|
دعواتكم لزميلنا المفكر د.الباقر العفيف بالشفاء العاجل
|
|
 Re: رسالة لأبي جودّة أو ملاسي (Re: معاوية المدير)
|
حضرت لسهير يا سيف، لقاء بالتلفزيون، هي النوع اللئيم الغاضب.
صحي دا النوع المحبب لي، لكن مدخل المراسلات المباشرة، لن يؤدي لصداقة معها؟!
لا بد تفرض نفسك عليها من البوس الكبير
زايد انو عثمان هو الكل في الكل
المهم، من أول يناير عاوز أكون انسان جديد، والواحد يبدل ناس سودانيز التعبانين الكحيانين المملين ديل.
| |
 
|
|
|
|
|
|
|
|
Re: رسالة لأبي جودّة أو ملاسي (Re: أبوبكر عباس)
|
كتاباتي بالتيار سوف تكون ادبية اجتماعية محمّلة بجرعات استنارة خفيفة تتناسب مع سكان قرية أم درمان.
لو الأشياء مشت معاي معدن، بعد سنة بشتري الجريدة وبغير الاسم ل:
التيار المستنير
| |
|
|
|
|
|
|
|
|
|
Re: رسالة لأبي جودّة أو ملاسي (Re: حيدر حسن ميرغني)
|
المستجير أيها المتظارف بسماجة
أنسب حاجة ( من وجهة نظري) انك تكون جنبا إلى جنب مع
ناس سهير عبد اللطيف وفاطنة الصديق وسوق الكزبرة ..
لكن ناس زي البوس ملاسي والدوق أبوجودة ديل حمل تقيل ما عندك ليهو كتف.
استمر متشابيا متطلعا هكذا إلى حين ولله درك .
| |
|
|
|
|
|
|
|
|
|
Re: رسالة لأبي جودّة أو ملاسي (Re: أبوبكر عباس)
|
عرفتها انتها يا رويعي الإبل صدق يا بك في المنبر ده ما فضلوا ليك إلا انا وعلي جع.....ك وحيدر الناس دي كلها شاماك وشايف معاوية الزبير ذاتو بقى واقف مخاوة فأي جريده حتى لو الدار ألحم فيها
| |
|
|
|
|
|
|
|
|
|
Re: رسالة لأبي جودّة أو ملاسي (Re: muntasir)
|
قال محدثي....الهادي نصر الدين لقى واحد في الشارع
السلام عليكم ياخ...
وعليكم السلام ...
اسمك منو ؟ فلان
من وين يا فلان ؟ الحتة الفلانية
نحن قاعدين نجيكم هناك !
..............................................
دحين قريتنا دي دايرين بيها شنو الله يرضى عليكم.
غايتو زي ما قلنا أي استنارة ما من أمدرمان يلزمها امتحان معادلة.... ولا تصحح الورقة من 50 
| |
|
|
|
|
|
|
|
|
|
Re: رسالة لأبي جودّة أو ملاسي (Re: أبوبكر عباس)
|
قبيلة البياطرة مبدعين بالفطرة
الراحل عادل سجيمان يرحمه الله إستكتبته الصحف وفتحت له ابوابها عشان كتابته كانت ساخرة وجميلة
ليس بغريب أن يكتب المستنير في أي صحيفة ينشدها (ياريت بعيد من سهير دي)
-
ملاسي .. عفيتك من الحليفة
| |
|
|
|
|
|
|
|
|
Re: رسالة لأبي جودّة أو ملاسي (Re: حيدر حسن ميرغني)
|
ياخ الكائن دا عمل 4 مداخلات وما رديت ليهو .اخر مداخلة سخيفة فى بوست تكريم صلاح جادات .لانو دا الملل يمشى على 14 ..وانا بفتكر انو الكائن دا ربنا خلقو عينة وما نفعت وفشلت وارهقت البشر وتم ايقاف انتاج المزيد منو . ..يعنى طلع موديل فاشل .غير مطابق لمواصفات البنى ادمييييين ..مفروض يفهم انو الظرافة جزء من طبيعة البنى ادم وكذلك السخف ...
عموما انا ...تقديرا لمعاوية الزبير خشمى عندى
| |
|
|
|
|
|
|
|
|
|
Re: رسالة لأبي جودّة أو ملاسي (Re: معاوية عبيد الصائم)
|
معقول دخلت أربعة مرات في بوستات حقتك؟
أنا مفتكر روحي ما قاعد أفتح بوستاتك وجادات
المهم المرات البكون دخلت فيها بكون بسبب تتبعي لبعض الكتاب هنا
تحديدا في بوستك المعني دخلت متابعا مداخلة آمنة مختار
وصدق حدسي وتوقعي لمشاركتها التي تخلو من المجاملة.
| |
|
|
|
|
|
|
|
|
|
Re: رسالة لأبي جودّة أو ملاسي (Re: معاوية عبيد الصائم)
|
يعني لازم نوافق على إقتراحك لمنح جادات وسام من المنبر؟
كتاباتك وجادات لا تقل دمارا من الكيزان
المتابع ليكم الإتنين لا يجد فرق بينكم وود الباوقة
أجد باوقة أكثر إتساقا منك
كتاباتكم كتابة سطحية لا تقدم رؤية بديلة مبعثها الأساسي غضب شخصي من الكيزان
تعابيركم، مفرداتكم هي نفس فكر الكيزان
يوم شايفك ساكي ود الباوقة في بوست له وتهدد فيهو بيوم الحساب!!!
دي كانت من أكثر المفارقات التي شهدتها بالمنبر
| |
|
|
|
|
|
|
|
|
|
Re: رسالة لأبي جودّة أو ملاسي (Re: أبوبكر عباس)
|
Quote: يعني لازم نوافق على إقتراحك لمنح جادات وسام من المنبر؟
كتاباتك وجادات لا تقل دمارا من الكيزان
المتابع ليكم الإتنين لا يجد فرق بينكم وود الباوقة
أجد باوقة أكثر إتساقا منك
كتاباتكم كتابة سطحية لا تقدم رؤية بديلة مبعثها الأساسي غضب شخصي من الكيزان
تعابيركم، مفرداتكم هي نفس فكر الكيزان
يوم شايفك ساكي ود الباوقة في بوست له وتهدد فيهو بيوم الحساب!!!
دي كانت من أكثر المفارقات التي شهدتها بالمنبر |
ماشي كويس،
أيوا كِدا إتعلم رُد علي الناس ؤ قول رايك مُش تقعد تدلّع ؤ تتعلقن،
إنت الظاهر عليك مبطر ؤ مدلع، لكن يا زِفِر دا ما هنا، سامع.
كويس جداً لحدي الآن إتعلمت تمسح وِ أتعلمت ترد علي الناس.
أنا حا أخليك تمشي علي العجين ما تلخبطو يا زِفِر تاني...
| |
|
|
|
|
|
|
|
|
|
Re: رسالة لأبي جودّة أو ملاسي (Re: معاوية المدير)
|
إنت وكِت عارف القرآن بيعلم الأخلآق
المنتشة العليك شنو ؟، تتريق عاملآ فلآحة يعني،
وإشمعنى مسحت مداخلتي بشأن القرآن ؤ تركت
الباقيات، عامل فيها شاطر يعني ؟.
أوعك أسمعك تقول لي حسّن لفظك عشان بتقرأ القرآن
لأنك إنت ما مُعترف بيهو، سامع. أنا بقرأ القرآن لكن
لآمن القى وآحد زي حالتك دي بديهو حسب مقاموا،
فهمت يا مساحة إنت...
| |
|
|
|
|
|
|
|
|
 Re: رسالة لأبي جودّة أو ملاسي (Re: أبوبكر عباس)
|
يعني لازم نوافق على إقتراحك لمنح جادات وسام من المنبر؟
.........................................................................................
ي زول هووى انت حاسب روحك بشر ؟؟؟؟ات ما بتفهم ؟؟انت موديل ملغى لعدم الصلاحية شان كدى ربنا تانى ما خلق زيييك ..فهمت؟ ي ( المشبوه ) (سياسيا) ودى لامن افضى ليك فى الربع القادم بجى بفهمك ليها ..لانى مشغول بحاجات اهم ي ظررررريف ...
حسب علمى ومصـــــــــــــادرى انك مخلوغ وليوم الليلة ما مصدق انك بتكتب فى حوش بكرى وقااااشر ب الباسورد.....
| |
|
|
|
|
|
|
|
|
 Re: رسالة لأبي جودّة أو ملاسي (Re: معاوية عبيد الصائم)
|
كتب المستنو...المشبوه سياسيا
يوم شايفك ساكي ود الباوقة في بوست له وتهدد فيهو بيوم الحساب!!!...........
..............................................................................................................................................
وتانى كتب!!!!!
معقول دخلت أربعة مرات في بوستات حقتك؟
أنا مفتكر روحي ما قاعد أفتح بوستاتك.....
اركــــــــــــــــــز وركز
| |
|
|
|
|
|
|
|
|
|
Re: رسالة لأبي جودّة أو ملاسي (Re: جلالدونا)
|
لمان قبضوا الكوز المسؤول في " خلوة غير شرعية" وقدموهو للمحاكمة بسنجة؛
إبتهج جادات والصائم وفلقوا راسنا بأن الكيزان عديمي الأخلاق والدليل:
"الخلوة غير الشرعية"!!
أشرح ليك شبهك وجادات بالكيزان في الموقف دا؟
ولّ الإشارة دي تكفي؟
لو غلبك بشرح ليك، ما فيها حاجة
| |
|
|
|
|
|
|
|
|
|
Re: رسالة لأبي جودّة أو ملاسي (Re: أبوبكر عباس)
|
الأخبار الجاتنا من كندا إنك زول هراش؟؟
بعد تقول للزول أطلع معاي الخلا؛
بترسل اناس الصاوي الlocation بتاغ مكان الشكلة المحتمل بالواتساب عشان يجوا يحجزوك!!
يوم إتأخروا؛
جوا لقوك بتكفكف في البنطلون!!
| |
|
|
|
|
|
|
|
|
|
Re: رسالة لأبي جودّة أو ملاسي (Re: أبوبكر عباس)
|
كتب ود الناظر:
"لأنك إنت ما مُعترف بيهو، سامع. أنا بقرأ القرآن لكن
لآمن القى وآحد زي حالتك دي بديهو حسب مقاموا،
فهمت يا مساحة إنت..."
طيب أطلع معاي الخلا القلتها لشيخك في التلاوة
مقام قرآني؟
| |
|
|
|
|
|
|
|
|
|
Re: رسالة لأبي جودّة أو ملاسي (Re: أبوبكر عباس)
|
Quote: أوكي أنا آسف
أوافق على منح جادات وسام المنبر
وأوافق انو منصور المفتاح كضاب |
يعني كِدا إتأدبت ؟، الحمد لله.
عيّنك حِسك تاني تجيب سيرتي لا تلميحاً لا تعريضاً، لا تصريحاً
وأوعك تاني أشوفك ملآحقلك زول هنا ؤ بتتلآمض،
فاهِم ؟. يلآ غوووور رُد علي الناس اللِداخلو معاك يا عِلق...
| |
|
|
|
|
|
|
|
|
 Re: رسالة لأبي جودّة أو ملاسي (Re: محمد أبوجودة)
|
الراحل جمال محمد احمد كان ملجأ الهائمين على سطح البسيطة بحثا عن عمل والزمان زمان اخضر
كان سفيرا للسودان في لندن حين استلم خطاب من الكاتب ابراهيم دقش يطلب فيه ايجاد فرصة في المنطمات الدولية لما لجمال من علاقات واسعة بالمنظمات
دقش استلم الرد في مظروف كبير ولما فتحه وجد ورقة مكتوب فيها " سأفعل يا ابن امي" وبالفعل كان له ما اراد
من كتاب "واحد من جيل الثلاثينات" لابراهيم دقش
-
هسع يا ابوجودة لو قلت سأفعل كنت فرحتنا ياخ
| |
|
|
|
|
|
|
|
|
|
Re: رسالة لأبي جودّة أو ملاسي (Re: حيدر حسن ميرغني)
|
مرحب عزيزي حيدر،
ولكن ال جبتو دا، هو عندي خبر آحاد ..!
وأعتقد أن أريَحيــّة المرحوم جمال، أرقّ من أن تتوغّل مثل هذا التّوَعُّك الماحل!
........................
وإن كان ليك، دحض، بالله عليك، جييييييبو .. جيبو جيبو (هههه)
| |
|
|
|
|
|
|
|
|
|
Re: رسالة لأبي جودّة أو ملاسي (Re: حيدر حسن ميرغني)
|
"فكيفك بالله العلي، عليك تطلبني بمقدار (عمود جنب)، وأنا قد كَلّ متنــي، وساخ حَرفي، وشاخ جرفي والحصاد هشيم صحافي، وتذروه الرياح..!"
كنت شغال ببلدية دبي قسم الخدمات البيطرية وإنتقلت لمكان آخر ولي بالبلدية علاقات جيدة
جاء صديق بيطري مؤهل جدا يبحث عن عمل
مشيت لرئيس القسم أديتو السي في وقلت ليهو:
الزول دا جايبو هنا موش لأنو بفتش في شغل
جايبو أبركم به
فشنو يا جودة، خليك حريف
المهم، في الأخير إن شاء الله عنوان عثمان البريدي الخاص
لك الشكر على تجشّمك الصِّعاب
والرد
| |
|
|
|
|
|
|
|
|
 Re: رسالة لأبي جودّة أو ملاسي (Re: محمد أبوجودة)
|
Quote: قال إيه: ( فشنو يا جودة، خليك حريف)
................
ياخوي مالي أراك ساعٍ بي إلى "دروب التسفيف" إن لم يكن التشطيف ..؟! |
أول مرة أقرا لأبي جودة دا مداخلة لماحة ودمها خفيف ..!!
خخخخخخ
أوسكااار .
| |
|
|
|
|
|
|
|
|
|
Re: رسالة لأبي جودّة أو ملاسي (Re: AMNA MUKHTAR)
|
آمنة،
إزّايِّك وكيف حالك، ومشتاقون (إذا بـِتْســادِئي) ههه
تقولين:
Quote: أول مرة أقرا لأبي جودة دا مداخلة لماحة ودمها خفيف ..!!
خخخخخخ
أوسكااار . |
وأقول:
أمّـــونة أحسن ليك*
...............
* أي نعم، أنّك أحياناً تدُقِّين المسمار على رأسه hit the nail at its' head، بس ده الرأس الخطأ ..!
ما هو رأس المستنير غزير الفروة، اعمليلو واحدة، الله يرضى عليك. ههه
| |
|
|
|
|
|
|
|
|
|
Re: رسالة لأبي جودّة أو ملاسي (Re: قسم الفضيل مضوي محمد)
|
لماذا كل هذه الغلظة والقسوة يا اصدقاء على المستنير ؟؟؟؟
يا جماعة الخير قلتها سابقا وسأكررها ..من صنف المستنير معارض او موالي فقد خاب ظنه..ومن صنف المستنير كشخص بكتب بردة الفعل فهو مخطيء..
المستنير شخص يكتب من قناعات غير مسنودة بصديقي وصديقك شلتي وشلتك .جماعتي وجماعتك..
اي ممكن مرات كلامو دبش ومباشر و عدييل لاي ظاهرة او حدث او شخص بقول كلامو وبتخارج ان ثبت غلطه بعتذر وان صح ما كتبه بعمل نقطة سطر جديد وبشوف البعدو ..
القبح ما اكثره في هذا العالم الافتراضي خسمتكم بالنبي خلونا نستمتع بقبسات المستنير الجميلة ..
#اتركوا المستنير ما ترككم#
| |
|
|
|
|
|
|
|
|
|
Re: رسالة لأبي جودّة أو ملاسي (Re: محمد البشرى الخضر)
|
كلما القى ابوبكر عباس فاتح بوست
حأذكره بي كلامي ده ... لانه جايز بفوت عليهو مرات في غمرة نشوته بالمناكفة
و طبعا لانه مأستكاتي من الدرجة الأولى فجايز يمسحه لكن على الأقل بكون قراهوا قبال المسح :) :
" الحبيب أبو بكر عباس .. او ( عم عكس ) كما ناديتك مرة ...
ما عارف ليه اخدت ليك خط هنا في المنبر ده ... و انحشرت فيهو ...
زي الممثل البمثل دور واحد ... لو بعد زمن ادوهو دور تاني برضه برجع لنفس الخط ...
مالك ياخي بقيت داير تغالط و تخالف أي موضوع من طرف ...
الظاهر انو حكاية المستنير دي البديتها هزار و الناس هازرت بيها معاك ... قمت صدقتها
و بديت ( تحلم ) ... على قولة الكتيابي و مصطفى ...
غايتوا حاول تلقى البوصلة من جديد ... لانك طشيت من الطريق ... و لانك زول كويس جدا ...
كفاية انك صاحب ود الزبير ...
"
* على فكرة ... نسختها بره في كمبيوتري عشان ما اتعب و اكتبها كل مره ... فقط كوبي اند بيست ...
| |
|
|
|
|
|
|
|
|
|
Re: رسالة لأبي جودّة أو ملاسي (Re: محمد البشرى الخضر)
|
ههههههه هو من ناحية المقابضة دي قاباض خلاس ..
لكن حتى ماقبضتو ما بتحس فيها التلحة والتشفي و تصفية الحسابات ..
المستنير دا بأسس لطريقة حوار ما عادية واظن انو بدل ما يمشي بينا خطوة خطوة عملها بصورة مكثفة ... ودي مشكلتو الجايبا ليه الهوى...
هسي بيني وبيك يا ابو حتوت لو عملنا حسابات صغيرة عليك الله المستنير دا مش زول لذيذ وكتاب وعفوي وصادق وعميق ولايوق ههههه
| |
|
|
|
|
|
|
|
|
|
Re: رسالة لأبي جودّة أو ملاسي (Re: أبوبكر عباس)
|
أنا لو عملت لي سجادة، بخلي عن يميني علي دفع الله وعن يساري حبيبي حيدر
ود البشرى بديهو دور سهيل بن عمرو
ود المدير ابو لهب
منتصر ابو جهل
جلال بحرمو من أي دور تاريخي، ممكن اخليهو مهندس صوت ، لكن ما بظهر في الشاشة لو نطط
المدعو قباني بديهو دور واحد من الناس البلفو حول الكعبة وبرددو نفس الدعاء
كوبي آند بيست
بغطي ليهو الصلعة بعمامة
| |
|
|
|
|
|
|
|
|
|
Re: رسالة لأبي جودّة أو ملاسي (Re: حيدر حسن ميرغني)
|
فى اتنين انا بحب كتبابتهم جداً .. جداً , فى هذا المنبر .
* محمد البشرى الخضر .. لانو مرات فى مواضيع ما بحب اخش اعلق عليها حفاظاً على شيبتى من مسح البلاط , بلقى محمد البشرى سبحان الله , طق ترق , البفكر فيهو هو البيكتبو .
* ابوبكر عباس .. بحب هرجلتو , الهرجلة نوع من انواع التمرد , زيها زى صرعة الهيبس , زيها زى نمط حياة الغجر (الحلب) .
* الكتابة الساخرة دايماً بتلفتنى , وبحب ما يجلب المرح .
* حاجة قبل اخيرة ما عندها علاقة بالبوست , بقرأ الايام دى بنهم عن تاريخ الاقباط فى السودان , مثلاً مُعانتهم فى حقبة " التعايشى " , فيها كلام بيخلينى اضحك رغم ان الكاتب بيكون جاد والكتاب بيكون جاد اكتر منه .
* حاجة قبل اخيرة , مار جرجس , ايقونة مسيحية باهرة , كان اشد الناس عداوة للدين المسيحى , ثم اصبح من اهم شهداء نفس الدين , عشان كده فى صيدليات كتيرة ومستوصفات بتاعت اقباط بتكون باسم مار جرجس .
* حاجة اخيرة , انا بحب كتابتك جداً يا ابوبكر , بحب تمردك , بحب سخريتك من نفسك ومن الاخرين , كارتون ساخر بالقلم بدون ريشة , المجتمعات المتزمتة بتكره السخرية , عشان كده واحد زى " ناجى العلى " كان العدو رقم واحد قبل الاسرائليين لسماسرة النضال فى منظمة التحرير الفلسطينية .
| |
|
|
|
|
|
|
|
|
|
Re: رسالة لأبي جودّة أو ملاسي (Re: shaheen shaheen)
|
إحراج شديد يا بكّور .. أضطريت اسعين بقوقل عشان اعرف عن سهيل بن عمرو, لقيتو هو الثبّت قريش على الإسلام و اثناهم عن الردة بعد وفاة النبي عليه الصلاة و السلام!
هههه انت يا زول ماخد قصة رسول الاستنارة دي بحرفيتها خلّي بالك
يا شاهين يا شاهين, الليلة كبّرت لي راسي كبّير جد! دا شرف كبير والله كونو تتوافق افكاري مع فنّان ومبدع وقبل هذا وذاك انسان باذخ الإنسانية ومتصالح معها مثلك
| |
|
|
|
|
|
|
|
|
|
Re: رسالة لأبي جودّة أو ملاسي (Re: أبوبكر عباس)
|
إتّا يا معاوية الزبير، النزعة الدينية الجاتك الأيام دي، سببها الحادث؟ ولَ قبل الحادث؟
شايفك كمان مسكت صكوك الغفران ورافض تدي ملاسي واحد بحجة:
It is too late
غايتو الله لو كان فعلا مهتم بالأرض، كان قال ليكم:
ما داير
| |
|
|
|
|
|
|
|
|
|
Re: رسالة لأبي جودّة أو ملاسي (Re: أحمد محمد عمر)
|
(تعليقو يا معاوية القال فيهو: "ما في زول حاول يلفت انتباهي ليهو أكتر من وضاحة إلا معاوية الزبير" كان قمة المتعة)
أوسكار طبعا ومعشرق لي في حلقي من شدة حلاوتو
أنا لا أنكر تجليات ملاسي في الكتابة أحيانا،ىمثلما لا أنكرها لحسين خوجلي. اللهم عِز المعارضة بأحد الحسينين
| |
|
|
|
|
|
|
|
|
|
Re: رسالة لأبي جودّة أو ملاسي (Re: معاوية الزبير)
|
و الله يا جماعة من أمس متابع بكل استمتاع الحوار الفي هذا البوست.
أولا الحوار ممتع لأنه مشوّق زي الفيلم أو المسلسل الممتع. فهو يتراوح ما بين العداوة الظاهرة
إلى الملاطفة و من الهجوم إلى التهدئة و.
و شنو محور النقاش أو محرك النقاش( البطل يعني) شخص محوري واحد محرك لكل هذا النقاش
و لكل هذه المشاعر المتنافرة و المتغيّرة.
بعدين الحوار فيه إحالات متعددة و فيه تشبيهات كثيرة (شيء أو لهب و شيء رويعي الغنم) يعني
رغم الكفوف و الزعل و الرفس لكن بالبوست بيحتوي على كمية كبيرة من الدسامة.
و في الأخير شكله المسلسل حينتهي بنهاية سعيدة و لا في زول زعلان و لا في زول ماخد من التاني و الربحان منو؟
مش البطل بس ( طبعا هو ربحان)...لكن كلنا ربحانين ...المشاركين بالكتابة و القراء و المتابعين و المناصرين و المخالفين .
بوست سوداني كامل النقاش و الفائدة و الدفس و الرفس و المعارضة و المشاكسة( اوع تفتكروها شتيمة أو منقصة..... بالعكس)
بعدين أعجبتني ردود أبوجودة بقلمه الفخم و عباراته الودودة رغم العواصف و الغيوم.
احترامي لكم جميعا و إعجابي
| |
|
|
|
|
|
|
|
|
|
Re: رسالة لأبي جودّة أو ملاسي (Re: محمد عبد الله الحسين)
|
يا ابكر اكتسابك لعداوات المعاويتين بيرجح انك تتارجح بين التشيع و الفكر الجمهورى والتارجح دة مؤشره انه فى معاوية اخر لا يكن لك العداوة بل يبذل لك المودة والتلميع
قراية بوستاتك قاعد تخربها لينا بعوارات كدة ما فى ليها اى داعى زى لو الله بيهتم بالارض او نحو ذلك , قاعد تكلفنا استغفار لا ايدنا لا كراعنا
يا طوربيد ياخ ابكر دة اصلو ما ح تستفيد من عداوته حاجة , ركز مع الحرامية وبعدين حلتهم قريبه من حجر الطيور حقتكم دى يعنى كلكم ربنا ابتلانا بيكم
| |
|
|
|
|
|
|
|
|
|
Re: رسالة لأبي جودّة أو ملاسي (Re: عباس الدسيس)
|
مروان حامد الرشيد يا أحمد التيجاني، استفاد من ثقافة الاسماء الاسلامية في روايته الرائعة "مندكورو"
جعل الخير عند الأخ اليساري واسماهو علي
الشر عند الكوز الشقيق الآخر واسماعو معاوية
والدة الشقيقين قالت عن أولادها:
"علي عمرو ما ممكن يكون معاوية، لكن مُعاوية ممكن يبقى شيء من علي"
ونطقت مُعاوية بنطق سليم اظهرت فيه الضم الواضح للميم
| |
|
|
|
|
|
|
|
|
|
Re: رسالة لأبي جودّة أو ملاسي (Re: أبوبكر عباس)
|
Quote:
مروان حامد الرشيد يا أحمد التيجاني، استفاد من ثقافة الاسماء الاسلامية في روايته الرائعة "مندكورو"
جعل الخير عند الأخ اليساري واسماهو علي
الشر عند الكوز الشقيق الآخر واسماعو معاوية
والدة الشقيقين قالت عن أولادها:
"علي عمرو ما ممكن يكون معاوية، لكن مُعاوية ممكن يبقى شيء من علي"
ونطقت مُعاوية بنطق سليم اظهرت فيه الضم الواضح للميم |
قصدك مُعاوية الزبير، مُش...
| |
|
|
|
|
|
|
|
|
|
Re: رسالة لأبي جودّة أو ملاسي (Re: معاوية عبيد الصائم)
|
يا طوربيد ياخ ابكر دة اصلو ما ح تستفيد من عداوته حاجة , ركز مع الحرامية وبعدين حلتهم قريبه من حجر الطيور حقتكم دى يعنى كلكم ربنا ابتلانا بيكم
......................................................................
باهندسة ام الطيور غرب اتبرا وليس حجر الطير..لمزيد من التفاصيل اعزمنى فطور وغداء شان اشر ح ليك ياخ..والشرح كان طول ممكن نفكر فى العشاء ...مشتاااقون ي رجل
| |
|
|
|
|
|
|
|
|
|
Re: رسالة لأبي جودّة أو ملاسي (Re: معاوية عبيد الصائم)
|
يا طوربيد لنا الشرف والله فى الاجتماع معاك فى اى صينية ان شاء الله صينية القندول بس ارخى لينا ابكر دة شويه والله فى الجامعة ما كان اى حاجة بس كان مستمع جيد لاركان النقاش
تكون السخته دى جاته بعد اتشابهوا عليه المعاويات
| |
|
|
|
|
|
|
|
|
|
Re: رسالة لأبي جودّة أو ملاسي (Re: محمد عبد الله الامين)
|
ههههههههههههههههه
بوست يدخل ليهو أبوجودة وملاسي ومعاوية الزبير
وقبل كدا تقريبا والله أعلم ان لم تخني الذاكرة رد عليك فخامة
وحش الأسافير كبر هيم سيلف
والله العظيم بديت أصدق انك ما بطال ..
اتا بالكتير يدخل ليك جرجير الفوق دا عشان يكتب ليك خمستاشر
ستاشر سطر ما يقول فيهن أية حاجة.. وترد ليهو انت بلا أية حاجة
وعلي كدا يستمر بينكم الهرجي والمرجي والمط والجر.
ما باقي لينا إلا نعتذر عن الإستمرار في الملجة دي .
| |
|
|
|
|
|
|
|
|
|
Re: رسالة لأبي جودّة أو ملاسي (Re: shaheen shaheen)
|
سلامات ابوبكر و زوار خيطه
ياشاهين ياصديق مافى اى مقارنة بين الشهيد ناجى العلى الممكن يعرض نفسه للقتل فى اى لحظة من جراء مواقفه و ريشته وابوبكر . وفعلا تم اغتيال ناجى العلى فقد كان يحمل كفنه فى ريشته
مع ودى
| |
|
|
|
|
|
|
|
|
|
Re: رسالة لأبي جودّة أو ملاسي (Re: أبوبكر عباس)
|
بالإذن، يا أبا بكــر مستنير،
كل التحايا والتقدير، للعزيزَيْن طلحــة عبدالله و محمد عبدالله الحســين،
وأرجو أن أكون عند حُسن ظنّكما الخيــِّر..
كما لا يفوتني، أن أحيي أخانا قسم الفضيل، بتاع كابتن ماجد، كأيلولة يرفعها بسبّابته
في كل حَدْرة..! لييييه ما عارف (ههه)
.....................
والله عاد يا مُستنير، بوستاتك بقت جامع)ـــة؛ وما فضـلّك إلّا ( لو عايز تغيزُم، تعال واضرب البوووري يا ناس).
| |
|
|
|
|
|
|
|
|
|
Re: رسالة لأبي جودّة أو ملاسي (Re: محمد أبوجودة)
|
نموذج لإقناع ملاسي:
كدي يا حسين، شيل النموذج دا وأديهو لعثمان وشوف رأيو شنو.
أخترتو ليك عشان فيهو سخرية من الشيوعيين وإتّا ما بتريدم
"النبيذ الأحمر:
أجمل عشا يعزموك ليهو؛ يكون صاحب الدعوة شيوعي مقندل وراقي ويكون متزوج من أم درمان (ما ضروري هو من وين) وتكون معزوم مع شخصية معروفة. وكدي إتخيلو معاي العيزومة دي في دبي:
- بت أم درمان بترتب العشاء جيهه شديدة.
- اللحوم بأنواعها.
- السلطات والمقبلات.
- الشوربات.
- كل أنواع المحاشي.
- التحالي.
- الشوك و الملاعق والسكاكين ذهبية.
- كاسات النبيذ الأحمر -الرسلوا جابوهو من البراكودا في أم القوين- لا لون لها وذهبية الحواف.
- مكعبات التلج مع البتاع البشيلو بيهو التلج داك للداير الوسكي.
سيد البيت اللابس ترينق أبيض مع بجامة عنابية بطلب من الضيف المشهور التقدم نحو السفرة،
بدأ العشا وفي واحدة سريلانكية مخصصة لمتابعة مستوى النبيذ في الكاسات,
العشا أخد ليهو زي تلاتة *ساعات ونص، الضيف وسيد البيت بتكلموا عن لوحة تشكيلية معلقة في الصالون
أنا مشاركتي كانت بس كلمة ثانكس (شكرا) للسريلانكية لمان تتم لي الكاس!
يا أخي، الناس ديل لمان الواحد يقطع ليهو قطعة لحم، ويلحقها بسلطة وشرفة نبيذ، ويواصل الكلام عن اللوحة بفم مليات باللخليط الأحمر، والله، يكسر ليك كل الإرث الإكتسبتو عن سوء الكلام أثناء الأكل!
مقارنة:
* مرة في العيلفون عزموني عرس جابو لينا صينية مليانة وكان معاي في الصينية حيران،
خمسة دقائق نشّفوا الصينية و فكّوا لي أصبعي لمان مديتو للضلعة!
شفتو النبيذ بهذب الناس كيف؟"
| |
|
|
|
|
|
|
|
|
|
Re: رسالة لأبي جودّة أو ملاسي (Re: قسم الفضيل مضوي محمد)
|
يا قيم، بس ألقى الفرصة في التيار، شوف بعد شهرين ما أبقى نجم الشباك رقم واحد
وبعد رفع قيمة الجريدة؛ العداد بزيد، سنة سنتين ببني لي بيت في الصافية.
لاحظ لنجوميتي هنا، ٧٦٪ من الناس بتجي هنا عشان تقرأ كتاباتي
الله عرفوهو وما عرفوهو بالعقل!
بس كيف ألقى الفرصة؟
| |
|
|
|
|
|
|
|
|
|
Re: رسالة لأبي جودّة أو ملاسي (Re: أبوبكر عباس)
|
ابوبكر عباس وشركاه
هسي وشركاه دي ما احسن ليك من الاستصحاف وسهر الليالي وشرب السجاير ومباراة سهير
وماعارف منو شاش ديك ....
لكن انت الظاهر عليك من جماعة الصيت ولا الغنى
من ناحية اخرى بصراحة كدة لو على المهارات الفردية لامتلاك عمود ساخر انت المعدل عندك مرتفع
| |
|
|
|
|
|
|
|
|
|
Re: رسالة لأبي جودّة أو ملاسي (Re: أبوبكر عباس)
|
Quote: ويلحقها بسلطة وشرفة نبيذ، ، ويواصل الكلام عن اللوحة بفم مليات باللخليط الأحمر، والله، يكسر ليك كل الإرث الإكتسبتو عن سوء الكلام أثناء الأكل!
______________________________________________________________________________________________________________
شــرفة نبيذ عديل كده ؟ و الله ياها الشرفة ... :)
بعدين الشفقة شنو ... ما تنقح الكتابة الداير تخش بيها الامتحان دي !!!
فضحتنا مع الأخوة الصحفيين ياخ ...
| |
|
|
|
|
|
|
|
| |
أبوبكر عباس
سيف النصر محي الدين
معاوية المدير
محمد المرتضى حامد
معاوية الزبير
حيدر حسن ميرغني
طلحة عبدالله
Khalid Basheer
جلالدونا
محمد أبوجودة
محمد البشرى الخضر
قسم الفضيل مضوي محمد
علي دفع الله
يحي قباني
shaheen shaheen
محمد عبد الله الحسين
احمد التجانى احمد
عبدالحفيظ ابوسن
عباس الدسيس
Hussein Mallasi
Elmoiz Abunura
Ahmed Yassin
معتصم الطاهر
فيس بوك
تويتر
انستقرام
يوتيوب
بنتيريست