أخونا صاحب الأيادي البيضاء ود البطانة عبد الله ود البوش، كانت فعلا سياحة رائعة في ربوع البطانة... والله يا ود البوش انا حسدت الجماعة الراكبين الإبل ديل حسادة من جوه قلبي...لأنهم عايشين فعلا حياة هانئة بدون توترات نفسية وبدون ضغوط نفسية تزيد ضربات القلب وتزيد ضغط الدم لحد انفجار الشرايين.. فهؤلاء لا يجدون ، عندما يفتحون صندوق البريد ، اكوام من الرسائل والمطالبات والفواتير والتهديدات، فهل تصدق يا ود البوش انا بلقى مرات 7 فواتير مرة واحدة وكل شركة تقول ادفع قبل بوم 15 في الشهر وإلا ....... ومرات ألقى رسائل من صاحب الشقة ، ومن شركة الكهرباء وشركة الغاز وشركة الكيبل...ونطلع الشارع نلقى خمسين مشكلة ونقيف ننتظر قطارات الأنفاق وما تلقى مرات حتة تقيف فيها... وأهلنا في البطانة راكبين الإبل في المساحات الواسعة وسط الخضار والمياه ,, والله جبارة ود ابراهيم ده اظنه اسعد سوداني... راكب الناقة ويقول الدوبيت بصوت ملائكي ولا عنده هم ولا غم.... والله اتمنيت اكون عايشة في هذا المناخ الصافي وفي هذه البيئة البرية وبدون كهرباء وبدون مواسير مويه واشرب من الترع والأنهار وناكل مما نزرع ( بس ما تقول ده من نشيد المؤتمر الوطني : ناكل مما نزرع زنلبس مما نصنع..) وجه ضاحك..) .. الآن عرفت أن حياة البادية والريف أجمل واروع حياة.... انا كنت مفتكرة البطانة شمال وجنوب شندي وبربر .. واليوم عرفت ان البطانة هي بالقرب من القضارف وعلى الحدود السودانية الاثيوبية... .. قرأت مرة بوست كاتبه ود شيقوق يرحب فيه بملكة الدوبيت سمية الحسن طلحة... وهي الآن عضوة في المنبر العام... يا ريت تجينا سمية بت الحسن وتقول لينا من روائع الدوبيت.. والله يديك الصحة والعافية
10-15-2016, 06:59 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
والله يا ود البوش انا حسدت الجماعة الراكبين الإبل ديل حسادة من جوه قلبي...لأنهم عايشين فعلا حياة هانئة بدون توترات نفسية وبدون ضغوط نفسية تزيد ضربات القلب وتزيد ضغط الدم لحد انفجار الشرايين.. ----------------------------------------------------------- انت بس يا الاميرة قولي عووووك ستجدين الركب في انتظارك وستكون اجمل ايام عمرك في بطانة ابو علي دعوة رسمية مفتوحة . . يا سلام على دعوتك الجميلة دي الله يديك الصحة والعافية لك مثلها واكثر مرورك دائما كالعليل مريح ومفيد تحية خاصة واحترام شديد مرفق طيه مع تحياتي لبسمات وامتثال سلمي عليهن عليك الله
10-15-2016, 06:47 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
الليلة يا بطانة أب علي جاييك ربيع استقبلي ..... هنيئاً ليك والله يا شيخ العرب وانت تحقق أمنيتي المؤجلة وهي زيارة البطانة في الخريف ...... زمن السبعة خيل فوق المشمّش هزّن أضعافن خيول من المحاصات فزّن ناس علي واب علي عزوك سماحة عزّن أرووك بالدموم لامن شقوقك نزّن .... ربنا يمد في الايام ان شاء الله والأمنية قائمة والنية صادقة
10-17-2016, 08:55 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
عزيزنا الفاضل صاحب الايادي البيضاء ود البوش التحيات النواضر دعوتكم السمحة لزيارة ارض البطانة مقبولة ...عشان نتعرف على الناس السمحين والرايقين والسعيدين ديل... ..وبرضه زي ما قال محمد علي الفكي حضور سمية بت طلحة مطلب شعبي.. والله يديك الصحة والعافية
10-18-2016, 06:10 PM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
دعوتكم السمحة لزيارة ارض البطانة مقبولة ...عشان نتعرف على الناس السمحين والرايقين والسعيدين ديل... ------------------------------------------------ في اي وقت جاهزين يا الاميرة كان بقينا حيين في الدنيا والدعوة عبرك لبسمات وامتثال
10-23-2016, 07:19 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
الحبيب علي محمد الفكي حبابك وحباب اليوم الجابك والبكان بكانك تعال غني ودوبي ومعاك نطالب بعودة الراقية بت البطانة سمية الحسن طلحة ونتمناهو تكون بخير ومن هنا نرسل لها عاطر التحايا تجدها بخير ولك تحياتي الحبيب علي
10-18-2016, 07:02 PM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
انتسبت للبطانة ولا شنو يا حبيب ... -------------------------------- بل هي الاصل والجذور لكن المعايش جبارة يا الحبيب . . شكرا لمرورك العليل حبيبنا بقة ود شيخي الجيلي
10-18-2016, 06:56 PM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
ربنا يمد في الايام ان شاء الله والأمنية قائمة والنية صادقة --------------------------------------------------------- النسيب الحبيب نادر النور ومعك تحلو الرفقة والوعد قائما أن مد الله في العمر . . الود والمحبة التي تعلم مرفق طيها
10-18-2016, 07:29 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
يا سلام عليك يا النادر ود النور الظبط لي راسي بسماحة المسدار دا .. زمن السبعة خيل فوق المشمّش هزّن أضعافن خيول من المحاصات فزّن ناس علي واب علي عزوك سماحة عزّن أرووك بالدموم لامن شقوقك نزّن سلمت يداك .. انا باقي بموت في المسدرة وناسها عقب كت في منتديات متخصصة في المسادير . وان شاء الكريم بجي برد علي البيوت من نور ديل ..
وان الكريم ملمومين في السمح ,,
10-18-2016, 07:32 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
اها معزومين امش اعمل رايح -------------------------------- ود اختي الولد السمح ابراهيم عبدالعزيز تون عاد اتا بدور ليك عزيمة يا سيد البيت لكن برضو حلف عليك كل الود والمحبة لك وللاسرة الجميلة تحياتي لك وللوالدة تحية خاصة جدا
10-23-2016, 07:34 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
ما بتصاقعي في المسادير يا بت عمسيب كان حفظ حفاظة وكان قطع اخدر عجيب وانا زول عرضة ومالي في المسادير نصيب وعرضت زين مع اولاد البنا الغناهم خاتي عيب لحدي هنا كويسين ما يقوم علينا الضرس فرنيب اقوم اقع فوق رقبتي دي اكسرا كع كركيب وانبهلت هههههههههه ارحكاكي
10-23-2016, 10:11 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
ربنا يتم ليك ال في مرادك كلنا منتظرين حسن ----------------------- آمين يا رب العالمين الاخ برضو ضرسو بتاورو ول نتحي ساكت ؟ . . العريفي يا حبيب .... العروب ديل كلامن كلو تلاويح ما تقوم تجيب ليك رقبة في صمة خشمك ساهي
10-23-2016, 11:12 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
ود البوش سلام وكل زوار البطانه شددت الرحال فى اجازة العيد الاضحى المبارك الى البطانه برفقة صديقى محمد البلوى سعودى من هواة البرارى والابل وقضينا فيها اسبوع كان رائع جدا لان السنه دى الخريف كان مكتمل وواسع
10-24-2016, 04:20 PM
خالد المحرب خالد المحرب
تاريخ التسجيل: 01-14-2007
مجموع المشاركات: 5705
خالد المحرب يا صديقي الجميل تحية وشوق هههههههه لكن باظك انقلب طاااااااب عشان تعرف انا اهلي قروني اكتر منك ح انزل ليك الفيديو من بداية البوست كان في خاطري فيديوك من واتساب لي قناتي باليوتيوب ( اتا عندك قناة ) ههههه ثم هنا اتا قايل الحكاية حسبو شتت قصبو ساكت الحكاية دي صعبة بتعمل ليك وجع نوايط والسلام مرفق طيه للاسرة الكريمة
10-25-2016, 05:25 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
ود البوش ود البطانةو د شيخ القبائل ذو المروءة . والسوداني الأصيل .. بصراحة .. بصراحة.. نحن حسدنا خالد ود المحرب عديل كده.. ونقول اللهم لا حسادة... وان شاء الله الله يديم عليه نعمة الصحة والعافية والسعادة والهناء.. .. ونحن بننظر للخلفية في الأرض الواقفين عليها دي بنشوف ارض شاسعة خضراء ومن بعيد ابل ترعى .. ونشوف الطبيعة الخلابة,, ونحن بنسأل الواطة الخضراء دي عندها سيد ولا ارض البطانة كلها بهذه الروعة والجمال الخلاب...و من الصورة بس شمينا روائح النسايم والهواء الصافي العليل ونحن هنا كل يوم بنشم دخاخين السيارات المكتظة في شوارع نيويورك والدخاخين الطالعة من الانفاق... ودمتم بألف خير وصحة وعافية
,ودي أغنية ود شيوخ القبائل من اسرار بابكر هدية لود البطانة ود المحرب..
بسمات بت الشيخ صباحك خير وزين مجرد وجودك هنا له طعم خاص خليك من اي حاجة تاني وياريت تشرفي البطانة عشان تجدعي جوازك في نهر عطبرة مودة ومعزة خاصة وكل الاحترام مرفق طيه برفق
10-29-2016, 06:11 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالله ود البوش
Abu Baker Ahmed Abdel Rahman
نادر النور آدم
مني عمسيب
اسامه العريفي
عبد الباقي الجيلي
علي محمد الفكي
عبيد الطيب
خالد المحرب
فيس بوك
تويتر
انستقرام
يوتيوب
بنتيريست