جماعات.. الخ لولا جهود هؤلاء الحثيثة فى الضغط على الآنقاذ.. لما بقى فى السودان مواطن واحد ....
فشنو ؟ النغمة بتاعة تعالوا جو وناضلوا عشان نسمعكم.. دى كلام فارغ..
جينا السودان.. وجربنا النقش فى الحجر.. والحكومة أكتسبت خبرة عملاقة فى تدمير المواطن.. وتكبيل اياديه.. ومنعه من الحركة.. لذلك عدنا.. الى حيث يمكن أن نتحرك.. ونتحدث.. بحرية.. حتى تسقط الانقاذ..
فما تفكوها فى روحكم ساكت.. يمين الله لولا وجود السودانيين فى الخارج.. أت البوست دا زاتو ما حتقدر تفتحه..
وبعدين وّل ابا بريمة قاعد فى الخارج زينا.. ليه بقى هو مناضل.. والباقين ما مناضلين ؟ (مع كامل احترامى لوّل أبا بريمة )...
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: nour tawir)
|
قصة القاعدين برة و القاعدين جوة من القصص الموسمية زي الخريف يمشي ويجي ولسة الناس متفاجآة الدنيا غرقانة كل سنة و هنا الحوار في الموضوع دة لا يراوح مكانه و الغريب السودان دة دينه جاء من برة، تعليمه من برة، قضيته الأساسية السياسية من برة زي المحكمة الجنائية و سعر الدولار أحلام كل شبابه يطلع برة قبل حتي يكمل تعليمه و اليومين دي جيشه ذاته برة :) فما عارف الحساسية شنو بين جوة و برة دي؟ خاصة في مشاكل عامة مثل الوضع الصحي مثلاً أو الحكم الراشد !! هسي العالم كله متابع الإنتخابات الأمريكية و كل البشر عندهم رآي في ترمب و هيلاري. سمعت زول أمريكي قال للعالم "مالكم و مال إنتخاباتنا"؟ و بعدين أغلب السودانين يعيشون في الخليج و حسب خبرتك لاقيت ليك متجدع في حتة زي دي؟ و هل يوجد حق إقامة في الخليج؟ و هنا ٩٠٪ من المغتربين! و خيراً لمن تقول "نحن ما بنطلع عشانكم" دي مش غبية شوية لو بتتكلم علي لسان ناس جوة؟ أصلاً في التاريخ في بشر بناضل لي آخرين ضد نفسه؟ في الدين نوع المحاسدات و المباغضات دي تسمي أمراض القلوب. و الوطنية لا يمتلك صكوكها أحد لذلك أنسي موضع توزيعها أحد. نتمني لك الشفاء- لكن بس بالداخل ما برة :)
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: حسين يوسف مكى)
|
يا جماعة الخير . الزول المسمى حسين يوسف دا ماتاخدوا حديثو على محمل الجد. الزول دا لايحفل بمعاناة شعب السودان. نمرة اتنين: الزول دا حنقه مقصور على السودانيين الذين ساعدتهم الظروف في الوصول بالسنابك او غير السنابك إلى بلاد العالم الأول. هذه هي القصة بدون زوائد.
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: osama elkhawad)
|
أخونا و حبيبنا عثمان محمد صالح...
يا جماعة الخير . الزول المسمى حسين يوسف دا ماتاخدوا حديثو على محمل الجد. الزول دا لايحفل بمعاناة شعب السودان. نمرة اتنين: الزول دا حنقه مقصور على السودانيين الذين ساعدتهم الظروف في الوصول بالسنابك او غير السنابك إلى بلاد العالم الأول. هذه هي القصة بدون زوائد. ....
الله يبّرد قلبك.. الناس دى شابكانا مرتاحين وقاعدين تحت التكييف وكلام فارغ كتير.. فى سودانيين فى الخارج بشتغلوا ثلاثة وظائف وبالميت وظيفة واحدة.. الواحد جارى ليله ونهاره عشان اسرته العايشه معاه برا.. والاسرة الممتدة فى السودان.. وبعدين البعد عن الوطن دا ذاتو احساس أخير منه الموت.. وبعد كل المعاناة دى.. الناس جارية فى القضية السودانية.. ومع ذلك شابكننا مرتاحين وما أدراك ما مرتاحين..
وبعدين أنا عندى اسئلة خاصة بالشعب السودانى فى زمن الانقاذ.. الاستكانة والمسكنة دى ما صفات السودانيين..جابوها من وين وخضعوا للانقاذ و طأطأوا ليها رؤوسهم ؟
ثانيا.. طلعوا استقبلوا جعفر نميىرى ليه لما رجع من المنفى بعد ما قلبوه غيابيا ؟
ثالثا.. طلعوا استقبلوا الصادق المهدذى ليه لما رجع من تهتدون والخرمجة بتاعته دى؟ بعد ما فرط فى ثلاثة فرص ذهبية السودانيين سلموه الديمقراطية فى طبق من ذهب ؟
الشعب السودانى الحالى.. معظمه جا من دول الجوار.. وما بيهمهم البشير و لا غيره.. عشان بلدا ما بلدك تمشى فيها عريان..
فشنو ؟ خلونا ساكتين أحسن.. وخلونا فى معافرتنا دى لغاية ما تغور الآنقاذ.. وعشان ترتاحوا.. أنحنا ما مرتاحين.. شقياين من صباحية ربنا لامن تمسى..
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: osama elkhawad)
|
سلامات يا اختنا العزيزة واستاذتنا نور تاور. كيف حالك، ان شا الله كويسة؟.
الزول الكتب الكليمات دا ليس الاول في هذا الباب. فقد سبقه شخص آخر لست اذكر اسمه الان الى هذه البدعة - بدعة الحنق الظاهر على السودانيين الذين شقوا طريقا مغايرا الى الهجرة.
لاتهتمي به وبنظرائه ممن اذا كربتهم حياة المهجر قبلوا (الباء في قبلوا مشددة ) على المهاجرين في دول تانية بدل ماصب جام الغضب على الانقاذ التي اجبرتهم على خيار الهجرة المر. لست ملزمة بتبيين اي شيء عن نوع الحياة التي تحيينها لكل من هب ودب. مافي زول طالب منك لاقرش ولاتعريفة.
مامطلوب منك يانور اكتر من عمل الواجب الذي يمليه عليه ضميرك. ولان كتابتك صادرة من الضمير المهموم بشقاء اهلنا في السودان فان صوتك مسموع ومقدر وله جمهور.
اسمع عنك دوما كل خير، أخوك عثمان
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: حسين يوسف مكى)
|
1- هي صورة خاطئة وخطيرة يُراد فرضها لتمرير دلالات غير مباشرة اكثر خطورة ..
2- لعبت الانقاذ على فرض ثنائيات جهوية اثنية متقابلة ومتصارعة لتبديد واهدار طاقات الشعب السوداني في صراعات جانبية لا تطال تطال كراسي فسادهم .. مارست ذلك دونما ادنى وازع وطني او اخلاقي يقدس اللحمة الوطنية بين اهل السودان .. هذه الثنائية الجديدة (داخل/خارج) لن تكون آخرها
3- الدلالة غير المباشرة لهذه الثنائية تكريس مفهوم مغلوط عند العامة ان الداخل (اصحاب الوجعة) مؤيد للانقاذ في مقابل انحصار المعارضة عند اهل الخارج والذين لا يريدون الخير (الانقاذ) لاهلهم.. من الغريب والمتهافت جدا ان من يؤيد النظام الديكتاتوري الفاسد من اهل الخارج, سرعان ما ترفع عنهم الشتائم واللغة الفاسدة من قبيل آكلي اموال الضمان الاجتماعي وضاربي الكندشة الخ .. مثال بريمة الذي تحول في غمضة عين هنا لاسدٍ هصور.
4- هناك عمل امني منظم دونما شك وراء صناعة هذه الصور الخاطئة وتمريرها في الاساقير والاعلام..
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: محمد حيدر المشرف)
|
باختصار ياخوي معظم الناس تلبناضلوا من الخارج ديل ت واجهوا السلطة العاجباكم دي في الشوارع والجامعات والاحياء وشردوا من وظائفهم ودخلوا السجون ثم ما فتئت السلطة تطاردهم حتى تركوا الوطن والاهل والاحباب والاصدقاء. بس عايزهم يسكتوا ويخنعوا على ضيم اهلهم كما تسكت انت؟
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: علي دفع الله)
|
اكتر من تافه !!! بوست تاافه لا يستحق غير الحزف ... التحية لكل مؤمن بالخلاص من هؤلاء الاوغاد سواء كان في الداخل او الخارج .. والخزي والعار لكل منهزم منفزر في الداخل والخارج ... مشكور يا ود دفع الله الكلس .. وهذا هو كلام كلعادة كلامهم النئ !
تبآ لهم .
واللهم ارينا فيهم عزيز قدرتك انهم لايعجزونك .
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: مني عمسيب)
|
وهل تعتقد ان هؤلاء المناضلين خرجوا من الوطن ؟؟؟ هم في كل ترابه ومساماته واوردته يتنفسونه عشقا وقمحا ووعدا وتمني هؤلاء الذين تتحدث عنهم قد حملوا الوطن في حدقات عيونهم وستفوه بين طيات ملابسهم هم الذين يزرعون الامل في تربة الوطن ليتحول لملايين السنابل ولولاهم لما تحولت الدماء التي تنزف كل يوم الى عرق عرق يزيد الارض خصوبة ليسد رمق كل الافواه الجائعة هؤلاء سددوا ثمن الحرب وثمن المفاوضات وهم من اعادوا السلام والطمانينة للوطن ان كان النضال يقاس بما قدم المرء لوطنه فيجب ان يمنح كل مغترب وسام النيلين من الدرجة الاولى
| |
|
|
|
|
|
|
Re: مناضلوا الخارج..بطلوا التنظير والمعط..تعا� (Re: nour tawir)
|
الاعزاء القابضين على جمر القضية تحيات عراض لكم وانتم شايلين الوطن وهمه في دواخلكم ...سيذكر التاريخ انكم لم تخونوا وطنكم وسيفرد لكم صفحات بلون الذهب لوقفاتكم الصلبة لاي حراك انتم اصلا عميق في تفاصيله سياسيا كان او اقتصاديا او اجتماعيا..لم تترددوا في الدعم .. لكم ترفع القبعات ووسام النيلين الصديقة بت تاور اقل قامة مما تقدموه ... بت عمسيب يا راكزة كوني كما اود ...
| |
|
|
|
|
|
|
|