مؤيد ود ناهد ولد في الصف التاني اساس طلع من باب بيتهم نادتو حنان بابكر ياااااااااا مؤؤؤؤؤؤيد ياااااااااا مؤؤؤؤؤؤيد طنطن في سرو ومشي ليها مدت لي خمستاشر جنيه وقالت لي عليك الله يا مؤيد جيب لي باغة زيت صباح من دكان محمد ابو طويلة سريع حلتي في النار اجري مؤيد في ذهنه مقارنة سريعة بين سعر رطل الزيت والمبلغ فوجد الحسبة مظبوطة ووافق في الحال اخذ المبلغ وانصرف مهرولا نحو دكان محمد ابو طويلة بينما بدأت حنان في المناداة من خلف الباب علي جارتها المقابلة لها يا اخلااااااص اخلاااااص ردت اخلاص اهلا يا حنان اصبحتي كيف كويسين الحمد لله حالتي قلتا الليلة اقوم بدري اغسل قبال الكهربا تقطع بس وصلت الغسالة كدي قطعت يقطع رقبتهم اصلو ياهو حالهم دار اقول ليك شنو؟ كلمي معاك فاطنة وعلوية قولي ليهم الليلة الجبنة عند عطيات عطيات ولا نعمات؟ لالا يادي نعمات قالت ولدا عيان وادهو المستشفي سلامتو مالو؟ قالت الازمة قامت عليو في هذه الاثناء حضر مؤيد يحمل في يده الزيت اها ياخالتي حنان ماجيتك سريع؟ سريع يعلم الله استدار مؤيد هاما بالانصراف صاحت حنان مؤييييد رطل الزيت بي كم؟ بي 14 جنيه والجنيه وينو؟؟ استدرك قائلا هييييييي ثم ادخل يده في جيب البنطلون المخروم تتصوري الجيب مقدود بيكون وقع!!!! وقع؟؟؟ انت يايمة تتجازي غلطانة انا البرسلك انت مر مؤيد بالقرب مني القي علئ التحية سالته بخبث شنو يا مؤيد المراة دي مالها معاك؟ ياعمك نسوان الحلة دي كلهم بتاعين حركات مفروض يعبوهم في شوالات ويرفعوهم في عربية الوسخ.... نسوان الحلة خليهن حنان دي مالها معاك؟ ياخ دي بس تفلح تقول ليك يا مؤيد جيب لي زيت من ابو طويلة حنكتها جنيه شبكتني تتجازي وبكرة تمشي تونس بي نسوان الجبنة قلت ليو يعني الجنيه ما وقع؟ اخرج من كمر البنطلون جنيه حديد قذفه في الهواء باصبعه الابهام ثم التقطه بحركة بهلوانية قائلا ياصاحبي البلد دي كان بقيت فيها مسكين ياكلو حقك اونطة
07-07-2016, 09:02 AM
وائل حمزه الزبير وائل حمزه الزبير
تاريخ التسجيل: 07-04-2014
مجموع المشاركات: 1769
محمد عثمان الله يديك العافية .. حقيقة لست ممن يقيمون .. لكن ذلك المحسوس (الورقة التي كتبت عليها) أو ذلك ( الكيبورد) الذي كتبت به ليرسل لنا كلماتك عبر هذا البوست أثر فيّ .. بمعنى أنه ولد شعوراً .. وهذا الشعور كان ابتسامة وضحكات .. شكراً لك في هذا العيد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mohamed Osman Zooalnoon
وائل حمزه الزبير
فيس بوك
تويتر
انستقرام
يوتيوب
بنتيريست