|
|
|
 Re: عاد اللي يعجّز في بلاده .. غير اللي يعجز ضي (Re: Yasir Elsharif)
|
Quote: سلامات يا يحيى
والحالة أنو يامنة قاصدة بضيف لوجود عبد الرحمن في القاهرة، او في مصر، بدل الصعيد. مش في بلاد تموت من البرد حيتانها كما قال رائد موسم الهجرة الى الشمال.
ياسر |
سلامات يا دكتور ...
قال لي صديقي جعفر حمزة جعفر في تسعينيات القرن الماضي و كان وقتها مقيماً في سياتل في غرب أمريكا ...
قال لي أحيانا استيقظ مفزوعاً و أقول لو جاءني اتصال الان ان امي مريضة ...
كيف و متى اصل اليها ؟ و انا في آخر بلاد الدنيا ...
| |
  
|
|
|
|
|
|
|
|
Re: عاد اللي يعجّز في بلاده .. غير اللي يعجز ضي (Re: بله محمد الفاضل)
|
Quote: كل يوم يا قباني
وهو يمر بشكل أسرع منه في البلاد
تحس كأنك كبرت سنة كاملة دفعة واحدة
الغربة موات مخادع |
في يوم من الأيام قبل سنوات ... قلت لأحد أصدقائي يا بلة ...
اتعرف كيف يموت البشر أكثر من مرة ؟
فنحن متنا حينما غادرناها ... و كان الامل يحدونا بالرجوع في البدايات ...
ثم متنا مرة أخرى ... حينما تلاشى الأمل بالعودة و بات الوطن بعيداً مسلوباً ...
و سنموت مرة ثالثة ... موت البشر الحتمي ...
فأين العدل ؟
| |
|
|
|
|
|
|
|
|
|
Re: عاد اللي يعجّز في بلاده .. غير اللي يعجز ضي (Re: عبدالحفيظ ابوسن)
|
Quote: اقول ليك ببساطة
في السودان ما بقنعو من كهل ولو مشلول
بل تغمره مشاعر الحب من كل جانب |
تحياتي يا صديقي ...
اختلفوا فيها الأئمة دي يا صاحب ...
ما في شك في بلادنا الكهل و المشلول تغمره مشاعر الحب من كل جانب ...ط
و لكنه يترك كعضو غير فاعل في المجتمع ...
و تتحول مشاعر الحب الى شفقة تلقائياً ... و هي من أسواء ما يمكن ان يشعر به الكهل او المشلول ...
رغم ما نعرف عن ديار المسنين و التي تختلف حسب الإمكانيات ...
لكن الشخص الكهل و المشلول له دور في المجتمع ...
الطفل المعوق كذلك ...
يعمل الكبار و المعوقين و لا احد ينقص من قدراتهم ...
المعادلة محيرة يا حبيب ... الله يرفع القدم بس ...
| |
|
|
|
|
|
|
|
|
|
Re: عاد اللي يعجّز في بلاده .. غير اللي يعجز ضي (Re: عبد العزيز محمد عمر)
|
هل تاني من عودة وهل باقي لينا امل ؟
يا قباني دائما بتضرب في الوتر الحساس ليه ياخي نحن الفينا مكفينا هسة الواحد يبدا يدندن بي :: اجيكم وماني غاير اريت رزقا يغرب سيدو طاير يشيلني الشوق ... وامكن تشيلو الهاشمية ويقرر يرجع للموت الممرحل ,,, اها عاد ده كلامي يا خوي ...
تحياتي : ياسر العيلفون .....
| |
|
|
|
|
|
|
|
|
|
Re: عاد اللي يعجّز في بلاده .. غير اللي يعجز ضي (Re: ياسر السر)
|
Quote: هل تاني من عودة وهل باقي لينا امل ؟
يا قباني دائما بتضرب في الوتر الحساس ليه ياخي نحن الفينا مكفينا هسة الواحد يبدا يدندن بي :: اجيكم وماني غاير اريت رزقا يغرب سيدو طاير يشيلني الشوق ... وامكن تشيلو الهاشمية ويقرر يرجع للموت الممرحل ,,, اها عاد ده كلامي يا خوي ...
|
الوتر ذاتو فتر يا ود العيلفون يا فنان ...
ننقر فوقو سنين لامن عدم العافية ...
ننقر فوقه من زمن كنا لامن نمرض نبقى بعدها كويسين ...
| |
|
|
|
|
|
|
|
|
|
Re: عاد اللي يعجّز في بلاده .. غير اللي يعجز ضي (Re: عبد العزيز محمد عمر)
|
للصديق يحيى و ضيوفه أغلى التحايا
اما انا فأتزود بما قال الحلنقى فى رائعته أماسى الغربة و التى تغنى بها الراحل وردى:
مهما طال يا شوق غيابنا و ليل دموعنا
برضه راجعين للديار الحلوة تفرح برجوعنا
يفرشوا الحبان رموشم فوق دروبنا
و الأماسى الضائعه بتعود برجوعنا
خليكم متفائلين شوية يا شباب ..
| |
|
|
|
|
|
|
|
|
|
Re: عاد اللي يعجّز في بلاده .. غير اللي يعجز ضي (Re: د.محمد بابكر)
|
Quote: للصديق يحيى و ضيوفه أغلى التحايا
اما انا فأتزود بما قال الحلنقى فى رائعته أماسى الغربة و التى تغنى بها الراحل وردى:
مهما طال يا شوق غيابنا و ليل دموعنا
برضه راجعين للديار الحلوة تفرح برجوعنا
يفرشوا الحبان رموشم فوق دروبنا
و الأماسى الضائعه بتعود برجوعنا
خليكم متفائلين شوية يا شباب .. |
و الله متفائلين و لكن اشتعل الشعر شيبا يا دكتور ...
و الدقن كمان ...
باقي الحواجب و نسلم الأمانة بعد داك ... :)
اماسي الغربة لمحمد الحسن دكتور رحمه الله فعلا يا د. محمد ... اعتقد القصيدة الوحيدة الغناها ليهو وردي ...
| |
|
|
|
|
|
|
|
|
|
Re: ؟؟؟؟ ؟؟؟؟ ؟؟؟؟؟؟؟؟ ؟؟؟ ؟؟؟؟؟؟ ؟؟ ؟؟؟؟ (؟؟� (Re: Hani Arabi Mohamed)
|
المشكلة مشكلتنا نحن في أرض الخليج
أنتم هناك عليكم أن تقنعوا أنفسكم بالعيش إلى الأبد في الوطن الجديد الذي منحكم جنسيته
فهو وطن أبنائكم.. وُلِدوا وترعرعوا فيه، ولو غادروه لغلبهم إليه الحنين
الوطن ذكريات
أولادكم ذكرياتهم في هذه الأرض الجديدة، لا ذكريات لهم في وطن أجدادهم
لا أصدقاء طفولة لا رفاق صبا لا زملاء دراسة
كلو هنا
هنا غربتك أنت، وهنا وطنهم هم
فااا شنو ..
احجزلك دار رعاية تضمك عند عجزك (بعد عمر طويل)
حيث ستقضي أوقاتك تهش الذباب
وأنت تقشر ما تبقى من برتقالات العمر
| |
|
|
|
|
|
|
|
|
|
Re: ؟؟؟؟ ؟؟؟؟ ؟؟؟؟؟؟؟؟ ؟؟؟ ؟؟؟؟؟؟ ؟؟ ؟؟؟؟ (؟؟� (Re: Hani Arabi Mohamed)
|
يا سلام عليك يا دكتور محمد بابكر، الله يبارك فيك وفي حياتك وعمرك، فقد أهديتني سعادة هذا اليوم.. ويا سلام على التفاؤل ويا سلام على سودانيز أونلاين الذي سمح بكل هذا الألق.. تتبارك يا بكري
وكما قال الشاعر نزار قباني: "الحب في الأرض بعض من تخيلنا.. لو لم نجده عليها لاخترعناه"
لكن ما أفتكر الأغنية من كلمات الشاغر الحلنقي:
كلمات الشاعر الراحل / محمد الحسن دكتور
الحان وغناء الفنان الراحل / محمد وردي
يا أماسي الغربة فد يوم فرحينا
شيلي دمعات الأسى وما توجِّعينا
نحن راجين من زمن طيفم يجينا
من رقيشات النجوم للقمرة ولينا
من نسيماتم تهبهب عشان تجينا
من وتر طمبور حنين زي حنينا
يا أماسي الغربة كم في الغربة بالآهات نقاسي
ياما وصينا الغيوم الراحلة لديارم تماسي
ياما وصينا المسافرين أكان يلاقوا عيون مراسي
في الهجير يمكن تلاقيهم ضفيراتم شماسي
يا أماسي الغربة شيلي جرتق عديلنا
لتراب بلدي وسواقيها ونخيلنا
للجزاير الفاصلة نيلنا وواصفة خيرنا
للحليوة الفي العيون كانت تلولينا وتشيلنا
ومهما طال يا شوق غيابنا وليل دموعنا
برضو راجعين للديار الحلوة تفرح برجوعنا
يفرشوا الحبان رموشم فوق دروبنا
والأماسي الحلوة بتعود برجوعنا
يا أماسي الغربة فد يوم فرحينا
شيلي دمعات الأسى وما توجعينا
| |
|
|
|
|
|
|
|
|
|
Re: ؟؟؟؟ ؟؟؟؟ ؟؟؟؟؟؟؟؟ ؟؟؟ ؟؟؟؟؟؟ ؟؟ ؟؟؟؟ (؟؟� (Re: ملهم كردفان)
|
غريب والغربه اقسى نضال
كان لنا زميل هندي مهندس شبكات
فجأة وبدون اي مقدمات قدم استقالته وهو في اوجه الوظيفي
سألته لماذا يا سمير الاستقالة ؟
فرد هنا موت يجي سُرعة
هنا ايام الاسبوع احد خميس جمعه
وعندما نظرت الى كلامه وجدت ان الروتين في الغربه يجعل الايام متشابهه فلا تحس بفرق بينها
لذا تمر سريعاً دون ان نحس فيها او نستمتع فيها وتكون ايام ميته اصلاً
ربنا يعين ويصلح الحال في الوطن
تحياتي يحيى
| |
|
|
|
|
|
|
|
|
|
Re: ؟؟؟؟ ؟؟؟؟ ؟؟؟؟؟؟؟؟ ؟؟؟ ؟؟؟؟؟؟ ؟؟ ؟؟؟؟ (؟؟� (Re: نصر الدين عثمان)
|
التحيات النواضر
لود قباني صاحب البوست والضيوف
...وتحية خاصة للمسنوح ود ابو سن الذي لخص
قيمة السودان ومحاسن السودان وعظمة السودان
وطيبة اهل السودان وشهامة اهل السودان في هذه
الجملة المعبرة....وعليكم الله اقروها ثاني::"
في السودان ما بقنعوا من كهل ولو مشلول ..بل تغمره
مشاعر الحب من كل جانب""
يا اخوانا هل في سبب اعظم من هذا السبب يخليكم ترجعوا
للسودان حيث تغمركم مشاعر الحب من كل جانب!!!"".
والله با ود ابو سن...هنا الكهول..ولو كانوا بصحة جيدة مصيرهم
بيوت العجزة والوحدة القاتلة حتى ياتيهم الموت ولا يتذكرهم احد..
...ياخي حتى شخاليب الدوم في السودان سمح...
هل سمعت ود بادي قال لامه شنو لمن رسلت ليه جواب..
بت الخير وصل جوابك الرسلتيه للولد الحتالي
وكان الظن ترسل ليه هين هينين من البركاوي داك الطعمه حالي
ولو بالقل شخاليب دوم وهنا والله ني ومسيخ وغالي..
..ودمتم بالف خير وصحة وعافية
| |
|
|
|
|
|
|
|
|
|
Re: ؟؟؟؟ ؟؟؟؟ ؟؟؟؟؟؟؟؟ ؟؟؟ ؟؟؟؟؟؟ ؟؟ ؟؟؟؟ (؟؟� (Re: عبد الباقي الجيلي)
|
مشكور الاخ يحي والاخوات والاخوة الكرام .......
الانسان في غربته الكبري يوم أنزل من عالم الملكوت الي عالم الملك ....... منذ هبوط أبونا آدم وامنا حواء بسبب شجرة الخلد والملك الذي لا يغني .....( ابوكم آدم سن المعاصي وعلمكم مغادرة الجنان ) ....منذ اللحظة السحيقة الآماد تلك والانسان يكابد للرجوع الي عالم ملكوته المفقود. .... تلك هي الهجرة الكبري التي نواجهها. ... ومحنتنا الأولي ومهمتنا الاهم .... وبتوفيق الله فالكل راجعون (يا ايها الانسان انك كادح الي ربك كدحآ فملاقيه ) ...وهي مهمة الانسان في حياته وبرزخه وبعثه ... وتهون معها كل هجرة وكل بعاد ...... هجراتنا في الأمكنة هي فروع من هجرتنا الأولي ....وهي ليست إلا وسيلة من وسائل نتوسلها وطريق من طرق نطرقها ونحن نشمر ونكفكف في سيرنا الصاعد الي مقامنا الاول ..... مقام الملكوت ومقام الخلافة الموهوبة.......
| |
|
|
|
|
|
|
|
|
|
وقطار العمر يمضي (Re: عبد الرحمن عبد المجيد طه)
|
معليش قباني
لقيت واحد غير العنوان بي علامات استفهام . فعدلته ولم اتذكر عنوانك والا امرق حتي اعرف العنوان
تسلمي بسمات
تعرفي يا مسنوحة ليس افضل من احساسنا بالحب دافعا للحياة والصمود
| |
|
|
|
|
|
|
|
|
|
Re: وقطار العمر يمضي (Re: الأمين عبد الرحمن عيسى)
|
انعن ديشك
أبيت في غربة لا النفـس راضية بها
* * *
,و لا الملتقى من شيعتي كثبُ
فلا رفيق تسـر النفـس طلعته
* * *
و لا صديق يـرى ما بي فيكتئبُ
و من عجائب ما لقيت من زمني
* * *
أني مُنيـت بخطبٍ أمره عجبُ
لم أقترف زلة تقضي عـلي بما
* * *
أصبحت فيه ،فماذا الويل و الحَرَبُ؟
فهل دفاعي عن ديني و عن وطني
* * *
ذنب أدان به ظُـلمًا و أغتربُ؟
| |
|
|
|
|
|
|
|
|
|
Re: وقطار العمر يمضي (Re: د.محمد حسن)
|
عجزت يا يحي ؟
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان ؟
بتدارى ايه ؟
ايه باقى تانى علشان تبقى عليه ؟
وطنك ؟ متباع
سرك ؟ متذاع
الدنيا حويطة وانت بتاع
| |
|
|
|
|
|
|
| |
يحي قباني
Yasir Elsharif
بله محمد الفاضل
عبد الباقي الجيلي
ياسر منصور عثمان
عبدالحفيظ ابوسن
ياسر السر
د.محمد بابكر
Hatim Alhwary
طارق عبد الله
Hani Arabi Mohamed
معاوية الزبير
ملهم كردفان
علي محمد الفكي
نصر الدين عثمان
Mustafa Mahmoud
الأمين عبد الرحمن عيسى
د.محمد حسن
Ahmed Yassin
Hassan Farah
فيس بوك
تويتر
انستقرام
يوتيوب
بنتيريست