|
|
|
 Re: على الشيخ موسى هلال أن يعتذر! (Re: سيف النصر محي الدين)
|
عاطر التحايا يا دوكنا ..
يا سيف من خان الوطن لانريد منه اعتذار
ثم الاخلاقيات لاتتجزأ من اهان الوطن وخانه
من الطبيعي ان يهين النساء !! الم يكن النساء
من مقومات هذا الوطن ؟
عن اهانته لفئة من النساء عبر تشبيه المدعو حسبو بهن.
ولك زي ما تقول كدا الاشواق .
| |
 
|
|
|
|
|
|
|
|
Re: على الشيخ موسى هلال أن يعتذر! (Re: Abureesh)
|
شكرا يا علاء الدين على جلب المعروضات للبوست ههههه
ويا ابا الريش المسألة يبدو انها فعلا تتجه نحو التصعيد وزي ما قالوا العرب زمان فالحرب اولها كلام.
بس كمان يعني الاخوات ديل علي العليهن يشبوههن بي حسبو؟
ده يبقى كتير عليهن والله.
| |
|
|
|
|
|
|
|
|
Re: على الشيخ موسى هلال أن يعتذر! (Re: سيف النصر محي الدين)
|
سلام يا د. سيف..
حتى ثقافتنا في الإساءة والشتم بتظهر فيها العقلية الذكورية
والعقل الجمعى يستسهل نسب الأفعال القبيحة للنساء!!!
مفروض حسبو يعمل نفسو ميت لأنو شيخ موسى دا تهبشو
تاني بجيك مفحط داقى خلف!!!أعمل حسابك وما تجى بى ضهرك!!
قال ليك تجينا من قبل تجينا من دبر بس إنت أبقى مارق
الزول دا واضح ,وتشفيرو عالى !!!
لو حصلت مراجعات للتوصيف موضوع النقاش حا يستبدلو ليك
بتوصيف كارثى
__________________________
ياخ الناس ديل مشو بينا بعيد خلاس والله..
إنت يا دكتور دا المسمنو حبسو نسوان ولا واحد تاني؟؟
تحياتى
| |
|
|
|
|
|
|
|
|
|
Re: على الشيخ موسى هلال أن يعتذر! (Re: محمد البشرى الخضر)
|
صباح الخير يا احبة ..
بالمناسبة حسبو نسوان القاصدو هلال غير حسبو نسوان
الانتوا فهمتو حا اخت ليكم فيديو لحسبو نسوان القاصدو
هلال الضلال !
كدي اول اقروا مقال سمطاء الانقاذ القاحلة ( اسحق فضل الله ) .
منقول اسحق احمد فضل الله- آخر الليل عندما جيء بموسى هلال
من سجن في بورتسودان، كان ذلك إيذانا ببدء دولة القبائل الملثمة، في غرب
السودان.. ذهب شيخ علي عثمان الى موسى هلال وأقنعه بحشد القبائل ....
العربية ضد التمرد في دارفور...ثم لاحقاً كشف موسى عن قناعه...واخرج
سيف الابتزاز من موضعه، ثم وجهه لاسياده في القصر... حديث هنا وهنالك،
وفحش لغوي، تذهب سهامه الى نائب الرئيس البشير، والمؤمنين الصابرين
عيونهم جاحظة لهول ما يجري...سفه فات الحدود...والقصر يتلوى في الارض
من وقع الفاجعة... أين جنود الجيش والمجاهدين القدامي، لحسم هذا التفلت من
هذا الوضيع وأشباهه....أين عزة الدولة... وشرف الجندية...ان ترك الحبل على
الغارب.. فلا تحدثوني عن سلطة الحركة الاسلامية وعزتها وشرف الذين ماتوا
دفاعاً عنها.. دارفور تحتمي بقبائلها التي يقودها السفهاء...ولأن القصر الان ....
يسمع فقط...ولا يخرج جحافل جيشه لدحر مجرم اخرجه شيخ علي عثمان من
السجن...والنَّاس من حولنا مندهشة من طولة البال...ومن التراخي في حسم هذه
التفلتات...ضاعت هيبة الدولة...تحشرجت الروح في الحلقوم... ما هكذا تورد الإبل
سيدي الرئيس...ان تطاول الاقزام...فالسيف لجز الرؤوس هو العنوان..وهو الترياق
.. سيدي الرئيس اطيح برأس الفتنة...حتى يعود للبلد استقراره... تعود هيبة الدولة
في كامل ثيابها...هذا الموسى هلال #################### من ضواحي البادية...كان مكانه الزنازين.
...والزقاقات المتعفنة في المدن الصغيرة...وها هو ينفش ريشه....ويخرج ذنبه.......
ويستفرغ سمومه في وسائل التواصل الاجتماعي.. ولكن هيهات... هيهات ان يتطاول
الاقزام على قادة المؤتمر الوطني....والأنوار المضاءة في غرف الاجتماعات الليلية
سوف تحسم هذا الصراع...انها قرارات سوف تذهب بريح هؤلاء الاقزام...وتزيل
رؤوسهم على قارعة الطريق..
كمان عشان اسد نفسكم توجد صورة ! لشمطاء الانقاذ !
http://www.up-00.com/
| |
|
|
|
|
|
|
|
|
|
Re: على الشيخ موسى هلال أن يعتذر! (Re: مني عمسيب)
|
صباح الأنوار يا منى,,,
اسحق فضل الله آخر من يتكلم عن الأخلاق فقد كان له قصب السبق وكان أول من خدش حياء كل الشعب السوداني
بسابقته الشهيرة وإيراده نفس اللفظة القميئة صراحة وكتابة على صدر صحيفة يوميه يطالها آلاف القراء,, Quote: حديث هنا وهنالك،
وفحش لغوي، تذهب سهامه الى نائب الرئيس البشير، والمؤمنين الصابرين
عيونهم جاحظة لهول ما يجري...سفه فات الحدود...والقصر يتلوى في الارض
من وقع الفاجعة... |
فحش لغوى !!!! هو إنت بتكتب شنو غير الفحش يا فحش لما بقى الكلام فيكم وعنكم بقى ليكم حار!!!!
ما ياها دي لغتك البتحبها !!!
_____________________
الزول دا متجرس عديل كدا!!!
| |
|
|
|
|
|
|
|
|
|
Re: على الشيخ موسى هلال أن يعتذر! (Re: محمد البشرى الخضر)
|
تحيات يا دكتور
بعيد عن اعتذار موسى هلال لقبيلة النساء عموم
وعلى الرغم من كل ما قاله موسى هلال الا انو الحكومة دي معروف جلدها تخين ولا موسى حيعتذر ليها ولا الحكومة حتحاول تحاربه , بل العكس حتسعى لتحنيسه وترضيته والتحنيس والترضيات هي الأقل تكلفة طالما اصلا هم ما دافعين من جيب ابوهم , والحكومة ما حتحاول تفك طلقة في دار فور خلال الاشهر الجاية لحدي اكتوبر عشان تشوف آخر الحصار الامريكي دا شنو , وعليه حسبو حياكل الوصف الاتوصف بيه دا في حنانو كأنو ما حصل حاجة .
| |
|
|
|
|
|
|
|
|
|
Re: على الشيخ موسى هلال أن يعتذر! (Re: البشير دفع الله)
|
سلامات أخي بشير | Quote: وعليه حسبو حياكل الوصف الاتوصف بيه دا في حنانو كأنو ما حصل حاجة . |
جوة عينو وأحسن حاجة يعمل ميت!!
وإلا سوف يندمون
و إسحق فضل الله دا حا يلقو ليهم طريقة يوصلوها ليهو سرييع (اسكت وقفل وما تضيعنا الزول دا كان قام كعب) يقعد يرسل لينا
فى الرسايل الصوتية العاملة زى حقت تراجي داى نحن نقبل وين
| |
|
|
|
|
|
|
|
|
|
Re: على الشيخ موسى هلال أن يعتذر! (Re: سيف النصر محي الدين)
|
سلام يا حامد
دي بالضبط تربية الكيزان.
التربية الداخلية لعضوية التنظيم تقوم على احتقار الآخرين و زرع روح التعالي داخل أفراد التنظيم
بحيث تتكون لديهم قناعة راسخة انهم يجوز لهم ما لا يجوز لغيرهم.
وفِي الواقع دي سمة تميز كل تنظيمات الاسلام السياسي.. تراهم يصفون غيرهم بالهالك و الخائن و غير
ذلك ولو وصفت احدهم بنفس الاوصاف يثورون و يستفظعون المسألة ويتباكون خاصة اذا مَس الامر احد
رموزهم لان عبادة الأفراد وتقديسهم نتيجة طبيعية للتنظيمات المغلقة و الصفوية.
| |
|
|
|
|
|
|
| |
سيف النصر محي الدين
أيمن الطيب
مني عمسيب
علاء الدين صلاح محمد
Abureesh
محمد البشرى الخضر
البشير دفع الله
حامد بدري
فيس بوك
تويتر
انستقرام
يوتيوب
بنتيريست