|
|
 Re: اقوال ماسورة.. البيت بيت الاخرة ي قـــــوم (Re: معاوية عبيد الصائم)
|
من صديق الموج للخلبوص ود الباوقة
.....................................................................
يا جماعة انا داير اتحلل بالجد جد..
اخوانا السلفية والمتاسلمين محتاج شورتكم ، ناس ربع مكنة ما لازمنى..
يعنى ناس على دفع الله وابوروضة والجميعابى والطوربيد يختونى اقل
زول ممكن اقبل فتوته اخونا قصى ومحمد الحسن عبد المنطلب عند الضرورة..
عشان الزول يكون امين مع نفسه ايام الانتخابات ود الباوقة ده وانا
ما بهتو كان عنده حساب المواصلات حق العربات والبصات البتحيب
الناس للاقتراع وبشهادة ابن عمى دكتور عمر الاصم رئيس جالية
قطر الحالى وقتها (كان رئيس المؤتمر الوطنى بالرياض ) والتصوبت
اجرى فى استراحه فى ركن قصى من الرياض و موية للشراب الا
تهاجر ليها ، المدعى عمر ود الباوقة وناس المؤتمر الوطنى كانو مؤجرين
الاستراحة اللصق الاستراحة التى جرى فيها الاقتراع، تبريرهم انها مؤجرة
لعضويتهم التى تأتى من خارج الرياض و اخرون قالو للخج ماعلينا الحصل
حصل المهم الاستاذ عمر ( ده كان اسمه يومها ) داخل نازل مع السواقين
وانت سيارة رقم كم وجبت منو ورجعت منو والسواقين شابكنو انا
جبت عائلة فلان وعائلة علان والتانى انا مشيت الجنادرية جبت الرعاوية
اولاد منطقة الهبرو ملو ورجعت اولاد النميله ام شطور وعمر يدخل يده
فى جيبو ويطلع ويحاسب ده ويستلم الباقى من ده . وانا واخوى ابراهيم
جنقاوى مع ان احزابنا كانت مقاطعة الانتخابات الا اننا كلفنا بمراقبة ما
يجرى وبرضو حصل الحصل ، وفى ذلك الحر الغائظ انا وابراهيم كل زول
خاتى جريدتو فى راسه خارج الاستراحة وبنعد فى المقترعين و استاذ عمر
داخل مارق وشايل ورقو فى يده والجيب زى الشطر الوارم ، اها فى غمرة انشغاله
عمر لحظنى وقد اخذ منى الغيظ ما اخذ قام اشفق علي و جاب لى باسطة وقارورة
ماء بارد و الحقهم بايسكريم ، اشهد الله يوم الموقف العظيم انه اخونا عمر ده قد نفحنى
بطبق باسطة وايسكريم وقد نزلتا على وقتها بردا وسلاما ، عليمه ربه هل دفع اكلافهما
من حر ماله اما انها من حساب الانتخابات؟؟ لا ادرى!! فللضمان كده بعد الشفتو انا اخير اتحلل.
دحين عشان اتحلل هل اكل باسطة وايسكريم تانى وامشى اطرشن واللا ارجع لود الباوقة
حسابهن واللا اتحلل كيف؟
عمر يا اخوى مزرعتك مبروكة علبك لكن ماعافى ليك كان يومها اكلتنى من مال السحت ،،،
| |
 
|
|
|
|
معاوية عبيد الصائم
فيس بوك
تويتر
انستقرام
يوتيوب
بنتيريست