وانتو يا بناتي وابنائي ، وبالليبرالي ، يا صديقاتي واصدقائي: قحتكم قوية شديد..!!..والله صحي..!!
لي قدام ، ومعاكم ، خصوصا بعد زرزرة الأصوات الشابة لسيدي الإمام الصادق في برنامج البي بي سي بتاع (نقطة حوار)..!!
لامنا بعض الأصفياء والصفيات ، عن مكاجرتنا لناس الحزب الشيوعي..!!..انتو قايلين شنو؟..المكاجرة ح تستمر..!! كل الحب لشباب تسعطاشر ديسمبر ، مهما حاول الحناكيش من بقايا النخبة السودانية امتطاء ظهوركم لتحقيق المجد الرابع ولا شنو كده ، فانتم المنتصرين اولاد وبنات..!! لا يغرنكم خطبهم الهايفة ، فانتم من تصنعون مستقبل السودان ، بعيدا عن الصادق المهدي وياسر عرمان وباشبوزك الحزب الشيوعي (اكبر الحناكيش اياهم)..!!
كبر
12-21-2016, 02:14 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
ياخي حرام عليك ياااااااااااااااااخ..!! صدق من قال القلوب شواهد ..! وانا في امطرقا عراض ، مترقب عاصفة الجليد عشان تخلي الكريسماس ابيااااااااااااااض حتى يفرح عيال جون، كتبت الخطة (أ) غصبا عن معتصم الطاهر ، وقايل شنو..سؤال مالح عن حكاية الزميل الجميل (غانم)..صاحب العبارة القالها بالمانية فصيحة في صقيعة سلاح الذخيرة ، وهويسأل عمنا عثمان الكودة : wo ist der Schlüssel ثم مرق قريبي الأصيل ..عم (راشد)..! اما الخطة (ب) ، كانت نواح/عتاب موجه لعادل البراري..يااااااااااااااااخ سبيت فيهو لناسك كلهم من اشراقة ومعاوية الزبير ودحدوح ذاتو..ثم خطيت الرحمن في المكان اياه وانا اطلب شهادة الملاعيين: طارق محمد عثمان ، سيدنا صلاح كوستي ، وعبد الحفيظ اب سن..!! وهذا الخيط هو الخطة (ج)..!! وح اجيب وشوش البينات اليقين.. بس اوعدني لمن تشوفهن وتخفي دمعة تحت العمة..ثم تعال قولها بكل صراحة: نزلت مني دمعة ساكت يااااااااااااااااخ..! امشي البحر يا صاحب ، اضرب سمك في المرسى ، وولع انوار الإستاد ، ان شاء في نص النهار ذاتو وقول وراي: فيفا فريق الرابطة..!!..فهذا اظرط من برشلونا يا عمك..!! يعني من كل الملجة المعروضة في المنبر ده ، ما شفتا الإ كويمات الطماطم المفجخة بتاعة صاحبك كبر؟.. كتر خيرك يا صاحب.. والحزن الأكبر لا يقال..!! فهي دنيا يملكها من لا يملكها.. اغنى سادتها الفقراء..!!! وطوبى لهم..طوبى لهم...!!! كبر
12-21-2016, 02:15 PM
Kabar Kabar
تاريخ التسجيل: 11-26-2002
مجموع المشاركات: 18537
ثم بعد اذنكم جميعا..سلام لصاحبي (شهيد الجيتارات الحميمة)..صاحبنا وائل فاروق.. ميرسي بوكو يا عمك..!
وبعد ثم ، سلام لصاحبي الصوفي الجميل ، الذي علمنا اكتشاف جيتارات الصحراء وحنين مزيكا البلوز ..صاحبي الذي اكتشفت ، بالصدفة ، انو صار بقدرة الأقلام الصدئة مجرد ملحد...!!
صغار الظواهرية (اهل الظاهر) وضعاف البصر والبصيرة من المتأخرين من اهالي امسودان ، وصفو صاحبنا ثروت بالإلحاد ، ثم طفقوا يزوقون خطابهم القاصر المـأفون بتصاوير زجاجات النبيذ الحامض الرخيص ليثبتوا لذواتهم زندقة ثروت ذاك..!!
انتا قايل شنو يا ثروت ، على بالحلال اجيب تاريخ (الملامتية في امسودان القديمة) والإ تشوف كل قرد طلع شدرتو..!!..فشنو يا عمك زمن الأدب والكلام بالإشارات لقد ذهب.. وامسودان اليوم دي ما بينفع معاها غير انك تركب جوادك وتتوشح كلاشك..!!..الحناكيش زعلوا مننا لمن جبنا سيرة الجبخانة (شفتا فتاوي ناس الظاهر دي كعبة ككيف..!!) ثم زعل الحناكيش لمن قلنا ليهم ح نستضيف عمر البشير في ديارنا (طبعا صحابنا ركزوا فقط في امر الإستضافة ، وتجاهلوا الشرط للإستضافة..!!..باقي ليك نسوي شنو يا عمك..؟..شعب نساي ومثقف احوص لا يرى الإ ما يخدم هواه اليقوم على التصحيف وتجيير الأشياء لما يخدم خياراته القـــذرة..!!)
وتلك النقاقير ، وام كيكي ، التي صارت بقدرة قادر فكرة اصيلة لألة الكلارنيت..!!
كلو ، نهديهو لعمنا واستاذنا: ازرق طيبة..!!
كبر
12-21-2016, 02:46 PM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
لم تعد يا كبر من اهل الحقيقة التي لو كانت ضالة سعيك لما موهت حقيقة اصحاب الاقلام الذين اساءوا لصديقك ثروت الدهب ولما عرفتهم ب "صغار الظواهرية (اهل الظاهر) وضعاف البصر والبصيرة من المتأخرين من اهالي امسودان ، وصفو صاحبنا ثروت بالإلحاد، ثم طفقوا يزوقون خطابهم القاصر المـأفون بتصاوير زجاجات النبيذ الحامض الرخيص ليثبتوا لذواتهم زندقة ثروت ذاك..!!.
بتعريفك المضلل هذا ياكبر تكون قد حجبت الحقيقة التي مفادها ان الانقاذيين وليس سواهم في سعيهم المحموم لتنفير الجمهور من العصيان المدني قد وجدوا ضالتهم في الصورة التي نشرها ببراءة ثروت سوار الدهب فجعلوا من صاحب الصورة مثالا لدعاة العصيان المدني. ولااحسب ان كل هذا مما يخفى عليك ولكنك صرت ممن يكتمون الحق وينصرون الطغيان.
12-21-2016, 02:48 PM
Kabar Kabar
تاريخ التسجيل: 11-26-2002
مجموع المشاركات: 18537
من يروج لحكاية ام كبس محمد الأمين ، وهو يحاول بياس ان يخلق منها ايقونة لإشعال لهيب الثورة ضد الظلم والطغيان ، فهذا انسان كاسد ويأئس ولا يقرا تاريخ امسودان بحق وحقيقة..!! هنا اهديكم البنيات اليقين..بنيات سمحات سماحة الله ورسولو..وأي زول ولا زولة بيحاول التغيير وصناعة يوم باكر..عليهو يكحل عيونو جيدا بملامحهن الجميلة ، عشان يعرف ضمير امسودان هو شنو بالضبط (الكلام ده حناكيش الشيوعيين بتاع اليوم ما عندهم بيهو شغلة ولا ح يقدروا يحكوا ليكم عنو..!!..ليه؟..لأنهم حاقدين وحاقدات و ساكين ليهم تار ليوم الدين ما بيقدروا يكفوا ديونو..!! والله صحي..!!)
كبر
12-21-2016, 02:53 PM
Kabar Kabar
تاريخ التسجيل: 11-26-2002
مجموع المشاركات: 18537
اها البنية اليقين الفوق دي ، وقصدي (خنساء عمر)..هنا زوجها الذي كان يمكن ان يكون رئيس وزراء امسودان..!! معليش يا ناس 19 ديسمبر..فامسودان ما محظوظة كلو كلو..!! فقط اتخيلوا: لو كانت سيدة امسودان الأولي هي (خنساء عمر) ورئيس الوزراء هو (بابكر النور)؟..
في الحوار المقتضب ، بابكر النور تحدث عن جبهة ديموقراطية عريضة..وبالتالي لا ديكتاتورية في السودان..!! الجبهة الديموقراطية العريضة ، كانت هي جبهة يسار عريضة ، فيها محمد سليمان الخليفة الذي سقطت طائرته في جدة (ربما اسقطت عن قصد) وهو قادم من بغداد..واستشهد ومعه نفر كريم..!! المذيع سـال بابكر النور: ماهو مصير جعفر نميري؟ فاجاب : هو معتقل الأن ، والتحقيق سيحدد مصيره..!! فقام جعفر نمير كتل بابكر النور من غير تحقيق حتى..!! الجانب المشرق االذي نريد ان ينظر اليها شبابنا في 19 ديسمبر..ان هذا كان يمكن ان يكون رئيس وزراء امسودان قبل خمس واربعين سنة ، واليوم رئيسهم لا يجرؤ ان يقول اربعة جمل بلغة انجليزية فصيحة ولا احد حريمه المتعددات..!! (بالطبع نفس الحوار له نسخة عربية ، ولكنا آثرنا نقله باللغة الإنجليزية..!!) كبر
12-21-2016, 03:01 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
لمعاوية الزبير مكانا داخلي لا ينازعه احد . نظرته فرأيت داخله ثم نظرته فلم ار إلا طفلا جميلا اضاع لعبته فطفق يبحث عنها يسوقه الوجد الازل فظل يحدق بلا وجه ولاشراقة ذكريات الشباب . ذلك الزمان الجميل . زمن شحتفة الروح في اللقياء التي افسدها الموبايل وين انتي البرابري تعارفنا في دهاليز السايبر ووجدته صديقا ودودا معتصم الطاهر الباشمهندس اعرفه أكثر مما يعرفني اعرفه وهو طالب بالعالي وصديقا لابن عمي وتلك تخريمات تراها لا تصب في متن البوست ولكنها تصب فلا عدميه ان رأيت مني جمالا فمنهم وان رأيت قبحا فلسؤ انعكاس جمالهم علي مرآتي المعطوبة وكذلك تلكم البنيات والوليدات فهم ارث اولئك الرجال والنساء الذين يصنعون تاريخ الوطن الجميل هم ارث من تسميهم بالحناكيش
12-21-2016, 03:37 PM
Kabar Kabar
تاريخ التسجيل: 11-26-2002
مجموع المشاركات: 18537
ههههه.. علي دفع الله..حبابك يا صديقي يازول هوي بؤس الشيوعيين والحمرنة الفي النقعة دي ما بتقسم معاي ياعمك..!! عبد الرحمن عزاز ضباني كربون في جخانين الفيس بووك وزعلان كيف ركبت وش للمدعو على دفع الله..!!..والله صحي..! الزيت : مداخلة عبد الحفيظ اب سن الآولانية: تحديدا السطر التالت والرابع..!! زمان يا علي ، قريبك واحد بقاري في الضعين..الحال ضاق بيهو قال لأهلو: الحول كن ما عرستو لي ، اسوي ليكم فضيحة ابقى ام جكاكي في السوق (ام جكاكي ترزي العراريق وكده)..!! اها انا كمان ممكن ارفع صوتي واسوي ليك فضيحة هنا ، واقول للناس: على دفع الله كان سنير شيخ عمر بتاع الصومال العامل فيها من ناس القاعدة (يعني الشباب الصومالي بالعربي السياسي الفصيح)..!! في ذمتك يا علي هل ممكن يصدق اخونا عثمان محمد صالح وصديقتنا الجميلة دوما بانو علي دفع الله القاعد يتفاصح في المنبر ده ، اتخرج من نفس الجامعة الجابت شيخ عمر بتاع الصومال؟.. طبعا ناس خنساء وبابكر النور ، ديل شعرا انت ما عندك ليهو رقبة يا عمك..فشنو اخير تلزم الضل..!! هههه.. نسيت..هسع لو قلت لعثمان محمد صالح ، على دفع الله كان بيطارد الشاب الفنان شول عشان يوديهو المستشفى ، ثم تدهورت حال شول ، ثم ظهر حناكيش القنوات في الخرطوم وعملوا فيها شول صاحبهم لزم ، ثم العافية انتابت شول فعاد لحاله الأولي..باقي ليك عثمان ح يفهم الرندوك ده..!! قريبك صاحي يا عم علي..فشنو الزم الضل ساكت..!! كفاية البوست الفات لميتو فينا عااااااااااااك وعيك ومرقتونا في امطرقا عراض..!! فشنو البوست ده كلام كبير اوي اوي يا صاحب..اخير تتفرج ساكت..!! كبر
12-21-2016, 03:44 PM
Kabar Kabar
تاريخ التسجيل: 11-26-2002
مجموع المشاركات: 18537
بالعكس يا عبد الحفيظ..الخيط اصلا للتداعي والذكريات..!! لكن بيني وبينك ناسك ديل ( واشار الى معاوية واشراقة ومعتصم وهاشم الحسن ذاتو) حناكيش ساكت..لا حضروا جاكات (بطه) ولا السواني (ابار الإنجليز) ولا طاردهم بوكس امن جنوب النيل الأبيض..!!! اكتب يا صديقي ، فهناك اجيال فاقدة الوصل تماما ، وقهمناها كثيرا بالسياسي..!! كبر
12-21-2016, 04:00 PM
Kabar Kabar
تاريخ التسجيل: 11-26-2002
مجموع المشاركات: 18537
البنية اليقين ، نمرة اتنين ، اسمها بت النور ، اسمها الكامل نايلة النور..وهنا رسمها ومعناها.. ويا ناس 19 ديسمبر.. نايلة هي ارملة الرايد فاروق حمد الله..! فاروق كان وزير داخلية امسودان ذات زمان ما..!! لكن المفارقة الجميلة التي لا يعرفها الكثيرين منا ، هي ان فاروق حمد الله هو الضابط الذي انزل علم الإنجليز من السارية ساعة وداع المستعمر ، ثم قام الأزهري (رئيس الوزراء) ومعاهو زعيم المعارضة (محمد احمد المحجوب) برفع العلم السودان اٍذانا بلحظة استقلال السودان..!!!
كبر
12-21-2016, 04:11 PM
Kabar Kabar
تاريخ التسجيل: 11-26-2002
مجموع المشاركات: 18537
هنا.. هذه اللقطة الحزينة المعبرة..! في النقاش الجانبي نسمع عبارة: محمد احمد الزين..! وده ود الزين ، الذي تمجده ادبيات الشيوعيين كثيرا..! في الصورة..الزول اللابس فل سوت..وقاعد يولع في السيجارة هو الرائد فاروق حمد الله..زوج البنية اليقين نايلة بت النور..!! وبعد شوية يظهر زول انيق في قميص ابيض وبنطلون اسود (ياخي لغاية الليلة بتفتش لي ترزي يفصل لي بنطلون زي ده وما لاقيهو..!!) هو بابكر النور ، زوج البنية اليقين الأولانية..!! في ايام الإعتقال ، قامت شقيقة الرائد فاروق حمد الله ، طلبت من باشبوزك نميري انها تزور فاروق في المعتقل ، طبعا الباشبوزك ما صدقوا لأنو جاتهم من السماء ، ولكن يا حسرة..!! الرائد فاروق حمد الله رفض مقابلة شقيقته ، عشان ما يدي الباشبوزك نقطة ابتزاز يستغلوها..!! كبر
12-21-2016, 04:03 PM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
ههههههه والله يا كبر بتحب اللغوسة حب تدخل ام كيكي مع خنساء تدخل بالدالي وتمرق بالمزموم .. كب الحنك كرررررر بدل ام سودان ولا ام سروال هههه شفت زرزرة عزاز ليك في الفيس هههه عجبتني ليك هههه اما بخصوص رءيس الصومال شريف شيخ احمد اول زول لميت فيه في الابيض وجبتو معاي الدلنج بتذكر بالليل مشينا فوالي قدورة بتاع الربع الاول في الابيض وقلت ليه ارح نتعشى وهو بتكلم معاي لغة عربية فصحى ماذا سنأكل في العشاء قلت ليه بوش .نطط عينيهو وقال لي قاتل الله بوش هههه قلت ليه هدي من روعك يا اخ العرب بوش تعني واحد فول وعشرين عيشة ههههه وبعد كم سنة اختفى علي الحلف كان شفتو بعد فترة رييس الصومال هههه لكن طلع زول كويس مرة رسل لينا رسالة دعوة عشاء وكان في زيارة رسمية للسودان تتصور يا كبر جاتني دعوة رسمية من القصر الجمهوري دعوة عشاء لزملاء الرءيس الصومالي ...علي الحلف اعتذرت ليه زي الترتيب بس قلت ليه لو بقيتني وزير خارجية بتاعك حا اوافق هههههههه ------- كبر بطل المعط وخش توووووش عليك النبي
12-21-2016, 04:01 PM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
والبنيات اليقين ، سرهن باتع يااااااااااااااااخ..!! التحية ليهن ايقونات الصمود والصبر والمحبة والإلهام ذاتو.. كلنا بنسمع الباشكاتب (استاذنا العظيم الفنان محمد ألأمين)..خصوصا رائعته (يا معاين من الشباك)..!
اها الغنية دي اتكتب في البنية اليقين ..امنا الجميلة نايلة بت النور..!!!!!! تصدقي يا نايلة ، ايام الشباب ، كتبتها في جوابات غرام ، تلحق العشرة عديييييل.. ومن الليلة دي كل ما اشوف لي عيونات مسبلة ح اكتبها.. ياااااااااااااخ ان شاء الله تكون عيون من كولومبيا ذاتو..!!! اللذيذة ، ايام العرس ، ابونا الشهيد فاروق حمد الله ، حلف بالتقطعو انو مافي عروسة بتظهر قدام الناس..!!! كبر
12-21-2016, 04:21 PM
حماد الطاهر عبدالله حماد الطاهر عبدالله
تاريخ التسجيل: 06-29-2006
مجموع المشاركات: 2159
صديقينا في محراب عشق الجمال والفن..ابراهيم..حبابك يا صديقي كتر خيرك على المرور والمطايبة.. عارف يا ابراهيم ، متخيل تلقى ليك زول يقول ليك..في لحظة حركة 19 يوليو 1971 ، انو في شافع كان بتفرج على رتل الدبابات (صلاح الدين) وهي مارقة من المدرعات وداقشة سنتر الخرطوم..!! الدبابات ماشة في الشارع ، ونحن ننطط ساكت..ننطط وما جايبين خبر..! وعلى بعد مربوعين من بيتنا ، كان بيت ضابط سوداني ، صار فيما بعد مثيرا للجدل في المشهد السوداني ، وهو عمنا ، اسمو فضل الله برمه ناصر (ليهو التحية) ، وفيما بعد، بعد زمن طويل كان عضو المجلس العسكري بتاع الإنتفاضة (مجلس سوار الدهب)..!! وصدقني ، لا انسى ، حفل ما في نواحي فسحات الجيش تلك ، كان فيهو ثنائي النغم وامبلينا السنوسي..!!! كتر خيرك يا صاحب..ونحن بنعرف كيف نعمل الفرق في مشهد امسودان المجوبك ده..! كبر
12-21-2016, 04:52 PM
Kabar Kabar
تاريخ التسجيل: 11-26-2002
مجموع المشاركات: 18537
هههههه.. عبد الصمد ..حبابك يا صديقي ياخي احبطتني يااااااخ ..! اول مرة اعرف انك جناح معاوية ابراهيم سورج..!! ككيف ما موسوعة؟ انا هين.. عاين بشكة على دفع الله البيقول ليك ساق رئيس الصومال (بتاع القاعدة الواحد ده/من مؤسسي حركة الشباب في الصومال)..وعزموا على فتة بوش..!!! هون عليك يا عمك ، عثمان محمد صالح شات ضفاري من غير ما يفهم مغزى الفيلم ، وانت برضك شغال بالريموت يعني؟.. كتر خيرك على المرور..!! كبر
12-21-2016, 04:59 PM
Kabar Kabar
تاريخ التسجيل: 11-26-2002
مجموع المشاركات: 18537
ول ابا حماد..حبابك يا صديقي كتر خيرك على المرور..! يا اخوي العالم دي شغالة بالريموت: يعني اول ما تشوف بوست باسم كبر امشي كب الفيها النصيب واتخارج..!! الشيوعيون اليومين ديل نفسياتهم في التراب ، وقلنا نساعدهم شوية..لكن يا اخوي على قول المثل: جوا يساعدوهو في حفر قبر ابوهو قام دس المحافير..! كتر خيرك كبر
12-21-2016, 05:04 PM
Kabar Kabar
تاريخ التسجيل: 11-26-2002
مجموع المشاركات: 18537
البنية اليقين التالتة..اسمها نعمات مالك ، وهي زوجة الأستاذ الشهيد عبد الخالق محجوب..! حينما بلغها نبأ اعدام زوجها ، لم تحزن ولم تبكي ، وانما خرجت في مظاهرة..!! لها التحية..
كبر
12-21-2016, 05:13 PM
Kabar Kabar
تاريخ التسجيل: 11-26-2002
مجموع المشاركات: 18537
غايتو يا كبر جوطها لي في راسي كلامك دة ما فرزتو تب الخيط الاول ابا ينعقد لي مع الخيط التاني ف شنو قول لي شيل نعلاتك وابقا مارق اها زول دي وكرة الاسد مع ابوالحصين
12-21-2016, 07:47 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: الجانب المشرق االذي نريد ان ينظر اليها شبابنا في 19 ديسمبر..ان هذا كان يمكن ان يكون رئيس وزراء امسودان قبل خمس واربعين سنة ، واليوم رئيسهم لا يجرؤ ان يقول اربعة جمل بلغة انجليزية فصيحة ولا احد حريمه المتعددات..!!
تحياتي يا كبر رغم أن الحديث موجه لشباب 19 ديسمبر لكن اسمح لي بخشم خشمين الجانب المشرق كان حيكون مش في منو هو رئيس الوزراء بل في كيف صار رئيس وزراء, هل اختاره الشعب أم صحينا على انغام المارشات العسكرية وبيان رقم واحد !! الجانب المشرق في أن يكون رئيس الوزراء موظف لدى شباب 19 و اهلهم كل اربعة سنوات كان عايزين يجددوا ليه عقدو او يرفدوه على كيفهم وبكامل إرادتهم مش قاعد بسلطة مطلقة ولا محاسبة الخمس واربعين سنة دي ذاتها
فا شنو .. المدردم كلو ليمون :)
12-21-2016, 08:57 PM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
يا كبر كيف حالك ياخ الأغنيه يا معاين من الشباك كاتبها الشاعر خليفه الصادق حسب كلامه وهو من الشبارقه الجزيره أول مره أسمع بجباره وسوق كلام سمح والمحطات الصغيره لا تقف فيها
12-22-2016, 07:07 AM
Kabar Kabar
تاريخ التسجيل: 11-26-2002
مجموع المشاركات: 18537
صديقي محمد البشرى..حبابك كتر خيرك على المرور.. البوست ليس للسياسة يا صاحب ، وانما تأمل لبعض من لحظات التاريخ السوداني الذي يجب ان ينتبه لها الشباب..! الجزئية التي اقتبستها يا صاحب لا تتحدث عن عسكر وديموقراطية ، وانما تتحدث عن المؤهلات الشخصية لمن يتصدى لأن يكون رئيس وزراء في السودان ، وهي صفات استاندرد يعني زول مثلا تكون عندو كاريزما ورؤية ويجيد اللغة الإنجليزية او أي لغة عالمية اخرى ، فلا اظنك تختلف معي بان من يأتي بصناديق الإقتراع يجب ان تكون فيه مثل هذه الصفات وغيرها من مؤهلات ..! ودمت.. كبر
12-22-2016, 07:09 AM
Kabar Kabar
تاريخ التسجيل: 11-26-2002
مجموع المشاركات: 18537
ول ابا منصور..حبابك يا صديقي كتر خيرك على المرور.. وكتر خيرك على الإفادة حول شاعر اغنية يا معاين من الشباك والتحية ليهو.. والإفادة التي اعتمدت عليها هي ما وردت في الحلقة مع الأستاذة نايلة.. الإفادة التانية التي استغرقتني من حديث الأستاذة نايلة هي انها كانت تعد العشاء لجعفر نميري (البيض ابو عيون) ثم يعود نميري ليعدم زوجها فاروق حمد الله..تشابك عجيب يا صديقي..! ودمت.. كبر
12-22-2016, 07:36 AM
Kabar Kabar
تاريخ التسجيل: 11-26-2002
مجموع المشاركات: 18537
يا صديقي انت براك متلخبط: البوست للتداعي والذكريات ودعوة لتأمل بعض المفاصل في التجربة السودانية ، يعني البوست الفات سكة براها (سياسة) وهنا سكة براها (تداعي)..
الجانب الأخر هو ترسيخ لفكرتنا التي بنيناها عبر الأسافير ، تحديدا هذا المنبر ، والإستفادة من تكنولوجيا التواصل ، يعني فرصة تسمح لينا بمعاينة الفيديوهات بطريقة مختلفة ، يعني ليست هي طريقة تتفرج وتمشى.. فهناك مواد غنية وحقول تصلح للتحليل السيوسيولوجي والثقافي والجمالي..! يعني مثلا..فكرة السياسي السوداني ، فنحن دوما ننظر له من جانب واحد:الجانب السياسي ، اما الجوانب الأخرى فهي مغيبة تماما ، مثل التفاصيل الإنسانية الصغيرة والحميمة ، وعلاقاتهم الأسرية ، وصفاتهم الإنسانية العادية..!
وهناك الطرائف التي لا نتوقف عندها كثيرا..فالعبارة باللغة الألمانية التي ذكرتها لك ، وهي موضوع خيط اخر لا ادري هل سيرى النور (مع مكاجرة الشيوعيين لينا) ام لأ.. فهي العبارة التي قاله اخر عنصر في حلقة تهريب الأستاذ عبد الخالق محجوب ، يعني العنصر المباشر الذي نفذ فكرة التهريب ، وهي خطة ذكية وعادية ومعقدة وبتوضح الذكاء السوداني الفذ..!! فحينما انظر اليوم لشهادة ذلك الرجل ، فلقد كان كل سؤاله هو تلك العبارة التي قالها بالألمانية وهي توضح الشجاعة والإيمان بالفكرة..! اضف لذلك فكرة الخلايا وكيف تعمل ادبيات اليسار السوداني: حكاية الــــ Chain of Command ياخي فكرة عجيبة ومدهشة ، وربنا يقدرنا نكتب ذلك الخيط..
لا تخرج ، ومثلما قلت لك البوست للتداعي والتذكر والتأمل والتفكر في الظواهر..ومثل هذا التفاعل لا اظنه يؤثر في التكتيكي اليومي بتاع العصيان أو اسقاط النظام ، فالنظام سيسقط مثلما سقطت انظمة سابقة ، ولكن الذاكرة السودانية يجب ان تبقى وان نفهمها صاح.. فمزاج انسان امسودان يا صاحب ، مزاج فريد وعبقري ويحتاج التأمل كثيرا..!
عبرك اوجه دعوة للقنوات السودانية لإستضافة اسرة او زوجة اخونا المرحوم دكتور خليل ابراهيم ، فانا بالجد داير اعرف تفاصيل الزول ده شنو:تعاملو مع ناس البيت ، اكلتو المفضلة ، القدرة على حفظ الزمن والموازنة بين العام والخاص ، والأكثر كيف كانت اسرته تتعامل مع غيابه وهو يخوض خياراته في الخلاء والغابة ، والأهم : هل زار دكتور خليل اسرته ابان عملية الذراع الطويل ام لأ؟..وكيف كانت اسرته تتواصل معه وهو في الميدان..وهكذا..!
واظنك تعرف بعض التجارب ، ودعنا نحتفي باهلها وان نقول لهم ، كشعب سوداني: شكرا على المحاولة..!
ودمت.. كبر
12-22-2016, 07:42 AM
Kabar Kabar
تاريخ التسجيل: 11-26-2002
مجموع المشاركات: 18537
كتبت هذا الخيط ، لأن بعض الأصدقاء الشباب كانوا يلومنني باني احمل كثيرا على الشيوعيين السودانيين ، وفكرت في الحديث عن محطات في التأريخ السوداني ، فكانت هذه الإحتفالية المبسطة التي رأيت فيها اعادة عرض هذه اللقاءات مع هؤلاء السيدات السودانيات الكريمات ، وهن يتحدثن عن اصعب اللحظات التي مرت بهن وكيف تماسكن وعبرنا تلك اللحظات لغاية ان يسمح لهن الزمان بعرض تجاربهن والتحدث عنها بشجاعة..!
تجربة 19 يوليو ، كانت هي تجربة وفرصة اليسارالسوداني للصعود الى سدة الحكم في السودان ، غض النظر عن الوسيلة الخطأ ، فلقد كانت الفكرة هي مظلة كبيرة لتجميع اليسار السوداني : ديموقراطيين ، شيوعيين ، بعثيين ، قوميين عرب ..الخ..!
والمراجع الأمين لتلك الحقبة واحداثها سيذكر أن هناك طائرتين: الأولى من لندن تقل بابكر النور وفاروق حمد الله ، واخرى من بغداد كان على متنها المرحوم محمد سليمان الخليفة وحدث لها امر ما في مدينة جدة ، مثلما تم اجبار طائرة لندن بالهبوط في طرابلس والقبض على النور وحمد الله وتسليمهما لنظام جعفر نميري..!
في تلك الأيام المد اليساري كان في حالة تصاعد كبيرة للغاية ، وكان له حضور كبير في المشهد السوداني ، وكان يمثل خندقا بديلا لليمين السوداني الذي كان عماده الطائفية بكل فصائلها واحزابها..! ولأن الحزب الشيوعي السوداني كان بمثابة السلسلة الفقرية لتلك الجبهة اليسارية العريضة ، فلقد كانت ضربته موجعة للغاية ولم يتعافى اليسار السوداني حتى اللحظة..! الجانب الآخر من الصورة ، ان اليمين جمع اطرافه وظل يعمل على تجديد مكوناته ، الى ان اشتد عوده فاعاد تجربة اليسار بكل حذافيرها واخطائها حينما صعد للسلطة بطريقة متلوية تمثلت في نظام الإنقاذ..ولقد استفاد اليمين الصاعد من الأخطاء التكتيكية التي وقع فيها اليسار في 19 يوليو ، فعمل على تأمين التجربة لذلك استمر في الحكم..!
التحية لأولئك النساء الجميلات الكريمات ، وهنا قدوة جيدة تصلح لتأمل التجربة والإقتداء بها..
كبر
12-22-2016, 08:00 AM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2664
الشيخ..حبابك يا صديقي كتر خيرك على المرور هنا.. حزن ساكت يا عمك؟.. بالطبع قاعد اتفرج في التسجيلات دي كثيرا ، وكنت اشعر بالحزن ، ولكن بكل صراحة لمن شفت وجوه البنيات اليقين ، دخل الرحمن قلبي ، وقلت ياود هوي البنيات قويات فدع عنك الحزن يااااااااااااااخ..! ياخي ناس بتواجه الموت وعيون الجلاد: بكل اناقة ، ومعاها بسمة كبرياء نحتاج كثيرا ان نشرحها للعالم..والله صحي..! بعد توليع السجارة ، فاروق بيقول للجلاد: اقيف شوية وخليني ارسل نظرة ليهم ، نظرة تهزم الجلاد وبنادقه المشهورة ضعفا..!!..هنا انتصر الإنسان يا صاحب..والله صحي..!! في شهادة البنية اليقين .. نعمات .. قالت: اصلا عبد الخالق ، في المعتقل كان لابس جلابية ، وقال للجلاد: حكاية انا ميت دي مفروغ منها ، لكن ما ح امشى المحكمة والإ انا لابس لبس انيق.. فانصاع الجلاد ، ونعمات رسلت لعبد الخالق القميص البيحبو..لأنو لون القميص ذاتو حكاية عجيبة ياااااااااااااااخ..!! ولغاية الليلة انا بفتش لي ترزي ، عشان يفصل لي بنطلون زي بنطلون بابكر النور..!! خلق عجيبة يا صاحب ، تصنع اللحظة/الرمز ثم تذهب لحالها..!! التحية لزمن الوسامة ، بما في ذلك طاقية الحرير الحمراء بتاعة ابونا الفنان الجميل محمد احمد عوض..فليس كل الحمار كعب كما حدثنا الإمام المهدي عليه السلام (الحمرة الأباها المهدي..!!)..تلك الطاقية وثقناها في رواية نشرناها في هذا المنبر ذات يوم ما..!! كتر خيرك يا صاحب.. ودمت.. كبر
12-22-2016, 10:26 AM
Kabar Kabar
تاريخ التسجيل: 11-26-2002
مجموع المشاركات: 18537
ومن تلك الأيام اياها..لمن كانت البنيات اليقين في جوه المأساة ..! كانت هناك بنيات تانيات..في زون تاني خالص..!! بعد كعة ايام 19 يوليو..متذكر لي حفلة في فضاية ، لا ادري هل هي جنب المدرعات ام لأ..وكانت فيها ثنائي النغم..! المفارقة: نفس الزمن البخلينا نشوف البنيات: خنساء ، نايلة ، نعمات ، هو نفسو الزمن البخلينا نشوف خديجة وزينب (ثنائي النغم)..!!
التحية لأستاذنا الإذاعي الجميل محمد سليمان ضو البيت بتاع (يارااااااااااااااااااااجل..!!)*\
كبر ــــــــــــــــــــــــــــــــــــ
* في احدى حلقات برنامجه الجميل (جراب الحاوي) ، قدم استاذنا محمد سليمان ضو البيت ، سؤال للجمهور عن شخصية ما ، فقام واحد من الجمهور اجاب وقال (نميري) فضحك عمنا محمد سليمان وقال عبارتو الشهيرة ( ياراااااااااااااااااااااااجل..!!)
12-22-2016, 10:50 AM
Kabar Kabar
تاريخ التسجيل: 11-26-2002
مجموع المشاركات: 18537
يا شباب 19 ديسمبر ، عبركم التحية لبنات ابا البلابل ، وهن يقمن بالقاء التزام مسبق ، يعني نظام حفلة صادف انها في 19 ديسمبر 2016 ، ولكن..!!
من تلك الأيام ، ايام 19 يوليو ، بنات ابا البلابل (عليهن السلام) كانن حاضرات..ومن ضمن اشغالهن البتذكرها من تلك الأيام ، اشغال متل (لون المنقة) تمييع شديد للصراع يا عمك..!!
طبعا احب اشغال البلابل كثيرا ، خصوصا (البنريدو تايه ، وحليل البريدنا ، والبيسأل ما بتوه..الخ)..!
فقط اريد اضافة هذه المادة ، ولشئ عجيب وغريب.. وهو يوضح طريقة وقوف البلابل في تلك الأيام ، حيث كانت هادية فردة باك شمال (زي تنقا يا ود البشرى ، والله صحي)..!!
بعدها باقل من عشرة سنوات ، قامن البلابل حلقن لينا بدون موية في اشغال من شاكلة ( اب عاج اخوي يا دراج المحن ، وكتبنا سابقا عن المفارقة في تلك الأغنية: البلابل بيشكرن النميري وتشبهه بالنمر اب عاجات ، ونحن قرأنا الأمر بطريقة تانية وقلنا ان المقصود هو الورل ، لأن النمر كائن ضيق الأخلاق ، بينما الورل كائن صبور بيعرف كيف يدرج المحن ، ففرح النميري وفرحنا نحن من يعارض النميري..!!)
طبعا ، كل الكلام ده ، والبينات اليقين كانن في جوه المأساة اياها..!!
فنحن لا نحاكم التأريخ ، ولكنا نحاول ان نظهر بعض جوانبه المتشابكة..!
ولا ادري هل انا مؤرخ ام سيوسيولوجي ام حتة مواطن حزين ساكت..!!
يا شباب 19 ديسمبر ، عبركم التحية لبنات ابا البلابل ، وهن يقمن بالقاء التزام مسبق ، يعني نظام حفلة صادف انها في 19 ديسمبر 2016 ، ولكن..!!
من تلك الأيام ، ايام 19 يوليو ، بنات ابا البلابل (عليهن السلام) كانن حاضرات..ومن ضمن اشغالهن البتذكرها من تلك الأيام ، اشغال متل (لون المنقة) تمييع شديد للصراع يا عمك..!!
طبعا احب اشغال البلابل كثيرا ، خصوصا (البنريدو تايه ، وحليل البريدنا ، والبيسأل ما بتوه..الخ)..!
فقط اريد اضافة هذه المادة ، ولشئ عجيب وغريب.. وهو يوضح طريقة وقوف البلابل في تلك الأيام ، حيث كانت هادية فردة باك شمال (زي تنقا يا ود البشرى ، والله صحي)..!!
بعدها باقل من عشرة سنوات ، قامن البلابل حلقن لينا بدون موية في اشغال من شاكلة ( اب عاج اخوي يا دراج المحن ، وكتبنا سابقا عن المفارقة في تلك الأغنية: البلابل بيشكرن النميري وتشبهه بالنمر اب عاجات ، ونحن قرأنا الأمر بطريقة تانية وقلنا ان المقصود هو الورل ، لأن النمر كائن ضيق الأخلاق ، بينما الورل كائن صبور بيعرف كيف يدرج المحن ، ففرح النميري وفرحنا نحن من يعارض النميري..!!)
طبعا ، كل الكلام ده ، والبينات اليقين كانن في جوه المأساة اياها..!!
فنحن لا نحاكم التأريخ ، ولكنا نحاول ان نظهر بعض جوانبه المتشابكة..!
ولا ادري هل انا مؤرخ ام سيوسيولوجي ام حتة مواطن حزين ساكت..!! فليكن..!!..حتة زول بعاين للإشراق العجيب بطريقتو الخاصة..!!
كبر
12-22-2016, 11:45 AM
Kabar Kabar
تاريخ التسجيل: 11-26-2002
مجموع المشاركات: 18537
في تلك الأيام ، ايام 19 يوليو..غني وردي (مايو يا فجر الخلاص) وغنى ( يا حارسنا ويا فارسنا ، كنا زمن نفتش ليك وجيتنا الليلة كايسنا).. أي والله..! بعد سقوط الحركة ، التي يسميها اصدقاءنا الشيوعيين (الردة) ، كان سيد خليفة يغني ويغني ويغني..!! فهنا يا شباب ، 19 ديسمبر ، نحن لا نحقد على احد ولا نريد ان ننظر للتاريخ السوداني بحقد وغل ، وانما نريد ان نذكر الناس بواقعنا العجيب المشاتر..! فهل يتخيل احدكم شعور البنيات اليقين ، وهن يتفرجن على الملهاة السودانيةوالعجيبة لحد المشاترة..؟!!! قبل ان اضيف اشغال الفنان سيد خليفة ، دعوني ارجع الى لحظة معينة ومحددة ، لحظة النغم الذي كان يبث في لحظة العودة ، لحظة انتصار نميري على حركة 19 يوليو ، فالنغم كان جميل للغاية ، وسيظل الى الأبد ، ليس لأنه يمجد العسكر ، انما لأنه نغم فيه قيم جميلة ونحتاجه الآن اكثر من أي وقت مضى..!! فنحن نحتاج الفرز والتفريق بين الظرف الموضوعي ، والظرف الوجودي الذي يتميز بالصيرورة والإستمرار..!! فياترى ما هو ذلك النغم الذي كانت تبثه ميكروفانات نظام نميري وهي تحتفل بالعودة؟..
هو هنا..!!
وعبركم ، يا شباب 19 ديسمبر ، اسمحوا لي ان ازجي التحية لإخت صغنونة وصديقة جميلة من مدينة سودانية نائية ، اسمها مدينة الدلنج ، والصديقة اسمها دكتورة حنان محمد الهادي (حنان بت ابو الكل ، وكان اباها ابو الكل ، ابو الناس جميعا ويا له من رجل نبيل) ، كانت ، مثل أي طفلة سودانية في ذاك الزمان ، قد شاركت في طلائع مايو ، واحتاجت ان تذهب للمشاركة في مهرجان في العاصمة يشرف عليه جعفر نميري ، ولأنها تحتاج الإذن والتفويض من اسرتها الكريمة ، فقام ابوها ، عليه السلام ، بالإمضاء على الطلب ، وهو رجل شيوعي نبيل يعرف ماذا يعني نميري ونظامه ..!! ومشت حنان وشاركت في المهرجان ، وكان نميري يقلدها الوسام ..!! ضحك عمي الجميل ابو الكل ، وهو يشهد الملهاة السودانية العظيمة ، بان يكرم قائد العدو ابنته من صلبه ، فرح عم ابو الكل ليس من اجل نميري ، وانما من اجل ابنته الصغيرة التي حققت انتصارها الخاص..!! كل ذلك ، والبنيات اليقين ، كانن في حضن المأساة..! هذا هو الجانب الغائب يا عزاز وعبد الكريم الأحمر وياسين شنتو وعبد العليم..هذا هو الجانب الغائب من الصورة..!!
كبر
12-22-2016, 12:04 PM
Kabar Kabar
تاريخ التسجيل: 11-26-2002
مجموع المشاركات: 18537
مع أن السرد ممتع جدآ...لكني مضطر للمقاطعه. والسبب هو "أمة الأمجاد"...الحديث عن الفتره يا حبيبنا وليس عن النظام وأغانيه....كانت فتره في غاية الروعه والجمال...ربما لأننا كنا يافعين ولا ندري من الذي "حرق الحشاشة في هوانا" ...المهم أنها إحترقت ولحقت "أمات طه"...ونحن جارين لا لحقنا طه ولا أماتو مالك علينا يا صديقي....تفتح لينا في نفاجات ........الواحد يمشي ينوم بالليل ويتاوق منها لي سودانو البعرفو. بالله أحكي للأجيال الجديده عن السودان .. واخبرهم كيف أن ساسته أوردوه موارد الهلاك وكأن بينهم وبينه ثأر قديم ....وقول ليهم كيف كان وكيف أضحى. بالرغم من متعة السرد ...لكن الحزن حاضر يا صديقي.
تحياتي.
12-22-2016, 12:36 PM
Kabar Kabar
تاريخ التسجيل: 11-26-2002
مجموع المشاركات: 18537
الشيخ..حبابك يا صديقي من ناحية انها (احترقت) فهي قد احترقت ، ولكن رمادها باقي وفي دواخله جمرة ، احاول بكل يأس ان انفخ فيها لكي تشتعل (يعني نظام سادن عديييل يا عمك)..!! اما الحزن ، فانا لا اخاف الحزن ، وانما هو صديقي الصدوق..! اهديك مفصل من مفاصل تلك الأزمنة ، وهو متأخر قليلا.. صديقنا عضو المنبر الأستاذ الصادق الرضي حينما كان يغني (غناء العزلة ضد العزلة)..ونحن اللحظة نغني نفس الغناء: غناء العزلة ضد العزلة..!!
جمال تلك اللحظة التي ذكرتها انت، حنين عابر وغابر ، نحاول ان نجمع خيوطه حتى تكتمل اللوحة..!!
ودمت.. كبر
12-22-2016, 01:09 PM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2664
يا سلاااااااااااااااااااااااااااااااااااام ياللإهداء..
حبيبنا كبر
ياخي معذره ...لكن البوست ما بينفات ...بوق الإستدعاء في البوست عندو نغمه جديده...... تلامس أشياء وتستدعي ذكريات . وأراك لا تخاف الحزن...وجه آخر لأول مرة أراه فيك يا صديقي.....لكنني أقر بأنني أخافه وأرتعب كثيرآ منه...ربما لذلك لم أملك القدره على النفخ في الرماد المحترق.
ثم..ومن بعض ذكريات تلك اللحظات الأنيقة ، لحظات 19 يوليو..بعض من رسائل خاصة ارسلها عبر هذا المنبر ، واتمنى ان يقرأها المرسل اليهم..! الرسالة الأولانية.. صديقي واخي الأصغر الشاب ياسين شنتو..! عارف يا ياسين ، لمن امتحنت الشهادة السودانية ، كان استاذ الرياضيات الذي درسني ، اسمو عبد الرحمن شنتو البليل (له التحية اينما كان وكيفما كان)..! عبد الرحمن ذاك ، في ايام شبابه كان ماركسي.. أي والله يا ياسين ماركسي عدييييل كده.. وده مش مهم ، وانما المهم ، المتأخرين من شباب الدلنج قد لا تعرف جانب غريب ومدهش عن هذا الرجل ، فعبد الرحمن كان عازف كمان ماهر ، وعلي يديه تتلمذ كثر..منهم استاذنا خالد حسب النبي ، ثم لاحقين من عازفي الكمان الباهرين ممن يعرفهم امسودان اليوم: حسن حملون ، يوسف عبد الجبار ، يوسف القديل..!! وعبد الرحمن شنتو ، رغم كونه استاذي الذي درسني الرياضيات ، فهو كائن حاضر في دنيا الإلهام خاصتي ، فكتبت وجهه في بعض الرويات التي اكتبها ، وهو وجه عجيب ومدهش وحاضر..! ثم استاذنا جمعة ضيين ، جمعة الذي اتانا يرفل في الجبص من اثر حادث حركة في طرق المرور السريع ، وهو يحكي لنا انه كان فايق ورايق وسايق عربيتو في احد طرق المرور السريع في الجزائر وكان مشغل شريط للكابلي ، فاتفركشت الشغلانة ، لمن شريط الكابلي طار فوق ووقع ، الغريبة جمعة ضين لا يحكي عن جروحه واصابته بوضوح مثلما يحكي تفصيلة كاسيت الكابلي الطار من العربية لحظة الحادث...!! حينما يحكي جمعة ضيين ، استاذ الرياضيات في الجزائر ، عن مجتمع الجزائر ، يجعلك تحلق في عوالم عجيبة ومدهشة ، وكـأنما انت في صحبة فرانز فانون (جمعة ضين كان في الجزائر وفرانز فانون كان في الجزائر)..!!
الرسالة التانية.. صديقي عبد الرحمن عزاز..! لو بتتذكر يا عبد الرحمن ، ايام الأميرية ، في عهدكم، كان مدير المدرسة هو استاذنا احمد خوجلي..زول اخدراني من عيال الحمادي ، وعندو لجينة في الحديث..!! احمد خوجلي هذا يكتب الشعر ، ولا يقراه على الملأ الإ في اللحظات النادرة وبقدرة الشديد القوي.. وله مراثي عن شقيقه الأكبر الذي اعدمه جعفر نميري بعد الردة التي عقبت حركة 19 يوليو..!!..اها يا عبد الرحمن امشي فتش اسماء الذين اعدمهم نميري ، تحديدا عن زول اسم ابوهو خوجلي (صدقني هو اسم واحد فقط..!!)..والزول ده شقيق استاذنا احمد خوجلي الواحد ده..! في حي اقوز بمدينة الدلنج ، الحي الذي ولد فيه عبد الرحمن عزاز وترعرع فيه ، من صحابه ودفعته حسن وامل علي جلدقون (واشقائهم استاذتنا واختنا الجميلة امنة ، ودكتور عبد العزيز ودكتور فخر الدين ،و استاذتنا القانونية هدي)..واستاذنا المرحوم علي جلدقون واحد من افذاذ اساتذة الفيزياء والرياضيات ، ومات مغبونا..وربما بطريقة اخرى..!! ثم بنفس الحي يا عبد الرحمن عزاز ، كانت فينوس ابراهيم مبروك..! تلك هي الجبهة العريضة التي يتحدث عنها بابكر النور في حواره النادر في البي بي سي..! وانا ما بجيب سيرة عمنا محي الدين جلاب و عماد ونزار..!! ولا بجيب سيرة راشد ابو الكل..!!..حصل يا عبد الرحمن اتأملت اسم راشد (وهو شقيق دكتورة حنان التي ورد ذكرها سابقا)؟..راشد يا عبد الرحمن هو الإسم الحركي لعبد الخالق محجوب ، وعمنا ابو الكل كان واعي وقاصد في اختيار هذا الرمز العجيب..!! وبرضو التحية لروح عمنا الفنان الجميل جمعة عبد الله (الذي قرأت نعيه في هذه الأيام) جمعة الذي يعرف مزاج امسودان فيغني ويغني وينفض الغبار عن تراث جميل نراه اليوم يحوم في جخانين اليوتوب..!!
الرسالة التالتة..الى عبد الكريم الأحمر.. من حي قعر الحجر ، الحي الصغير الأنيق الذي يقبع فيه التشكيلي العالمي استاذنا عبد الرحمن بليا ، حينما زرت الدلنج كان بليا يحدثني عن البروف السوداني المختفي عمر هرون ويخرج لي الصور التذكارية لذاك البروف حنيما زار بليا في منزله الجميل (اجمل بقعة رأيتها حتى الآن)..! في حي قعر الحجر الذي خرجت منه امبلينا السنوسي ، ويقبع فيه الركن الثالث من ناس ميرغني المأمون واحمد حسن جمعة ، فهم كانوا ثلاثة وثالثهم اختار الإنزواء في ذلك الحي ، حي قعر الحجر..!! في ذاك الحي ، منزل صديقنا الجميل دكتور دفع الله محمد مكي (عركي)..وليس هذا مهم ، وانما المهم يا عبد الكريم ، هو استاذنا المرحوم مكي محمد مكي ، ولكي تعرفه جيدا فلتتذكر ايام 19 يوليو ، ايام طائرة جدة التي كانت تحمل محمد سليمان الخليفة فلحقت امات طه..!! ناهيك عن حديث بابكر النور عن الجبهة/المظلة العريضة..!!
نعم يا صاحب متذكر كويس: فاطنة ترماي ، مريم قمر، محمد فضل الدود ، حسن فضل الدود ، السماني ، محمد اسماعيل ابو دقن ، حماد يونس (تونس الخضرا) ، يوسف بادكو ، واخرين واخريات كثر..!!
ذاك هو اليسار الذي اعرف يا صاحب..!! كبر
12-22-2016, 02:14 PM
Kabar Kabar
تاريخ التسجيل: 11-26-2002
مجموع المشاركات: 18537
حفلة هادية دي كانت في السنة دي..ولو بقدر احضر ليها حفلة ، وازحف وازحف واهمس ليها في اضانها (عصيااااااااااااااااااااااااااااااااان)..!!..بعد داك ان شاء الله تدقشني عربية حميدتي ذاتو..!!!
ول اب كبر .... الله يديك العافية سرد ممتع كالعادة ... ومثل هذه البوستات الواحد لا يمل قراءتها لما فيها من بساطة في توصيل المعلومة وسلاسة ودقة في اختيار الالفاظ المناسبة .... واكيد هذه الذكريات ضربت وترا حساسا في الذين عاصروا تلك الحقبة الجميلة .. وانا منهم .. حيث كنا في المرحلة المتوسطة آنذاك... وطلعنا مظاهرات ضد نميري .. وكنا نهتف مع الحزب الشيوعي ...وتم ضربنا بالسياط وكان اخي الاكبر الاستاذ /عثمان عبدالمجيد .. الله يرحمه من كوادر الحزب الشيوعي وتم اعتقاله بعد فشل الانقلاب الاحمر .. واذكر كان معه في السجن الفنان الكبير محمد وردي حيث كنا نزورهما دائما الى ان اطلق سراحهما . يا سلام .. ذكريات جميلة ... بالمناسبة كل المرفقات لا تظهر عندي ... وما ادري الخلل من وين ....؟؟؟ ولك منى الف تحية ...
عااالم بطاالـــــــــــــــــــــــة
12-22-2016, 03:05 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20385
Quote: وقلت ليه ارح نتعشى، وهو بتكلم معاي لغة عربية فصحى ماذا سنأكل في العشاء؟ قلت ليه بوش .نطط عينيهو وقال لي قاتل الله بوش ههه ه قلت ليه هدي من روعك يا اخ العرب بوش تعني واحد فول وعشرين عيشة
أوسكار يا علي!!
تستحق جائزة أفضل "ملحة" وليس" ِملحة لعام 2016 هههههه شكرا علي مرة أخرى على اهدائنا هذه القصة البديعة.
12-22-2016, 06:37 PM
doma doma
تاريخ التسجيل: 02-04-2002
مجموع المشاركات: 15970
اخى كبر سلامات من صور , والناقوره فى اقصى الجنوب اللبنانى وعلى حدود اسرائيل.حدثناك من قبل عن مشاكل اللاجئين السودانيين فى لبنان وكثير منهم من اهلك فى الدلنج, و والى , وكجيره لكنك صهينت فعفيناك.ومثل الصديقه دوما , ذهلت من موقفك من العصيان وعاتب عليك وعلى موقفك من العصيان المدنى ,وحفرك لخندق فى منطقه انت تعلم بكل ماقيل عن غزارة انتاجها من النفط وكمية الاحتياطى النفطى فيها هو غير حقيقى!!!. انت تعلم بموقفى الداعم للانتفاضه السلميه والعصيان المدنى منذ ان عرفتنى فى سودانيزاون لاين قبل 11 عام ,كالوسيله الناجعه لاسقاط نظام الحركه الاسلاميه الارهابية. واين مكانى انا وتربطنى علاقه بمنطقة ابييى منذ صباى الباكر وصداقة اسرتى مع الشهيد مارك مجاك ثم شقيقه القانونى رفآئيل ابييم, واسر ونيس, والرخيص وال شارف عبدالرسول؟ واين مكان جيراننا واصهارنا الامراء ومنهم اسرة الشهيد البعثى الامدرمانى حتى النخاع محمد سليمان الخليفه عبدالله من خندقك لفرز الحناكيش عن اهلك فى الغرب؟ وسبق لى ان نبهتك مره عندما ذكرته واشرت اليه كبقارى فى احدى خيوطك, ان اخر شئ فكر فيه الشهيد محمد سليمان منذ ميلاده كآبن للاميرلاى سليمان الخليفه, حتى لحظة استشهاده فى يوليو 71, هو انتمائه القبلى, مثل كل سكان حى الامراء والسيرداريه والعباسيه , امدرمان , حيث تعايش الرباطاب, والعمراب, والتعايشه,والهبانية, والفلاته, واليهود, والعبابده, والدناقله وتزاوجوا وانصهروا فى بوتقه امدرمانيه, سودانيه. هذه مقدمه لعتابى لك ولا ارغب فى الاسترسال فى خيطك المخصص لموضوع لم اتفهم غرضك منه حتى الان.عموما ماحدث فى انقلاب 19 يوليو وماتلاه من احداث ومذابح وصمود اسطورى للانقلابيين الشيوعيين واليساريين واسرهم سيسطر فى تاريخ السودان الحديث.والقصه ياكبر ماقصة طائرتين بس بل ثلاثه طائرات. ماتنسى دور طائره الرجل الرآسمالى القبيح كما اسماه ادوارد هيث, عمك تاينى رولاند, مالك شركه لونرو ومن خلفه المخابرات البريطانيه ودوره فى وضع طائرته ونفوذه خلف الرائد خالد حسن عباس ونقله من مكان لاخر بين اوربا, مصر, وليبيا. والدور الاستخبارى البريطانى المتواطئ مع القذافى فى اجبار الطائرة البريطانيه على الهبوط فى ليبيا. عندما تكمل حديثك فى الخيط, بجيك صادى لاكتب عن النساء الماجدات زوجات, وقريبات الشهداء وابدآ بخالتى نعمات احمد مالك ابوعكاز, ابنة الجدة إية بابكر بدرى والتى شاهدت بعينى كيف تحول حى العرضه لتظاهره كبيره ضد نظام نميرى لحظات اذاعة اعدام الشهيد عبدالخالق محجوب. مع ودى
Quote: فلا اظنك تختلف معي بان من يأتي بصناديق الإقتراع يجب ان تكون فيه مثل هذه الصفات وغيرها من مؤهلات ..!
عارف يا كبر يا عمّك, كتبت المداخلة المرة الأولى ما عارف احصل شنو ابت تمشي لمّأ جيت كتبتها تاني سقطت منها جملة في نهايتها كان كقتنا شر الغلاط الجملة السقطت هي " خليه يجي رئيس وزراء بإختيارنا وان شا الله انجليزيته تكون انجليزي جركانات" وانجليزي جركانات دي من ابداعات حبيبنا الهلالابي الجميل خليل المهم كانت ح توضّح فكرتي وليه ما شايف جانب مشرق في مؤهلات انقلابي آخر !! خرمنا للديمقراطية يا كبر الخرم الواحد دا و في حالتنا دي كان ربنا قسم لينا رئيس وزراء جابته الديمقراطية بعد غياب السنين دي كلها ما بنقيف في موضوع لغته و مؤهلاته كتير العافية درجات ما شايف الهلالاب مبسوطين بالكاردينال بي درابه دا كيف؟ لأنه جابته الديمقراطية ما التعيين فا غاضين النظرعن الدراب
12-23-2016, 03:17 AM
Kabar Kabar
تاريخ التسجيل: 11-26-2002
مجموع المشاركات: 18537
ول ابا مجيدو..حبابك يا صديقي كتر خيرك على المرور هنا..
وهذا ما نبحث عنه يا صديقي ، ان يتذكر كل واحد فينا تلك الأيام وتكتب انطباع ، تجربة ، حنين ، ثم كيف بتعاين للفترة ديك بعيون اليوم وعيون زمان..!
المرفقات هي فيديوهات: الأول والثاني اغنيات للمغنية من مالي امو سنغراي ، والفيديوهات السودانية من خلال الحكي بتكون وقعت ليك..مثل اسرة بابكر النور ، فاروق حمد الله ، عبد الخالق محجوب ، وحوارات مع زواجاتهم وفيديوهات عن لحظاتهم الأخيرة وهم يواجهون الموت بشجاعة.
التحية لروح الأستاذ عثمان عبد المجيد..
كتر خيرك يا صاحب ، وكل ما تتذكر ليك لمحة من تلك الأيام تعال احكي لينا..! فكتابة التاريخ يا صاحب كانت تركز على السياسي فقط ، ولكن جوانب الناس العادية تختفي وتندثر بمرور السنين ، فهذه فرصة لنا ان نكتب حتى تعرف الأجيال المتأخرة مثل تلك الملامح..
ودمت كبر
12-23-2016, 03:25 AM
Kabar Kabar
تاريخ التسجيل: 11-26-2002
مجموع المشاركات: 18537
العزيزة دوما..حبابك يا صديقتي كتر خيرك على المرور والمطايبة والثقة فينا.. وهي ملامح يمكن ان نكتبها جميعا.. ويا ريت تقولي لينا شوية انطباعات عن تلك الفترة لو متذكرة منها بعض التفاصيل ، واحساسك شنو وانتي بتشوفي بعض من ملامح تلك الفترة..!
كتر خيرك كتير وما ناسيك ح ارسل ليك بعض الحاجات.. كبر
12-23-2016, 03:35 AM
Kabar Kabar
تاريخ التسجيل: 11-26-2002
مجموع المشاركات: 18537
ول ابا المعز ابونورا..حبابك يا صديقي كتر خيرك على المرور.. بكل صراحة يا صديقي ، انا سعيد جدا بعتابك هنا ، واعده من باب الحرص علينا وعلى حاجاتنا..! قصة اللاجئين ، صهينت منها لأني لا املك ما اقدمه لهم ولا اريد ان ابيعهم الوهم والأحلام السراب ، فانا بشر محدود الطاقة ولا املك ما اساعد به في تلك الناحية ، وهذه هي طبيعة كثير من البشر..ولا اظن ان هذا مسبة او نقيصة..المهم.. غرض البوست واضح ، وذكرت مبررات كتابة هذا البوست اكثر من مرة في المداخلات السابقة.. وبصورة اوضح انا قلت ، في مداخلة سابقة وموجودة فوق: كتبت هذا الخيط ، لأن بعض الأصدقاء الشباب كانوا يلومنني باني احمل كثيرا على الشيوعيين السودانيين ، وفكرت في الحديث عن محطات في التأريخ السوداني ، فكانت هذه الإحتفالية المبسطة التي رأيت فيها اعادة عرض هذه اللقاءات مع هؤلاء السيدات السودانيات الكريمات ، وهن يتحدثن عن اصعب اللحظات التي مرت بهن وكيف تماسكن وعبرنا تلك اللحظات لغاية ان يسمح لهن الزمان بعرض تجاربهن والتحدث عنها بشجاعة..!
فهناك قطيعة يا صديقي بين الأجيال في السودان ، ونحن عانينا القطيعة من الأجيال التي سبقتنا ، لذلك نحاول الا تكون هناك قطيعة بيننا وبين الأجيال التي تلينا..وهذا جهد بسيط للغاية لتجسير المسافات.. الجانب الثقافي والتاريخي والجمالي ان ندعو الناس أن تعيد اكتشاف مثل هؤلاء الناس العظماء نساءا ورجالا ، وبصورة ادق ان نعيد اكتشاف الشهادات العديدة من معاصري تلك الفترة وذلك عبر الحوارات الكثيرة المنتشرة في اليوتوب..فهناك البيانات الأولى لعبود ، نميري ، هاشم العطا ، حسن حسين عثمان ، محمد نور سعد ، عمر البشير ، وهناك مواد عن تفاصيل العنف في تلك الفترة ، وملامح عن الخراب المؤسسي الي تجلي في شكل محاكم عسكرية افتقرت للقانون والدستور وحقوق الإنسان ، فكل هذه الملامح هي مهمة لنعرف من هو السوداني وكيف يفكر وكيف تغلب عليه العاطفة وهكذا..
ولأني ذكرت لصديقي محمد البشرى ان هذا الخيط لا علاقة له بالسياسة فلن اعلق عن تحفظاتك عن موقفي من العصيان ، مع انك لو ركزت قليلا سوف تجد اشارة لهذا الموقف وفي هذا الخيط.. تصحيح بسيط يا المعز: انا لم اقل باني سوف احفر خندق حول حقول صناعة البترول في السودان ، وانما قلت: ان الحكومة الموجودة الآن فعلت ذلك ، والمعلومة اخذتها من شكوى لبعض ناشطي المنطقة من الشباب وهم من اشار لذلك الخندق..!
الشباب الذي يهمني ارسلت لبعضهم رسائل (موجودة فوق) وبأسمائهم وذكرت فيها تداعيات واسماء وهم ناس من اهل اليسار في مدينة الدلنج ولهم ارتباطات باشخاص شاركوا في كل احداث السودان في فترة نظام جعفر نميري..!
فالتاريخ يا صديقي لم يعد فقط هو مهمة المتخصص لأن المتخصص حينما يكتب التاريخ فانه يكتب السياسي فقط ، ولا يهتم بتفاصيل الناس العادية ، ونحن نريد ان نكتب تاريخ الناس العادية احلامهم ، افكارهم ، مخاوفهم ، طموحاتهم ، تجاربهم في مواجهة الشدائد واللحظات العصيبة..الخ.. حينما ارفقت فيديو لمغنية شابة واستعارة لغة اولئك الشباب ، فهنا الرسالة ان ننتبه للشباب ونفهم مزاجهم ولغتهم ، كيف يفكرون ، وماذا يملكون في سبيل التغيير وكيف يمكن الإستفادة عبر توجيههم بايجابية للتغيير..!
التحية عبرك لأمنا الأستاذة نعمات ، والخيط يقوم على فكرة مفتوحة ، فكرة التداعي واستكتاب الناس للتحدث عن انطباعاتهم عن تلك الفترة وايامها العصيبة.. مثلا مظاهرات حي العرضة ، فهذا تاريخ لم يكتب في الكتب وانما في صدور الناس ، يعني يا صديقي هذه فرصة لمواجهة الشفاهية في كتابة التاريخ السوداني ، وفرصة لإستدعاء الناس العادية ، اقصد غير السياسية ، لتكتب حتى تتعلم الأجيال اللاحقة وتعرف عن تلك الجوانب..!
كتر خيرك على المرور..
كبر
12-23-2016, 03:41 AM
Kabar Kabar
تاريخ التسجيل: 11-26-2002
مجموع المشاركات: 18537
محمد البشرى..حبابك يا صديقي ابيت يا محمد ، والبوست ليس للسياسة..!
خلينا ناخد لمحة صغيرة من كلامك الأخير وذكرك لنادي الهلال السوداني..
في تلك الأيام ، وقبلها بقليل فاز السودان بكاس الأمم الأفريقية ، ولقطة نصرالدين جكسا التي صارت ايقونة رياضية تبهر الناس ، وبرضك زيارة فريق اعظم لاعب كرة قدم بليه..! اسامى النجوم الرياضيين في الفرق الكبيرة..ناس المريخ (الدكتور/كمال عبد الوهاب ، بشارة ، حموري ، سانتو ، كاوندا..الخ) وناس الهلال (سبت دودو ، قاقارين ، الدحيش ، كسلا..شواطين ، الضب ، النقر..الخ)..وهكذا يا صديقي
الخرطوم ، الأحياء الشعبية ، وكنا نسكن اللاماب (مع انو اليوم لو قلت لي امشي اللاماب الإ اشيل جي بي اس ، واحتمال بيتنا ما اقدر اتعرف عليهو)..اذكر اسر كتيرة كانت تسكن في حوش واحد ، فيهم الشرطي ، الجندي ، النجار ، عامل السكة حديد ، الموظف ، ومراح ماعز..شفت اللذاذة دي كيف يا قريبي؟..
المدهش يا محمد ، انا بكتب الحاجات دي بذاكرة طفل لم يدخل المدرسة ، وبتذكر ودوني الروضة وطردوني بعد يومين لأني مشاغب وقليل ادب (رفرفرت لإستاذة الروضة ، ماما بثينة ، ولغاية الليلة بتذكر كانت بتلبس توب اصفر فيهو شوية ورود كده..!!)..
ايام 19 يوليو ، صاحبي اسمو فيصل ، وابوهو جندي في المدرعات ، وجانا مضروب بطلقة سلاخي في وشو.. وكنا بنعاين عادي ، ونحن شفع..! في العصرية ، بنكون شغالين دافوري بكرة الشراب ، وعادي الناس الكبار بتجي ماشة بالعصر وبتخيط في الشوارع زي الترتيب..! الحلة ماكان فيها دكاكين اليمانية فقط ، وانما بتكون فيها قهاوي في النواصي ، ومرات الشكلة بتدور ، وبتشوف البوليس بجي ويدق المشاغبين قدام الناس حينما يقاومون امر القبض..!! استايل الشعر للرجال ، تسريحة اسمها (ابراهيم عوض) ، والموضة للنساء فساتين قصيرة للغاية اسمها (جكسا في خط ستة)..وسوق البواريك كان حارق تش ، والعطور فلورديمور المسخ الأرياح، كلونيا ، بت السودان ، السيد على الميرغني ..!
وهكذا يا صديقي..هكذا..!
كبر
12-23-2016, 03:44 AM
Kabar Kabar
تاريخ التسجيل: 11-26-2002
مجموع المشاركات: 18537
ههههه ... حسنا فعلت صدق أنا كتبت التعليق الثاني اول ما جيت داخل من برة وكنت قرأت ردّك على تعليقي الأول في حينه ول اكمل باقي البوست أها ... بعد رجعت وقرات البوست برواقة لقيت فعلا مدخلي فيه شتارة إلى حد ما, رغم انها منطقية لكن كما قلت انه ممكن نتغاضى عن شرط التأهيل حال في سبيل الديمقراطية لأتغاضى عن المنطق الفي راسي في سبيل اكمال التمتع بالبوست و فكرته الجميلة و جوه اللطيف المعبق بالذكريات فا شنو..لولا ان التعديل يشتر الشكل العام, اعتبرني عدّلت مداخلاتي و نعم البوست ليس للسياسة
12-24-2016, 11:16 AM
Kabar Kabar
تاريخ التسجيل: 11-26-2002
مجموع المشاركات: 18537
محمد البشرى..حبابك يا صديقي هون عليك يا عم ، ناس كتيرة استعجلت ولم تفهم فكرة الخيط..!! وعادي يا عم ، فالكائن السوداني دايما شفقان على قول اهلك البقارة (الجيعان فورة البرمة ليهو قاسية)..وناس التيهؤوات والأحكام المسبقة على قفا من يشيل..!! المهم.. على قول حبيبنا ول ابا تبارك..!
من العطور وقتها ، الليف دور (عطر فرنسي ، وندعو اخونا ول ابا محمد نور عودو يكتب لينا اسمو بالفرنساوي ، باقي عودو ده واحد من الناس القاعد اثق في لغتهم الفرنساوية ، ناهيك عن بقايا الحنين الممتد من الخرطوم لغاية امجمينا ، بانقي ، ياوندي ، كنشاسا ، وبرازفيل الجميلة..!!)..
وتعاريج الحنين غريبة في تفاصيلها يا صديقي ، والبنيات اليقين نسن الدمعة ورجعن باليقين يحكن ويحكن ويحكن..!
الليجند ، حسن خليفة العطبراوي..!
اهديك اشغال جميلة متل رائعته (ديمة في العشاق) ، اما ما قاله العطبرواي في تمجيد نميري..فهذا امر محزن ، لن نتعرض له ونحن نحكي عن البنيات اليقين..! الشعب السوداني عجيب يا قريبي: لا تعرفو نساي ولا تعرفو مستهبل يحب الدغمسة..!! كبر
12-24-2016, 11:25 AM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2664
الى ان يعود صاحبنا المعز ابو نورا للحكي عن مظاهرات حي العرضة ، وما جاورها من احياء: الأمراء ، العباسية ، العرضة..الخ..وهو حكي يهمنا كثيرا حتى تكتمل الصورة..!
هدية لصديقتنا دوما..!
الزمن الحضاري السوداني ، عجيب ومدهش ، وبيرسل اسرارو في اشارات صغيرة ومدهشة..!
عارفة يا دوما ، لمن زرت امسودان في 2015 ومرقت منها قبال الحوار الوطني الشايلين بيهو حالنا لغاية اليوم ، غنية واحدة لفتت انتباهي ، وكنت بسمعها في الدلنج ، الأبيض ، ود عشانا ، تندلتي ، كوستي ، امدرمان ، ياخي حتى اطفال المدارس في طابور الصباح كانوا بيتغنوا بيها..!! والغنية اصلا ، زمنها قبال زمن حنين البنيات اليقين الفوق ديل..! من تأليف الليجند الموسقار السوداني العظيم اسماعيل عبد المعين.. !! وقام نكتها ونفض الغبار عنها ، الليجند السوداني الفنان الجميل النور الجيلاني ..!
الفيرشن ده ، باداء الفنان السوداني الشاب صلاح ولي ، وصلاح هذا بدا حياتو الفنية بترديد اغانيات الفنان الكبير حمد الريح (وفي التاريخ ، الفنان حمد الريح هو الزول الوحيد القامت الإذاعة السودانية سكتو لمن سفنجاتها اتقطعت ، عشان تقنعوا يجي يسجل عندها..والله صحي..!!).. المكان احتفال في قرية صغيرة اسمها (القلقالة)..والقرية دي اول مرة اسمع بيها من صديقنا تمبس ، وكان يدافع عن صوت غنائي شاب..!! الصوت بتاعة زولة سودانية ، ويا ريت يا دوما تندهي اخونا تمبس لأن يعود للمنبر ، ان شاء الله يكتب بغم ساكت في هذا الخيط..!! تمبس بيعرف سر القلقالة الباتع..! الفيديو في مهرجان تكريم لأستاذنا نور الجيلاني ، الزول القام نفض الغبار عن غنية (قابلتو مع البياح) ، وهو الزول الظاهر في الفيديو ولابس صديري وفوق عليهو وشاح التكريم..!! التحية لأستاذنا الفنان النور الجيلاني.. وهو من الفنان البتحرص شروق تتفرج علي فيديوهاتو.. لأنها بتفتكر انو عندو حضور كبير وقدرة على التواصل مع الجمهور ، وبالطبع صلاح ولي ، القامت شروق (بالأنجليزي طبعا) نبهتني لحضوره الجميل وقدرتها الفائقة على التواصل مع الجمهور ، مما جعلني اعيد اكتشاف الفنان عبد الله عبد القادر (البعيو)..!!
وما ابعد السكة في الفهم بين ملامح البنيات اليقين وزمن امسودان بتاع صلاح ولي ، وهو زمن عجيب ومدهش ومتصل بصورة عجيبة..!!
وحتى اللحظة ابحث عن سر غنية (قابلتو مع البياح) ، غنية تتكتب في الخمسينات وتقوم الناس تنساها ، ويتنفض عنها الغبار في الألفية الثالثة ، فتشتعل الحمي التي تفوق حمى ليلة السبت ذاتو..!!
في اليوتوب..الغنية باداء صلاح ولي في مهرجان نادي الرابطة بالقلقالة قارب نصف المليون مشاهدة..!!!!!
كبر
12-24-2016, 12:23 PM
Kabar Kabar
تاريخ التسجيل: 11-26-2002
مجموع المشاركات: 18537
الشيخ..حبابك يا صديقي يا اخوي هو خلق كتيرة محلقة معاك في نفس الزوون والسماوات البهاء ، لكن قاطعنها في حنانهم ساكت..!! حبيبنا ود البشرى جاب سيرة الهلال ، ونحن فهمناها الإشارة للزمن الرياضي والرياضة في تلك الحقبة العجيبة (فهي حقبة يا صديقي ، ما كانت مجرد انقلابات وبس وانما تفاصيل اخرى).. قبال الرشيد بدوي عبيد ، وعلى الحسن مالك ، وغيرهم..! كان طه حمدتو..!! باقي ليك يا الشيخ هسع لو قلنا للناس طه حمدتو كان مذيع رياضي ، نظام يذيع المبارايات في زول ح يصدق؟.. في التسعينات ، عمي واحد مريخابي متصعب ، بعد ما ناس الإنقاذ ركبوا لينا وش التأصيل المغشوش ، وفرضوا علي مذيعي المبارايات انو ما يقولوا القاب اللعيبة..! اها ونحن بنشاهد مباراة طرفها المريخ ، المذيع يشيل ويعيط يللا يا بابكر الحلو!! قام عمي دق التربيرة لمن التلفزين قرب ينفجر قدامنا ، وهو يصرخ: بالله المدرب الحيوان ده ليه ما دخل باكمبا في التشكيلة..!! خلي بالك بابكر الحلو ما عندو علاقة بعبد العزيز الحلو..!! وباكمبا ، زول مجنون في مدينة الدويم ، وتحكي الأسطورة انو كان ممرض ، وشفتو بعيني الما اكلها دود البلا دي ، كان بيلبس لبس الممرضين: رداء ابيض ، جزمة باتا بيضا وقميص ابيض ، وبيضيف عليها تشكيلاتو الخاصة ، نظام كشكوش مصنوع من غطايات قزاز الببسي والكولا والتاكا ذاتو..!! متخيل الفيلم ده؟..يجي يلتقط اللقب زول رياضي زي بابكر الحلو ويختارو لنفسو فيصير باكمبا..!! عمي المريخابي ، قلت ليهو اشمعنا طه حمدتو؟.. قال لي: لأنو زول كان بيذيع المباراة في الرادي ، وبيحسب المربعات ، وبيخليك كانك جوه الإستاد..!! هل ده مهم؟..بالطبع يا صديقي ، ولكن الأهم عندي ، طه حمدتو شاعر غنائي وعندو اغنية شهيرة شديد غناها العظيم احمد المصطفى ، ولكني اهديك اياها بصوت الحوت (محمود عبد العزيز)..!
شفت كيف يا صاحب لمن قلت ليك انا لا اخاف الحزن..!!!!!!!!
كل الحب لأستاذنا طه حمدتو..
كل الحب للحواتة اينما كانوا وكيفما كانوا..
عمكم (حواتي) من سنة 1983 ، والله صحي..!!
كبر
12-24-2016, 01:09 PM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2664
خليني أحكي عن مظاهرات "بحري الشعبيه"...ما عارف يا كبر عندي إحساس انو "بحري" مدينه مظلومه..وما عارف سبب الإحساس ده شنو يمكن يكون لأنو الكوارع اللذيذه عند "اب صلعه " في الحلفايه بس وما في اي مكان تاني..ولا لأنو "كاميليو" أفضل زول بيفصل بناطلين قاعد في "سعد قشرة" وما بيطلع منها حتى لو عرضت عليهو محل في شارع الجمهوريه ..ولا يمكن لأنو "كابلي" بيتو في الشعبيه "حي عمالي" وبالجانب الآخر "أبو داؤود" في حي "الدناقله"..بالله مش مفروض عشان الإتنين ديل بس حقو "بحري" يدوها شوية إهتمام. المهم..كنا صغار يا كبر...في مدرسة "الدناقله شمال الإبتدائيه" ...لمن تطلع المظاهرات (راس مالنا كلو ...حجر في سطح الفصل)..تلقى الأستاذ شغال يقابض في التلاميذ عشان يقعدو...على منو يا عمك ههههههههههه..فتح شديد لمن تصل البيت...أحسن ليك تجري سريع لأنو ريحة "البمبان" ممكن تعمل ليك "طشاش في كل الحواس".
لكن يا كبر من الحاجات اللذيذه والواحد ما بنساها .."جكة" المستجدين بتاعين الجيش...تلقاهم شايلين الجلاله وهم جارين من صبحآ بدري.....تكون قاعد مع ناس البيت بتشرب في شاي الصباح بي لبن مقنن ..الدخان طالع من الشاي ومن الرغيف ...وانت في قمة الإستمتاع...تسمع صوت العساكر جارين وبينشدوا:: يا رمزا يلا يا رمزا..ده الديسكو الجنن الطلبة. تقوم جاري على باب الشارع عشان تشوف العساكر..تلقى الحلة كلها مرقت تعاين..تتلفت يمين تلقى امك تتلفت شمال تلقى أخوك.
يا حبيبنا ده كان زمن جميل..
12-24-2016, 02:21 PM
Kabar Kabar
تاريخ التسجيل: 11-26-2002
مجموع المشاركات: 18537
هههه.. ده كلام شنو يا الشيخ يا اخوي؟ انتا نسيت بنات بحري؟..يا بنات بحري بتاعة رمضان زايد؟
اها البنية اليقين التانية الفوق دي ، الأستاذة نايلة زوجة فاروق حمد الله من بحري يا قريبي..! عارف يا الشيخ ، لمن مرقت من امسودان 1999 ، كان في وداعي صديقتين وزميلتين في الجامعة ، أها الإتنين من بحري ، واحدة اهدتني كاسيت لجيمس لاست ، التانية اهدتني كاسيت للمغنية الكولمبية تريسي شامبيون ،وانا براي تميت الرصة واشتريت كاسيت لزامفير..! بالطبع من اخر الحفلات الحضرتها كانت لأستاذنا الهادي حامد في معية فرقة النورس وكانت في حدايق عبود..ولا حدايق عبود ماها تبع بحري؟.. بعد الغياب زرت بحري مرتين (2012 و2015) ولاقيت صديقاتي ديل..!! برضك ياعمك ، نحن ناس الأقاليم بنتذكر السد العالي ، جعفر عبد الرازق ، الثعلب ، وسكسك..والعجب..!! حتى عباس عقرب ذاتو..!! لمن رجعت الخرتوم للجامعة ، كان كل همي احدد وين استديو واستريو سارة بالصافية..عارف ليه؟ لأنو كل شريط غنا بنسمعوا الأقاليم بنسمع معاهو (من تسجيلات استديو واستريو سارة بالصافية ) أو (مع تحيات استديو واستريو سارة بالصافية) ..لمن الزمن عطف علينا وشفنا (استديو واستريو سارة بالصافية) ، وبنقول ليك مع تحياتنا (استديو واستريو سارة بالصافية)..!!
برضك بنتذكر لمن ابونا خضر بشير يحي الحفلات هناك ، وتكون الصبحية بايوب فارس* ، يقوم خضر بشير لا يتعشى ولا يرتاح ذاتو ، ويقول ماني ماشي مالم احضر الصبحية البيغني فيها ايوب فارس..شفت البهاء ده كيف يا قريبي..؟.. وفي ايام الشباب كنا بنطرب للفنانة عوضية عز الدين..! وبراعة عز الدين الصبابي..!! وتلك ايام بعيدة ، لكنها زاهية..وخوفي تتسرب..!! كتر خيرك يا صاحب.. كبر
ــــــــــــــــــــــــــــــ * لاحظت في كل الفيديوهات التي تعرض في اليوتوب للفنان ايوب فارس ، ما فيها صورته ، وانما صورة صاحب الغنية ، وكنت ساضيف اغنية التاج مصطفى وفيها تطابق لدرجة انك لا تستطيع ان تميز بين ايوب والتاج..!!
12-25-2016, 06:01 AM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2664
حبيبنا كبراستريو "ساره" ارشيف جميل...لكن نحن وبحكم العمر( بالله لقيتني كيف في شهادة التسنين )ههههههههههههههه...كنا بنتعامل مع "إستريو يامن" (سعد قشره) وصاحبه الراجل الذوق الفنان "عبدالسلام"... بعد صدور قرار من المصنفات الفنيه وعدم بيع الكاسيت إلا إذا كان من شركه مسجله في السجل التجاري والوهمات بتاعة الملكيه الفكريه ظاهريآ ..ولكن الغرض هو إفساح المجال لشركات بعينها للإستئثار بسوق الكاسيت....بقو ناس "استريو يامن" ينسخوا ليك الشريط في البيت ويجيبوا ليك تاني يوم.......ياخي الزول ده عندو أرشيف عجيب...تصدق إنو عندو كتب وليس كتاب ..عمل فيها جهد كبير لترتيب الأغاني والفنانين..تفتح الكتاب وتختار الفنان والأغاني ..أغاني بالعود للقامه "أحمد المصطفى" (فارق لا تلم-وهي الأغنيه التي كان يحبها العميد)..(رمضان زايد-عثمان حسين -ابو داؤود-وووو أرشيف محترم).بعدين ياخي حديقة "عبود" دي في قلب بحري ...وشهدت الكثير من الحفلات وقصص العشاق....لكنها كانت تتزين في أحلى حللها حين يكون "الحوت" يصدح على مسرحها. المرحوم "عز الدين الصبابي" تعلمنا على يديه الكرة هو والاستاذ "صلاح شكوكو"..عز الدين ووالدته الحاجه "آمنه"...بالمناسبه يا كبر ...أحلى فسيخ ممكن تاكلو كانت تعده الحاجه آمنه رحمها الله ورحم والدنا وموتى المسلمين. أما "أيوب فارس" فهو شقيق السد العالي والذي تدربت على يديه حين كان في الجسد بعضآ من الطاقه ولمحة من فنون الكره ..رجل في غاية الصرامه واللطف..مشكور يا صديقي على النفاجات الفتحتها لينا عشان نجتر ذكريات جميله لي زمن جميل.دم بخير.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
عبدالحفيظ ابوسن
Osman M Salih
علي دفع الله
ابراهيم عبد الوهاب
حماد الطاهر عبدالله
محمد البشرى الخضر
munswor almophtah
الشيخ سيد أحمد
محمد مجيدو
osama elkhawad
doma
Elmoiz Abunura
فيس بوك
تويتر
انستقرام
يوتيوب
بنتيريست