|
|
|
 Re: تراجي مصطفى تقول: الرئيس مُضلل، ومواقفه ف� (Re: حيدر حسن ميرغني)
|
السلام عليكم ورحمة الله تعالى وبركاته الاخت تراجى لقد استجابة للنداء الذى
أطلقه ريس الجمهورية المشير عمر حسن احمد البشير وهو الحوار الوطنى وسافرت
إلى الخرطوم واستقبلت استقبالا لم تفهمه للأسف المهم وصلت وشاركت فى الحوار ولقد كانت حاضرة فى وسايل اعلام نظام البشير
ومن خلال وسايل اعلام نظام لقد قالت فى المعارضة كلاما ما لم يقوله مالك فى الخمر و يا ريت تسجيلها اليوم كان فى وقت جلوسها أمام الريس عمر البشير
فى قاعة الصادق لكى يشهد لها الجميع بشجاعتها وحبها للسودان وشعبه المهم الاخت تراجى لا يغفر لها هذا التسجيل بيعها لذمتها .
وانا للاخت تراجى ليتك استمريتى فى مشوارك مشاركة مع النظام لكى تخدمى القضية من الداخل لأنك لم تشتركى فى الحوار من أجل منصب
بل من أجل توصيل صوت الشعب للسيد ريس الجمهورية وحكومته اما كان هدفك غير ذلك فيحق لك أن توزعى مثل هذا التسجيل .
صديق مهدى على
ملحوظة
مثل هذه التحالفات موجودة منذ القدم
| |
 
|
|
|
|
|
|
|
|
Re: تراجي مصطفى تقول: الرئيس مُضلل، ومواقفه ف� (Re: صديق مهدى على)
|
سلامات صديق
شايفك بتقول (نظام البشير) ومرات (نظام الخرطوم) انت ما مقتنع بشرعية الحكومة دي ولا شنو ؟
موش مفروض انت كزول مؤتمر وطني تكون مقتنع بإنها دي حكومة السودان وحكومة الشعب الجات من أجله وبتمثله !
مالك بقيت لي زي ناصر كدة بتفتش لي مخرج آمن من ورطة تأييد الحكومة
بقت عليك دايرة تلعب الكورة وخايفة من الفلايت .. ولا هو قالها كيف جلالدونا ؟ 
| |
|
|
|
|
|
|
|
|
|
Re: تراجي مصطفى تقول: الرئيس مُضلل، ومواقفه ف� (Re: حيدر حسن ميرغني)
|
كلامها دا ماكان تقولو لما هي كانت جُوا...
مالو قالتو لما همشوها ولفظوها ولا عشان فقدت
الإستوزار وفقدت كل الإمتيازات وطموحاتها الشخصيه!!
تراجي كمناتله ومشاتره هي مع البدفع وبس...
هسع دا لو الحكومه قدمت ليها مبالغ محترمه و(هي
لمحت لهذا) مع احمد البلال، قالت الناس طلعوا
فيني إشاعات وقالو أنا اعطوني نص مليون دولار
ثم اردفته ب(ضحكه)!!!
فلو اعطوها هذا المبلغ او مايعادلو اليوم دا قبل بكره ما ح تأيد وجود القوات باليمن فحسب بل هي تطلب زياره ميدانيه لجيوش حميتي الأبطال باليمن، بغرض
رفع معنوياتهم القتاليه بل هي ذات نفسها تكون
منسقه وتعمل روكروتمن لهذه الجيوش وفي حالة
ما تجد مطالبها ديا من الحكومه يا ها تقعد تغازل
فيها وفي المعارضه بأشرطتها المعنونه ب(تراجي
مصطفي من كندا)!!
دا ياهو تفكيرها ودا ياهو كل طموحاتها، ان تتحصل
علي المال وعلي المكتسبات الماديه وان تظهر
أمام الكمرات والسفر بالطائرات...
ياها دي تراجي ودائما تخزل الناس المغشوشين
فيها وتِمٓسِكهم ضنب الككو!!!
| |
|
|
|
|
|
|
|
|
Re: تراجي مصطفى تقول: الرئيس مُضلل، ومواقفه ف� (Re: jini)
|
البشير : غير مضلل ومن اوحى له بالمشاركة فى حرب اليمن و اغلاق المراكز الثقافية الايرانية مقابل حث امريكا على رفع العقوبات الاقتصادية ( طه الحسين بوعد سعودى )
لذلك فى اول رد فعل للبشير عند تمديد امريكا للحظر حتى اكتوبر كان ( ح اسحب القوات من اليمن ) كما اشارت تراجى فى المقطع اعلاه
تراجى : هناك من يضعون حواجز وعراقيل بينها وبين لقاء البشير كما قالت فى تسجيل سابق .. بمعنى انها عاجزة عن توصيل ماتريد للبشير !!!
مهما تحدثت تراجى فلن يسمع لها البشير ولا النظام . لانهم سيضعون اصابعهم فى اذانهم
| |
|
|
|
|
|
|
|
|
|
Re: تراجي مصطفى تقول: الرئيس مُضلل، ومواقفه ف� (Re: jini)
|
صباح الخيرات اخوتي الاعزاء ..
الشئ المحيرني ! قول تراجي :
مخاطبة السفاح اخيها الرئيس مجرم الحرب ولص المستضعفين
بقول : ( هذا شعبك الذي انت حريص علي دمائه ! وهذا
العار لايشبه حكمك !!!!
نفسي اعرف تعريف تراجي للاخلاقيات شنو والمعايير البتقيس
بيها الاخلاقيات ؟ وقت اخيها الرئيس بيخاطب بهذه اللغة البرئة
ومنعمة بحرسه علي الاخلقيات كأنه هو من ورثتها !
عمومآ تسجيلات زي دي يجب الحفاظ بها علي الاقل .
ولكم الشكر ,,,
| |
|
|
|
|
|
|
|
|
|
Re: تراجي مصطفى تقول: الرئيس مُضلل، ومواقفه ف� (Re: أحمد محمد عمر)
|
=
ترحيبي بجميع الاخوات والإخوة الأحباب
وأتفق معكم بأن تراجي ارتضت في لحظة من اللحظات أن تكون ظلاً للبشير
غير أنه من قبيل تضييع الوقت أن نطعن في ظل الفيل
ونترك الفيل نفسه يواصل تبعيره وتقتيله وبرطعته.
ولو كان الرئيس الذي يزج بالأبرياء إلى الموت في محرقة اليمن، من قبل
ومن بعد مصافحته لتراجي، التي تقف بجواره هنا في سمتها الباسم
وفي ثوبها المذهّب ومن خلفها الأثاث المذهّب – يمتلك ذرة من
الوعي أو الإدراك لأدرك ووعى مضمون الآية المخطوطة بماء الذهب
في البرواز الذهبي من خلفهم، والتي تُقرأ:
(واتقوا يوما ترجعون فيه إلى الله ثم توفى كل نفس ما كسبت وهم لا يظلمون).
...
..
.
| |
|
|
|
|
|
|
|
|
|
Re: تراجي مصطفى تقول: الرئيس مُضلل، ومواقفه ف� (Re: الصادق عبدالله الحسن)
|
أختنا و حبيبتنا منى بت عمسيب...
هذا شعبك الذي انت حريص علي دمائه ! وهذا
العار لايشبه حكمك !!!!
...
شغل تراجى دا شغل استهبال مش عدم معرفة..
فهى عارفة الحكومة كوييييس..
ولكن عايزة مكان مع الحكومة دى لان تراجى للمابيعرفها عندها مشكلة القاب ووجاهات و ادمان لحاجة اسمها زعامة..
فى زمن انتهى من حكاية البطل و الزعيم والكلام دا..
أولا يا منى عمر البشير رسل عيال السودانيين للعراق ايام حرب الخليج..
كمساهمة منه فى حرب الخليج !
وقبض التمن..
وخلا أولاد الناس يموتوا فى الكويت زى الجراد..
ودى أمور انا احد شهودها من الالف الى الياء..
يعنى لما دخلت قوات التحالف الى الكويت..
وكانت القوات العراقية فى حالة انسحاب..
وكانت قوات التحالف بترمى القنابل على المنسحبين..
وبعد تحرير الكويت..
طلعنا الشارع..
وركبنا عرباتنا من الكويت لغاية العراق حدود البصرة..
بس عشان نشوف جثث السودانيين المرمية فى الارض..
وبعد كدا البطاقات بتاعتهم لموها بالكراتين ورسلوها لعمر البشير..
وعمر البشير ما بّلغ أهالى العيال ديل..
ولحدى هسع فى ناس بتفتكر انه اولادها فى الغربة..
و ما متأكدين حيين ولا ميتين..
نفس المسلسل بيحصل فى اليمن..
وقريت قبل فترة تصريح انه عايز يقدم كم الف جندى هبة لواحدة من الدول ما عارفة مين كدا..
يعنى عمر البشير بيلعب بأولاد الناس وبيستخدمهم فى مع أى جهة عندو معاها مصلحة..
دا غير (ال7 مليون) سودانى ماتوا اوقتلوا فى جبال النوبة ودارفور و الجنوب ثم عموم السودان فى ال28 سنة الماضية..
وأزمة السودان ما بتنحل بى انه عمر البشير يصلح الحاجة دى ولا غيرها..
هو مفروض يغور فى 61 داهية..
وبعدين نشوف...
تراجى دى بتلعب ولا شنو ؟
| |
|
|
|
|
|
|
| |
الصادق عبدالله الحسن
كمال عباس
حيدر حسن ميرغني
صديق مهدى على
Mohamed Adam
Amira Hussien
jini
علاء سيداحمد
جمال ود القوز
مني عمسيب
nour tawir
فيس بوك
تويتر
انستقرام
يوتيوب
بنتيريست