تراجي تتلب من فوق وحرامي حمير يبقي لواء !!

Quote: فعلا يا عارف هذه الاستاذة اكثر واحدة فاهمة السياسة السودانية وكلامها فعلا زي الرصاص ووضعت االنقاط فوق الحروف.... ويا ريت االباشمهندس بكري يرفع هذا البوست مع العناوين الرئيسية ويثبت البوست فوق على طول.... ويا ريت هذا الكلام القوي والمنطقي يسجل في شرائط CD وتوزع على جميع السودانيين داخل وخارج السودان.... كلام في الصميم...واول مرة اسمع كلام يدخل العقل بدون اي اعتراض.. اوسكار كلامها هذه الاستاذة ....استاذة في السياسة وفلسفة المنطق.. والله يديها الصحة والعافية واوسكار هذا البوست يا عارف والله يديك الصحة والعافية

Quote: أحييك أختي حقيقةً دي مهازل وذي ما قلتي بعد العملتو كله كيف فخامة رئيسنا المُبجل يحتويها وكمان جايبة معاها وفد وهاك يا برامج زيارات ولقاءات وبرتوكولات وهدايا دا كله في شنو وعشان شنو ولي منو ؟؟!!!! لكن بصراحة ،،، بعد قصة فنلة ميسي ديك إتوقعي أي شئ في قصرنا الجمهوري أحييييييييييا والله غلبني أواصل وإنا لله وإنا إليه راجعون

Quote: ما اتعرفنا على الاخت وشكرا

Quote: ياسلام، ربنا يديكِ العافيه الآن تاكد لنا ان البلد بخيرها ومحروسه، مادام أمثالكم موجود بها. كلامك عن عمر البشير في محلو نعم هو زول تابع ساكت. يعلم الله منظرو كان يحنن لما قدم تراجي بالجمعيه العموميه للحوار الوطني علي انها "ممثلة لجميع المغتربين"!! والكلام دا عجب تراجي وعلي كدا قرضت عليو شديد بدليل أنها لم تصلح الرئيس وقتئذ وتقولو لا ياريس إنتو جايبني هنا زعيمه لوفد المنافي وليس ممثله لكل المغتربين، ودا من باب أمانة ال CV لانها بتاعت قانون!! ظاهرة تليب زعيمة وفد المنافي تراجي وظاهرة حميتي زعيم الدعم السريع يجب ان تحارب من قبل الشرفاء وبأي أسلوب(تهكمي او جادي) حتي لاتستشري هذه الثقافه الوضيعه غب مجتمعنا السوداني الطيب. تراجي ح تقوم بنمره واحد وترد عليكِ من واتسااابها فلو جاملتك خالص ح تقوليكِ أردنيه في ثوب سوداني او انك شيوعيه من قطاع الشمال مسلطك عليها ياسر عرمان!!

Quote: هم يا اخ عارف ود الباوقة بسؤاله ما قاصد انهم عاوزين يستقطبوها , عاوزين يعتقلوها !! ست البنات.

Quote: العزيزة ست البنات زي ما قلتي انتي بنت زي دي ما بيقدروا يستقطبوها .. لانها فاهمة كل شئ عن السياسة السودانية .. واذا في فهم في ناس الحكومة مفروض بدل ما يعتقلوها يدرسوا كلامها المنطقي ويحللوا كل فقرة ويستفيدوا من كلامها ويصلحوا الأخطاء الفظيعة الواقعين فيها ... التحيات النواضر لها ولأمثالها .. والان عرفنا ان السودان بخير .. بخير ... أما آن لصاحب الحوش الكبير ان يضع هذا البوست امام باب الحوش عشان كل الناس تعرف ان في عقول بتفكر صاح في السودان,,,, عقول قلبها على السودان ومستقبل السودان ومستقبل اجيال السودان القادمة.. ودمت بالف خير وصحة وعافية

Quote: جرقاس الانقاذ دا طبعا بيسأل عنها لسببين..يا أما يستقطبوها ( ودى ما حيقدروا عليها )..يا أما يعتقلوها ويحولوا حياتها لجحيم..وبكل قوة عين عايز يتعرف عليها...