|
|
|
 Re: للما عارفين يعني ايه الدقيقة بشلن (Re: أحمد الشايقي)
|
ايوة يا مولانا
كل شي كان مظبوط
بدءا من طابور الصباح المدرسي
الجمعيات الادبية
المنازل والامنافسات الرياضية والثقافية بين المنازل
ناس عطبرة بظبطو مواعيدهم بحركة القطارات
قبل اخبار الثالثة كان الجميع في المنازل على صينية الغداء وبرنامج عالم الرياضة بعده النشرة الرئيسية
الناس تتغدى وتمشي كورة العصر ايا كانت روابط سنتر ليق او دار الرياضة
ما كان في شلهتة وجري ورا المواصلات والرزق
3 بيضات بي شلن
كان الكبريت انواع
كبريت المفتاح
والكبريت المشط ( هل حاج ادم سمع بالكبريت المشط؟) لو كان بمشي ال GMH كان بيلقاه مشتت
الكهربا التي يتحدث عنها النافع وان الناس كانو لايعرفونها قبل الانقاذ فليعلم ان خالي هو الذي صب قواعد ابراج الحمل من الرصيرص للخرطوم
من اينو اتو وماذا يريدون؟!!!!
| |
 
|
|
|
|
|
|
|
|
Re: للما عارفين يعني ايه الدقيقة بشلن (Re: محمد المرتضى حامد)
|
سلام دكتور ...
الشلن ده شنو ياخوانا .؟
_______________
زمان لما رفعو الطراحة لي اربعه قروش و نص ...
اسياد الطراحات اعتبروا التعريفه الباقية من الشلن دي حقتهم ...
و لا يعاين ليك و انت نازل .. يتناول الشلن بي قفاهوا ...
صاحبنا شيوعي لايوووووق ...
ناول سيدالطراحه الشلن و انتظر ...
سيد الطراحه داير يعمل نايم ... صاحبنا قال ليهو وين الباقي يابن العم ؟
الراجل عمل قاعد يفتش في جيوبه و عاين لي صاحبنا و قاليو ما عندي فكه و الله ...
صاحبنا اتكل بي اباطه كده في الباب .. نص جوه و نص بره ... وقال ليهو :
اها تفتكر الحل يكون شنو ؟
| |
|
|
|
|
|
|
|
|
Re: للما عارفين يعني ايه الدقيقة بشلن (Re: يحي قباني)
|
يحي قباني الجميل
حليل زمن الطراحة
احد اخوتنا من دولة جنوب السودان حينما كا ن السودان من حلفا لي نمولي
ركب طراحة الخرطوم من امدرمان
في المحطة الوسطى امدرمان بعد اكتمل العدد السواق سال بالنيل والا بالادارة
اخوني الجنوبي قال ليه بالادارة
وجات الادارة واخونا ما نزل
وجات صينية الحركة وما نزل
سواق التاكسي قال ليه يازول لما انت ما نازل جايبنا بي هنا ليه
فرد عليه بكل براءة
ونان زراف ده بشوفو ليك منو
بالمناسبة الزراف ده وينو؟
| |
|
|
|
|
|
|
|
|
|
Re: للما عارفين يعني ايه الدقيقة بشلن (Re: محمد المرتضى حامد)
|
الحبيب ود عمنا حامد عبد الله
لما كان عمر البشير وثلته بين الضهاري
كنا نحن اولاد الطبقة المتوسطة بنركب البص نمشي الخرطوم نشتري سندويتش من اتيني
وميلك شيك من زكي
ما عنطزة
لكن القوة الشرائية للعملة كانت عالية
كان كل شي متوفر
قزاز حليب كافوري موجود في جدران منازل المشتركين ما في زول بسرقو
والله هسة تخت جمكسين في الحيطة قبل ما تلف تلقى لفحو
يا مرتضى
داك عهد فيه الكلمة المفقودة الان تماما
اليقين
| |
|
|
|
|
|
|
| |
د.محمد حسن
أحمد الشايقي
محمد أبوالعزائم أبوالريش
محمد المرتضى حامد
يحي قباني
فيس بوك
تويتر
انستقرام
يوتيوب
بنتيريست