|
Re: للجادات فقط (Re: عبدالعزيز الفاضلابى)
|
التحية لكم يا الاحبة ..
يا فاضلابي بلاهي دا سؤال ؟
Quote: وزولك ده يابن عمى ,, راسمالو شنو؟ |
رأس مالو حقارتو بينا .. ولازي ما تقول كدا ( حقارة الرجال في النسوان ) ههههههههههههه . عليكم الله يا اولاد امي اسه الرادل نردلو بشنو ؟
| |
|
|
|
|
|
|
Re: للجادات فقط (Re: مني عمسيب)
|
مرحبتين بت عمنا عمسيب
Quote: عليكم الله يا اولاد امي اسه الرادل نردلو بشنو ؟ |
(الرادل) ده قال (للدادات) فقط .. انت لو ما جادة ولا جدادة* ما تضيعي وقته ساكت .. وبعدين حسب خبرتي هو عايز واحدة تعطش الجيم .. مش لجنا ولا بتاعة تجويد
.. .. الجداد البلدي يمتنع، مطلوب الالكتروني فقط.
| |
|
|
|
|
|
|
Re: للجادات فقط (Re: عمر التاج)
|
Quote: رأس مالو حقارتو بينا .. ولازي ما تقول كدا |
يامنى ,, جماعة اصحابنا كل يوم بظبِّطوا قعدتهم واحد تراهو زى زولِك ابو كيبورد ده ,, يَوَقِّت ليهم اول مايعرف انهم اتلموا ,, يجى داخل زى الجايبو الدرِب السلااااااام عليكم ,, الجماعة على مضض وعليكم السلام زولك يقعد ويقرطِع معاهن لى آخر كاس وماعندو التكتح وبعد مرات يقترح عليهم يجيبو زيادة ,, وهو مادافع معاهم كل راسمالو عنده عود يجى شايلو معاه ويقدهم بيه ,, يوم اول ما قعدوا زولك وجاء داخل ,, السلاااام عليكم وتكل العود وداير يقعد واحد زهجان منه شال العود وفننن بيفوق الحيطة وقال ليهو مش قَنْزَبك ده أها ,,, **قنزبك يعنى مساهمتك او الـ (Share) بتاعك.
| |
|
|
|
|
|
|
Re: للجادات فقط (Re: عمر التاج)
|
الزول دا شكله مآخد فى نفسه مقلب طويل عريض.. والرجالة بتاعته النص كم دى.. يشوف ليها جنسية غير السودانيات... ديل بتحزمن بالدبيب حىّ وما بتغشن..
| |
|
|
|
|
|
|
Re: للجادات فقط (Re: nour tawir)
|
مرحبتين نور يا صديقة ..
Quote: الزول دا شكله مآخد فى نفسه مقلب طويل عريض.. والرجالة بتاعته النص كم دى.. يشوف ليها جنسية غير السودانيات... ديل بتحزمن بالدبيب حىّ وما بتغشن |
قصدك يمشي لي ديل:
الصورة انتشرت في الواتس قيل أنها لحسناوات بيروت عبرن عن حبهن للشعب السوداني ولذلك قررن الزواج من رجال السودان.
| |
|
|
|
|
|
|
Re: للجادات فقط (Re: عمر التاج)
|
سلام عمر التاج ود الاحيمر والحضور
Quote: والله الكلمة المشكلة دي محل ما وديتها ما مشت يافاضلابي |
والكلمة هي القنزب وتعني بلغة الأمهرا الفلوس والمال أما بالراندوك السوداني فتعني: الشرتيت ، الضحاكات والصفق وغيرها من المسميات
مودتي سمياك عمر أبو عاقلة ود الاحيمر
| |
|
|
|
|
|
|
Re: للجادات فقط (Re: عمر أبوعاقلة)
|
دا واحد موهم وقليل ادب عاوز دقة بالسوط
كتاااار زى ديل بخططوا وبتاعن مصالح لكن زى ما قالت الحبيبة نور
Quote: الزول دا شكله مآخد فى نفسه مقلب طويل عريض.. والرجالة بتاعته النص كم دى.. يشوف ليها جنسية غير السودانيات... ديل بتحزمن بالدبيب حىّ وما بتغشن |
يمين نودى البحر ورجعوا عتشاااان
| |
|
|
|
|
|
|
Re: للجادات فقط (Re: محمد فضل الله المكى)
|
Quote: عندها بيت ..... الفيهو اتعرفت والأوراق الثبوتية دي ... عايز يجنِّده في داعِش ولا شنو ؟ |
صفي النية يا محمد فضل ياخ واحسن الظن في اخوكم.. الراجل طلباته كلها منطقية: عندها بيت يعني جادة جدادة تامة (ما مجرد سوسيوة) .. والاوراق الثبوتية من اجل اختبارات القبول والجدية .
.. .. وبعدين داعش شنو ياخ الراجل قال يرغب في القفص الذهبي تقوم تورطو وتودية القفص الحديدي
| |
|
|
|
|
|
|
Re: للجادات فقط (Re: وضاحة)
|
مرحبيتن شمسنا الوضاحة ..
Quote: يمين نودى البحر ورجعوا عتشاااان |
عطشان اكتر من عتشو دا يا واضاحة؟ يا اخ ده سعران عديل (ما يسمعنا)
.. .. لكن كلامه ده كلام زول راكز و واثق من نفسه .. ولو كنت جادة نتوسط ليك كان يقبل.
| |
|
|
|
|
|
|
Re: للجادات فقط (Re: عمر أبوعاقلة)
|
اهلين عمر اخوي..
Quote: والكلمة هي القنزب وتعني بلغة الأمهرا الفلوس والمال أما بالراندوك السوداني فتعني: الشرتيت ، الضحاكات والصفق وغيرها من المسميات
|
جبتها من مصدرها لكن.. طيب صاحبنا دا لو كتب طلبه دا بالراندوك ما كان ستر نفسه شوية؟
| |
|
|
|
|
|
|
Re: للجادات فقط (Re: عمر التاج)
|
Quote: وبعدين حسب خبرتي هو عايز واحدة تعطش الجيم .. مش لجنا ولا بتاعة تجويد
|
قبضتك ياود عم التاج يا اب امور اتاريك دا انت صاحب الاعلان دا ودايرنا نجري وراك ؟ والله من الاقتباس دا انت متهم يا مشارك في حقارة الرجال في النسوان ههههههه هههههههه اصبر لي لكن .
سلام يا ناس البوست السمحين .
| |
|
|
|
|
|
|
Re: للجادات فقط (Re: عمر التاج)
|
ود التاج .. صباح الورد ..
Quote: لكن اذا كانت اللجنة طبيعية مامشكلة |
واشمعني انت ضاغط علي اللجنة دي قدر دا ؟ هههههههههههههههههههه لانك ذكرتها كم مرة .
ام لجنة دي ذكرتني .. سارة ام بطن هههههههههه .
مشيت الراكوبة اشرب لي معاهو شاي في عنقريبهم لقيت واحد من الزملاء الاحباب كاتب بوست بعنوان ( سارة ام بطن ) ! مدخل البوست : كانا يتبادلان اطراف الحديث الشيق . والنظرات الدافئة في احدي المطاعم الفاخرة بالخرطوم . فاذتاذنها فجاة وهو تاركآ تلفونه وراءه في الطاولة فاثار التلفون انتباهها لكي تعرف .. باي اسم تم تسجيلها بداخله فقالت في سرها : يا ربي ( حبيبتي سارة ) ملاكي سارة ) (ولا اعظم الاسماء ) من الذي ذكرت ؟ فتركته يختفي تمامآ اي حبيبها فحملت التلفون وضربت رقمها فاذا به يحمل اسم ( سارة ام بطن ) هههههههههههههه طبعآ هجنا فيهو هيجة يا ود التاج وقلنا ليهو الا نسداها هههههههه . اها انت اسه بدردق فينا عشان الموضوع يطور ويصل مرحلة بت نفيسة اللجنة ههههه .
يا زول موضوع زي الشهد ومتابعين .
وتسلم يا ود التاج ..
| |
|
|
|
|
|
|
Re: للجادات فقط (Re: مني عمسيب)
|
بت عمسيب مساء الخير..
Quote: واشمعني انت ضاغط علي اللجنة دي قدر دا ؟ هههههههههههههههههههه لانك ذكرتها كم مرة |
ومالها اللجنة يا بت امي .. والله لما واحدة تكتبني في موبايلها ( عمولتي وبث) اتكيف منها أكتر من بتاع الاعلان داك لما تجيه واحد جادة. ولمن تنطقها مع حبة غمازات (الغمازات بتكسر الحروف زيادة) أطير أنا وأشرط الاعلان توااالي.
| |
|
|
|
|
|
|
Re: للجادات فقط (Re: عبدالعزيز الفاضلابى)
|
Quote: امسك عندك دى لَجَنَة بالهولندى والمعنى ,, فاستأذنها |
والله يا قريبي انا مما شفتها بتقول (الرادل) ده عرفتها (مجودة)* ولمعلومتك .. لجنة الكيبورد دي أحلى من لجنة اللسان . بس كان قلنا لي واحدة (راسمالك لجنة كيبورد) بتطلعنا حقرة اولاد حقارين
.. .. مجودة من التجويد، وهو لحن لذيذ في الونسة، تستخدم فيه حروف الاقلاب والقلقة. ونحن ما ببنقولوا الا للحلوين.
| |
|
|
|
|
|
|
Re: للجادات فقط (Re: وضاحة)
|
هلا بشمسنا الوضاحة البوست بوستك .. اتجدعي فيه طول بعرض... بس خليك جاااادة
Quote: الراكز والواثق من نفسوا بجى بالباب بي حقوا وبيكون واثق من اصلوا واسرتوا |
الرااجل شكله مبتكر يا وضاحة .. ابتكر باب ورقي جديد ودخل منه على الأسر مباشرة.. لكن اسرته دي ما حا نكشف عنها إلا بعد الموافقة وما تستبعدي تكون شجرتها قمر دين (الله يستر على البوست).
Quote: قال كان وافق نحن عندنا حكومة لو ما فحصتك لى جدك الخمسين ما بتوافق ظاتوا ههههههههه |
طبعا الموافقة ضرورية (خاصة بعد التدقيق في البطاقة وصورها الحديثة).. الموافقة دي صاحب الاعلان وارثها من جده التعايشي .. لمن قال للملكة فكتوريا أسلمي و سنزوجك يونس ود الدكيم اذا وافق.. انت مع شنو؟ بعدين حكومتك دي ما بتلحق حكومتنا .. كدي كلمي حبوبتك بجماعتنا في البوست ده ممكن تتعرف عليهم ..وما تحتاج فحص ولان البوست اتعمل في ظل حادثة الكروراب الاتسببت فيها حا ننتظر راي حبوبتك فيه..الحرة
| |
|
|
|
|
|
|
Re: للجادات فقط (Re: عمر التاج)
|
ختاما لايفوت على القارئ أن البوست كان للاندياح والجلسة كانت صافية والونسة بمحبة اخوة في راكوبة، فالشكر لكل المتداخلين، والتحية خاصة لاخوات المنبر خاصة الثلاثي ( نور، منى، وضاحة) اللائي شاركن في الجلسة و بلا شك فوجودهن معنا دليل على ادراكهن لمقدار عزتهن ورفعتهن عندنا، وما قلناه عنهن في البوست مجرد مزاح ومحبة . ونهديهن هذه الطرفة بين بنت وشاب، وهي معكوسة لاعلان الشاب الأول .. شاب : هل تتزوجيني ؟ البنت : عندك منزل؟ الشاب : لا . عندك عربية BMW؟ الشاب : لا . البنت : عندك مرتب؟ الشاب : لا ، لكن انا .... البنت : ماتشبكني انا وبتاع . انت ماعندك سجم رمادك عاوز تعرسني كيف ؟؟ . قوم بالله لف و شوف ليك جبل اطلعو . حزن الشاب جداً وقال لي صحبتها ( انا عندي قصر وتلاتة فلات في مصر والإمارات وماليزيا البيت اعمل بيهو شنو؟ . عندي فيراري وبورش مامحتاج ل BMW عربيتين كفاية. وكيف يكون عندي راتب وانا صاحب الشركة . المهم ! البت هسي مربوطة في زريبة الشيخ البرعي بعد ما الشاب أتزوج من صاحبتها .. وبتقول كلمتين بس. الشفقة تطير ، الشفقة تطير ، الشفقة تطييييييييييييير.
| |
|
|
|
|
|
|
Re: للجادات فقط (Re: عمر التاج)
|
بمناسبة اللجنة دي يا ود التاج قاليك واحد بحكي لزميلته عن أحلامه وهي مكسرة فيه وهو ما جايب خبر, قال ليها نفسي زوجتي المستقبلية تكون لجناء ديك طوالي عوجت لسانها وقالت ليه" توسها بتتلدي" (كوسها بتتلقي)
| |
|
|
|
|
|
|
Re: للجادات فقط (Re: محمد البشرى الخضر)
|
"وزولك ده يابن عمى ,, راسمالو شنو؟"
مطهر
في ناس كتار راس مالم الطهور والموضوع دا عندو سوق.
صديقة كانت تعبانا من زوجها المطهر؟؟ قلت ليها: طلقيهو قالت لي: بجيب لي منو ولد تاني وبطلقو
فشنو؟ الأمور ليست كما تبدو دائما، وهناك دائما زوايا يتم تجاهلها حياءً
| |
|
|
|
|
|
|
Re: للجادات فقط (Re: أبوبكر عباس)
|
مراااحب ابوبكر عباس قبيل لمن خش اشرف وشايل صورة الاسد في بروفايلو ، طير الحمام الفي بروفايلي من الخلعة أسع أنا خايف دخلتك دي - وحالتها دي بدون صورة- تطير باقي الحمام والدباس
Quote: فشنو؟ الأمور ليست كما تبدو دائما، وهناك دائما زوايا يتم تجاهلها حياءً |
الشاب في اعلانه فوق لم يحدد خيارك ( داك) في نفسه أو في شريكة اعلانه. وللأسف هذا حال 99.99% من السودانين لا يسالون عن أمور (خاصة) قد تعكر حياتهم فيما بعد. ولكننا ننتظر ثورة المستنيرين تطالب بهذه الحقوق في الاشراط.
| |
|
|
|
|
|
|
Re: للجادات فقط (Re: أحمد محمد عمر)
|
مرحبتين اخونا احمد محمد عمر بكلامك ده منى بقت في مشكلتين، لجنة وتزوير.
Quote: دي مشكلة الكتابة قدام البنات بتعلم التزوير في الأوراق الرسمية |
الحياة مدارس يا احمد يا اخوي، والروايات بتعدد حتى في حصة التفسير . انت شكلك قريتها بالنسخة القديمة.. وبعدين ما تحكها شديد كدة .. يعني نرجع للترقييم نحن؟
| |
|
|
|
|
|
|
Re: للجادات فقط (Re: محمد البشرى الخضر)
|
سلامات يا محمد البشرى والف مرحب..
Quote: بمناسبة اللجنة دي يا ود التاج قاليك واحد بحكي لزميلته عن أحلامه وهي مكسرة فيه وهو ما جايب خبر, قال ليها نفسي زوجتي المستقبلية تكون لجناء ديك طوالي عوجت لسانها وقالت ليه" توسها بتتلدي" |
غايتو أنا بموت في اللجنة والفلجة والوجنة .. وبتمنى في زوجة المستقبل انها تلجني في حبها .. وتفلقني وتوجني كمان.
| |
|
|
|
|
|
|
Re: للجادات فقط (Re: أحمد محمد عمر)
|
Quote: آآي وقت جاتني كانت سامية ما سارة |
قصدك سامية أم جضوم؟ يا اخ انت اصدارتك قديمة خلاث .. اعمل ابديت وخش على رقم 6. وبعدين يا اخ ما كله نبذ
| |
|
|
|
|
|
|
|