|
|
|
 Re: شممت رائحه البنقو في بعض شوارع امدر (Re: الطيب عباس)
|
هممت بالخروج لصلاه المغرب .. الموقع العرضة جنوب استاد المريخ .. فاذا بشباب يتسكعون ويضحكون احسبهم من اولاد ( المصارين البيض ) فعندما تجاوزوني اذ بي اشتم تلك الرئحة النتنه .. بالدارجي ( لفحتني ليك الريحه ) وكا ما اخاف الكضب يا مولعنها يا ماسكة في هدومهم .. أنا لله وانا اليه راجعون .. احدهم ملفلف شعرو وخاتي لي ورده اعلي اضانو يبدو انو قطفها من احدي الاسوار الجانبية ,,
| |
 
|
|
|
|
|
|
|
 Re: شممت رائحه البنقو في بعض شوارع امدر (Re: الطيب عباس)
|
الحاجة دي اصبحت منتشرة في كل العالم وبكثرة .
برضو انا شميت ريحة حشيش في الرياض ( السعودية) اما اوروبا اسكت بس اماكن كتيرة وناس كمان ريحتها عفنة من حاجة شايلنها او دخنوها سالت منها لقيت اسمها Skunk ودة بنقو برضو .
الموضوع دة ح يبقا( حلال) بعد شوية كدة . موش العالم كلو بقلد امريكا؟ وبعدين الحاجة دي لحدي القرن الفات كانت بتباع في الدكاكين ف كل العالم ( العطار يصلح ما افسده الدهر ).
| |
|
|
|
|
|
|
|
|
|
Re: شممت رائحه البنقو في بعض شوارع امدر (Re: Osama Mohammed)
|
حترجع تاني للبيع في الدكاكين ..؟؟
حكي لي فردتي قالي اول ما جيت مغترب طلعت باقي كيس التنباك للبنغالي في البقاله في قطر قت لي عندك زي دا هاهاهاها والله قرب يجري مني قالي هههههه حسيت بانو حاجه خطيرة خلاص
Quote: الحاجة دي اصبحت منتشرة في كل العالم وبكثرة .
برضو انا شميت ريحة حشيش في الرياض ( السعودية) اما اوروبا اسكت بس اماكن كتيرة وناس كمان ريحتها عفنة من حاجة شايلنها او دخنوها سالت منها لقيت اسمها Skunk ودة بنقو برضو .
الموضوع دة ح يبقا( حلال) بعد شوية كدة . موش العالم كلو بقلد امريكا؟ وبعدين الحاجة دي لحدي القرن الفات كانت بتباع في الدكاكين ف كل العالم ( العطار يصلح ما افسده الدهر ). |
| |
|
|
|
|
|
|
|
|
|
Re: شممت رائحه البنقو في بعض شوارع امدر (Re: الطيب عباس)
|
الأخ الطيب عباس,
كويس شميتها في الشارع, مرة كنت أدرس في جامعة في السودان وكنت مع مدير الإدارة ماشين لي قاعة لوجودة مشكلة, في بلكونة من الناحية الخلفية وكان في طالب بدخن في سيجارة, مدير الإدارة فجأة صاح في الطالب قال ليهو: أمشي جو أمشي جو. الطالب بسرعة دخل القاعة البجوار البلكونة. مدير الإدارة قال لي: الولد ده شايل سجارة بنقو ولا كانت سجارة عادية كان دخنها عادي في الكلية بي جوة ما جاء البلكونة.
وأيضا حكي لي صديق يدرس في أحدى الجامعات بأنه في طالب مسجل عنده في مادة ما والفصل الدراسي كله ما حضر ولا محاضرة. قام مشى للعميد سأله عن أسباب عدم حضور الطالب وكيفية التعامل معه. قال العميد قال ليهو: الولد ده قبضناهو بي سجارة بنقو وفصلناهو لمدة عام دراسي كامل عشان ما نضيع مستقبله.
| |
|
|
|
|
|
|
|
|
|
Re: شممت رائحه البنقو في بعض شوارع امدر (Re: الطيب عباس)
|
كســـــره 💨
ﻭﺍﺣﺪﻩ ﻟﻘﺖ ﺍﺑﻮﻫﺎ ﻳﺪﻋﻮ ﻟﻴﻬﺎ ..
ﺍﻟﻠﻬﻢ ﺍﺭﺯﻗﻬﺎ ﺑﺰﻭﺝ ﺻﺎﻟﺢ ﻳﺎﻛﺮﻳﻢ
ﺟﺎﺕ ﺑﻲ ﻭﺭﺍﻫﻮ ﻭﻫﻮ ﻣﺎﺣﺎﺳﻲ ﺑﻴﻬﺎ
ﻗﺎﻟﺖ ﻟﻴﻬﻮ ﺍﺗﺎﺭﻳﻚ ﺍﻧﺖ ﻳﺎ ﺍﺑﻮﻱ ﺍﻟﻤﺆﺧﺮ ﻋﺮﺳﻲ
ﻗﺎﻝ ﻟﻴﻬﺎ ﻟﻴﻪ ﻳﺎﺑﻨﺘﻲ ﻣﺶ ﺷﺎﻳﻔﺎﻧﻲ
ﺑﺪﻋﻮ ﻟﻴﻚ
ﻗﺎﻟﺖ ﻟﻴﻬﻮ ﺍﻧﺖ ﺑﺘﻘﻮﻝ ﺍﺭﺯﻗﻬﺎ ﺑﺎﻟﺮﺟﻞ ﺍﻟﺼﺎﻟﺢ ﻭﺍﻟﺰﻣﻦ ﺩﻩ ﻣﺎﻓﻲ ﺭﺍﺟﻞ
ﺻﺎﻟﺢ
ﺑﺲ ﺍﻧﺖ ﻗﻮﻝ ﺍﺭﺯﻗﻬﺎ ﺑﻲ ﺭﺍﺟﻞ ﺳﺎﻱ .. ﻣﺎﻟﻚ ﻭﻣﺎﻝ ﺻﻼﺣﻪ ﺑﺼﻠﺤــﻮ ﺍﻧﺎ
ﺑﺮﺍﻱ😂😂😂😂😂😂😂
| |
|
|
|
|
|
|
|
|
 Re: شممت رائحه البنقو في بعض شوارع امدر (Re: الطيب عباس)
|
يتبع .. في بانت غرب المجلس الافريقي سابقا ..ً
استاجرت شقة لي ولاسرتي الصغرة واخرج مساءً لقضاء بعض الاغراض من بقاله مجاورة .. الحي جميــل وبه اشجار وعمارات فارهه ... ييقبع بعض الصبيه تحت احد الزوايا .. القيت التحية وانا مارا بهم ( احسبهم مصارين بيض برضو ) فاذا بنفس الرائحه التي شممتها في العرضة( تلفحني ليك ... ) يا إإإنني ..
انا في امدر ولا كولمييا
يتع ,, شرق شرق شرق
| |
|
|
|
|
|
|
|
|
|
Re: شممت رائحه البنقو في بعض شوارع امدر (Re: الطيب عباس)
|
حينما كنت اعمل في مؤسسة الرهد الزراعية
كان هناك زميل معنا يصلي الصبح حاضر
ولكن قبل ان يتوضا فانه يلف البتاعة دي
ويضعها تحت المخدة
وبعد السلام عليكم
والتسبيح والدعاء والاستغفار
يبدا في شفط هذه الخدراء
سافرنا في اجازة العيد وركب هو في بكسي امامنا
بينما كنت اركب على سيارة بيجو حكومية
حدث انقلاب للبكسي
وتم احضار جميع المصابين لمستشفى مدني
وكانت جروحهم بليغة ومؤلمة
ووجوهم مغطاة بالدماء
وجميعهم بلا اوراق ثبوتية
وطلب منا الدخول للتعرف عليهم
وكان بعضهم في حالة اغماء
بالنسبة لزميلنا لم يستغرق الامر كثيرا للتعرف عليه
فقد ادخلت يدي في جيبه حينما شككت انه هو
واخرجت من جيبه ورق البرنسيس الشفاف
وقلنا للاطباء خلاص نحن لقينا زولنا
والمدهش حينما فاق من غيبوبته
فان اول مافعله هو ادخال يده في جيبه
واصيب بالهلع لعدم حصوله على ادوات النصب
فطمانه احد الزملاء قائلا
اوراقكم في اياد امينة فتبسم ضاحكا
قلت لي يا اخوي الطيب شميت البنقو في ام درمان
قبل يومين ركبت امجاد للفتيحاب
رائحة البنقو بالسائق تكاد تسطل الجميع
وعيونه مزغللة بطريقة عجيبة جدا
وقد ازعجتني الرائحة
فنزلت منه قبل ان اصل الى وجهتي
وياليتني مانزلت
فعندما تخطتني الامجاد
قرات على مؤخرتها هذه العبارة العجيبة
( محروووسة ب يس )
عالم تسطل ويس تحرس !!!!
| |
|
|
|
|
|
|
|
|
Re: شممت رائحه البنقو في بعض شوارع امدر (Re: ابوحراز)
|
زمان .. بدري .. البسطل - عندنا علي الاقل - شنباتو بس .. كانت تخوف
يمشي في الشارع .. الناس كلها تخاف .. اسي .. في الزمن الاغبر دة ..
اي هلفوت بقا يحشش .
في منطقتي ... مافي ( هلفوت ) واعي .. وتعال شوف الحفلات .. الريحة
طاقة من علي بعد كيلومترات .
تحاياي
| |
|
|
|
|
|
|
|
|
|
Re: شممت رائحه البنقو في بعض شوارع امدر (Re: منتصر صلاح)
|
سودانيات 👳👳
مسطول مشى العيادة لاقاه امام الجامع سألو :ياشيخنا خيييير؟؟ الشيخ قال ليهو : جيت أحلل السكر.. ضحك المسطول وقال ليهو :دا من زماااااان حلال بس اجتهد لينا في البنقو
😃☺☺☺☺
Quote: زمان .. بدري .. البسطل - عندنا علي الاقل - شنباتو بس .. كانت تخوف
يمشي في الشارع .. الناس كلها تخاف .. اسي .. في الزمن الاغبر دة ..
اي هلفوت بقا يحشش .
في منطقتي ... مافي ( هلفوت ) واعي .. وتعال شوف الحفلات .. الريحة
طاقة من علي بعد كيلومترات .
تحاياي |
| |
|
|
|
|
|
|
|
|
|
Re: شممت رائحه البنقو في بعض شوارع امدر (Re: ابوحراز)
|
ههههههههه قت لي فتش البرنسيسية ههههههه قبل فترة واحد قالي البنقو زاتو بقي يطق طق ما نضيف ههههههههههههه قت لي كيف قالي بقي زي الالعاب النارية ههههههه
Quote: واخرجت من جيبه ورق البرنسيس الشفاف
وقلنا للاطباء خلاص نحن لقينا زولنا
والمدهش حينما فاق من غيبوبته
فان اول مافعله هو ادخال يده في جيبه
|
يس حارسة والله ماشين بالبركه والله دي قوية شديد
Quote: قلت لي يا اخوي الطيب شميت البنقو في ام درمان
قبل يومين ركبت امجاد للفتيحاب
رائحة البنقو بالسائق تكاد تسطل الجميع
وعيونه مزغللة بطريقة عجيبة جدا
وقد ازعجتني الرائحة
فنزلت منه قبل ان اصل الى وجهتي
وياليتني مانزلت
فعندما تخطتني الامجاد
قرات على مؤخرتها هذه العبارة العجيبة
( محروووسة ب يس )
عالم تسطل ويس تحرس |
| |
|
|
|
|
|
|
|
|
|
Re: شممت رائحه البنقو في بعض شوارع امدر (Re: الطيب عباس)
|
والله يا جماعة انا متيحر من انكم بتشمو ريحة البنقو!!
قبل اسبوع وشوية كنت في السودان - مرتين في مكان عام اتفاجأ انو في شخص مولع سجارة بنقو - وقبل كده كم مرة صادفت زول مولع سجارة
الصراحة انا ما شميت اي ريحة - حتى الان ما بعرف الريحة البتتكلمو عنها دي عاملة كيف!!
| |
|
|
|
|
|
|
|
|
|
Re: شممت رائحه البنقو في بعض شوارع امدر (Re: أيمن محمود)
|
ياهندسه امكن عندو نزلة وبشرب في سجارة نعناع هههه
Quote: والله يا جماعة انا متيحر من انكم بتشمو ريحة البنقو!!
قبل اسبوع وشوية كنت في السودان - مرتين في مكان عام اتفاجأ انو في شخص مولع سجارة بنقو - وقبل كده كم مرة صادفت زول مولع سجارة
الصراحة انا ما شميت اي ريحة - حتى الان ما بعرف الريحة البتتكلمو عنها دي عاملة كيف!! |
| |
|
|
|
|
|
|
|
|
|
Re: شممت رائحه البنقو في بعض شوارع امدر (Re: Asim Ali)
|
المكنيكيه هم المشهورين بيها زمان لانو لازم يمخمخ اسع كل من هب ودب بقي يضخ الفران والفنان والسجمان والما سجمان حمانا الله
Quote:
مره مشيت الفرن جنبنا فى مواعيدى عادى لقيت الرغيف فى الفرن ما طلع لسه وواحد منهم يضحك فيهم
والسبب انو اتسطلو قبل مايجهزو العجنه ...وعجنوها بدون بدون خميره
مع العلم انو الفرن يقع على شارع رئيسى كثير الحركه |
| |
|
|
|
|
|
|
|
|
|
Re: شممت رائحه البنقو في بعض شوارع امدر (Re: حاتم إبراهيم)
|
الكلام في الحقن والشم والبودرة والأنواع الأخطر من المخدرات التي تسللت للجامعات ودور
العلم ومعاقل الشباب - في زمن ما كنت تجد شخص واحد علي الأكثر في الأحياء يتعاطي
البنقو - وهو معروف بالإسم والآن أصبحت المخدرات - المشمومة والمحقونة العابرة للحدودتجعل من مثل هذا الشخص إيبتاع البنقو مجرد هاوي - !
| |
|
|
|
|
|
|
|
|
|
Re: شممت رائحه البنقو في بعض شوارع امدر (Re: عبدالعظيم عثمان)
|
قال ليك الفكي راقد في العنقريب وجمبو ابريق فيو عرقي والناس ما بهبشو فاكرنو موية الفكي ..يوم الحوار جا وشال اﻻبريق وجرى داير يتبرك بي موية الفكي والفكي ساكيو ولما ما قدر يحصلو قاليو امشي ان شاء الله الموية تنقلب ليك عرقي يا نجس😂😂😂😂😂😂😂😂
| |
|
|
|
|
|
|
|
|
|
Re: شممت رائحه البنقو في بعض شوارع امدر (Re: الطيب عباس)
|
الطيب عباس ... كيفنك ياخ ...
و كيف ريحة أمدر بدون البنقو ...
اسمعني ...
كل عشره نكات بتجيك في الواتساب فيهن تسعة بادين ب
واحد مسطول ...
انت قائل المساطيل الكتااار حقين النكت ديل من وين ؟
ما ياهم الشميت ريحتهم ديل ...
قال واحد مسطول ... من عدم الموضوع
برمي نفسو من السرير يشوف روحو طُرة و لا كتابة ...
| |
|
|
|
|
|
|
| |
الطيب عباس
aosman
Osama Mohammed
Hassan Makkawi
اسامه العريفي
ابوحراز
منتصر صلاح
أيمن محمود
Asim Ali
حاتم إبراهيم
كمال عباس
عبدالعظيم عثمان
يحي قباني
فيس بوك
تويتر
انستقرام
يوتيوب
بنتيريست