|
|
|
 Re: حسين ترمس (Re: جلالدونا)
|
نسو شنو يا جلال ما ياها الخؤولة دي الخالانا تملي نجري نداريلم ..
ألا البروفايل بتاعك دا حقو تسلفو ناس السفارة تدريب ؤ كده.
| |
 
|
|
|
|
|
|
|
|
Re: حسين ترمس (Re: جلالدونا)
|
إطمئن يا جلال، أنا تاني حاجة فيها سِيِرة ترمس ما بجي جمبها
أكياس الترمس الكنت بَرُم بيها عضمي المكسور، عِفتها 
| |
|
|
|
|
|
|
|
|
|
Re: حسين ترمس (Re: معاوية الزبير)
|
عم حسين أسرّ لي وأنا طفل دون أخواني وأقراني بسر علاقته بجده ترمس، قال لي في اضاني:
فيك سر نبوة خليني أحكي ليك سر.
قال عم حسين:
مرّة كنت مع الشفع بنصلي معاهو في صلاة العصر، الوكت برد شديد، زمن البرد كان بشقق كرعين الشفع، بعد سلّم كورك لي: قشير امشي استناني جوّة في الخلوة
قعدني قدامو وشايل سوطو بهز فوقو، قال لي: الصلاة دي اتوضيت ليها؟
جاني يا بكّة، يا ولدي، ثبات ورحمنة ما عرفتها قبل كدا، وقلت ليهو: ما قاعد اتوضأ للصلاة في الشتا
جدع السوط وطلع من جيبو مفتاح اداني ليهو وقال لي:
عفيناك من الصلاة نهائيا، عيناك أمين بيت مال الخلوة، المرافق الشخصي للشيخ في البكيات، وكاتم اسرار الخلوة.
قلت ليهو: كيف عرفتني يا جدي ما متوضي؟
قال لي: عضم الشيطان بتاعك لمع مع انعكاس ضوء الشمس من انكاس ضوءها من لوري التلب، المرّ قدامنا وأنا بسوي في الصفوف.
باختصار، كرعينك بختلفن من كرعين الشفع اللونم زي فول المراروو الرمادي.
رفعت يدي وخلاني أودي قسم قبول الوظيفة الجديدة
| |
|
|
|
|
|
|
|
|
|
Re: حسين ترمس (Re: محمد البشرى الخضر)
|
هههه يا ود البشرى
انت قايل المستنير شغال بالحاجات دي
حرررم تلقاهو يقدل هناك "متكئا على نسبه"
-
قال ليك نيجيري مهاجر استلم الجواز الامريكي يادوووب
وهو راجع بيتو في الطريق هوَش ليهو لوترابي بالسيارة
قال " ياله من أجنبي غبي"
| |
|
|
|
|
|
|
|
|
Re: حسين ترمس (Re: عبدالحفيظ ابوسن)
|
انتهى زمن الخلاوي وجاء زمن ما بعد الانجليز، ونحن كبار نمشي لعمك حسين ترمس، أول ما يسلم عليك بسألك: صليتوا المغرب؟
تقولوا ليهو : لسع
يالا بسراع اتوضو المغرب وكتو ضيق، بسرعة يفرش ليك في السباتات ويجيب الاباريق بنفسو
يقيموا الصلاة تلقاهو جرا كرسيهو وقعد يدخن
ما بخلي ليهو زول حائم بدون ما يصلي
جانا مرّة في مدني لعرس أخوي، عذب ليك الناس بالصلاة
وهم بصلوا بدخل الصالون يرقد في السرير ويخلف كرعينو
جيت داخل الصالون، قال لي: صلوا؟
قلت ليهو: بتنفلوا
قال لي: الحمد لله نحن ربنا فكانا منها
أبوي سمعو، جاهو داخل قال ليهو: إتّا يا الخائب، الله كيفن فكاك منها؟ فكيت روحك منها براك
عم حسين في رقدتو ديك عاين لي وقال: أبوك دا علاقتو بالدين زي تجارة بصلو، مسكين ما نال من العلم اللدني بصلة قاورمة ساكت،
واصل موجها حديثه إليّ: أوعة تكون أذعت سري
قلت ليهو: في بئر، بذيعو بعد تموت
صنقر علي حيلو وقال: منو القال ليك أنا بموت قبلك؟
قلت ليهو: نسيت انو أنا فيني سر نبوة؟
| |
|
|
|
|
|
|
|
|
|
Re: حسين ترمس (Re: muntasir)
|
خلاص خليت المؤمنين والمسلمين والكفار وقبلت علي الجمهوريين😀
-------------------------
يامنتصر خربة الرصة وبوظة الكيف حق ودالبشري 🏃🏃🏃🏃🏃🏃
| |
|
|
|
|
|
|
|
|
 Re: حسين ترمس (Re: أبوبكر عباس)
|
قال ديل أصلهم دناقلة وعودم في العباس عود مرة!
بحب اللهط حب شديد، خاصة دمعة العشا
____________________________
والله لو ضاق أكلهم هو ذاااااتو كان غزا عوده
| |
|
|
|
|
|
|
|
|
|
Re: حسين ترمس (Re: محمد محمد قاضي)
|
أنا لو في محلّك منتصر والمسلمي ديّل أأستِكُن في حنانُن زاتو ...
-----------
معاوية المدير سلام لعلك. طيب
ياخ أأسكتنا عديل 😂😭😂😭
| |
|
|
|
|
|
|
| |
أبوبكر عباس
معاوية المدير
محمد على طه الملك
جلالدونا
معاوية الزبير
حيدر حسن ميرغني
محمد البشرى الخضر
عبدالحفيظ ابوسن
محمد المسلمي
محمد محمد قاضي
سيف الدين محجوب
فيس بوك
تويتر
انستقرام
يوتيوب
بنتيريست