|
|
|
 Re: قبل ما تسافر تدفع (Re: عبدالحفيظ ابوسن)
|
أياها هموم الناس العادية
ذات الناس البنتحدث عن تحديد هويتهم
ولا بنتكلم عن مناورات السيد الصادق المكررة ومكشوفة
ولا خروج عرمان ولا الحلو
نفس الناس الذين لا يلامس حديثنا اهتمامهم
فهم مشغولون بمكابدة الحياة في ادني صورها
يقفون وحدهم فرادى في مواجهة آلة السلطة
آلة السلطة التي يمثلها
ضابط الصحة
ضابط المحلية
موظف النفايات
ال
ال
وان صغرت الرتبة فهو يمثل السلطة بكل جلافتها و رعونتها وازدرائها بالمواطن
وان صغرت فهي قادرة علي اهانته واجباره وادخاله الحراسة
| |
 
|
|
|
|
|
|
|
|
Re: قبل ما تسافر تدفع (Re: عبدالحفيظ ابوسن)
|
من يحدد الرسوم لا علاقة له بالناس ولا حياتهم
يقول ليك هي كلها اربعة ج
مقللا من قيمتها
فعلا هي كقيمة قليلة لكن الحصول عليها صعب
هي تمثل واحد من عشرة ل طلبة البنا
وهي قيمة عتالة شوالين بصل
ولكنها لمن شرعها لا تمثل شيئا فمرتبه مع بدلاته وحوافزه وما يطرأ له في شارع كسب رزقه من الوظيفه لا يمثل ولا نسبة ضئيلة وهو زاتو لا يدفعه رقم قلة قيمته
| |
|
|
|
|
|
|
|
|
|
Re: قبل ما تسافر تدفع (Re: عبدالحفيظ ابوسن)
|
لو عندك زول عيان وبهمك
اقلاها بتخش مرتين ومرات ما براك
وممكن جدا يكتبو ليك دوا وتضطر تطلع تجيبو . هنا قدرتك في اقناع حارس البوابة انك ماشي وجاي . موقف مهين وانت بتتكلم معاهو وهو مشغول منك
ولا مكلف بإحضار الاكل للمريض
بدوك بطاقة مرافق لمريض . بطاقة واحدة لشخص واحد
لكن هنا عشان تنجز محتاج لاكتر من واحد
| |
|
|
|
|
|
|
|
|
|
Re: قبل ما تسافر تدفع (Re: البرنس ود عطبرة)
|
شكرا أخ ود اب سن
الجبايات والضرائب متعددة المسميات هي أوضح ما يلون معاناة حياة السودانيين وتحتاج إلى العديد من الوقفات الجادة
مع تعددها اشعر بأنها فاتت حدود المشاركة في تمويل الخدمات وإنما أصبحت استثمارا في معاناة الناس لرفاهية آخرين هم الهيكل المترهل للسلطة
مباشرة كدا .. أي منتمي للحزب الحاكم يستمتع ويضمن رفاهية حياته في هيكل السلطة المقسم ليستوعب كل مرة أعدادا من الخريجين الجدد ضباط مجالس ومدراء ومصالح وسلطات
ولائية ومشاريع (دواء دوار) ومسميات لا حدود لها والمنظمات الطوعية تكمل الناقصة
والشعب يدفع (بلا حدود) لتمويل كل هذه الآلة الحزبية ... اصبحنا شعب (جبايات بلا حدود)
لك فائق تقديري
أحمد الشايقي
| |
|
|
|
|
|
|
|
|
Re: قبل ما تسافر تدفع (Re: عبدالحفيظ ابوسن)
|
اياهو يا الشايقي
الوظيفة من اجل المعايش
والمعايش من الشعب الماقادر يعيش
عشان كدة ينقرن فيك موظف الجباية التقول ماكل مال ابوهو . لأنو عندو نسبة في التحصيل
وفي ناس ياها دي ماهيتو . يلقط رزقو هو وشطارتو
فتحولنا من دولة ذات واجبات محددة ومعروفة نحو مواطنيها تحولنا لزبائن مجبرين بالشراء غصب .
تشتري حريتك !! حرية انك ما تخش حراسة وتدفع اضعاف
ممكن تهدر كرامتك ببساطة
بلد يدخل مزارعيها السجون ويثري تجارها
هل في بلد في العالم الناس بتدفع عشان تخش الاسبتالية ولا موقف المواصلات !؟
| |
|
|
|
|
|
|
|
|
|
Re: قبل ما تسافر تدفع (Re: عبدالحفيظ ابوسن)
|
شكرا ود ابسن
... الممخولني ... في هذا السودان أنه هذه مواضيع لم (يشملها الحوار) المسمى وطنياً
كأنه حوار عن أحوال جزر موريشيوس
مرحباً بك في بوست (أمور حيوية لم يشملها الحوار الوطني)
أحمد الشايقي
| |
|
|
|
|
|
|
|
|
|
Re: قبل ما تسافر تدفع (Re: أحمد الشايقي)
|
تدفع يا معاوية عشان الميناء البري لا يتبع للحكومة
يملكه شخص مستثمر
الميناء البري رغم فخامة ليوازي الميناء الجوي ( المطار ) هو موقف البصات
اشتري الارض وعملها ميناء وممنوع بص يشحن برة الميناء .. غرامة
حتي الدرداقات تابعه للمستثمر
والادبخانات الجوة
يلقط بس
وناس البصات برضو بدفعو
يعني ممكن كدة يبيعو الميناء الجوي
والسعر زادو
عشان الدولار زاد والحياة بقت غالية
| |
|
|
|
|
|
|
|
|
|
Re: قبل ما تسافر تدفع (Re: عبدالحفيظ ابوسن)
|
ابوسن تحياتى وسلامى
انت ماشى الميناء البرى ليه
مش عملوا ليكم مطار دولى فى كنانة
تسافر بالمطار
وتتعالج خارج السودان
عالم تحب البهدلة والحكومة عملت مطار كنانة الدولى عشان شنو
تسافر منه وترجع اوع من الميناء البرى
دمت مواطن مسافر
| |
|
|
|
|
|
|
|
|
|
Re: قبل ما تسافر تدفع (Re: عبدالحفيظ ابوسن)
|
موضوع حيوي شديد يا أب سن
الناس بقت متابكة في تولاتا دي
يا تدفع يا عاكسوك
ياخ في نقاط العبور تجي أوراقك سليمة، وكل شي تمام لو ما دفعت ما بتفوت
بكل بجاحة العسكري يقولك جيب حق الفطور
غايتو ربنا يعين هذا الشعب
| |
|
|
|
|
|
|
|
|
|
Re: قبل ما تسافر تدفع (Re: بدرالدين بابكر مصطفى)
|
في المينا البري تدفع تذكرة دخول كأنك داخل السينما او داخل حديقة
في حين انك داخل عايز تركب المواصلات
بعد تدفع يدوك فيشة بلاستيكية بمثابة اكسيس كارد عشان تفتح بيهو الباب
بما انو الشغل الكتروني مفروض براك تعمل الحاجة دي لكن برضو موقفين موظفين
هم البشيلو منك الفيشة ويفتحو ليك الباب
وبمجرد دخولك يجوك جارين جيوش من السماسرة .. سماسرة البصات وديل هم القاعد يزيدو
اسعار التذاكر بالذات في ايام مواسم الاعياد يعني مستحيل كل تذاكر البص تتباع عبر الشباك
معظم التذاكر تتباع للسماسرة ديل وهم بدورهم يضاعفو السعر للمواطنين
شفتو البلاوي
تحياتي يا ود ابسن ولضيوفك السلام
| |
|
|
|
|
|
|
|
|
|
Re: قبل ما تسافر تدفع (Re: بدرالدين بابكر مصطفى)
|
عجبني تقييمك للقروش بالجهد والزمن اليومي
عتالة شوالين وعشر يومية
والاشكال الاكبر انه القروش دي ما معروفة بتمشي وين ولا بتخش ياتو خزنة ولا منو البحسبها ولا البراجعها
قانون الاحترام بقول ما في دفع من غير تمثيل
انت تدفع بس من غير ما يكون عندك راي في الحاجة البتدفعها ولا انك تبدي وجهة نظر ولا تنتخب ولا تعترض
ونواب بشرعوا للرسوم غير القانونية وغير الدستورية
والريس الكضاب مية مرة يلغي رسوم وناس الولايات والوزارات يضربوا بقرارته عرض الحايط دا اذا ما كان هو براهو البلغيها بالليل
| |
|
|
|
|
|
|
| |
عبدالحفيظ ابوسن
البرنس ود عطبرة
معاوية الزبير
بدرالدين بابكر مصطفى
احمد الشيخ
فيس بوك
تويتر
انستقرام
يوتيوب
بنتيريست