|
|
|
 Re: فاطنة السمحة كيف بس ؟ (Re: طلحة عبدالله)
|
طلح لح .. تحياتي .
عاد يا طلحة غلبني ارد عليك كيف !
ما سمحة مع التقدير لمقولة السماحة خشم بيوت
شنو النظرة الضيقة دي يا حبيبنا ؟
انا ذاتي بطلق علي فاطنة ( فاطنة السمحة )
لكن ما بقصد فهمك دا ! فعلآ سماحة السماحة
ذاتها خشم بيوت .. والسماحة البنقصدها سماحها
تانية ما اي انسان بعرفها ولا بشوفها .
المهم المرة دي سامحتك المرة الجاية بندرع فيك هههههههه .
يا زول يا لذيذ .. لذيذ وحدة تانية ما الحا تفهما اكيد خخخخخخخ .
| |
 
|
|
|
|
|
|
|
|
Re: فاطنة السمحة كيف بس ؟ (Re: مني عمسيب)
|
يا طلحة !
من جهة أخرى وكفعل فما أعتقد أنها عملت حاجة استفاد
منها السودان فهي محض شيوعية معارضة كغيرها من المعارضين
واستمرت معارضتها حتي وفاتها رحمها الله دون أن تغير في الواقع
أية حاجة في أية حاجة .. نفس الحكومة بذات سياستها وحاجاتها السمحة
والشينة ونفس السودان والبلد ونفس الناس الفيهو بذات طبعهم وأخلاقهم
وسلوكهم .. سمحة كيف بس ؟؟
القال ليك الكلام دا منو ؟
منتظرة الرد .
| |
|
|
|
|
|
|
|
|
|
Re: فاطنة السمحة كيف بس ؟ (Re: مني عمسيب)
|
بيقولوا عنها فاطمة السمحة في مقام تدي للعطشان جقيمة، وتدي للجيعان لقيمة وفوقا يتقطع هديما,
زيها وسماحة فاطمة الفي الأحاجي بأنها عاشت للآخرين، وي ياها السماحة البنعرفها.
من ناحية شكل أراها جميلة جدا، ولو لم تكن جميلة; نوع كلامك عن شكلها يصنف في خانة الجلافة وقلّة الذوق.
| |
|
|
|
|
|
|
|
|
|
Re: فاطنة السمحة كيف بس ؟ (Re: جلالدونا)
|
هي ذاتها ما كانت ساعية للسماحة دي يا طلحة
توب نظيف وقلب نظيف
كثيرات مثلها ، واذكر منهن دكتورات هن اعلام في مهنتهن اكتفين
بجمال يشع من نظيف الهندام وطيب النظافة مع ذكاء وتناسق ورقي
يا اخ الرقي ذاتو سماحة
| |
|
|
|
|
|
|
|
|
|
Re: فاطنة السمحة كيف بس ؟ (Re: اخلاص عبدالرحمن المشرف)
|
رفض الطغيان في حد ذاته هو درجة من الوعي الإنساني يجب احترامها فهي موقف قيمي مبدئي بغض النظر عن النتائج و من الغريب أن يكون الثبات على هذا الموقف القيمي طوال حياة الفرد هو مأخذ عليه لأن "الواقع لم يتغير" فالتغيير المنشود لا يعتمد بالكلية على فرد بعينه.
فاطنة السمحة أم سودانية ترملت بصورة مأساوية ، صبرت وربت إبنها و هي إن لم تفعل سوى ذلك لاستحقت ما كتب عنها تمجيدا بل أضعافه. و هي حقا فعلت أكثر من ذلك فقد كانت تنتج وعيا.
بالتأكيد الجزء الخاص بالسماحة ، و ما به من سطحية و اضطراب وفظاظة لا يستحق أن يرد عليه.
| |
|
|
|
|
|
|
|
|
|
Re: فاطنة السمحة كيف بس ؟ (Re: Khalid Basheer)
|
تحياتي طلحة
وضيوفه
كم وتمنين كنا شباب يفع سمعت تعبير زول حلو / زولة حلوة
تحديدا من اليسار واستغربت لمفارقة الحلاة كشك للموصوف حسب مقايسي الشخصية للحلاة . وأكتشفت انهم بتحدثو عن المواقف والسمات الشخصية
رسخت في ذهني كدة وبقت جزء من توصيفي للناس
ف شنو زي هاشم السمح العطا
فاطنة رغم انو كلامي نافلة لكن سمحة شكلا زاتو
| |
|
|
|
|
|
|
|
|
|
Re: فاطنة السمحة كيف بس ؟ (Re: عبدالحفيظ ابوسن)
|
يا مني ما سمحة بالفهم القاصدو أنا سماحة الشكل
وما سمحة بأي فهم تاني من وجهة نظري ..
بعد كدا أي كلام مغاير يبقي وجهة نظر اعتذر عن
الاتفاق معاها كان اندرعت واللا مشيتي السوق خخخخخخخ
تحياتي وتقديري يا زولة
| |
|
|
|
|
|
|
|
|
|
Re: فاطنة السمحة كيف بس ؟ (Re: طلحة عبدالله)
|
المستجير السمج
اتا لسة بتقابض وتهابش عمال على بطال ؟؟؟؟؟
عيب لي الجلافة وقلة الذوق مع نوعيتك دي ؟؟
مالي لينا المنبر كلو عباطة ودله و سماجة عشان صدقت
انك زول بتعرف تكتب أو حتي تتكلم حسب الغاشنك ...
لكن لو عبت الجلافة وقلة الذوق يبقي الشينة منكورة
لأنو دي طبعة فيك مما جيت ناطي جوز في المنبر دا .
| |
|
|
|
|
|
|
|
|
|
Re: فاطنة السمحة كيف بس ؟ (Re: طلحة عبدالله)
|
اللخو خالد بشير
لو أكتفيت بالجزء الأول من كلامك كان رديت
ليك فيهو
لكن دخلت فيهو سطحية وإضطراب ودراب وجن كلكي وما عارف شنو .
دي بعتبرا ليك هتر وبفوتا ليك بمزاجي .
| |
|
|
|
|
|
|
|
|
|
Re: فاطنة السمحة كيف بس ؟ (Re: طلحة عبدالله)
|
فاطمة أحمد إبراهيم ما كنت شايف ليها أية سماحة
في أية حاجة تخصها كمعارضة .. ولو المقصود
سماحة شكل فدي برضو ما شايفا ليها والله على
ما أقول شهيد .
رحمها الله وأدخلها الجنة .
| |
|
|
|
|
|
|
|
|
|
Re: فاطنة السمحة كيف بس ؟ (Re: طلحة عبدالله)
|
Quote: المنبر دا من يوم وفاة المرحومة خامينا وخاوتنا ب ( فاطنة السمحة )
سمحة كيف بس ؟ إلا اذا كان مقاييس السماحة التي قامت عليها سماحة
فاطنة أساس اللقب غيروها ..
كشكل ودا أساس اللقب والتسمية حسب أحاجي الزمن
الجميل يمكن تكون مقبولة إلى حد ما لكن قطعا
ما سمحة مع التقدير لمقولة السماحة خشم بيوت |
طلحة يا حبيب انتا ما سمعت الكابلى يغنى ويقول :
الزول السمح فات الكبار والقدرو
الزول السمح دا اخــــو الزولة السـمحة
وفى السماحة جمال الشكل ما ضرورى
| |
|
|
|
|
|
|
|
|
|
Re: فاطنة السمحة كيف بس ؟ (Re: جمال ود القوز)
|
مولانا سبدرات يبكي فاطمة السمحة ... لوحة تستحق القراءة.
شكرا صديقي عبدالباسط ورحم الله فاطمة.
باشا .... الخرطوم
*******
المسافة صفر: بين الشهيق والزفير
عبد الباسط سبدرات
آه فاطمة "الحشمة" تصرين أن تسبلي الثوب تماماً.. وإذا ما ارتخى.. تحاصره يدك فتعيده سابلاً تماماً..
فاطمة "الرحمة" تمسحين بكفيك دموع المكلومين المحزونين وأبناء السبيل.. فاطمة "السمحة" سمحة خُلُقاً.. بشراً.. ومودةً.
فقدك.. آه من فقدك.. فقد الناس جميعاً.. فقد وحد أمة حزن أبلى وطناً.. شعباً بل أمماً أخرى.
آه من موت الغربة.. كنت تخافين موتاً يأتي في الغربة موت "كربة" أخرس وضرير أعمى..
الموت هناك يختزل الحزن يجعله مجرد إجراءات باردة خرساء.. يُوضع الجثمان في براد الموتى في دولاب في الثلاجة.. الثلاجة جماد لا يعرف دفناً ولا إلاً ولا ذمة.. تشريح وكأن الميت مشروع لصناعة مومياء.. تقرير بكلمات باردة صماء.. صندوق غليظ الخشب.. بأقفال لا تقبل مفتاحاً.
فوبيا الموت وبعيداً عن أم درمان.. متلازمة عندك.. وخوف الكفن الصندوق.. متلازمة أخرى.
أذكر ذاك اليوم.. أتيتك فى بيت بنتك مريم "كريمة أختك" أبارك عودتك الجزلى.. وقد طال غيابك عن وطن هو فيك رئة وفؤاد وكل الكبد...
ووجهك يومذاك بدر كامل الرشد مُضيئاً.. مشكاة رضا وحبور كمن نجا للتو من موت محقق وخطير.. أذكر تماماً كلماتك تملأ سمعى.
الحمد الله جيت.. والحمد لله ما جيت في صندوق.. أنا أمنيتي أموت هنا وسط أهلي يشيلوني في عنقريب مفروش بملاية قطيفة وتحت الملاية برش يرقش.. "دايرة أهلي يبردوني.. يحنِّطوني.. يزيدوا الحنوط ريحة وبخور.. يكفنوني.. والنسوان يردحن.. يسكلبن.. يتقالدن.. يبكوني بكا محروقة الحشا..".. "والرجال يتبادلوا شيل العنقريب.. يكبِّروا.. يهلِّلوا.. لغاية القبر ويدفنوني في أرض أم درمان".. أم درمان كانت أيقونة مركوزة في بؤبؤ عينيك.. والعباسية مهد الصبا والنضوج الفكري المبكِّر.. ووالدك كان يعني للعباسية عدة أشياء، قرآن الفجر مشهودا ومسموعاً ومرتلاً وصوت أبيك الحافظ التقي يضفي على رواية ورش جلال الآمالة وكأن.. "الشيخ محيى الدين" حضور في أم درمان وليس في "الحفير"..
أذكر يا فاطمة المفطومة الفم من قول يشين "الشديدة الحياء وشديدة الحرص أن تسدل التوب وتحكم لبس التوب.. والتوب الأبيض كأنّك محرمة".. لأداء العمل أو حضور اللقاءات..
أعرف أن قضية المرأة لم تكن عندك قضية مطلبية وإنما قضية وطن.. تريدين أن يكون الرجال شقائق النساء.. والنساء سبب نجاح الرجال ولهذا كان شعارك: وراء كل رجل فاشل امرأة فاشلة.. لأن المرأة التي وضعت ولدها خديجاً هي التي أوصلته للرشد وحمل رسالة.. فكيف تفشل أن تجعله ناجحاً..
كان صوتك عالياً وجهيراً.. "أي صوت زار بالأمس خيالي....... إنّه صوتي أنا..."..
هنا أرخى السودان أذنه مُنصتاً لصوتك.. لصوت كافة النساء.. وشُكراً لأخي صديق مدثر.. ولصديقي الكابلي.. لقد رفعتما صوت "ابنة النور..." عالياً حتى أصبحت هذه الأغنية إذاعة قومية...
أستأذن أن أعود لقضية الصندوق أو الموت في لحد يبدأ رحلة البرزخ في صندوق.. وكنتِ تخافين موتاً يأتيك هناك ويلحدك الصندوق.. الآن آتى ردي محموماً.. وفي يده سيف "سنين" بعدة شفرات لينهي عُمراً كان أزلاً في كتاب موقوت محفوظ... مثلك أخاف الموت غربةً.. وأعلم يقيناً انا لا ندري بأي أرض نموت..
عفواً... لم أفصح بعد عن سبب الفزع عند فاطمة من موت الغُربة وبيت الصندوق.. لماذا هي في وجل؟.. وفزع؟ وجزع؟ من هذا الأمر.. لماذا يشقيها حتى تتضاعف "صلايب" السكري حتى تنهك مفعول جرامات الأنسولين؟..
أهي النصال على النصال هَدّت جسمها النحيف؟ أهي الجراحات الغائرات من خنجر الموت السنين؟ أهو الردى الذي أصبح اصطباحاً ومقيلا..؟ أم هي فوبيا الصندوق التي تعدّدت وما برحت!!؟
ماتت نفيسة.. وماتت التومة في الغربة وحمل جثمانها صندوق.. ومات الفتى قاهر الردى ذكي العود صلاح في باريس.. وجاء في صندوق ومات الرشيد في الخليج واستوطن جسده صندوق.. ومات مرتضى في ألمانيا وكان عاشقاً لكل قطرة في النيل.
وهكذا تتالت جثامين وجنائز وأحزان فادحة النصل، شديدة الوخز في منتصف الفؤاد وكل فصوص الكبد.. حتى خلت بلا سكر مخزون.!!
وهكذا عرفت فاطمة طعم الموت واستقبلت الردى وخافت موت الغربة والعودة في صندوق ذاقت فراحة فقد الشقيقة والشقيق.. وصافحت الردى مرات ومرات.. وعرفت سره وخبرت طعنه واستسغت مره وقد ذبحها من الوريد الى الوريد ومن الرمش حتى أخمص القدمين.. كانت فاطمة تعرف وتحفظ سورة ومتن وطقوس الموت هنا.. حين يموت الإنسان بين الأهل والأحباب.. وتعرف أن هذا الطقس الموروث في كتب الجنائز لا تعرفه "لندن وباريس ولا بون" ولا حتى عواصم الخليج..
الأمر هنا مُختلف جداً.. "في وطني نعطِّر الهواء بالمديح!!!" شكراَ أخي محمد المكي.. قلت وصدقت.. "هواؤكم ماسخ - وعجوز".. غير أني أزيد في بيتك الخالد بيتاً من النثر!!
"في وطننا نُعطِّر الميت بذات العطر للعريس!! نجلب الكفن من طرف السوق" ولا نزيد في اللحد "سنتيما" واحد من الشبر...
فصلاح أكد المعنى وصوّر الأمر تماماً..
"كفن... واحد"
ولهذا بقي فقه الموت وطقوسه واجبة النفاذ والإتيان وله فقه موروث ومحروس كابراً عن كابر.. وبكاءً "وجعير" وعزاء ومقيل..
فاطمة تعرف قرآن الفجر الطازج المشهود.. والصلاة فجراً وضحىً وعشاءً..
أتذكرين فرح "صلاح يوم ذاك.. كيف سر صلاح سؤالك عن المصلاة" وكيف هرول وكأنه في الشوط الثاني في السعي وقد أبصر الضوء الأخضر في حائط المسعى.. فهرول وكأنّه سارة "وأتى بالمصلاة".
أعود مجدداً للموت هنا.. والموت هناك.. والموت هنا احتفاءٌ حزينٌ وطقس فرح وثقة في رحمة الله!! وإصرار على أداء ما يجب من طقوس بدأ بتعجيل دفن الموتى قبل أن تصيب برودة الموت الجسد المسجي.. ينقسم الناس.. ثلة تعني بتجهيز الميت.. وثلة بتجهيز القبر.. وعندهم سنن ومندوبات وأدعية.. المطمورة واسعة تسع الذين سيدفنونه و"ود اللحد" شبر واحد لاي زيد أصبعاً واحداً.. يزيد فقط برحمة الله حتى يغدو بظنهم الحسن بالله فسطاطاً رحباً كرحمة الله.. وثلة تقوم بتجهيز الميت حتى يلقى ربه طاهراً.. نظيفاً.. مُعطّراً ومستوراً.. ولتحقيق الطهارة وكمال الطهر.. يغسلون الميت ثلاثاًَ ليصل مرتبة الطاهر النظيف.. معطراً بالصندل والمحلب والبخور كأنهم يجرتقون "عريساً" لا لأنهم يعلمون ويظنون بوعد غير مكذوب تزويج الميت بأتراب وكواعب من حور ثم يبدأ التكفين.. وبشروط!! لابد أن يكون الكفن من دبلان وإلاّ أغفلوا فرض عين ومن قطع ثلاث ورباط مُحكم من أعلى الرأس وحتى بطن الرجلين!! ثم عنقريب "شديد الأضلاع والنسيج وليس في آلة حدباء!! مفروش ببرش" وملاءة.. ثم ثوب من قطيف!!
يتبادل القوم التناوب في حمل النعش ليفوزوا بأجر التشييع ثُمّ أثناء الدفن يمدحون البراق "صلاة على النبي وتوسل بأن يلقى الملحود رحمة تبعد عذاب القبر وشدة السؤال".. نعم الموت هناك ليس مثل الموت هنا!!
هناك طقوس الموت صماء.. بكماء.. عمياء.. عيون شاخصة وشحيحة الدمع.. الثلاجة ببيت الميت الحاضر.. فمها فاغر وبارد لدرجة الصقيع.. تشريح ينقص من الميت الدهن.. وكل ما هو قابل للتخثر.. أو سريع التلف.. ثم إجراءات تأمين الصندوق..
أكثرت حديث الموت...
أعذروني فأجانتي موت "الفاطمة" وأنا بعيدٌ في سفرٍ بعيدٍ.. وطعنني النبأ بسكين.. لها سبع شفرات ذكّرني موت أختي "آسيا" وأختي "كلتوم" وأنت أيضاً أختي.. الآن الموت لثلاث أخوات..
وأكتب وأنا في الغربة وبعيدٌ جداً عن "البكري.." ولا أملك إلا أن أبكي.. خياري إما أكتب شعراً.. لكن الشعر لا يحمل من حزني إلاّ القليل.. وأنا أريد بكاء.. بمسافة الجحيم إلى الجحيم ولهذا أكتب نثراً.. وأعلم أنّ المسافة بيني وبين الخرطوم صفرٌ واحدٌ.. كالمسافة بين الشهيق والزفير.. فقط صفرٌ واحدٌ.
| |
|
|
|
|
|
|
|
|
|
Re: فاطنة السمحة كيف بس ؟ (Re: عبدالعزيز الفاضلابى)
|
أي زول يتحدث عن شكل الناس بشكل سالب وخاصة النساء يعتبر جلف وخالي من الذوق السليم.
تسبني ما تسبني، لا تستطيع أن تغير من حقيقة ان وصفك لها فيهو جلافة وقلّة ذوق
إتّا موش كذا مرّة طلبت مني أن أبعد عن بوستاتك، هذه المرّة سوف أستجيب،
لن اشرفك بالمرور بكتاباتك الجلفة أبداً
| |
|
|
|
|
|
|
|
|
|
Re: فاطنة السمحة كيف بس ؟ (Re: عبدالحفيظ ابوسن)
|
سلام يا كمال عباس
طبعا دي وجهة نظرك احترما لكن ما بتفق معاك في
أي حرف فيها ..
فاطنة لم تغير في الواقع السوداني أية حاجة ولذلك تبقي هي
مجرد معارضة للحكومة مثلها وأي معارض هنا في المنبر دا
مع اختلاف الشخصية الاعتبارية والشو والرواج الاعلامي
طبعا .
يبقي بعد كدا كلام عن انها سمحة مواقف وقيم ومبادئ وعدالة قضية
~~ وسماحة ضمير وطني متجرد ومنحازلشعبه ~~
سماحة اسلوب وغايات ووسائل ~~ تجذب و ترغب ولاتنفر
!!سماحة تعامل ومعاملة الخ الخ
دا كلو يندرج تحت باب مدح سيف الدولة وشعراء البلاط وهو في النهاية
محض وجهة نظر
| |
|
|
|
|
|
|
|
|
|
Re: فاطنة السمحة كيف بس ؟ (Re: عبدالحفيظ ابوسن)
|
يا علاء كيفنك يا حبوب
كلامي فوق عن سماحة الشكل إذا كان مقصود الشكل
وقلتا مقبولة ما سمحة ..
واذا كان سماحة روح وغيرو فدا يستدعي تغيير اللقب
لأنو سماحة فاطمة بتاعت الاحاجي كانت في الشكل ودا أساس اللقب
ثم ياخ كونها تكون مقبولة في الشكل أعتقد دا ما بعيبا أبدا وما سبة
في كل الأحوال .
| |
|
|
|
|
|
|
|
|
|
Re: فاطنة السمحة كيف بس ؟ (Re: طلحة عبدالله)
|
سلام جمال ود القوز
ياخ وجهة النظر هنا في المنبر دا لا تحتمل أبدا وإلا من رحم ربي
فالغالبية العظمى هنا بعتبروا وجهة النظر حكرا ليهم ولا ينبغي لغيرهم
الإجهار بها خصوصا اذا هبشتم في اللحم الحي ..
الواحد من ديل يدخل ليك بمداخلة في بدايتها يعمل فيها أستاذ
وفي نصها يبقي مفكر عظيم وفي نهايتها يتحول لغوريلا
مخيفة ..خخخخخخ
أنا ما عارف الأمة دي بتحب الغلظة في القول لشنو ؟؟ ههههه
| |
|
|
|
|
|
|
|
|
 Re: فاطنة السمحة كيف بس ؟ (Re: طلحة عبدالله)
|
المستجير السمج خخخخخخ Quote:
أي زول يتحدث عن شكل الناس بشكل سالب وخاصة النساء يعتبر جلف وخالي من الذوق السليم.
تسبني ما تسبني، لا تستطيع أن تغير من حقيقة ان وصفك لها فيهو جلافة وقلّة ذوق
إتّا موش كذا مرّة طلبت مني أن أبعد عن بوستاتك، هذه المرّة سوف أستجيب،
لن اشرفك بالمرور بكتاباتك الجلفة أبداً
|
طيب مناسبة الكلام دا شنو عشان تجيبو في البوست دا ؟؟
البوست دا ما فيهو كلام عن اي زول بشكل سالب أبدا
كمان بعد السماجة جابت ليها عدم فهم وكضب ؟؟
قلنا فاطنة كشكل مقبولة مقبولة .. من متين مقبول دا بقت سالب ؟
ثم وين سبيتك ؟؟؟؟؟ قلتا ليك عيب لي الجلافة وقلة الذوق .. اذا بتعتبر
الجلافة وقلة الذوق سب فيبقي أنا قلبت ليك بضاعتك في رويسك ما أكتر
من كدا خخخخخخخخخخخ
ومتين قلتا ليك ما تدخل بوستاتي ؟؟ أبدا ما قلت ليك يا كضيضيب
اكتر حاجة ممكن اكون قلتها ليك ما تقابض وتهابش وتعمل فيها
عراب كبير .. تعال أجدع كلمتينك البتكرر فيهن ديل واتطلب الله ..
ما قلتا ليك ما تدخل بالمعنى المطلق دا ..
لكن اذا قلتا ليك مالك هسة دخلت
البوست دا ؟؟؟؟؟؟؟؟؟ هههههههههههههههههه
ثم ياح انت قبل كدا سخرت مني ومن مهنتى هنا في واحد من بوستاتي
جائي هسة تعمل لي فيها أبو المثالية والنبل ؟
انت كورة ومنفسة كمان يا مستجير وسبق وقلت ليك قابض بعيد مني
عشان ما أضقل بيك ... خخخخخخخخخخ
| |
|
|
|
|
|
|
|
|
|
Re: فاطنة السمحة كيف بس ؟ (Re: طلحة عبدالله)
|
اللخو طلحة عبد الله..... يا رجل تأكد أنه لا توجد أي نية للتهاتر و عفوا إن بدا تعليقي كذلك. كلامي كان عن النص المكتوب مجردا متحريا الموضوعية قدر الامكان فما تشيل في خاطرك يازول الدنيا قبايل عيد.
| |
|
|
|
|
|
|
|
|
|
Re: فاطنة السمحة كيف بس ؟ (Re: نادر الفضلى)
|
سلام طلحة
السماحة كشكل أكيد ما المقصود في مناداتها بفاطنة السمحة ولا مثل فاطمة
من تمجد أو ( تشكر) بشكلها .
اما الجزء الثاني واعتقد انو عضم البوست سيرة فاطمة تكفي ، والناس الكتبت عن فاطمة السمحة
كتبوا من المنطلق ده في سيرتها اها منطلقك في عدم سماحتا ده شنو ؟! ومعيارك شنو ؟
| |
|
|
|
|
|
|
|
|
|
Re: فاطنة السمحة كيف بس ؟ (Re: عثمان الأمام)
|
فاطمة السمحة بين الاحجية والرمزية الدالة والواقع !
سماحة فاطمة احمد ابراهيم !من تحدث عن سماحة فاطمة لم يكن يتحدث عن الشكل والمظهر
وتفاصيل الجسم النسائي ! فهذه خارج مدار التقييم والاعتبار --
* استلاف التعبير من الاحجية ٠٠ لم يرتبط باي دلالة جسدية -- وانما استلف التعبير وتم توظيفه
وشحنه - بدلالات معنوية جديدة - ومعاني جديدة اعمق واكثر رسوخا وتاثيرا - علي المستوي الاجتماعي والسياسي والثقافي ! والانساني !
*بل وحتي فاطمة الاحجية لم تقتصر علي جمال المظهر -- جمال المظهر قد يتصف به شخص
متقيح الدواخل -- وشرير - وعدواني يفتقر لكافة القيم الانسانية - سماحة جمل طين !فاطمة الاحجية
كانت تتسم بسماحة دواخل ونقاء وانسانية -- !
*فاطمة احمد ابراهيم اتسمت بدلالات عميقة للسماحة - دلالات ذات تاثير اكبر في محيطها الانساني والاجتماعي!
* يقول الحديث النبوي
( رحم الله رجلا سمحا إذا باع وإذا اشترى وإذا اقتضى)
ولم يدر بخلد احد ان الانسان المعني كان سمحا في تقاطيعه وتفاصيل جسده وانما كان يتسم بسماحة
انسانية - سماحة تعامل ومعاملة وتواصل !
| |
|
|
|
|
|
|
|
|
 Re: فاطنة السمحة كيف بس ؟ (Re: طلحة عبدالله)
|
عزيزي الفضلي
تحياتي يا الحبيب
عارف نحن برضو ناس عندنا اوتكيت وبنراعي مشاعر
العالمين .. أنا عارف انو المنبر دا فيهو فاطميين ( نسب الى فاطنة
احمد إبراهيم) خخخخ عشان كدا ما أغلظت القول أبدا في حق المرحومة
ردا على التمجيد المالي المنبر دا .. مع انو الحقيقة حسب وجهة نظري
ما قريبة من الكلام القاعدين يقولوا الناس هنا فيها .. أصر بل وأجزم على أن
فاطمة أحمد ابراهيم استفادت من السودان ومعارضتها أضعاف مضاعفة
ولم تقدم إلا نحميس وتهويش وتحريض لم يستفد منه السودان ولا شعبه
لكن مراعاة لكونها بين يدي مليك مقتدر ومشاعر أحبابها هنا لم
أزد على ما قلته عاليه ورغم ذلك دخل البعض مغاضبين ومحتجين .
ربنا يرحمها ويغفر لها ..
Quote: فى رأيى النساء جمالهن أنواع .. بتلقى نساء جمالهن صارخ من أول نظرة يلفتك جمالهن
وفى واحدات جذابات أكثر من أنهن بالغات الجمال
وفى واحدات جمالهن بتكتشفه بعد فترة بعد تكرار الشوف فتراهن جميلات ..
منهن الممكن تقول جمالهن مقبول أو شكلهم مقبول وبالتعود تبدو جميلة الجميلات ..
أصلو الولف كتال .. وفى نساء تبدو فى قمة جمالها ليس فى سن مبكرة جداً
|
واصل ياخ .. دا كلام حلو ومفيد خخخخخخخخخ
| |
|
|
|
|
|
|
|
|
 Re: فاطنة السمحة كيف بس ؟ (Re: كمال عباس)
|
عثمان الامام يا حبيب
كلاني عن سماحتا كشكل كان لفائدة الخبر
وإحكام لفكرة . البوست . بوضع فرضية انو في ناس مثلا كان بنظروا
للسماحة من ناحية الشكل ..
لكن عضم البوست بالتأكيد هو السماحة التانية ودي بصراحة ما
شايفا ليها أبدا ولا يمكن يقنع بيها جنس مخلوق .
مع كامل الاحترام للمخالفين في الرأي .
| |
|
|
|
|
|
|
|
|
|
Re: فاطنة السمحة كيف بس ؟ (Re: طلحة عبدالله)
|
يا كمال سالم والله ما عارف أقول ليك شنو
ربما حكاية فاطنة السمحة وانو ما مقصود بيها الشكل
تختلف من مكان لآخر لكن المتأكد منو انو كان مقصود بيها
شكلا .. لأنو نحن لما كنا صغار ما بنعرف الشعارات بتاعت
المثل والمبادى والقيم الخ الخ الخ دي ولا حتي أمهاتنا وحبوباتنا ..
السماحة عندهم كانت شعر وجسم وعيون وخلافو ودا الفهمناهو
منهم لفظا وتعبيرا حركيا عشان كدا سماحة فاطنة إرتبطت في أذهاننا بشكلها ..
واحتمال انتو يا كمال كنتوا مثقفين وحبوباتكم قاريات ومتعلمات وبعرفن البلاغة وحسن
التعليل والكناية عشان كدا حجوكم بالسماحة التانية لفاطنة ..
لكن عموما حتي السماحة القاصدا دي أنا ما شايفا والله
لا غيرت الحكومة ولا غيرت سياستا ولا حتي عملت ليها مبادرة
ان شاء الله زي بتاعت شباب الحوادث .. كلو العارفو ليها أنها
مشت الجنوب ووقفت قدام جون قرنق لتكيل لحكومة الشمال كواريك
وزيطة وزمبريطة ما استفدنا منها أية حاجة في حاجة ..
فاطمة الله يرحمها استفادت هي ومن يليها من السودان والمعارضة
ولم تقدم له أي شىء ..
مع كامل الاحترام لوجهة نظرك .
| |
|
|
|
|
|
|
|
|
|
Re: فاطنة السمحة كيف بس ؟ (Re: محمد أبوالعزائم أبوالريش)
|
فاطمة السمحة بتاعت الحجي فعلا سمحة سماحة جسم ورسم وتقاسيم وملامح! ولكن برضو الحبوبات بقولو إنها سمحة "خلقة "وأخلاق ماسماحة جمل طين وبس!
فاطمة السمحة بتاعت الحجي كانت برضو تتسم بسماحة دواخل ونقاء وانسانية -- وتعامل
** مسمي فاطمة السمحة سحب علي فاطمة أحمد إبراهيم كإستلاف موفق وعميق الدلالة استلاف التعبير من الاحجية ٠٠ ! فهو إستلاف لم يرتبط باي دلالة جسدية -- وانما استلف التعبير وتم توظيفه
وشحنه - بدلالات معنوية جديدة - ومعاني جديدة اعمق واكثر رسوخا وتاثيرا - علي المستوي الاجتماعي والسياسي والثقافي ! والانساني !!
فاطمة احمد ابراهيم اتسمت بدلالات عميقة للسماحة - دلالات ذات تاثير اكبر في محيطها الانساني والاجتماعي!
**سماحة فاطمة ~ لاتقاس ويحكم عليها ~ بحقبة الانقاذ ومعارضة الإنقاذ وانما بمجمل تاريخهها
((* بنضالها من اجل ~ قضية المراة وحقوقها ~ الانسانية والاجر المتساوي ~ وحقها السياسي :حق التصويت والترشيح !
* ونضالها ضد الاستعمار وضد العادات والتقاليد السئية وتثبيتها علي الايجابي من قيم وموروث شعبنا ~~ وفي ثوريتها ودعوتها للتغير مقترنا بسودانيتها والالتزام بخصوصيةالمراة السودانية وقيم ومثل شعبنا
** وفي استطاعتها كسر الحاجز والاحتكار الذكوري للبرلمان والمؤسسات الحكوميةحيث انتخبت نائبة في برلمان مابعد اكتوبر وقدمت نموذجا ناصعا لدور البرلماني ! وانتخبت علي قيادة اتحادات المراة ~ سودانيا وافريقيا وعالميا !
** ناضلت من اجل التعليم المجاني والعلاج المجاني والسلع الاساسية المدعومة ومن اجل حقوقالغلابة واالفقراء والجوعي والمرضي ! ومن اجل الحرية والعدالة الاجتماعية والعيش الكريم! ~~
فاطمة سمحة مواقف وقيم ومبادئ وعدالة قضية ~~ وسماحة ضمير وطني متجرد ومنحازلشعبه ~~ سماحة اسلوب وغايات ووسائل ~~ تجذب و ترغب ولاتنفر !!سماحةتعامل ومعاملة ~~ وحوار )!..
** وعشان كدة كان أغلب من تناول سيرتها وتاريخها - كتب مثمنا ومقرظا لسيرتها ومسيرتها بما في ذلك خصومها ولم يكن ذلك من باب ذكر محاسن الموتي وإنما إعترافا بفضلها وإسهامها !
**
| |
|
|
|
|
|
|
|
|
|
Re: فاطنة السمحة كيف بس ؟ (Re: كمال عباس)
|
طلحة يا عنقدة
الزول السمح هو الذي
أذا نظرت اليه لا تمل من النظر
وأذا تحدث تتمنى الا يسكت
واذا سكت تحثه على الكلام
وأذا غادرك تتحسر على فراقه
فضائله غير قابلة للجرد والاحصاء
ولا أحد يعرف أي تبرير لهذه الفضائل
أنا شخصيا أذا شاهدتها في التفزيون ألغي أي مشوار وأجر كرسيي وأجلس
ومش فاطمة وحدها .. هي وصلاح أخوها وأعتقد كل العائلة رغم أني لا أعرف الباقين
ربنا حباهم صفة يتوغلوا في الصدر والقلب لمجرد مشاهدتهم والاستماع لهم
بغد النظر عن انتمائهم وفكرهم ونضالهم
لكن تحس الصدق والايمان بقضاياهم تنضح في وجوههم دون تصنع أو رياء
| |
|
|
|
|
|
|
|
|
|
Re: فاطنة السمحة كيف بس ؟ (Re: درديري كباشي)
|
العفو ولا شكر على واجب يا محمد أبو العزائم أبو الريش
وإن كنت أعتقد أن الفرصة متاحة للكلام عن سماحة فاطنة
المزعومة من غير البوست بتاعي دا .. ههههه
كل عام وانتم بخير .
| |
|
|
|
|
|
|
|
|
|
Re: فاطنة السمحة كيف بس ؟ (Re: طلحة عبدالله)
|
كمال عباس
معليش ياخ فوق كتبت إسمك التاني غلط من دون قصد طبعا .
المهم
الرد على كلامك الأخير هو نفس الرد على كلامك الأول
اللي هو نفس كلامك الأخير ... ههههههههههه
كل عام وانتم بخير .
| |
|
|
|
|
|
|
| |
طلحة عبدالله
مني عمسيب
أبوبكر عباس
جلالدونا
Khalid Basheer
عبدالحفيظ ابوسن
كمال عباس
علاء سيداحمد
جمال ود القوز
عبدالعزيز الفاضلابى
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست