مفروض طوالي لمن تحس انك حتكون عبء علي زوجتك واولادك يمش براهو لدار للعجزه يكون محترم ويسلم نفسو علي ان يقوم اولاده بدفع المنصرفات او ان يدخر مبلغ لنفسه يكفيه الاقامه في هذه الدار لكم سنه كده يعني
ولا يعني نحن احسن من الخواجات؟؟ نعم هوم كفار لكن مرات عندهم حاجات كده الواحد بيشوفها منطقيه ومعقوله
02-09-2017, 05:49 AM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
مع إني بتفق معاك في حتة أنه الإهمال سيطال كبار السن بقصد أو دونه لكن دعنا نسودن هذا المفهوم بذات الحنية والأسرة الممتدة بأن تكون هناك دار من أهل كل حي لهم هذه الدار تكون تعاونية بين الناس ومجهزة بالكامل كما أحلى دار للعجزة والمسنين أو قول نادي مثلاً يقضون فيه يومهم حتى المساء ويتراوحوا على بيوتهم
تحياتي واحترامي
02-09-2017, 06:17 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
الاخ بله تعرف الزمن اتغير والقيم اتغيرت والايقاع بقى سريع والظروف بقت صعبة ومافي زول فاضي لزول ومافي زوجة حتقعد تهتم بوالد او والدة زوجها الاندية في الاحياء موجودة وشغالة واغلب مرتداينها من كبار السن لازم يكون في دور متخصصة ، ممرضين وممرضات واشراف طبي وغيرها
02-09-2017, 06:40 AM
جلالدونا جلالدونا
تاريخ التسجيل: 04-26-2014
مجموع المشاركات: 9784
الكبير كبير ..عزيز و مكرم من ابنائه و بناته الى ان ياخد الله امانتو لو غلبك ترد دين عم عبد الوهاب .. ربنا يديهو الصحة و العافية لو كان من الحيين .... رسّلو لينا نخدموا لله و الرسول و قروشك احفظا لى يوم كبرك _____ ربى ارحمهما كما ربيانى صغيرا
02-09-2017, 07:45 AM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
Quote: الكبير كبير ..عزيز و مكرم من ابنائه و بناته الى ان ياخد الله امانتو لو غلبك ترد دين عم عبد الوهاب .. ربنا يديهو الصحة و العافية لو كان من الحيين .... رسّلو لينا نخدموا لله و الرسول و قروشك احفظا لى يوم كبرك _____ ربى ارحمهما كما ربيانى صغيرا
عايزين تعقيب على أخونا جلالدونا يا صاحب البوست
02-09-2017, 08:03 AM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
هل هذه المرأة غلطانة كونها أتعبت إبنها أم أن الإبن غلطان كونه لم يسلمها لدار العجزة ؟؟؟ أنتظر اجابة منك يا صاحب البوست
حديث يخلع القلوب والأفئدة : قال رسول الله صلى الله عليه وسلم رغم أنفه ثم رغم أنفه ثم رغم أنفه قيل من يا رسول الله قال من أدرك والديه عند الكبر أحدهما أو كليهما ثم لم يدخل الجنة
02-09-2017, 08:20 AM
kamal omer kamal omer
تاريخ التسجيل: 01-07-2013
مجموع المشاركات: 1063
قالوا واحد ودى والدته دار العجزة و بيزورها من فترة لي فترة إتصلو بيهو ناس الدار قالوا ليهو والدتك بتحتضر و عاوزة تشوفك جا شافها في سكرات الموت ، سألها عاوزة حاجة أعملها ليك ؟ قالت ليهو جيب كولر ( تلاجة ) هنا عشان الناس ديل من ما جيت هنا بيشربو الموية سخنة و لما يجيبوك هنا تشربها باردة قصة بيروها الناس -------------- أتمنى إنك تكون كاتب الموضوع ده على سبيل المزاح
02-09-2017, 08:23 AM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
Quote: كون انا ما برضى اسلم والدي لدار المسنين بتفرق من اني اقوم بطوعي واختياري اسلم نفسي انا
1. لماذا لا ترضى أن تسلمهم لدار العجزة والمسنين ؟؟ ليه ما قلت الرعاية هناك أفضل من كونهم يكونوا معك في المنزل ؟ ألا ترضى أن يتمتعوا بالرعاية الكاملة التي تقدم لهم هناك ..؟؟؟ 2. هل تواجد والديك معك فيه عبء عليك ؟؟؟ 3. من الغلطان في الفيديو .. لم تجب ؟ 4. ما علقت على كلام جلالدونا ؟؟
هل تحب أن يقرأ والداك هذا البوست ؟ معليش كترت عليك الأسئلة لكن بحثك مهم والظاهر انت كتبته بعد بحث مضن وتعمق ولم ترتجله ارتجالاً عشان كده قلنا نستفيد منك استفادة كاملة .. ياريت تجيب على كامل الأسئلة دون زعل أخي الفاضل .
الحياة متحركة المجتمع السوداني يتغير، صحيح ببطء لكنه يتغير ما كان عيبا في الخمسينيات أصبح مفخرة (أو أمراً عاديا) في الألفينيات، والعكس صحيح لا أحد يستطيع أن يتنبأ ماذا سيحدث بعد خمسين سنة مثلا
شواهد التباعد والتفكك وسط الأُسر في السودان (لمختلف الأسباب) لا تحتاج إلى ميكروسكوب لا ضرر من النقاش دون شخصنته
02-09-2017, 09:30 AM
الحاج حمد الحاج الحاج حمد الحاج
تاريخ التسجيل: 03-29-2008
مجموع المشاركات: 4800
Quote: مفروض الواحد لمن يبلغ عمر معين كدا بي اختيارو يمش يفتش ليهو دار مسنين مناسبة ليهو
Quote: مفروض طوالي لمن تحس انك حتكون عبء علي زوجتك واولادك يمش براهو لدار للعجزه يكون محترم ويسلم نفسو علي ان يقوم
و جعلت أنو فرض لمن يبلغ عمر معين كدا بي اختيارو يمشي يفتش ليهو دار مسنين!! بل و جعلت ذلك للمحترمين!!! هذا يتناقض مع:
Quote: انا اتكلم عن نفسي لو كبرت في العمر
لانو لو بتتكلم عن نفسك ما بتقول :طوالي لمن تحس!! كان تقول: لما أحس اني ح اكون عبء على زوجتي و اولادي و ليس عبء على زوجتك و اولادك!!
الأخ معاوية الزبير أراد أن يرسل لك رسالة مهذبة و مختصرة جدا و بذكاء المهنة، كتب:
Quote: بوست في غير وقته
و عاد ليؤكد احترام الراي (لا ضرر من النقاش دون شخصنته) منتقدا بذكاء ما ذكر في المداخلات من أحد الاخوة لكن:
Quote: لا أحد يستطيع أن يتنبأ ماذا سيحدث بعد خمسين سنة مثلا
الاخ جلالدونا أدانا الزبدة و أنا اتفق معه في:
[QUOTEالكبير كبير ..عزيز و مكرم من ابنائه و بناته الى ان ياخد الله امانتو
رغم ن الجزء التاني من الرسالة (لو غلبك ترد دين عم عبد الوهاب) أعتبره غير موفق و لكن ذكره لانو زعل عدييل من فكرتك ههههههههههههه
الأخ ابراهيم الجزء الغالب من السودانيين و لزمن طويل و في ظل الترابط الأسري الذي نحمد الله عليه لن يرضى بفكرتك و أقول ليك زي ما قال الخ الأستاذ معاوية الزبير
Quote: بوست في غير وقته
و ازيد عليه في غير وقته و غير موفق.
02-09-2017, 09:04 AM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
هل انت ترضى لنفسك انو يرموك في غرفة مطرفةفي بيت ولدك اكلك براك شربك براك ، يتاففو منك ولا احسن تكون في دار تهتم بيك وترعاك من جميع النواحي وتلقي ليك ناس تتونس معاك ما تاخد الموضوع من ناحية عاطفية ، انت قد تكون باري بوالديكوتشيلهم فوق راسك ، ولكن هل تضمن اولادك يبرو بيك ، هل تضمن اولادك يعاملوكنفس ما عاملت ابوك ، الحياة تغيرت والظروف تغيرت ومهما عاملوك اولادك باحترام الانسان بطبعة لا يحب ان يكون عالة حتى ولو كان على اولاده ماعندي رد للاخ جلالدونا لاني انا بتكلم عن فكره وانت وجلالدونا بتتكلموا عن حاجة تانية خالصانتو بتحاولوا ان تحشروني في زقاق ضيق باعتبار ان ذهابي لدار المسنين (باختياري) فيه عقوق لوالدي وهذا غير صحيح
ربط الله سبحانه وتعالى عبادته بالإحسان للوالدين...
عن أبي هريرة رضي اللَّه عنه عن النبي صَلّى اللهُ عَلَيْهِ وسَلَّم قال : « رغِم أَنْفُ ، ثُم رغِم أَنْفُ ، ثُمَّ رَغِم أَنف مَنْ أَدرْكَ أَبَويْهِ عِنْدَ الْكِبرِ ، أَحدُهُمَا أَوْ كِلاهُما ، فَلمْ يدْخلِ الجَنَّةَ » رواه مسلم .
عن أبي عبد الرحمن عبد اللَّه بن مسعود رضي اللَّه عنه قال : سأَلتُ النبي صَلّى اللهُ عَلَيْهِ وسَلَّم: أَيُّ الْعملِ أَحبُّ إلى اللَّهِ تَعالى ؟ قال : « الصَّلاةُ على وقْتِهَا » قُلْتُ : ثُمَّ أَيُّ ؟ قال: «بِرُّ الْوَالِديْنِ » قلتُ : ثُمَّ أَيُّ ؟ قال : «الجِهَادُ في سبِيِل اللَّهِ » متفقٌ عليه .
عن أبي هريرة رضي اللَّه عنه قال : قال رسول اللَّه صَلّى اللهُ عَلَيْهِ وسَلَّم : « إِنَّ اللَّه تَعَالى خَلَقَ الخَلْقَ حَتَّى إِذَا فَرَغَ مِنْهُمْ قَامَتِ الرَّحِمُ ، فَقَالَتْ : هذا مُقَامُ الْعَائِذِ بِكَ مِنَ الْقَطِيعةِ ، قال : نَعَمْ أَمَا تَرْضينَ أَنْ أَصِلَ مَنْ وَصَلَكِ ، وَأَقْطَعَ مَنْ قَطَعَكِ ؟ قالت : بَلَى ، قال فذلِكَ ، ثم قال رسول اللَّه صَلّى اللهُ عَلَيْهِ وسَلَّم : اقرءوا إِنْ شِئتُمْ : { فهَلِ عَسَيْتمْ إِن تَولَّيتُم أَنْ تُفسِدُوا في الأَرْضِ وتُقطِّعُوا أَرْحامكُمْ صَلّى اللهُ عَلَيْهِ وسَلَّم أُولَئِكَ الذين لَعنَهُم اللَّهُ فأَصَمَّهُمْ وَأَعْمَى أَبْصَارَهُمْ }
عن أبي هريرة رضي اللَّه عنه قال : جَاءَ رَجُلٌ إلى رسول اللَّه صَلّى اللهُ عَلَيْهِ وسَلَّم فقال : يا رسول اللَّه مَنْ أَحَقُّ النَّاسِ بحُسنِ صَحَابَتي ؟ قال : « أُمُّك » قال : ثُمَّ منْ ؟ قال: « أُمُّكَ » قال : ثُمَّ مَنْ ؟ قال : « أُمُّكَ » قال : ثُمَّ مَنْ ؟ قال : « أَبُوكَ » متفقٌ عليه .
عن عبد اللَّه بن عمرو بن العاص رضي اللَّه عنهما قال: أَقْبلَ رجُلٌ إِلى نَبِيِّ اللَّه صَلّى اللهُ عَلَيْهِ وسَلَّم، فقال: أُبايِعُكَ على الهِجرةِ وَالجِهَادِ أَبتَغِي الأَجرَ مِنَ اللَّه تعالى . قال: « فهَلْ مِنْ والدِيْكَ أَحدٌ حَيٌّ ؟ » قال : نعمْ بل كِلاهُما قال : « فَتَبْتَغِي الأَجْرَ مِنَ اللَّه تعالى؟» قال : نعمْ . قال : « فَارْجعْ إِلى والدِيْكَ ، فَأَحْسِنْ صُحْبتَهُما . متفقٌ عليه .
وفي حديث قدسي يقول الله تعـالى للرحم عندمـا استعاذت به من القطيعة : [ ألا ترضين أن أصل من وصلك ، وأقطع من قطعك؟] رواه البخاري ومسلم. ويأمر الرسول صلى الله عليه وسلم صحابيـاً بأن يطيع أمه بقوله : [ الوالد أوسط أبواب الجنة فإن شئت فأضع ذلك الباب أو احفظه ] رواه الترمذي وابن ماجه.
02-09-2017, 09:45 AM
ahmedona ahmedona
تاريخ التسجيل: 01-08-2013
مجموع المشاركات: 6562
1- الطاعة لهما و تلبية أوامرهما . 2- التواضع لهما ومعاملتهما برفق ولين . 3- خفض الصوت عند الحديث معهما . 4- استعمال أعذب الكلمات وأجملها عند الحديث معهما . 5- إحسان التعامل معهما وهما في مرحلة الشيخوخة وعدم إظهار الضيق من طلباتهما ولو كانت كثيرة ومتكررة .
02-09-2017, 10:06 AM
ahmedona ahmedona
تاريخ التسجيل: 01-08-2013
مجموع المشاركات: 6562
صور من بر الوالدين : يخـبرنا الرسول صلى الله عليه وسلم عن ثلاثة رجال ممن كانوا قبلنا كانوا يتماشون ، فأخذهم المطر فمالوا إلى غار فانحطت على فم غارهم صخـرة من الجبل ، فتوسل كل واحد منهم إلى الله بأرجـى عملٍ صالح عمله ليخلصهم مما هم فيه . فقال أحدهم: "اللهم إنه كان لي والدان شيخان كبيران ، ولي صِبية صغـار كنت أرعى عليهم ، فإذا رحت عليهم فحلبت بدأت بوالديّ أسقيهما قبل ولدي ، وإنه قد نأى بي الشجر يوماً فما أتيت حتى أمسيت ، فوجدتهما قد ناما فحلبت كما أحلب ، فجئت بالحلاب فقمت عند رؤوسهما أكره أو أوقظهما وأكره أن أبدأ بالصبية قبلهما ، والصبية يتضاغون (يبكون) عند قدمي، فلم يزل دأبي ودأبهم حتى طلع الفجـر، فإن كنت تعـلم أني فعلت ذلك ابتغـاء وجهك فافرج لنا فرجة نرى منها السماء". فاستجاب الله دعاء هذا الرجل الصالح في وقتٍ من أحرج الأوقات فجعل له مخرجاً ببره بوالديه. البخاري ومسلم.
02-09-2017, 10:10 AM
الحاج حمد الحاج الحاج حمد الحاج
تاريخ التسجيل: 03-29-2008
مجموع المشاركات: 4800
رد في التنك جاني من الاخ الباشمهندس معاوية عز الدين ط : بكل أسف بقت الفتره الاخيره عقدة اسمها (انا إنسان مختلف ) حتى البنات الواحدة تقوليك انا عايزة اعرس راجل مختلف ياخ حتى الخواجات البيستشهد الراجل دا بيتمنوا يبقوا زينا فى مسألة الترابط الأسري دى بل فى منهم دخلوا الإسلام من بوابة البر بالوالدين حتى الامريكان يقال أنهم زادوا فرص السودانيين تحديدا عشان موضوع الأسره دا لانه المسألة ما دين وبس المسألة مسألة أخلاق فى المقام الأول للمسلم وغير المسلم مسألة دين ورد الدين وبعدين اياتوا منطق بخلى الاجير أكثر حرصا على والدى وصحتهم اكتر منى ؟ اذا انا عجزت وهربت واتهربت وفتشت للحج وغلفتها بالوعى وقراية المستقبل وسرعة ايقاع الحياة اكيد الموظف البياخد أجر على رعايتهم برضه حيبدع فى خلق المبررات للتهرب والإهمال ياريت يرجع من اتوفاة الله منهم ويرقد فى السرير فى غيبوبه ويوسخ وانضف وأنا سعيد وفخور حتى لو اضطريت اصحى مواصل الليل بالنهار نشكر الله انه أتاح لينا فرصة البر بيهم ويوفقنا لنيل رضاهم
02-09-2017, 10:41 AM
Hassan Makkawi Hassan Makkawi
تاريخ التسجيل: 02-27-2008
مجموع المشاركات: 6158
اهم شي يكون في إنترنت عشان اي زول يجيب كلام ما ياهو يلقانا جاهزين و متفرغين. اخونا الهادي الشغيل شغلك نضيف في البوست ده و ما فيهو و لا حلة واحدة هههههه.
02-09-2017, 03:06 PM
جلالدونا جلالدونا
تاريخ التسجيل: 04-26-2014
مجموع المشاركات: 9784
Quote: هم شي يكون في إنترنت عشان اي زول يجيب كلام ما ياهو يلقانا جاهزين و متفرغين. اخونا الهادي الشغيل شغلك نضيف في البوست ده و ما فيهو و لا حلة واحدة هههههه.
هههههه ياسيف انت براك شايف خبيط الحلل في البوست ده . دي المنطقة الصناعية راسها عديل كده . لك التحية ومنتظرين ظهورك في بوست عطبرة ايها العطبراوي الخفي
02-11-2017, 07:07 PM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
Quote: انت قد تكون باري بوالديكوتشيلهم فوق راسك ، ولكن هل تضمن اولادك يبرو بيك [/QUOTتلب ايوة اضمن فالجزاء من جنس العمل فما تفعله مع والديك سيفعله معك ابناءك والشواهد كثيرة على ذلك . ياخوي تراجع ولا تعتمد على نظرية الهروب ومن ثم يحتل البوست رويدا رويدا .. اذا كنت ترى ان الخدمة 5 نجوم في دار العجزة فهل تنصح القراء بارسال والديهم بعد كبرهم الى دار العجزة فهذا افضل واريح للدماغ للإبن والوالدين ؟؟ اجاباتك باهتة يا اخي كن جريء ودافع عن فكرتك
02-12-2017, 05:51 AM
عباس محمد عبد العزيز عباس محمد عبد العزيز
تاريخ التسجيل: 01-09-2017
مجموع المشاركات: 261
عزيزى ابراهيم كلامك صحيح واكيد ولكن الانسان السودانى اصبح فى حيره من امره بين الواقع والتقاليد والموروث والشريعة الاسلامية التى نحاول التمسك بها ولكن نرى الصعوبة فى التنفيذ بحكم الواقع الذى نعيشه الان ممكن احسب من الان وحتى غدا عوائق تحول بينك والقيام بالواجب ولكن الناس تتجمل بحكم السؤال انت مدعو معنا و مرحب بكم فى دار بعيده عن المدينه هدوء وراحه تامة وصحبه على مدار الساعة اهلا بكم سوف تكون صاحب دار فى كثير من القرى كبار السن يحتاجون عناية خاصة واشياء يصعب توفرها وخصوصية تكاد تكون شبه مفقوده
02-14-2017, 05:28 AM
الحاج حمد الحاج الحاج حمد الحاج
تاريخ التسجيل: 03-29-2008
مجموع المشاركات: 4800
شيء محزن للغاية ان يضطر اي انسان لمثل هذا الحل البائس .. لكن يا خوانا الزول ده ما كفر ، يمكن بالغ شوية ، مافي زول سوي بيودي كبارو دار عجزة في مجتمعاتنا السودانية .. لكن لا تستبعدوا ابدا حدوث بعض ما ورد في حديثه ، لا اتحدث عن تعميم ، لكن قطعا حدثت بعض الحالات التي عانى فيها بعض المسنين من العقوق المفرط لأن دور الإيواء مليئة بالمسنين حسب ما سمعت المجتمع السوداني فقد الكثير من ترابطه المعروف والهجرة والاغتراب تؤثران سلبا على تربية الابناء بطريقتنا التقليدية ، اتوقع ان هذا الخيار ستزيد نسبة اللجوء اليه مستقبلا بشكل كبير ..
02-14-2017, 08:54 AM
Munir Munir
تاريخ التسجيل: 02-11-2002
مجموع المشاركات: 10496
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ابراهيم عبد الوهاب
الطيب عباس
ahmedona
بله محمد الفاضل
معاوية الزبير
علي عبدالوهاب عثمان
جلالدونا
الحاج حمد الحاج
kamal omer
ANWAR SAYED IBRAHIM
Hassan Makkawi
اباذر عبد العال
سيف النصر محي الدين
عباس محمد عبد العزيز
Abdullah Idrees
Munir
فيس بوك
تويتر
انستقرام
يوتيوب
بنتيريست