Quote: البشير: انظروا إلى العراق وليبيا وسوريا واليمن، الآن كلهم ينشدون الأمن في السودان
لصاحبه Frankly ما مستقصد صاحب البوست، ولو إنو أول زول يمسح لي مداخلة، والغريبة المداخلة عادية وأكتر. المهم السؤال المعنون بيهو البوست، فني بحت. حتى لحظة فتح بوستي هذا بلغ عدد الكليكات في البوست المذكور أعلاه نحو 75 ألف كليكة، وعدد المداخلات 17، ولم تمض 24 ساعة، معقولة ياخ!
Quote: البشير: انظروا إلى العراق وليبيا وسوريا واليمن، الآن كلهم ينشدون الأمن في السودان 17 74978 Frankly 09-01-16, 04:01 PM بواسطة Frankly
تذكر يا معاوية مرة بوست تعزية لاحد قدماء الشيوعيين حصلت فيه حاجة زي كده وسيد الحوش استغرب كان السر انو قوائم مجموعات نزلت اتوماتيكي كمشاهدات افتكر دي زيها وغالبآ الشيء سياسي فني
09-01-2016, 04:06 PM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
البديري يا مودة فايته الحد كان قاصد الإجابة هي " المساسقه " إلا تكون مساسقة جنود لا نراها كان قاصد سؤالك عنا فوالله سؤالنا أضعافا مضاعفة إلا العربية دايره البقشلها الدرب
09-01-2016, 05:43 PM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
Quote: غايتو لاحظين ليحيظ غريبة جدا الامر فيهو سر فني نحن بنقيس بوستنا بالمشاهدة مش المشاركة لو مفيص بنجليهو
دا حالتو يا حفيظ حذف مداخلتي ومعاي كم واحد من المستقلين يعني بي نظرية اخلاص كان اتلموا قوائم الشيوعيين مع المستقلين للمؤازرة في حالة أي كركبة غايتو نحن بنحسن النية زي الدكتورة ونضيف ليها احتياطا كدا: المنبر دا جنّ ولّ نار!
09-01-2016, 05:39 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20440
العنوان ملهم وتعجيزي في نفس الوقت تقراهو لمن ترفع كتفك كدة بي فخر بالله العالم دي كلها جايانا في سودانا السمح دة ! يوووهوووووو وتعجيزي لي فهمك لمن تتذكر مرور حافلة شرق السلحفائي قدام جهاز المغتربين وزحمة يوم الوقفة البتحصل فيه كل يوم .. أمال الآلاف المغادرة يومياً خبارها !
09-02-2016, 06:06 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
دي لعبة قديمة يعرفهاعدد من الاعضاء وعندها تفسير تقني بسيط وسهل. (الشرح ممنوع) مثلا عدد الكليكات في هذا البوست وحتى هذه اللحظة 700 كليك يمكنك ان ترفع الكليكات ل 1000 او حتى 2000 بس صراحة فرانكلي بالغ. 10 الف مرة واحدة كدة..
Quote: إمكن يكون شاسي أو بركة الشيخ فرجوخ ابودقن شيخ السماسرة والحبرتجية ناس تحسد الكوز في صَقَّرُوا
أبداً والله يا منتصر لا حسادة ولا حاجة أنا قلت يا خلل فني يا كمان ناس الأمن ديل بعد فشل الجداد الالكتروني هجّروا لينا البعوض والضبان النفضو بتاع محلية امدرمان داك
09-02-2016, 06:52 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
صباح الخير السبب بسبط انو المدعو فرانكلي صاحب البوست براهو عندو اكثر من خمسين الف كلك في البوست حقو ...بس جدادة وحاضنة بيضها الفاسد. وعندي الدليل على ذلك تعال امسح يا فرانكلي لو بتقدر
لووول
09-02-2016, 07:59 AM
محمد جبره محمد جبره
تاريخ التسجيل: 01-12-2013
مجموع المشاركات: 940
وكما تعلم فإن الأخ فرانكلي وجماعته من أهل الدين، وصحبه "الرساليين" هم أبعد الناس عن الغش والتزوير والتدليس. وهو دائماً ما يكتب بـ"شفافية" وبـ"صراحة" والدليل أنه يُلقب نفسه ويسميها (Frankly) كناية عن تلك الصراحة.
فلماذا يا معاوية تسال عن الأمور الفنية والمسائل السياسة وعن "الألاعيب الخفية" وأمامك تنتصب الآية الكريمة: (ومن يتق الله يجعل له مخرجاً ويرزقه من حيث لا يحتسب) فهي التي تُفسر حكاية الـ (77,000) زيارة للبوست. وبالمناسبة فإن تلك الزيارات لا تُمثل سوى بعض قليل من كثير الأرزاق التي ساقها الله لصاحب البوست بفضل تقواه وكرمه ورحابة صدره، وجزاء شفافيته التي تماثل شفافية تلك الصناديق البلورية والتقية والنقية:
... .. .
09-02-2016, 08:20 AM
الصادق عبدالله الحسن الصادق عبدالله الحسن
تاريخ التسجيل: 02-26-2013
مجموع المشاركات: 3245
أهل الإنقاذ هم أهلُ تقوى ونقاء وقلوبهم أصفى من البلور، وهم لا يكذبون أبداً، وحاشاهم التزوير.. والتورط في لعبة الثلاث ورقات، أو تزوير الـ77 ألف كِلكات، أو تلفيق البطاقات.. فإن استمعت إلى فتاة الفيديو يا أخي الدرديري فسوف تراها تشهد أن إخوتنا "الرساليين" لم يستعينوا بجد معاوية (الشيخ أبو لكيلك) ولا بالشيخ التوم ود بانقا، ولا بـ"أشقر طيبة" أو أزرقها، ولا حتى بـ"فرانكـ شتاين".
المفاجأة الصاعقة يا كباشي أن البارع "ود الزبير" نجح في تبرئة جده (أبو لكيلك) من تلك الكليكات، وأعاد الكُرة إلى ملعبكم عند (الشيخ بيتاي) حيث الدقيقة 03:15 من الفيديو في الأسفل تُثبت إثباتاً لا يرقى إليه الشك ولا يخالطه الظن، كما أنك إن عدت مرة أخرى راجعاً لبداية الفيديو وتوقفت عند الثانية 00:28 سوف تكتشف وبدليل لا يمكن دحضه أنه كانت هناك استعانة خفيفة وعابرة بمحاية شيخكم (بيتاي) يلحقنا ويفزعنا كما لحِق بلدياتكم (تراجي). وينفعنا الله بجاه مشايخنا، ويحمينا من همزات الشياطين ومن كلكلة وكِلِكات الأباليس، ومن تزوير البطاقات، وحذف المداخلات، وألاعيب (الفرانكـ شتاينات):
إما باستخدام اسكربت جافا من سطر واحد (جافا سكربت) يعمل ريفرش (refresh) للبوست كل ثانية مثلاً وتلقائياً حيزيد عدد الكلكات 60 مرة كل دقيقة، ممكنة جداً بالنسبة لبوست خفيف فيهو 17 مداخلة بس، وغالباً بيحتاج يخلي الجهاز فاتح لحد ما يكتفي أو يصل الرقم الهو عايزو، دا زي كأنو بيضغط مفتاح (F5) لكن بطريقة أوتوماتيكية.
أو باستخدام برنامج اسكربتات، PHP أو فيجوال بيزك، هنا كل العليهو يزور اللنك بتاعة البوست (الرابط المختصر) أو أي لنك خاصة بأي مداخلة في البوست، دي أسرع ويقدر بواسطتها يضيف 200 مشاهدة في في الدقيقة، وإذا شغل البرنامج في نوافذ متعددة يعني عشرة نسخ من البرنامج مرة واحدة فحيضيف ألفين مشاهدة في الدقيقة.
البوست اتفتح يوم 31 أغسطس يعني الزيادة حصلت في ظرف 24 ساعة لذلك برجح الطريقة التانية وغالباً تمت الإضافة خلال ساعتين تلاتة فقط، بكري ما حيقدر يعمل حاجة فالنشاط شرعي وما فيهو هاكينغ، لكن الهوست بتاع الموقع يقدر يساعدو بتحجيم الزيارة من عنوان واحد بتكرار آدمي يعني مرة كل دقيقتين مثلاً، ودا برضو ما حل، ممكن العايز يزيد يخلي الكمبيوتر شغال أسبوع، ولو استخدم بروكسي متغير آلياً يقدر يضاعف الدخول.
______ لكن أنا برجح إنو صاحب البوست ضحية وإلا كانت دي عادتو، لأنو بوستاتو من النادر تصل ألف مشاهدة.
09-02-2016, 10:07 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
Quote: ولو إنو أول زول يمسح لي مداخلة، والغريبة المداخلة عادية
سامحني يا حفيد (أبو لكيلك) لأنني في زحام موضوع "الكلكات" نسيت أن أتقدم لكم بواجب العزاء في مداخلتكم البِكر .. والتي هي أول مداخلة تُحذف لك كما ذكرت.
أما أنا فإن فقيدتي "الظلامية" التي حُذفت بالأمس لم تكن الأولى، وإن كانت - والحق يُقال - هي المرة الأولى وربما الأخيرة التي اتجرأ وأدخل بوستات فرانكلي.
أما موؤدتي "المستنيرة" الأولى فقد شاء لها القدر - قبل عدة شهور- أن تغافلني .. وتنفلت من يدي منحشرة ومتطفلة داخل أحد بوستات صديقكم (أبوبكر) والذي لم يتردد لحظة في القبض عليها دون رحمة وقصم عُنقها خلال ثوان معدودات.
ولاحظ أن قاصف رقبة الموؤدة الأولى يُسمي نفسه "المستنير" .. بينما من طارد مداخلة الأمس "زنقة زنقة" حتى أزهق روحها يُلقب نفسه "Frankly"
وبما يعني أنه وفي دنيا سودانيزاونلاين وعجائبها التي لا تنقضي يتساوى الجميع: ويستوي الأعمى والبصير.. والظلمات والنور.. والظل والحرور .. والظلامي و"المستنير".
Quote: العنوان ملهم وتعجيزي في نفس الوقت تقراهو لمن ترفع كتفك كدة بي فخر بالله العالم دي كلها جايانا في سودانا السمح دة ! يوووهوووووو وتعجيزي لي فهمك لمن تتذكر مرور حافلة شرق السلحفائي قدام جهاز المغتربين وزحمة يوم الوقفة البتحصل فيه كل يوم .. أمال الآلاف المغادرة يومياً خبارها !
وين التعجيز يا احمد م عمر؟ ناس ماشه و ناس جايه وناس لسه. افتخر يا زول ولا تثريب عليك
09-02-2016, 05:05 PM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
Quote: السبب بسبط انو المدعو فرانكلي صاحب البوست براهو عندو اكثر من خمسين الف كلك في البوست حقو ...بس جدادة وحاضنة بيضها الفاسد. وعندي الدليل على ذلك تعال امسح يا فرانكلي لو بتقدر لووول
انتو اقعدوا اتفاصحوا في بوستيني المسكين دا هواري.. ما ضامنين عاد. حقو الواحد يطلع غواصة ويمسحكم بي فرد جره طبعا بعد ما أصرف ليكم واحد "مناتلين" و"ضاربين الويلفير"
09-02-2016, 05:48 PM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
غايتو كان في حسد يا بو حسين، أنا أحسد (بقلبٍ صافٍ) وأهنئ الأخ العزيز الصادق عبد الله الحسن على الإخلاص والتعب اللذين يبذلهما في مداخلاته حتى تحسب أنه يؤدي في امتحان الشهادة والتعب كمان ممزوج بموية سخرية خفيفة أشكرك يا صادق على هذا التداخل الفخم
09-02-2016, 09:35 PM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 5673
ديمة ديمة ماستكني! حركتك جبانة.. قدام الناس ماسحني !! حركة جبانة !!
وعليكم الكلكات ورحمة الله اسحن حاجة يا بت نفيسة إنو الحذف جاء من حيث نحتذف وإلا لكانت الفجيعة أكبر همي كلو كان: أنا كيف أعود من حرقة أول حذفة للمنبر منكسف
09-03-2016, 09:35 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
ظننتك تمتدحني بجد يا معاوية، وأحسستُ بفاخورتي تتمدد منتفخة كالبالون وتكاد تنفجر وتُطرشق، ولكن العناية الإلهية أدركتني عندما لمحتُك تستدعي (ABUHUSSEIN) شاهداً على كتابتي فهدأت نفسي وانكمشت – لحسن الحظ- فاخورتي وأنت تدلق فوقها كوباً بارداً، وجردلاً من الماء المُثلّج.
وها هو (جلالدونا) قد جاء بالقول الفصل واختار لنا المقاعد التي تلائم أحجامنا وبدأ قصفه المركز ربما تمهيداً لقدوم أستاذه أبوحسين.
والآن، وبعد إطلالة التلميذ النجيب (جلالدونا) فإن لم يأتِ أبو حسين فتلك مصيبة.. أما إن أتى أبوحسين كـ(شاهد ما شافش حاجة) ليدلي برأيه على شخبطاتنا "السداح مداح" فأتوقع أن تكون إجابته العفوية والصريحة والصادقة: (قوم لِف وخلي الصادق ووضاحة يلفوا معاك..) فيدركنا جميعاً الصباح، فتنقطع شَعَرة معاوية، وتنطفئ ابتسامة وضاحة وتصمت عن ابتساماتها المباحة.
خصوصاً وأن وضاحة اللماحة تركت الباب موارباً ولم تكتب حرفاً يُحسب لها أو عليها، وابتسامات وضاحة الموزعة داخل مداخلتها تقول الشيء وعكسه إن استدعى الأمر.
كما أن تلك النظرات التي تُحدق من "الكيان الموازي" لوضاحة في بروفايلها لن تستطيع أنت ولا أنا فك شيفرة ابتسامته التي تبدو أكثر إلغازاً وغموضاً من تلك التي نُسبت للموناليزا.
تحياتي لوضاحة وابتسامتها المشرقة ... .. .
09-04-2016, 06:28 PM
الصادق عبدالله الحسن الصادق عبدالله الحسن
تاريخ التسجيل: 02-26-2013
مجموع المشاركات: 3245
كل الشكر والامتنان لك يا أخي معاوية فأنت من علمتنا ونصحتنا أكثر من مرة بضرورة "المذاكرة" ومراجعة المشاركات قبل إرسالها .. لا أذكر تفاصيل نص مداخلتك لكني متأكد من مضمونها وكان عن ضرورة التأني والتريث ومراجعة كل مداخلة قبل الضغط على زر «أضف رد». فإن كنت تراني قد وفقت والتزمت بروح نصيحتك بما انعكس تطوراً على مستوى مشاركاتي المتواضعة فإن فضل ذلك التطور المفترض يعود أولاً وأخيراً إلى تلك الشَعَرة التي مددتها لنا.
ولكن .. ولأن ما كل ما يتمنى المرء يُدركه فلم تسر كل الأشياء على ذلك النحو الإيجابي.. وأسمح لنا أن نخاطبك ("بكل صراحة" Very FRANKLY" ) عن أشياء سلبية تتعلق بشخصكم لا بد من قولها لكم مهما كانت النتائج وأياً كانت التكاليف والتبعات ..
وهي أشياء مؤسفة قلدناك فيها يا معاوية واتبعنا خطاك فقادتنا إلى حافة الهاوية فتلك النصيحة المقتبسة في الأسفل لم تلتزم بها يا معاوية وأنت صاحبها الذي كتبتها بمداد قلبك وقلمك.. فسرنا وراءك نتعقب خطاك في عدم الالتزم بالنصيحة لنخرج من حفرة (ود الباوقة) لنسقط في دحيرة (فرانكلي):
Quote: ومن هنا كنت ولا زلت أطالب بمقاطعة هؤلاء المغرضين، فهم فعلا لم يأتوا لحوار أما أصحاب الهدف النبيل ممن يخالفوننا الرأي بل والعقيدة فمرحبا بهم، نحاورهم للدين
تحية لكم ولجلالدونا وهو يعزف لنا في بروفايله بنصل السكين أحلى الأوتار ويمزج بمهارة بين الكرور والكورال ... .. .
09-05-2016, 03:51 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
وينك يا جلال شايفك مختفي إن شاء الله مافي عوجة أرجو أن تساعد فَرَقة البعاد في إزالة سوء الفهم مع بكور، ونفس الشيء أرجوه من ود المشرف ثلاثتكم أصدقائي وهذه الحالة تربك حالي
09-05-2016, 07:00 PM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
Quote: ظننتك تمتدحني بجد يا معاوية، وأحسستُ بفاخورتي تتمدد منتفخة كالبالون وتكاد تنفجر وتُطرشق، ولكن العناية الإلهية أدركتني عندما لمحتُك تستدعي (ABUHUSSEIN) شاهداً على كتابتي فهدأت نفسي وانكمشت – لحسن الحظ- فاخورتي وأنت تدلق فوقها كوباً بارداً، وجردلاً من الماء المُثلّج. وها هو (جلالدونا) قد جاء بالقول الفصل واختار لنا المقاعد التي تلائم أحجامنا وبدأ قصفه المركز ربما تمهيداً لقدوم أستاذه أبوحسين.
بتتكلم جد يا الصادق! بو حسين وجلالدونا شنو اللي بِتْ اخِد لهم رأي كمان.. ديل مونساتية ليس إلا اشتغل شغلك ما تشتغل بيهم الشغلة
09-05-2016, 07:42 PM
جلالدونا جلالدونا
تاريخ التسجيل: 04-26-2014
مجموع المشاركات: 9661
بو حسين وجلالدونا شنو اللي بِتْ اخِد لهم رأي كمان.. ديل مونساتية ليس إلا
غايتو مع الكرورية عليكم جنس قوة عين
الصادق تعرف لو الناس اخدت قرار انّو ما تشارك فى بوستاتو البيستاوى كوبية دى كان زمان حكاية الاستكة دى اتحلّت و عرف حاجة بس نسوّى شنو مع شلاقة ناس ود الزبير و اخوانو ديل هسى هو ممغوص من الاستكة وللا من الكلكّات كان ورّانا حالتو كان ورّيناهو العلاج و الى ذلك الحين ما عندى غير عجبنى للمرقوت ___ عن نفسى يا معاوية .. المستنير انسان يجد منى كل الاحترام و لا شى شخصى امّا عن كتاباتو عادى جدّا نختلف و نتفق .. بس حكاية يشيل لى سوط العنج دى ما حبابا و عبرك تحياتنا ليهو
09-05-2016, 10:04 PM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
Quote: بس نسوّى شنو مع شلاقة ناس ود الزبير و اخوانو ديل هسى هو ممغوص من الاستكة وللا من الكلكّات كان ورّانا حالتو كان ورّيناهو العلاج و الى ذلك الحين ما عندى غير عجبنى للمرقوت
ابداً والله يا جلال، مغصة شنو ياخ إنت قايل معدتنا دي شفون ولّ شنو الحكاية وما فيها استغراب بس من آلاف المشاهدات والبوست ما تم كم ساعة لسه ياخ لو بوست كاتبنو ثلاثي مشترك دينا خالد ومحسن خالد وحسين ملاسي ما بعمل كدا --- أشكرك على لهجتك التصالحية تجاه بكور وسلامك وصل
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية الزبير
عبدالحفيظ ابوسن
محمد حيدر المشرف
معاوية المدير
ombadda
Hatim Alhwary
محمد جبره
ABUHUSSEIN
الصادق عبدالله الحسن
حاتم إبراهيم
مني عمسيب
وضاحة
عبداللطيف حسن علي
عزالدين عباس الفحل
جلالدونا
فيس بوك
تويتر
انستقرام
يوتيوب
بنتيريست