كما اود في هذه العجالة ان اشكر كل هؤلاء الذين رحبوا بقبولي عضوة في سودانيز اون لاين من قبل ان يتم قبولي،، ولا انسى ومن هذا المنبر ان اتقدم بوافر الشكر والتقدير للاستاذ علي عبد الوهاب الذي طالما شجعني وشجع بت عطبرة بسمات واميرة خلال ترجمة كتاب بن لادن وقصة تايتانيك وكان لاشادته وتشجيعه الاثر الكبير في بذل المزيد من الجهود،، ومع انني لم اكن الا مساعدة فقط في الترجمة لان العبء الاكبر كان لاميرة مصطفى السيد،،، وارجو من كل قلبي ان اكون عند حسن الظن،،، وملحوظة للاستاذ الهادي الشغيل،، سوف اعود مرة اخرى لتكملة ترجمة كتاب عطبرة مدينة الحديد والنار وحتى حضور صاحبة الشان بسمات بنت عطبرة في اول شهر رمضان.. وتحياتي واحترامي لكم جميعا وكل سنة وانتو طيبين امتثال عبد الله
05-15-2017, 01:03 AM
باسط المكي باسط المكي
تاريخ التسجيل: 01-14-2009
مجموع المشاركات: 5518
مليون مراحب أختي إمتثال وإنشاءلله يطيب ليك المقام وأسمحي لي أن أستخدم هذه الفرصه للإلتماس من الأميرة بنت السيد أن تغفر لنا ما إغترفناه بحقها وتقبل إعتذاري لها وتمنياتي برجوعها مرة أخرى لمشاركتنا الكتابة في المنبر
05-15-2017, 01:18 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
الف مرحب امتثال حقيقة ما قمتم به من ترجمة لعدة اعمال أضاف نكهة جديدة للمنبر و قد تابعت أعمالكم أعداد كبيرة في مختلف أنحاء العالم و هي بالتأكيد إضافة للسيرتكم الذاتية. أتمني لك مستقبل باهر في مجال الترجمة و الحياة المهنية عامة و المنبر منور بوجودك
05-15-2017, 01:42 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
إمتثال عبد الله تستحقي كل احتفاء فأنت وبسمات وأميرة قمتن بعمل خرافي طالما لفت انتباه الكثير من الناس وأنا منهم مرحب بيك إضافة حقيقية للمنبر ___ الحليلة
05-15-2017, 01:43 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
تاني واحدة مسنوحة جات ما تعملي عوارة اميرة ديك خليك قاعدة مهما حدث تجاوزي المطبات والمعارك الوهمية التي تستهلك المزاج احدثي فرقا لا تكوني صلدة خليك مع الزمن الصاعد نحو قمة ارتفاعه الانساني كوني نفسك ولكن بحذر وتاني حباب المسنوحة لو عمرك اقل من تلاتين نقول ليك يا صاحبة لو اكتر يا عمتو احتفلت بعيد ميلادي الدون التلاتين في الويحيد
05-15-2017, 05:28 AM
محمد نور عودو محمد نور عودو
تاريخ التسجيل: 01-08-2013
مجموع المشاركات: 6325
امتثال عبدالله سعدنا بوجودك معنا ونتمنى ليكي إقامة طيبة في دارك ووسط اهلك . بكل تأكيد انتي إضافة كبيرة في المنبر وفي انتظار مساهماتك القيمة وين الاختين العزيزتين اميرة بت السيد و بسمات الشيخ لي كم يوم ما شايفن في البورد أن شاءالله ما أتعرضن لشيء في البورد وتوقفن عن الكتابة أن شاءالله هن بخير .الشكر للمهندس بكري أبوبكر والأخ حامد الصاوي ولكل من دعمك لنيل العضوية . تحياتي ودمتم بخير
05-15-2017, 06:27 AM
ياسر السر ياسر السر
تاريخ التسجيل: 08-06-2010
مجموع المشاركات: 3204
مرحبتين حبابك واليوم السعيد الليلة جابك ... الف مرحب بك اختي الاستاذة امتثال وبالجد الواحد سعيد جدا بانضمامك رسميا للمنبر العام فانتي اضافة ثرة جدا لهذا المنبر وكم استفدنا من ترجماتك الحصيفة فكنتي خير معين لنا في كثير من المواد فارجو ان تواصلي بنفس الالق والمثابرة والتحية عبرك للاخوات اميرة وبسمات فقد شكلتن ثلاثية متناقمة وجميلة تحسدون عليها كما اسجي التحية للباش مهندس بكري ابو بكر والاخ الاستاذ حامد الصاوي فقد اضافو لنا نخلة اخرى من نخلات بلادي الشامخات باذن الله ... والف مرحب بك مرة اخرى ...
تحياتي : ياسر العيلفون .......
05-15-2017, 07:01 AM
المسافر المسافر
تاريخ التسجيل: 06-10-2002
مجموع المشاركات: 5061
(-) اضافة مميزة للبورد صاحبة ترجمة مقتل الرئيس الامريكي جون كيندي أُختنا الفُضلى امتثال عبد الله (-) مشكورة ادارة المنبر وعلى راسها الاخ الفاضل بكري ابوبكر على قبول طلب الانضمام
05-15-2017, 09:49 AM
Yousif A Abusinina Yousif A Abusinina
تاريخ التسجيل: 11-12-2008
مجموع المشاركات: 2003
معروف انو الفرح مرتبط بالغناء و اسمحي لي يا امتثال و بما انك انسانة موسيقية اعطر البوست بهذا اللحن و أهديهو ليك أصاله عن نفسي و نيابة عن جموع المحتفلين بي قدومك. شوفي محمد وردي موسق كلمات الشاعر محمد أبو قطاطي دي كيف و نقول ليك
اختي صباح كيفنك وشكرا على الطلة البهية بس والله وبمغادرة اميرة بنت السيد فقدنا قلما كان يمكن ان يضيف الكثير لهذا المنبر فهي تدمن الكتابة والقراءة, وهي كتبت مذكرات كادت ان تبلغ الألف صفحة عن شخصيات سودانية شهيرة وتاريخية اثرت في المجتمع السوداني، وكذلك تدمن القراءة ولم تتوقف ابدا عن قراءة المنبر العام، ولكن لا اظنها تعود للكتابة، وهي قد صامت ثلاثة ايام لأنها كانت حالفة بالله ان لا تكتب في المنبر العام ابدا وذلك لأنها دخلت للعزاء في وفاة المرحوم كباشي لان والدها كان يهاتفه ويسميه شيخ العرب( فليرحمه الله رحمة واسعة ويدخله الفردوس الاعلى ويلهم اسرته واهله واصدقاؤه الصبر والسلون). وشاكرة ومقدرة ترحيبك وكلماتك الطيبة. مع وافر التقدير والاحترام
الحليلة شكرا الحليلة على كلماتك الطيبة .. والله العمل الخرافي كان فقط لاميرة بنت السيد وانا كنت فقط اشارك بالمساعدة بالترجمة لان وقتها ضيق فهي تعمل وتدرس ( فتاة عصامية) بحق وحقيقة. مع وافر تقديري واحترامي
05-15-2017, 01:28 PM
خالد حاكم خالد حاكم
تاريخ التسجيل: 08-25-2007
مجموع المشاركات: 3434
جيـــتك ( بامتثال ) صاحبي المتمم كيفي ... إبراهيم ثبات عقلي و درقتي و صيفي ... مطمورة غلاي .. مونة خريفي و صيفي ... سترة حالي في جاري و نساي و ضيفي ...
تحياتي لبتنا امتثال ... و تحية ترحاب مع الكابلي ...
خال فاطنة ... كتبتها و غنتها اجمل النساء يا امتثال ...
حبوبتك ام كلثوم عبد الرازق و حبوبتك مهلة العبادية ...
انا ملاحظة انه مافي اي اختلافات بين اعضاء المنبر العام في رايهم ح ول ما تكتبه من بوستات مفيدة وقيمة وكلهم يشيدون بك وبكتاباتك المفيدة والمليانة بحق وحقيقة
( بس خذلت زميلتكم اميرة بت السيد) وهي بتقول انكم وقفتم مع معاول الهدم فهربت بنفسها من طرق وعرة لم تجد فيها عدالة تذكر))
واشترت هدوء البال بدل الجري وراء متاهات لم تر فيها غير طرق مسدودة امامها فابتعدت استجابة لرغبة كثيرين.
.وشاكرة ومقدرة لترحيبك بقبولي عضوة في المنبر،
وبالمناسبة عمري اقل بكثير من العمر الانت قلته يا صاحب ، ومكتوب في البروفايل باليوم والشهر والسنة
امتثال لا يخف علي لغتك التي حاولتي ان تكون منضبطة ومجاملة انا ارحب بعضويتك بصورة لا مجاملة فيها وودت لو انني لم اداعبك في مداخلتي بترحيبك . فمن الواضح اني اخطأت طول المسافة بيني وبينك وحسبتها اكثر قربا لم اتعود ان اجامل فيما اراه صحيحا . يمكنني ان اصمت حياءا او لحساب اخري ولكن لن اقول الا ما اراه لم اقف مع معول هدم ابدا . واحزنني رأي اميرة فكنت اظنها تعرف معزتي لها وتقديري وبخصوص موقفها لا اتذكر الاحداث ابدا ولا التفاصيل ارجو ان تبلغيها انني كنت احمل لها داخلي اطنانا من الحب والود لها ولك ول بسمات وسأظل وارجو ان تبلغيها لقد ظلمتني جدا وجعلتني اراجع المسافة بيني والاخرين ثم لتقولي لها ولك ان لا شلة لي ولا مجموعة سوي ما اراه صوابا او انسانيا و لن تريني في بوست لك او لها ان عادت ويظل ودي لا يتزحزح
05-15-2017, 05:34 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
شكرا على طلتك البهية وسرني ان فنان مرموق بشييد بكتاباتنا،،
وبهدي ليك شئ من شغلك بالعود ، وزي ما قال جمال ود القوز في البوست الروعة الكتبه يحيى قباني عن انصاف فتحي بأن العزف على العود بيفتح مساحات وبيوري جمال الصوت
وما شاء الله طبقات صوتك قوية ومعبرة ويتناغم الموسيقى والكلمة والصوت في تناسق بديع، والموسيقى لغة العالم يشترك في فهمها كل سكان العالم،.
ومرة اخرى شكرا للترحيب وارجو ان اكون عند حسن الظن..
05-16-2017, 02:57 PM
Hatim Alhwary Hatim Alhwary
تاريخ التسجيل: 01-23-2013
مجموع المشاركات: 2418
الأخت الفضلى الاستاذة امتثال صراحة اخجلتني كلماتك الطيبات واحسب انها اعلى من مقامي اختي الكريمه وليس لي الا ان اتقدم لك بالشكر الجزيل وعظيم الامتنان على ما سطره يراعك في حق شخصي الضعيف كما اشكرك على ملاحظتك عن صوتي واطراءك وارجو ان اكون انا عند حسن ظنك بي .... ولك سلامي واحترامي ولبقية العقد النضيض اميرة وبسمات وادام الله تواصلكم ومودتكم .. ومشكورة لاصتحابك الفيديو هنا .... واسف للاطالة ...
الاستاذ حامد الصاوي شكرا على الهدية واهدي لك اجمل ما غنى الفنان الفنان محمد الامين ومن اجمل ما كتب اسحق الحلنقي,,, وشوف تفاعل الفنان محمد الامين حتى نزلت دموعه ، وتفاعل عازف حتى نزلت دموعه،،، فالموسيقى تتمازج مع الكلمة وتدينا روعة احساس ما بعدها روعة،،وشكرا مرة ثانية للترحيب والمطايبة مع وافر تقديري واحترامي
::::::::::::::::::::::::::::::::::::::::::::::::::::::::: احمد حمودي شكرا على الهدية
وشاكرة ومقدرة للترحيب ، وما عدمناك مع وافر الاحترام والتقدير: ::::::::::::::::::::::::::::::::::::::::::::::::: احمد الجميعابيوالله شاكرة ومقدرة لترحيبك وان شاء الله نكون عند حسن الظن مع وافر الاحترام والتقدير
الف مرحب بيك يا امتثال والف شكر أستاذ حامد .. وحقيقي مجهود مقدر في رفد البورد بعدد من المواضيع والمشاركات المتميزة ونتوقع منك المزيد في المستقبل ان شاء الله
شكرا إمتِثال علي اللحن الجميل و مدرسة الفنان محمد الأمين المتميزة محمد عبد الله مختار لا داي لشكري و المنبر هو حقل المعرفة و الصداقات الذي يُعَطِر حياتنا و يملاها أشجان و فرحة و اكون سعيد كل ما يشرفنا قلم متميز و شخص نستفيد منو (إمتثال مثلاً) صحيح إنو المنبر احياناً طارد و فيهو مُخَاشنات لا داعي لها و أي عضو بِتمُر عليهو هذه السخافات و لكن أنا بتعامل معاها برؤية مختلفة لانو ده السودان و دي طبيعة شعبنا ال فيهو تنوع اثني و ديني و معرفِي و أخلاقي و و و الخ. و التعامل مع هذا الواقع بحتاج انو مساهة التسامح بتاعتك لازم تكون كبيرة و صدرك لازم يكون واسع و نَفّسَك لازم تكون كبيرة و بعتبر المنبر Measure device للصبر و قوة التحمل و الحكمة و حٌسن التصرف. عندي قصة قصيرة ح اكتبها في المنبر بهذا الخصوص بداية الاسبوع القادم .... أكون سعيد لو شَرفت البوست لصاحبة البوست و ضيوفها كل الاحترام
05-18-2017, 07:41 PM
الطيب رحمه قريمان الطيب رحمه قريمان
تاريخ التسجيل: 03-21-2008
مجموع المشاركات: 12377
الأخت إمتثال تحياتي لك و لضيوفك الكرام ابارك لك قلمك الجديد لتواصلين مسيرة كتابتك المميزة والمفيدة، و الشكر "لود بطني" اخي حامد الصاوي الذي جعل هذا ممكناً و الشكر ايضاً لصاحب الحوش الوسيع الأخ بكري لسرعة الإستجابة
05-18-2017, 11:49 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
سلامات الابنة إمتثال .. نعم كنت كذلك في النصف الأول من حياتي المهنية .. وهو نصف لا زال ينوء بكلكله عليّ .. سعيد جدا إنك بتدرسي قانون .. في تقديري دراسة القانون مهمة حتى بالنسبة للتخصصات الغير مرتبطة مباشرة بمهنة القانون .. لإنو الجميل في هذه الدراسة بتكسبك ذهنية قانونية Legal Mind .. تعيد صقل وتوظيف إدراكك وتقيميك الذهني للأحداث.. بما ييسر عليك الولوج لجوهر المعنى .. بس من سلبياتها حرمانك من سهولة النظرة التلقائية للأشياء .. والتلقائية فائدتها الفسيولوجية كبيرة نفسيا وذهنيا .. أتمنى لك التوفيق ومستقبل زاهر.
05-19-2017, 05:44 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
الصديقة أو الابنة كما يحلو لك (امتثال) لاحظت انو في شبه كبير بين دخولك للمنبر و دخولي انا كنت رافض لانو شايف الكتابة مسؤلية و الرد واجب و عدم الرد سلوك غير حضاري و عشان ما عاوز أدخل في احراج كنت متردد خاصة و انو الزمن عندي كان ممحوق و قليل للأسرة و الاطفال و الزوجة ف كيف افرد مساحة للمنبر؟ قد نختلف في أسباب التردد لكن وجه الشبه انو إصرار الصاوي باعتبارة اخي الصغير و صديقي و رغبة الصديق و زميل الدراسة العزيز بكري يعني دخولك كان خلفه حامد الصاوي و بكري و أنا دخولي كان خلفه الصاوي زاتو و بكري صدفة جميلة
أكرر امنياتي لك بإقامة سعيدة و صداقات حميمة في المنبر بالمناسبة ترجمتك الأخيرة عن كاسترو و كندي كانت موضوع حوار طويل بيني و بين الوالدة الأستاذة عطيات وداعة الله الحسن و قالت لي زي امتثال دي البنات ال بعجبوني (الصاوي راجع بريدك الالكتروني) بالمناسبة الصاوي يشاركك هواية الموسيقي و كان بعزف مع الراحل المقيم الأستاذ/ مصطفي سيد أحمد لك و للمرحبين بقدومك ألف شكر
شكرا كتير وتحياتي للوالدة الاستاذة عطيات وربنا يديها الصحة والعافية
وما دام اخوك الصاوي كان بيعزف مع الفنان القامة الراحل المقيم مصطفى سيد احمد فمعناه هو متمكن جدا في العزف,, , وانا اساسا كنت بهوى الموسيقة منذ صغري ودرست الموسقى في معهد للموسيقى في نيويورك واسمه Turtle Bay Music school
وانا ما عارفة مسمين المدرسة خليج السلاحف لشنو،، ولكنها مدرسة عريقة وبتدرس مختلف انواع الاجهزة الموسيقية ولمختلف الاعمارمن
الاطفال وحتى كبار السن،،،الالة الوحيدة الما قدرت اعزفها بمهارة هي آلة العود، ومتمنية اعزف زي مهارة الفنان ياسر العيلفون، وارجع
فوق واسمع عزف المحترفين او زي الفنان الموسيقار بشير عباس، وعليك الله اسمع هذا العزف،،
،مع وافر التقدير والاحترام
والعزف والاغنية مهداة للاستاذ الهادي الشغيل وللنسمة بسمات وكل اهالي عطبرة الحلوة..
الاخت الاستاذة امتثال اشكرك على ذكر اسمي هنا وعلى امنيتك ان تستطيعي العزف مثل شخصي الضعيف على الرقم من انني ارى ان عزفي عادي وليس بهذه الدرجة العالية من المهارة وهذا كرم ولطف منك وشرف عظيم لي ان تضعيني اسمي هنا مع عمالقة العزف مثل الموسيقار الكبير بشير عباس فهو هرم من اهرامات بلادي ،، وانا ممتن كثير لك ومثل ما تمنيتي ان تعزفي مثل عزفي انا ايضا اتمنى ان ادرس الموسيقى واكون دارس مثلك علما انني لم ادرس الموسيقى ولكن لدي بعض الخلفية الموسيقة الضعيفه جدا والتي لا ترقى بان تقارن بك ,, على العموم شاكر ومقدر لك لطفك وكرمك واتمنى ان اكون عند حسن ظنك بي ... ولك عميق احترامي واجلالي ...
تحياتي : ياسر العيلفون .....
05-24-2017, 07:13 AM
Kabar Kabar
تاريخ التسجيل: 11-26-2002
مجموع المشاركات: 18547
فليكن استقبال غريب شوية..واسألك..اكيد يا امتثال سمعتي بسيدنا بلال ابن رباح..مؤذن الرسول (صلي الله عليه وسلم)..ولكن ، هل حصل شفتي ناس بلال ديل اليوم؟؟..طبعا اكيد الناس ديل ما انقرضوا..فرصة تشوفيهم عيانا بيانا..والأذان كان ، ولازال حاجة سمحة وخاصة..!! المهم.. حبابك يا صديقتي..بت ابا امتثال..!! على قول الفرنجة.. Welcome aboard buddy تابعت دعوة صديقي الجميل مهندس حامد الصاوي..وحامد يا امتثال من الناس الممكن تخطيهم في قائمتك الخاصة عشان تشوفيهم وتلاقيهم عين بعين..زول سوداني بحق وحقيقة..طيبان..ذكي..عميق..قراي.. والأجمل بيحب الغناء ..خصوصا غنا الحقيبة...ياخي التقول ديميتري البازار نمرة 2..امدرماني ظريف ولذيذ..ومعاك نحيهو ونعيد استقبالو من تاني..!! وبكري يا امتثال سنيرنا في الجامعة..وصاحبنا حامد..دفعة قدامنا.. يعني أي نقة عن تاريخ جامعة الخرطوم (هو بالله صار تاريخ..!!..سبحانك ربنا..!!)..حامد بيكون شاهد عصر..وعندو كسرات كده بيعرفها براهو..ولو لميناها مع بعض ..امسودان بتكون اكثر حنينا وواقعية..!! المهم.. كنت داير اعمل ليك حفلة استقبال خصوصية..بداية فكرت اهديك فصل من روايات بكتب فيها.. ولكن صرفت النظر وانا بقول: يا خي زولة بتاعة ساكسفون شن بلاها بالرواية وشنو كده ما عارف..!! ولمن قريت بوست اغتيال كيندي..ضحكت في ذات نفسي .. وقلت اخير اكتب ليها خواطر عن تجربة غريبة..تجربة زول يافع في الدلنج مثلا وبيسمع من استاذو (ابوهو الروحي مثلا.. ولآ انتي قايلة حكاية القود فاذر اختراع امريكي وقف هناك وبس..؟!!)..كان استاذي ، ابوي الروحي (وهو فنان تشكيلي) يحكي طرائف عن جاكلين كيندي..التقول كان الجكسي بتاعها..!!)..وبرضك صرفت النظر.. وفي لحظة صفاء وتجلي.. اتذكرت اخر لحظاتي وانا مغادر امسودان سنة 1999..واتذكرت صديقات جميلات وعجيبات.. منال وليلي..!! الصديقات ديل، وداعهن كان مجرد اهداء شرائط كاسيت..ليلى اهدتني كاسيت لجيمس لاست..(اي والله يا امتثال..بنات البندر مرات عندهن حاجات بيعرفنها براهن..!!) ..وليلي دي درست كلية العلوم الإدارية في جامعة الخرطوم (دفعة ورانا) ..لكن كان عندها سحر خاص مع فرقة جاز اسمها (القلب النابض).. وأي حفلة للناس ديل نحن بنكون قدام بي جاه ليلى تلك..!! اما منال..كتر خيرها..زادت شوية.. فاهدتني شريطين كاسيت..واحد بتاع المغنية الكولمبية تريسي شامبيون (قبل سنتين او اكثر..كتب عنها صديقنا واستاذنا الأديب عثمان محمد صالح ، في منبر سودانيز اونلاين..!!) والشريط التاني..كان شغل مزيكا بيغلب عليها الساكسفون..والعازف اسمو زامفير..!!..أي والله يا امتثال..ده زوق بنات في امسودان وفي تسعينات القرن الماضي..!! لمن جيت كندا..ما خليت معلومة طايرة عن تريسي ..ياخي تعمق لمن انا ذاتي قلت حقو اعمل دكتوراة في المعرفة..!! اما زامفير..اجريت البحث..ولقيت حاجاتو ..لكن ما وقعت لي..! لكن وفاءا لصديقاتي ، خصوصا منال ، وطيلة تجربة حياتي في كندا..كنت منحاز لشغل الساكسفون..والجيتار (بضي قاي ، جيمي هيندركس ، ارك كلابتون ، سنتانا..الخ)..ولم اجد ساكسفون يستحق التوقف امامو..!! انتا قايلة شنو يا امتثال..لميت في رهط (سيدنا بلال ، عليه السلام).. والأغرب شغل الساكسفون..!! في الحفلة دي ، يا امتثال اللجيند الأثيوبي علي بره ، من الأرومو (ناس سيدنا بلال)...شغال حفلة عامة..ومعاهو الليجند محمود احمد (ياخي ده عندو صوت مدرسة..!!!) واخترت الغنية دي بالتحديد..وانا ما فاهم فيها التكتح ، غير عبارة (كلنا في الهوا سوا..).. في نفس الحفلة ، يا امتثال ، وقبل الغنية المختارة هنا ، كان الفنان الأثيوبي على برة بيغني (شذى زهر ، ولا زهر)..وهي غنية الليجند السوداني عبد الكريم الكابلي..!! كتبنا عن التجربة قبل سنوات..وبعدها كان استاذنا الكابلي..يعيد اكتشاف ذاته ، ويستعين بفرقة اثيوبية..!!!! وعشان ترسيخ شغل الساكس..نضيف توضيح اكتر..!!
كتر خيرك يا صديقة..
بس خلي بالك ، ولو مرة ، انو في ناس بتعاين لإمتثال..عازفة الساكس..الطرمبة..الخ..!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
باسط المكي
Hamid Elsawi
معاوية المدير
elhilayla
معاوية الزبير
أبوبكر عباس
جمال ود القوز
د.محمد حسن
محمد البشرى الخضر
Hatim Alhwary
عادل الباهي عبدالرازق
Ahmed Alim
عبدالحفيظ ابوسن
محمد نور عودو
ياسر السر
المسافر
Nasser Amin
محمد مجيدو
Ali Abdalla
ملهم كردفان
Yousif A Abusinina
خالد حاكم
Arif Nashed
علي محمد الفكي
احمد حمودى
امجد الجميعابى
يحي قباني
Salah Zubeir
الطاهر الطاهر
مني عمسيب
عمر أبوعاقلة
عبدالله ود البوش
محمد على طه الملك
علاء سيداحمد
عبدالعزيز الفاضلابى
محمد كابيلا
محمد عبدالله مختار
عبد المنعم سيد احمد
الطيب رحمه قريمان
elsawi
Kabar
فيس بوك
تويتر
انستقرام
يوتيوب
بنتيريست