|
دعواتكم لزميلنا المفكر د.الباقر العفيف بالشفاء العاجل
|
|
 Re: فوايد رفع الاسعار والدولار (Re: عبدالحفيظ ابوسن)
|
معزوم غدا في حي 28 بكوستي
ركبت تكسي طرحة
سواق التكسي قال لي الطرحة بقت بي 3 ج ب زيادة ج
ليه
البنزين زاد
قلت ليهو الجالون زاد 8 ج وانت هسة زدت مشوارك 4 ج
يعني جالونك بربح 24 ج
المهم كان مشغل الرادي وتحليل ل ايجابيات الحزم الاصلاحية
وهو النبهني للانتاج والانتاجية متسائلا عن الفرق
والغريبة كل الدكاترة والخبراء تحدثوا عن الانتاج والانتاجية
المشوار بإنتظار اكتمال العدد اخد تلت ساعة . نزلت وخليتهم بنضموا في الرادي
| |
 
|
|
|
|
|
|
|
|
Re: فوايد رفع الاسعار والدولار (Re: عبدالحفيظ ابوسن)
|
اها واحدة اختصاصية وخبيرة كدة وظنيتها كمان دكتورة
قالت نحن ما حررنا سعر الدواء .. واصلو شركات الادوية بتشتري الدولار بالسعر الجاري .. واصلو الامراض المستوطنة كالملاريا والايدز مجانيات وما بتأثرن
ما فهمتها كلو كلو
وقدر ما اجتهدت اتصنت ليها وارخي اضاني معاها عشان افهم ما فهمت
كيف يعني والشرا بالدولار والدولار حايم ام فكو ساي
| |
|
|
|
|
|
|
|
|
|
Re: فوايد رفع الاسعار والدولار (Re: عبدالحفيظ ابوسن)
|
التقول اسما الخبرا ديل واحد محمد المساعد و بابكر التوم غايتو ظنيتو كدة
اها واحد منهم قال بفخر
تخفيض الانفاق الحكومي 10٪
زيادة المرتب 20٪
وقال دي اكبر زيادة يقصد المرتب
خفض الانفاق الحكومي دي ما عرفتها كيف ولا هو قال لينا
انا غايتو متهم الناس ديل قابضين قروش المقابلات الاذاعية دي
مستفيدين
| |
|
|
|
|
|
|
|
|
|
Re: فوايد رفع الاسعار والدولار (Re: عبدالحفيظ ابوسن)
|
موضوع المرتب دة غلوتية ما حصلت
تلقا الموظف ماهيتو الاساسية 800 ج لكن آكشولي اي اكشولي بقبض 8000 ج في الشهر
ودي واحدة من ابداعات الحكومة . يعني معظم الموظفين الزيادة مابتفوت ليها سبعين ج في الشهر ودي زاتها اكلوها ناس الترحيل
الفزورة بتاعت الماهية دي اقول ليكم عليها
| |
|
|
|
|
|
|
|
|
 Re: فوايد رفع الاسعار والدولار (Re: عبدالحفيظ ابوسن)
|
كيف الحال ياود ابو سن اخوى
إرفع .. إرفع
إنت حاكمنا المدلع..
ما يهمك لو حريق السعر في اكبادنا ولع.. إ
رفع… إرفع..
يمكن البتسوي ينفع
او يحرك ذرة فينا من المشاعر
او تخلي الشعب يطلع..
أو يؤذن في المقابر
أو يحرك شعره في الممكون وصابر..
إرفع… ارفع..
لم “ميتين زيتنا يطلع”..
نحنا في عهدك شحدنا فتافت الفول و المشمع.. ا
رفع..ارفع..
يمكن المكتولة تسمع..
نحنا نتسول ح ندفع
نحنا نتبهدل حندفع
نحنا نتوسل ح ندفع..
ولو صبرنا و قلنا باكر قلتو هسع..
نحنا لسه اوﻻدنا شفع
ونحنا ندفع انت يا ريس تمتع
ونحنا يوم الحظ تقسم
و نحنا يوم الحق توزع
كنت انت نصيبنا من دون الخلايق
جيتنا ولعت البلد شرقا وغربا بالحرايق
جيتنا ياسجم الرماد ممحوق وحايق..
انت تأمر و نحنا ندفع
نحنا نطرح ..
نحنا نطرح و انت تجمع
حتى من جيب المقطع..
إرفع .. إرفع
وخلنا نسميك رافع للضرايب
لي عدد لي عدد المصايب
لبلد أصبح موزع فيها رمز الشر “نافع”
يا بلد منهوكة ﻻمن صوتا ضايع..
إرفع .. إرفع.. يمكن المكتوله تسمع……
منقول-
بهاء الدين مالك عبد الرحيم الباصرابى
| |
|
|
|
|
|
|
|
|
Re: فوايد رفع الاسعار والدولار (Re: عبدالحفيظ ابوسن)
|
سلام يا عبدالحفيظ،
نحن الواحد فينا بيجي إجازة مرة كل سنة.
بنشوف الناس بيتعاملوا كيف وبيتصرفوا كيف وبيصرفوا كيف.
الواحد فينا بيفضل فاتح خشمو (من الدهشة) لحدي ما الإجازة تنتهي.
أها،
إذا كان إنتو بقيتو فاتحين خشمكم ..... نحن نسوي شنو، بعد ما كنا بنسترشد بيكم.
| |
|
|
|
|
|
|
|
|
|
Re: فوايد رفع الاسعار والدولار (Re: محمد أبوالعزائم أبوالريش)
|
حبابك مهيرة
نعلك شديدة ولضيضة يا خية
قالوا اسمها الحزم الاقتصادية
ما رفع الدعم
شفتي كيف !!!؟
اول مرة اسمع بي حزم دي كانت في قصيدة صلاح احمد ابراهيم في مرثيته لشهداء جودة في اول حكومة وطنية بعد الاستعمار ! بزعامة ناس الازهري والمحجوب وكدة
| |
|
|
|
|
|
|
|
|
|
Re: فوايد رفع الاسعار والدولار (Re: عبدالحفيظ ابوسن)
|
يا ابوالريش
ببساطة . جدا
المتابع لمسيرة الإقتصاد السوداني عبر الحقب . إن القرار الإقتصادي ليس مستقلا وإنما تابع لعنصر السياسة. ويجب العكس (مثلا 18 والي مع كامل وزرائه ومستشاريه والدستورين والعاملين مع الدستورين بالإضافة للمعتمدين لايقل هؤلا في أي ولاية طرفية عن 1500 شخص بكامل مرتباتهم وعرباتهم ووقودهم وصياناتهم المكنيكيه وحوافزهم وبدلاتهم من سكن وهاتف ولبس وكهربا وموية ومأمورياتهم وضيافتهم الرسمية والأدوات المكتبية بالإضافة للمكافآت وحوافز اللجان والصحف والمجلات
السؤال . *أليس هذا ترهل أداري وبطالة مقنعة
*بالتقريب كم هي المصروفات الشهرية لهذا العدد
| |
|
|
|
|
|
|
|
|
|
Re: فوايد رفع الاسعار والدولار (Re: عبدالحفيظ ابوسن)
|
السلام عليكم الاخ عبدالحفيظ وضيوفه الكرام
سياسة تحرير الصرف او (تعويم الجنية) سياسة اقتصادية ممتازة ولا غبار عليها
وهي تستهدف حاملي الدولار ببيعه للجهاز المصرفي او الصرافات لكي يمكن البنك المركزي
ببناء احتياطي من العملات وكذلك لعمل استقرار في سوق الصرف ، واستقرار
سوق الصرف وثباته يجذب استثمارات كبيرة للدخول في البلد
لكن سياسة تحرير عندها سلبيات
اذا لم نقم باستغلال توفر العملات في الجهاز المصري
او استغلال ثبات سوق الصرف لشراء مدخلات انتاج وادوات انتاج
والدخول في الانتاج (المشكلة هنا يوجد علينا حظر اقتصادي وكل ادوات
الانتاج هي صناعة امريكية)
اقتصاد استهلاكي يعني فجوة في ميزان المدفوعات
من الاخر سياسة تحرير الصرف بدون انتاج هي سياسة فاشلة
التضخم هي ايضا من اهم سلبيات تحرير سعر الصرف
ولمواجهة التضخم يتعين على الحكومة رفع الفائدة على القروض
تم رفع الاسعار لان البنك المركزي كان يمول الاحتياجات الحكومية
بسعر 6.7 للدولار تقريبا ، والان ارتفع الي 16 فبالتالي المؤسسات
الحكومية ستزيد من تكلفته منتجاتها (الدواء مثال )
المراهنة على نجاح هذه السياسة تحويلات المغتربين عن
طريق الجهاز المصرفي والاستفادة من دخول هذه العملات
في توجيهها في العملية الانتاجية لضخ عملات اخرى عن طرق التصدير
ودخول مستثمرين للسوق
الكلام دا باختصار شديد وممل
| |
|
|
|
|
|
|
|
|
|
Re: فوايد رفع الاسعار والدولار (Re: ابراهيم عبد الوهاب)
|
الحكومة ابتدعت بما يسمي ب
الحوافز
ماهيتك كموظف درجة اولي ألف جنية
لو اجتمعت بتاخد خمسمية ج
عضو لجنة عودك راكب
كتبت تقرير عن شغلك بتاخد حافز
مشيت لي شغل بتاخد حافز
تأجر بيتك وعربيتك للمصلحة الشغال فيها
وهكذا
والبدلات
بدل شنو وشنو
كل ذهن السادة المسؤولين موجه لزيادة حوافزهم بإختلاق الاجتماعات والمأموريات ووو
فيقفز مايقبضه الموظف لاضعاف راتبه الرسمي
ديل كبار الموظفين الفي يدهم القلم
فالزيادة تكون من عضم المرتب ولاتساوي شيئا ويبتلعها السوق
دة كلو ليه
عشان لامن تنزل المعاش يتحسب معاشك من مرتبك الاساسي
| |
|
|
|
|
|
|
|
|
|
Re: فوايد رفع الاسعار والدولار (Re: عبدالحفيظ ابوسن)
|
مرحبا ابراهيم
قلت لا تنجح الا بالانتاج
كويس مفروض ما تطبق لانو مافي انتاج
لانو محاسيب السلطة ضايقو المنتجين
يشاركو المستثمرين بي اسمهم بس
في حل اسهل تقليل التوظيف الطفيلي دة
تمنطاشر ولاية بكامل اجهزتها ومجالسها وهيئاتها
تقليل الحكومة المركزية
تشجيع المغتربين دون تخفيض سعر العملة
حرر سعر الصرف للعملة القادمة الاصلا ما كانت بتخش ليك
| |
|
|
|
|
|
|
|
|
|
Re: فوايد رفع الاسعار والدولار (Re: عبدالحفيظ ابوسن)
|
شوفي دي يا ابراهيم لافه في النت ولا اجزم بصحتها ولا خطأها
ارسل لي صديق بعض من مخصصات الحكومة فقلت له والله لو اخذوا ده بس عافين ليهم لوجه الله المشكلة ماخفي اعظم وافظع رغم عدم تصديقي لكل ماورد في الرسالة فلا يعقل ان مرتب وزير 5000 بس؟
السلام عليكم ورحمه الله
جمهورية السودان
رئاسة الجمهورية
مجلس الوزراء
الامانه العامه - موازنة العام 2016
ﻣﺮﺗﺒﺎت ﺍﻟﻮﺯﺭﺍﺀ ﻭﺍﻟﻤﺴﺘﺸﺎﺭﻳﻦ ﻭﺍﻋﻀﺎﺀ ﺍﻟﺒﺮﻟﻤﺎﻥ!!!!
........--------------.........
(1) ﺭﺋﻴﺲ ﺍﻟﺒﺮﻟﻤﺎﻥ:
31 ﻣﻠﻴﻮﻥ ﺷﻬﺮﻳﺎ = 372,000,000 ﺝ ﺳﻨﻮﻳﺎ
(2) ﺭﺅﺳﺎﺀ ﺍﻟﻠﺠﺎﻥ ﻓﻰ ﺍﻟﺒﺮﻟﻤﺎﻥ:
14 ﻭﻛﻞ ﻭﺍﺣﺪ ﻳﺘﻘﺎﺿﻰ:
14 ﻣﻠﻴﻮﻥ =2,352,000,000 ج سنويا
(3) ﺍﻋﻀﺎﺀ ﺍﻟﺒﺮﻟﻤﺎﻥ ﺍﻟﻮﻃﻨﻰ:
عددهم 450 ﻭﻛﻞ ﻭﺍﺣﺪ ﻳﺘﻘﺎﺿﻰ:
4.5 ﻣﻠﻴﻮﻥ = 2,025,000,000 ج سنويا
(4) ﺍﻟﻮﺯﺭﺍﺀ:
عددهم 99 ﻭﻛﻞ ﻭﺍﺣﺪ ﻳﺘﻘﺎﺿﻰ:
13 ﻣﻠﻴﻮﻥ =15,444,000,000 ج سنويا
(5) ﻧﻮﺍﺏ ﺍﻟﺮﺋﻴﺲ:
2 ﻭﻛﻞ ﻭﺍﺣﺪ ﻳﺘﻘﺎﺿﻰ:
520 ﻣﻠﻴﻮﻥ ﺳﻨﻮﻱ= 1,040,000,00
(6) ﻣﺴﺘﺸﺎﺭﻯ ﻭﻣﺴﺎﻋﺪﻯ ﺍﻟﺮﺋﻴﺲ:
عددهم 7 ﻭﻛﻞ ﻭﺍﺣﺪ ﻳﺘﻘﺎﺿﻰ:
495ﻣﻠﻴﻮﻥ ﺳﻨﻮﻯ = 3,465,000,00
ﺍﻹﺟﻤﺎﻟﻲ = 24,698,000,000 ﺝ ﺳﻨﻮﻳﺎ ..
ﺍﺭﺑﻌﺔ ﻭﻋﺸﺮﻭﻥ ﻣﻠﻴﺎﺭ ﻭﺳﺘﻤﺎﺋﺔ ﻭﺛﻤﺎﻧﻴﺔ ﻭﺗﺴﻌﻮﻥ ﻣليون ﺟﻨﻴﻪ ﺳﻨﻮﻳﺎ ..
ﻫﺬﺍ ﺑﺎﻹﺿﺎﻓﺔ ﺍﻟﻰ ﺍﻻﺗﻲ :
1- ﻧﺎﺋﺐ ﺭﺋﻴﺲ ﺍﻟﻤﺠﻠﺲ ﺍﻟﻮﻃﻨﻲ ﻳﺘﻘﺎﺿﻰ 395 ﻣﻠﻴﻮﻥ
2- ﻋﺪﺩ 17 ﻭﺍﻟﻰ ﻛﻞ ﻭﺍﺣﺪ ﻳﺘﻘﺎﺿﻰ 13 ﻣﻠﻴﻮﻥ ﺝ ﺷﻬﺮﻱ ..
3- ﻋﺪﺩ 17 ﺭﺋﻴﺲ ﻣﺠﻠﺲ ﺗﺸﺮﻳﻌﻲ ﻭﻻﺋﻲ ﻭﻛﻞ ﻭﺍﺣﺪ ﻳﺘﻘﺎﺿﻰ 13
ﻣﻠﻴﻮﻥ ﺝ ﺷﻬﺮﻱ ..
4- ﻋﺪﺩ 102 ﻭﺯﻳﺮ ﻭﻻﺋﻲ ﻛﻞ ﻭﺍﺣﺪ ﻳﺘﻘﺎﺿﻰ 5 ﻣﻠﻴﻮﻥ ﺷﻬﺮﻱ ..
5- ﻋﺪﺩ 850 ﻋﻀﻮ ﺑﺮﻟﻤﺎﻥ ﻭﻻﺋﻲ ﻭﻛﻞ ﻭﺍﺣﺪ ﻳﺘﻘﺎﺿﻰ 2,5 ﻣﻠﻴﻮﻥ ﺷﻬﺮﻱ
6- ﻋﺪﺩ 170 ﻣﻌﺘﻤﺪ ﻛﻞ ﻭﺍﺣﺪ ﻳﺘﻘﺎﺿﻰ 3 ﻣﻠﻴﻮﻥ ﺷﻬﺮﻱ ..
........
** ﺍﻹﻣﺘﻴﺎﺯﺍﺕ:
ﺇﻣﺘﻴـﺎﺯﺍﺕ ﺭﺋـﻴﺲ ﺍﻟﺠﻤﻬﻮﺭﻳﺔ ﻭﻧﺎﺋﺒﻴﻪ :
8 ـ ﺗﻜﻮﻥ ﻟﺮﺋﻴﺲ ﺍﻟﺠﻤﻬﻮﺭﻳﺔ ﻭﻧﺎﺋﺒﻴﻪ ﺍﻹﻣﺘﻴﺎﺯﺍﺕ ﺍﻵﺗﻴﺔ :
( ﺃ ) ﺍﻟﺴﻜﻦ ﺍﻟﻤﺆﺛﺚ ﻣﻊ ﺧﺪﻣﺎﺕ ﺍﻟﻤﻴﺎﻩ ﻭﺍﻟﻜﻬﺮﺑﺎﺀ ﻭﺍﻟﻬﺎﺗﻒﻋﻠﻰ ﻧﻔﻘﺔ ﺍﻟﺪﻭﻟﺔ ﻭﻳﺴﺘﻤﺮ ﻫﺬﺍ ﺍﻹﻣﺘﻴﺎﺯ ﻟﻤﺪﺓ ﻋﺎﻣﻴﻦ ﺑﻌﺪ ﺇﺧﻼﺀ ﺍﻟﻤﻨﺼﺐ
( ﺏ ) ﺗﺨﺼﻴﺺ ﺳﻴﺎﺭﺓ ﻟﻠﻌﻤﻞ ﺍﻟﺮﺳﻤﻰ ﻭﺳﻴﺎﺭﺗﻴﻦ ﻟﻠﺨﺪﻣﺔ ﻟﻺﺳﺘﻌﻤﺎﻝ ﺍﻟﻜﺎﻣﻞ ﻋﻠﻰ ﻧﻔﻘﺔ ﺍﻟﺪﻭﻟﺔ ﺃﺛﻨﺎﺀ ﺷﻐﻞ ﺍﻟﻤﻨﺼﺐ ﻭﻳﺴﺘﻤﺮ ﺇﻣﺘﻴﺎﺯ ﺳﻴﺎﺭﺗﻰ ﺍﻟﺨﺪﻣﺔ ﻟﻤﺪﺓ ﻋﺎﻣﻴﻦ ﺑﻌﺪ ﺇﺧﻼﺀ ﺍﻟﻤﻨﺼﺐ ،
( ﺝ ) ﺍﻟﻌﻼﺝ ﻋﻠﻰ ﻧﻔﻘﺔ ﺍﻟﺪﻭﻟﺔ ﻟه ﻭﻟﻌﺎﺋﻠﺘﻪ ﺩﺍﺧﻞ ﺍﻟﺴﻮﺩﺍﻥ ﻭﺧﺎﺭﺟﻪ ﻋﻠﻰ ﺃﻥ ﻳﺴﺘﻤﺮ ﻫﺬﺍ ﺍﻹﻣﺘﻴﺎﺯ ﻟﻤﺪﺓ ﻋﺎﻣﻴﻦ ﺑﻌﺪ ﺇﺧﻼﺀ ﺍﻟﻤﻨﺼﺐ ،
( ﺩ ) ﺇﺟﺎﺯﺓ ﺳﻨﻮﻳﺔ ﻟﻤﺪ ﺷﻬﺮ ، ﺑﻜﺎﻣﻞ ﺍﻟﻤﺨﺼﺼﺎﺕ ﻭﻧﻔﻘﺎﺕ ﺍﻟﺴﻔﺮ ﻟﻪ ﻭﻟﻌﺎﺋﻠﺘﻪ ،
( ﻫـ ) ﺗﻌﻠﻴﻢ ﺍﻷﺑﻨﺎﺀ ﺑﺎﻟﻤﺆﺳﺴﺎﺕ ﺍﻟﺘﻌﻠﻴﻤﻴﺔ ﺍﻟﺤﻜﻮﻣﻴﺔ ﻭﺍﻟﺨﺎﺻﺔ ﺑﺪﺍﺧﻞ ﺍﻟﺴﻮﺩﺍﻥ ﻋﻠﻰ ﻧﻔﻘﺔ ﺍﻟﺪﻭﻟﺔ ، ﻭﻳﺴﺘﻤﺮ ﻫﺬﺍ ﺍﻹﻣﺘﻴﺎﺯ ﻟﻤﺪﺓ ﻋﺎﻣﻴﻦ ﺑﻌﺪ ﺇﺧﻼﺀ ﺍﻟﻤﻨﺼﺐ ،
( ﻭ ) ﺍﻟﻀﻴﺎﻓﺔ ﺍﻟﺪﺍﺋﻤﺔ ﻋﻠﻰ ﻧﻔﻘﺔ ﺍﻟﺪﻭﻟﺔ ﺃﺛﻨﺎﺀ ﺍﻟﺨﺪﻣﺔ ..
** ﺍﻟﺒﺪﻻﺕ ﺍﻹﺿﺎﻓﻴﺔ ﻟﺮﺋﻴﺲ ﺍﻟﺠﻤﻬﻮﺭﻳﺔ ﻭﻧﺎﺋﺒﻴﻪ:
9 ـ ﻳﻤﻨﺢ ﺭﺋﻴﺲ ﺍﻟﺠﻤﻬﻮﺭﻳﺔ ﻭﻧﺎﺋﺒﺎﻩ ﺑﺪﻻﺕ ﺇﺿﺎﻓﻴﺔ ﻛﻞ ﺳﻨﺔ ﺃﻭ ﺟﺰﺀ ﻣﻨﻬﺎ ﻋﻠﻰ ﺍﻟﻮﺟﻪ ﺍﻵﺗﻰ :
( ﺃ ) ﺑﺪﻝ ﻟﺒﺲ ﻳﻌﺎﺩﻝ ﺭﺍﺗﺐ ﺳﺘﺔ ﺃﺷﻬﺮ ،
( ﺏ ) ﺑﺪﻝ ﻣﺮﺍﺟﻊ ﻳﻌﺎﺩﻝ ﺭﺍﺗﺐ ﺳﺘﺔ ﺃﺷﻬﺮ ،
( ﺝ ) ﺗﺬﺍﻛﺮ ﺳﻔﺮ ﻋﻠﻰ ﺍﻟﺨﻄﻮﻁ ﺍﻟﺠﻮﻳﺔ ﺍﻟﺴﻮﺩﺍﻧﻴﺔ ﻟﺸﺨﺼﻪ ﻫﻮ ﻭﺛﻼﺛﺔ ﻣﻦ ﺃﻓﺮﺍﺩ ﻋﺎﺋﻠﺘﻪ ﻷﻗﺼﻰ ﻣﻜﺎﻥ ﺗﺼﻞ ﺇﻟﻴﻪ ﺍﻟﺨﻄﻮﻁ ﺍﻟﺠﻮﻳﺔ ﺍﻟﺴﻮﺩﺍﻧﻴﺔ ﻭﻓﻰ ﺣﺎﻟﺔ ﻋﺪﻡ ﺍﻟﺴﻔﺮ ﻳﻤﻨﺢ ﺑﺪﻳﻞ ﻧﻘﺪﻯ ﻳﺴﺎﻭﻯ 50% ﻣﻦ ﻗﻴﻤﺔ ﺍﻟﺘﺬﺍﻛﺮ ..
** ﺇﻣﺘﻴﺎﺯﺍﺕ ﻭﺑﺪﻻﺕ ﺭﺋﻴﺲ ﺍﻟﻤﺠﻠﺲ ﺍﻟﻮﻃﻨﻰ:
10 ـ ﺗﻜﻮﻥ ﻟﺮﺋﻴﺲ ﺍﻟﻤﺠﻠﺲ ﺍﻟﻮﻃﻨﻰ ﺍﻹﻣﺘﻴﺎﺯﺍﺕ ﻭﺍﻟﺒﺪﻻﺕ ﺍﻵﺗﻴﺔ :
( ﺃ ) ﺍﻟﺴﻜﻦ ﺍﻟﻤﺆﺛﺚ ﻣﻊ ﺧﺪﻣﺎﺕ ﺍﻟﻤﻴﺎﻩ ﻭﺍﻟﻜﻬﺮﺑﺎﺀ ﻭﺍﻟﻬﺎﺗﻒ ﻋﻠﻰ ﻧﻔﻘﺔ ﺍﻟﺪﻭﻟﺔ ﻭﻳﺴﺘﻤﺮ ﻫﺬﺍ ﺍﻹﻣﺘﻴﺎﺯ ﻟﻤﺪﺓ ﻋﺎﻣﻴﻦ ﺑﻌﺪ ﺇﺧﻼﺀ ﺍﻟﻤﻨﺼﺐ ،
( ﺏ ) ﺗﺨﺼﻴﺺ ﺳﻴﺎﺭﺓ ﻟﻠﻌﻤﻞ ﺍﻟﺮﺳﻤﻰ ﻭﺳﻴﺎﺭﺓ ﻟﻠﺨﺪﻣﺔ ﻟﻺﺳﺘﻌﻤﺎﻝ ﺍﻟﻜﺎﻣﻞ ﻋﻠﻰ ﻧﻔﻘﺔ ﺍﻟﺪﻭﻟﺔ ﺃﺛﻨﺎﺀ ﺷﻐﻞ ﺍﻟﻤﻨﺼﺐ ﻭﻳﺴﺘﻤﺮ ﺇﻣﺘﻴﺎﺯ ﺳﻴﺎﺭﺓ ﺍﻟﺨﺪﻣﺔ ﻟﻤﺪﺓ ﺳﺘﺔ ﺃﺷﻬﺮ ﺑﻌﺪ ﺇﺧﻼﺀ ﺍﻟﻤﻨﺼﺐ ،
( ﺝ ) ﺍﻟﻌﻼﺝ ﻋﻠﻰ ﻧﻔﻘﺔ ﺍﻟﺪﻭﻟﺔ ﺃﺛﻨﺎﺀ ﺷﻐﻞ ﺍﻟﻤﻨﺼﺐ ﻟﻪ ﻭﻟﻌﺎﺋﻠﺘﻪ ﻓﻲ ﺩﺍﺧﻞ ﺍﻟﺴﻮﺩﺍﻥ ﺃﻭ ﺧﺎﺭﺟﻪ ﺇﺫﺍ ﺗﻘﺮﺭ ﺫﻟﻚ ﺑﻮﺳﺎﻃﺔ ﺍﻟﻘﻮﻣﺴﻴﻮﻥ ﺍﻟﻄﺒﻰ ﺍﻟﻌﺎﻡ ،
( ﺩ ) ﺍﻟﻀﻴﺎﻓﺔ ﺍﻟﺪﺍﺋﻤﺔ ﻋﻠﻰ ﻧﻔﻘﺔ ﺍﻟﺪﻭﻟﺔ ﺃﺛﻨﺎﺀ ﺍﻟﺨﺪﻣﺔ ،
( ﻫـ ) ﺇﺟﺎﺯﺓ ﺳﻨﻮﻳﺔ ﻗﺪﺭﻫﺎ ﺷﻬﺮ ﻭﺍﺣﺪ ﺑﻜﺎﻣﻞ ﺍﻟﻤﺨﺼﺼﺎﺕ ﻭﻧﻔﻘﺎﺕ ﺍﻟﺴﻔﺮ ﻟﻪ ﻭﻟﻌﺎﺋﻠﺘﻪ ،
( ﻭ ) ﺑﺪﻝ ﻟﺒﺲ ﻳﻌﺎﺩﻝ ﺭﺍﺗﺐ ﺳﺘﺔ ﺃﺷﻬﺮ ،
( ﺯ ) ﺑﺪﻝ ﻣﺮﺍﺟﻊ ﻳﻌﺎﺩﻝ ﺭﺍﺗﺐ ﺳﺘﺔ ﺃﺷﻬﺮ ،
( ﺡ ) ﺗﺬﺍﻛﺮ ﺳﻔﺮ ﻋﻠﻰ ﺍﻟﺨﻄﻮﻁ ﺍﻟﺠﻮﻳﺔ ﺍﻟﺴﻮﺩﺍﻧﻴﺔ ﻟﺸﺨﺼﻪ ﻫﻮ ﻭﺛﻼﺛﺔ ﻣﻦ ﺃﻓﺮﺍﺩ ﻋﺎﺋﻠﺘﻪ ﻷﻗﺼﻰ ﻣﻜﺎﻥ ﺗﺼﻞ ﺇﻟﻴﻪ ﺍﻟﺨﻄﻮﻁ ﺍﻟﺠﻮﻳﺔ ﺍﻟﺴﻮﺩﺍﻧﻴﺔ ﻭﻓﻰ ﺣﺎﻟﺔ ﻋﺪﻡ ﺍﻟﺴﻔﺮ ﻳﻤﻨﺢ ﺑﺪﻳﻞ ﻧﻘﺪﻯ ﻳﺴﺎﻭﻯ 50% ﻣﻦ ﻗﻴﻤﺔ ﺍﻟﺘﺬﺍﻛﺮ ..
** ﺇﻣﺘﻴﺎﺯﺍﺕ ﺷﺎﻏﻠﻲ ﺍﻟﻤﻨﺎﺻﺐ ﺍﻟﺪﺳﺘﻮﺭﻳﺔ ﺍﻷﺧﺮﻯ:
11 ـ ﺗﻜﻮﻥ ﻟﻜﻞ ﻣﻦ ﺷﺎﻋﻠﻰ ﺍﻟﻤﻨﺎﺻـﺐ ﺍﻟﺪﺳﺘﻮﺭﻳﺔ ﺍﻷﺧـﺮﻯ ﺍﻹﻣﺘﻴﺎﺯﺍﺕ ﺍﻵﺗﻴﺔ :
( ﺃ ) ﺍﻟﺴﻜﻦ ﻣﻊ ﺧﺪﻣـﺎﺕ ﺍﻟﻤﻴﺎﻩ ﻭﺍﻟﻜﻬـﺮﺑﺎﺀ ﻭﺍﻟﻬﺎﺗﻒ ﻋﻠـﻰ ﻧﻔﻘﺔ ﺍﻟﺪﻭﻟﺔ ﻭﻳﺴﺘﻤﺮ ﻫﺬﺍ ﺍﻹﻣﺘﻴﺎﺯ ﻟﻤﺪﺓ ﺛﻼﺛﺔ ﺃﺷﻬﺮ ﺑﻌﺪ ﺇﺧﻼﺀ ﺍﻟﻤﻨﺼﺐ ،
( ﺏ ) ﺗﺨﺼﻴﺺ ﺳﻴﺎﺭﺓ ﻟﻠﻌﻤﻞ ﺍﻟﺮﺳﻤﻰ ﻭﺳﻴﺎﺭﺓ ﻟﻠﺨﺪﻣﺔ ﻭﻳﺴﺘﻤﺮ ﻫﺬﺍ ﺍﻹﻣﺘﻴﺎﺯ ﻟﻤﺪﺓ ﺛﻼﺛﺔ ﺃﺷﻬﺮ ﺑﻌﺪ ﺇﺧﻼﺀ ﺍﻟﻤﻨﺼﺐ ، ﻋﻠﻰ ﺃﻻ ﻳﺸﻤﻞ ﺇﻣﺘﻴﺎﺯ ﺳﻴﺎﺭﺓ ﺍﻟﺨﺪﻣﺔ ﻛﻞ ﻣﻦ ﺍﻟﻮﺯﻳﺮ ﺍﻟﻮﻻﺋﻰ ﻭﺍﻟﻤﻌﺘﻤﺪ ﻭﻧﺎﺋﺐ ﺭﺋﻴﺲ ﻣﺠﻠﺲ ﺍﻟﻮﻻﻳﺔ
ﻭﺭﺋﻴﺲ ﺍﻟﻬﻴﺌﺔ ﺍﻟﻨﻴﺎﺑﻴﺔ ﻭﺭﺅﺳﺎﺀ ﺍﻟﻠﺠﺎﻥ ﺑﻤﺠﻠﺲ ﺍﻟﻮﻻﻳﺔ ،
( ﺝ ) ﺍﻟﻌﻼﺝ ﻋﻠﻰ ﻧﻔﻘﺔ ﺍﻟﺪﻭﻟﺔ ﻟﻪ ﻭﻟﻌﺎﺋﻠﺘﻪ ﺃﺛﻨﺎﺀ ﺷﻐﻞ ﺍﻟﻤﻨﺼﺐ ﺩﺍﺧﻞ
ﺍﻟﺴﻮﺩﺍﻥ ﺃﻭ ﺧﺎﺭﺟﻪ ﺇﺫﺍ ﺗﻘﺮﺭ ﺫﻟﻚ ﺑﻮﺳﺎﻃﺔ ﺍﻟﻘﻮﻣﺴﻴﻮﻥ ﺍﻟﻄﺒﻲ ﺍﻟﻌﺎﻡ ،
( ﺩ ) ﺇﺟﺎﺯﺓ ﺳﻨﻮﻳﺔ ﻗﺪﺭﻫﺎ ﺷﻬﺮ ﺑﻜﺎﻣﻞ ﺍﻟﻤﺨﺼﺼﺎﺕ ،
( ﻫـ ) ﺑﺪﻳﻞ ﻧﻘﺪﻯ ﻹﻣﺘﻴﺎﺯ ﺍﻹﻋﻔﺎﺀ ﺍﻟﺠﻤﺮﻛﻰ ﻟﺴﻴﺎﺭﺓ ﻳﺪﻓﻊ ﻣﺮﺓ ﻭﺍﺣﺪﺓ
ﻣﻘﺪﺍﺭﻩ ﺧﻤﺴﺔ ﻋﺸﺮ ﺍﻟﻒ ﺟﻨﻴﻪ ﺷﺮﻳﻄﺔ ﺷﻐﻞ ﺍﻟﻤﻨﺼﺐ ﻟﻤﺪﺓ ﻋﺎﻣﻴﻦ ﻛﺎﻣﻠﻴﻦ ﻋﻠﻰ ﺃﻥ ﻳﻌﻮﺽ ﻣﻦ ﻟﻢ ﻳﻘﺾ ﻓﺘﺮﺓ ﺍﻟﻌﺎﻣﻴﻦ ﺑﺎﻟﻘﺪﺭ ﺍﻟﺬﻱ ﻗﻀﺎﻩ ﺑﺎﻟﻤﻨﺼﺐ ﻣﻨﺴﻮﺑﺎً ﻟﻤﺪﺓ ﺍﻟﻌﺎﻣﻴﻦ .
** ﺑﺪﻝ ﺍﻟﺴﻜﻦ:
12 ـ ﻳﺴﺘﺤﻖ ﺭﺋﻴﺲ ﺍﻟﺠﻤﻬﻮﺭﻳﺔ ﻭﻧﺎﺋﺒﺎﻩ ﻭﺷـﺎﻏﻠﻮ ﺍﻟﻤﻨﺎﺻـﺐ ﺍﻟﺪﺳـﺘﻮﺭﻳﺔ ﺍﻷﺧﺮﻯ ﻓﻲ ﺣﺎﻟﺔ ﻋﺪﻡ ﺗﺨﺼﻴﺺ ﺳﻜﻦ ﺣﻜﻮﻣﻰ ﺑﺪﻝ ﺳﻜﻦ ﻛﻞ ﺷﻬﺮ ﺣﺴﺐ ﺍﻟﺠﺪﻭﻝ ( ﺏ ) ﺍﻟﻤﺮﻓﻖ ﺑﻬﺬﺍ ﺍﻟﻘﺎﻧﻮﻥ .
** ﺍﻟﺒـﺪﻻﺕ ﺍﻹﺿـﺎﻓﻴﺔ ﻟﺸـﺎﻏﻠﻰ ﺍﻟﻤﻨﺎﺻﺐ ﺍﻟﺪﺳﺘﻮﺭﻳﺔ ﺍﻷﺧﺮﻯ:
13 ـ ﻳﻤﻨﺢ ﺷﺎﻏﻠﻮ ﺍﻟﻤﻨﺎﺻﺐ ﺍﻟﺪﺳﺘﻮﺭﻳﺔ ﺍﻷﺧﺮﻯ ﺑﺪﻻﺕ ﺇﺿﺎﻓﻴﺔ ﻛﻞ ﺳﻨﺔ ﺃﻭ ﺟﺰﺀ ﻣﻨﻬﺎ ﻋﻠﻰ ﺍﻟﻮﺟﻪ ﺍﻵﺗﻲ:
( ﺃ ) ﺑﺪﻝ ﻟﺒﺲ ﻳﻌﺎﺩﻝ ﺭﺍﺗﺐ ﺛﻼﺛﺔ ﺃﺷﻬﺮ ،
( ﺏ ) ﺑﺪﻝ ﺿﻴﺎﻓﺔ ﺧﺎﺻﺔ ﻳﻌﺎﺩﻝ ﺭﺍﺗﺐ ﺛﻼﺛﺔ ﺃﺷﻬﺮ ،
( ﺝ ) ﺗﺬﺍﻛﺮ ﺳﻔﺮ ﺩﺍﺧﻞ ﺍﻟﺴﻮﺩﺍﻥ ﻟﻪ ﻭﻟﺜﻼﺛﺔ ﻣﻦ ﺃﻓﺮﺍﺩ ﻋﺎﺋﻠﺘﻪ ﻣﺮﺓ ﻛﻞ ﻋﺎﻡ ﻋﻠﻰ ﺍﻟﺨﻄﻮﻁ ﺍﻟﺠﻮﻳﺔ ﺍﻟﺴﻮﺩﺍﻧﻴﺔ ،
( ﺩ ) ﺗﺬﺍﻛﺮ ﺳﻔﺮ ﻟﺨﺎﺭﺝ ﺍﻟﺴﻮﺩﺍﻥ ﻣﺮﺓ ﻛﻞ ﻋﺎﻣﻴﻦ ﻟﻪ ﻭﻟﺜﻼﺛﺔ ﻣﻦ ﺃﻓﺮﺍﺩ ﻋﺎﺋﻠﺘﻪ ﻷﻗﺼﻰ ﻣﻜﺎﻥ ﺗﺼﻞ ﺇﻟﻴﻪ ﺍﻟﺨﻄﻮﻁ ﺍﻟﺠﻮﻳﺔ ﺍﻟﺴﻮﺩﺍﻧﻴﺔ ﻭﻓﻰ ﺣﺎﻟﺔ ﻋﺪﻡ ﺍﻟﺴﻔﺮ ﻳﻤﻨﺢ ﺑﺪﻳﻞ ﻧﻘﺪﻯ ﻳﻌﺎﺩﻝ 50% ﻣﻦ ﻗﻴﻤﺔ ﺍﻟﺘﺬﺍﻛﺮ .
** ﻋـﺪﻡ ﺟـﻮﺍﺯ ﻣﻨـﺢ ﻣﺨﺼﺼﺎﺕ ﻭﺇﻣﺘﻴﺎﺯﺍﺕ ﺇﺿﺎﻓﻴﺔ ـ ﻻ ﻳﺠﻮﺯ ﻣﻨﺢ ﺃﻳﺔ ﻣﺨﺼﺼﺎﺕ ﺃﻭ ﺇﻣﺘﻴﺎﺯﺍﺕ ﺃﺧﺮﻯ ﻏﻴﺮ ﺗﻠﻚ ﺍﻟﻤﻨﺼﻮﺹ ﻋﻠﻴﻬﺎ ﻓﻲ ﻫﺬﺍ ﺍﻟﻘﺎﻧﻮﻥ ﺇﻻ ﺑﻤﻮﺍﻓﻘﺔ ﺭﺋﻴﺲ ﺍﻟﺠﻤﻬﻮﺭﻳﺔ .
| |
|
|
|
|
|
|
|
|
|
Re: فوايد رفع الاسعار والدولار (Re: عبدالحفيظ ابوسن)
|
مرحبا ابراهيم قلت لا تنجح الا بالانتاج كويس مفروض ما تطبق لانو مافي انتاج لانو محاسيب السلطة ضايقو المنتجين يشاركو المستثمرين بي اسمهم بس في حل اسهل تقليل التوظيف الطفيلي دة تمنطاشر ولاية بكامل اجهزتها ومجالسها وهيئاتها تقليل الحكومة المركزية تشجيع المغتربين دون تخفيض سعر العملة حرر سعر الصرف للعملة القادمة الاصلا ما كانت بتخش ليك
الاخ عبدالحفيظ سلامات
لو اصلا كان في انتاج ما كان احتاجو لعمل تحرير الاسعار
ثانيا
سياسة التحرير دي ممكن نستفيد منها في عملية الانتاج
وذلك بتوفير مدخلات الانتاج وهي مشجعه للمنتجين لانو بلقي مقابل مجزي له
كمان لو بقينا في استهلاكنا ما حنستفيد حاجة لانو الدولارات الحتتوفر للحكومة
حتستورد بيها السلع وبكدا يكون يا ابوزيد ما غزيت
وكذلك سياسة التحرير بساعد في دخول مستثمرين لانو المستثمر لمن يجي يحول
ارباحو بلقي دولار كافي
وبتفق معاك تقليل الانفاق الحكومي بشتي مجالاته
اشجع المغتربين كيف عشان يحولوا بالبنوك
اعطيهم مميزات يعني مثلا مقابل تحويل اموالهم بالبنوك
مثل ما كان زمان (التحويل الالزامي )
| |
|
|
|
|
|
|
| |
عبدالحفيظ ابوسن
مهيرة
محمد أبوالعزائم أبوالريش
ابراهيم عبد الوهاب
فيس بوك
تويتر
انستقرام
يوتيوب
بنتيريست