|
|
|
 Re: عصيان يوم (19) من خلال مشاهداتي (Re: الهادي الشغيل)
|
| Quote: تمام يا مسلمي سنتابع معك وأنت عيننا التي ننظر بها من على البعد للشارع السوداني ويا ليت يكون توثيقك مصوراً مش زي المرة الفاتت كان كلام إنشائي .. متابعين |
الاخ الحبيب الهادي الشغيل سلام. ولعلك طيب وشاكر مرورك ومتابعتك وسوف انقل. الواقع الحقيقي لكم دون زيادة او نقصان وتكون شهادة والشاهد مؤتمن
-----
سوف أقوم بالتصوير لكن اخوك شغال بالتلفون يصعب علي إنزالها في المنبر
| |
 
|
|
|
|
|
|
|
|
Re: عصيان يوم (19) من خلال مشاهداتي (Re: محمد على طه الملك)
|
مافى شئ بيحدد إن كان العصيان ناجح أو فاشل من مجموعة صور هنا وهناك لأنو أى واحد بيصور النصف العاجبو من الكوب .. المحك الحقيقى هو الكهرباء والموية والإذاعة ..
إذا الكهرباء ما قطعت والموية شغالة معناها العصيان نص كُم ..
يللا يا مسلمى جيب لينا أخبار الكهرباء والموية ..
| |
|
|
|
|
|
|
|
|
Re: عصيان يوم (19) من خلال مشاهداتي (Re: محمد المسلمي)
|
| Quote: ممكن تفرز لينا المتحركين في الشوارع بسؤالهم إذا كانوا مواطنيين عاديين أم مؤتمر وطني .. لإنو سمعنا أنهم استنفروا ناسهم واجروا حافلات لكي يظهروا للعالم بأنه لا يوجد عضيان . |
مولانا محمد علي طه للملك سلام ولعلك طيب .٠٠كنت في عزاء خارج الخرطوم اَهلها بسطاء الكل يتحدث عن اعتصام غدا وأنهم لن يتحركوا من بيوتهم عشان خايفين من المشاكل .من ضمنهم طالب جامعي ذكر لي انه لن يذهب الي جامعته استطلعت كمية منهم وأكدوا انهم متابعين وعارفين الاعتصام بكرة وكمان هم في قمة التفاؤل ان الإنقاذ خلاص قربت 🏃🏃🏃🏃
| |
|
|
|
|
|
|
|
|
|
Re: عصيان يوم (19) من خلال مشاهداتي (Re: محمد المسلمي)
|
سلام حفيد ,, أبونا الشيخ إبراهيم الكباشى
أول بوست أدخله بعد غياب لأكثر من شهرين ,,, قلنا نتبرك بود شيخنا . .
كنت فى السودان بعد غيبه طويله ,,, سألت منك سؤال الضهبان أنت وحبيبنا حسين ملاسى
كم كنت أود أن ألتقيكما .
أرجو أن تنقل لنا بالصوت والصوره العصيان المدنى للشعب السودانى من داخل السودان .
يا ود شيخنا , لك ودى .
| |
|
|
|
|
|
|
|
|
|
Re: عصيان يوم (19) من خلال مشاهداتي (Re: ABDALLAH ABDALLAH)
|
سلام حفيد ,, أبونا الشيخ إبراهيم الكباشى
___________________________
عند الله و عندو!
محمد المسلمي دا ذاتو لسع فيهو بركة ونور جدودو ناس الحبر اب نايبا شبر! مرة مرة اهو بطلع منو نور رغم ضلام وهابيتو!
قلنا نسلم عليك و لك
التحايا يا وليد ود الشيخ! لكن كان برضو تتضامن مع المساكين الجائعين العاصين امر حاكم حرامي ظالم! تفتكر إنت أخلاق المهنة ما بتتطلب منك التضامن مع الشعب؟
| |
|
|
|
|
|
|
|
|
|
Re: عصيان يوم (19) من خلال مشاهداتي (Re: معاوية المدير)
|
السلام عليكم ياصحاب وشاكر مروركم
قمت صباح اليوم بجولة في شارع المدارس. بحري وعدد من المدارس. من الشارع الرئيسي طلاب قليلين عربات
ترحيل الطلاب اقل من. النصف لانوجد اي. زحمة يأتيك احساس. ان. اليوم. عطلة. رسمية ٠٠ الشوارع. من
بحري الي الخرطوم شبه. فاضية كانك في. عطلة عيد كبري. النيل. الأزرق. لاتوجد. به. اي. زحمة. شارع.
الصحافة. مع. طلمبةً الغالي. ( شارع ١٥) اقل من. الجمعة ٠٠شارع السوق
الشعبي. عربات قليلة المواطنين الذين كانوا يتجولون برجولهم قليلون جدا جدا
-------
ملاحظة عامة اغلب العربات في الشوارع اما عربات نقل ركاب ( حافلات وبصات الوالي)
عربات فارهة اما لموظفين في. الدولة او تجار٠حسب راي الشخصي الاعتصام حتي الان ناجح
| |
|
|
|
|
|
|
|
|
|
Re: عصيان يوم (19) من خلال مشاهداتي (Re: محمد المسلمي)
|
في. سوْال لأحد الأصدقاء الان ذكر انه تحرك من المنطقة الصناعية بحري وحتي الكلاكلة اللفة وصل في نصف ساعة
وكان مثل هذا المشوار في الطبيعي معه من كثرة السيارات يصل في ساعة ونصف ٠ سألته وهو ليس بسياسي مواطن
عادي السبب. شنو قال لي ان الجماعة قالوا. في إضراب 😂😂🏃
| |
|
|
|
|
|
|
|
|
|
Re: عصيان يوم (19) من خلال مشاهداتي (Re: محمد المسلمي)
|
حسب متابعتي للمسلمي فهو رجل صادق لا يجامل في مداخلاته بالبورد
------------------------------------------------------------------------
ثقتنا فيك هي مفتاح الاطمئنان علي ما تورده من معلومات
نقرأ لك و كلنا ثقه في صدقك ،،،،،،،،، رغم ظلام الوهابيه
سلام ود شيخي الكباشي خصيم السم
الزبير الختمي
| |
|
|
|
|
|
|
|
|
|
Re: عصيان يوم (19) من خلال مشاهداتي (Re: محمد المسلمي)
|
قابلت الان بعض الاخوان قادمون من ام درمان شارع الوادي الي السجانة
وصلوا حسب كلامهم في زمن قياسي وان الشارع من ام درمان وعبر الكبري
الي الخرطوم وحتي السجانة مافي اي زحمة وسألتهم الحاصل شنو في
البلد قالوا البلد فيها عصيان سألتهم اها ناجح ذكروا لي اي ناجح والنَّاس
في الشارع مافي
------
الساعة الان 12:30 ظهرا
ياعثمان كيف 😂😂😂😂
| |
|
|
|
|
|
|
|
|
|
Re: عصيان يوم (19) من خلال مشاهداتي (Re: محمد المسلمي)
|
*** الان الساعة 12 ظ طلعت انا من المعمورة بي شارع الستين حتى شارع النيل ومن هناك حتى القصر و الجمهورية
أثر الاعتصام واضح جدا في قلة الناس في الشارع وعدم وجود اي ازداحم مروري في كل المناطق الذكرتها ..
المحلات التجارية في شارع الجمهورية الشغالة أقل من 30% تقريبا . يوجد ازدحام كالايام العادية في منطقة جامعة الرباط ومستشفى الشرطة
عملت من كثير من الاصدقاء الذين اتصلت بهم بان المؤسسات الحكومية اصدرت قرارت صارمة منذ الامس وحذرت موظفيها من مغبة الاعتصام
عدد من مدراء المدارس بمختلف مستوياتها وجه الطلاب بضرورة الحضور وعدد آخر نصح الطلاب بالتزام البيوت لحين انجلاء الامر
وزارة التربية هددت اصحاب ومدراء المدارس بالذات الخاصة باغلاق المدارس المشاركة في الاعتصام واتخاذ اجراءات في مواجهتهم اقلها
عدم تجديد مزاولة النشاط العام القادم .
*** لدي مجموعة صور ما قادر انزلها لضعف خدمة الانترنت تضمنت عدد كبير من المحلات بشارع الجمهورية واخرى تعكس مستوى
حركة والناس و السيارات في شارع القصر و النيل و الجمهورية وامام جامعة الرباط .
*** لا وجود لمظهر عربات الشرطة منتشرة بصورة غير عادية وإن كنت على يقين بأن هناك العديد من الجهات الامنية بتكون منتشرة بالزي المدني .
....................سلام وتحايا وبعد اذنك يا المسلمي...........
| |
|
|
|
|
|
|
|
|
|
Re: عصيان يوم (19) من خلال مشاهداتي (Re: محمد على طه الملك)
|
أحيي الأخ محمد المسلمي تحية صدق على مهنيته العالية .. ومنذ الأمس وأنا أراقب هذا البوست .. وقد قلت أن محمد لا يستطيع أن يرضي
ود الباوقة ووائل وجماعتهم وقد اعتادوا تبادل صفة المجاهد مع مسلمي ، لكنهم لم يجودوا بها عليه اليوم ... ويرضي في نفس الوقت أهل المعارضة ولكثرتهم أذكر محمد الملك والدسيس
من الذين تداخلوا هنا ، لذا فهو لن يجافي الحقيقة ..
المشكلة أن المسلمي كان يعده بعض الناس عدوا ، وبعضهم يعده مقربا .. ويعضهم يتهمه بالعمالة .. ولكن كل هذه المجموعات تقف ضد المسلمي إذا لم يصادف قوله هواها
فاليوم المسلمي مقرب من أهل العصيان ، وعدو لل ( المجاهدين ) .. والغريب أن الزبير الختمي أيضا يهلل لمحمد المسلمي لأنه تحدث عن نجاح العصيان ، بالرغم من أن جماعة السيد
يعادون العصيان وقد تحدث ممثلهم أحمد علي ابةبكر في احتفال البرلمان ، وأشاد بالرئيس حتى كاد يقول لنا اتركوه يحكمكم باقي عمركم وتناسوا حتى الحوار ..
وللفائدة فإن هذا الوضع عام في هذا المنبر ، يعادونك لأتفه الأسباب ويحبونك لأتفهها أيضا .. وهكذا نحن ، إما عداء محكم أو موالاة محكمة .. لا أعلم كيف تمددت فينا فكرة الزواج الكاثوليكي ..
بالمناسبة أنا في الخرطوم لكني لم أخرج من منزلي لآتيكم بنبأ ..
| |
|
|
|
|
|
|
|
|
|
Re: عصيان يوم (19) من خلال مشاهداتي (Re: محمد فاروق عبدالله)
|
المشكلة أن المسلمي كان يعده بعض الناس عدوا ، وبعضهم يعده مقربا .. ويعضهم يتهمه بالعمالة ..
----------------------------
سلام صديقي ودقاسم
وانا كنت منهم .. بكل اسف
ولكن قلبي كان يحدثني انه ليس كذلك
التقيته قبل سنوات في منزله العامر ووجدت نعم الرجل .
انسان خلوق ومهذب واكرمني ايما كرم ووجدت نفسي في منزلي وبين اهلي
ولا زلت اذكر تفاصيل منزله العامر بدقة وابناء اسرته الذين تحلقوا حولي في وجبة الغداء
وحين دخلت هذا البوست كنت على يقين بانه سيكون صادقا في كل كلمة يقولها ..
| |
|
|
|
|
|
|
|
|
|
Re: عصيان يوم (19) من خلال مشاهداتي (Re: ادم شحوتاي)
|
Quote:
ود الباوقة ووائل وجماعتهم وقد اعتادوا تبادل صفة المجاهد مع مسلمي ، لكنهم لم يجودوا بها عليه اليوم ... ويرضي في نفس الوقت أهل المعارضة ولكثرتهم أذكر محمد الملك والدسيس .
|
ود قاسم سلام يا حبيبنا
اهلنا الصوفيه اجبروك بالاحترام
بغض النظر عن موقف المسلمي من العصيان
المسلمي رجل محتترم وكفاية شهادة خالد عبيد
لو قلبته البورد دا من اولو لي اخرو ما بتلقي لي مداخله شينه او مخاشنه مع المسلمي
المسلمي راجل عينو ملانه ما بشبه الكيزان الارزقيه الهنا ووجهة نظرو بقولها لو ضد المعارضة او معها بصدق
والحكومة بتجري بوراء اولاد الكباشي وجميع الصوفية للكسب السياسي
لاحظ لنهايات حكومة البشير التاريخ يعيد نفسو ايام نميري الاخيرة فقد الدعم من الشعب اتلصق في الصوفيه وعمل درويش برضو ما بحل البشير
تحياتي وتقديري
| |
|
|
|
|
|
|
|
|
|
Re: عصيان يوم (19) من خلال مشاهداتي (Re: عباس الدسيس)
|
سلام يا اخوان مرة اخري الان الساعة 30:4المكان شارع الحرية الكبري الطائر الجديد في الأيام السابقة يكون من أوله حتي
كبري شارع الحرية القديم ولو بإسعاف ماتقدر تطلع الان الاتجاه نحو وسط الخرطوم يكون أمامك عشرة سيارات وقطعت
المسافة كلها داخل شارع الحرية مع الزحمة حقت المواطن برجوله كان اليوم جمعة
----
انا اكتب الذي أراه بعيني وانا من معتادي هذا الطريق
| |
|
|
|
|
|
|
|
|
|
Re: عصيان يوم (19) من خلال مشاهداتي (Re: muntasir)
|
يا مسلمي ياخ ما تاخد لينا معاك الأرشيدوق ده سحبة في الكباري دي ياخ الليلة فات عبادي في كمية البوستات
----------------
ههههههههههههه
والله يا منتصر الليلة الأرشيدوق قلب الهوبة عدييييل
---------------
تحياتي يا مسلمي
وشكراً على النقل بمهنية عالية وصادقة
وشكراً لجنابو برضو ما قصر نقل ما رآه بصدق
دون مواربة
تحياتي للجميع
| |
|
|
|
|
|
|
| |
محمد المسلمي
محمد على طه الملك
حماد الطاهر عبدالله
Munir
محمد فاروق عبدالله
ABDALLAH ABDALLAH
Omer Abdalla Omer
معاوية المدير
عبداللطيف خليل محمد على
خالد العبيد
MOHAMMED ELSHEIKH
جمال الباقر
aosman
أيمن محمود
Abdalla Hussein
عباس الدسيس
doma
ادم شحوتاي
الزبير بشير
زهير عثمان حمد
محمد البشرى الخضر
محمد إبراهيم علي
الطيب عثمان يوسف
بدرالدين بابكر مصطفى
ودقاسم
عمر التاج
ياسر منصور عثمان
elhilayla
فيصل محمد خليل
Nasr
فيس بوك
تويتر
انستقرام
يوتيوب
بنتيريست