|
|
|
 Re: عودة القمل بعد طول غياب _ حليل المحَنَة را� (Re: عبدالله ود البوش)
|
في اثناء كتابتي للموضوع دا جاء زميل مصري قعد جنبي
قلت الخمو مني شوية قلت ليهو القمل جاكم تاني يا مصريين
قال لي معلومة خطيرة جدا
قال لي القمل بطول الشعر
كيف ؟
قال لي لمن يقرص في فروة الراس بستفز حويصلات الشعر ويحرك جمدوها وعشان كدا بطول الشعر
غايتو حيرني
لكن اخدت معلومتو اجابة ونشوف
| |
 
|
|
|
|
|
|
|
 Re: عودة القمل بعد طول غياب _ حليل المحَنَة را� (Re: kamal omer)
|
سمعت الرسالة الصوتية الرسلتها ( إمرأة ) الأعمال الدقوسها المغاربة و استوردت قمل منهم و لحسوا ريالاتها ، و تم حجز القمل في مطار جدة ؟
--------------------------------------
ههههههههههههههههههه
لا والله ما سمعت بيها
لو حريف نزلها لينا هنا
وهي رجلة الاعمال دي دايرة بيهو شنو ؟
.
.
يا حليلك يا القمل الضيعناك بالصقعي
.
.
تصدق يا كمال انا من لحظة كتابة هذا البوست وحتى الان انكرش
مرة اكرش في الراس ومرة تحت الكمر هههههههههه
نفسيات بس واتذكرت الزمن الجميل
.
.
غايتو يا ناس الستينات لذيذين
| |
|
|
|
|
|
|
|
|
|
Re: عودة القمل بعد طول غياب _ حليل المحَنَة را� (Re: عبدالمنعم الطيب حسن)
|
سلام ود البوش
انت ماشي بعيد مالك عذابة السعودية لو صاقراتهم تملي بيتك مرقوت
انا كنت ما مصدق الموضوع دا الي بعد تجربة حقيقيه
قعدته مع عذابه اكثر من ثلاثة ساعات قعدته انكرش زي الجربان
شلاقتي كلمة المدام بقي السؤال من الباب كان كنت مع عذابة بملص الهدوم من بره
القوب مسكني بدري في خلوة سيدنا ادم بموردة الحطب الدباغه علاجو الزيت الراجع بتاع العربات
انا برضو زي ابوسن جابني الطريق قلته اخش اجاملك
| |
|
|
|
|
|
|
|
|
|
Re: عودة القمل بعد طول غياب _ حليل المحَنَة را� (Re: عباس الدسيس)
|
غايتو يا ود البوش دي بالَغ فوكّا دُت كِي
قمل وصواب وحانكلو؟؟؟
وبعد داك جابت ليها قوب ومرقوت؟؟؟
غايتو نحن زمان كانت الكشكة دي ملازمانا ...
تزورنا في كل شتاء ...
لكن حكاية الصواب دي كان أساتذة الابتدائي ومنهم والدي حفظه الله
في التفتيش الصباحي بعملوا فينا عمايل ...
شي ينكشوا شعرك بالقلم ..
وشي يكشحوا شوية موية في رقبتك ويدعكوها بيدهم
ولو طلع منك شوية وسخ الله قال بي قولك ...
وتفتيش ما تحت الكمر ...
كنا في عز الشتاء نستحم حي ووب
والله الواحد تسمع شهقتو تقول مات
بس الما قدرنا عليها الكشكة دي ...
والله دمك يسيل عادي ...
هههههههههههههههههه
مالك علينا يا ود البوش ياخ
| |
|
|
|
|
|
|
|
|
|
Re: عودة القمل بعد طول غياب _ حليل المحَنَة را� (Re: أحمد الشايقي)
|
حينما كنا طلاب كنا نشتغل اي شغل يغنيك عن سؤال والدك
اشتغلنا مرة في حملة ( سم الفار )
ضقنا طعم القروش اشتغلنا السنة اللي بعدها في حملة الجمكسين
حيث يطلب من اهل القرى اخراج كل مالديهم من اواني وعناقريب ومراتب
وكانت رائحته قوية ونفاذة
وكان اهل القرى التي نمر عليها
يتكفلون باطعامنا حتى تنتهي الحملة
بعدين المرقوت بعد لحظات تجده انتحر انتحار جماعي
هسي ياكافي البلاء ( المرقوته ) تفتح خشمها
وتكب ليها الجمكسين جوة في حلقها
وبرضو تقوم جارية !!!!
المهم مشينا لاحدى القرى
المشكلة لم تكن في المرقوت
بل في القمل في رؤووس الشفع الصغار
الشفع وابواتهم قالوا الا يرشوهم هم ذاتم بالجمكسين
ياجماعة الحاجة دي حطيرة وصعبة عليكم وفيها ضرر
جانا عمك كبير قال قبل كده رشونا
المهم الشافع يغمض عيونو ويمد ليك راسه
وانت تشغل الطرمبة بتاعت الرش
رشتين والبعدو
والله واحد بحكي لينا قال الحلة 5 شهور مافيها ولا قملة حايمة
اها يا ود البوش عندي استاذ قريبنا ومعاه اثنين نقلوهم لواحدة من هذه القرى
المهم ركبوا البص
وتاني لوري
وتاني كارو حصان عشان يصلوا الحلة
وبتاع الكارو نزلهم قريب العشاء في ديوان
والظاهر مشى عشان يعمل ليهم عشاء
جماعتك تعبانين رقدوا
والمرقوت لم فيهم قرص شديد
قام استاذنا قال ليهم كدي نشق الحلة دي لي جوة
يمكن نلقى ديوان كويس
ماشين قابلوا واحد وقالوا ليهو نحن مدرسين وعاوزين ديوان نبيت فيه
زولك من زقاق لزقاق
ومن شارع لي شارع
لحدت مالقوا نفسهم في نفس الديوان بتاع المرقوت
ياهو الديوان واحد لاشريك له بتاع الحلة كلها
| |
|
|
|
|
|
|
|
|
Re: عودة القمل بعد طول غياب _ حليل المحَنَة را� (Re: ابوحراز)
|
سلامات صديقي الظريف ود البوش
القمل في القرون الماضية كان دلالة على الفلس
يقولون هذا رجل مقمل يعني عدمان حق المشط البحت القمل
ثم مرت بالناس سنوات بترول نظفت رؤوسهم وهمومهم من القمل والصواب
والان وقد عاد القمل فهذا يعني عودة الفقر والحضيري من جديد
والله يستر من القراد والصهيب.
| |
|
|
|
|
|
|
|
|
|
Re: عودة القمل بعد طول غياب _ حليل المحَنَة را� (Re: عمر التاج)
|
القمل في القرون الماضية كان دلالة على الفلس
ثم مرت بالناس سنوات بترول نظفت رؤوسهم وهمومهم من القمل والصواب
-------------------------------------
كل دور اذا ما تم ينقلب
اسع بشتروهو الناس النضاف بالقروش
شفت المفارقات دي كيف يا صديقي الجميل عمر التاج ؟
تحياتي
| |
|
|
|
|
|
|
|
|
|
Re: عودة القمل بعد طول غياب _ حليل المحَنَة را� (Re: ابوحراز)
|
اووووووووو ابو حراز الزول الوناس
حملة ( سم الفار )
حملة الجمكسين
-----------------------------
يا سلام
كانت غالبا في حر وقهبونة شديدة خلاس
.
.
عمي حبيب الله ود سكين الجوع ضرب بيتو رملة حمرا وطوالي بعد كدا ناس الجبكسين جو
قاليهو يا اما تضربو الرملة جت جبكسين ولا ما بخليكم تشخبطوها ساكت
داير يكون جبكسين وجير هههههههههههه
لكن حمالتك علي جبطك جبطك شخبطوها وفاتو ... وحتى الان هذا المنظر في ذاكرتي وشكل الحيطة ذاتو
بعد الشخبطة لسع عالق في الذاكرة لانو عمي حبيب الله دور فيهو شكلة للسما اللحمر
.
.
شكرا اب حراز يا جميل على الاضافة الثرة والممتعة
| |
|
|
|
|
|
|
|
|
|
Re: عودة القمل بعد طول غياب _ حليل المحَنَة را� (Re: عبد الباقي الجيلي)
|
لكن حكاية الصواب دي كان أساتذة الابتدائي ومنهم والدي حفظه الله
----------------------------------------------------------------
من الله خلقك نضيييييف وبستحم كل يوم ماك ود مدرس تحمد سيدك وود راحات
لكن نحن كنا بنغش المدرسين بالشطيف ساكت هههههههه
الغريبة ما كنا بنحب النضافة والزول النضيف وبلمع بشوفو زنقد زنقد ههههههههههههههه
علي الجزيمة يوم صحيت مع الصباح وانا في اولى ابتدائي لقيت امي مسحت لي كرعي بزيت
صحيت اكورك زي المجنون ممساحني لشنو واشيل التراب واكبو في كرعي هههههههه
حتى بعد داك اتشطفت عشان ما امشي المدرسة لامع
شيخي عبدالباقي ود شيخي الجيلي انت دفعتي لكن دخلت بشهادة الميلاد ههههههه
| |
|
|
|
|
|
|
|
|
|
Re: عودة القمل بعد طول غياب _ حليل المحَنَة را� (Re: عباس الدسيس)
|
عباس الدسيس الزول اللذيذ
عاين لي جاي
يا اخوي السعودية ملانة مرقوت من زمان وحتى الان
لكن عودة القمل للمدارس بعد اجازة طويلة هو المحير
قالوا تم بالاستيراد والتجارة فيهو وتوجد مزارع للقمل الاصلي
القملة الاصلية وقرصتا حراقة بعشرة ريال
شفت الجن دا كيف ؟
زمان قملتنا مجان ساكت شفت النعمة الكنا فيها ؟
قريص ساااكت مجان لاقرش لا تعريفة
| |
|
|
|
|
|
|
|
|
|
Re: عودة القمل بعد طول غياب _ حليل المحَنَة را� (Re: عبدالمنعم الطيب حسن)
|
الصباب
اسمو الصُواب؛
-----------------------
كل منطقة ولها اسمها وتقريبا تبديل حروف فقط
نحن بنقول الصباب
.
.
الاموات بدعن بيهو لمن صوتك يكون منخفض
تقوليك ما تنيص ... تنيص قمل وصباب
ههههههههههههههههههه
نميلة صغيرة وجميلة وحلاتا...
-------------------------
مبالغة
وحلات الدردرة فيها ههههههههههههههههه
.
.
شكرا عبدالمنعم لاضافة البسمة
| |
|
|
|
|
|
|
|
|
 Re: عودة القمل بعد طول غياب _ حليل المحَنَة را� (Re: الزاكى المغيرة)
|
ود البوش مشتااااقين
شكيت محنك
القمل دا في كندا لو لقوا في راس زول بكرتنوا طووووالى
يا حليلك
زكرتنى زمان عندى ود اختى المرحومة كان عمروا 11 سنة
وامى ربتوا معانا فى البيت بعد وفاة اختي الله يرحمة
قاموا جوء كندا من الدوحة قعدو فترة قام الولد مرض كان عندوا لحمية
قام الدكتور قرر يعمل لى عملية
المهم يوم العملية بجهزو في قبل دخول العملية
جات الممرضة تعمل لي جيك اب من ضمنو فتشت شعرو
لو عندو قمل لانوا مرات بكون منتشر في المدارس ههههه
الولد اموا كان شعرها سمح الله يرحمة و ابوه قطرى شعرو سمح مدفق فوق كتفو
الحكاية دى زعلت امى زعل شديد وقامت بالعربي شتمت ليك الممرضة ههههههه
قالت ليها القمل ان شاء الله يحميك النوم هسي دا زول شكلوا عندو قمل ههههههههههههههههه
قعدنا نضحك قلت ليها يا امى دى اجراءات عادية بتحصل لى كل زول
المهم الممرضة فى النهاية اتكيفت من شعر الولد وشكرتوا
| |
|
|
|
|
|
|
|
|
|
Re: عودة القمل بعد طول غياب _ حليل المحَنَة را� (Re: الزاكى المغيرة)
|
القمل اظنو تلاتة انواع
قمل الشعر
وقمل حزة السروال
والقمل داك
بتذكر فلي الشعر حقت امهاتنا . تلقاها قاعدة فوق العنقريب . ومادة كرعينها بي فوق العنقريب . والمشاطة خاته بنبرها فوق العنقريب . تمشط وتصقع في القملة بي اظافر الابهام لامن تسمع صوتها طج
القمل يغسلو ليك راسك بالجاز الابيض . لكن المشكلة في الصباب بعنكش في الشعرة وبفقس
الحل يحلقو ليك نمرة واحد صلعة
| |
|
|
|
|
|
|
|
|
|
Re: عودة القمل بعد طول غياب _ حليل المحَنَة را� (Re: الزاكى المغيرة)
|
القمل اظنو تلاتة انواع
قمل الشعر
وقمل حزة السروال
والقمل داك
بتذكر فلي الشعر حقت امهاتنا . تلقاها قاعدة فوق العنقريب . ومادة كرعينها بي فوق العنقريب . والمشاطة خاته بنبرها فوق العنقريب . تمشط وتصقع في القملة بي اظافر الابهام لامن تسمع صوتها طج
القمل يغسلو ليك راسك بالجاز الابيض . لكن المشكلة في الصباب بعنكش في الشعرة وبفقس
الحل يحلقو ليك نمرة واحد صلعة
| |
|
|
|
|
|
|
| |
عبدالله ود البوش
عبدالحفيظ ابوسن
kamal omer
علي عبدالوهاب عثمان
عبدالمنعم الطيب حسن
عباس الدسيس
عبد الباقي الجيلي
حامد بدري
أحمد الشايقي
ابوحراز
عمر التاج
احمد الشيخ
عمار عبدالله عبدالرحمن
MOHAMMED ELSHEIKH
وضاحة
عمر أبوعاقلة
حمد عبد الغفار عمر
فيس بوك
تويتر
انستقرام
يوتيوب
بنتيريست