|
|
|
 Re: مؤسسة نادي الحلة والفريق (Re: aydaroos)
|
| Quote: ومؤسسات الحداثة ممكن تكون كأبسط ما يكون أندية في الأحياء والفرقان ينتمي لها المواطنين والمواطنات بعيداً عن تحيزات الدين والعرق والنوع وبها مكتبة ومسرح وفرقة موسيقى ومنتدى وجريدة وربما صفحة الكترونية.http://alshoof.blogspot.com/2016/01/blog-post.htmlhttp://alshoof.blogspot.com/2016/01/blog-post.htmlhttp://alshoof.blogspot.com/2016/01/blog-post.htmlhttp://alshoof.blogspot.com/2016/01/blog-post.html مؤسسة نادي الحلة والفريق |
اخونا المحترم/ عيدروس
تحياتي الطيبة
اتذكر زمان في عطبرة حكاية اندية الاحياء دي كانت موجودة، والولاء ليها كان كبير جدا، وعلي ما اذكر نحن في حلة العموم وحي العمال كان عندنا نادي اسمو (العامل) والسكة حديد كانت مديانا غرفة مسورة عشان نمارس فيها النشاط ده، وناس حلة الصاج كان عندهم فريق (الكوكب) ده علي سبيل المثال، وكانت في اندية في الدرجة الأولي الولاء ليها حسب الحي الموجودة فيه، زي (الأمل) و(الهدف) و (النيل) علي سبيل التدليل وليس الحصر...
مودتي
| |
 
|
|
|
|
|
|
|
|
Re: مؤسسة نادي الحلة والفريق (Re: aydaroos)
|
Quote: هذا هو ما يجب محاربته بإقامة المؤسسات البديلة التي تستوعب المبادرين من خارج
النمط وتعيد إنتاجهم بإستمرار، واعني مؤسسات الحداثة.ومؤسسات الحداثة ممكن تكون كأبسط
ما يكون أندية في الأحياء والفرقان ينتمي لها المواطنين والمواطنات بعيداً عن تحيزات الدين
والعرق والنوع وبها مكتبة ومسرح وفرقة موسيقى ومنتدى وجريدة وربما صفحة الكترونية |
سلآمات يا أحباب .
قبل كل شئ هذا البوست يجب ان يستمر رغم التست .
سبق وفي هذا المنبر ان طرحت فكرة إقامة رآبطة ابناء عطبرة العالمية، ثم اعدت الطرح وما زالت الفكرة معشعشة
في صلعتي (يا عيدروس حليل زمن الزمن زين والشعر مغتي اللضنين، هسّع اللضنين بِقن في الصقيعة)، ولي حُلم
كبير جداً ان ينجح هذا المشروع وتحذو حذوه كل مُدن السودان الشئ الذي سوف يتيح فُرص التنافس لأبناء جميع
مُدن السودان علي نطاق العالم، فهذا التنافس يخلق تلآحُم وتعاضُض، ويمكن ان ينتج لجنة ذات سطوة تكون اقوى
من جميع الإتحادات والنقابات تقوم بدور الرقيب علي الأنظمة لحفظ البلد من اطماع الطامعين .
تخيلو مهرجان سنوي تتنافس فيه هذه الروابط في الخرتوم يقصده المهاجرين والمغتربين من جميع انحاء العالم
بدل حوار الثعالب الدائر اليوم !.
لي كلآم كتير وتجربة السيالة فيها المثير سأسردها بأكملها مع محاولة الربط عسى ولعلّ .
صباحات الله بخيرِن ...
| |
|
|
|
|
|
|
|
|
|
Re: مؤسسة نادي الحلة والفريق (Re: معاوية المدير)
|
Quote: علي ما اذكر نحن في حلة العموم وحي العمال كان عندنا نادي اسمو (العامل)
والسكة حديد كانت مديانا غرفة مسورة عشان نمارس فيها النشاط ده، وناس حلة الصاج
كان عندهم فريق (الكوكب) |
في العامل كان يلعب صديقنا عبد العزيز الكُرضُوم عليه رحمة الله،
وفي الكوكب كان يلعب اللآعب الفنان ضياء الدين .
حي العمال كان فيهو لعيبة مميزين وممتازين معظمهم قرو في مدرسة
الحُفر يا عيدروس ...
| |
|
|
|
|
|
|
|
|
|
Re: مؤسسة نادي الحلة والفريق (Re: معاوية المدير)
|
| Quote: صاحبك ود المدير عضو في الفرقة المسحية لنادي السيالة وممثل وشاعر مطبوع :) |
حبيبنا / عيدروس
ياخ سلام عريض ليك ولي صاحبي ود المدير..
تعرف يا عيدروس..
مكاني المفضل في حلتكم دي، كان (الكريماب) اصلوا عندي معاهم صلة رحم..
وصاحبي ود المدير كان بجي يلعب معانا (طاب اللمات) وفي رواية اخري(طاب البحر) قبايل البحر عند (السنطة) المقابلة لي جزيرة (نواوي) اماني ياعيدروس ما جلدتو ليك جنس جلد.. كان مطبني اسأل ناس( بنجوس، والحاج سواق اللوري، وانس، ومحمد صالح بشير، وحيدر صديق، وحسن، وهاشم، وصلاح، وجمال محمد علي عثمان(الشهير بي: محمد علي الزبير) وهاشم الزبير سدي اللسم زاتو..
بعدين يا عيدروس، لمن الناس تتذكر فريق الكوكب، لازم نتذكر (عدولي) و (محسن متولي- اخوان) ..
وحلة العمال.. فيها صديقنا العزيز جدا (مبارك طه) و (ميمي) ، ابراهيم مرحوم ،واخوه (ميسرة) والمرحوم (مزمل) .. واخرين..
يا (مدير) عبد العزيز الكرضم (عليه رحمة الله) جاورنا برضو في حي المطار لحدت ما (توفي) الله يرحمه.. وما ننسي برضو نترحم علي عزيزنا وصديقنا الجميل (عبد العزيز مارشال) الراجل الملك، ربنا يتولاهم برحمته ويسكنهم في اعالي الجنان...
ياخي دي ذكريات عزيزة علي النفس، وحنين لي زمن مضي.. تلاتاح اليه النفس كثيرا..
شكرا ليكم كتير، وكتر خيركم (الحقوق محفوظة لي صديقنا وحبيبنا (كبر)..
محبتي الدائمة
| |
|
|
|
|
|
|
|
|
|
Re: مؤسسة نادي الحلة والفريق (Re: جمال المنصوري)
|
ود المدير والمنصوري
حبابكم
إتخيلوا وانا طفل قبال أدخل المدرسة، والكلام دا في السبعينيات، حضرتا مسرحية عن الثائر الكونغولي "لوممبا"
إتخيلوا بس، في حلة السيالة غرب عطبرة بين النيل والنخيل والقصب والبرسيم، أهلي المزارعية- العمال
كان بي يمثلوا مسرحيات، واحدة منهن عن الثائر لوممبا
| |
|
|
|
|
|
|
|
|
Re: مؤسسة نادي الحلة والفريق (Re: aydaroos)
|
Quote: ود المدير والمنصوري
حبابكم
إتخيلوا وانا طفل قبال أدخل المدرسة، والكلام دا في السبعينيات، حضرتا مسرحية عن الثائر الكونغولي "لوممبا"
إتخيلوا بس، في حلة السيالة غرب عطبرة بين النيل والنخيل والقصب والبرسيم، أهلي المزارعية- العمال
كان بي يمثلوا مسرحيات، واحدة منهن عن الثائر لوممبا |
نعم يا عيدروس وإتقدمت اكتر من مرّة علي خشبة مسرح نادي السيالة، ويا عيدروس
السيالة انجبت الكاتب المسرحي القدير خالك بدر الدين بابكر وسبقه في هذا المجال
عبد السلآم عثمان . السيالة كانت زي هوليود بتنتج وتعرض . برضو خرجت فرقة
من اليالة قدمت مسرحية ثورة 24 علي خشبة المسرح القومي بأمدرمان في
احد مهرجانات الثقافة التي كانت تقام في ذلك الزمان . نفس المسرحية ثورة 24
قدمناها علي أحد مسارح عطبرة ؤُ نحن في الإبتدائي .
يفترض التكنلوجيا تكون ادآة لتطوير المناشط الثقافية في الأندية بدلاً عن كونها
ادآة اراها قد صرفت الناس عن الأندية ناهيك عن دور الأندية الثقافي، الآندية
يمكن ان يكون لها دور اكثر فعالية من الأحزاب السياسية في النهوض بالبلد
لو إتجه لها الناس .
| |
|
|
|
|
|
|
| |
aydaroos
جمال المنصوري
معاوية المدير
فيس بوك
تويتر
انستقرام
يوتيوب
بنتيريست