ساكنات جنبنا كديستين واحدة بيضا والتانية زرقا البيضا من تشوفني تجري مني .... ما عرفت السبب وما ركزت معاها كتير خليتها في حالها تجري كلما اطلع والتانية الزرقاء لو طلعت من البيت ولو جيت راجع للبيت تجيني جري تحت كرعي حبيتنا وحبتني وتوطدت علاقتنا وبقينا اصحاب وبما اني اصبحت في مرحلة من العمر بحب الكلام الكتير وعندي تجارب كتيرة عبر اكثر من نصف قرن من الزمان عايز افرغ المعلومات الضخمة دي في اي اضان حتى لو كانت اضان كديسة بقيت اتكلم مع صاحبتي الكديسة دي طوالي كلما التقينا واحكي ليها المشوار الكنت فيهو واحس بها تفهم كلامي توطدت علاقتنا لدرجة اني اتلفت يمين يسار عندما اطلع ولم اجدها بجواري وغالبا لحظات وتظهر وتجي جارية تتمغا وكمان الايام دي اتلمت ليها حركات عجيبة بعد تتمغا ترفس رفسات متتالية بكل رجل من رجولها البارح بالليل مشيت احلق وانا طالع جات جارية قلت ليها انا ماش احلق سمح ؟ قالت لي خلاص سمح لكن تعال سريع مشتاقة ليك هكذا فهمتها وفي اثناء الحلاقة كنت بفكر فيها كيف ستستقلبني وانا حالق كري هل ستقول لي نعيما ول كيف يكون شعورها حلقت ولبست طاقيتي واديتها برمتين تلاتة وعاين في المراية وقلت سنة يا الكديسة هذه المرة كنت اكثر شوقا اليها نزلت من العربية وكنت اتوقع حضورهت شوقا واشتياقا اتلفت يمين يسار ما شفتها انزعجت وبدت تنتابني احاسيس غريبة ومزعجة اين كديستي الحبيبة خشيت ان اصابها مكروه مرت اكثر من خمس دقائق ولم تظهر كالمعتاد سترك يا رب اين كديستي الحبيبة وبدأت رحلة البحث عنها . . نتابع
02-27-2017, 08:50 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
الحيوانات دي عالم عجيب وخاصة الكدايس واي واحد من اصدقائي لو زارني في البيت ح اوريهو صاحبتي الكديسة دي ويعرف حركاتها العجيبة دي وايضا كذلك الكديسة التانية الما صاحبتي وكيف تهرب مني ؟
02-27-2017, 08:55 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
دي مرحلة متقدمة يا عمك --------------------------------- كان مكضبني في زيارتكم القادمة بوريك ليها وامكن الكديسة البيضا تعشقك . . عاين لي جاي عمرنا دا اكتشفت فيهو متعة عجيبة جدا وهي الارتباط اكثر بالحيوانات لانها بتسمع الكلام . . موش لاحظت ات ذاتك كلامك بقى كتير ومافي زول بهببو ليك ؟ . اسامة العريفي مرحبا بك في هذا العالم الجميل محاسن ونسيني
02-27-2017, 09:03 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
دخلت البيت ولافي زول واحد قال لي نعيما قلت في سري لو كانت كديستي كانت هنأتني بهذه الحلاقة الجميلة والان سوف اخرج ابحث عنها اينما كانت ... هكذا كنت اكلم نفسي
كدايسك دي ذكرتني بنتي رزان لمن كانت صغيرة عندنا جارنا دكتور بحب اتونس معاها قام سالها انتي بتعرفي كم لغة قامت قالت ليه انا بعرف سبعة لغات اللغة العربية واللغة الانجليزيه واللغة الفرنسيه .... ولغة الكدايس قام قال ليها لغة الكدايس شنو كمان كويس " نجاو" معناها شنو قامت ردت ليه معناها تعال جاي .... الخليك مع كدايسك
02-27-2017, 09:15 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
ابو الدر يا جميل الحكاية دي ليس نسجا من خيال كما يبدو للبعض ولكنه واقع معاش وفيهو تشابك روحي غريب حاولت ان اكتشف غموضه ولكنه يبدو غامضا اكثر . . عشت وسط السعية وعرفت عنها الكثير لانها اكثر وضوحا والصدمة البحتة جعلت هذه الكديسة امامي واصلا ما خسران حاجة بحاول استكشف منها حاجة . . خليك متابع
طبعاً ما بتمها عشان ود اب سن ما يجي يقولي قديمة ----------------------------------------------- هيثم غالي يا جميل حكايتي دي لا قصة ولا نكتة ولا نسجا من الخيال بل حكاية عشق حقيقية ولكني اخشى ان تنتهي نهاية مأساوية لحدي بكرة بتظهر المشاعر الحقيقية . . لكن نكتتك سمعت بيها وكان لايمنع ان تحكيها علها تضع بسمة في وجه مغترب بائس
عماد قريش يا صديقي يا عمدة عاين لي جاي دي ليست بالكديسة الضمنية التي تركب الراس خيالا دي كديسة صحي صحي ولكن خوفي من حكايات الكدايس الزرق وحتى الان الامر غامض تابع عشان تعرف نهاية الحكاية شنو ؟
02-27-2017, 09:32 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
هيثم يا غالي عمك دة انا كنت شاكي فيهو لكن اتأكد لي عندو كديسة يا ودالبوش ما بتعرف اللغة العالمية الاكل الاكل الجومة ما شفتك اديتها لبينايا ولا سمكايا محبة كت كت بلا لبن
02-27-2017, 10:45 AM
عماد قريش عماد قريش
تاريخ التسجيل: 03-10-2013
مجموع المشاركات: 330
Quote: هيثم يا غالي عمك دة انا كنت شاكي فيهو لكن اتأكد لي عندو كديسة يا ودالبوش ما بتعرف اللغة العالمية الاكل الاكل الجومة ما شفتك اديتها لبينايا ولا سمكايا محبة كت كت بلا لبن
ليس بلخبز وحده يحيا الحيوان كديستو دى كديسه حب ومشاعر
02-27-2017, 11:15 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
كديستو دى كديسه حب ومشاعر ----------------------------------- بالزبط كدا يا عمدة وكلم عمك ود اب سن دا بالحكاية دي انه ليس بعميق ولا يقرأ ما بين السطور جيدا . . هذه الحكاية يا ود اب سن حكاية غرام عديل كدا فتابع معي الاثارة والعشق والهيام قصة حب بين انسان وكديسة تحياتي لكما عماد وعمك ود اب سن وخليكم متابعين جيدا فالحكاية طويلة وذات شجون
02-27-2017, 11:14 AM
محمد مجيدو محمد مجيدو
تاريخ التسجيل: 07-06-2013
مجموع المشاركات: 2392
مجيدو النصيح حديدو انها حكاية وليس كما الحكايات الخيالية انها واقع معاش عشقتها وعشقتني وصارت بيننا قصة حب سرمدية لا اعرف لها نهاية ولكنها بالامس عرست بالجد عرست فتابع يا حبيب ويبدو انك كدسنجي من النوع ابو كديس . . من عاشر قوما صار زي الزفت وبطال جدا تحياتي
02-27-2017, 11:31 AM
جلالدونا جلالدونا
تاريخ التسجيل: 04-26-2014
مجموع المشاركات: 9665
لا لا لا وصلت مرحلة الكدايس بعد دا حقو ترجع وتقابل الموصلي ----------------------------------------------------------------- عباس الدسيس يا حلو خلاص اصلي ماش ومن اسع عارف نفسي بعمل شنو في ضل البيت عنقريب قصير وجنبي كوم حجار وضقلة جديع للبعيد ولفخ للقريب هههههههههههه نحن السابقون وانتم اللاحقون انا لله وانا اليه راجعون اييييه يا دنيا لايبقى الا وجه ربك الكريم
02-27-2017, 11:51 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
نزلت ابحث عنها في كل الاركان والجخانين ولم اراها وكدت ان افقد الامل خطوت خطوات متثاقلة للرجوع بفقدان الامل وفجأة سمعت صوت خافت داوود ...... داوود وبدأ الصوت يترتفع قليلا قليلا داوووووود داوووووووود داوووووووووووووود فعرفت انه صوتها واعلم انه صوت العشق والهيام عندما تكون الهرة جاهزة للمعاشرة وداوود معروف لدينا بانه القط المحظوظ لتلبية النداء وقفت قليلا دون حراك حتى لا افسد عليها ليلتها اسمع صوتها ولا اراها وبدأ الصوت يرتفع داووووووووووود داووووووووووووود ويبدو انه لا داود قريبا منها ليسمع صوتها ويا صوتها لمن دنا بدأ ينخفض داوود داود فعلمت انه اقترب
02-27-2017, 12:39 PM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
والاغرب من ذلك عندما قضى وطره منها غصب حسنة وجات نازلة بطرف السلم تمشي الهوينة فنظرت الي وقامت جارية واختفت فخرجت الصباح للعمل ولم اراها والان سوف اعود للبيت واشوف اخرتها شنو فهل بتجيني جارية زي زمان ول بتجري زي الكديسة التانية بشوف وربما صورتها وارسلت صورتها لكم سيادتي أنساتي سادتي وذلك لو ربنا هون القواسي ودعى الامر لذلك فربما تنتهي الحكاية هنا وربما لها بقية وفتكم بعافية . . هذه الحكاية حقيقية كما وردت بكل تفاصيلها ولكم التحية والمحبة ايها المتابعون والمتابعات والسلام
02-27-2017, 01:52 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
فنظرت الي وقامت جارية واختفت الفقرة دي يا صديق لخصت لي حياة عالم الحيوان كله ، أحاسيس ومعاني موسعة ودسمة .. وعالم الكدايس خاصة زاخر بالحيوات الغريبة والعجيبة ، قصة الكديسة الزرقاء دي رغم انها مشوقة ومربكة ، الا اني متشوق بعد نهاية القصة دي ، لي قصة الكديسة التاني (البيضاء) البتجري منك ديك ، مالها يا ربي؟ مع خالص الود وأدومه .
02-28-2017, 05:44 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
عمر التاج يا حبيب . . اول حاجة عجبتني جمع الحياة بحيوات ... يا سلام وثانيا عجبني تركيزك في الحكاية واندماجك الواضح حتى تطلعت اكثر في معرفة حكاية الكديسة المعاكسة ثم انه شاكرا جدا لمرورك العليل والجميل خالص الود مرفق طيه مع الاشواق يا تاج يا جميل ياخ في ناس تخليك تبدع عشانم وانت واحد منهم وفي ناس تكرهك اليوم الكتبت فيهو بوست والمثال لاحقا
02-28-2017, 05:37 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
لو ما فضيتني في الرد كان حكيت ليك قصة الفارة العذبت الزول لكن مقبولة منك آخر عمرك يا المسنوح بقيت تباري الكدايس لا تقرا الكدايس برندوك شعبي لكن وقت ملحتها في المحبة لامن تنفس اديها حق اللبن
02-27-2017, 02:10 PM
جلالدونا جلالدونا
تاريخ التسجيل: 04-26-2014
مجموع المشاركات: 9665
سلام يا بوشنا و شوق شديد بعنى شوكشتك يمين الله النسانى السلام قهيتى فى القصة ____ با قبانى تمشى الهوينا دى يعنى ماشة فترانة من بعد سكّتو بس ود البوش خانو التعبير .. اعذرو ياخ
02-28-2017, 05:59 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
جلالدونا يا حبيب ما يحتاج حليفة ياخ فالقلوب شواهد ولكن السلام سمح حبيت اذكرك . . بعنى شوكشتك ----------------- العلاقة اسمى واوسع من كدا بكثير جنكم حتات ضيقة مع تحياتي لود المدير هههههههههه
02-28-2017, 05:54 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
عبدالحفيظ ود اب سن يا صديقي الجميل لا عاش من يفطك ولكن رديت عليك مع هيثم غالي لان المداخلتين في سياق واحد ورغم ذلك بعتذر يا زول يا سمح . . احكي ياخ فالبوست عبارة عن حكايات وونسة تحياتي وودي الذي تعلم
02-28-2017, 05:49 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
وجودك بس يا الحبيب قباني في اي بوست يزيده القا وجمالا وحراكا خليك من اي حاجة تاني شاكر جدا لوجودك هنا بغض النظر عن كدايسكم كسارة العناقريب . . جزيلا الشكر والتقدير
02-27-2017, 02:06 PM
محمد مجيدو محمد مجيدو
تاريخ التسجيل: 07-06-2013
مجموع المشاركات: 2392
ود البوش يالذيذ صاحبنا جارتهم سعودية اهدتهم قطة انثى من النوع الضخم داك فرحوا بيها شديد وعملوا يوم لقت الشباك فاتح كوركت لكديس ضكر كان يرتع في مقلب قمامة خلف البيت قومي الدي وخلفي جنيات شينين يشبهو كديس الكوشة الجماعة شالتهم هاشمية وطردوا الكديسة اللي اعتبروها واحدة من بناتهم
02-27-2017, 03:32 PM
عمر التاج عمر التاج
تاريخ التسجيل: 02-08-2008
مجموع المشاركات: 3763
عرفنا داك سعودي يا ربي دا جنسه شنو سلامات يا مني والشوق بحر .. كلامك عن تعبير حالة الكديسة لمجتمعها في محله تماما .. قبل فترة زرت واحد صاحبي في مؤسسة ذات كرش ومال .. ثم كررت الزيارة بعد فترة وعلقت قائلا ( مؤسستكم دي مازي زمان!) قال لي : صحيح والله .. عرفتها كيف؟ قلت ليهو الكديسة الجنب السلم دي السنة الفاتت كانت مدغلبة وصوتها حنين صاحبنا وزملاءه ضحكو لامن المدير سمع ، ولما عرف القصة عملهم انذار جماعي.
02-27-2017, 03:51 PM
ahmedona ahmedona
تاريخ التسجيل: 01-08-2013
مجموع المشاركات: 6562
ود البوش سعاي السعية اها نديك نضم الدكاترة البعرفو لغة الحيوانات ود اب سن ما تضحك
اولا كل السعية بتشم ريحة حبيبها
ودي حقيقة وبتعرف الزول البحبها من الزول البخاف منها والحيوانت قادرة على شم هرمون الادرينالين البخلي القلب يضرب اها يا ود البوش الكديسة البتجري منك مكجناك لانك قايلة شيطان والكديسة بتاعتك بتحبها لانك قايلة جنية وبتدور تغنى وتغنم ههههههههههههههههههههه
اها اتوطدت العلاقة بينكم وحسب معرفتي بيك انا اجزم انو الكديسة دي انت ما فكرت فيها جنسيا حتى ولو كانت جنية لكن لانو الكديسة دي بكرية وانت اول حب ليها وكانت بتمارس معاك الاغواء بالتمغي والرفسي وذلك لقرب بدء دورة الشبق لديها ( الدورة العادية دي ) ولما لقت ما منك فايدة كانت في حالة التبويض وانت عايز تتسحسح وتحلق شعرك ماك نجيض زي اخوك امحمد القعد يكورك لي اختو فاطنه تجيب ليه العروس بسراع ودي قصتها براها اها لمن قنعت من خيرا فيك قعدت تكورك لي داوووود ولن هناك بعض الخصائص الفسيولوجية والتشريحية بتخلي جماع الكدايس فيه شي من الشراسة التي نراها المهم مبروك لي كديستك رغم انك خذلتنا يا الكلس
02-27-2017, 05:59 PM
محمد جبره محمد جبره
تاريخ التسجيل: 01-12-2013
مجموع المشاركات: 940
كلامك صاح يا محمد حسن الحيوانات استعاضت عن العقل بصفات اخري دوننا الوالد عليه رحمة الله كان مربي بقرتين للبن في البيت . برجع من السوق العصر بنعرف جيتو قبل تقريبا كم دقيقة من ما البقر يرفعن راسن ويجوعرن بنعرف قريب للبيت قلت لي ودالبوش خذلك ههههه زولك طلع بتاع حبكانات ساي
02-28-2017, 06:34 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
كلامك صاح يا محمد حسن ---------------------------- كلامو صاح وعلمي ويمشي كويييس لكن في الاخر بسرج ليك الكورة في تمانياتك رغم انو زميلك . . يا حفيظ نحن عشنا في بيئة خلتنا كلنا اصدقاء انسان على حيوان ولذلك فان حب الحيوان عندنا بالفطرة . . تحية وشوق
02-28-2017, 06:27 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
محمد جبره يا صديق لك التحية والسلام رغم انك حرمتني منها ولكنها من حقك وانت صديق جميل ولكن كلامك بالجد حيرني قدر ما وديتو عدلة قلبة يمين يسار فوق تحت غلبني لان هذا ليس ما تعودته منك وبما ان البوست كله مزحة وهزار فمن حقك علي ان احمله على هذا المحمل واتمنى ان يكون ظني كماهو هو وان كان لك توضيحا ارجو ان تزيل اللبس تحياتي
02-28-2017, 06:20 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
الكلام العلمي ماعندنا فوقو كلام يا دكتور لكن لفضك عاجز . . كنت اتوقع منك كلام علمي باسلوب رصين لكن لقيتك بتلفخ ساهي . . شكرا يا دكتور محمد حسن على الاضافة العلمية لكن الفيك عرفتها طااااااااب
02-28-2017, 06:10 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
حيدر حسن ميرغني يا اجمل صديق في نواحي شرق الارض الله يحفظ غربتك ياخ ويجمعنا كلنا في وطن معافى واتمنى لقاك بالجد والله فانت من الناس الواحد يتمنى ليمن . . الجماعة شالتهم هاشمية وطردوا الكديسة اللي اعتبروها واحدة من بناتهم ------------------------------ عرفتهم ناسك ديل هههههههههه هيييييييييييييع . . تحياتي
02-28-2017, 06:02 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
الكلس ود البوش في الحالة دي طوالي تغني ليهم جلسن شوف يا حلاتن الناعسات كاحلاتن هههههههههههههههه ياخي والله مشتاااقين لكن كديستك عجيبة والله .... حبينا نسلم يا حبيب وتحياتي ليك ولكديستك ...
تحياتي : ياسر العيلفون .....
02-28-2017, 08:29 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
ياسر السر يا فنان يا مرهف السنس والسنسبلتي للحيوانات ارواح مثلنا وبالتاكيد تحس بما حولها وتتفاعل . . في الحالة دي طوالي تغني ليهم جلسن شوف يا حلاتن الناعسات كاحلاتن ------------------------------------------------------------------------- يا سلام على الابداع . . شكرا يا حبيب على مرورك الهادي الجميل تحياتي
02-28-2017, 07:28 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
عبدالعزيز الشغيل يا حبيب . . الهوني مون خلاص خلص وانتهى الله يعيني على الولادة هههههههه نحن اسع في اخر شهر اتني معناها اخر شهر خمسة ولادة . . كدايس المستشفى ديل ما حقتانا ... نحن ناس كدايس خلا ساكت تحياتي يا حبيب
02-28-2017, 06:33 AM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
زمان كان عندى صاحب وجار جانى يوم داير يطير قال لقى ليهو بنت من بنات الحور وهو خلاص نجض تببب ويشيل ويحكى بالبنية الجاية بلاد الفرنجة ويوصف في الشعر والعيون والخدود وهلم جرا,,
بعد كم يوم لاقيتو وسالتو أها الخواجاية كيف يا مصطفى سعيد!!! صر وشو قال لي بت الكلب جاتنى ابيت افتح ليها الباب زاتو!!! يا زول مالك ليه خير في شنو!!!
قال لي جات سايقة ليها ضكر كديس قدر المرفعين أنعل ابو يوما
وصاحبنا دا نوع الناس البخاف من الكدايس تقول جدو فار بس!! رعب عديييييل كدا وزي ما بقول الشيطان ولا الكديس,,
قلت ليهو الناس ديل ظراف كان تقول ليها عندى حساسية من الكدايس بدل ما تلبد وما تفتح الباب!!! قال لي ام ضكر كديس قدر المرفعين دى إن بقت أخر بت في الدنيا ما داير اشوفا تاني,,
تحياتى
02-28-2017, 07:06 AM
ادريس خليفة علم الهدي ادريس خليفة علم الهدي
تاريخ التسجيل: 10-11-2005
مجموع المشاركات: 5409
دا إسمو حكي مؤسس والله ------------------------------- الله يجبر بخاطرك الجميل ايمن الطيب . . حكي عفو الخاطر وقد يكون صائبا وقد يخيب وقد يعجب البعض ولا يستسيغه البعض وفي كل الاحوال محاولة التعبير عم يجيش بالنفس وللناس في هواها مذاهب . . ودعني ان انقل لك هذه القطعة التي احسب انها ممتعة في الارتباط بالحيوان وقد كتبتها هنا من قبل واعيدها لك ... ارجو ان تتمعنها وتستمتع بها ايها الحبيب ابن استاذي الراحل المقيم في قلوب كل حنتوبي جميل له الرحمة والمغفرة وعالي الجنان . . جابنو كـلبـة عمي علي ود بله ولدت سبعة من ضكر لنتاية وكل يحمل اسمه ومعاهم الكـلـب الكبير الضكر واسمه جاموس جابنو وجاموس عشرة عمر مع فريق عمي علي ود بله وحبوبتي حرم مدينة جابنو بتعرف ناس الفريق كلهم نفر نفر وناس الفريق يبادلوها المعرفة والاحترام نسلم عليها زيك يا جابنو وترد السلام وتكاد تسمع تحياتها وتشوف الابتسامة في وشها وويل لكل من يمر بالفريق وهو غريب تشم ريحتو من بعيد وتلبد ليهو في فرقة وتلحسو المرقة وقولة هووووو غريبك ينط وقلبو اطير فر وتكاوشو جابنو تحت كرعيه وعلالتو تقيف تُكل علا احلو عمي علي ود بله ولا حبوبتي حرم مدينة بعبارات معروفة لديها ... جابنو البلا اللياخدك قطعتي قلب الضيف وهنا تَتَبْتِب ضنبها معتذرة للضيف الكريم مع تَعْوِيصَة الترحيب والاحترام جابنو كان يومنا معها اسودا حين قتلها البوليس بالبندق دلللللل حتى هذه اللحظة كاني اسمع صوت البندق دلللللل في قلب جابنو واتكرفست في صمت للابد اصلو البوليس دخل الحلة في نهارٍ يدخل القمرية في الراكوبة نصت نهار سَكًتْ عِمَي مشى لشيخ الحلة طوالي في بيتو عشان يدلو علي الكلاب الضالة والسعرانة ليعدمها بالرصاص شيخ الحلة جبد عراقيهو المشرور في الحر وطنطن كتال الكلاب جانا قبل رشاش الزفت الله إكفينا شرو واسترني معاهو ومع ناس الحلة رحب بيهو شيخ الحلة وجاب ليهو موص بارد قبل ما يعوسو كسرة الغدا يغديهو ويمسكو درب الله واخليهو وفي هذا الاثناء تجمع ناس الحلة كبار وصغار وبنات ونسوان كلهم يهمهمون ويطنطنون وكل منهم خوفا على ضنب كـلبـو واخبروا شيخ الحلة بان لاكـلـب سعران او ضال بيننا ليقتل رميا بالرصاص وائ رصاصة في قلب واحد من كـلابـنا هي رصاصة في حشانا كـلابـنا عاشت بيننا ولها كبد رطبة مثلنا وكادت ان تقوم مظاهرة عارمة امام ديوان شيخ الحلة والبوليس كلامهم فايتو اضانو بعد اخذ ورد توصل شيخ الحلة معهم لاتفاق بان يمشوا لـ علي ود بله كلابو كتار اكتلو منهم واحد ول اتنين عشان يرضو البوليس قال اصلو ما بمش فاضي بدون قتل كـلب او اثنين من كل حلة والشيخ يرى انه من العيب ان يسمع من المعسولين بان شيخ الحلة غير متعاون في حملة قتل الكلاب الضالة والسعرانة رغم اقتناعه بان لايوجد في حلته كـلب سعران او ضال فهو في حرج من امره بين مطرقة الحيكومة وسندان ناس الحلة وبقى ليهو زي دق الوتد في الدلجا إتفق شيخ الحلة مع جمهور الناس المتجمهرة بان يتغدى البوليس ويمشوا الحلة القدامية لعلي ود بله باقي كـلابو كتار بالحيل اكان الله اهديهو وادينا واحد ولا اتنين نكتلن ونرتاح من لخمة البوليس دي العملت لينا سافوتا وانطلق بعض الصبية امامهم لبيت عمي علي ود بله واخبروهو الخبر الصاعق فتبسمل وتعوذ وتشهق وتمطق ونادى حبوبتي حرم مدينة ... شفتي يا فالحة ناس حلتك الورا حسادتن انا عندي كـلاب ؟ شن عندي انا غير جابنو واولادا السبعة والكـلب الضكر ؟!! ودمه يفور في عروقو وقبل ان يجف ريقو وقف امامه شيخ الحلة والبوليس بندقو في كتفو وشفع الفريق ورجالو ونسوانو عجاجتن رابطة بعر حمير وغنم وقف عمي علي ود بله واو احمر ووقفت حبوبتي حرم مدينة نون نسوة نجيضة وفالحة ووقفنا نحن الشفع معاهم نكتح التراب اكان يعمي عين البوليس من جابنو سمعنا الشيخ قال نكتل جابنو العجوز عشان نرضي الحيكومة الحيكومة طايرة في السماء وات ماسك في كرعيها يا شيخ الحلة والبوليس ماسك في كرعيك جابنو علا اموت انا معاها هكذا ردد عمي علي ود بله
الحيكومة طايرة في السماء وات ماسك في كرعيها يا شيخ الحلة والبوليس ماسك في كرعيك جابنو علا اموت انا معاها وقتلت جابنو بقوة السلاح امام اعين كل احبابها وراحت في صمت للابد وتركت حسرة في نفوس محبيها !!!!!!!!!!!!!!!!!!!!!!!!!!!!!!!!!!!!!!!!!!!
02-28-2017, 07:11 AM
Khalid Elsayed Khalid Elsayed
تاريخ التسجيل: 01-25-2017
مجموع المشاركات: 787
بوست ممتع جدا هناك بحوث كثيرة على مر العقود الخمس الاخير يقوم فيها علماء النفس والمجتمع بدراسة وتحليل علاقة الإنسان بالحيوانات الأليفة
أثبتت الفحوصات الشعاعيّة المتطوّرة، أن دماغ الإنسان يمتلك خلايا عصبيّة متخصّصة بمراقبة حياة الحيوان. وهذه الخلايا موجودة، بحسب فريق مجلّة العلوم الأميركية «Mind»، في منطقة اللّوزة الدماغية «Amygdala»، الخاصة بالمشاعر، وهي منطقة تستجيب بسرعة لصورة الحيوان. إلى ذلك، تمّ العثور على قاعدة عصبيّة مهمّتها تسجيل الانفعالات العاطفية التي تولّدها رؤية الحيوانات الأليفة. والجدير ذكره أن هذه الانفعالات، بحسب الأبحاث، تشبه إلى حد بعيد تلك التي تولّدها رؤية الأطفال. ولا بد من الإشارة هنا إلى أن ملامح الحيوان الأليف تحاكي للوهلة الأولى ملامح الطفل، وخصوصًا لناحية براءة النظرة، واتساع العينين بالنسبة لبقيّة تقاسيم الوجه، هذا بالإضافة إلى ردّات الفعل العفوية التي تصدر عنه. وهذا يدل على أن اهتمام البعض بالحيوان إلى حدود الوله، يعتبر توجهًا فطريًا، الهدف منه التركيز على دورة الحياة وتطوّرها. - See more at: https://www.lebarmy.gov.lb/ar/content/%D8%A7%D9%84%D8%A7%D9%86%D8%B3%D8%A7%D9%86-%D9%88%D8%A7%D9%84%D8%AD%D9%8A%D9%88%D8%A7%D9%86%D8%A7%D8%A...sthash.AUKwJdLc.dpuf ،
02-28-2017, 08:57 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
خالد السيد يا رائع اشكرك للاضافة العلمية القيمة والثرة والله يا خالد وماك طالبني حليفة وصدقانا لكلامك دا انا امس بعد مشيت من هنا على البيت نزلتي من العربية اقسم بالله الكديسة دي جات جارية جري لمن حسيت بشوقها وولها وحبها في عيونا وكنت عايز اصورها فيديو ولكن عمك حركتو بقت تقيلة لمن طلعت التلفون وفتحتو لقيتا طارت راحت لاحظ بس استقبلتني وجرت بدون اي انتظار لاي منفعة ياخ الكديسة دي فيها سر وكنت ناوي اتابع حكايتها معكم حتى ولداتها ولكن لاتحظت بعض التفلتات غير المستحبة ففضلت ان اختم البوست نا واحتفظ بباقي الحلقات لنفسي والسلام
صباحك روعه بسيرة الكدايس دى خصوصا انى مجنونة كدايس تعلقت فى حياتى باثنين وبعد وفاتهم بقى محظور عليه اقرب من اى كديسه عشان المرض البمرضه من زعل على وفاتهم تعلق بالجد كان هوس لكن لصراحه مافى امتع من صحبة الكديسه كانت بتنام معاى فى سرير وتصحينى بنخرتها البااااااااااااااااااااااااااااارد وتلعب معاى وحتى تحزن معاى قلبى حسى ما بيتحمل اربى تانى كديسه لانى خوفى افقدها اكبر من حبى لامتلاكها :(
يا سلاااااااااااام ياخ البوست دا جاب ناس غيبة طويلة منهم رانية بت اخوي حبابك وبركة الجابتك الكديسة هههههههههه . . . عايني لي جاي عندنا واحد من عروبنا بحب واحدة من بنات بندركم وداير يصرح لها بالحب وغالبو لقاها شايلة كديسة قاليها دي كديستك ؟ قالت اي قاليها حقو الزول يعرسك ههههههههههههههه . . اتمناك تكون بخير وسعيدة ومبسوطة تحياتي
02-28-2017, 09:30 AM
سامر دوشه سامر دوشه
تاريخ التسجيل: 01-18-2017
مجموع المشاركات: 248
طبعاً سرد عجيب و الأغرب إنها مستوحية من الواقع ، لكن عندي سؤال ، طالما إنت راجل بتاع كدايس و كدا ، الرابط العجيب شنو بين الكدايس و المقولات المربوطة بيها ، زي مثلا : ود البوش بتاع كدايس ، و كديستو قامت ، أو ، ود البوش كاتب موضوع أبو كديس ، كدي حاول معاي و حلل السبب شنو في ربط الكدايس للمعاني دي ، و أكيد الإجابة عندك .
لا لا لا لقيتك صعب والله ------------------------------ ومتكل بالشعب حت كمان ابوك يا عبدالجبار هيييييييييييع حليل معتوق هيغ سلم على الشغيل الكبير ايها الشغيلاب قايلين روحكم صعبين براكم ؟ لو قايل روحك وقعت من السماء سبعة مرات دفرتك انا يا ابو قميص فراشات . . قت ليك البوست دخل في اجواء ناعمة تاني ترجعنا لمريسة قوز الرهيد وملاح اللحم ؟
02-28-2017, 10:08 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
سامر دوشه يا حبيب شكرا يا معجب على الاعجاب . . الرابط العجيب شنو بين الكدايس و المقولات المربوطة بيها ، ----------------------------------------------------------------- يقوليك الزول دا كديستو قامت عليهو ..... مقولة معروفة ولكن ما خسرانين حاجة من التكرار الكديسة بتكون هادية ومستكينة لكن اقل حركة جنبها بتخليها تقوم مذعورة واحيانا بدون سبب براها بتعمل الحركة دي وكذلك بعض الناس تلقاهو في امان الله وفجأة يتغير وبدون سبب . . فلان مكدس دا معناها مجنون رسمي .... بمعنى حركة الكديسة اعلاها ملازماهو على طول . . النوع ابو كديس دي بترجع لحجارة افيري علامة ابوكديس كانت من اجود انوع حجار البطارية في القرن السابق . . تحية واحتراما اخي دوشه
02-28-2017, 10:39 AM
Nasereddin Mohamed Nasereddin Mohamed
تاريخ التسجيل: 02-07-2017
مجموع المشاركات: 46
سلامي يا ود البوش أهل علم النفس الاجتماعي قالو عن مراحل المهاجر السوداني1- المرحلة الحمامية 2- المرحلة الكديسية 3 - المرحلة الديك ية 4- المرحلة القردية ثم5- المرحلة (الثور) ية وهي من تور حتي لا تنبري العصي والاسلحة باتهامنا بالثورة، ،،،اي اخر مرحلة تطور زهج المهاجرالتي لا شفاء منها الأ بالخروج النهائي..... جمبل انك في أسعد مرحلة وهي المرحلة الكديسية، والتي من خصائص صاحبها :أنه أليف ، يحب الاستقرار،يمتاز ببصيرة وبصر متقدين ، لذا يلجأ الي الحوار (من الداخل) والحل السلمي ( خاصة مع سلطة المنزل)... و كثيرا ما يستدعي الطفولة والأيام الحلوة ....لي قطة صغيرة سميتها سميرة________________بقية الخصائص يمكنك فرد بوست خاص بها وهي سهل التعرف علي خصائصها.... سعدت ب مقابلتك مع عبد المطلب أو طلب كما تختصر الأسرة واصدقاؤه الاسم -في منزله في الرياض ،،، كان يضحك وهو بحكي عن فكرتك (تدنقد ) البوست -لغة المزارعين في الوسط -استئجار ، اي بوست للايجار من طرفك تذكر؟________ شاكرا لك هذه المساهمة ومساهمات أخري منك ،تعكس عمق التقدير والحب المتبادل بينك والزملاء والتحية للأخوة الذين مروا ... ومن سيمر لاحقا...
02-28-2017, 10:58 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
يا سلااااااااااام ياخ ناس زحل الحلوين ........ نصرالدين محمد يا حبيب كيف ياخ اذكرتك وهل ينسى ذلك الالق والجمال وطيبة ناس زحل والضحك من جوة القلب والمشاعر المترعة بالحنان بينكم الفة لا يخطيها ذو بصيرة بقيادة عبدالمطلب ذلك الانسان الجميل المرهف يا حليلكم ياخ .... واتمنى ان نلتقي . . حمامية كديسية ديكية قردية تورية مافي نعجية ؟ ههههههههههههههه تصنيف جميل وعليه اندقد ليك انقايتين في الحواشة دي تجرب ابداعك بالندقندي في المنبر دا وبعداك تسوي حواشة كاملة براك ونجي نحش معاك اها شد حيلك في فقاع الشمش دا قبل ما تجيك ام رويق . . اجمل التحايا مرفق طيها مع الترحيب بيك في هذا البحر الغريق ( سودانيزاولاين ) جزيل الشكر والتقدير وقد سعدت جدا بانضمامك وبهذه المداخلة القيمة والمفيدة
02-28-2017, 05:38 PM
د.محمد حسن د.محمد حسن
تاريخ التسجيل: 09-05-2006
مجموع المشاركات: 15194
ناصر امين حبابك وحباب اليوم الجابك مرحبا بك عضوا مشاركا فعالا واتمنى ليك طيب الاقامة . . واصل سردك الممتع ...متابعين -------------------------------- اتمنى ان تتابع في بوستات قادمة فقد اوشك هذا على الختام ان لم يجد به جديد وشكرا يا معجب تحياتي واحترامي
02-28-2017, 02:44 PM
أحمد الشايقي أحمد الشايقي
تاريخ التسجيل: 08-08-2004
مجموع المشاركات: 14611
حقيقة حاجة محيرة ومؤسفة جدآ !!! ( كان ممكن يكون كلامه علمي وبطريقة مهذبة )) المستنير يا ود البوش دي طريقته في البوستات البتخصه لدرجة نحن كنساء قاطعناها اي بتكلم عن نفسي ! لانه ومن الملاحظ كل بوست لو فيه اي ثغرة حتي لو برئية بحرفها علي طريقته البعرفه هو ! عمومآ انا بوستاته ما بتخصني وكل العملته قاطعتها . لكن كونه يجي عشان يسمم لينا بوستات نحن جينا كنساء نشارك فيها دا ما بنقبله ! لانه بنشوفها طريدة واضحة لينا اي كنساء . فبنرجو من ابوبكر عباس اوغيره من المتعودين علي الكلام الزي دا وشايفنه مألوف وما عندهم معه مشكلة ان يراعوا وجودنا معاهم . لانه نحن كلام زي داما بنقبل به !! ويعرفوا جيدآ ما عشان هظرنا وضحكنا معاهم ورفعنا الكلفة (( الاحترام انعدم بيناتنا)) وبالمناسبة انا شخصيآ بشوف الكلام المبتذل زي دا لايليق بوعي ولا حضارة لانه في قمة التخلف والسخف . اكرر لو دايرننا نشارك معاكم تحترمواو جودنا والا لاعلاقة لنا بيننا وبينكم .
ولكم وافر الاحترام الاحترام الاحترام .
03-01-2017, 11:04 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
ودالبوش وضيوفه ليس دفاعا عن بكرى صدقني هو رسم توضيحي يمكن ان تجده في كتاب رصين جدا ولا صورة رسم توضيحي انا شخصيا استفدت من الشرح واضاف لي الرسم رسوخا في المعني كنت مستغرب جدا وبالجد داير اسألو من الكلاب ف يا صديقي طول بالك انا ضد الاسفاف والتهتك اللغوي بس مداخلتو ما شايف فيها حاجة ولو بقيت متزمت ودوغماتيك اقول ليك الكلام اظرط من الرسمة
03-01-2017, 11:13 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
يا عبدالحفيظ الرسمة مافيها حاجة وعادية المشكلة في الكلام الفاحش ياخ بالغت أقرا كلام حاتم الهواري ووصل نفس الكلام ولكن باسلوب راقي ومهذب اياهو دا كلام الهواري في بوست طلب الاستيكة له الشكر والتقدير --------------------------------------------------------------- مساء الخير اكيد المداخلة كانت مشاترة وما عندها علاقة دايركت مع موضوع البوست. تخفيفا لصدمة المداخلة ممكن نجعلها مفيدة باضافة بعض المعلومات البايولوجية مسالة الاشواك دي طبعا ليس الغرض منها سادية الممارسة بواسطة ذكر القطط ولكن الغرض منها "تحفيز" التبويض للانثى وهى ضرورية لضمان نجاح الحبل ومعلومة أخرى ليس القطط وحدها حتى الشمبانزي لديه تلك الاشواك لذات الغرض...وبالمناسبة حتى جينات هذه الاشواك موجودة ايضا في الجنك دي ان ايه الخاص بنوع الانسان ولكن لحسن الحظ فقدها بعد سلسلة طويلة من المراحل التطورية :) المصدر : http://sudaneseonline.com/board/490/msg/%d8%a7%d9%84%d9%85%d9%87%d9%86%d8%af%d8%b3-%d8%a8%d9%83%d8%b1%d9%8a-%d8%a7%d8%a8%d9%88%d8%a8%d9%83%d...8%a9-1488360478.html
03-01-2017, 11:32 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3594
يا ود البوش، ليس في مداخلتي أي إسفاف وهي قراءة لسلوك الكديسة من منظور تاني، وكنت ناوي أكملها بموضوع التبييض، وأضف عليها أن الكديسة لو حصل ليها حمل، سوف تتجنب الناس أيضا في الأيام القادمة. عموما إدارة البوست لك وأتقبل سحب المداخلة
03-01-2017, 11:40 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
يا بكور يا حبيب والله كلامك لو كان فيهو شوية من الحرفنة وبعيدا من المباشرة مثلما ذكرت كان يكون كلام عز الطلب بل ومرغوب لكن يا ود الحلال تقوم ترشو زي رشك دا فأبدا ما مقبول ولا يليق بك انت ايضا وكلنا قاعدين نفلت وانا اكتر زول بفلت لكن بتحرفن شوية وبحاول مايكون الكلام خادش بطريقة فاضحة والان يمكنك ان تكمل كلامك بطريقة خالية من قلة الحياء ههههههههه وما بيننا الا الود تحياتي
03-01-2017, 11:37 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
بس مداخلتو ما شايف فيها حاجة مداخلتو لو مافيها حاجة دي ثغرة جاهزة للمنفلتين الحا يجوا يحرفوا البوست زي ما حرف بوست ابكر الفتحه وكنت بتمني اشارك فيه لغاية اخر لحظة لانه كان عندي كلام كتيييير ومفيد لكن لقيته فجآة انحرف وبقي بوست غير لائق للقرأة ناهيك المشاركة !!!
يا ابو سن بعيدآ عن الكديسة وصاحبها . ما شفت لي بوست ود المنسي حق النفاج لول سمحت ممكن ترفعو لي لو بتقدر ؟
ولكم الشكر احبتي الكلوس .
03-01-2017, 11:43 AM
جلالدونا جلالدونا
تاريخ التسجيل: 04-26-2014
مجموع المشاركات: 9665
وأضف عليها أن الكديسة لو حصل ليها حمل، سوف تتجنب الناس أيضا في الأيام القادمة. ------------------------------------------------------------------------------------------- بكور يا فقر عليك دينك تعال راجع وكمل ياخي ريحتني راحة بالجد كنت محتار من يوم الدخلة داك تاني ما شفتها بالله ؟ سبحان الله ياخي اشتقت ليها كديستي يعني خجلانة ؟
03-01-2017, 01:03 PM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
في حضرة المبدع شيخي عبيد ود الشيخ الطيب العالم المتمكن بعلوم البادية في السودان لايسعني الا أن اربع يدي واستمع واستمتع بعبق الحديث وشجونه وجودك دائما في بوستاتي شرافة وقيافة ولطافة وثقافة متعك الله بالصحة والعافية ايها الحبيب الغالي المبدع ما طلعت شمس وما غربت
03-01-2017, 01:20 PM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
مولانا أحمد الشايقي يا جميل وجودك في بوستاتي يتم الكيف يعلم الله وبتقيرف لشوفتك يا الحبيب . . لوري البوست دخل في مناطق وعرة ولكني تجاوزتها بحمد الله وسوف نواصل في الرملة الدقاقة فتمتع بالرحلة مع الكديسة الزرقا تحياتي ومودتي التي تعلم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالله ود البوش
Khalid Elsayed
اسامه العريفي
عماد قريش
عبدالحفيظ ابوسن
محمد مجيدو
جلالدونا
عباس الدسيس
ادريس خليفة علم الهدي
مني عمسيب
عمر التاج
يحي قباني
حيدر حسن ميرغني
ahmedona
د.محمد حسن
محمد جبره
ياسر السر
أيمن الطيب
سامر دوشه
Nasereddin Mohamed
Nasser Amin
أحمد الشايقي
عبيد الطيب
معاوية الزبير
فيس بوك
تويتر
انستقرام
يوتيوب
بنتيريست