ول ابا معاوية عبيد الصائم.. بالعكس يا ول ابا ..رحيل صلاح جادات ما عندو ادنى شبهة برحيل على فضل..!!
رحيل صلاح جادات فارق مع ناس كتيرة..يا صديقي..!!
ليه يا معاوية ، بتستبعد انو مجرد ظهور خبر وفاة صلاح جادات..انو في ناس ، قبل ما بكري ابو بكر يسود لون المنبر ، انو في ناس بتمشي لغاية نيروبي وجوبا وكمبالا و كيقالي ، عشان تفتح خشم الأسد وتعرف كيف انو صلاح جادات رحل..!!
صلاح جادات ما اتكتل يا معاوية..والناس اتصلت وعرفت الحاصل شنو..!!
عشان اقرب ليك المسافة يا صديق..يوم الجمعة 21 يوليو 2017، بعد يومين من تاريخ انقلاب هاشم ، لاقاني في زقاق ضيق في مدينة كالقري ـ زول حبوب وانيق..ورغم ثقالة ثقافة الرأسمال كان بيلبيس عمة اهلنا السيخ ، عبر قدامي ، ووقف العربية ونزل القزاز وقال لي : برو، واتساب..!! ويوم الإتنين 24 يوليو 2017..القى روحي مفروض اكتب تاريخ نهاية الزول ده في الشركة ، ببساطة لأنو اتوفي في يوم الأحد 23 يوليو 2017..!!
صلاح جادات ما اتكتل يا معاوية ، وصدقني في ناس لو كان عندها مجرد ظن..ظن ساكت يا قريبي ..انو صلاح جادات اتكتل..كان ح تقلب ليك افريقيا دي عاليها على سافلها ، ما عندها قشة مرة..لا نيروبي ولا دار السلام ولا جوبا ولا كيقالي ولا الخرطوم..!! يعملوها كيف؟..الرجال تحت الشوك ياقريبي..!!
نعم يا اخلاص..ح ..اماحك ناس لقاوة عشان تعمل شارع باسم صلاح جادات..وح اماحك ناس امسودان عشان تكون هناك جامعة باسم صلاح جادات..!
صلاح جادات ما اتكتل يا معاوية..ولو عندك دليل واضح جيبو هنا..وافريقيا دي بنقلبها ليك زي الترتيب..بنجيب سافلها فوق عاليها زي الترتيب يا معاوية عبيد الصائم..وما عندنا قشة مرة يا قريبي..!!
ربي ارحم صلاح جادات..
كبر
07-31-2017, 06:06 AM
Abdlaziz Eisa Abdlaziz Eisa
تاريخ التسجيل: 02-03-2007
مجموع المشاركات: 22291
تصريح صحفي من حكومة المننفي حول اغتيال ا المناضل صلاح الامين فضل المولي
ان الحقائق التي جمعت لدينا تشير إلي أن الشهيد المناضل صلاح الامين فضل المولي عضو حكومة المننفي ،والاجي السياسي بجنوب السودان وتحت حماية (UNHCR) الامم المتحده (NSUD004035 ) ، تم اختطافه الخميس ليلا 20/7/2017 من أمام مكتب الاتصالات في جوبا ، وتم العثور علي جثمانه في مستشفي جوبا . إن هذه الملابسات تطرح بحدة احتمال أن يكون الشهيد صلاح الامين فضل المولي قد جرت تصفيته لأسباب سياسية، خاصة بعد ان قام بتوجيه ابنا دارفور المفصولين من بخت الرضا (1206 طالب ) بمخاطبات في الجامعات, التظاهر اليومي امام الوزارة, مخاطبة المجتمع الدولي ( لا لرفع العقوبات من نظام يشرد الطلاب ), تظاهرو امام الامم المتحدة, تظاهرو امام السفارات الغربية وخاصة الامريكية, مما اعتبرته الجهات الامنيه تحريض ضد الدوله .
إننا نطالب :من الرئيس سلفركير و UNHCR , بالتحقيق في ظروف وملابسات واسباب وفاة ( اغتيال ) المناضل صلاح الامين فضل المولي و نشر تقرير المشرحة .
30/7/2017م المكتب السياسي
07-31-2017, 07:48 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
الشئ الماقادرة افهمه كلام الاخ كبر : صلاح جادات ما اتكتل يا معاوية..والناس اتصلت وعرفت الحاصل شنو..!! ولو سمح يوضح لينا مامعني هذه الردود القاطعة بان الشهيد جادات لم يمت مقتولآ ؟ هل من ثقته بالحكومة التي ينتظر حوارها الكاذب ؟ ام من الذين اختفوا في ظروف غامضة ومنهم من قتل ومنهم من لايوجد حتي الآن وزميله شهاب اقرب دليل !!! حقيقة كل يوم كبر بزيد دهشاتي واندهاشاتي عن شخصيته التي لم اجد لها صفة حتي الآن !! عمومآ يا كبر فقط خت في بالك نحن حاكمننا مجرمين وقتلة ولصوص كما صرح بها زميلك وصديقك قريمان الذي اصبح وبعد ان سخطه الله ان يكون معهم في نفس السلة !
منى عمسيب.. ممكن توضحي لي وللناس هنا..وين كبر في المداخلة بتاعتو جاب ذكر حكومة سودانية وحوار وطني وشيطان احمر؟؟؟ ولا انت يا مني حمار مغفل نافع بتجي تفكي الشويتين بتاعتك دي من غير ما تقري وتفهمي؟..
كبر قال ليك اتصل بنيروبي وكيقالي وكمبالا وجوبا..ديل علاقتهم شنو بحكومة الجبهة الإسلامية؟؟؟..وعلاقتهم شنو بالخرطوم؟
هسع ده لو بتقدري تثبتي انو صلاح جادات مات مكتول..نمشي معاك لأقصى حد ممكن..!
خي ابوسن ، شكرا على كل حال ، لا تنغنط في امر الحقيقية ، و ارجو ان تتابع جهدك النبيل الذي بداءته مع اسرة فقيدنا جادات وفقا للخيط التالي
( قام السفير بمعاينته بالمستشفي وتبين له من ملامحه انه سوداني .. و توصل السفير عبر مكالمة مع شخص في السعودية، ان المتوفي هو رفيقنا الباسل جادات الذي كان لوحده كتيبة نضال إلكتروني فعال ضد النظام المجرم )
السفير رسل للأسرة صورة جثمان ابنهم من داخل المستشفى ! طيب، السفير دا بوصفه ( الولي guardian على جثمان جادات ) ودى شهادة الوفاة وين ؟! المصيبة : لو قال لاهل جادات مستشفيات جوبا ما فيها شهادة و فاة و لا مشرحة و لا طبيب شرعي
ناضل مع الاسرة اخي عبد الحفيظ من اجل شهادة وفاة بسبب الملاريا الدماغية the falciparum malaria ، شهادة موقعة باسم طبيب مرخص ممارس شغال في مستشفي معروف، مستشفى مرخص بواسطة حكومة سلفاكير
ابدجيات العمل الدبلوماسي و القنصلي ، انو السفارة بتشيل شهادة الوفاة قبل ما تسعى لاقناع الاهل المغلوبين على امرهم بدفن الجثمان
ياخ كان ممكن يرسلا ليهم بفاكس في سوق كوستي ؟ او يقول ليهم حارسلا ليكم في الحقيبة الدبوماسية بتاعت بكرة و استلموها في الخرطوم
يرسل ليهم صورة الجثمان : دا تحصيل حاصل ، و موقف تقريري معيب ، لو ما قلنا ( مريب )
بعدين نحنا زاتنا بقى عندنا ( عقدة ) من قصة موت المناضلين ب الملاريا ، من يوم واقعة اغتيال رفيقنا الشهيد على فضل حيث حرر طبيبين من أعضاء الجمعية الطبية الاسلامية شهادة وفاة بسبب الملاريا ، بينما كشف التشريح القانوني لاحقا انو الشهيد على فضل عندو جرح عميق بالرأس و حريق بأحد العينين اثر إطفاء سجارة ، و مثانة متهتكة بسبب الضرب الجزافي
طبعا دي دولة أمنية عميقة و شرسة ، و السفير بتاعا كان في جوبا او كوالالمبور او القاهرة ، بكون شغال مباشرة تحت تصرف ضباط الربط التابعين ل عطا و المنتشرين في هذه العواصم .. لا حظ ضباط الربط بتاعين عطا ديل ممكن يكونوا دينكا ، و شلك ، و ماليزيين و مصريين أحفاد بمبا
أرقد بسلام ايها الصنديد المرابط على خط الحق و الوطن ( جادات ) .. انا عليك لمحزونون و تتقاذفنا تيارات و أمواج الشك و الإبهام .. الملاريا الدماغية الفالسبرم البنعرفا ، بتقتل الكهول ، و بتقتل الأطفال ، و حديثي الولادة الما عندهم مناعة بسبب إصابة سابقة ، و ليس وارد ان تقتل بفجاءية وجيزة ، زول اتربى و قام في كوستي محل الملاريا زاتا ، و اكتسب المناعة الأولية ..
المهم ، يا أخوي أبوسن خلى الناس يواصلوا بحثهم و تساءلم المشروع ، فهذه قضية حق عام .. ودم وطني غالي ...
أحمد طراوه
07-31-2017, 10:44 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
وانا اتكلمت معاك بمنتهي التهذيب فالرجاء التبادل ! ولا انت يا مني حمار مغفل نافع بتجي تفكي الشويتين بتاعتك دي من غير ما تقري وتفهمي؟.. الحمير ديل هم البثقوا فيمالا ثقة بهم وبلدغوا من الجحور مليار المرات ولم يتعظوا ! احتمال صفوه اوقتل كبير ولم اقل الحديث انا وحدي لا لانه الموت ببعيد ولكن لان الوضع والترصد للمجرمين وعصابات الاغتيال هم بوفرة لانهم هم اصحاب المصلحة واصحاب كل معدات التصفية لكل من وقف في طريقهم ... جبت ليك سيرة الحكومة بحوارها لانه الكلس الشجاع صاحب المبأدي التي لم تزحزح لم يمت في بيت فرح ولا داخل فلته ! قتل في ميدان خصومات سياسية يعرفها الكل !! والا لما فقده الجميع بهذه الصورة وهذا الوجع المريع !
بعدين تهديد بتلبس لي الطاقية الصفراء دي جديدة علي ماذا تقصد ؟ اذا كان تهديد ! لم اهددك لا خوفآ منك ولكن من يهدد لايستحق التهديد !
07-31-2017, 11:08 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
عشان اقرب ليك المسافة يا صديق..يوم الجمعة 21 يوليو 2017، بعد يومين من تاريخ انقلاب هاشم ، لاقاني في زقاق ضيق في مدينة كالقري ـ زول حبوب وانيق..ورغم ثقالة ثقافة الرأسمال كان بيلبيس عمة اهلنا السيخ ، عبر قدامي ، ووقف العربية ونزل القزاز وقال لي : برو، واتساب..!! ويوم الإتنين 24 يوليو 2017..القى روحي مفروض اكتب تاريخ نهاية الزول ده في الشركة ، ببساطة لأنو اتوفي في يوم الأحد 23 يوليو 2017..!! ............................................. البركة فيك فى زولك دا والرحمة والمغفرة للكلس صلاح بس كمان ي مواطن فكرة الاهتمام السريييع من القنصل وسرعة الاجراءت ..غريبة شوية موش كدا؟بعدين السفارة قالت الطيران بياخد يومين عبر كينيا وللا يوغندا ..رغم انو فى طيران يومى جوبا الخرطوم ..عندى معلومة من زميل منبر عادى كان بتم نقل جثامين من جوبا للخرطوم وهو فى شهرين تابع وساهم فى نقلهم ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية عبيد الصائم
Kabar
Abdlaziz Eisa
مني عمسيب
فيس بوك
تويتر
انستقرام
يوتيوب
بنتيريست