|
دعواتكم لزميلنا المفكر د.الباقر العفيف بالشفاء العاجل
|
|
 Re: ماحدث لشخصي اليوم بالبيت السوداني بالسيد� (Re: kamal omer)
|
محمد البشري
شكرا على التضامن . ربنا يعين الرياضة التى اهملها النظام الحاكم
بشير حسن بشير
رفض التعامل معي
شكرا معاوية المدير . كلامك صاح
الهلال من اعظم الفرق السودانية .
شكرا محمد الشيخ
الكيزان هم الارهابيين
حافظ بشير
شكرا على المرور
كمال عمر
نعم كلنا مع العصيان
9 / 12/ 2016
محمد مجيدو
الباطلة حككومتك
صلاح غريب الله
مع احترمنا للشعب المصرى انت مصرى الدخلك شنو.
انت احد رجال الامن و المخابرات السودانى انت و المعاك بتجسسوا علينا . سوف يسقط النظام
عبد العزيز محمد
دا اذا كان عندوا احساس المفروض يقدم استقالته
لكن حابي الفخفخة
عثمان
شكرا على القرصة
كمال عمر
صلاح غريب الله
حاقد سودانى درجة تانية . جارى ورى جنسية تانية اخوانى كريه
| |
 
|
|
|
|
|
|
|
|
Re: ماحدث لشخصي اليوم بالبيت السوداني بالسيد� (Re: محمد احمد القاضي)
|
صلاح غريبة
نسمع منك الحكاية كلها من طأطأ حتى السلام عليكم.
وبعدين نقارنها مع حكاية ود القاضي....
ونشوف اذا كان السفير مفروض يستقيل ولا عباس وحده
هو المسؤول...
وانا عارفة سفارات نظام الإتقاذ بتضع العراقيل والعقبات امام
السودانيين في كل بقاع العالم....وما عارفة فاتحين السفارات دي لشنو؟؟؟
.. ويا ود القاضي انا عارفة... انت المدلعهم....
والله يديكم الصحة والعافية
| |
|
|
|
|
|
|
|
|
|
Re: ماحدث لشخصي اليوم بالبيت السوداني بالسيد� (Re: اميرة السيد)
|
هههههههههههههههههههه، دي حا تكون الذّ شكلة. والله صحي...
المديدة الحارة
ياود المدير اصنج قابل اصنج خلوهم يحرقو بعض الويكند علي الابواب
خلونا نستمتع بالرحلة 
يا صلاح غريبة انت لية دائما حاقر بمحمد احمد القاضي دا ؟ الزول دا عندو قضية عادلة
| |
|
|
|
|
|
|
|
|
|
Re: ماحدث لشخصي اليوم بالبيت السوداني بالسيد� (Re: عادل الباهي عبدالرازق)
|
انا غايتو زمان كنت بعرف لى ضابط اسمه عباس .. كدى انت رسل لى نمرة عباس ده و انا بتكلم معاهو لو طلع زولى بقنعوا و بحل ليك المشكلة !!! ما عصرت علينا يا ود القاضى انت ما سامع بالحاصل فى السودان ده ياخى والله انت و عباس و السفير اتلومتوا فينا لوم البحر ما يغسله !! روق شوية يا ابنى....
| |
|
|
|
|
|
|
|
|
|
Re: ماحدث لشخصي اليوم بالبيت السوداني بالسيد� (Re: د.محمد بابكر)
|
د. محمد
لا .. لا .. اتلوموا فينا لوم اليابا فضيل..
بس ما تسالني اليابا فضيل ده منو؟
اسأل خالد ود المنسي، ولا عبد العزيز ود الفاضلاب..
والله يديك الصحة والعافية
والله يدي الصحة والعافية لود القاضي ويفرج كربته....
واذا هو متكل على ناس السفارة يحلوا مشكلته .... يكون متكل على السراب..
.. لأنه بيتعبروهو معارض..
| |
|
|
|
|
|
|
|
|
|
Re: ماحدث لشخصي اليوم بالبيت السوداني بالسيد� (Re: صباح حسين طه)
|
اميرة السيد
صلاح غربية الله . رجل جهاز امن و يحاول ان يعرف فحوة المشكلة لانه يرتب لوضعها فى ملفى بجهاز الامن و المخابرات .
كلام صلاح غريب اللة دا زاتوا تحقيق من خلال المنتديات الالكترونية .
عادل الباهي الاجزمجي انت قبل كدة حلفت بالطلاق ما تدخل وترد على بوستاتى .
ذكرتني عمر البشير لمن حلف بالطلاق وقال انا رئيس ما فى جندى من الامم المتحدة تدخل دارفور .
د محمد بابكر
الحل فى البلاغ
صلاح غريب الله
انت اصلك تعمل بجهاز الامن و المخابرات السودان . وداير تعرف الحصل
منير
اهلا بيك بالفعل هم بخفوا الاسامي الاثلاثية
شكرا صباح
لكى التحية
| |
|
|
|
|
|
|
|
|
|
Re: ماحدث لشخصي اليوم بالبيت السوداني بالسيد� (Re: محمد احمد القاضي)
|
عادل الباهي الاجزمجي انت قبل كدة حلفت بالطلاق ما تدخل وترد على بوستاتى . ذكرتني عمر البشير
لمن حلف بالطلاق وقال انا رئيس ما فى جندى من الامم المتحدة تدخل دارفور .
ياود القاضي عادل الباهي الجزمجي ولا الامنجي وضح لي ينوبك ثواب عشان ما يتلخبط
علي الاختصاص 
وين ومتين حلفت طلاق واطلق منو زاتو هههههه ووينا زاتا بوستاتتك يا عبقرينو
ماعارف اقول ليك شنو واحلل شخصيتك كيف ؟ يا أنت عامل فيها زكي محمد زكي وفالق الناس هنا دقوني
دقوني عاوز تحبك قصة اللجوء واحب اطمنك في مفوضية اللاجئين الاولوية للأسر فاااشنو قوي قلبك اقع البحر مع
أخوانك ساي ياوصلت يا امر الله نفذ او كمان زول مسحلب سااااي وماعندي ليك الا الدعاء الله يهديك .
قلنا يمسك في صلاح غريبة ويمتعونا قبقبني انا
| |
|
|
|
|
|
|
|
|
|
Re: ماحدث لشخصي اليوم بالبيت السوداني بالسيد� (Re: Hafiz Bashir)
|
ياما إنت كريم يا رب.. كدا كدا ويك اندنا جضم بس يا ود الباهي إنت أركز و خلينا نحن نستمتع بالرحلة
أنا الركزان فارقتو يا حافظ بشير
الزول دا عاوز زول عند نفس طويل وبالو سلبه وانا ماعندي زول ساكي موضوع
واحد اتغيرو فيهو خمسة مسئولين لمفوضية شئون اللاجئين بالقاهرة وهو لسع في موقفو
زول زي دا اركز معاهو كيف ؟؟
انا ما مزعلاني عادل الباهي الامنجي أنا زعلان لاني شغال امنجي ملح ساي بدون مرتب
مادام بقينا امنجية نورونا نقبض راتبنا من وين
حسادة مني كدة ساي الله تعلم تستمتع بالرحلة فمتعتي الحقيقية لمن ما اكون في مقعد القيادة
مرات كتيرة اثناء الدوام بشوف لي عجاجة قايمة ولمن ارجع البيت الاقي ناس باركوها دخلو
والله بزعل جنس زعل المشاكل دي ناس باركوها ما عاوزننا نشبع منها
| |
|
|
|
|
|
|
|
|
|
Re: ماحدث لشخصي اليوم بالبيت السوداني بالسيد� (Re: محمد احمد القاضي)
|
Quote: أنا ماعارف هل إسم عباس ده إسم رمزى لأى بوليس فى بلاد اللجوء ؟؟ ..
لأنو زمان طالبى اللجوء فى اسكندنافيا كانوا يقولوا عباس ويقصدوا البوليس .. |
الأخ منير,
ظهر مصطلح عباس في تركيا عندما كنا طلاب فيها. كان لنا زميل ملقب بي أبوشملة وكان إقامته منتهية ويسكن مع مجموعة من زملائه الطلاب,. في شرطي تركي إسمه عباس عرف بأنه أبو شملة ما عنده إقامة, بقى من فترة لي فترة يهجم عليه في البيت ويطلب منهم الإقامات ولمن يكون أبو شملة موجود بضطروا يدفعوا للعسكري عشان يتخارج. مرة من المرات واحد من الطلاب جاء داخل وشاف أبوشملة جالس في الصالون مع الشباب وقال ليهم عباس جاء عباس جاء, أبو شملة إختفى بسرعة البرق في البيت, بعد شوية بقىوا يفتشوا على أبوشملة وما لامين فيه, في الأخير لمن سمع الضحكات و البحث عنه مرق ليهم من دولاب الملابس. من اليوم داك أطلق لقب عباس على الشرطة.
| |
|
|
|
|
|
|
|
|
|
Re: ماحدث لشخصي اليوم بالبيت السوداني بالسيد� (Re: محمد احمد القاضي)
|
Quote: صلاح غريب الله
مع احترمنا للشعب المصرى انت مصرى الدخلك شنو.
انت احد رجال الامن و المخابرات السودانى انت و المعاك بتجسسوا علينا
صلاح غربية الله . رجل جهاز امن و يحاول ان يعرف فحوة المشكلة لانه يرتب لوضعها فى ملفى بجهاز الامن و المخابرات .
كلام صلاح غريب اللة دا زاتوا تحقيق من خلال المنتديات الالكترونية . |
معقولة يا محمد أحمد القاضي, صلاح غريبة ده أرهب كده, لي درجة أنك كتبت إسمه تلاتة مرات بطرق مختلفة وكلها خطأ, صلاح غريب الله, صلاح غربية الله وصلاح غريب اللة.
يا صلاح غريبة نرجو منك التضامن مع الراجل فإنه مطارد من جهازي الأمن السوداني والمصري في القاهرة.
| |
|
|
|
|
|
|
|
|
|
Re: ماحدث لشخصي اليوم بالبيت السوداني بالسيد� (Re: معاوية المدير)
|
الاستاذ الإعلامي صلاح غريبة
بعد التحية والاحترام
الزول دة قال ليك انت إرهابي وأجنبي مفوض بالتجسس على السودانيين الشرفاء Quote: انت مصرى الدخلك شنو.
انت احد رجال الامن و المخابرات السودانى انت و المعاك بتجسسوا علينا |
وقال إنه مشاركتك في البوست دة عبارة عن تحقيق جنائي معاهو | Quote: كلام صلاح غريب اللة دا زاتوا تحقيق من خلال المنتديات الالكترونية . |
وقال ليك انت ما عارف أي قصة وبتدردق فيه ساي لصالح جهاز الأمن والمخابرات اللي هم ذاتم ما عارفين زيك كدة | Quote: صلاح غربية الله . رجل جهاز امن و يحاول ان يعرف فحوة المشكلة لانه يرتب لوضعها فى ملفى بجهاز الامن و المخابرات |
دحين لو انت عارف القصة سكت لينا المناضل دة بالقصة الحقيقية
ولو انت ما عارف التكتح زي ما قال عليك وبتحاول تدردقه خلي المناضل يسوق قضيته براهو بدون تهديد ولا نامت أعين عباس
| |
|
|
|
|
|
|
|
|
|
Re: ماحدث لشخصي اليوم بالبيت السوداني بالسيد� (Re: أحمد محمد عمر)
|
عودة لتاريخ (عباس) بحسب سماعي الشخصي فمنبع الاسم هم فرقة حلمنتيش في عام 91 تقريباً* أول بدايتهم في التلفزيون السوداني
حكوا قصة عن واحد اسمه عباس زهجان من الشهرة وكل ما يمشي بلد الناس تسلم عليه كيفك يا عباس ازيك يا عباس .. قام مشى أقصى شرق السودان عشان الناس هناك ما بتعرفه أول أدروب لاقاهو أباس إن شاء الله كويس .. زهج مشى الخليج بس دخلتو البلد الخلايجة شغالين ليه اشلونك عباس
قال خلاص بس مافي حل إلا يمرقها في امريكا .. ركب الطيارة ولما نزل كان في استقباله جورج بوش .. وهو ماشي مع الرئيس الأمريكي في البساط الاحمر داك والجماعة بصوروا سمع صحفي بسأل في زميله قال ليه (اسمع .. الماشي جمب عباس دة منو ؟)
النكتة وقتها كانت جديدة وانتشرت شديد وبعديها اصبح اسم عباس يستخدم في النكات .. للدقة النكات الما كويسة وظهرت شخصية عباس الولد الشقي البدقس الاستاذات .. بدقّس دي جيبو ليها المرادف براكم :)
بعديها عباس طلع من عباية الود قليل الأدب وبقى اسم لأي زول ما عاوزين نقول اسمه
___________
* النكتة ممكن تكون في كلينتون وانتاج 93 برضو .. الذاكرة فيها شوية طشاش كدة
| |
|
|
|
|
|
|
|
|
|
Re: ماحدث لشخصي اليوم بالبيت السوداني بالسيد� (Re: علي دفع الله)
|
الامنجية جلالدونا وود المدير وعلي دفع الله
حياكم حياكم
خلاس دفروكم تخربو للمناضل دا بوستو ونحن في ايام العصيان المباركات
زمان كان في واحد مجنتر شكلو زاتو مخيف بيظهر الصباح من نواحي الديم وابوحمامة بيجي ماشي
بمحازات شارع الزلط وبيختفي نواحي المجاري والرميلة ويعاود نفس المسار مع غروب الشمس راجعا
كنا بنطلق علية اسم يوكاعا ماعارف سر الاسم لكن من يسمع يوكاعا بيدنقر يخمش اي حاجة قدامو ويلبسا
اقرب زول ليهو ويوصل في مسيرتو ، كنا بنجدع الطوب في طريقو عشان لمن نكورك يوكاعا يدنقر ما يغلب
حيلة كلو كلو . كانت متعتنا لمن يلبس ليهو طوبة لزول ما عارف حاجة الا القدر جابو بعند المجنون دا فصاحب
البوست دا وزيو كتار هنا بيزكروني ييوكاعا دا تتداخل بحسن نية تجيك طوبة طايرة فاااشنو اعملو حسابكم من
الزول دا هسع بيدخل يرش من طرف عدو علي صليح
الله لا تاجرك يا صلاح غريبة جيت جدعت ليك كلمتين , دخلنا نحرر ليك الصفقة
قلت يا فكيك وطلعتنا جزمجية وا منجية
| |
|
|
|
|
|
|
| |
محمد احمد القاضي
محمد البشرى الخضر
بشير حسـن بشـير
معاوية المدير
MOHAMMED ELSHEIKH
Hafiz Bashir
kamal omer
محمد مجيدو
ghariba
aosman
عادل الباهي عبدالرازق
د.محمد بابكر
عبدالعزيز الفاضلابى
Munir
جلالدونا
علي دفع الله
فيس بوك
تويتر
انستقرام
يوتيوب
بنتيريست