|
دعواتكم لزميلنا المفكر د.الباقر العفيف بالشفاء العاجل
|
|
 Re: غناء البنات (Re: عبدالحفيظ ابوسن)
|
الاغنية بحثت عنها ووجدت انها ل عركي
لم اسمعها سابقا
رغم ان عركي من الذين اعتبرهم آخر قلاع الغناء الملتزم الجيد
لم استسغ ذلك
لعل في ذلك عيبا في تقيمي
لعلي جندريا
لكن حكاية الكلمات دي ومضامينها ما نظرت ليها الا كغنا مفروض تغنيهو امرأة
في اغاني كتيرة علي لسان امرأة كما تبدو غض النظر عن جنس الشاعر
لكن دي ابت لي كلو كلو
| |
 
|
|
|
|
|
|
|
|
Re: غناء البنات (Re: جلالدونا)
|
السلام عليكم
غايتو يا عبدالحفيظ عن عركي غير
المطلع ولا أروع وبعدين نطق عركي مميز
اول مرة اسمعها ف تشكر يا اخ
| |
|
|
|
|
|
|
|
|
|
Re: غناء البنات (Re: اخلاص عبدالرحمن المشرف)
|
لا ادري لماذا لم تلتقط ( اللحظة ) يا حفيظ
امكن لو سمعتها بصوت عركي كان لقطتها
اللحظة والرسالة
تتدكر يا حفيظ قدموا لكم شنو لما مشيت ههههههه
لو سعيد ح تفرح
اما الاخري ف ح تلعن تلك اللحظة
ان شاء الله المدام معانا بتاوق
| |
|
|
|
|
|
|
|
|
|
Re: غناء البنات (Re: عبدالحفيظ ابوسن)
|
Quote: الغنية بفتكرها حقت بنات . تغنيها بت وبمشاعر بت
دي الفكرة
|
خصوصا لما بقول
انا صارحت امي ووريتها الحقيقة ...
في مرحلة الشباب يا دكتورة ... صعب الشاب يقول انا صارحت امي ...
عادة البنات البتكون علاقتهم كده مع الام ...
الولد في السن دي رقبتو ما بصارحها ...
انا هنا بتكلم عن الانسان السوداني حسب تربيتنا ...
اللهم امكن عيال الزمن ده ... كلو جايز ...
مش في النكتة قال ليهم ( انا " بابا " لو مسافر ... عاااادي " ماما " ممكن تجي معاي المدرسة لو طلبو ولي امري )
| |
|
|
|
|
|
|
|
|
Re: غناء البنات (Re: اخلاص عبدالرحمن المشرف)
|
ولو مطره خفييييفة يا بسمات يكتمل الجمال
الغنية دي غير ابوعركي الا بنات عجاج
عركي صوت مميز و اضح الحروف ومثقف يعني ما في اي احتمال خطأ
وبعدين كثر من كبار فنانينا غنو اغاني قعدات بناتية ما في زول قال شئ
ابان شنب ما بقبونا واقول ل عركي زي ما قال الجعلي ل مصطفي
ابشر ابشر. ااازول في شان شنبك ده
| |
|
|
|
|
|
|
|
|
|
Re: غناء البنات (Re: اخلاص عبدالرحمن المشرف)
|
أغنية عركي (حبيبي الليلة جانا وشرب الشاي معانا) أغنية قديمة جداً غناها عركي في السبعينات (بالعود فقط).
ما حسيت لما غناها إنو تقمص شخصية أنثى بدلالها وكل التفاصيل الأنثوية .. لكن عكس فيها صورة لحدث مجتمعي.
كلامي الفوق ده يمكن يكون تبرير من منطلق إنحيازي للمبدع عركي .. لكن الأكيد أن الأغنية لم تؤثر على صورته.
أريت لو عارفة إنك ناوي علينا جية
كان ضويتو دارنا ليك يا نور عينيّ
وكنت فرشت رمشي
عشان من فوقو تمشي
واقول للدنيا جانا وشرب الشاي معانا.
______
لما قريت عنوان البوست، إفتكرتك يا حفيظ بتقصد أغاني الدلوكة أو أغاني السباتة.
إتذكرت سهرة في تلفزيون أمدرمان (ما بتاع حسين خوجلي) أيام الديمقراطية الأخيرة. السهرة تحمل نفس إسم البوست، كان ضيوفها حنان النيل وآمال النور وعلى ما أظن كان في زميلة المنبر تماضر شيخ الدين. ناقشت الحلقة بجانب أغاني السباتة الهبوط في مستوى غناء البنات، وأذكر أن رأي أمال النور الذي أعجبني كثيراً، أننا يجب أن لا نلوم هؤلاء المغنيات لأنهن يعكسن حال الشارع، وبدلاً عن الترفع وجلوس المثقفين فنياً في برج عاجي، عليهم الإنخراط في هذه القاعدة وتقبل الأمر الواقع والعمل على تثقيف الجمهور ... في النهاية سنرتقي بمستوى الذوق العام.
| |
|
|
|
|
|
|
|
|
|
Re: غناء البنات (Re: محمد أبوالعزائم أبوالريش)
|
Quote: أغنية عركي (حبيبي الليلة جانا وشرب الشاي معانا) أغنية قديمة جداً غناها عركي في السبعينات (بالعود فقط).
ما حسيت لما غناها إنو تقمص شخصية أنثى بدلالها وكل التفاصيل الأنثوية .. لكن عكس فيها صورة لحدث مجتمعي.
|
و الله الواحد يحسدكم على زمنكم الجميل داك يا أستاذ ...
| |
|
|
|
|
|
|
|
|
|
Re: غناء البنات (Re: يحي قباني)
|
| Quote: و الله الواحد يحسدكم على زمنكم الجميل داك يا أستاذ ... |
أسكت ............ أنا طبعاً حكو لي الناس الحضروا الزمن داك !!!!
| |
|
|
|
|
|
|
|
|
|
Re: غناء البنات (Re: يحي قباني)
|
اها يا ابوالريش جبت الكلام لي نفسك الزمن داك انا المدرسة ما دخلتها
طيب وقت سمعتها عمرك كم وثقافتك قدر شنو
علاء ولدي عمرو تلاتة سنة بغني مع اختو لامن كنت صغيرة بلعب بالتراب
انا رأي زي رأي قباني .. الاغنية مشاعر انثي
| |
|
|
|
|
|
|
|
|
|
Re: غناء البنات (Re: اخلاص عبدالرحمن المشرف)
|
سلام لي حفيظ والمتداخلين
انت عارف يا حفيظ مشكلتك انك سمعتها في ركشة
وناس الركشات خلونا نسقط عليهم تنميط الهيافة وتقرأ الخيابة
من حيث الذوق في سماع الغناء
لكن تخيل لو في عصرية كدا وسمعتها من سيدها بالعود
المهم: شكرن كتيرن
أول مرة أسمعها .. حسيت فيها إلفة الزولة البتونس فيك
وبتحكي ليك في قصة .. إنه فلان خطبها كيف
مودة طبق
| |
|
|
|
|
|
|
|
|
|
Re: غناء البنات (Re: اخلاص عبدالرحمن المشرف)
|
اعمامنا الاعزاء ود قباني وود ابو العزائم وود ابو سن
اطمانوا تمام انتو في عز الشباب....عجايز وكهول امريكا
وعمرهم بين المائة والمائة وعشرة سنة بيتفسحوا في السنترال
بارك...ومعاهم حبيباتهم وماسكين ايدين بعض واخر ونسة وضحك
من الاعماق وبيلعبو بلي....بس البلية الواحدة في حجم بيض النعام...
يعني انتو بالمقارنة مع كهول نيويورك اطفال صغار....انسوا الهموم
وكونوا ريلاكس Relax حتشعروا بسعادة الحياة.....وتنسوا حكاية العهد
الزمان.....وتنسوا نهائيا انتو فتو الخمسين....
ودمتم بالف خير وصحة وعافية
| |
|
|
|
|
|
|
|
|
|
Re: غناء البنات (Re: Basamat Alsheikh)
|
التحية للجميع هنا..
كل سنة وانتو طيبين..
غايتو عيال ابا عبد الحفيظ ويحي قبانا..بالغوا جنس بوليغ..!
المفارقة يا عبد الحفيظ انو بتاع ركشة..لأنو ديل البيحفظوا الوجدان الحقيقي..فالغناء الرسمي في امسودان بقى مخلجن جنس خلجنة واحدة..تغريب وتسويف وتشويه شديد خلاص..!
عمي واحد مريخابي متعصب وبيحب يسمع عبد العزيز محمد داوود..ايام فيصل العجب طالع في الكفر..عمنا داخل: العجب حبيبي ، مارق العجب حبيبي..!
قلت اتضامن معاهو ..وقلت ليهو بالمناسبة..الغنية غناها ابوداوود..!!
ياخي عمك كسر شريطين لأبي داوود..!!
بس ابعد اشرطة عركي لغاية ما الموقف ينجلي شوية..!!
كبر
| |
|
|
|
|
|
|
|
|
|
Re: غناء البنات (Re: Kabar)
|
صحي يا كبر مخلجن وممصرن زاتو
اظنو عركي عاش حياتين مختلفات جدا
اول حضوره للخرطوم ثم معهد الموسيقي وقبله بقليل
تغيرت نظرته للفن وللنصوص
| |
|
|
|
|
|
|
| |
عبدالحفيظ ابوسن
جلالدونا
يحي قباني
محمد أبوالعزائم أبوالريش
عمر أبوعاقلة
Kabar
فيس بوك
تويتر
انستقرام
يوتيوب
بنتيريست