عمر البشير يا تو شعب؟ انحن كلنا الجنوبيين ديل الشمال دا حقنا* الشمال حقنا* السلام عليكم كل سنة وأنتم طيبين بالخرطوم هذا الفيديو إلى عمر البشير
يا عمر البشير
السيد الرئيس
بمناسبة احترامي لك أنا باحترمك لأنك رئيسي ومهما كان حصلت الظروف أنت رئيس حقي أنا ما بقدر بعمل لك reject
لكن الاسلوب الأنت تقول به يا عمر البشير
سوادنيين الجنوبيين قاعدين يجوا يخشوا براحة تحت تحت يقولوا معليش
وتحت تحت الجنوبيين بقولوا عايزين السلام .. معاكم
وأنت بتقول عايز ترجع عشان تستفي تسأل شعبك
عمر البشير يا تو شعب؟
عمر
((نحن كلنا الجنوبيين الشمال دا حقنا))
***** الشمال حقنا****
كم من الشماليين حبوباتكم اسمهم (أشول)
أمدرمان دا كلو جنوبيين ونوبة وفور
كويس؟
ما في زول بكون نازح في بلده
وما في زول بكون بمشي براحة في بلده
عمر البشير أنت بتعرف تاريخ كويس بتاع جنوبيين
زمن جنسية بعملوا للسودانيين في الخرطوم
دينكاوي مشلخ بدوه جنستو لأنه هو (سيد البلد)
أنت عملت التقسيم بين الشمال والجنوب
أنت والترابي عملت حرب بين شمال وجنوب
*** النميري كان مواسينا ولكن أنت برغم انك كنت عايش في الجنوب لما مشيت انقلاب كنت جاي من الجنوب ولكن انت ما واسيتنا وأكلت مع الجنوبيين وشربت معهم
وهم إذا تنازل عن حقهم في الشمال أنت ما عندك حق أن جنوبيين ديل قاعدين يجوا براحة براحة ويقولوا لك معليش
عندهم حق عشان يقولوا معليش لأن فكروا في حاجة دا (الانفصال) كويس
سنجة عبد الله دا بلد عبد الله مبوك ..دا دينكاوي
عاصمة الخرطوم يا عمر البشير ..
ناس مدني رفضوا العاصمة ..مشوا ناس سنار المدينة لما ناس سنار المدينة رفضوا أهو جابو خرطوم خرطوم برطانة دينكا معناه مكان بجمع كل ناس وقبيلة.. اسمه كارتوم
توتي دا كان قاعد فيه نويراوي ودينكاوي عواطلية بتاعين سمك ودا هو مكان نوير ودينكا اتفارقوا فيه
كويس؟
عمر أنت جعلي ولو رجعنا في التاريخ كان الجعليين مع الدينكا أولاد عم!
كلام مفروض يقولوا زول تاني غيرك
أنا بحي الشعب السوداني كله لأنه شعب تعبانين زي ما نحن تعبانين وهم ما مرتاحين منك لانهم خايفين منك
حاجة دا خربتوا أنت والترابي
أنتم قلتم الخرطوم بقى دولة إسلامية
منو يا عمر ما مسلم في الجنوبيين عندنا جنوبيين بصلوا وبصوا أكثر منك أنت...وبعرفوا ربنا أكتر منك أنت
لكن أنتم عملتوا دين حاجة تاني
موسى بدينه وعيسى بدينه وسيدنا محمد بدينه
ومحمد (ص) اختتام الأنبياء ..
كويس؟
أنت يا أخوي
أنا دايرة عشان أنت تخت يدك في كتاب اسم الله يا عمر البشير وقول الحقيقة خلي الدنيا كلها يسمع
*** ((منو ما بعرف الخرطوم دا بلدنا نحن)) ***
حتى البريتيش - البريطانيين - عارفين أن البلد دا بلدنا نحن
شندي دا اسمه (شانديد) شانديد يناك أخو المك نمر
المك نمر يا هو ولد جعليين ..
ما كان في عرب يا عمر البشير ما كان في عرب ما تكذب
البلد دا ما بلد عرب ..
ديل أفارقة ديل جلابة
تلقى زول حبوبتو من وراء اسمها (أشول)
كما أشول. آآ
لما الناس تطورت بقوا يدسوا حبوباتهم .. يدسوا اسم بتاع دينكا
ليه يا جماعة؟
الجنوب والشمال انقسموا كيف؟
دا ما نخرة وخشم؟
ناس الشمال برجلينهم ممكن يجوا الجنوب وناس الجنوب ممكن برجلينهم يجوا الشمال
ودا بلدنا
أنت ما في طريقة تقعد تشاور ناس
تشاور السودانيين أول الجنوبيين هم بوافقوا على السلام ولا ما بوافقوا
ما في جلابة كان بنقسموا من جنوب
دا أنت والترابي.
يا جماعة الدولة دا دولة أفريقية
العرب في السعودية ودبي والخليج وأبوظبي والبحرين والكويت ديل يا هم بقولوا ليهم عرب
كويس؟
أنحن في السودان ما عندنا عرب
والعرب كان جونا سواح
أسع غيرتوا.؟
ديل جوا سواح تجار في السودان
ما في عرب جاب معاهم مرأة او جنى
أنحن الدينكاويات ديل أنحن ديل يا هو جينا اتوالدنا معاهم
وخلطنا اللون اللون الأسود خلطنا معاهم
عشان كدا الناس بقوا بقولوا نحن عرب
ما في عرب في السودان
نحن أفارقة
نحن أفارقة
يا عمر البشير
وديل أخوانك
أنت أكلت معاهم ملح وملاح يا عمر البشير
ما في زول بنكر جنسو..
ما تنكر الجنوبيين أسع في الدقيقة الأخيرة؟!
07-25-2016, 06:23 PM
سيف الدين بابكر سيف الدين بابكر
تاريخ التسجيل: 01-14-2016
مجموع المشاركات: 3325
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
سيف الدين بابكر
فيس بوك
تويتر
انستقرام
يوتيوب
بنتيريست