من الاسباب كثرة حالات الطلاق يعني شنو مثلا زول طلق يعرس تاني عشان يطلق بدل تناقشو لماذا ارتفعت معدلات الطلاق والاسباب معلومة ما دايرة دراسة اياها المعيشة دي في ناس فزو ساي بدون طلاق ياربي يكونو قاصدين !! الا كان قاصدين استعفرتك يا ربي القصد يعود لهيئة علماء السودان لذا لزم التنويه
04-12-2017, 10:49 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
قالوا الزول خش البيت عصر . مرقة من الصباح .. اباطو والنجم مرق يكوس الرزق وعاد كما مرق تكل العجلة هلكان وتعبان وجيعان من الصباح ما فك الريق وهو الريق دة فكتو دايرة فلوس كورك للمرة سوي لي اكل لقت ليها كسرة بايتة . فتشت شطة مافي طماطم مافي زيت مافي بصل مافي ختت ليهو الكسرة وملحة وجلقت فيها موية من الزير ختت ليهو الصحن وشالت شملتها ومشت علي الحفرة قال ليها يا ولية هي كسرة بايتة بي موية يركبو بيها العجلة ولا ... اها هسة دي داير دبل عجلة دبل في ظلط ما يقدر يسوقها
04-12-2017, 10:51 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 27728
يامان علماء اخر الزمن ديل ماصدقوا القريشات الانبهلت عليهم من تطبيلهم وتزيينهم الباطل لولي نعمتهم وقاموا اتنكروا لماضيهم القريب .. هسع لو واحد عرس بناتهم ودبّل فيهن يخرخروا :)) تبا لهؤلاء البطينيين
04-12-2017, 10:55 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
في سنة من السنوات ... زارني احد الأصدقاء القديمين و الحايمين في الدنيا ...
قاعدين في حوش بيتي تحت شجرة وريفة حبيبة الى قلبي ...
و صديقي ذلك من المدخنين بشراهة ... و انا لا ادخن ...
فامتدت الجلسة الى وقت متأخر في الحوش حتى يدخن صديقي ..
فمن ضمن الونسة ... و اخوك فيل في حتة الذكريات دي ... متذكر طوب الواطه ..
و بديت أسأل ( على وزن و بديت احلم ) ...
- انت فلان اخباره شنو ؟ - نفس من السجارة ... و الله تمام اموره 100 المية ... نفس تاني ... - و ما شاء الله عنده كم أولاد .. ؟ - نفسين ... ابداً ياخي .. ما اتطلقوا هم و فلانة !!! - ياخيي ... و ليه الحصل شنو ... - نفس تاني و حركة راس .. معناها ما فهمتوا بالأول ... - و طيب فرتكان خبرو شنو ... اتذكرته ما صاحب فلان داك القلت طلق مرتو ... - انفاس كتيرة ... و قال لي ... هو ذاتو طلق مرته ... - استغفر الله .. وو - قبال ما اكمل و قبال ما يشيل نفس قال لي ... و بالمناسبة طلقها و عرس مرة فلان صاحبو ... تاخد سجارة ؟ - ياخ سجارة شنو ... كيف عرس مرة صاحبو ... - اسمع يا صديقي ... انت ليك مليون سنة من السودان ... نصيحة ... كان مشيت اسأل اصحابك كل واحد من رقبته ... لانه ده طلق مرة ده و عرس مرة داك و القصة ما حتخلص ... ده السودان الجديد يا صديقي ...
و مازلت مندهش يا حفيظ ... و مازالت نظريته هي الأصح ....
04-12-2017, 11:03 AM
ANWAR SAYED IBRAHIM ANWAR SAYED IBRAHIM
تاريخ التسجيل: 12-02-2014
مجموع المشاركات: 900
قباني يا صاحب قصص زي دي بالكوم مع تغيير الجندر صاحبتها الروح ما بتروح عرست راجلها وجات تنفسها وظبطت مع راجلها قصص لكن ما السودان الجديد اغلبها في الغربة هنا زول داير يطبق تاني غيرهم مافي اياهو جالون التموين الكل شهر دة
04-12-2017, 11:12 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
وقبل كلامهم دة رشونا ليك ناس في الفيس والواتس بي قصص وحكاوي تعلي من فوايد العرس مرتين واحدات ساذجات وواحدات فيهن صبغة العلمية واحدة حقت فيران صغار و كبار ركبو دة مع دة وداك مع ديك وطلعو بي نتيجة تعرس فارة صغيرة بسم الله تعرس بت صغيرة ترجع شباب وتعرس انت شاب بت كبيرة تبقا شايب ماهو نجحت مع الفيران وكلنا فارات يعني اقنع القرمبوز الصغار روخس اوعاك من الكبار معصعصات وبودنك القبر
04-12-2017, 11:16 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
شوفو الشايب المودر دة هوي يا ودالبوش امشي فتش ليك بت صغيرة ترجعك شباب امثالك بالية ومهترئة قال قملة قال نقول فيران تقول قملة ياخ الناس ديل موقعين شرشوفي من النهدي والزعل نحن في شنو وهم في شنو عليك امان الله قبل يومين المرة قالت لي التلاجة مسيحة انا اخو التلاجة شلت الهم التقول ميت لي زول يا ربي مكنه فريزير فلتر وكلهن دايرات غاز المكنة بي مليون ودقداقة والغاز بي 300 وتجي تلقاهو يقول ليك يدعونك للعرس التاني ساعدونا نحافظ علي الاول
04-12-2017, 11:33 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
واحد قريبي عرس تاني قال لي دبل قلت ليهو انا كان طلقت ما برجع قال لي عرس وقنب يحدثني عن الفونية وانك لامن تعرس تاني بتفتح فنية جديدة وحتي الفونية القديمة تعود زي الاول واصلا انت عندك اربعة خطوط انتاج وانت معطل كم خط وشغال بي واحد ورررر والله صحي قريبي دة مثقف وجامعي يا زول كم يوم قالوا ملاريا راقد اسبوع قام جات حساسية سافر الخرطوم عمل عملية ظنيت خطوط الانتاج دي خش فيها فار قرضها
04-12-2017, 11:37 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23222
وتقول بوست خادش للإستحياء ....... ------------------------------------- هو كدا يا ود الامير ..... على قولة جراب الحاوي لكن ود الضهبان الليام دي رايحة ليهو قلة حيا وانا كلمتو قلت ليهو دي علامات الخرف وبحاول معاهو ابعدو من وسائل التواصل والمنتديات عشان ما يقوم يجيب لينا رقبة
04-12-2017, 11:40 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
اسع الموضوع الاساسي حق البوست دا شنو ؟ عشان نتكلم في لب الموضوع هل هو ادانة الدعوة للتعدد او تأديها ام نطلق الكلام على عواهنو ساكت وزي ما تجي تجي نظام فضفضة وتفريغ شحنات وجدانية الموضوع شنو بالزبط زي ما بقول تنظير لصديق اللدود جرجير
04-12-2017, 12:00 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
صدقت يا بدر لكن حيأنا نحن ديل المعني الناس ديل فضحونا وخلونا في السهلة يعني المعني نحن ما عندنا القدرة الباءة وهم بحاول يشدعو فينا ونحن ماشين نتخرت فضيحتنا عالمية هسعتي الناس يقولو علينا شنو وجايبنها بالنسب المئوية ناسنا ديل خايف يطبقو فينا قرار البلد ديك معرس ؟ تعرس تاني يا خمسين سوط وشهرين سجن وخمسة مليون غرامة عشان عرست وعارف شدقا معلم علي الجضيم
04-12-2017, 11:55 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20440
ظنيتك يا ودالبوش بقيت ديماجوجي براغماتي انتهازي واعي كلامي دة عديل جبادة الناس ديل بالظبطي موجتهم براهو ماعايمين معانا في بحر واحد نحن عايمين في بحر محمر وعرقو يلاوي وفيهو شيمة وهم عايمينلهم في حوض سباحة موية زرقا وصافية وكابين فيهو معطر موية حمام وعطر
04-12-2017, 12:12 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
يا ود المشرف الغنية دي بغنوها لينا في الشتاء القارص المعني كمية الحرارة النوعية المتولدة داخلنا نتيجة لتأيض الوجبة الواحدة ما مكفيانا نتحمل الموية الصاقطة للحمام اها بدقو لينا الدلوكة ونحن نتنقز وشعرة جلدنا تكلب ونخش الحمام بروح قتالية عالية ملحوظة الطاقة الوضعية الحماسية مرات تخلينا نقلع هدومنا بس ثم تتبخر ونمرق ساي بدون حمام
04-12-2017, 12:17 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
لفت نظري احدهم انو في صحفية قالت في مقال حول نفس الموضوع اننا كرجال نفتقر للخصوبة نحمد الله مخصبين علا رجعت سألتو كدي افرز قالت خصوبة ولا فحولة حتي كمان جابت ليها نياصة غايتو انفضحنا فضيحة السواد واللواد يعني كيف نحن مخصبين وما شنو ديك اها يا ناس المجمع خمو و صرو جبتو لينا الكلام
04-12-2017, 12:25 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
أبو سن تحياتي دعوة الجماعة ديل أعتقد لمن يملك الإمكانات و القوة بأنواعها: من 100 لي 300 ىحصان. أما بالنسبة لي الناس التانين البعيدين عن الحساب بالأحصنة و غيره ....حقوا ما ياخدوا في خاطرهم ..لأنه الكلام ده ما بيخصهم. عشان كده بالله ياعبدالخفيظ ما تخرب على ناس 300 حصان...و مكنات الديزل و التيربو ... و العايز يعمل عمرة ..كمان يجرب ..مش تنضيف فونية بس. تحياتي لاصحاب القوة بكافة أنواعها من صفر لي 100 لي 300
04-12-2017, 12:47 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
ياالشايقى بالله لمن تبقوا..على الونسة الدقاقة دى..كلمونا..وراعوا..لفرق الزمن.. كلام مثنى وثلاث ده الخواجات ديل مابعرفوهوا لينا لكن انبقى فيها ونسة دقاقة نحن معاكم تب. كيفك ودابوسن. الناس ديل كل واحد عندو تلات فلل يخلوهن بى صمة خشمن كدى. ماياهم المعرسين فوقن. خلوا مشاكل البلد كلها..وواقعين فى العرس.
04-12-2017, 02:15 PM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
يا ود ابسن زكرتني ايام الجامعة والمواصلات كانت دفارات وصعبة شديد واقفين في موقف الكلاكلات وجنبي راجل خمسيني كدا وشكلو زهجااان الدفار جا والناس كلهم اتكبسو في الباب الا انا وعمك عمك عاين للمدافرة كدا وقال : هي كلها وقية سكر واحدة في الشهر ما عارفين زاتو ندافربها في المواصلات وللا ندافربها في البيت
يا سيدي لا تؤاخذ علماء الشيطان بما يهرفون ديل يا ابسن ابعد ما يكون من واقع الناس
حافظ على البطارية يا صاحب
04-12-2017, 03:17 PM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
عارف يا ود ابسن علماء السلطان ديل ماعندهم ضمان الواحد بفصل الفتوي علي مقاسه ويفكها في السوق تقوم انت تحاول تلبسها تلقاها يا ضيقة يا واسعة يا ماموضتك يعني اسه بتاع العجلة الدبل داك علاقتو شنو بفتوي تعدد الزوجات زي ده يفترض يشوفو ليه فتوي تحلل سرقة المال العام أو بالعدم تشارك الزوجة مع اطيب التحايا وأشحن البطاريات هههه
ولم يأمر بالتعـدد على سبيل الوجـوب ، وإنما رخّص فيه وقيَّـدَه .
* عن أنس بن مالك أنه قال : ألا أحدثكـم حـديثا سمعته مـن رسـول الله صلى الله عليه وسلم لا يحدثكم أحد بعدي سمعه منه ؟ : إن من أشراط الساعـة أن يُرفع العلم ، ويظهر الجهل ، ويفشو الزنا ويُشرب الخمـر ، ويذهب الرجال ، وتبقى النسـاء حتى يكون لخمسين امـرأة قيّم واحـد . رواه البخاري ومسلم .
* عن أبي هريرة رضي الله عنه قال : قـال رسـول الله صلى الله عليه وسلم : والذي نفسي بيده لا تذهب الدنيا حتى يأتي على الناس يوم لا يدري القاتل فيم قَتَل ، ولا المقتول فيـم قُتِل ، فقيل : كيـف يكـون ذلك ؟ قـال : الهـرج . القـاتل والمقتول في النار .
*قال الفيلسـوف الإنجليزي " سبنسر " في كتابه : أصول الاجتماع: " وإذا طرأت على الأمـة حـال اجتاحت رجالهـا بالحـروب ، ولم يكن لكل رجـل في الباقين إلا زوجـة واحـدة ، وبَقيَتْ نسـاء عديدات بلا أزواج ، ينتج عن ذلك نقص في عدد المواليد لا محالة ، ولا يكون عددهم مسـاوياً لعـدد الوفيات … وتكون النتيجـة أن الأمـة " الموحِّدة للزوجات " تفنى أمام الأمة المعددة للزوجات".
* اليس طائفة المورمون النصارى في الولايات المتحدة يعتقدون في تعدد الزوجات ومنهم من تزوج عشر نساء....
ويجيزون التعدد بين الأخوات --- وبين الأم وبنتها...
04-12-2017, 04:55 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
هههه يا معاوية الزبير حالتو كانت البطارية نازلة ! يعني لما يشحنا الساعة اتناشر ويجي دافر (علىّ شنو كدا زيما بقول علي دفع الله) يكاوش المنبر كلو .. اموت في العمل الحر وأي حاجة حرة .. الفتوى دي أصلا اللتم هم يا ود الزبير ما اللت افندية الشلاقة العلينا شنو؟. التحية لك وله ولزواره الكرام.
04-12-2017, 05:03 PM
حمد عبد الغفار عمر حمد عبد الغفار عمر
تاريخ التسجيل: 06-06-2008
مجموع المشاركات: 7662
تحياتي للجميع وكتر خيركم سأحاول ان ارد رد راتبا وعذرا مرحبا احمدونا وحبابك اندهشت جدا لقفزك نحو فهم لم يدر بخلد كل من شارك هنا وبل الامر مختلف جدا لا علاقة له بالدين ابدا هذا ان تغاضيت عن فهم البعض نحو هذه الآية والدخول فيه شائك انا اتحدث عن اوليات الناس كنا احوج من فتوتهم هذه ان يدعوا اولياء الامر للترفق بالناس في معاشهم ان يتحدثوا عن الفساد الذي يطفح من خلال تقرير المراجع العام ان يتحدثوا عن الشعارات التي خاضوا بها وادخلونا في نفق المسغبة والجوع والفقر شعارات استهلكت منا عمرنا ثم نكصوا عنها امريكا التي دنا عذابها كشعار ديني ثم صرنا مركزا للمخابرات في السودان اسرائيل التي نطلب ودها وكل حاكم غاش لرعيته مكذبا عليها في النار . تلك النار التي نتقيها نحن الفقراء بشق تمرة وهم يملكون القصور ثم لا ينفقونها بل يكنزونها ماذا لو دعت الهيئة الاثرياء لعمل مشاريع تستوعب الشباب العاطل بدلا من البذخ الذي نراه في ملبسهم ومسكنهم ومأكلهم الشباب احوج للزواج من المتزوجين اصلا . لسنا كفارا ولن نطلب صكا لبراءتنا من ذلك . فالدين لله وهو في القلب لا مطلع عليه غيره سبحانه وتعالي وحق الدين ان تحسن بنا الظن كما نحسنه فيك مع اكيد الود والاحترام
04-12-2017, 05:29 PM
ahmedona ahmedona
تاريخ التسجيل: 01-08-2013
مجموع المشاركات: 6562
سلام على صاحب البوست وضيوفه الكرام وفى ذلك يقول رسول الله صلى الله عليه وسلم فى حديث ما معناه ، العلماء أمناء الرسل ما لم يخالطوا سلطان ويدخلوا فى الدنيا فإذا خالطوا سلطان أو دخلوا فى الدنيا ابتعدوا عنهم .
صديق مهدى على
04-12-2017, 05:41 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
والله يا محمد عبدالله الحسين جارين جر الجر الجارينو ولا افضل الحصين ما جارنو مش بقولو ليك ان النمل تستطيع ان تحمل كم كدة ضعف وزنها والحشرة الفلانية تستطيع شنو كدة والنمر والفهد يستطيع ان يحمل فريسة ويطلع بيها الشدرة وهي ضعف كم كدة وزنو اها الترلات دي معظم الشعب جاريها .. وجاريها لفوق كمان .. لا كل لا مل يشيل فوق الدبر والدم علا ناسنا ديل التركة دي بدل يساعدونا فيها دايرين كمان يركبو ليها قطرة
04-12-2017, 05:46 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
هو يا الشايقي ما داير معاك ونسة دقاقة ولا دراشة جني وجن ونسة الدبل دي وبالذات جوة البيت هسع انا معلن اني موحد وبرضو معصور مع الجير انتو كمان بتنضمنو ياخ عندي خطابات وانا لسه ما شميت صناحي سمح كل يوم يزرزرو فيني تقول لي ونسة دقاق
04-12-2017, 05:50 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
يا منعم تلات فلل وين ياخ ديل ماخدين نص الارض . ما سمعت النكتة السموات السبعة والارضون الستة .. قال ليهو الاراضي سبعة قال ليهم السابعة شالوها الجماعة ديل هنا بيوتنا علي قدرنا لو جبت شاقع زيادة ولا العيال كبرت اللعب مجازفات والارض غير محددة ولا الزمن . تجيب لاعب جديد كيف بحكي لي واحد عمن لينا وساكن في الاشلاق قال لي البيت فرد اوضة . مرات نمرق الشارع بالليل في حديقة جمبنا تلقا خمسة ستة قدامك ومرات الشفع يمرقو المدرسة وانت تجي راجع . غايتو وليداتنا ديل جبناهم مجازفات تقول لي اوضة نوم . البيت كلو اوضة نوم
04-12-2017, 05:53 PM
وضاحة وضاحة
تاريخ التسجيل: 01-16-2005
مجموع المشاركات: 9116
ود اب سن سلامات كتااار عارف الطلاق بقى ظاهره عند السودانيين تستحق الدراسه والبحث وليس السبب الرئيسي المعايش فقط كما تفضلت الظاهره دي موجوده عند السودانيين في الخارج برضو خاصة في الخليج ويا ريت لو بتقيف على الطلاق الهو فراق بالحسنة ولكن ضرب وشرطة وجرجره في المحاكم غايتو فضائح تزكم الانف ويا ريت لو وسط الشباب بس لكن تلقى راجل ستيني بدون خجله يجرجر في المره في المحاكم وهو قبل كده كان عندو تجربة ومطلق والمرة بتكون بنت صغيره في عمر اولادو قدر يضحك على اهلها وعليها واستأمنوا عليها وظهر قدامن بادعاء الاخلاق والفضيله وهو في حقيقتو بكون لا اخلاق ولا فضيله والمسكينه بتكتشفو بعد فوات الاوان وهي في الغربه يجيها كل يوم سكران وسيرتو السيئه على كل لسان والنتيجه ضرب وشرطه ومحاكم وطلاق والقصص كثيره في الغربه عن النوعيه دي ربنا يحفظنا من النوعية دى
04-12-2017, 06:04 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
يعني يا الشغيل الطاقية دي ولا حقتنا درعناها ساي فوق راسنا نحن بنفهم كان يغمزو لينا الغمزة حقت اعمل نايم ديك هم اتصرفو زمان فعلا . وبقو يجددو تبع الموضة بالحساب الواحد يكون معرس عشرة نحن اياهو دربنا دة اعمي ومسكوهو عكاز زولك تموت بيهو ولو ظروفك اتصلحت تبني اوضة جديدة
04-12-2017, 06:05 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
يا حمد قالوا الراجل قال لي مرتو ربنا قال مثني وثلاث ورباع . ولازم اتبع كلام الله قالت ليهو ها الغبيان دة وانت قايل اتنين وتلاتة واربعة دي عروسات اها شنو قالت ليهو يعني ممكن تصل مرتك لحدي اربعة والمسكين صدقها لانو بصرف وقية سكر
04-12-2017, 06:36 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
ههههه بي الله المداخلة دبلت انا لو قمت صعب قول بركة الما ربعت يا صادق ما تقول لي حبة الكلوة بس ما تدقس التجارة بقت ما نزيهة تجارة البشر رخصت الكلوة وخلتها في التراب العملية كلها بتكلف 20000 دولار بي حق المستشفي والكلوة والفحوصات للمريض والمتبرع وكمان المستشفي بوفر ليك الكلوة
04-13-2017, 02:40 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
ههههه بي الله المداخلة دبلت انا لو قمت صعب قول بركة الما ربعت يا صادق ما تقول لي حبة الكلوة بس ما تدقس التجارة بقت ما نزيهة تجارة البشر رخصت الكلوة وخلتها في التراب العملية كلها بتكلف 20000 دولار بي حق المستشفي والكلوة والفحوصات للمريض والمتبرع وكمان المستشفي بوفر ليك الكلوة
04-13-2017, 02:49 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
قالوا خصوبتنا قلت ياربي تكون قاصدة تخصيب اليورانيوم طيب عرفت كيف العيب مننا دة لو صدقنا الفرضية حقتها المابتدعمها اي احصائيات . بس ساي كدة كيف عرفت العيب مننا . امكن من النسوان . داير المايقوما شغالة شغل نضيف الفيس شغال تهاني وتبريكات بي جابو لي جنا ولا البت دي عندها معلومات فاحشة كون انها صحفية وش اصلا ما برئ يعني تاني لو الواحد ما عمل فحص دي ان إي ما يضبج خروف السماية ولا كيف البت التي بلغت من العمر عتيا ولم تتزوج قالت عدم العرس وعرفناهو طيب عدم الولادة دة يكون من شنو ما بتكون عارفه الخصوبة
04-13-2017, 03:01 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
الاب عندو ولد صغير . يوميا بجي يقول ليهو تصبح علي خير الولد برد ليهو تصبح علي خير اها يوم قال للولد تصبح علي خير الشافع قال ليهو تصبح علي خير بابا ووداعا جدو استغرب سألو الشافع صغير مافهم كلام ابوهو زاتو تاني يوم جدو مات بعد كم زمن تصبح علي خير ووداعا خالتو بكرة خالتو ماتت الابو الفار لعب في عبو ياربي مالو الود دة يكون معجزة ولا صدفة المرة التالتة تصبح علي خير ووداعا عمو حسن بكرة حسن جارهم مات ابوهو بقا مركز معاهو . ويوميا بقا لازم يجيهو اها يوم قال ليهو وداعا بابا الابو اعصابو باظت الليل كلو صاحي غلبو النوم . قبل الناس يصحو طلع مشي الشغل وبالو مشغول الدوام انتهي ضرب للمرة بتأخر شوية عندنا جرد قال في نفسو نخلي اليوم يمشي لو الواطة ضلمت ولسة ما مت يكون كلام ساكت الواطة فللت وعمك حي فرح زي الولدوهو جديد دور مشي البيت . لاقا مرتي وبدون يشعر قال ليها الليلة عشت اسوأ يوم في حياتي قالت ليهو انت ولا انا .. دة اسوأ يوم مر علي . المدير بتاعي مات في نص الاجتماع
04-13-2017, 03:05 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالحفيظ ابوسن
حيدر حسن ميرغني
يحي قباني
ANWAR SAYED IBRAHIM
عبدالله ود البوش
بدر الدين الأمير
محمد حيدر المشرف
محمد عبد الله الحسين
أحمد الشايقي
Arif Nashed
عبد المنعم سيد احمد
اباذر عبد العال
حامد بدري
معاوية الزبير
عمر التاج
ahmedona
محمد على طه الملك
حمد عبد الغفار عمر
صديق مهدى على
وضاحة
فيس بوك
تويتر
انستقرام
يوتيوب
بنتيريست