|
دعواتكم لزميلنا المفكر د.الباقر العفيف بالشفاء العاجل
|
|
 Re: رسوم على خراف الاضاحى (وثيقة) (Re: امجد الجميعابى)
|
كل عام وانتم بخير
شاهد عيان
اقسم بالله العظيم اليوم في شارع كلاكلة شرق بشتري في خروف
وصلوا ناس المحلية ومعاهم عسكري ونادوا سيد الخرفان وقاموا
بعد الخرفان وطلبوا مبلغ من سيد الخرفان وقامت الكوريك بينتهم
علي المبلغ المطلوب خليتهم ومشيت
| |
 
|
|
|
|
|
|
|
|
Re: رسوم على خراف الاضاحى (وثيقة) (Re: وائل حمزه الزبير)
|
أيوة
أي زول اشترى من الزريبة كابسوهو ناس المحلية
السنة دي ما اشتريت من الزريبة لكن السنة الفاتت معاي ود خالي مشينا شلنا خروفنا بي ركشة ولحقنا بتاع الرسوم شايل ورقته وقال لينا حق السوق
ود خالي قال ليه القروش في الركشة أرح نديك ليها .. طلعنا من باب الزريبة وخلينا عساكرهم ومشينا لحدي الركشة ومعانا بتاع الرسوم
بعد وصلنا الركشة أنا رفعت الخروف وود خالي طلع حديدة منفلة من تحت المقعد وخنق بتاع الرسوم لصقو على الركشة وملاهو دالات من نوع برانا ديـ... طالع بتفتح ديـ...ك بكسر ايمان صليبك .. غور من قدامي ولو سمعت صوتك بجي بطلع ديـ....ك انت والعساكر المعاك
بتاع المحلية رحمن قلبو طار وجري على البوابة ونحن اتحركنا
ود خالي قال لي الحكومة شغالة قلع زندية أي زول بنستفرد بيه براهو بنوريهو الزندية
_______
السؤال ليك انت .. مشيت اشتريت خروف من الزريبة ؟
لو إجابتك لأ .. ما تكتبها .. لفها في ورقة واتعشى بيها
| |
|
|
|
|
|
|
|
|
|
Re: رسوم على خراف الاضاحى (وثيقة) (Re: وائل حمزه الزبير)
|
كتب الزميل عادل شلبي :
--------
كل عام وانتم بخير
شاهد عيان
اقسم بالله العظيم اليوم في شارع كلاكلة شرق بشتري في خروف
وصلوا ناس المحلية ومعاهم عسكري ونادوا سيد الخرفان وقاموا
بعد الخرفان وطلبوا مبلغ من سيد الخرفان وقامت الكوريك بينتهم
علي المبلغ المطلوب خليتهم ومشيت
----------------------------------------
يا عادل شلبي
ديل ناس عنزة ولو طارت.
يقولوا ليك عايزين مواطن يكون دفع السنة دي ... طيب ، سيد الخرفان مش مواطن؟؟؟ هل سقطت المواطنة عن صاحب الخرفان ؟
كلام الجريدة لو عاجبهم يعصروك حتى تصدقوا ولو ما عاجبهم يعصروك عشان تكذبوا.
مغالطة و لولوة.
العياذ بالله.
نحن نعيش الفرعونية و البيزنطية معا في اسمى تجلياتهما.
.
| |
|
|
|
|
|
|
|
|
 Re: رسوم على خراف الاضاحى (وثيقة) (Re: Zoal Wahid)
|
زول واحد
تحياتي .. الموضوع يلزمه قليل من التركيز (أحجيتنا) هذه فيها بائع ومشتري .. خبر الصحيفة يتحدث عن المواطن المشتري ولم يتحدث عن المواطن البائع .. آمل بعد
مشاركتك أن تفيدينا هل انت مشتري أم بائع وان كنت مشترياً هل دفعت شيئا بعد شرائك للاضحية . تحياتي مرة أخرى.
| |
|
|
|
|
|
|
|
|
|
Re: رسوم على خراف الاضاحى (وثيقة) (Re: وائل حمزه الزبير)
|
عارف مشكلتك شنو ...
انت قايل خبر الجريدة دة قرار جديد
يا ود الناس قروش المحلية على الخراف دي معمولة من سنة حفروا البحر
ما تقعد تتنطط ساي .. سالناك قاعد تشتري من الزرائب ولا تنقطنا بسكاتك ؟
أنا قاعد اشتري من الزريبة كل سنة وبدفعوني زي الما حاصل حاجة .. أي نعم أيام عيد الأضحى التجار بكونوا ببيعوا في الشوارع بدون رقيب لكن بمجرد ما ينتهي عيد الأضحى تاني مافي بهائم إلا في الزريبة حيث بتاع المحلية شايل دفتره وراجيك
وتاني وتالت بسألك قبل ما تقعد تفتي وتنظر في شأن انت بعيد عنه آلاف الأميال
مشيت الزريبة؟ ولا تشرب ليك موية باردة وتعمل تسجيل خروج ؟
_________
يا علاء الدين يوسف ياخي عليك الله تعال راجع المنبر تاني .. تسجيلاتكم الجديدة دي ما عندها التكتح
| |
|
|
|
|
|
|
|
|
|
Re: رسوم على خراف الاضاحى (وثيقة) (Re: أحمد محمد عمر)
|
أحمد محمد عمر (والمنفلة)
حديثك (زي العسل) لكن نحن قلنا (NEXT) .. وبالمناسبة أنت ترهق نفسك .. ما أقوم به هو كالاستبيان لمن اشترى الأضحية هل دفع مبلغاً اضافياً أم لا .. ولاحظ الحديث بالعموم
هاهاهاهاااععع ( NEXT please)
| |
|
|
|
|
|
|
|
|
 Re: رسوم على خراف الاضاحى (وثيقة) (Re: وائل حمزه الزبير)
|
"المالية" تشكو "الجريدة" بسبب رسوم مباع الضأن
09-13-2016 09:22 PM
الخرطوم: تقدمت وزارة المالية بولاية الخرطوم ببلاغ ضد صحيفة "الجريدة" لدى نيابة الصحافة والمطبوعات بسبب ما كشفته "الجريدة" الأسبوع الماضي عن قيام موظفين تابعين لـ"وزارة المالية والتخطيط الاقتصادي" بتحصيل رسوم من المواطنين عقب شراء أضحيتهم بسوق السلام في أم درمان.
وكان موظفون من وزارة المالية في سوق قندهار اعترضوا الزملاء بادارة "الجريدة" عقب شراءهم عدداً من الخراف للعاملين بالصحيفة، وقاموا بمضايقتهم وطلبو منهم دفع مبلغ من المال دون أي مسمى مالي واضح قبل الخروج بالخراف من السوق، وعند اصرار الزملاء على تحديد نوع الرسوم وتمليكهم إيصالاً ماليا بها، قامو الموظفون بتحرير إيصال من ماكينة الكترونية بقيمة ستين جنيها باسم "الجريدة ١٥" مكتوب عليه، (وزارة المالية- شركة خدمات الثروة الحيوانية سوق السلام)، ويحمل الإيصال الرقم (١٦٢٠٠٠٨٢٥٦٠٩٠٠٠٢٦١)، تحت مسمى رسوم مباع ضأن
الجريدة
| |
|
|
|
|
|
|
|
|
|
Re: رسوم على خراف الاضاحى (وثيقة) (Re: وائل حمزه الزبير)
|
Quote: اقسم بالله العظيم اليوم في شارع كلاكلة شرق بشتري في خروف
وصلوا ناس المحلية ومعاهم عسكري ونادوا سيد الخرفان وقاموا
بعد الخرفان وطلبوا مبلغ من سيد الخرفان وقامت الكوريك بينتهم
علي المبلغ المطلوب خليتهم ومشيت |
سيد الخرفان البيدفع للمحلية ده، بديهي يطلع المبلغ الدفعو من المشتري.
أصلاً الضرايب بتزيد سعر السلع كيف؟
______
يا ود الصايم، إتعوّض الله في البوست ...... شايف استلمو بتاع (هاهاهاااع)
| |
|
|
|
|
|
|
|
|
|
Re: رسوم على خراف الاضاحى (وثيقة) (Re: محمد أبوالعزائم أبوالريش)
|
الخبر صحيح ونزل في الراكوبة
وانا العيد العيد الماضي وبسوق الحواشي بالمناقل شاهدت نفس الحاصل
مجموعة صعاليك معاهم دفاتر
يقفون في كل عربة محملة بمواشي المشترين المتوجهين لقراهم
وحدثت الكثير من الملاسنات بينهم وصعاليك الجبايات
كل عام وانت بالف خير معاوية عبيد
| |
|
|
|
|
|
|
|
|
|
Re: رسوم على خراف الاضاحى (وثيقة) (Re: فرح الطاهر ابو روضة)
|
يا إخوة
تبقى لنا يوم واحد .. الى الآن لم يأتينا من يؤكد دفعه لمبلغ مالي بعد الشراء في هذا العام إلا صاحب (المنفلة) والذي
قد تحدث عن مغامرة السنة الماضية هاهاهاااععع .. أيضاً (ناس حبوبتي قالت وشركات قالوا وقالت لي وقالوا لي)
آمل مساعدتنا في كشف حقيقة هذا الخبر.
NEXT
| |
|
|
|
|
|
|
|
|
|
Re: رسوم على خراف الاضاحى (وثيقة) (Re: Mustafa Satti)
|
جميل جداً
هذا الإستبيان يعكس لنا بأن الدنيا (دنيا السودان) ما زالت بخير .. كيف هذا ؟ الأمر في منتهى السهولة قد يتوقع البعض أنه من السهولة بمكان أن يأتي
من يكذب ويقول انا اشتريت الخروف ودفعت مبلغاً اضافياً .. لكن الحمد لله الأمور تسير على ما يرام .
NEXT
| |
|
|
|
|
|
|
|
|
|
Re: رسوم على خراف الاضاحى (وثيقة) (Re: وائل حمزه الزبير)
|
Quote: لالا اصلو كدا
وانتا بالك سلبة بس !
جليهو دا زول بتاع لولوة |
شغال وشوش ضاحكة وهاهاهاااع كدة وزول واحد ضحك مافي
المشكلة غير إنه شاعر بي نفسه ظريف - ودة مقلب كبير بالمناسبة - إنه ما فاهم استطلاع يعني شنو وبعملوهو متين
عمري ما سمعت لي باستطلاع في تنفيذ قانون .. لو زول واحد اتطبق عليه القانون معناها القانون موجود .. الوجود دة ما بلغيهو عدم تطبيقه على البعض
_____________
وحاة الله ما عندي مشكلة في وجود كيزان جوة البورد .. بل شايفه سلوك ديمقراطي حتمي
لكن شوفوا لينا كيزان بفهموا ياخ
| |
|
|
|
|
|
|
|
|
|
Re: رسوم على خراف الاضاحى (وثيقة) (Re: أحمد محمد عمر)
|
أعتقد أن بغروب شمس هذا اليوم تكون قد طويت صفحة قضية الدفع .. سبحان الله !!! يتأكد لي دوماً بأن الكلمة لها وقعها كما (للمنفلة) هاهاهاعععع
القضية بسيطة جداً وواضحة ومادامت في حق الحكومة فستجد بالفعل من يضحد وينفي ويكذب ما صرحت به الحكومة .. تعالوا وشاهدوا ماذا قال
بعض الضاحدين .
| |
|
|
|
|
|
|
|
|
|
Re: رسوم على خراف الاضاحى (وثيقة) (Re: محمد أبوالعزائم أبوالريش)
|
كم أنا سعيد
وسعادتي تمثلت في بهجة (أبو الريش) .. فحينما ترى ابتهاج زميل منبر كأبو الريش تحمد الله
أن ادخلت السرور عليه في أيام العيد المباركات.. أيضاً هو اختبار ذاتي في أثر وقع الكلمة.
البعض يمتعض وينفعل ويتضجر لكن حتماً ستأتي لحظة السرور .. لكن الغريب في الأمر
وكوجهة نظر ألاحظ أن البعض يشغل باله بمتابعة كلمات فلان أو علان لدرجة مبالغ بها.
| |
|
|
|
|
|
|
|
|
|
Re: رسوم على خراف الاضاحى (وثيقة) (Re: عادل شلبي)
|
نأتي للنتائج الختامية
حقيقة وأنا أقوم بالاتصالات بالأهل والاصدقاء في أيام العيد المباركات قمت بسؤالهم عن قضية دفع رسوم بعد شراء الاضحية
كلهم اكدوا بأن لا شيء مثل هذا .. وأعتبر هذه الاتصالات هي بمثابة الشريحة التي أسهمت في أخذ القرار بأن لا شيء مثل
هذا .. نأتي (للمنفلة وناس السنة الفاتت وناس قالوا لي وناس شفت لي كبسيبة بي هناك) أتريدون أن نفرضوا رسوماً رغم
أنف الحقيقة ؟؟
تحياتي للطربيد وتبريكاتي له العيد
| |
|
|
|
|
|
|
|
|
|
Re: رسوم على خراف الاضاحى (وثيقة) (Re: أحمد محمد عمر)
|
سيف النصر محي الدين
لن أشكك أبداً في مصداقيتك .. لكن هل أفدتنا عن المبلغ المدفوع ومكان الدفع بالتحديد أين كان وهل كان الدفع بسندأم بدون سند؟؟ .. وبالمناسبة أنت الدافع الأول مكرر
بعد صاحب (المنفلة) وقد تكون الأول دون منازع (هاهاهاااااع).
صباح الفل والفول
| |
|
|
|
|
|
|
|
|
|
Re: رسوم على خراف الاضاحى (وثيقة) (Re: وائل حمزه الزبير)
|
بلدنا الحكومة تجمع فيها رسوم نفايات من المنازل والمحلات التجارية والوساخة ماتديك الدرب ...
ليس بغريب على الحكومة تجمع رسوم من بيع الخراف
الفساد افلس الدولة وبقت تفتش في اي طريقة لتحصيل الرسوم
‘‘‘‘‘‘‘‘
غايتو ياوائل الشيطان زاتو يحتار فيك ..
| |
|
|
|
|
|
|
|
|
Re: رسوم على خراف الاضاحى (وثيقة) (Re: حيدر حسن ميرغني)
|
الشيطان !!!
ههههه حيدر مرغني هل تعلم بأن الشيطان له قصة عجيبة .. الشيطان اعترف بالخلق واعترف بالخالق .. أتذكر ربنا قال (شنو)
قال تعالى (انا خير منه خلقتني من نار وخلقته من طين) .. انظر لخلقتني وخلقته (دي) .. الشيطان كان في لحظة (أخير) من
أناس هاهاهاااااااع
| |
|
|
|
|
|
|
| |
معاوية عبيد الصائم
وائل حمزه الزبير
امجد الجميعابى
محمد أبوالعزائم أبوالريش
فرح الطاهر ابو روضة
Muhamed Hassan Abdalla
سيف النصر محي الدين
حيدر حسن ميرغني
فيس بوك
تويتر
انستقرام
يوتيوب
بنتيريست