|
Re: طلبة جامعة الخرطوم تتظاهر الآن .. والاصوات (Re: مني عمسيب)
|
سلام بت عمسيب
تنظيم عصيان مدني او مظاهرات تكون محصلتها سقوط نظام الغنقاذ ليس بالسهولة والعفوية التي تحدث الآن، هو عمل يحتاج لمجهود كبير، ويحتاج في المقام الأول للمال للتجهير والدعم ويبدو أن التنظيمات السياسية تقف بعيد عن ذلك، فما عدا قيادات حزب المؤتمر السوداني لم نرى قيادات نزلت الشارع لتقود تلك المظاهرات. وحتى قيادات المؤتمر السوداني تم اعتقالهم منذ البداية. لذلك أتوقع ألا يستجيب معظم الناس لهذه المظاهرات ويراقبونها من بعيد.
| |
|
|
|
|
|
|
Re: طلبة جامعة الخرطوم تتظاهر الآن .. والاصوات (Re: الصادق اسماعيل)
|
مرحب الصادق ..
فما عدا قيادات حزب المؤتمر السوداني لم نرى قيادات نزلت الشارع لتقود تلك المظاهرات وتم اعتقالها وباقي القيادات برضو لو ظهرت في الوقت دا بالتحديد حا يتم اعتقالها برضو فعشان كدا خليهم مايظهروا ويعملوا في السر لانه الناس محتاجة لي توجهاتهم اكتر من ظهورهم الوقت الحالي . اها تم اعتقال كل قيادات المؤتمر السوداني لانه كان شغال في العلن انت رأيك شنو ؟
اسمع منك .
| |
|
|
|
|
|
|
Re: طلبة جامعة الخرطوم تتظاهر الآن .. والاصوات (Re: مني عمسيب)
|
عندي اقتراح للكيزان يا استاذة مني وهو قتل كل الشعب السوداني عشان يرتاحوا من دوشة الراس و المظاهرات والاضرابات و دعم التعليم و الصحة وخلافو من كلام فارغ كتير
في الجك عايز اسالك يا استاذة انتي الدعم ده بيدفعهو من جيوبهم خزائن اهلهم الخاصة ؟ ده طبعا لو كان في دعم اساسا
| |
|
|
|
|
|
|
Re: طلبة جامعة الخرطوم تتظاهر الآن .. والاصوات (Re: الفاتح علي التوم)
|
صدقا يالصادق هذا النظام أضعف مماتتصورون ومما يتوهمون خاصة في هذه الايام التي لايجد له سند سوى اللصوص ولا يحميه الا حفنة من صعاليق الامن مظاهرة بسيطة في هذا الجو الملغوم بالكراهية من الممكن ان تتحول الى شرارة كبيرة تحرق النظام في ساعات التحية للطلاب مفجري الثورات والتحيةة لك اخ جادات ولكل المرور الاحرار
| |
|
|
|
|
|
|
Re: طلبة جامعة الخرطوم تتظاهر الآن .. والاصوات (Re: عمر التاج)
|
الرأي بتاعي إنه كل القيادات تنزل الشارع ويعتقلوها وتنزل قيادات الصف التاني ويعتقولها وهكذا، ويفكوهم يرجعوا تاني يرابطو في الشارع، ساعتها الناس كلها حتطلع. لكن وهم إنهم بيقودوا وموضوع حمايتهم دا ما عندو معنى. والناس البرة ديل يكون عندهم الاستعداد لدفع الأموال عشان اسر المعتقاين ديل يقدروا يمشوا امورهم بدل الاحلام الزلوطية بتاعة الانترنت. أنا اشتغلت في جمع القروش لهبة سبتمبر، الناس البتتفاصح في الفيسبوك والانترنت لمن قلت ليهم رسلوا قروش، بدوا يقولوا الضمان شنو انها تصل وحتمشي لمن وكلام ما عندو معنى.
هسع البشوف فيهو دا اتكرر في المنبر دا دلشيون مرة وما في جديد بوستات تبشر بالمظاهرات وسقوط النظام وبكرة الحالة في حالها.
أها دي وجهة نظري وأنا جربت التظاهر وتوزيع البيانات واقامة الاركان في الشوارع وفي جامعة الخرطوم مشيت كسرت حظر منع أركان النقاش واقمت ركن محضور مشيت شلت سلاح وكلو.
لكن من غير انه القيارات دي تطلع كلها للشارع وتقيف والناس البرة دي تقطع وتتدين واي زول يدفع ليهو 100 دولار على الاقل المظاهرات النحنا شايفينها دي حدها قريب وربنا يستر ما يقتلوا لينا ناس تاني.
| |
|
|
|
|
|
|
Re: طلبة جامعة الخرطوم تتظاهر الآن .. والاصوات (Re: مني عمسيب)
|
الصادق الحرامي المشاطة - المظاهرات قامت ودفروك جيت جاري تلهث يا اجرب الكيزان - انت حرامي وغواصة يثقو فيك كيف ويدوك قروش - واشمعني جمعك للقروش ما اعلنت عنه هنا في المنبر - وطبعا انت كان قصدك تكشف الناشطين للامن بحجة دعهم ماديا يا خبيث - انت هربت من الميدان بعد سجن رفقاء السلاح تحت الارض وتعذيبهم .. وين اموال قوات التحالف يا حرامي ؟ - وعندما لاحقناك بالسؤال هربت من الاجابة ليه ؟ وبعد كثر عليك الضغط كذبت وقلت انك لم تكن مسئول عن اموال التحالف.. والاثبات موجود - تعال دافع عن نفسك في هذا البوست : Re: غواصات المنبر كذبكم كتر فلابد من التوثيق .Re: غواصات المنبر كذبكم كتر فلابد من التوثيق .
Quote: الرأي بتاعي إنه كل القيادات تنزل الشارع ويعتقلوها وتنزل قيادات الصف التاني ويعتقولها وهكذا، ويفكوهم يرجعوا تاني يرابطو في الشارع، ساعتها الناس كلها حتطلع. لكن وهم إنهم بيقودوا وموضوع حمايتهم دا ما عندو معنى. والناس البرة ديل يكون عندهم الاستعداد لدفع الأموال عشان اسر المعتقاين ديل يقدروا يمشوا امورهم بدل الاحلام الزلوطية بتاعة الانترنت. أنا اشتغلت في جمع القروش لهبة سبتمبر، الناس البتتفاصح في الفيسبوك والانترنت لمن قلت ليهم رسلوا قروش، بدوا يقولوا الضمان شنو انها تصل وحتمشي لمن وكلام ما عندو معنى.
هسع البشوف فيهو دا اتكرر في المنبر دا دلشيون مرة وما في جديد بوستات تبشر بالمظاهرات وسقوط النظام وبكرة الحالة في حالها.
أها دي وجهة نظري وأنا جربت التظاهر وتوزيع البيانات واقامة الاركان في الشوارع وفي جامعة الخرطوم مشيت كسرت حظر منع أركان النقاش واقمت ركن محضور مشيت شلت سلاح وكلو.
لكن من غير انه القيارات دي تطلع كلها للشارع وتقيف والناس البرة دي تقطع وتتدين واي زول يدفع ليهو 100 دولار على الاقل المظاهرات النحنا شايفينها دي حدها قريب وربنا يستر ما يقتلوا لينا ناس تاني. [quote/]
| |
|
|
|
|
|
|
| |