نفس السؤال والله الغريبة أمبارح سألت السؤال ده في قروب فكانت الإجابة مزيدا من عبارات: محاسن كبي حرجل ومحاسن سوي شنو ما عارف!! بالله الفاهم احجة يورينا 🤗🤗
تحياتي أخ الطيب
01-30-2017, 10:37 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
ههههه التحايا ليك ود ابو سن وكل المتداخلين .. المثقفاتية انواع في ناس ثقافتهم في الراندوك عالية فلازم نفهم قصه محاسن منهم شان كده قت مثقفاتية .. وفي ناس ثقافتهم ضحلة زي كده .. فلازم نفرق بيناتهم .. ولك العتبي
01-30-2017, 10:47 AM
الطيب عباس الطيب عباس
تاريخ التسجيل: 09-22-2015
مجموع المشاركات: 2276
دة ط ج في اليوتيوب بحكي عن اولاد عطالة وماعندهم شغلة غير محاسن كبي حرجل محاسن كبي شاي باعتبار محاسن ست شاي يقال انو في واحدة اسمها محاسن ست شاي رفعت قضية علي كل من يعلق تعليق سخيف
01-30-2017, 11:10 AM
الطيب عباس الطيب عباس
تاريخ التسجيل: 09-22-2015
مجموع المشاركات: 2276
هههههههههه والله يستاهلو .. غاييتو انحنا شعب عووير خلاص بنمسك في الحاجة كلنا لمن نمسك وبعد شوية نشوف البعديا ههههه مثلا طلعت كلمت شتات في التسعينات مقتبسة من مسرحية بقول فيا محمد المهدي الفادني الباقي كلو شتاااات يلا تعال شوف الدفارات والركشات شتات كل البلد مشتته بقت وتاني ظهرت عبارات كتيرة منها السياسي ك ( زنقه زنقه - لحس الكوع - الخ .. ) وفي كلمات م ا متذكرة ههههه بس هي عبارات كوميدية مقتبسه من دعايات او اعلاناات كما الاسكتشات بتاعت عادل امام البيدرجوها في الافلام في الواتس ..
Quote: دة ط ج في اليوتيوب بحكي عن اولاد عطالة وماعندهم شغلة غير محاسن كبي حرجل محاسن كبي شاي باعتبار محاسن ست شاي يقال انو في واحدة اسمها محاسن ست شاي رفعت قضية علي كل من يعلق تعليق سخيف
01-30-2017, 11:31 AM
Khalid Elsayed Khalid Elsayed
تاريخ التسجيل: 01-25-2017
مجموع المشاركات: 787
صاحب البوست سلام اول مرة اسمع العبارة دي في مسرحية الحاج متذكر في مشهد فيو ست الشاي قاعدة وحواليها ود المهدي (منوفلي) وجمال عبدالرحمن(الحاج متذكر) ومعاهم تالتهم داك بالاضافة لممثل تالت نسيت اسمه هسي كان ممثل دور زول بتاع سياسة ومثقف وكدة وبتأفف من الوضع لما الطارة كبست قام قال ليها سجن السياسة دا حار بقوم بطلع ليو ليو باقة كريستال بقطعها ويقعد يكورك محاسن كبي شيرية محاسن شيرية
يقال والعهدة على عمو واتساب إنها ست شاي بتخت كبابي الشاي بي فوق لتربيزتها وكبابي العرقي جوة صندوق التربيزة وأضاف آخرون إنها انتشرت واصبحوا بمشوا ليها بتاعين الركشات وكل طالبي الانصاص لحدي ما الشرطة شمت الريحة وعكشتها
01-30-2017, 01:56 PM
اباذر عبد العال اباذر عبد العال
تاريخ التسجيل: 03-26-2015
مجموع المشاركات: 874
محاسن كبي ...وقصة محاسنكل مافي الامر...طلع شخص شبه مجنون يدعي طارق الدامر..او هو مدينة الدامر يعمل كمسنجي في المواقفذو لسان فالت والفاظ سوقية لا تقال امام العامه وانتشرت له كثير من الفديوهات منها الطريف... واكثرها بها الفاظ سوقية وشينه قليلة ادبواذا جاز الوصف يعتبر زول منتهى ساي... يجلس وسط مجموعه من الشباب في الاسواق ويطلبون منه الكلام في السياسه والناس والمواضيع ويتم الباقي االفاظ سوقيه وهم يضحكون المره التي قال فيها محاسن كبي حرجل محاسن كبي شيريا محاسن كبي شاي...ادخل معها محاسن كبي نص ومحاسن كبي انقارا وكان في احد الفديوهات صاحب عبارة محاسن ..يجلس عند ست الشاي..ويذم في الشباب بجلوسهم الدائم عند ستات الشاي ..قالهم بطريقه كموديه ومضحكهانتو جاسلين عند ستات الشاي.طول الوقت يوجد في الصندوق اشياء اخري غير الشايوعدد الاشياء التي ممكن توجد وتشرب عند ست الشاي ..مع كل مره يذكر اسم محاسن..اعتقد ست الشاي الكان جالس عندها اسمها محاسن.او بالاشارة الي محاسن اخريمن هنا انطلقت الجملة ..محاسن كبي نص ....والخ كلام سوقي .كلو
سلام عليكم قصة محاسن زي قصة عم عبدو ابرمها ابرمها , تسجيل لمضحكاتي انتشر ثم تم تقليده من العشرات واخيرا اعنية و بعض محلات السعوط تسمت باسمه و اهو الامور ماشة و الناس متونسة
01-31-2017, 05:28 AM
محمد إبراهيم علي محمد إبراهيم علي
تاريخ التسجيل: 08-10-2009
مجموع المشاركات: 10032
اهلا ود البشري نحنا المغتربين مرات لمن نرجع في الاجازات بنكون فاتحين خشمنا لانو في عبارات ما بتكون مفهومه هههههه زي اكتمها وكتما ... وقديما عباره ببقي لي بمبي هههههههه
Quote: سلام عليكم قصة محاسن زي قصة عم عبدو ابرمها ابرمها , تسجيل لمضحكاتي انتشر ثم تم تقليده من العشرات واخيرا اعنية و بعض محلات السعوط تسمت باسمه و اهو الامور ماشة و الناس متونسة
01-31-2017, 05:39 AM
الطيب عباس الطيب عباس
تاريخ التسجيل: 09-22-2015
مجموع المشاركات: 2276
مرحب اباذر .. اي طارق جيب الله مشهور كده عندو فلجه ومثقف شوية ههههههه وبديا ضحكه في اخر اي فيديو وجد شهرة واسعه عن طريق الاسكتشات وبقت ليو رزق شكلا
Quote: محاسن كبي ...وقصة محاسنكل مافي الامر...طلع شخص شبه مجنون يدعي طارق الدامر..او هو مدينة الدامر يعمل كمسنجي في المواقفذو لسان فالت والفاظ سوقية لا تقال امام العامه وانتشرت له كثير من الفديوهات منها الطريف... واكثرها بها الفاظ سوقية وشينه قليلة ادبواذا جاز الوصف يعتبر زول منتهى ساي... يجلس وسط مجموعه من الشباب في الاسواق ويطلبون منه الكلام في السياسه والناس والمواضيع ويتم الباقي االفاظ سوقيه وهم يضحكون المره التي قال فيها محاسن كبي حرجل محاسن كبي شيريا محاسن كبي شاي...ادخل معها محاسن كبي نص ومحاسن كبي انقارا وكان في احد الفديوهات صاحب عبارة محاسن ..يجلس عند ست الشاي..ويذم في الشباب بجلوسهم الدائم عند ستات الشاي ..قالهم بطريقه كموديه ومضحكهانتو جاسلين عند ستات الشاي.طول الوقت يوجد في الصندوق اشياء اخري غير الشايوعدد الاشياء التي ممكن توجد وتشرب عند ست الشاي ..مع كل مره يذكر اسم محاسن..اعتقد ست الشاي الكان جالس عندها اسمها محاسن.او بالاشارة الي محاسن اخريمن هنا انطلقت الجملة ..محاسن كبي نص ....والخ كلام سوقي .كلو
01-31-2017, 05:36 AM
الطيب عباس الطيب عباس
تاريخ التسجيل: 09-22-2015
مجموع المشاركات: 2276
ههههههههههههه احمد محمد عمر مرة ايام الجامعه والسخانة والبلد كاتمه مشينا لي فردتنا في اب روف .. ومنها البحر نجلبغ .. اها الطارة جات مع انو ماف اي سنة ولا كبنقه ههههه اها اتاري البحر ممنوع وفيو الترويج بتاع الكبنقة ... رفعونا ليك مع المروجين وودونا الكبجاب هههههههه وهاك يا بطاقات ويا زول انتو طلبة والاد ناس الجابكم هنا شنو .. وتعهدات ومابعرف شنو .. اها في مجند خدمه وطنية من كوستي رحلو البقعه بدري طلع بعرفنا بي جاي جاي مرقونا صحبك كل ما يلقاني اها ابروف كيف .. وكوستي الرديف ههههههه وقعت وقعه شينه من كوستي وفي اب روف هههههههههههه
ومحاسن كبي شيريا هههههه
Quote:
يقال والعهدة على عمو واتساب إنها ست شاي بتخت كبابي الشاي بي فوق لتربيزتها وكبابي العرقي جوة صندوق التربيزة وأضاف آخرون إنها انتشرت واصبحوا بمشوا ليها بتاعين الركشات وكل طالبي الانصاص لحدي ما الشرطة شمت الريحة وعكشتها
01-31-2017, 05:27 AM
الطيب عباس الطيب عباس
تاريخ التسجيل: 09-22-2015
مجموع المشاركات: 2276
منذ زمن بعيد ..من وقت لآخر تظهر عبارات و مصطلحات لها مدلولات و يتم تناولها بين فئات الشباب و الطلاب و كانت محصورة بينهم .. و لكن بانتشار الاجهزة الزكية و الواتساب و غيره من التطبيقات التى اتحات سهولة التواصل و الانتشار ..
اصبحت هذه العبارات و تلك المصطلحات عامة بين كل الفئات العمرية .. رجال و نساء .. قصة محاسن و و ما ادراك ما محاسن .. مرت على البارحة و لم استسيغ العبارات التى وردت فيها ..
الطيب رحمه قريمان
02-01-2017, 07:13 PM
أيمن نواى على أيمن نواى على
تاريخ التسجيل: 05-02-2015
مجموع المشاركات: 4339
قصة محاسن من فطاحلة الاغانى الدكاكينية ...... وملهمهم خليل عازة الذى يستخدم اسم الانثى كرمز اخر ..... ومحاسن مجارة فى الضواحى وطرف المدائن فى القعدات الخاصة جدا ..... ويطلق عليها ناس الكريستال او خرطوم بليل الجو ..... اما ناس جكسا وضهر الفيل ديل مجموعة تانية براها...... اما ناس اموت ركن ديل خليهم ما محسوبين مع الجماعة .
02-01-2017, 11:32 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
فى بوست للاخ زهير ذى علاقة بالموضوع سألته فتفضل بالإجابة التالية:
Quote: أخي العزيزعبدالعزيز الفاضلابى تحياتي يقال يا أستاذ أن محاسن هذه قد نالت الشهرة وبلغ صدها مدي البلاد والجوار ليس لانها بائعة شاي عادية ولكنها أين تبيع المشروبات الروحية العرقي ويقول لها زبائنها الكرام دوما محاسن كبي حرجل والحرجل يشبه العرق وصارت محاسن في مواقع التواصل الاجتماعي رمزا للفوضي وأنكسار المحبط حتي في النكته السودانية أخيرا أرجو أن اكون وضحت أمر وقد يكون هايف ولكنه أصبح جزء من الادبيات الشعبية السائدة وسط الشباب اليوم لك كل الود
02-02-2017, 05:43 AM
الحاج حمد الحاج الحاج حمد الحاج
تاريخ التسجيل: 03-29-2008
مجموع المشاركات: 4800
Quote: قصة محاسن من فطاحلة الاغانى الدكاكينية ...... وملهمهم خليل عازة الذى يستخدم اسم الانثى كرمز اخر ..... ومحاسن مجارة فى الضواحى وطرف المدائن فى القعدات الخاصة جدا ..... ويطلق عليها ناس الكريستال او خرطوم بليل الجو ..... اما ناس جكسا وضهر الفيل ديل مجموعة تانية براها...... اما ناس اموت ركن ديل خليهم ما محسوبين مع الجماعة .
02-02-2017, 10:52 AM
الطيب عباس الطيب عباس
تاريخ التسجيل: 09-22-2015
مجموع المشاركات: 2276
زمان كان في رطانه واندثرت انا عاوز اطلعا بالواتس تاني .. بتاعت سنت ابوني تتذكروها ههههه
ياخ زي ما قال هي هروب من الواقع بخلق نكات وتصديقها قد يكون الموقف حقيقي في وكتو وتاني يمسكو فيو .. بكون مسيخ مالم يكون في لحظتو ..
تحياتي
Quote: تحياتى اخى الطيب عباس .. و لضوفك الف تحية ..
منذ زمن بعيد ..من وقت لآخر تظهر عبارات و مصطلحات لها مدلولات و يتم تناولها بين فئات الشباب و الطلاب و كانت محصورة بينهم .. و لكن بانتشار الاجهزة الزكية و الواتساب و غيره من التطبيقات التى اتحات سهولة التواصل و الانتشار ..
اصبحت هذه العبارات و تلك المصطلحات عامة بين كل الفئات العمرية .. رجال و نساء .. قصة محاسن و و ما ادراك ما محاسن .. مرت على البارحة و لم استسيغ العبارات التى وردت فيها ..
الطيب رحمه قريمان
02-02-2017, 10:49 AM
الطيب عباس الطيب عباس
تاريخ التسجيل: 09-22-2015
مجموع المشاركات: 2276
محاسن كبي حرجل دي رمزية للوضع المأزوم والذي تعيشه البلاد والرجل وصف الوضع المأساوي حسب فهمه واعتقد ان الرجل صادق في ما ذهب من حيث الشباب العاطل والبلد المدقرة زي دقار منبرنا دا
02-02-2017, 01:24 PM
Ahmed Elsadig Ahmed Elsadig
تاريخ التسجيل: 03-10-2013
مجموع المشاركات: 567
الاخ الطيب وضيوفه تحية طيبة في بداية التسعيينات كان في أزمة دقيق وصادف عيد فطر ظهرت عبارة ( خبزتو ) وردها (راجين صوانيكم ) وبرضو ظهرت (ام برمة ) ام برمة شي غنا وشي حركات بالارجل والايادي بشتنه شديدة انا الى الآن ما عارف حكاية ام برمة دي شنو ومعناها شنو ؟ وتاني ظهرت قصة سوق المواسير والناس الركبو ماسورة غايتو محن شديدة هههههههههههههههههههه
02-05-2017, 10:52 AM
الطيب عباس الطيب عباس
تاريخ التسجيل: 09-22-2015
مجموع المشاركات: 2276
الأدب والفن والغناء والرياضة تتاثر بالأوضاع التي تعيش فيها وموضوع محاسن نتاج لإفرازات عهد الانحطاط الذي نعيشه.. أدخل الفيس لترى إلى أي درك سحيق وصلنا.. كل المدااخلات محاسن كبي محاسن كبي وكأن محاسن وحدها هي من تعيش في الوطن المأزوم.. أصبحت شغل الناس هو تبادل النكات اليومية بطريقة سمجة وسخيفة وتدل على |أننا شعب عاطل وكل همه أن ينتهي يوم الإنسان فيه بخير.. أمر مؤسف ما وصل إليه حال شعب وشباب السودان..
02-06-2017, 05:50 AM
الطيب عباس الطيب عباس
تاريخ التسجيل: 09-22-2015
مجموع المشاركات: 2276
Quote: الاخ الطيب وضيوفه تحية طيبة في بداية التسعيينات كان في أزمة دقيق وصادف عيد فطر ظهرت عبارة ( خبزتو ) وردها (راجين صوانيكم ) وبرضو ظهرت (ام برمة ) ام برمة شي غنا وشي حركات بالارجل والايادي بشتنه شديدة انا الى الآن ما عارف حكاية ام برمة دي شنو ومعناها شنو ؟ وتاني ظهرت قصة سوق المواسير والناس الركبو ماسورة غايتو محن شديدة هههههههههههههههههههه
02-07-2017, 04:42 AM
الطيب عباس الطيب عباس
تاريخ التسجيل: 09-22-2015
مجموع المشاركات: 2276
*شعر / صديق الرضي* *الصداقة* عليك المولى ما بتخجل بتتهكم عليها تقول محاسن كبي لي حرجل اكبك الله داخل بير واقع في البير كمان كم فيل وتتكسر وتتبرجل محاسن امي وأختي كمان وخالة وعمه بت جيران نعم ست شاي نعم بتحنن النسوان نعم بتبيع تسالي وفول لكن هي من الرجال أنبل محاسن هي ست البيت وست الناس وسامية وغالية زي الماس محاسن ساس محاسن هامة ما بتنداس ممكن ما بتفك الخط وما كتبت على الكراس محاسن ايوه ياخي مره بتزعل لو نفد صبرا وتكسر للرجال الراس وبرضو بتفضل الاجمل محاسن شالتك تسعة محاسن رضعت حولين محاسن ذايبة زي شمعة محال توفيها ياخي الدين محاسن اخفت الدمعة وصابرة عليك سنين و سنين محاسن طيبة السمعة وخاتا الخمسة في الاتنين محاسن ربتك يا خوي محاسن خلتك ترجل معلمة قرت اولادك طبيبة تداوي شفعنا محامي مهندسه وقاضي اذا أخطانا تردعنا وحبوبة تحجينا تطبطبنا فرحنا ولا دمعنا وبالأمثال تعلمنا ومن عاداتا كم ننهل محاسن واردة في الدونكي وراعيه لي غنيماتا محاسن ماسكة للسونكي بتحفظ طين وليداتا محاسن في الفجر بتشيل ملودا وطوريتا ومنجل بسيطة تلقط الويقود حكيمة تطبب الميرود حفيدة ل (نعيم) الجود كريمة تجود هي بالموجود ولو مافيش برضو تقولك إتفضل محاسن حرة بت حرة تبيع الدكوة والكسرة عشان اتعلموا الاولاد وشان تتزوج السرة نقية وفية ناصعة صفاتا وكاسيها العفاف والسترة شامخة أبية حاشاها لا مزلولة لا منكسرة مميزة بين نديداتا وفي أفكارا دايما حل محاسن ياها كنداكة في محنك تملي معاك وفي كل خطوة سانداكا سخية و ما بخيلة عليك ولو حيلتها مسواكا ومرات ما بربي أبو لبن ضرعاتا رباكا ولما اجيبو سيرتا بس خلاص الكلام بكمل وبرضو تقول… محاسن كبي لي حرجل!!! قول لي بس بتسخر ليه وفرقك من محاسن إيه فاقد بس إجيك الحيض وناقص بس كمان تحبل. محاسن يا حقيبة الفن محاسن يا العسل والدن وأقيس محاسنك بمن ويا الدر الماليك تمن ولا نور عيني ونور الزمن ويا البدر الدوبو اكتمل وفيك صور المحاسن والمحاسن اغرتك ريقا يشفي المعلول واهن بي سمح طبعها سرتك عيونك الواسع مقاسن الحشا المبروم والديس والكفل وإن عشقنا بنعشق محاسن شان تفوز بيها اتحرتك ومن محاسن حسن المحاسن كون ابوها البرتك والمكارم غرقن ساسن كون اخوها السرتك وابقى فارس لي محاسن وابقى ليها كمان البطل.
02-17-2017, 11:08 PM
فردوس جامع فردوس جامع
تاريخ التسجيل: 09-28-2011
مجموع المشاركات: 1179
و للآخرين محاسن " هم" اليومين ديل العالم شغال تقليد في حركة الجزار/ الطباخ التركي Nusret Gokceمشاهير من برامج التلفزيون الترفيهية و إلي البرامج الرياضية ... يذروا الملح (الحركة) على طريقته " الكوبرا"شغل الناس لدرجة إنه كتبوا عنه في ال wall street journal... إتفتحت ليه أبواب رزق كتيرة!التحية لك الأخ الطيب و لزوار البوست
واحده خشت علي حبيبها بالوتساب قالت ليهو : محمد كيفك شنو ما بتسال ليه ؟؟ قال ليها : اوو نون اخبارك معليش الفلس بخلي الناس ما بتسال قالت ليهو : انت ما تشوف ليك شغل بدل قاعد عاطل كدا ،،،
قال ليها : هوا في البلد دي في شغل .
قالت ليهو : وين انت هسه ؟
قال ليها : قاعد جنب ست الشاي بشرب في جبنة... فجاة خشي عليها واحد تاني
قالت ليهو : يا محمد دقيقة بس صاحبتي خاشة علي
قالت للمتصل : يا مرحب منوو معاي .؟
قال ليها : انا عوض ود عمك معقول نسيتي الرقم يا نون
قالت ليهو : عوض كيفك معقول وين مختفي شنوو وين فترة ما سمعنا منك ...
قال ليها : انا في قطر كيف عمي قالت ليهو : تمام اها الشغل كيف ؟؟
قال ليها : تمام الحمدالله مية ميه اشتريت لي بيت في الصافية عمارة وجاي جاهز اها رايك شنو اضرب اكلم عمي ؟؟ قالت ليهو : واااااااو اضرب طوالي قال ليها : مبروك اسع بضرب ليهو يلا باي رجعت لي محمد قالت ليهو : يا محمد انت لسه جنب ست الشاي ؟؟ قال ليها : ايو يعني امشي وين
قالت ليهو : خلاص خليها تكب ليك حرجل .......
😂😂😂😂😂😂😂
04-04-2017, 05:28 AM
الطيب عباس الطيب عباس
تاريخ التسجيل: 09-22-2015
مجموع المشاركات: 2276
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الطيب عباس
عبدالحفيظ ابوسن
محمد جلال عبدالله
Khalid Elsayed
Yousuf Taha
محمد البشرى الخضر
محمد إبراهيم علي
بدر المعارف محمد المساعد
الطيب رحمه قريمان
أيمن نواى على
عبدالعزيز الفاضلابى
الحاج حمد الحاج
Nasruddin Al Basheer
عبداللطيف حسن علي
Gaafar Ismail
فؤاد إبراهيم
حيدر حسن ميرغني
فردوس جامع
حسن محمد عمر
فيس بوك
تويتر
انستقرام
يوتيوب
بنتيريست