|
Re: محمد بن سلمان: سنعتمد على السودان في الزرا (Re: ياسر منصور عثمان)
|
سلامات ياسر المصريين نجاض و شروطهم ح تون لصالحهم في المقام الأول, غالبا ح يزرعوا محاصيل ذات عائد مادي و قليلة استهلاك المياه نسبيا لكن تعال شوف عندنا حيث عمولات المسؤولين تعلوا على اي اعتبار ح يملونا علف ابو سبعين ساي يستهلك المياه الجوفية و يتصدر للبهائم في الخليج بتراب القروش
| |
|
|
|
|
|
|
Re: محمد بن سلمان: سنعتمد على السودان في الزرا (Re: محمد البشرى الخضر)
|
Quote: وعليكم السلام ود المسلمي ما ياهو زاتو, البرسيم اول حشة ليه بعد سبعين يوم امال انت قايل الإسم جا من وين؟ |
ياهندسة سلام ابوسبعين قصب يتم زراعته وبيعه وحصاده مرة واحدة اما البرسيم يتزرع ويحصد لمدة خمسة أعوام
------ قربت ابقي مستنير زي الدكتور بتاع الجمال داك 😜😜😜😜
| |
|
|
|
|
|
|
Re: محمد بن سلمان: سنعتمد على السودان في الزرا (Re: محمد البشرى الخضر)
|
Quote: ياهندسة سلام ابوسبعين قصب يتم زراعته وبيعه وحصاده مرة واحدة اما البرسيم يتزرع ويحصد لمدة خمسة أعوام
|
حبيبنا المسلمي .. والحبيب ودالبشرى ..
خطير يا مسلمي .. يا أخي إنتو ناس مدن ما لكم ومال القصب .. ولكن عندك خبرة في الموضوع نوع القصب الذي تتحدث عنه كان قبل دخول التكنولوجيا وأيام السواقي .. كان يزرع فقط للعلف .. واليوم أصبحت تجارة رابحة جداً .. ولأن الشمال فيه برد والقصب لا يتحمل البرد .. كان يزرع بين الصيف والشتاء .. وكان إسمه ( ربييه ) بالعربي (ربيع) وهذا النوع من القصب للعلف فقط ولا يثمر حب ( ذرة ) وقصبه مفيد وجميل وخاصة في السواقي والجروف .. ويستوي في أقل من شهرين ( قبل دخول شهر كهيك بداية الشتاء ) .. وكان يعتبر غذاء مفيد وجيد للبهائم .. أما البرسيم فكان في نوعين ( برسيم بلدي ) و (برسيم افرنجي ) البلدي قصير والفرنجي طويل ومتماوج .. والزرع الوحيد الذي لا يصلح مع الطمي وموية الدميرة هو البرسيم .. لأن أطيان الطمي تخنق البراعم وتمنع النمو .. والصعب في البرسيم هو ( الحشة الأولى ) ويتم بمنجل غير ( مشرشر ) وكان يسمى ( الطهورة ) لآن المنجل العادي يمكن يذهب بجذور البرسيم .. لا أعرف الحكي بالعربي في هذا الموضوع .. يا ريت كان بالنوبية كنت أبدعت شرحاً وتوضيحاً .. (هههه ) الاحباب ودالبشري والمسلمي ( إن شاء تكون فهمتو حاجة من الموضوع )
| |
|
|
|
|
|
|
Re: محمد بن سلمان: سنعتمد على السودان في الزرا (Re: علي عبدالوهاب عثمان)
|
ياسر حبيبنا .. معليش نسيت أحييك في المداخلة السابقة .. لأني طوالي إستحضرت سواقينا وأباءنا رحمهم الله ..
أما بخصوص السعودية .. ممكن الاستثمار في الشمالية ولكن بشرط القمح فقط لأن المحاصيل الاخرىخطرة على الارض وهناك آلاف الافدنة من الارض المستوية والمياه الجوفية .. ومن الراي .. أحسن السعوديين بدل ما يجو المصريين ويكون إحتلال وضم ومشاكل .. وكمان عدد السكان قليل في الولاية الشمالية أقل من مليون .. ودي فرصة للمصريين
وبالمقارنة أفضل السعوديين .. ربما يكونوا هم الحل ما دام نحن لا عندنا حكومة ولا تخطيط ولا إستعداد مودتي ياسر ..
| |
|
|
|
|
|
|
Re: محمد بن سلمان: سنعتمد على السودان في الزرا (Re: علي عبدالوهاب عثمان)
|
Quote: ممكن الاستثمار في الشمالية ولكن بشرط القمح فقط لأن المحاصيل الاخرىخطرة على الارض وهناك آلاف الافدنة من الارض المستوية والمياه الجوفية |
سلامات يا علي ما المشكلة في المياه الجوفية دي زاتها, السعودية وقفت زراعة القمح عندها ليه, لأنه بأثر على المخزون بتاع المياه الجوفية مع الحاصل في النيل و كل دول الحوض التي فتحت اعينها على حقوقها و المطالبة بحصصها النبقى عشرة على مياهنا الجوفية فهي ملك للأجيال القادمة لو في امكانية يكون في شرط لكل مستثمر أنه يسقي من مياه النيل فقط منها نضمن استهلاك فائض حصتنا المهدر لمصر لكن بالتاكيد حتلاقيهم عقبات المسافة و التكلفة و الطاقة وقبل دا المصريين سيعرقلوا اي استخدام لحصتنا
| |
|
|
|
|
|
|
Re: محمد بن سلمان: سنعتمد على السودان في الزرا (Re: محمد البشرى الخضر)
|
مع التحية حبيبنا ودالبشرى .. هم زراعتهم بالرشاشات وليس مثل الزراعة التقليدية عندنا ( مترات ، جداول ، اللبوق ) عندنا في الشمالية المزراع بالرشاشات أقل تكلفة وزراعتهم مربحة جداً وبدون تعب . عكس حواشاتنا .. ترعة وإستهلاك مياه .. وهدر .. وتعب جسدي ..
مودتي .. لصاحب البوست ياسر
| |
|
|
|
|
|
|
Re: محمد بن سلمان: سنعتمد على السودان في الزرا (Re: ياسر منصور عثمان)
|
الاخ ياسر وضيوفك .. سلام
لو السعودية ومصر والسودان عملوا تكامل زراعي سوف يكون له مردود اقتصادي كبير ويعود بالفائدة على الجميع السعودية عليها التمويل .. ومصر عليها العمالة والخبرات .. والسودان يكتفي بارضه وماءه ... ونحقق حلم ان السودان سلة غذاء العالم ..
| |
|
|
|
|
|
|
Re: محمد بن سلمان: سنعتمد علي السودان في الزرا (Re: ود الباوقة)
|
Quote: ومصر عليها العمالة والخبرات ..
|
سلام يا مجيدو ليه مصر عليها العمالة ؟ السودان ما عنده عمالة والا شنو ؟ العطالة القاعدة فوق بعض تمشى وين والا انت صدقت قصة كسل السودانى ؟ واعطاء حق العمالة للسودان حق من حقوقه بموجب قانون الاستثمار طالما السودان بلد الاستثمار
| |
|
|
|
|
|
|
Re: محمد بن سلمان: سنعتمد علي السودان في الزرا (Re: خالد حاكم)
|
Quote: سلام يا مجيدو ليه مصر عليها العمالة ؟ السودان ما عنده عمالة والا شنو ؟ العطالة القاعدة فوق بعض تمشى وين والا انت صدقت قصة كسل السودانى ؟ واعطاء حق العمالة للسودان حق من حقوقه بموجب قانون الاستثمار طالما السودان بلد الاستثمار |
اهلين اخونا خالد حاكم ...
انا قصدت بالعماله المصرية لكثرتهم العددية وخبرتهم ... واكيد العمالة السودانية سوف تساهم في اي مشروع زراعي مستقبلي .. وهذا من حقهم ...
تحياتي ,,
| |
|
|
|
|
|
|
Re: محمد بن سلمان: سنعتمد على السودان في الزرا (Re: علي عبدالوهاب عثمان)
|
Quote: ومصر عليها العمالة والخبرات .. [/QUOTE هههههههههه!!!! ذكرتني أيام مشروع الوحدة الثلاتسة ناصر قذافي نميري!!! المصريين قالوا أموال ليبية ، وأراضي سودانية ، وخبرة مصرية!!! شوف الاستهبال !!! ما هي خبرة المصريين !! المصريين خبرتهم ، لو عندهم ، بالأرض المصرية السودانيين ، ومن آلاف السنسن ، زرعوا أرضهم ، وكونوا خبراتهم فيها المصريين عندهم صحراء وعندهم مياه جوفية خلاص ياخي يزرعوا أرضهم بمويتهم نفس الشي السعودية عندهم صحراء وعندهم مياه جوفية، لكن لأنهم شطار ، وحكامنا بعضهم انتهازي والآخر أهبل ، بعدما ثبت ليهم بالتجربة إنهم بيستنزفوا مياههم فهم عاوزين يستنزفوا مياهنا الجوفية وبفكونا عكس الهوا. أكبر خدعة وأكبر أحبولة شيطانية هي حكاية السودان سلة غذاء العالم العربي طيب ماله؟؟ أول حاجة يكون العالم العربي خزينة تمويل السودان ورونا عاوزين قمح بي كم ؟ أدفعوا لينا تمنه في شهر سبعة في البنك الزراعي نمول مزارعننا عشان يجهزوا أراضيهم ويستعدوا للزراعة وبالكتير شهر أربعة أو خمسة نديكم قمحكم وكل واحد يقعد في بلده أما حكايتكم دي حتكون بداية لاستعمار استيطاني فبطلوا استهبال. وبعدين أخونا دا جايي من وين؟؟ قال إيه؟؟ السعودية جادة والسودان ماناس شغل السودان ، لاحظ قال السودان ، يعني الناس السود ، السودان ما ناس شغل ؟؟ انت بتتكلم بلسان منو؟؟ ياناس هوي!!! فتحوا عيونكم وما تتخموا.. وفكروا في أجيال المستقبل ... أبناءكم وأحفادكم بكرة حيلقوا نفسهم زي الفلسطينيين وأسوأ لأنهم حيقعوا في قبضة ناس أسوأ من اليهود. وبالطريقة دي حيجي يوم أولاد العرب يسمعوا كلمة عبد في قلب الخرطوم
فتحوا عيونكم
| |
|
|
|
|
|
|
Re: محمد بن سلمان: سنعتمد على السودان في الزرا (Re: ياسر منصور عثمان)
|
عايزين نفهم صفة مصر فى العملية شنو ؟
السعودية صاحبة راس المال السودان بلد الاستثمار والعمالة مصر دى متحشرة ليه ؟ اى استقدام للعمالة على حساب العمالة السودانية حيكون خازوق كبير وخاصة من مصر اسالوا العراقين والسوريين عن العمالة المصرية وحقيقة المصرى لو اصلا ما عارفين
| |
|
|
|
|
|
|
Re: محمد بن سلمان: سنعتمد على السودان في الزرا (Re: ياسر منصور عثمان)
|
Quote: الارجح ان الامير محمد بن سلمان قال .. نعتمد على السودان في الزراعة ومصر في التصدير اي ان الموضوعين مختلفين تماماً.. |
قول لي ياخوي ... أرجحيتك دي بنيتها على أي أساس.. هل وضعت في الحسبان موضوع حفظ الحقوق المصرية في حلايب وشلاتين!!!؟
الموضوع كبييييييييير ودا حلف خطييييييييييير في ظل أوضاع بلادنا الراهنة وأوضاع حكامنا الجارين وراء مصالحهم وناسين مصالح البلد
تحياتي
| |
|
|
|
|
|
|
Re: محمد بن سلمان: سنعتمد على السودان في الزرا (Re: ياسر منصور عثمان)
|
قال الزرعه السودان ومصر والتصدير الى أوروبا عن طريق مصر
مصر ما فيها أراضي زراعية .. لى مشاريع كبيره الا اذا استصلاح الصحراء
المشاريع في السودان
لكن مشاريع زى دى .. ما اعتقد تنجح .. بى سبب تفاهه دولنا وأيضا بى سبب السيطره العالمية على الاقتصاد .. ودائما العقبة الكبيرة هي النوايا السياسية المبطنه لمثل هذه المشاريع
| |
|
|
|
|
|
|
Re: محمد بن سلمان: سنعتمد على السودان في الزرا (Re: ياسر منصور عثمان)
|
حبيبنا ياسر .. الإستثمار لو في الشمالية وكمان في دنقلا ( محلية البرقيق ) شرق النيل .. فوق من الحواشات بعد السكة الحديد تكون حاجة رائعة جداً .. لأن الزحف الصحراوي مهدد حواشاتنا بعد جدول الدفوفة وكمان ( النز ) تصاعد المياه الجوفية كمان الاسفلت شريان المحس يمر على بعد معقول من هذه المنطقة ..
(ههههي ) بس إخوانا ناس ولاية النيل ما شاء الله عليهم يعرفوا كويس يصطادوا المستثمرين وناس ولايتنا نايمين قفا في دنقلا يستاهلوا عشان هم منظمين وحريصين وعندهم تخطيط كويس .. حتى الوالي لما زار جدة هنا كان جاي بخطط ومشاريع
يا أخي على الأقل يبرد لينا الجو شوية وشبابنا خريجين الزراعة مكدسين في المحلية وفي والولاية يقدر يكتسبوا خبرات واسعة .. هذه الاراضي التي أتحدث عنها من زمن سيدنا نوح لم يطأها بني آدم ..
مودتي ياسر .. كمان لو تابعت لينا أخبار الاستثمار ده يكون كويس
| |
|
|
|
|
|
|
Re: محمد بن سلمان: سنعتمد على السودان في الزرا (Re: علي عبدالوهاب عثمان)
|
Quote: خلال تقديمه لرؤية 2030 ان المملكة ستعتمد على السودان |
يا جماعة الخير الموضوع قديم شوية في ثوب جديد فمبادرة خادم الحرمين الشريفين للأمن الغذائي إعتمدها الملك السابق وتكونت لها شركات وصندوق وعملت مع أكثر من دولة والسودان لم يستغل الفرصة بطريقة مثمرة حتى هذه اللحظة؟؟؟ مع العلم بان هنالك مبادرة أخرى مكملة لها بواسطة فخامة الرئيس البشير وهي لم تزل في أطوار التنفيذ؟؟؟ إذن الموضوع إعادة صياغة لحدث قديم ومطلوب من السودان أن يفعل آليات الشباك الواحد للإستثمار ليستفيد من الفرصة كيلا تسبقنا لها دول مثل أثيوبيا وغيرها.........
| |
|
|
|
|
|
|
Re: محمد بن سلمان: سنعتمد على السودان في الزرا (Re: حماد الطاهر عبدالله)
|
حبيبنا ياسر .. اليوم في قناة العربية خبر : السودان يستعد لاستقبال الاستثمارات السعودية أنا مهتم جداً بالموضوع ده .. لأننا في الشمالية عندنا مساحات شاسعة من الاراضي الزراعية قابلة للاستثمار .. مقابلها هجرات واسعة لعدم وجود الامكانيات والبنية الزراعية ومثل هذه الاستثمارات تساعد في إستقرار البشر ..
مودتي ..
| |
|
|
|
|
|
|
Re: محمد بن سلمان: سنعتمد على السودان في الزرا (Re: احمد الشيخ)
|
مع التحية للحبيب ياسر ..
Quote: التعاون مطلوب لكن الشيطان في التفاصيل عودنا "أثر فأس" الانقاذ انها لا تحسن التفاوض في الاستثمار لمصلحة المواطن نخشى ان يتم تمليك الاراضي وتزرع السعودية ما تريد وتشحنه دون ان يستفيد المواطن شيئا من عائدات او عمالة او تعويضات |
حبيبنا ود الشيخ .. هنا مربط الفرس .. هذا ما نخاف منه الفساد التفريط اللامبالاة .. ووضعت يدك على الجرح وخاصة في الشمالية ما في زول جايب خبر .. يمكن شحن الخضار والفواله من مطار دنقلا ومروي وهي مطارات كبيرة ولكن المهم الادارة
مودتي .. مع التحية لياسر ..
| |
|
|
|
|
|
|
| |