|
دعواتكم لزميلنا المفكر د.الباقر العفيف بالشفاء العاجل
|
|
 Re: ما لقيت عنوان مناسب للموضوع دة (Re: اسامة عثمان السيد)
|
سلام عزيزنا اسامة
اول حاجة ليك جزيل الشكر و المجموعة الفاضلة المعاك
معقولة دى !!! حتى عمل الخير فيهو سين و جيم
الناس ديل انعدم فيهم الضمير للدرجة دى
من الابجديات انّو اى وضيفة حكومية مهمتا الاساسية خدمة المواطن ...
يقومو يمنعوهو الدوا
لا حولااااااا
دى مصيبة شنو دى الوقعنا فيها دى
| |
 
|
|
|
|
|
|
|
|
Re: ما لقيت عنوان مناسب للموضوع دة (Re: جلالدونا)
|
سلام يا عثمان،
كلامهم صحيح، لا يمكن أن يسمح لك بارسال أدوية لداخل الدولة دون أن تمر بالقنوات الرسمية، ودون تسجيل في ادارة الصيدلة وتصاديق استيراد.
عنوان البوست الذي اقترحه لك:
التفكير العاطفي في حل المشاكل
| |
|
|
|
|
|
|
|
|
|
Re: ما لقيت عنوان مناسب للموضوع دة (Re: أبوبكر عباس)
|
افتكر الادوية المنقذة للحياه ما محتاجة
بخاخات الازمة ما محتاجة
ادوية الامراض المزمنة زى الصغط و السكرى و ناس القلب ما محتاجة
حاجات ناس غسيل الكلى ما محتاجة
كل الكان يعملوهو يطابقوها بى لست مواصفاتن
المطابق يدخل الغير مطابق يشوفو طريقة يدّخلوهو
البلد داخلة على ازمة دوا ... بل كارثة
و ناس الصيدلة و الجمارك المفروض يشكلّو لجنة طوارئ
تساعد فى حل المشكلة دى
الفكرة وين يا مستنير
عجز الدولة فى توفير العملة الصعبة لاستيراد الدوا
جاك من يحلّها ليك و لو حل جزئى
ياخى اقيف معاهو .. ما تخرب عليهو
| |
|
|
|
|
|
|
|
|
|
Re: ما لقيت عنوان مناسب للموضوع دة (Re: اسامة عثمان السيد)
|
العبارة دي سليمة بدرجة عالية جدا:
((أي دواء ما تكون متأكد من أي خطوة في سلسلة الانتاج والتوزيع؛ يعتبر قنبلة))
ولكنها لا تمنع الجهات الرسمية من اقتفاء أثر هذه السلسلة
بمعنى: أن تطلب الجهات الرسمية في السودان شهادة منشأ مثلاً أو فاتورة الشراء أو أي مستند يفيد عن سلسلة الانتاج والتوزيع
أو من المنشأة الصحية سواء مستشفى أو صيدلية أو خلافه التي تم الشراء منها
وفي النهاية شركات الأدوية منظومة دولية ومعروفة وممكن بسهولة حل الاشكال
دا لو فعلاً الجهات الرسمية عاوزة تساعد المواطن في حل هذه الأزمة
بكتب في الرد دا وخطر على بالي المثل السوداني ((المتضايقه ما بتعزل الداية)) والله أعلم
مودتي
| |
|
|
|
|
|
|
|
|
|
Re: ما لقيت عنوان مناسب للموضوع دة (Re: عكود عبد القادر عكود)
|
كلام "المستنير" فيه شيء من المنطق وهو ينطبق على معظم بلاد العالم باستثناء تلك الرقعة الجغرافية المسماة السودان.
في السودان يا جلال تسمح إدارة الصيدلة والسموم وغيرها من الجهات، بدخول كل سموم المبيدات الزراعية المسرطنة وبرعاية هؤلاء الذين يعترضون مرور الدواء.
وإلى السودان تسمح إدارات الصيدلة والسموم وبقية الجهات بمرور الحاويات الضخمة "الكونتيرات" المعبأة بأخطر أنواع المخدرات مرور الشعرة من العجين.
وإلى السودان تدخل أطنان النفايات النووية لتدفن وتُقبر قُرب مصادر المياه.
| Quote: دى مصيبة شنو دى الوقعنا فيها دى |
المصيبة يا جلال أن وزير الصحة وغيرهم من الوزراء هم نسخة مستنسخة من وزير "الدفاع بالنظر" يستطيعون رؤية ورصد كبسولة دواء مرسلة لإنقاذ حياة مريض، ويعجزون عن رؤية الكونتينرات والطائرات الضخمة حتى وإن عبرت في وضح النهار.
أذكر قبل سنتين أن استمعت إلى وزير الصحة الولائي، و مالك "الزيتونة" وصاحب قرار الحل والعقد – مع غيره بالطبع- بشأن دخول المواد المسمومة وعلاج خطرها الذي يجلب الموت، وكان الوزير يحملق في سقف الاستديو وهو يضع يده على خده في البرنامج التلفزيوني الذي يُقدمه هو نفسه.
لم يفتح الله على وزير "الزيتونة" بكلمة، وهو يستمع من ضيفه لمعلومة دخول وتفشي تلك المواد المسرطنة عبر منافذنا البرية مع دول أفريقية مجاورة.. وعندما كرر له ضيفه القول بأن تلك المواد تعبر إلى داخل غرف نوم السودانيين دون رقابة من جهات جُمركية أو هيئات مواصفات محلية، اكتفى (صاحب الزيتونة) وبطريقته المعروفة بالتعليق بكلمة واحدة: ..... باللااااااااااااااااهييي.
تحياتي لكم أخي اسامة ولضيوفكم الكرام وشفى الله مرضى السودان، وشفى الله السودان من السرطان المعشعش في أنسجته منذ أكثر من ربع قرن.
...
..
.
| |
|
|
|
|
|
|
|
|
|
Re: ما لقيت عنوان مناسب للموضوع دة (Re: الصادق عبدالله الحسن)
|
سلامات يا اسامه
الموضوع كله ما راكب عدله
موضوع الأدويه دا موضوع حساس جدا وخطير جدا
اذا الحكومة حكومة محترمة وبتعرف واجباتها وحقوق شعبها عليها
موضوع الدواء دا بالتحديد ما موضوع مزايدات كله كله
يحتاج الي فحص ومواصفات يعني ما بنفع معاه موضوع عمل خير وعمل شر
د موضوع مصيري وبيفتح الباب أمام بلاوي كثيرة ...
ببساطة الحكومة الماقدرة تدير موضوع الدواء موصفاته وإعتماداته وأستيراده وتخزينه وتوزيعه
مفروض تمشي طوالي وما أي مبرر لإستمرارها
دا فشل مركب وموضوع متاهه ما ليها نهاية ... يعني معقول حتي الدواء والعلاج الحكومة تعمل نايمة عشان الناس يرسلوا
لأهلهم العلاج وفوضي دخول مخدرات وأدويه منتهية الصلاحيه ... وباب مأكله لتجارها الإنتهازيين
الله في
| |
|
|
|
|
|
|
| |
اسامة عثمان السيد
جلالدونا
أبوبكر عباس
عمر أبوعاقلة
عكود عبد القادر عكود
الصادق عبدالله الحسن
فيس بوك
تويتر
انستقرام
يوتيوب
بنتيريست