قبل الاسترسال في موضوع البوست الذي اتمني أن يكون هادي و خالي من الانفعال. أحب أن أوضح الاتي في بوست جلالدونا (بصراحة غلبنى ,, يا ود المدير تعال بى جاى) كتب الصديق كبر الآتي
وسنقولها هنا: حامد الصاوي جلس واتعشى مع سفير نظام الجبهة الإسلامية الإسمو الصادق المقلي في مدينة كالقري التي نقيم فيها، وكان السفير اكثر وطنية من حامد الصاوي وباشبوزك اليسار السوداني المجوبك ، وقال ليهم بالصوت الواضح: جمعكم هذا لا يمثل السودانيين؟..
12-03-2016, 01:34 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
البتحاول جندرمة الشيوعيين امثال صديقي حامد الصاوي ، انها تخلق منه صنم وتعبده ، فان كبر وراهو خلق كتيرة وبتفوق حناكيش الحزب الشيوعي السوداني.. وبرضك بتسد عين الشمش والعيون التانية ذاتو
------------------
12-03-2016, 01:43 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
لا انكر ذلك حصلت بس كانت غدا ما عشاء لذلك وجب التوضيح. و لو تكررت نفس الظروف تاني ح امشي لو كان حاضر عمر البشير نفسو . عارف السبب شنو؟ ح اقولو في بوست آخر احتراما ل صاحب البوست فتكم بعافية
ح أوضح السبب في محاضر هذا البوست و فيه فكرة جيدة لكل المهنيين في بلاد الهجرة و الاغتراب و نواصل
12-03-2016, 01:49 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
سنويا يقام في مدينة كالقري معرض بترول و كل أربعة سنوات يكون الاحتفال كبير تشارك فيه تقريبا كل شركات البترول في العالم لعرض منتجاتها و احدث التكنلوجيا المستخدمة و عمل صفقات تجارية . ليس العاملين في مجال البترول بمشو ال معرض ده بل الجميع و شركات البترول بتدي العاملين اجازة عشان يمشو من كل انحاء كندا
-------
12-03-2016, 01:52 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
في عام 2011 كان هناك وفد من وزارة الطاقة بالسودان ماذا فعل هذا الوفد ... و ماهي نتائج زيارته .... و الشعب السوداني ح يستفيد شنو من الزيارة دي ... بعدين التكناوجيا و الابتكارات ال ح يقدمها الوفد ده شنو كلها كانت أسئلة و ليس شخصي بل كثير من المهندسين عاوزين يعرفوا الاجابة لها.
12-03-2016, 01:54 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
في كالقري جمعية سودانية تضم العاملين في مجال البترول من مهندسين و جيولوجيين و أي تي و فنيين و اداريين الخ و فكرة الجمعية بدت عام 2004 حتي رأت النور لاحقاً.
12-03-2016, 02:01 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
و كانت الفكرة انو كل المهنيين في بلاد الاغتراب و المهجر يكون عندهم جمعياتهم المهنية و أن تساهم هذه الجمعيات بما تضم من خبرات في تنمية السودان و لعب دور مهم و متميزفي تطور الوطن بدعم مكتبات الجامعات و ارسال النشرات العلمية المتخصصة في المجالات المختلفة توفير فرص لكوادر سودانية للمشاركة في دورات تدريبية مدعومة من منظمات علمية و عالمية توفير فرص و مِنَح للدراسة الجامعية و التحضير للسودانيين بالخارج ( مازالت الفكرة موجودة) و مطروحة للمهنيين و الكوادر السودانية بالخارج من اطباء و مهندسين قانونيين اقتصاديين .... الخ
12-03-2016, 02:05 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
المهم ... في هذا المعرض كنا حريصين انو نقابل الوفد الذي حضر باسم السودان و بي قروش الشعب السوداني و بمثل السودان عشان يجاوب علي الأسئلة التي تدور في ذهننا و نقدم النصح حسب قدراتنا و عشان لو في زول قال لينا الحصل شنو في معرض البترول في مدينتكم و نحن شغالين في المجال ده نقدر نجاوب ما نقول ليهو ما عارفين أو نعتذر انو السفير كان موجود و عشان ما نقعد معاه في حته واحدة سجلنا غياب.
12-03-2016, 02:08 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
نجحنا في أن نلتقي بالوفد و كان ذلك علي مأدبة غداء و الغرض كان اللقاء و نسمع منهم و يسمعوا مننا و نلقي اجابة للأسئلة ال في راسنا و للأمانه السفارة ساهمت في التجهيز للقاء ده ( لا أنكر حقهم لمجرد اني اختلف معهم و عزائي ان السفارة ساهمت بأموال الشعب السوداني ال كل سوداني عندو فيها حق)
12-03-2016, 02:45 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
من الأسئلة التي وجهناها لوفد وزارة الطاقة يا كبر و بحضور منصور المفتاح
هل الامن مستتب في المناطق المتوفر بها البترول عشان الشركات العالمية تتنافس للحصول علي حق التنقيب و استخراج البترول بها؟ أسمع يا كبر السؤال ده ما هي النسبة التي يتحصل عليها المواطنين التي يتم التنقيب و استخراج البترول في مناطقهم من عائدات البترول؟
(ديل الناس المهمشين الحقوقهم ضايعة و غير خاضعة للمتاجرة)
الخدمات اللوجستية من توفير طعام و حراسة الخ مفروض تكون لناس المنطقة حتي يحسوا بالأمان و يشعروا بانهم ح يستفيدوا ...هل هذا حصل يا وفد وزارة الطاقة؟
التنقيب عن الدهب يتم بصورة عشوائية و غير حضارية و لا تراعي فيه حتي حرمة و خصوصية الولايات (ولا الاقاليم ما عارف) ما هو موقف الوزارة من ذلك؟
تعرف يا كبر الجماعة دخلوا بي حمد و طلعوا بي خوجلي
دي الفكرة يا كبر و كان اللقاء علي مأدبة غداء و ليس عشاء و عندما أخد السفير المقلي فرصة للحديث قال كلام عجيب خلاص و منصور حاضر ماذا قال؟ و ماذا كان الرد؟ ده كلام مهم جداً و للتاريخ عشان ما تقول يا كبر
وكان السفير اكثر وطنية من حامد الصاوي وباشبوزك اليسار السوداني المجوبك ، وقال ليهم بالصوت الواضح: جمعكم هذا لا يمثل السودانيين؟.. بالصوت الواضح كمان .... و منصور المفتاح كان حاضر كمان .... و أكتر من 30 شخص كانو حاضرين ........و انت كنت غير موجود .......
.يا منصور هل الكلام ده حصل ؟
الحصل شنو؟ و ماذا قال السفير؟و الرد كان شنو؟
ح اقولوا هنا للتاريخ و للناس المتابعة عشان ما يحصل تزييف للمواقف و تجارة رخيصة بالعِبارات
-------------------------------------- حاشية : أبعد الوطنية بتاعتي من الثيرمومتر بتاعك يا كبر
(عدل بواسطة Hamid Elsawi on 12-03-2016, 02:51 PM) (عدل بواسطة Hamid Elsawi on 12-03-2016, 02:55 PM)
12-03-2016, 06:25 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
كنت أتوقع ان يتحدث السيد السفير عن معرض البترول الدولي و يجاوب علي الاسئلة التي تهرب الوفد عن الاجابه ليها. و لكن وسط دهشة الجميع تحدث عن تسهيلات من السفار للمهاجرين باستخرج شهادات الميلاد قال السفارة ح تجيب فرقة البالنــبــو و الفنان عبد القادر سالم و تضاربت الأقوال حيث سمعنا بعد فترة الفنان حمد الريح
12-03-2016, 06:38 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
طلب السفير من الجمعية ان تتبني مشروع الحفل و الدعايه له في مدينة كالقري علي ان يشكل دخل الحفل دعم مالي للجمعية و كان الرد من الجمعية انو دي جمعية مهنية و الحفلات دي ما جزء من البرامج و الاهداف بتاعتنا و نحن ما مفوضين من أهل كالقري عشان نعمل حفلة و نشيل دخلها لجمعيتنا و تصدي لموضوع الحفل افراد آخرون في المدينة و الحفلة ذاتها فشلت.
12-03-2016, 06:57 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3594
أعتقد يا حامد، انو فكرة كبر في موضوع عشاك مع السفير هي: ما دام إتّا مستعد تقعد وتتحاور مع السفير حول البترول وتتعشى معاهو، اعتراضكم العنيف ضد حوار منصور سببو شنو؟
12-03-2016, 07:25 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
نحن يا ابوبكر قعدنا مع وفد وزارة الطاقة المشارك في ال petroleum show و زي ماقلت كان عندنا اسئلة عاوزين ليها اجابات و جبت جزء من الأسئلة دي. قعدنا و كنا بنمثل جمعية مهنية و لابسين شعارات فيها اسم الجمعية ما قلنا بنمثل سودانيين كالقري و لا المهاجرين بعدين منصور حر في خياراته مافي زول اعترض علي ان يحاور الحكومة ولا غيرها. لكن اعتراضنا كان علي تسمية وفد المنافي. لان الوفد لا يمثلنا و لم تتم مشاورتنا لو قالوا بمثلوا نفسهم او احزابهم او جمعياتهم ما كان بكون في اعتراض. بالمناسبة منصورو معاوية و كبر من اكتر الناس البتربطني بيهم علاقة طيبة في المدينة و سعيت لازالة اللبس و سوء الفهم و المخاشنات اللفظية اكتر من مرة و ح اواصل. و البوست ده عشان أوضح للناس ما ذكرة كبر بخصوص الغدا و عشان اوضح فكرة الجمعية. اتمني ان تصفي النفوس و لن أسئ لاحد في هذا البوست و لا أظن ردي لكبر فيه ما يسيء له . فقط توضيح حقائق شكراً لمرورك
12-03-2016, 07:25 PM
جلالدونا جلالدونا
تاريخ التسجيل: 04-26-2014
مجموع المشاركات: 9667
لاحظ يا ابوبكر قرنق فاوض الحكومة باسم الحركة بتاعتو مني فاوض باسم الحركة بتاعتو ياسر فاوض باسم الحركة بتاعتو نحن قعدنا مع وفد الوزارة باسم جمعيتنا منصور فاوض باسم (وفد المنافي) ده الفرق
12-03-2016, 07:46 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3594
ما ظنيت منصور قال في الحوار أو كالقري انو بمثل حد الاسم اطلق عليهم داخليا قد يكون الاعلام الحكومي حاول الايحاء بانو الناس ديل بمصلو ناس المنفى لكن بالعقل كدا الناس الشاركت بصورة فردية لا يمكن أن تقول انها تمثل أحد
انت لو قدرت تبثت انو منصور قال أو أوحى بنو يمثل أحد بتكون عندك قضية لكن غير كدا، حوار منصور زيو وزي حوارك مع السفير
12-03-2016, 07:51 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
تعرف يا حامد، مشكلة منصور دا في الموضوع دا شنو؟ مشكلتو انكم بتعرفوهو عندكم بيهو معرفة كيف تمشي وما تكلمنا؟ ------- يا جلجل، النوم في السينما ما مشكلة، كعب الشخير
طيب يا بكور انت ليه ما استغربت في استنكار كبر ناحية جلوس الصاوي في مائدة غداء في كالقري بينما دافع عن ذهاب منصور الى الخرطوم والجلوس مع العديد من المسؤولين عن خراب السودان والاكل معهم لأيام بلياليها البخلي قعاد متصور حلو وقعاد الصاوي كعب شنو؟
السؤال دا انا كنت عايز اوجهو للصديق كبر في البوست حق جلال لكن لقيت البوست حتل تحت وحمدت الله انو حتل وخليتو قبلو
وللصاوي التحايا النواضر ولضيوفه الكرام مثلها
12-03-2016, 08:23 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3594
شكرا هيثم للمرور تعرف لو جاء وفد تاني من وزارة الطاقة و شارك في المعرض ال في كالقري تاني عشان يمثل السودان ح اكون حريص اقابلهم كان في غدا او فطور او عشا او مرطبات و شاي ح اقابلهم لو معاهم البشير ذاتو مش هم ممثلين السودان بعدين انا ما عاوز اناقش القصة دي في البوست عاوز اوضح فكرة الجمعية و الحصل شنو في اللقاء كتب كبر وقال ليهم بالصوت الواضح: جمعكم هذا لا يمثل السودانيين؟.
و اقول ما قاله كبر لا اساس له من الصحة يعني كذب و منصور كان حاضر لو الجمله دي اتقالت ام لا
12-03-2016, 08:56 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
يا ابو بكر انا ما هاجمت منصور انا قلت اسم وفد المنافي غلط كان الاسم سماهو منصور او اطلقتهو عليهم الحكومة او طلعتو الجرايد أو اي جهة اخري الاسم غلط و خلاص ياخي منصور ما طلع الاسم لكن الاسم غلط و الجهة الطلعتو غلطانة و وضحنا للجهة دى انو الوفد ده ما بمثلنا افتكر الكلام ده واضح و شكراً ليك
12-03-2016, 09:07 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3594
يا حافظ، أنا كمحاور لزح، مهمتي البحث عن ثغرات الطرح وطرح سناريوهات معاكسة على صاحب الطرح سد الثغرات وافشال السيناريوهات البديلة ---- هامش: شكرا يا قبّة على المرور تفضل أخوك جلة نائم جوّة
12-03-2016, 09:16 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7712
أبوبكر عباس يعمل على ترسيخ فكرة خاطئة بطريقة غير مباشرة .... والالتفاف المعلن بواسطته هو "تسمية وفد المنافي" .. وبالتالي ما يريده ابوبكر هو ان يناقش الناس مسألة الاسم بينما تترسخ الفكرة الغير مباشرة في اذهان الجميع ومفادها رغبة كل السودانيين و زحفهم بايديهم ورجليهم للجلوس مع النظام. (راجع بوست جلالدونا)
اقول انو محصلة فكرتو غير المباشرة انو جنس العمل واحد .. أن تلتقي مع السفير السوداني في كندا في مثل هذه الظروف التي شرحها باشمهندس الصاوي .. ذلك يساوي الانخراط في عملية سياسية ديكورية كبرى تهدف لتكريس وضمان استمرار الديكتاتورية في السودان في اعقاب انتفاضة سبتمبر 2013 ولتي ازهق فيها الديكتاتور حياة اكثر من 200 شاب وشابة سودانية في 3 ايام..
ما اقوله وما يشير اليه العقل السليم أن الامران مختلفان جدا ..
هذه هي رؤيتي الشخصية ولا افرضها على أحد .. كما واني انوه الى انني لا اعلم اية دوافع لابوبكر عباس تجعلني بربطها مع القراءة قادرا على الجزم بصحة ما اقول لتكامل الدافع مع الدليل المستخلص من قراءتي .. ولهذا السبب بالتحديد -عدم المامي باي دافع- أكرر بان رؤيتني هذه غير ملزمة وتحتمل الخطأ ..
12-03-2016, 10:23 PM
جلالدونا جلالدونا
تاريخ التسجيل: 04-26-2014
مجموع المشاركات: 9667
قول كبر انو السفير قال ليكم انتو ما بتمثّلوا كالقرى يؤكد صدقية روايتك يا باشمهندس زمالة المهنة لها حق و معرفة اين وصل الوطن في هذا المجال حق لكم للبناء عليه كبر انتزع المعلومة و ألبسها ثوبا اخر من اجل ان يجد دليلا لآدانة تصرفكم الان مثل منصور فعل كبر وهما في التضليل و الكذب سواء ___ يا ابوبكر الموضوع ما انتهى تسمح ترتاح شوية عشان الباشمهندس يتم كلامو و سيب شغل القراد البتسوى فيهو ده ___ يا مشرّف فكرة الحوار و فكرة ناس الجمعية مختلفتان تماما الداير يقراها خلاف كده يبقى الكسمسة راكباهو من راسو لى كرعينو
12-03-2016, 10:24 PM
Kabar Kabar
تاريخ التسجيل: 11-26-2002
مجموع المشاركات: 18547
قول كبر انو السفير قال ليكم انتو ما بتمثّلوا كالقرى يؤكد صدقية روايتك يا باشمهندس زمالة المهنة لها حق و معرفة اين وصل الوطن في هذا المجال حق لكم للبناء عليه كبر انتزع المعلومة و ألبسها ثوبا اخر من اجل ان يجد دليلا لآدانة تصرفكم الان مثل منصور فعل كبر وهما في التضليل و الكذب سواء ___ يا ابوبكر الموضوع ما انتهى تسمح ترتاح شوية عشان الباشمهندس يتم كلامو و سيب شغل القراد البتسوى فيهو ده ___ يا مشرّف فكرة الحوار و فكرة ناس الجمعية مختلفتان تماما الداير يقراها خلاف كده يبقى الكسمسة راكباهو من راسو لى كرعينو
12-03-2016, 10:41 PM
معاوية عبيد الصائم معاوية عبيد الصائم
تاريخ التسجيل: 06-09-2010
مجموع المشاركات: 22458
الإجابة المباشرة:كنت اتجاها اسلامي من غير تنظيم، أحلم بدولة الخلافة التي تملأ الأرض عدلا. خلال تلك الفترة قرأت كتبا اسلامية كثيرة على رأسها رجال حول الرسول، وحفظت الجزء الأول والثاني ودرست التجويد، ثم لاحقا بعد التخرج تبين لي في بداية التسعينات أن هذا الدين متأخر في مسألة الحريات، فتلمست طريق الفكرة الجمهورية التي تجدا مخرجا لتخلف الدين عن الركب الإنساني، إلا أن الآية التي تقول أتؤننون ببعض الكتاب... أفسدت عليّ الفكرة وما زلت أنظر للأستاذ بالإجلال ثم تهت مع صعاليك ومتمردي الفكر الاسلامي لأقف عند كتاب نبوة محمد التاريخ والصناعة وما زلت هناك يصعب علي الرجوع.
سؤال مباشر: هل ترى في خلو كوز بامرأة من غير زواج جريمة تستحق العقاب؟ سي سي لجادات
12-04-2016, 00:33 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
عارف يا ول ابكر الطويل.. جلال عمر وصاحبو الــــجـــرذ معاوية المدير عندهم عقدة عرق وقبيلة(العنصرية الواحدة دي).. معاوية المدير زعلان عشان منصور المفتاح بيوجه خطابو لكبر ، وعامل فيها منصور اقرب ليهو من كبر ..وقبل كده في بوست نقد ادبي صرف وحوار ثقافي عالي (البوست بتاع صديقنا واستاذنا مصطفى مدثر) معاوية عامل فيها بيتضامن مع طه جعفر..من باب عنصرية القبيلة..وبيصطاد في الماء العكر وبيستغل المناسبة عشان يسب كبر.. هسع هنا ، بنفس الدافع ، حامد فاتح بوست حوار عشان يمرق الناس من بوستات المونساتية (حقوق النجر محفوظة لبيت الأشباح دينق) ويجي جلال عمر توشك شايت شمال من غير ما يعرف الحاصل..! انتا قايل شنو يا جلال عمر ، تسوينا بوم ، غربان ، طيور سيرة ساكت ، اهو انا اتهمت حامد بالكذب في اول جملة في الخيط بتاعو..وبكرة حامد ح يستدرك الخطأ..ولو عمل نايم..نحن بنعرف كيف نسوي اشغالنا..! همسة في اذن جلال عمر: نعم اعرف حامد الصاوي لسنين وهو اقرب مسافة لي من كل عضوية سودانيز اونلاين (جيران يا جلال عمر) ، اهم ميزة في حامد الصاوي ، زيادة على اخلاقو العالية وتهذيبو ، واحد من النادرين في السودان الرموا طوبة القبيلة والعشيرة..! فشنو اخير تمشي الضل ، ودي حاجات كبيرة آوي أوي ياعم..! ابكر الطويل شغال مان تو مان مع حامد الصاوي ، عشان حامد يكرب الشغل وما يفتح ثغرات.. وكبر ، امام الملأ بيقول لحامد انت كذاب..عشان حامد ما يخلي ثغرة..لأنو بيكتب في تاريخ بيهم كل اهل السودان ، يشتمنى حامد (وبكل صدق حامد مازول شتيمة ) او يغالطني ، مش مهم، لكن في النهاية يهمني امرو..وما بقبل انو يدقس..(زي ما بيت الأشباح شغال معاي)..!! يهمني ان يوثق حامد للحاجات بصورة دقيقة ، حتى ولو تاريخ..!! ما ياهو السنين جرت ومرت ، وما جرى وقتها اصبح الآن تاريخ..فمن يكتبه بصدق؟ السودان سمح شديد يا جلال عمر ، رغما عن انف التخريب العملوهو الكيزان ، وح يفضل جميل ..فشنو خليك كووووووووووول يا حبيب..!! وح تبقى كووووووووووول غصبا عنك لمن حامد الصاوي يرجع ويقول والله يا جماعة الزيارة ما كانت في 2011..! بعد داك ح ننداح اكتر.. وعشان نديك بخرة يا جلال عمر: حامد وكبر في نفس الجك ، الإختلافات طفيفة.. صناعة البترول حامد بيشوفها حاجة كبيرة وما مفروض تدخل في مساومات السياسة العابرة.. وكبر بيقول لي حامد الصاوي: صناعة البترول في السودان مكلفة وبتدخل فيها انتهاكات حقوق الإنسان بصورة واسعة..عشان كده الأفضل نوقف الحرب ثم بعد داك نتفرغ لصناعة البترول..شفتا اللعب كان نضيف ككيف يا جلال؟.. وحتى الآن هذه مواقف مشروعة وممكن تثير نقاشات فكرية ذات مستوى عالي للغاية..المصلحة في جانب وحقوق الإنسان في جانب اخر..! النقاش موثق في المنبر يا جلال عمر ، ودار قبل سنوات ، ومحفوظ وموجود بكل تفاصيلو.. هل تصدق يا جلال عمر (وقتها منصور وحامد كانوا في نفس الخندق: خندق المصلحة الوطنية العليا وكبر كان في خندق صناعة البترول في السودان صحبتها انتهاكات لحقوق الإنسان بصورة واسعة ويجب ان نضع هذا في الإعتبار..شفت الناس كانت كبار ككيف يا جلال عمر؟..).. وحتى اللحظة كبر في نفس الموقف..!! ياترى حامد الصاوي عارف ليه كبر جاب ليهو غداء او عشاء السفير؟.. وقبل ما تصل لخلاصة انو كبر كذب او قال حديث عاري من الصحة يا حامد كان ببساطة تسأل كبر دليلو شنو.. ولو عجز عن تقديم دليل (مقنع او غير مقنع) بعد داك من حقك تتهم كبر بالكذب..!
كبر
12-04-2016, 00:58 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
شكرا باشمهندس قباني فكرة الجعيه ابتدرها استاذنا دكتور عمر الفاروق عام 2003 و كان وقتها مقيم معنا في لندن اونتاريو وهو درسنا في جامعة الخرطوم قسم الميكانيكا كان هدفه يجمع كل الخريجين من الهندسة و يتقابلوا في رحلات و كل واحد يحكي عن تجربته و نساعد بعض في خلق فرص عمل و الاستعداد للامتحانات التأهيلية للدخول في سوق العمل الهندسي. دكتور عمر رجع السودان و انا نقلت الفكرة هنا عام 2004 ... و لكنها شملت كل العاملين في مجال البترول و الهندسة من كل الجامعات و المعاهد. ما عارف الحصل في الفكرة دي شنو تاني في اونتاريو
اقامت جمعيتنا عدة ندوات في مختلف المجالات الهندسية و عدة رحلات و برامج ترفيهية للاسر و مسابقات للاطفال و استضفنا الاستاذ كبر في احد برامجنا و تحدث حديث شيق و عرض لنا مجموعة من الرقصات و تحدث عنها
12-04-2016, 01:05 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
يا كبر تاني حا تقعد تنبح في البورد دا زي الكـلب، الجـرز معاوية المدير، الجـرز معاوية المدير، وأن أصلي ما بعشمك إنت خلآس حكايتك وعنصريتك إتكشفت، بعد دا أنا مسحتك وأعتبرتك غير موجود. بس حأفتح بوست. وداعاً يا حبيب. عندك وآحد وردة محبة في ركن المدآخلة أحفظها للذكري...
12-04-2016, 01:41 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
كبر سلامات أختلف معاك بشرف و احاورك بأدب عشان خاطر المتداخلين و القراء من خارج المنبر كتبت يللا شوف ليك مخارجة للموضوع ده قبال نجيب باقي الحاجات
ده اعتبروا تهديد يعني .... جيب أي حاجة ياخي بس احسن تفتح ليها بوست خاص بتاع باقي الحاجات عاوزين ندير حوار راقي في البوست ده
يا كبر انت انسان قانوني و محامي و خريج جامعة الخرطوم الان المحامين عملوا وقفة احتجاجية. و تم اعتقال بعضهم. و قبل فترة اعتدت احهزة الامن علي مكتب محامي و اعتقلت الطلبة ال عاوزين يمارسوا حقهم القانوني. لو كرست قلمك للدفاع عن زملاء مهنتك و بطلت ده كذاب و ده مشي اتغدا و داك فعل بكون أحسن ليك الوقت غالي ما تضيعه في الحاجات الهايفة دي نصيحة بقواها ليك من صميم قلبي ..... مازلت يا صديقي أبحث عن كبر العرفتوا زمان و أكيد ح القاهوا ...
شكراً للمرور
12-04-2016, 02:53 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
كتب كبر ( معليش الاقتباس عندي ما شغال عشان كده باستخدم اللون الاحمر)
وكبر بيقول لي حامد الصاوي: صناعة البترول في السودان مكلفة وبتدخل فيها انتهاكات حقوق الإنسان بصورة واسعة..ع شان كده الأفضل نوقف الحرب ثم بعد داك نتفرغ لصناعة البترول لا أختلف معاك يا كبر ... و موضوع الحرب طرحناه لوفد الوزارة ال زار كالقري و انا متذكر 2011 و ربما 2010 (صححني يا كبر بدل ما تقول كذاب طوالي كده عموماً ح اتأكد من التاريخ الظاهر الكبر دخل) و قلنا ليهم مافي شركة عاقلة بتجي منطقة غير آمنه كان توقفوا الحرب أولاً بعدين تجو للمعرض ده . لكن الجماعة دخلوا بي حمد و طلعوا بي خوجلي و مش البترول اي تنمية و مشاريع اهم شيء الاستقرار و وقف الحرب و الاهتمام بالمواطنين ال فيها المشاريع دي ... و الطرح الان مش وقف الحرب فقط بل معالجة كل الآثار بتاعتها النفسية و رتق النسيج الاجتماعي و تطوير المناطق التي تأثرت بالحرب .... و صدقني طالما الحرب مدورة السودان عمرة ما ح يتقدم ....
بعدين الحرب و العنف دي مش بالبندقية و بس العنف ممكن يكون بالكلمة و النظرة و تعلية الصوت العنف ممكن يكون بالقلم و الكي بورد ... عشان كده لا أنصح اي صديق بممارسة هذا العنف و مؤسف جداً ما وصلتوا له انتم من ملاسنات و الفاظ لا أعتقد انها تليق بيكم ............. أرجوك كبر ان توقف الملاسنات دي و تعتذر مش لي معاوية فقط بل لي كل القراء و المتداخلين .... و خلينا نعمل مع بعض لوقف الحرب و نصرة الغلابة من ابناء شعبنا .... نبحث عن نقاط الاتفاق و ندعمها و عن نقاط الاختلاف و نتحاور حولها حوار جاد و مسئول
أهو معاوية سكت و هو مشكور علي ذلك و خلينا نواصل في البوست بهدوء و نتحاور بمسئولية
لك الشكر
12-04-2016, 03:59 AM
Kabar Kabar
تاريخ التسجيل: 11-26-2002
مجموع المشاركات: 18547
وبالطبع ، هو داب الشيوعيين في التزييف ، وهم يغشون الشعب السوداني بانهم هم الوحيدون من يتملكون الحقيقة..! بالرغم من الكلام والشهادات الجميلة ، التي قلنا بها في حق حامد الصاوي ، الإ انه طفق يكابر ويلف ويدور في الفارغة.. يا حامد.. المنبر فيهو قراء وقارائات اذكياء للغاية ، ولن تغرهم المحاولات البائسة في تزييف الحقيقة واللف والدوران في الفارغة.. ياخي انت بديت كلامك بتثبيت واقعة وقلت فيها بفم مليان ثقة:
Quote: في عام 2011 كان هناك وفد من وزارة الطاقة بالسودان ماذا فعل هذا الوفد ... و ماهي نتائج زيارته
وكبر بيقول ليك بفم مليان : انت كذاب يا حامد ، مافيش وفد من وزارة الطاقة او سفارة السودان زار مدينة كالقري ، من اول يوم في السنة دي وكان يوم السبت ،ولغاية اخر يوم في السنة دي وكان يوم السبت برضك..!!
بغلبك تعتذر للراي العام وتقول المعلومة دي خطأ واعتذر عنها؟..
سك السكة الداير تمشي فيها ، وزوغ كما زاغ الــــجــــرذ معاوية المدير..وح نجيب التاريخ هنا وكل تفاصيل الواقع بما فيها شهادة منصور العامل فيها بتناديهو عشان يقول الحقيقة ، وكلو موثق في المنبر ده ،لأنو الناس عندها ثقة كتيرة في المنبر ده..!
جيب التاريخ الحقيقي لزيارة الوفد والسفير ، وهو ليس سنة 2011 الفكيتها هنا وقام البعض (الزملاء صدقوها) باعتبار انك زميل لا يأتيه الباطل من بين يديهو وكرعيه..!
داير تعمل فيها مجنون ، نحن ح نجيب الحقيقة ، وح نثبت انو كيف الحزب الشيوعي واهلو قاعدين يزيفوا التأريخ والحقايق ، وصدقني عندنا حنك سنين للغاية وممكن يقنع خلق كتيرة..!!
انت كضاب يا حامد وفي سنة 2011 مافي أي وفد سواء كان حكومي او سفارة السودان في كندا ، قام بزيارة مدينة كالقري..!!
اكتب هنا قدام الخلق انك مصر انو الوفد المعني زار كالقري في 2011 ونحن بنجيب الحقيقة.. وكن شجاعا في تحملها..
اثبت الواقعة دي وبعد داك ح نتفاهم معاك.. كبر
12-04-2016, 04:03 AM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
أخونا الباشمهندس حامد الصاوى لك السلام وعليك السلام من الله وبعد تابعت كتابتك هنا وهناك فى هذا الوقت وتلمست حكمك ودوافعه وذلك خيارك ولكنه مبنى على عاطفة ليست بسويه دعنا نبدأ من الأخر أين ومتى طلبت من معاويه المدير أن يعتذر لمن تمادى فى نعتهم بأكره النعوت وصبروا على أذاه لهم قرابة العام وعندما أنبرينا له قامت قيامته وأخذ يضرب يمنة ويسرى عن أن منصور خان ثلاثين عاما ومنصور كان يختزن مكره الجاهل وكأنه ولى حميم فتمادى أكثر ونال ما يستحق وسينال أكثر إذا لم يرعوى بأكثر قسوة وأعنف طريقه ولو ما مصدق دعه ينداح كما كان يفعل وعل صفيقته وهتيفته من ناديّه يزداد أزرهم له وأراك تحكم بما لا يجوز أن يعتذر كبر لمعاويه ومعاويه الذى سكت له كبر سنين عدداَ دون أن يسهل الله لذوى الإستناره كرامة بأن ينحوا ذلك المعاويه من تعديه على الأشخاص لكى يدخل نادى النضال الليق، أحكم بالعدل يا حامد أو أصمت . أما قولك الذى خدعت به البسطاء ومن معك من أهل المكر السئ بأن منصور ذهب ليتحدث بإسمكم تحت وفد المنافى تلك الفرية التى إبتدعتمهوها شيوعين وحركه شعبيه وجمهوريين وأخذت أسماء الناس الذين كاد أن يقتلهم الحياء عندما تأكد لهم خطل فعلكم وذلك ليس بمستغرب من الشوايعه والباطنية أيا كانوا وذلك لا يحرك شعرة فينا نحن لم نُدعى للحوار لتمثيل أحد وقلنا ذلك فى الإعلام، نحن من أفراد الشعب السودانى لنا الحق والكيفيه التى نمارس بها ما نشاء كما يفعل أى طبجى ودعى بقناعاته الجاهله وعدم موضوعيته البائنه فنحن لم ينتدبنا أحدٌ منكم ولم ينفق علينا أحد منكم ولكن أهل الحل الربط رأوا فينا ما يمكن أن نقدمه فكان تنفيذ القول هنا صوت ينادينى نعم لبيك أوطانى وكانت أجمل رحله إلتقينا فيها بأروع الرجال والنساء علماء ومفكرين وقاده ميدانيين وسياسين من ذوى السقف العالى وقوميين ومن ما جميعوا وأكرمنا الشعب السودانى وأحسن إلينا وقدمنا عصارة فكرنا وأندحنا فى ذلك الوطن شرقا وغربا حتى المناطق المشتعله وسرنا فوق الألغام وشققنا المخاطر وعبرنا المعابر وألتقينا بالناس فى كوستى والأبيض وأبوزبد والفوله ولقاوه وكادوقلى والدلنج وبالشرق كله والنيل الأبيض ودارفور والوسط خاطبنا أصحاب الوجعه خطاب من يدرى بحالهم وأستبشروا فينا خيرا وكان لنا أروع الأدوار فى تحقيق الحوار الذى سيؤسس لتاريخ السودان ولمستقبله الباهر والذى لا يمكن أن يتم تحولا إلا عبره وإلا فالرماد كال حماد وها هى الخطى لتحقيق ذلك تمشى حثيثا وسيتحقق ذلكم الحلم وسيبقى ذكر من إشترك فيه رغم أنف الغلاة من قصيرى قامات المعرفه المملؤين بعاطفة خربه وأنفس تمور بالحسد والغل والبغض، فيا حامد سكتنا كثيراَ وتجاوزنا عن كثير ولكننا نمتلك القدره على فعل الواجب كما ينبقى على أتم وجه وأخيراً أدع صديقك وزميلك فى النضال أن يعتذر لمن تعلم أن يتعدى عليهم بلا وجه حق وأن يبتعد عن شخصنة الأشياء وأن يهتم بالموضوعية والموضوع المطروح ف للناس ألسن حداد وللناس سعة لا يتجاوزوها ولك السلام
منصور
12-04-2016, 04:20 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
لابد من الاشادة التامة بالانضباط السلوكي العالي الذي تمارسه في هذا البوست .. وهو يليق تماما بي زول يحمل فكرة واضحة وقاعد يكتب بيها ويكتب عنها في هذا المنبر .
Quote: رايك شنو في فكرة الجمعيات المهنية بالخارج و ما يمكن ان تلعبوا من دور في تطوير المهنيين بالداخل .....
لاسباب تتعلق بالمحصلات التي قلتها حول الدخول بي حمد والمروق بخوجلي .. أعتقد أن المقاطعة التامة للرموز السلطوية أكثر جدوى .. هذه محاكمة مبنية على المحصلات لا الموضوع في عضمو يا عزيزي ..
أما الموضوع فصلاحيتو واضحة جدا ومضمنة فيهو .. الصاح صاح وهو ظاهر وطاهر وقويم يا عزيزي
12-04-2016, 07:52 AM
Kabar Kabar
تاريخ التسجيل: 11-26-2002
مجموع المشاركات: 18547
ماكنت اظن واتوقع مطلقـا بان مدارج الوحل والسقوط تاتي بمن كنا نحترمهم ، من امثال الدعي الصفيق محمد حيدر المشرف..!!! يازول انت قايل الناس البتقرا وبتابع المنبر ده مجرد شغيلة كما هي عضوية اليسار والحزب الشيوعي وشنو كده ما عارف..؟ يا محمد حيدر المشرف ، حامد الصاوي كضاب ، وجاب ليهو تاريخ ناجرو من راسو ، والناس اتداخلت هنا وقالت ليهو البغلة في الإبريق..يعني باقي ليك انت بتقدر تغطي شمس الحقيقة باصبعك؟
حامد الصاوي كضاب يا محمد حيدر المشرف ، دي مش حقيقة عشانك يا وهم وانما حقيقة عشان الرأي العام هنا..!! بسيطة يا اخي: يا اما حامد الصاوي يعتذر عن كضبو ، و يا اما كمان نحن ح نشوت الشوعيييين لمن يقولوا الروب..!! ما تلف وتدور يا محمد حيدر المشرف ، حامد الصاوي زيف التأريخ ونجروا من دقنوسو..باقي ليك اللف والدوران القاعد تسوي فيهو هنا ومعاك حامد الصاوي ح يحجب شمش الحقيقة؟ الكلام ده سوهوا في الستينات والسبعينات..لكن في يومنا ده ما بينفع..!! واستمر في النكران ياحامد الصاوي ، وحزبك الشيوعي ده ح نخطو تحت الجزم ، وما تنسي في المنبر ده دعوة حية بتطالب بحل الحزب الشيوعي..!! ونحن ح نسقط ليك الحزب الشيوعي من غير ما نطالب بحلو..! علي بالحلال يا حامد الصاوي ، نرجع ليك الحزب الشيوعي في علبو وعنصريتو لمن يستقوى بالجرابيع العنصريين امثال معاوية المدير وجلال عمر ومحمد حيدر المشرف اخر الساقطين..!! يا محمد حيدر المشرف ، زميلك الشيوعي حامد الصاوي قال في سنة 2011 زار وفد سوداني مدينة كالقري ، وبنقول ليهو كضاب..يعني انتا داير تحجب الحقيقة باللف والدوران هنا؟..ياخي امشي اتلم على خندق العنصريين معاوية المدير وجلال عمر ، عشان نقدر نفرز منو العندو عقدة اصطفاف قبلي وحقد عنصري ، من الأخرين..!! الواعظ محمد حيدر المشرف: انت كضاب ، لأنك بتدافع عن كضاب اسمو حامد الصاوي ، وبينا الحقيقة ، ونحن نعرف كيف ان نحترمها..!! كنت احترمك يا المشرف بماضي جميل ومشرف ، ولكنك تختار عقلية القطيع والإصطفاف بلا فهم.. فلن احترمك بعد اليوم ده ، يعني زيك وزي العنصريين الحاقدين الفاقدين حنان العرق والقبيلة من امثال جلال عمر ومعاوية المدير..من الأخر لو عاملين فيها ولاد قبايل تقوم وتقعد عل كيفها ، ح ندخلكم في علبكم يا جــــرذان..!! حامد الصاوي كضاب وكضبو في التاريخ الناجرو من راسو وه بيحاول يخم الشعب السوداني ، يعني نحن معاهو في اول جملة..صحح التاريخ ح نجيب ليهو باقي الحجة ، قام عمل فيها مجنون وزاغ وكابر ، فهذا افضل ما ننشد لأنو ح نصفي الحزب الشيوعي بجملة واحدة صدرت من احد كوادره..ونحن بنعرف كيف نسن الحنك..!! حامد الصاوي كضاب ، وكلما يتمادي في الإصرار على الكضب ، ده محسوب على الحزب الشيوعي السوداني..ونحن ما عندنا ما نخسره امام الرأي العام..!! كبر
12-04-2016, 08:16 AM
Kabar Kabar
تاريخ التسجيل: 11-26-2002
مجموع المشاركات: 18547
كلام قصير يا حامد الصاوي.. مافيش وفد زار مدينة كالقري في سنة 2011 البديت بيها كلامك.. تصحح المعلومة دي اهلا وسهلا ، ما تصححها ، ح نشوت شمال زي الترتيب عشان نرسخ في ذاكرة الشعب السوداني انو كيف الحزب الشيوعي واهله قاعدين يتآمروا على الشعب السوداني من سنة حفروا البحر..!! وعشان تاني ما تملأ الخلق فقر من شاكلة اياك يا كبر تزايد علي وطنية حامد الصاوي.. فياهو امام الملأ وطنيتك يا حامد الصاوي قايمة على الكضب والتزييف والمؤامرة.. وياهو المدي قدامك دافع عن وطنيتك يا حامد الصاوي..!! ولغاية ما تجيب دفاعك انت كضاب وقاعد تزور الحقايق والتاريخ.. وبنجيب ليك كضبك للآخر,, فشنو اخير ليك ما تركب موجة الأصنام القمت بصناعتها من امثال معاوية المدير وغيره ، وألأهم المعركة دي مش معركة افراد..يعني لو اثبتنا للملأ هنا كضبك ، فهذا يعني ادانة الحزب الشيوعي السوداني ، اللهم الإ كن الحزب يطلع بيان ويقول حامد مفصول من الحزب..!! انت كضاب يا حامد ومافي وفد وزارة او سفارة زار كالقري في سنة 2011..!! كبر
12-04-2016, 08:34 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
شكراً للمرور يا منصور و صدقني لو نتايج زيارتكم للسودان جابت نتيجة ايجابية ح اكون أمل المهنين و المباركين لكم. لكن حسب وجهة نظري الحكومة و طاقمها غير مؤهلة لذلك بدليل قبل حضوركم من السودان و اثناء التفاوض تم اصدار قرارات تعسفيه جديدة بخصوص المتظاهرين ماعارف عملوا العقوبة 5 سنوات سجن او حاجة زي دي ما يجي كبر يطلعني كضاب تاني. عموماً كل واحد مننا عندو وجهة نظر ممكن نتناقش دون اساءة و تجريح و مهاترات تخصم من رصيدنا.
بخصوص معاوية اعتقد انو ممكن النفوس تتطايب و النفس الحار يبرد .... هناك مساعي جارية الآن داخل المدينة و علر المنبر و ثقتي فيك و في معاويه كبيرة
دمت و الاسرة بألف خير
12-04-2016, 08:49 AM
معاوية عبيد الصائم معاوية عبيد الصائم
تاريخ التسجيل: 06-09-2010
مجموع المشاركات: 22458
اغرب حاجة ، صاحبنا حامد الصاوي في بداية البوست يستشهد باقوال منصور ، ويشكرو عليها ، من شاكلة العقول الكبيرة تناقش الأفكار ، والعقول المتوسطة تناقش التفاصيل ، وتجاهل بقية المقولة/ المأثور ان العقول الصغيرة الدنيا تتلح الأشخاص (كما تفعل الهوام من شاكلة الــــجـــرذ معاوية المدير وصاحبو صحبة راكب منو كده ما عارف).. يا حامد.. التاريخ افكار ، ليه بتزوغ من مناقشة الأفكار؟ ولا غالبك تعترف بكضبك وتعتذر..؟ انت كذبت يا اخي في اول افادة ليك بتاعة في 2011 ، والناس قالت ليك انت كضاب..يعني غالبك تبقى انسان وتراجع روحك؟..ولا انت فاكر انو الشيوعيين انبياء ما بيستحقوا المراجعة؟؟ انت كذبت يا رجل ، ومهما تلف وتدور كضبك قاعد ، فشنو اخير تبقى شجاع وتعترف وتعتذر للرأي العام ، قبال ما ناس كبر يجيبوا الحقايق هنا ومنظرك يكون شين..!! انا حرقت الــــــجــــرذ معاوية المدير ، ومن باب المحبة ماداير احرق حامد الصاوي ، ولو لسع مصر على المكابرة..ح نحرقك زي الترتيب ، زي ما حرقنا الأنبياء الكذبة من قبلك..!! كبر
12-04-2016, 09:11 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
كبر حتي الان منك 5 مداخلات كلها عن حامد كضاب يعني خلاص قبضت ضنب الككو؟ هل الموضوع بستحق؟ كان 2011 أو 2010 لا أعتقد ذلك كان ممكن تقول لي يا حامد الوفد كانت زيارته سنه 2010 و ليس 2011
تصحيح لي و تصحيح للقراء و بحكم الصداقة و الجيرة كم مرة انا سجلت ليك زيارة في البيت و قلت ليك انت غلطان في كده و انا بختلف معاك في كذا ... كنت بعمل كده و ما كان غالبني اكتب في المنبر ... كنت بعمل كده رغم اني عارف رايك في الحزب الشيوعي. كنت بعمل كده لاني بحترم خصوصية العلاقة ال بيني و بينك كنت بعمل كده لاني بحترم شرف الاختلاف و بقدر أميز بين الاختلاف و الخلاف و الموضوع ما بحتاج الضجة و 5 مداخلات و كضاب .... ما هكذا يتعامل الاصدقاء يا كبر
و بالمناسبة قابلت أكتر من 5 اشخاص اليوم و سألتهم عن تاريخ الزيارة و كانت النتيجة بين 2011 و 2010 . عملت اتصال بشخص موثق جيد و تأكدت انو الوفد زار كالقري 2010 و ليس 2011 شفت انا طلعت كضاب كيف ....
ما ح أقول ليك انت كضاب و دواس و كلام فارغ
لكن المقلي ما قال لناس الجمعية انتو ما بتمثلوا ناس كالقري بل ناس الجمعية قالوا ليهوا نحن ما بنمثل ناس كالقري و رفضوا تنظيم الحفل بل أكتر من كده قلنا ليهو في الغداء كلامك غير موفق في هذا المقام . و كلامك ال قلتو مااااااااااااااااااا صاح
12-04-2016, 09:17 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
التاريخ افكار ، ليه بتزوغ من مناقشة الأفكار؟ ولا غالبك تعترف بكضبك وتعتذر..؟ انت كذبت يا اخي في اول افادة ليك بتاعة في 2011 ، والناس قالت ليك انت كضاب..يعني غالبك تبقى انسان وتراجع روحك؟..ولا انت فاكر انو الشيوعيين انبياء ما بيستحقوا المراجعة؟؟ انت كذبت يا رجل ، ومهما تلف وتدور كضبك قاعد ، فشنو اخير تبقى شجاع وتعترف وتعتذر للرأي العام ، قبال ما ناس كبر يجيبوا الحقايق هنا ومنظرك يكون شين..!! انا حرقت الــــــجــــرذ معاوية المدير ، ومن باب المحبة ماداير احرق حامد الصاوي ، ولو لسع مصر على المكابرة..ح نحرقك زي الترتيب ، زي ما حرقنا الأنبياء الكذبة من قبلك..!! كبر
دي رقم 6 مداخلة لا تستحق الرد
12-04-2016, 09:26 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
أعتذر لكل من اصبته كلمة جارحة في هذا البوست و أخص بالاعتذار العزيز محمد حيدر المشرف اعتقد فكرة البوست وضحت للقراء و المتداخلين و حقيقة ما عندي وقت للمحاككة و ضياع الزمن و لا أعتقد انو البوست ح يكون مفيد. لكن من خط سيرة انا عرفت درس مهم ما كان ح اعرفه لو ما خضت غبار هذا البوست. و اتمني ان يكون الدرس استفاد منو المتداخلين و القراء الاعتذار مرة أخري و الشكر للقراء و المتداخلين و شكراً انتهي البوست من جانبي
12-04-2016, 09:32 AM
Kabar Kabar
تاريخ التسجيل: 11-26-2002
مجموع المشاركات: 18547
ده ذر الرماد في العيون ، زي ما قال صاحبنا واحد انا كنت بهزر ساكت.. يا حامد الصاوي ، كلام قصير للغاية ، يا تصحح التاريخ الجدعتو هنا وقدام الخلق دي ، يا كمان تعمل مجنون وتزوغ..!! الخمسة اللاقيتهم ديل ، احترمهم شديد يا حامد ، لكن الحقيقة بنقولها هنا بالسنة واليوم والساعة والدقيقة الثانية.. بس انت تعترف وتقول انا اخطأت في التاريخ..!! اما حكاية انك تتجاهل مداخلاتي وما ترد عليها، يبقى السؤال ليه مقنطر اسم كبر في عنوان البوست بتاعك؟
حكاية انت كضاب دي بنعرف كيف نثبتها ، وكنا منتظرين الإعتراف يجي منك ، لكن وكتين عامل فيها مجنون ، فنحن بنعرف كيف نتعامل مع الأشياء والوقائع.. غالبك تقول الرووب انا غلطان؟ كبر
12-04-2016, 09:57 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3594
أعتقد أن أبوبكر فى أول مداخلة جاب النجيضة إنو كبر قصده المحصلة الأساسية وهى القعاد مع ناس الحكومة والغداء أو العشاء معاه وهوما يسمى تطبيع مع النظام .. يبقى مافى داعى لإبتزاز منصور وأصحابه بالمشاركة فى الحوار .. ولو الصاوى بعتبر العشاء كان من مال الشعب السودانى ــ وهى حجته فى الغداء المصحوب طبعاً بالونسة والمطايبة ــ فبرضو ناس منصور عندهم نفس الحجة ــ أموال الشعب ..
ــ ولو أصلو عدم الدقة بين سنة٢٠١٠ و٢٠١١ يعتبر كضبة كبيرة فإن ذكر أن الوجبة كانت عشاء بينما هى غداء برضو كضبة كبيرة ..
12-04-2016, 10:51 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7712
Quote: تصحح المعلومة دي اهلا وسهلا ، ما تصححها ، ح نشوت شمال زي الترتيب عشان نرسخ في ذاكرة الشعب السوداني انو كيف الحزب الشيوعي واهله قاعدين يتآمروا على الشعب السوداني من سنة حفروا البحر
أيها الشعب السوداني المسكين ذاكرتك الآن مرهونة لحساب الصاوي يفعل فيها ما يشاء
إذا الصاوي صحح المعلومة* تظل في عماك لا تعلم شيئاً عن مؤامرات الحزب الشيوعي وأهله عليك منذ زمن الأخدود الأفريقي العظيم
إذا الصاوي ما صحح المعلومة* فستجيئك الإستنارة زخات وزخات
* المعلومة المقصودة هي وقت زيارة وفد وزارة الطاقة السودانية لمدينة كالقري بالسنة و الشهر و اليوم و الدقيقة و الثانية
إنتو فاكرين الحكاية لعب؟؟
12-04-2016, 11:33 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
سلام عليكم باشمهندس حامد و كبر و الجميع يا كبر اراك حمّلت موضوع الخطأ في التاريخ أكبر من حجمه, و لم ذهبت لحتة الكذب خاصة أن المدة طالت و المعلومة لن تغير من الموضوع الأساسي العاوز يطرحه حامد
12-04-2016, 11:42 AM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
من المؤسف والمؤلم ان يصل حال الأصدقاء في نقاشات عادية لهذه الدرجة من السوء يا كبر
Quote: حكاية انت كضاب دي بنعرف كيف نثبتها ، وكنا منتظرين الإعتراف يجي منك ، لكن وكتين عامل فيها مجنون ، فنحن بنعرف كيف نتعامل مع الأشياء والوقائع.. غالبك تقول الرووب انا غلطان؟
خطأ تافه ولا يمكن أن نحسبه عليه والفرق شنو أصلا بين أن تكون الأحداث قد حدثت في 2011 أو 2010 طالما هذا اصلا ليس صلب الموضوع, هل تستحق مثل هذه الهفوة أو الغلطة اكل هذه الغضبة المضرية والإتهامات بالكذب والمخادعة والغرض لرجل عرفته سنين عددا وجاورته وشاركته الملح والملاح!!!!
لا دفاع لى عن حسن فمكانته عندى ومعرفتي به لم تضعني يوما موضع أن أقرأ فيه ما كتبت ولكن...
Quote: ماكنت اظن واتوقع مطلقـا بان مدارج الوحل والسقوط تاتي بمن كنا نحترمهم ، من امثال الدعي الصفيق محمد حيدر المشرف..!!! يازول انت قايل الناس البتقرا وبتابع المنبر ده مجرد شغيلة كما هي عضوية اليسار والحزب الشيوعي وشنو كده ما عارف..؟ يا محمد حيدر المشرف ، حامد الصاوي كضاب ، وجاب ليهو تاريخ ناجرو من راسو ، والناس اتداخلت هنا وقالت ليهو البغلة في الإبريق..يعني باقي ليك انت بتقدر تغطي شمس الحقيقة باصبعك؟
وبالتالى وكما هو واضح وجلي لمعظم الناس هنا أن هجومك يا كبرعلى صديقك وجارك حامد الصاوى غير مفهوم وغيرمبرر ومغير مؤسس أصلا فيبقى هجومك على ود المشرف ووصفه بالدعى والصفيق هجوما غريبا وخاطئ وكيف لمن كنت تحترمه فجأة أن ينحدر للسقوط في أماكن بهذا الوصف يا كبرا!!! فجأة كدا وللمداخلة أعلاه يا كبر!!!!!!!!!!
الحاصل عليك شنو يا كبر!!!!!
12-04-2016, 12:00 PM
جلالدونا جلالدونا
تاريخ التسجيل: 04-26-2014
مجموع المشاركات: 9667
Quote: أعتقد أن أبوبكر فى أول مداخلة جاب النجيضة إنو كبر قصده المحصلة الأساسية وهى القعاد مع ناس الحكومة والغداء أو العشاء معاه وهوما يسمى تطبيع مع النظام .. يبقى مافى داعى لإبتزاز منصور وأصحابه بالمشاركة فى الحوار .. ولو الصاوى بعتبر العشاء كان من مال الشعب السودانى ــ وهى حجته فى الغداء المصحوب طبعاً بالونسة والمطايبة ــ فبرضو ناس منصور عندهم نفس الحجة ــ أموال الشعب ..
ــ ولو أصلو عدم الدقة بين سنة٢٠١٠ و٢٠١١ يعتبر كضبة كبيرة فإن ذكر أن الوجبة كانت عشاء بينما هى غداء برضو كضبة كبيرة ..
يا رااااجل ..... ده عيب اساسى لمن يدّعى العقلانية غايتو ..... فى زمن العكلتة و الارتجال ياما نشوف بلاوى يا الصاوى بى غادى كتبت ليك
Quote: و ارجو من اخونا الصاوى ان يفترع خيطاَ جديدا عن الجمعية و نتفرغ لما فيه خدمة و خير الوطن .. الطلب ده يا اخونا الصاوى لانو البوست الحالى سكنو البوم ...
ف شنو بكرر ليك الطلب .. دايرين نعيش التجربة و طريقة عملها و هل يمكن تعميمها على كل المهن و كل دول المهجر كمان و كيفية ربطها بالداخل لأنو بصراحة فكرة تستحق انو الناس تتعرّف عليها و تتوقف عندها ___ ناس اسمع جعجعة و لا ارى طحناً سيبك منهم ديل ناس يلهثون خلف مصالح شخصية قال عدم دقة قال
12-04-2016, 12:49 PM
جلالدونا جلالدونا
تاريخ التسجيل: 04-26-2014
مجموع المشاركات: 9667
اى زول يقول عن معلومة التاريخ خطأ هو ذاتو افترى على الحقيقة المسألة لا تخرج عن نطاق السهو ليس إلّا و ربط السهو بالكذب فكرة جديدة فى زمن انحطاط اخلاقى لا مثيل له فى بوست لى استاذنا فضيلى مسك كبر فى كلمة ود مرة و اتعكلت فيها هنا مسك فى 2011 و برضو اتعكلت و ترك فكرة الموضوع الاساسية دن ما المشكلة براها المشكلة فى النساعدية البدفو ليهو الصاجات كل ما يوحل ___ يا ابوبكر عباس مش ملاحظ انو مشاركاتك اللزجة دى بقت سبب مباشر فى انحراف البوستات الى ما لا يحمد عقباه اوعاك تجى تتلولو و تقول الكلام ده فيهو ثغرات و مكناتك ديك الكلام ده جبتو من حال البوست ده و بو ست بصراحة غلبنى ف شنو اتنازل شوية عن حالة الوعى الكامل العايش فيها دى عسى و لعل تستقيم حاجاتك __ يا كبر مش ملاحظ لى حاجة هنا فى البوست ده اشادتك الكاملة بالباشمهندس فى مداخلة طويلة عريضة و فى نفس الوقت واقع فيهو كضاب و مزّيف و شنو و شنو ربطك بين السهو و الكذب و كمان جيت تستأسد علىّ بوصف نجره دينق .. بيت الاشباح الذى وصفك بالجنون .. انت قايل مونساتى دى اساءة دى بوستات اتفتحت عشان المودة و الالفة تشيع بين الناس و نحارب بيها فى نفس الوكت عقد المستثقفين الفرضوتها علينا دى داير دليل ... قول لى يا عب و لومنى كان وصفتك بالعنصرية انا شنو كمان ,, هاك العبيد ديل بشارى يا عب حمد لبد يا عب على عثمان يا نقنتود اجمعو هنا و اسمعو كلام سيدكم كبر يمين لولا الملامة كان جبيت ليك كبير النقاتيد مولانا الملك ذاتو و نائبه عثمان عووضة ف شنو ياعم ارحمنا من حكاية العنصرية ذى و خليك اكول من كوووول حاجة اخيرة يمين الله ح اتونس بيك جنس ونسة و من هسى النحدّثك و نوصيك الونسة ما فيها خرخرة
12-04-2016, 01:05 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20440
أي سقوط تعني بالتحديد ؟! وياتو وحل ده؟!! عماذا تتحدث بالتحديد آ زول .. ومالك نازل شتائم في الناس.
من الجيد أن تضبط خطابك احتراما لي نفسك ولزملاءك في المنبر ..
الاخ حامد الصاوي يروي عن تجربة شخصية تخصه .. وانت تتهمه بالكذب بشهادة سماعية عن شخص آخر ... اين السقوط واين الاوحال ابتداءً في الموضوع ده بالنسبة لاي مشارك في البوست لم يجد فيما تقول غير مجرد كلامات ساي .. ما هو البرهان الحقيقي على ما تقول بالنسبة للقاريء غير ما تتفوه به انفلاتا ضمن انفلاتات كثيرة وشتائم توزع فيها يمين وشمال .. ثم هب انك اتيت -مستقبلا- ببرهان واثبت بما لا يدع مجالا للشك انو حامد لم يقل الحقيقة ... اين السقوط وأين الاوحال من الذين لم يأتهم برهانك المستقبلي المفترض افتراضا ده .. سقطوا وغاصوا في الاوحال لانهم لم يضربوا في الرمل يعني ولا شنو ..؟!!
اتمني ان تحذف الكلام الفارغ الكتبو في حقي ... اتمنى ذلك .. ومن اجلك انت لا من أجلي.
12-04-2016, 03:52 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20440
حقيقة كتبت الرد أعلاه ولم اقرأ بعد المداخلات التي تلت شتيمة كبر لي !!
الصورة الآن واضحة بالنسبة للناس .. السيد كبر شتمني شتيمة مقزعة جدا لانو الاخ حامد أخطأ في تاريخ الحدث وارجعه للعام 2011 بينما كان الحدث المعني في 2010 .. لا تعليق !!!
لا عليك يا حامد الصاوي, هي فقط مسالة مؤسفة بأكثر من كونها مؤذية .. موسف جدا ما وصل اليه حال كبر.
ايمن الطيب .. أيمانوف يا عزيزي .. ده ياهو المنبر يا ايمن .. ياهو من حال ذلك الوطن واحد.
كبر امسح الكلام الفارغ الكتبتو ده .. ذلك جدير بمكانتك عند بعض الذين مازالوا يحترمونك.
12-04-2016, 05:19 PM
حمد عبد الغفار عمر حمد عبد الغفار عمر
تاريخ التسجيل: 06-06-2008
مجموع المشاركات: 7662
جلالدونا انا تبت أي بوست فيه كوماج حلفت ما أدخل فيه ولولا معزتك ومعزة حامد الصاوي ما كان جيت. كبر يا جلالدونا (والله أعلم) قرر وبكل أسف يدخل في صراع على كل الجبهات حيخسر فيهو نفسو حتى وان انتصر ربنا يهديء سرو
أنا عندي بوست عن المستنير أبوبكر ، بوست ما زايد من مداخلة واحدة من سطرين أو ثلاثة على طريقة بوستات ملاسي بس يديني موافقة من هنا لحدي بكرة انا متأكد حيكون زي بوست زهرة الغرق وفرصة لأبو بكر يوضح فيهو كل ملكاته
12-04-2016, 06:55 PM
Shams eldin Alsanosi Shams eldin Alsanosi
تاريخ التسجيل: 12-18-2003
مجموع المشاركات: 2135
كبر يا صديق لقد تشابه علي الأقلام.. ماذا جرى لقلمك أيها العزيز؟ ولأني أعرفك بعمق تلك السنوات التى ترقد بيننا .. لا يهمني ما يكتب الناس عنك او ما يكتبونه فيك لأنها لن تغيرأو تضيف شيئا لا أعرفه عنك و لكن يهمني جدا ماذا و كيف تكتب.. فما تكتبه ينزل عندي مكان صدق عليا وإن إختلفت معك في بعضها. لكن.. تصالح قلمك مع بعض المفردات السالبة في حق محاوريك يجعلني أشك في نفسي.
12-04-2016, 07:14 PM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
ناس البورد ديل بقو زي البيعانو من أزمة منتصف العمر المنبري ..!! أما ناس كندا ديل فالظاهر التلج عامل معاهم عمايل ..زي ( عضة الجليد ) ..بقو في حالة سعار جليدي دائم .!! اللهم لا حوالينا ولا علينا
،،،،،، كبر : خد لك سنيكرز .
يا جماعة كبر دا من يومه كدا.. يوم يقعد يشكر فيك لما تقرب تبكي.. ويوم يقعد ينبز فيك لما تتخلع . هو كدا من زمان . دينق ما خاتي عليهو ..:)
12-04-2016, 07:20 PM
علي دفع الله علي دفع الله
تاريخ التسجيل: 08-31-2012
مجموع المشاركات: 2502
صديقنا كبر والله مؤسف جدا ان تصل بك الحماقة التى لم تشبهك الى هذا الحد من الفجور في الخصومة وتوزيع الشتائم شمالا وشرقا .عهدنا فيك اشياء اخرى واحتفلنا بجمالك وجمال بوستاتك لذا املنا ان يعود الينا كبر الذي عرفنا والباقي اولى به ناس البرتا وجيرانهم.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Hamid Elsawi
أبوبكر عباس
جلالدونا
يحي قباني
Hafiz Bashir
محمد حيدر المشرف
Kabar
معاوية المدير
munswor almophtah
Munir
محمد البشرى الخضر
أيمن الطيب
حمد عبد الغفار عمر
Shams eldin Alsanosi
علي دفع الله
MOHAMMED ELSHEIKH
فيس بوك
تويتر
انستقرام
يوتيوب
بنتيريست