حسب التوضيح المرفق عن محتوى الفيديو " طردوهم عشان صلوا في الصف الاول وزاحموا السعوديين، قالوا ليهم اطلعوا ياعبيد ، ولو فرحانين بحرب اليمن فإنتوا بتحاربوا بقروشنا" .
06-30-2017, 08:52 PM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
هههههههه طردوهم من الصف الاول عندنا عمك كبير سافر السعودية وفي شافع بجي العزابة مع ابوه قام قال لزولنا دا :عارف يا عمو الزبير جمب العزابة في مسجدين و كان جيتنا في البيت جمبنا مسجدين رد ليه عمنا الزبير وقال ليه : شوف الشافع المطرطش دا ....انا جيت كايس الجوامع 😂
بكل بساطة طردوك من الجامع ما تجي تاني دي رخصة زيها زي بتاعة الصيام مريضا او على سفر. المافي شنو ... حيدر ازيك
06-30-2017, 09:07 PM
aosman aosman
تاريخ التسجيل: 02-04-2002
مجموع المشاركات: 3443
ليس مطلوبا من السودانيين في هذه الايام الصلاة والعبادة بين الناس في المساجد . بل الذهاب الى اليمن في قافلة الجهاد والذود عن حياض الآخرين في حرب لست حربهم فلا فرق بين الجهاد في جنوب وادى النيل الادنى وبين جبال اليمن ، فكل الدروب تقود الى مخادع الحور العين وغلمان الجنة ......
07-01-2017, 08:20 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 24982
ودلاد دفع الله ياحلوين :)) مرة طالعين من مسجد في جدة سعودي هبش جيبو لقى محفظتو اتسرقت طوالي قبقب ليك واحد من اولادنا السمر وقال لازم يفتشوا مع انه كان في كم واحد وراهو من جنسيات مختلفة الامام وهو طالع قال ليهو اصلا مافي حد بيعملا (يسرق) الا السود ديل وديهو الشرطة لاحظ ده الامام زاااااتو الكان بيلعلع في منبر المسجد .. خليك من القطيع المهم وقفنا مع ولدنا واتضح انه ماسرق وشتمنا الامام والمسروق وتاني ماعتبنا المسجد ده نهائي ولا اي مسجد تاني - الله يرحم جدنا بلال .. ماعارفوا كان عايش مع الاوغاد ديل كيف
07-01-2017, 08:43 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 24982
لا اتفق معك انو الشعب السعودى في اغلبه بالشكل الذى وصفته به . فأنا ايضا عشت معهم لمدة سنتين . فهم قوم طيبيون بشكل عام . صحيح ان الثقافة السائدة في المملكة تعتريها بعض التشوهات واستطيع ان اقول ان الشعب السعودى او اهل جزيرة العرب هم ايضا ضحايا للواقع السياسى والثقافي . لقد فرضت عليهم الدولة الفكر الوهابى بحد السيف ومن الجهة الثانية فبدلا من ان تخرجهم الدولة من البداوة والتخلف وتحديث المجتمع ورفع وعى الناس ، ساهمت الدولة في تخريب العقول ونشر الفكر الظلامى وسد منافذ الحداثة . نحن يا حيدر نتحدث عن نظام سياسى عمره اكثر من 80 سنة ولك انت تتخيل الكم الهائل من الاجيال التى تمّ طمسها وتشويهها !
07-01-2017, 09:05 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 24982
يا حيدر حسن ميرغني خلاص أنا زول الفارغة وإنت زول المليان,,, طيب ما كان تجيب الفيديو بالمرة طالب مساعدة ليه؟ لو دخلت اليوتيوب بتلاقي الفيديو, بعدين إنت جايب ليك موضع ليهو أكتر من عشرة شهور وكان منشورفي سودانيز أونلاين هنا,,, أنت لمن نشرت الموضوع متخيل الموضوع جديد,,,,و
07-01-2017, 12:25 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 24982
يازول انا مافاتح البوست ده للنقة بتاعتك دي عشرة شهور ،، سنة ،، انت رأيك شنو في موضوعه خليك من تاريخه الفيديو في الواتساب لايظهر تاريخ نشره ثم مابقدر ارفع فيديو من جوال - تاني بعد شهرين بفتح بوست بنفس الفيديو .. المافي شنو
07-01-2017, 12:38 PM
Amin Eltaib Amin Eltaib
تاريخ التسجيل: 04-12-2014
مجموع المشاركات: 241
يا امين الحمد لله نحن بنصلي في بيوتنا ..والصلاة في بيوتنا افضلةمن الصلاة في المساجد وحتى يوم العيد بنصلي في الميادين العامة...وما بتشوف ذلة الطرد من الصف الاول.. ..وبعدين السودانيين ديل ماشين يزاحموا السعوديين في الصف الاول لي شنو؟ زي ما قال علي دفع الله...ما دام هم اغتربوا وتركوا الوطن الحبيب عشان الريال السعودي خلاص يصلوا في الصف الاخير ويجروا يلحقوا الشغل...(وجه ضاحك).
ويا oasman انت مفتكر السعوديبن وحدهم هم المفلهمين..وانت شفت براك طردة فرفور من الصف الاول،، ووين؟؟ في بلده السودان...ويا حليل السودان لمن كان سودان.. ودمت بالف خير وصحة وعافية
07-01-2017, 04:44 PM
aosman aosman
تاريخ التسجيل: 02-04-2002
مجموع المشاركات: 3443
ما شفت صاحب البوست قال أنا زول فارغة وقال شن جاب ده لي ده. المهم ما علينا.
بس حارة الواحد في بلده يطردوه من الصف الأول لأنه فنان,,, الإمام ده هل يضمن بأنه علمه عنده الله مقبول أكتر من فرفور؟ في أئمة مساجد بختوا أنفسهم في مراتب عالية خلاص وما عارف أنه الجنة دي الواحد ما بدخلها بي عمله بل بي رضا الله عنه وبعدين ممكن يعمل عمل أهل الجنة وفي آخر لحظة من حياته ممكن يخربها ويدخل النار والعكس صحيح.
07-01-2017, 05:09 PM
عبدالله عثمان عبدالله عثمان
تاريخ التسجيل: 03-14-2004
مجموع المشاركات: 19192
يا حنين زمان مشيت اودع معتمرين كانوا نازلين معاي و انا في المطار في جده فقدت محفظتي و فيها الاقامة. مشيت شرطة المطار قال لي لو ما عندك اثبات انو المحفظة اتسرقت ما بنقدر نعمل ليك بلاغ سرقه و بالنسبة للاقامة و ما عندك طريقة غير انك تطلع بدل فاقد و تدفع الالف ريال الغرامة. اها يا زول واحد سعودي معاي في الشغل وداني لي ود عمه ظابط في شرطة البلد، لما قابلناه قال لي انسى حكاية المطار و افتح بلاغ عندنا هنا انك اتسرقت و انت خارج من المسجد و طوالي اداني ورقة البلاغ و بعد ما كتبت البيانات قلت ليهو اكتب شنو في موضوع البلاغ..قام بدا يمليني: بينما انا خارج من صلاة الظهر من مسجد سوق شنو كده ما عارف احتك بي احد ذوي البشرة السمراء و بعدها اكتشفت سرقة محفظتي. س: هل تشك في احد؟ ج: نعم شخص من ذوي البشرة السمراء. قمت قلت ليهو اشمعنى من ذوي البشرة السمراء؟ قال لا تدقق و مشي حالك يا دكتور. المهم بعد طلعنا رجعت براي القسم و لغيت البلاغ و دفعت الالف ريال الغرامة و طلعت اقامة بدل فاقد.
07-01-2017, 06:08 PM
عبدالله عثمان عبدالله عثمان
تاريخ التسجيل: 03-14-2004
مجموع المشاركات: 19192
لوووول يا دكتور سيف بالله لون زينب طلع لون حرامية :)) شوفت البشتنة دي غايتو قريبنا بلال لو ربنا رد روحه وكتب سيرتو الذاتية حرررم السمر كلهم يقلبوا دينهم ياخي امام الحرم اقر بذلك ويجي صاحبنا ده يقول ليك فرفور (المطرود لسبب غير عنصري وقابل للجدل)
07-01-2017, 06:58 PM
عبدالمنعم الطيب حسن عبدالمنعم الطيب حسن
تاريخ التسجيل: 11-15-2012
مجموع المشاركات: 4468
نعم يامنعم ربما الامام تصرف من منطلق ديني كما حدث من شيوح سعوديين حيال المسجد الذي بناه الفنان محمد عبده فرفور افتقد الشجاعة ، ولاحظ كمان امنجي وبرتبة :)) ولمن لايعرفونه .. الشيخ الصادق عبد الله عبد الماجد خاله اخو امه وقريبي كمان
07-04-2017, 05:52 PM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
الفيديو قديم ورفعت نسخة له باليوتيوب منذ العام الماضى أغسطس 2016 بينما النسخة فى مستهل البوست مجرد إعادة رفع للفيديو فى 30 يونيو 2017 وهنالك من أعاد رفعة يوم 29 يونيو 2017 .. أذكر فى الماضى نشر الفيديو بهذا المنبر وقتل تعليقات .. لا أعتقد أن ذاكرة القراء قاصرة أو قصيرة لهذا الحد.
إعدة رفعه وتعميمه من جديد فى الوتساب مع التضليل بإضافة فرية ربطه بحرب اليمن وبقية التعليق الكاذب المنسوب لسعوديين أعتقد أنه تصرف غير أمين ولا أخلاقى وأرجو أل ينساق ورائه صاحب البوست وقرائه
وأساساً الموضوع فارغ منذ نشره العام الماضى .. والفيديو لا يثبت شئ مجرد سودانيين واقفين خارج (ما يبدو) مسجداً .. ولست هذه هى الطريقة الصحيحة لنقل خبر والإعتماد عليه وحتى إن حدث أى إشكال لسودانى أو سودانيين بداخل مسجد فالرواية تسمع من الطرفين وفى هذا الفيديو لم يسمع فيه أو يوثق مصداقية الخبر حتى من الطرف (السودانى) الذى يدعى الفيدو خبر طرد سودانيين
ومن عاش فى المملكة العربية السعودية فأفضل ما فيها (إقامة الصلاة) لكل الصلوات ففى مساجدهم لا فرق بين عربى وأعجمى وسعودى وأجنبى .. وإن حدثت حادثة فردية فيها تفرقة وتمييز فهى نشاذ وخروج عن القاعدة. وإحترام وتقدير أهل المملكة للسودانيين يعرفه جيدأً السودانيين المقييمي بالسعودية، و من يرى ذلك منهم فليركب الطائرة أو الباخرة ويعود للسودان أو يقصد بلدا آخر ..
وإعادة النشرالآن أرجح لأسباب سياسية متعلقة بنزاع المعسكرين العربيين سعودية ـ قطر وما أسهل إثارة النعرات السالبة لجمهور السودانيين اااا
07-05-2017, 03:24 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
هنا في السودان وفِي مسجد كبير في السوق الشعبي جوار سباق الخيل حيث توجد ورش وميكانيكين يمنع دخول من ملابسه متسخة يوجد حراس في بوابات المسجد و في شهر رمضان يغلق المسجد وتقام خيمة حتي لا يستريح الناس ويشغّلوا التكييف و لايتسخ المسجد .. عشان الناس ماتسرح مسجد البرهانية الكبير ودي طريقة صوفية المفروض تقبل الوسخان والمجنون وخلافه كما يقولون
----- طرد بالباب العديل
07-05-2017, 03:35 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
حدثني من أثق في حديثه : مسجد في المدينة المنوره في منطقة يكثر فيها الموريتانيين إمام المسجد بعد الإقامة وقبل تكبيرة الإحرام ( تواصوا تراصوا ) يقوم يقول : الحرطان ورا (الحرطان لفظ يطلق علي السمر أو السود) موضوع طرد السود والوسخانين والعمال من الصف الأول دي ما جديدة
Quote: هنا في السودان وفِي مسجد كبير في السوق الشعبي جوار سباق الخيل
طرد بالباب العديل
وأنا على ذلك من الشاهدين
زمان وانا طالب في الجامعة شايل شنطة هدومي واغراضي مسافر الجزيرة قريب مواعيد الافطار في رمضان نزلت جمب جامع البرهانية دة قلت افطر حتى أسافر داخل على المسجد لقيت شاب خاتي كرسي قدام الباب .. حارس ملصت جزمتي ولا قام من كرسيهو ولا قال لي السلام عليكم ذاتو .. من قولة تيت - ممنوع الدخول بالشنطة - أختها وين طيب ؟ - والله بطريقتك إن شاء الله تختها في الحوش - بتضمن لي إنها ما تتسرق أو يتشال منها حاجة ؟ - ولا عندي بيها أي شغلة - يعني انت شايفني مسافر شايل شنطة سفر يعني ابن سبيل وداخل مسجد وقت فطور وبتمنعني ؟ - افهمها زي ما عاوز لكن مافي شنطة بتدخل مسجدنا - الفهمتو هسة إنه البرهانية بطردوا المسافرين - آآي
أقسم بالله أداني احساس إنه حارس عمارتهم وانا جاي شاحده .. شلت شنطتي ومشيت كداري لحدي السوق الشعبي جوة وفطرت بقروشي عند النسوان البعملن الفطور
07-05-2017, 03:58 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 24982
نادر سلامات خليك من الفيديو في شهادات دامغة رويت في البوست في هذا الشأن وانا عشت هناك ايضا يعني رأيت .. ماسمعت وبس بالامكان رفد البوست ده بفيديوهات كثيرة انا اصلا تركت التعليق في هذا البوست بس رجعتني مداخلتك دي مامشكلة .. اوعدك بالمزيد من الفيديوهات
07-05-2017, 04:54 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: أقسم بالله أداني احساس إنه حارس عمارتهم وانا جاي شاحده .. شلت شنطتي ومشيت كداري لحدي السوق الشعبي جوة وفطرت بقروشي عند النسوان البعملن الفطور
عندنا احد الصحاب مكينيكي جاء الي صلاة الظهر بملابس العمل مع الحرص انها تكون نظيفة وعند باب المسجد قال له حارس باب المسجد ممنوع الدخول هنا فقال له الصاحب ليه قال ممنوع الدخول بلبس الميكانيكية فقال له أنا داخل بيتكم أنا داخل بيت الله قال ليه ده حقنا مو حق الله
--------- ياجماعة الحاصل كثير بس مسكوت عنه
07-06-2017, 02:43 AM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
ولو دورت فى اليوتيوب ستلقى أفارقة سود يؤمون الصلاه فى مساجد بالسعودية أنا أذكر بالرياض بالسعودية عزمنا مديرنا بالعمل افطار رمضان ذهبنا معه لمسجد جوار بيته وكان الإمام شاب من غرب أفريقيا وكل من خلفه يصلى سعوديون بمختلف أعمارهم
والسودانيون فوق كم عايزين يصلوا فى الصف الأول رغم انه لا يوجد قانون سماوى أو وضعى يمنع لكن العرف وآداب الصلاة الجماعية أن حفظ القرآن أو أكثرالمصلين حفظا هم من يقفون خلف الإمام فى الصف الأول لتصليحه وتذكيره إذا تعثر قى قراءة آية ومعروف الشيطان شاطر، والسبب الثانى يكون أى منهم مناسبا لتكملة الصلاة إماما إذا تعذر على الإمام إكمالها لأى سبب كان. هل عموم السوانيون من حفظة القرآن وممن يرتلون القرآن بقواعد الترتيل المعروفة .. أم ياهو حفظ وتسميع المدارس والعالق فى الذاكرة قليل؟!
وأكرر مرة أخرى الشمارات الملفوحة حتى لو بفيديو فهى حكاية طرف واحد وغير معلوم مدى مصداقيته ولا يكفى أنه سودانى .. ولذلك لا قيمة لها ويكفى الفيديو موضوع البوست تم إعادة رفعة وتغير عنوانه وتغيرت شماراته!
وأكرر حادثة أو حوادث عابرة هى الخروج عن القاعدة وليست القاعدة وتظل معرفة كامل الرواية من كل أطرافها أمر هام وصعب تحقيقه.
================ وانا عشت هناك ايضا يعني رأيت .. ماسمعت وبس ================
اذا قلت لي رأيت .. ناس بطردوهم من الصلاة أو من الصف الأول معليش دا ما صاح ... الفيديو كلو مافيهو شي واضح .. من وين عرفتو إنو سودانيين طردوهم من الصف الأول للصلاة ؟؟؟
07-06-2017, 09:54 AM
ابوحراز ابوحراز
تاريخ التسجيل: 06-27-2002
مجموع المشاركات: 5515
غايتو كل الدين في نظري سلوووووك صف امامي او خلفي او وسط كلها شكليات مرات تلقى واحد عنده فلقة صلاة قدر يوم القيمة ومتشبح في الصف الاول وماخد مكان نفرين وماحافظ الا الاخلاص والمعوذتين وطلع البدرو علينا امس القريبة دي صلى بينا سوداني والله انا عاوز منه 2000 ريال ليها سنتين وثلاثة شهور
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حيدر حسن ميرغني
علي دفع الله
aosman
عمر دفع الله
Amin Eltaib
عبدالله عثمان
سيف النصر محي الدين
عبدالمنعم الطيب حسن
محمد المسلمي
عبدالعظيم عثمان
بدرالدين بابكر مصطفى
ابوحراز
فيس بوك
تويتر
انستقرام
يوتيوب
بنتيريست