|
Re: قرارات اللجنه الاقتصاديه لخبراء الاقتصاد (Re: عمر صديق)
|
Quote: ١٣/ البحث عن وديعة من دول الخليج لوقف تدهور العملة بأسرع ما يمكن |
شر البلية ما يضحك .... توصي اليتيم بالبكاء؟؟؟؟ هي الحكومة عندها شنو غير الشحدة والأرتزاق ؟؟؟ ولكن نقلت هذا المقطع للتشديد علي حكاية إنهيار العملة
Quote: ١٩/ العمل علي تأهيل حقول بترول الجنوب لزيادة الانتاج وبالتالي زيادة البترول العابر |
أهل الكهف ديل ما سمعوا بإستقلال الجنوب؟؟؟؟
Quote: ٢/ إيقاف استيراد الكماليات ولعب الأطفال وأدوات التجميل وبعض انواع السيارات والفواكه بجميع أنواعها |
ناس الحكومة بكاتلوا عديل في الحاجات دي ... ممكن نوقف إستيراد الأدوية مثلا... بدلا ما نزعل أولاد العز ديل؟؟؟؟
Quote: ٦/ تشجيع المغتربين علي التحويلات عبر الجهاز المصرفي وعمل حوافز لكل مغترب يحول مبلغ محدد في العام لمدة خمسة سنوات بإعطائه قطعة ارض وادخال عربة بدون جمارك لاي موديل وكذلك الزام اي مغترب بتحويل مبلغ 1000 دولار سنويا عبر الصرافات او البنوك واثبات ذلك وبالعدم عدم تجديد اوراقه الثبوتية في الخارج وعدم استخراج جواز له مرة اخري |
واخد بال حضرتك ما المغتربين برضك بيعرفوا إقتصاد فإذا كان الدولار الرسمي سعره 6 جنيهيات ودولار السوق الموازي سعره 16 جنيه معقول بس قطعة أرض في الصالحة ولا الوادي الأخضر بتغطي ؟؟ ووين مع مافيا الأراضي يخلوا ليكم واطة توزعوها علي المغتربين
Quote: ١/ مراقبة الاسواق ووضع تسعيرة لكل سلعة من تاجر الاجمالي الي تاجر القطاعي وتشديد العقوبات علي المخالفين ٢٢/ ربط المحلات ببرنامج الضريبة مباشرة وأخذ الضريبة علي اي سلعة مع تخفيض ضريبة القيمة المُضافة الي 10٪ وتضبيقها حتي علي طلب الفول |
الناس ديل قروا إقتصاد في ياتو خلوة؟؟؟؟
Quote: ٢٥/ إيقاف اي مباني جديدة والاعتذار عن استقبال اي مؤتمر داخل السودان |
هل المقصود مباني تبنيها الدولة أم المباني عموما ؟؟ برضو نسأل السؤال السابق الناس ديل قروا إقتصاد وين ؟؟؟؟ قطاع الإنشاءات من القطاعات المهمة في الإقتصاد وهو مؤشر علي صحة الإقتصاد
Quote: ٢٦/ عدم استقبال اي لاجئين الا بعد ان تقوم الامم المتحدة بالصرف علي معسكراتهم |
شرحوا لعقود عديدة كان صرف المجتمع الدولي علي اللاجئين من أكبر موارد الدولة والمجتمع المحلي من العملة الصعبة ومن الموارد عموما
Quote: ١٧/ العمل علي تأهيل شركة سودانير وشراء طائرات جديدة |
مش كان في الأول تسألوا هي إنهارت ليه من اساسوا؟؟؟ ما عشان ما تتأهل وتاني تتضرب زي ما حصل في المرة الأولي وليه ما حيصل دا والحرامية في الدولة فاتحين حشومهم لأي "تأهيل" تأهيل بهنا وعمارات في الطائف والمجاهدين ودبي وماليزيا بهناك
Quote: وكذلك الزام اي مغترب بتحويل مبلغ 1000 دولار سنويا عبر الصرافات او البنوك واثبات ذلك وبالعدم عدم تجديد اوراقه الثبوتية في الخارج وعدم استخراج جواز له مرة اخري |
مساكين المغتربين بقرة الدولة الحلوب والمورد السهل لكل عاطل عن التفكير ولكل مدعي معرفة بالإقتصاد دي حلول دولة بوليسية مش حلول يقدمها إقتصادي ما تجدد ليه الجواز يعني ما حيسافر يعني ما في شغل يعني قدر الكان بيجي منه بالطرق الرسمية أو غيرها حتفقدوا
الناس الكتبوا الكلام دا قطع شك ما إقتصاديين لو ما ضباط في الأمن
| |
|
|
|
|
|
|
Re: قرارات اللجنه الاقتصاديه لخبراء الاقتصاد (Re: محمد يوسف طه)
|
اقتباس :
( ٨/ منع دخول اي بضائع الا عبر الإجراءات المصرفية ومنع التحايل علي تلك الإجراءات ) انتهى
لـولا الحظر الاقتصادى الامريكى ومنع البنـوك الاجنبية من التعامـل مع البنوك السودانية لتدفقت الاستثمارات الاجنبية على السودان وحتما كان ح يكون هناك جدوى من البند رقم (8) المقتبس بعاليه من بنود اللجنة الاقتصادية ..
سواءا كانوا اقتصاديين ام لا فان هذه القرارات صادرة من جهة حكومية ما !!
| |
|
|
|
|
|
|
Re: قرارات اللجنه الاقتصاديه لخبراء الاقتصاد (Re: علاء سيداحمد)
|
اقتباس :
( ١٧/ العمل علي تأهيل شركة سودانير وشراء طائرات جديدة )
الكيزان عملوا على انهاء سودانير كما عملوا على انهاء مشروع الجزيرة والسكك الحديدية .. وكان الحظر الاوربى على سودانير من الهبوط فى مطاراتها وايضا فى كثير من الدول مما مهد لخصخصة سودانير وتشليعها ثم ما كان من تحويل كثير من اصولها الى شركة تـاركو ( الوريث غير الشرعى لسودانير )
| |
|
|
|
|
|
|
Re: قرارات اللجنه الاقتصاديه لخبراء الاقتصاد (Re: عمر صديق)
|
/ العمل علي شراء شركات الاتصالات من الأجانب حتي لو دعا الامر الي ان تكون شركة مساهمة عامة كل الشعب السوداني
********
وكيف اذن يتم تشجيع الاستثمار الاجنبي؟؟؟
لو عملت الاجراء دا غصب عن ملاك الشركة...دا اسمو قلع
*** اما بعد :
وبعد اطلاعي على كل التوصيات استطيع ان أقول بضمير مرتاح::: الكورة اوت وكمان في المدرجات...
اقسم بالله ما لم يتم حل الازمة السياسية حل جذري .....اكرر حل جذري ... وبتنازلات مريرة ومؤلمة من الحزب الجاكم ...ما لم يتم ذلك لن يكون هناك حتى بصيص امل لانقاص وتيرة التدهور ناهيك عن حل الازمة...
وشكرا
| |
|
|
|
|
|
|
|