|
Re: كع ... انبهلت. (Re: محمد أبوالعزائم أبوالريش)
|
حبيبنا التاج .. زي المساجد دي إلا في المدن .. أذكر في قريتنا في الشمال تم بناء مسجد على نفقة الملك فهد رحمه الله بواسطة أحد الأعمام كان يعمل معه .. المسجد ما شاء الله فرش وثير ومولد كهرباء ( قبل سد مروي ) وإضاءة ومكفيات .. المسجد لصلاة الجمعة .. باقي الصلوات في المسيد .. بعد صلاة الجمعة بعض أهلنا رفضوا الخروج المسجد ( عشان المكيفات ) بمرور الزمن اصبح المسجد زي الاستراحة .. مساجدنا في القرى أحسن تكون زي زمان ( بروش ) وإلا الترابلة ديل حيتعلموا الكسل ..
مودتي ..
| |
|
|
|
|
|
|
Re: كع ... انبهلت. (Re: محمد أبوالعزائم أبوالريش)
|
وتحية الإسلام للاخ محمد أبو العزائم ..
Quote: تلحق إغاثة السيول قبل ما توصل |
فعلا الجماعة ديل ما مضمونين .. و زي ما الثعلب يمكن يلد ويمكن يبيض .. الجماعة ديل ممكن يبيعوا مفارش المساجد لتجارهم بتوعين صالات الأفراح .
| |
|
|
|
|
|
|
Re: كع ... انبهلت. (Re: جلالدونا)
|
تحيات وكع كرع للاخ جلاودنا الذي بشرنا بالطمبجة ..
Quote: يااااااه دى انطنبجت ---- اها ان شالله يكون فيها فرش اسنان و بالعدم فرش متاع يا قول اخونا تمبس |
ففي قاموس الزنقات باب طمبج: طمبجها طمبجة شديدة .. أما إذا كانت الهدية فرش فتبقى فضيحة ووسخ أسنان ..
| |
|
|
|
|
|
|
Re: كع ... انبهلت. (Re: عمر التاج)
|
أطايب التحايا للحبيب علي عبد الوهاب ..
Quote: حبيبنا التاج .. زي المساجد دي إلا في المدن .. أذكر في قريتنا في الشمال تم بناء مسجد على نفقة الملك فهد رحمه الله بواسطة أحد الأعمام كان يعمل معه .. المسجد ما شاء الله فرش وثير ومولد كهرباء ( قبل سد مروي ) وإضاءة ومكفيات .. المسجد لصلاة الجمعة .. باقي الصلوات في المسيد .. بعد صلاة الجمعة بعض أهلنا رفضوا الخروج المسجد ( عشان المكيفات ) بمرور الزمن اصبح المسجد زي الاستراحة .. مساجدنا في القرى أحسن تكون زي زمان ( بروش ) وإلا الترابلة ديل حيتعلموا الكسل ..
|
من المعروف أن بناء المساجد وفرشها هو عمل المحسنين والجمعيات الخيرية واذا صحت التغريدة فسيبدوا وكأن الموضوع عطاء من يملك لمن لا يستحق بين وزارات المالية ..
.. .. أتوقع أن المملكة عايزة تعمل خير في ناسنا وترجعهم للمساجد.. بعد أن عرفت أن الكيزان دخلوا الناس المساجد وخرجوا هم الى السوق .
| |
|
|
|
|
|
|
Re: كع ... انبهلت. (Re: elsawi)
|
Quote: غايتو يا حكومة السعودية اكاليم المساجد ما بناباهن، لكن الفيكم اتعرفت |
حكومة السعودية دغرية وحريصة وواعية يا الصاوي أخوي .. وكل زول بتديهو حسب نيتو .. الله يخليها لي شعبها.
| |
|
|
|
|
|
|
Re: كع ... انبهلت. (Re: معاوية المدير)
|
مساء الخير اخي معاوية المدير
Quote: يا عمر ياخي السجاد الإيراني زيو مافي |
الحكومة عرفت مؤخرا ان القبلة في السعودية .. والمملكة عايزة ترسخ المفهوم ده دينيا .. لكن الرفيق المصري عارف الرز وين عشان كده كان الترسيخ ماديا.
| |
|
|
|
|
|
|
Re: كع ... انبهلت. (Re: عمر التاج)
|
بعد جولة تفقدية في أسواق الخرطوم أفاد مراسلنا أن أسعار السجاد والمفارش وقعت وقعة جنيهنا السوداني .. واكد شاهد عيان أن كثير من المسؤولين فتحو مخازن المفارش التي لغفوها من المنح السابقة وأغرقوا بها الأسواق
.. .. عقبال السبح كع كراع
| |
|
|
|
|
|
|
Re: كع ... انبهلت. (Re: عمر التاج)
|
كما توقعت مراكز دراسية في الأوساط المالية أن ينهار الدولار بالضربة القاضية بمجرد وصول المفارش لان الجماعة حايخلوا تجارة العملة ويدخلو الى المساجد الوثيرة ..
| |
|
|
|
|
|
|
Re: كع ... انبهلت. (Re: عمر التاج)
|
في بشريات مبثوثه عن التضخم والأنفاق العام .. أن مؤتمر الحوار استهلك حوالي خمس الموازنة المرصودة للعام الجديد ..
كع كراااااع .. ابهلت.
| |
|
|
|
|
|
|
Re: كع ... انبهلت. (Re: عمر التاج)
|
أسعار البترول تزيد ولا تنقص ما همانا نفط الجنوب يتدفق ولا يقيف ما همانا جنيهنا يقيف ولا يدق الدلجة ما همانا المهم رسوم عبور البترول ما تنقص عن 26 دولار للبرميل ..
.. .. كع ، انبهلت ولا .... لا؟
| |
|
|
|
|
|
|
Re: كع ... انبهلت. (Re: عمر التاج)
|
Quote: العندو مفارش يفكهن سريع ..لانو اسعارن حاتقع في الواطة |
افضل من يجينا دولار ويكون حمدو في بطنو
جد جد الجماعة اكلو مفارش بطعم النيم
قلت لي نطرد السفير الإيراني ومالو نطردو
| |
|
|
|
|
|
|
Re: كع ... انبهلت. (Re: نجم الدين سعدابى)
|
تحية السعوديين عرفوا الجماعة شعارهم : فى سبيل الله قمنا نبتغى رفع اللواء لا لدنيا قد عملنا نحن للدين الفداء و هى لله لله اها كل واحد يدوهو حسب نيته,,
| |
|
|
|
|
|
|
Re: كع ... انبهلت. (Re: Salah Habib)
|
تحياتي اخي الحبيب صلاح الحبيب السعودية دوله واعية جدا .. بتدي كل جهة حسب حوجة حكومتها .. واحدين كانو عايزين رز أدوهم بالربع التقيل .. وواحدين ناقصين دين.. أدوهم على راسهم مفارش ..
.. .. وزيرنا العبقري بتاع المالية قال زيادة اسعار الغاز ما حا تاثر على اسعار الخبز.. أتوقع في المرة الجاية حكومة المملكة تتبرع لينا بي شحنة (مخ) لجميع الوزراء .
| |
|
|
|
|
|
|
Re: كع ... انبهلت. (Re: نجم الدين سعدابى)
|
تحياتي يافريبي نجم الدين (السعدابي ) ومرحبا بابهالتك الجميله كع...
Quote: افضل من يجينا دولار ويكون حمدو في بطنو
جد جد الجماعة اكلو مفارش بطعم النيم
قلت لي نطرد السفير الإيراني ومالو نطردو |
الجماعة يا قولك منتظرين الدولار والريال .. أهو جاتهم المفارش وانقطعت ايران غاز .. بعد كده ان شاء الله يقنعوا ويقبلوا على مفارشهم .. اقصد مساجدهم.
| |
|
|
|
|
|
|
Re: كع ... انبهلت. (Re: عمر التاج)
|
الدولار في طريقه الى الرجوع لسعره قبل 26 عاما .. سيعود الى حدود بدايات الثورة التي جاءت لتمنع وصول الدولار لعدد 12 جنيه ، بعد ربع قرن يتجاوز الدولار هذا السعر .. ولكن بعد خصم ثلاثه نقاط كاملة .. في الحقيقة هي ثلاثة اصفار يعني الف نقطة والله المستعان ..
السيد المحافظ نفى اليوم سعي الحكومة لرفع سعر الدولار المصرفي ل 10 جنيه.. وهو بذلك يكرر سيناريو وزير المالية الذي زاد سعر الغاز بعد اقل من شهر من نفيه ذلك.
.. .. كع .. انبهلت.
| |
|
|
|
|
|
|
|