|
|
 Re: مصادرة صحيفة الميدان عدد اليوم الأحد 4 / 12 (Re: فرح الطاهر ابو روضة)
|
الهم برد
والهمبريب كسر تربابيس الحديد
فتح زنازينك غصب
الحال بين خطأك .دهشتا
رتاحت ليالي نهارات الوجع ...
الهم برد
باصرارك
وهتافك
يله مدي خطواتكِ يا بلد
ضوي مسافات البعيد
كفف الدمع الحقن
أمسح مسامات الغباش
الليل صبحت نهاراته فرح
الهم برد
كيفن ما يبرد
كيفن ما يشيع بشارات الطرق
فلق الصباح الطلع
برى الجرح بعد حرقه وجع
ما مسخ في عروقنا النشيد
اتشبع بضئ السنين
حرية بالخط الرصين
عصيان بروعة الثوب الجديد
كل الخطاوي الماشه ليك فرح
اشهري عصيانك يا بلد
شدي على ساعد النضال
أرفعي نداءك حد السقف
أجهري بأعلى الهتاف
زين السماءك شعار
حرية
تعدد
وسلام
العدالة في كل مكان
اليوم يوم الإنتصار
اليوم يوم الحساب
والحساب في تاريخنا
في صبرنا الطول ولد
من الألف لحد الياء
كم زول كتل
كم نهب وسرق حقنا وسكت
سرح في مالنا وفسد
وفينا عام فوق عام بطش
وكت زغردن حرايرنا
ضون جوف المعتقل
كم زول نضم
كم فينا رطن
كم زول مات عل الثبات
رجليه مغروسه في جوف الأرض
مده ساعده.بهتاف
ونخر صوته الرصاص
وهب دمه سبيل للوطن
ما وقع
ما رجع
ما اتخازز ورجف
وهتافه وأصل حد السماء
الليلى ميلاد
الليلى ليلة وطن
الكل فينا عريس
يبشر
يهتف
يجهر بصوته ويزيد
الليلى عصيانك يا بلد
طلع الصباح
النوره ما رجع
شق صدره فداءك يا بلد
دينقراطية تعم البلد
الواحد واقف مظبوط
التسعة ضاربه تعظيم
الكواكب حولها تدور
الأشاوس العصيان المدني
الشمس من تاني تكون
الجبهة ترحل على طول
يعود الشمال مع الجنوب
وما في حد فينا مخنوق
الثورة ثورة شعب
الشعب هو البقرر
الشعب هو البدير كمان هو بيعين
عصيانا المدني مشهود
في كل بلد معروف
حرية .. سلام وعدالة
04ديسمبر 2016
| |
 
|
|
|
|
فرح الطاهر ابو روضة
فيس بوك
تويتر
انستقرام
يوتيوب
بنتيريست