جماعة ترامب شابكننا في البورد، ما بيقدر يشيل الجنسية، القانون ما بيسمح، والله نمرق ؤ ندخل زي ما دايرين، ؤ نحن وِلآد بلد نقعد نقيف ؤ نجدِّع بالدُرآب كمان. أها الوآحد قفلتو للآب توب يكنكِش في البطانية والملآريا تقول يا ليل. رئيس زي الكبري علي اليمين زول يمرق كُراعو برّا تاني اكان تدخُل اتاريني. تزرزرو سااااكت كدي وآحد اليخفس في اليومين ديّل...
02-06-2017, 03:32 PM
سيف النصر محي الدين سيف النصر محي الدين
تاريخ التسجيل: 04-12-2011
مجموع المشاركات: 8995
اها قول واحد يا ود المدير هههههه لا يمكن أن يتم تجريدك من جنسيتك الامريكية الا في الحالات التالية: - اذا اكتشفت سلطات الهجرة انك حصلت على الجنسية باجراءات خاطئة او بالتزوير او بتقديم معلومات غير صحيحة في طلب جنسيتك. - اذا حصلت على جنسية بلد اخر غير بلدك الأصلي الذي ولدت فيه. - اذا خدمت في جيش دولة اجنبية. - اذا توليت منصبا سياديا في حكومة دولة اخرى. - اذا قمت بأعمال تعتبر خيانة للولايات المتحدة الامريكية بقصد الأضرار بأمنها القومي. - اذا تنازلت عن جنسيتك الامريكية او قدمت طلبا للتنازل عنها. و قد ورد في الشرح القانوني المرفق مع مسالة سحب الجنسية على موقع إدارة الهجرة الامريكية نفسه ما يلي:
The U.S. government has a high bar for proving a defendant meets the criteria for denaturalization (a heavier burden of proof than most civil cases, but not as great a burden as criminal cases), according to the USCIS Adjudicator's Field Manual:
"Because citizenship is such a precious right, it cannot be taken away unless the government is able to meet a high burden of proof... Accordingly, a case should only be referred for denaturalization where there is objective evidence to establish that the individual was not eligible for naturalization, or procured naturalization by willful concealment or material misrepresentation." يعني الحكومة لازم تثبت للمحكمة بشكل قاطع و غير قابل للشك انك فعلا لا تستحق الجنسية ليقتنع القاضي و يصدر حكمه بانتزاعها منك.
02-06-2017, 03:35 PM
سيف النصر محي الدين سيف النصر محي الدين
تاريخ التسجيل: 04-12-2011
مجموع المشاركات: 8995
ود المدير قول للناس المخلوعين بامريكا ديل سافروا وتعالوا راجعين وبعدين نتكلم معاكم عن القوانين الامريكية ، اذا وصلتونا بالسلامة... يماني كانوا مراقبين تلفونه وقبضوا عليه ومسجلين كلامه وقدام المحكمة عاوز يؤكد انه بيحب امريكا حب شديد ..وقال للقاضي انا بحب امريكا من ما كنت طفل صغير وابوي بيشتري لي الجبنة الامريكية من سوق صنعاء....عاوز تعرف رد القاضي...تابعني في بوست ود الشغيل... بالمناسبة انا بحب امريكا حب شديد....عارف ليه يا ود ود المدير... عاوز تعرف السبب ،يمكن اجيك في بوست ناس اريزونا... لاني اساسا عندي ملاحظات بهناك..انا ما مستنيرة لكني عطبراوية بسيطة ودمت بالف خير
02-06-2017, 04:21 PM
سيف النصر محي الدين سيف النصر محي الدين
تاريخ التسجيل: 04-12-2011
مجموع المشاركات: 8995
تحياتي عزيزنا سيف النصر محي الدين - -هل إنتي قاصداني انا يا امتثال بعبارة مخلوعين بامريكا دي؟ او انا مع جماعة تانيين على أفضل الاحتمالات؟ تقيمي لك ومن دون مجاملة انك تقف مع الايجابي في النظام الامريكي والقيم الامريكي علي المستوي السياسي والاجتماعي وترفض السلبي وتنتقده ! - لست ممن يرون انه ليس في الامكان افضل مما كان ! وا ن امريكا هي سدرة لمنتهي والفردوس الارضي ! وان النظام الامريكي وممارسات الادارات الامريكية محصنة ضد النقد! ولكنك بطبيعة الحال لست ممن يرون ان امريكا هي السوء كله وليس فيها شئيا ايجابيا ! وحالهم كما حال مصطفي سعيد بطل موسم الهجرة للشمال في مهجره في لندن! * اعتقد انك تختلف مع الخط اليميني المتطرف لترامب وموقفه من المراة والاقليات والفقراء ! ويكفي هنا ان الامريكان انفسهم يقفون ضد تلك السياسات ويتظاهرون اعتراضا عليها ويجب ان نقر ومع الاختلاف الجوهري مع ترامب واليمين الامريكي - بان نظام فصل السلطات والدستور والحريات العامة ومكتسبات ثورة الحقوق المدنية هي سمات ايجابية ! * لست مطالب بالعداء لامريكا شعبا ودستور وقيم ايجابية لتثبت انك ضد ترامب! نزع الجنسية الجنسية تنزع بالقانون وعبر القضاء في حالات حددها القانون ولااعتقد ان ترامب سيصل لتخوم قضايا خاسرة ولكن ! قرار ترامب المؤقت هذا مس المواطنين الامريكان والذين تاتي اصولهم من الدول المحظورة بل وميز ضدهم انت كمواطن امريكي سوداني لايمكنك احضار والديك او زوجتك او اولادك لامريكا علي الرغم من القانون يكفل لهم حق الهجرة والاقامة والقرين كارد ! بينما يمتع رصيفك ذو الاصل الاوربي والاسترالي والهندي والياباني بحقوقه الدستورية والقانونية كاملة وبحقه في احضار اسرته المباشرة لامريكا ! اذا قرار وباما ينعكس علينا جميعا وبصورة مباشرة !
(عدل بواسطة كمال عباس on 02-06-2017, 09:33 PM) (عدل بواسطة كمال عباس on 02-06-2017, 09:38 PM)
02-06-2017, 06:47 PM
سيف النصر محي الدين سيف النصر محي الدين
تاريخ التسجيل: 04-12-2011
مجموع المشاركات: 8995
شكرًا يا عزيزي كمال اعتقد ان ما قلته عني هو موقف الجميع فحتى الان انا لم أر احدا يقف موقفا ساذجا يجعله يعتقد ان أمريكا او الحضارة الغربية هي نهاية التاريخ. الكلام الذي أوردته في مداخلتي الاولى هو جزء من كلام كتير كنت قد أعددته و خاطبت به أعضاء الجالية السودانية حيث أقيم و هذا الكلام له بقية ملخصها اننا يجب ان نقف بحزم امام اي محاولة للانتقاص من حقوقنا التي كفلها لنا الدستور و قلت ايضا ان مجرد الإحساس بقدرة ترامب او غيره بعمل ما يريده فينا و اننا مساكين لا حول لنا و لا قوة هو بمثابة دعوة صريحة للكارهين ليقوموا باضطهادنا. سؤالي هنا هل لو طلبت الجالية من أميرة و بقية الشابات ان يضعن تصورا لكيفية الوقوف في وجه اي سياسات تهدف للانتقاص من حقوق الأعضاء الدستورية و بيان الموقف القانوني هل سيكون الرد انه ما في فايدة و ان الرئيس او اي شخص ابيض عادي ممكن يعمل فيكم العايزو و أحسن ليكم تسكتوا و تطأطوا رؤوسكم لانه لا حقوق لكم أساسا و الكلام عن الدستور و القانون ده كله كلام فارغ ساكت لا بيودي و لا بجيب؟ أقول ذلك لان هذا هو الموقف الذي تعبر عنه الأخوات هنا حتى الان.
02-07-2017, 00:27 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: يعني الحكومة لازم تثبت للمحكمة بشكل قاطع و غير قابل للشك انك فعلا لا تستحق الجنسية ليقتنع القاضي و يصدر حكمه بانتزاعها منك.
يا قربي مافيش إنتزاع جنسية وما يُوجب إنتزاع الجنسية موضّح في القانون، والسلطات سواء كانت تشريعية أو تنفيذية تعمل مع بعضها البعض لما يتماشى ومصلحة البلد، لكن كل هذا لا يعني أن السيد ترامب أتى بما لم يأتِ به السابقون وأصبح مصدر قلق للكل بما فيهم أنت وأميرة. الراجل يمثل السلطة التنفيذية ويحق له أن يستخدم سلطاته لحفظ النظام، الزول دا يا سيف عمل زوبعة يشهد عليها كل العالم والدليل علي ذلك الشمطة القايمة هنا.
ونواصل، وكان إنزنقت بحلف بس...
02-07-2017, 03:11 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
يمين الله يا ود المدير بس كنت داير اوريك الحلفان المن امو و ابو لكين ما دام الحكاية فيها جرى و سحب بوسات الحليفة لزوما شنو run بس و يا دار ما دخلك شر اقتنعت وللا اجيب ليك لامة
02-07-2017, 03:26 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: ود المدير قول للناس المخلوعين بامريكا ديل سافروا وتعالوا راجعين وبعدين نتكلم معاكم عن القوانين الامريكية ، اذا وصلتونا بالسلامة... يماني كانوا مراقبين تلفونه وقبضوا عليه ومسجلين كلامه وقدام المحكمة عاوز يؤكد انه بيحب امريكا حب شديد ..وقال للقاضي انا بحب امريكا من ما كنت طفل صغير وابوي بيشتري لي الجبنة الامريكية من سوق صنعاء....عاوز تعرف رد القاضي...تابعني في بوست ود الشغيل... بالمناسبة انا بحب امريكا حب شديد....عارف ليه يا ود ود المدير... عاوز تعرف السبب ،يمكن اجيك في بوست ناس اريزونا... لاني اساسا عندي ملاحظات بهناك..انا ما مستنيرة لكني عطبراوية بسيطة ودمت بالف خير
أوّل حاجة يا بسمات أيّ زول يتجرأ ؤ يقول بيقدر يمرق ؤ يدخل اليومين ديّل من امريكا بنحلفوا طوالي، لحدي الآن البرا برّا والجوة جوّا. بوست إريزونا ليس قاصر علي المستنيرين دا بوست بلدي جد من صميم الطينة، دحين تعالي أُخدي راحتك وأنا بوستاتي كولهِن مفتوحات ليكِ مُشرع إنت وأميرة. البوست الفتحتيهو لو كُنتِ شاورتيني فيهو كان حلفتِك ما تفتحيهو، ؤ هسّع بقولك وأصلي فيهو بعد دا لكن بعيداً عن العواطف والإنفعالآت مع إحترامي الشديد جداً لموقفك من صاحبتك أميرة والذي إن دلّ علي شئ إنما يدُل علي أصالة معدنك...
02-07-2017, 03:37 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: يمين الله يا ود المدير بس كنت داير اوريك الحلفان المن امو و ابو لكين ما دام الحكاية فيها جرى و سحب بوسات الحليفة لزوما شنو run بس و يا دار ما دخلك شر اقتنعت وللا اجيب ليك لامة
هههههههههههههه، يا عمّك اليومين ديّل لآزم تكون سريع. والله صحي. تعرف، الجري دا خلِ بالك بقى وآجب، لكن تدور تفِك البيرق يعتروليك ناس زي سيف النصر ؤ أميرة ؤ كمان حافظ بشير، يأخي ديّل يسدوا عين الشمس مُش يسدوا عليك الطريق. هسّع شُفت العديتُن ليك ديّل حرّم كان معاي في مدينة وآحدة بصحن فول ؤ بصل أخدر ؤ كباية شاي احمر صاموطية ست أجيب خبرُن، يأخي الناس السمحين بُعد المسافات هو البجيبلك اللوم من تالآهُم...
02-07-2017, 05:27 AM
جلالدونا جلالدونا
تاريخ التسجيل: 04-26-2014
مجموع المشاركات: 9665
اها ده لو كانو معاك فى مدينة واحدة !! بس هم ناس بيناتن مسافات اها صحن فولك و كباية شايك بديلا الكلمة الحلوة كدى افتح ليك بوست بى عنوان اميرة انتى زولة حلوة و ماك شبه الزعل يمين الله كل الزعلوها يجوك جارين خاصة المتدعوش على ود دفع الله آااااى مع انو هد فيهو المستنير الا بس نقول شنو استنارة الزولة ديك الشايلة موسا بصرف النظر عن هى شنو ما علينا هل اتاك حديث حفيد الخدر يا للؤمه يمارس ونسة صبغ الهدوم بما لا تحتمل من من صبغة يا ود المدير بطل الهرجلة و النطيط لو سمحت عشان ما تجيب لينا النبيشة
02-07-2017, 06:41 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
حفيد الخدر اتجهجه معاك يا جلّي قدر ما راجعت مداخلاتي اليوم وهي معدودة على اصابع اليد ما لقيت ما يمكن ملايقته مع قصة صبغة الهدوم دي أما الهرجلة فظاهرة وإن كنت ارى ان التهريج انسب لك
ود المدير حمدا لله ع السلامتين سلامة الرجوع من اريزونا و سلامة العودة لبوستات اللبلاب و الـ echo ههههههه
02-08-2017, 08:57 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية المدير
سيف النصر محي الدين
جلالدونا
كمال عباس
محمد البشرى الخضر
فيس بوك
تويتر
انستقرام
يوتيوب
بنتيريست