|
|
|
 Re: تجربتي مع شراء الأرضي و البناء (Re: أيمن محمود)
|
| Quote: كمغترب - اشتري وما تبني كلو كلو ... الا لما ترجع نهائي! |
مشكور يا هندسة على النصيحة
الا الرجوع عايزينو و الله تب
لم ار في حياتي شيئا اكثر مرارة من الغربة
اعادنا الله الى ديارنا و اهلنا سالمين و غانمين
| |
 
|
|
|
|
|
|
|
|
Re: تجربتي مع شراء الأرضي و البناء (Re: خالد المبارك)
|
الارض الانتفاخية و الفوارة
بالنسبة لمنزل من دور ارضي فقط وددت ان اعرف ما هي التدابير اللازمة لتفادي المشاكل التي تحدث بسبب التربة الفوارة
مثال منطقة الجزيرة تربتها تتأثر بالمياه و تنتفخ و تؤدي الى تشقق في الجدران و هذا ما شاهدته اثناء تجوالي في تلك المنطقة
لاصحاب الخبرة العملية و المعنيين بالعمارة نرجو الافادة و التعليق للفائدة
| |
|
|
|
|
|
|
|
|
|
Re: تجربتي مع شراء الأراضي و البناء (Re: خالد المبارك)
|
اكثر من الف مشاهدة .... و لا تعليقات
نحن نعمل على تحسين صورة هذا المنبر و جعله اكثر فائدة للاعضاء و القراء بتناولنا للمواضيع الحيوية
هذا هو الغرض من الموضوع
نرجو من المعنيين بالموضوع اشراكنا نصائحهم و خبراتهم
| |
|
|
|
|
|
|
|
|
|
Re: تجربتي مع شراء الأراضي و البناء (Re: خالد المبارك)
|
موضوع مهم وخاصة للمغتربين والمهاجرين...
لكن سمعت اراء كثيرة بتقول ان شراء البيت الجاهز
افضل من شراء قطعة ارض والبناء لان البناء فيه تلتلة
كثيرة والمقاولين بيغشو ...ومواد البناء كل يوم اسعارها
زائدة...
..ونرجو ان نقرا تجارب الاخرين وفكرة عن اسعار البناء
والشراء..
والله يديك الصحة والعافية
| |
|
|
|
|
|
|
|
|
|
Re: تجربتي مع شراء الأراضي و البناء (Re: اميرة السيد)
|
اميرة السيد
نشكر لكم مروركم
و لكنني لا اتفق مع القائلين بان شراء المنزل الجاهز اصوب لاسباب كثيرة
اولا و بنفس المكيال ، من سيضمن بأن المنزل المشترى لا يحتوي على المواد المغشوشة ذاتها
ثم ان المنزل الذي سأبنيه سيكون بمواصفاتي و على الكيفية التي اريد و احلم و لن يكون مثل المنزل الجاهز باي حال من الاحوال
بعدين ياخ متعة الحياة انك تبني بيتك طوبة طوبة بي مواصفات حتى و لو لم تجد المال الكافي ما مشكلة ممكن تأجل لانو ماف زول بنى بيتو من مرة واحدة كده ون قو
و ممكن تصل لي مرحلة تخلي الباقي لي اولادك في المستقبل يكملو الباقي كمان
آمين و يديك الصحة و العافية كمان
| |
|
|
|
|
|
|
|
|
|
Re: تجربتي مع شراء الأراضي و البناء (Re: خالد المبارك)
|
خالد المبارك
الزمن ده ما زمن مواصفات...الزمن زمن تلقى عشه تاوي فيها اسرتك ولا تدفع
اكثر من ثلاثة ارباع المرتب الشهري في ايجار بيت او شقة صغيرة..
وولكن عندما تشاري بيت لا تشتري من هؤلاء السماسرة الذين يشترون
الاراضي ويبنوا عليها بيوت اي كلام للبيع والربح السريع..وعندما تشتري بيت
اشتري من صاحب بيت يريد ان يبيع لانه محتاج للسيولة او يريد السفر ..
وهذه نصيحة سمسار اراضي صديق لوالدي...
والله يديك الصحة والعافية
| |
|
|
|
|
|
|
|
|
|
Re: تجربتي مع شراء الأراضي و البناء (Re: اميرة السيد)
|
لو عاوز تبنى عدة طوابق فعليك فحص التربة، وفى هذه تمشى لناس معهد أبحاث البناء التابع لجامعة الخرطوم.. وهم يوروك لو التربة قطنية
أو صخرية.... الخ، ويدوك النجيضـة.. أعتقد في رسوم تتدفع ليهم.. أو ممكن تتفق مع نفرين من طلبة اخر السنة في الهندسة المدنية ومعهم استاذهم ويكون
بحث أرضية بيتك هو مشروع تخرجهم.. وبالصورة دى تدفع أقل وتفيـد الكلية.
| |
|
|
|
|
|
|
|
|
|
Re: تجربتي مع شراء الأراضي و البناء (Re: خالد المبارك)
|
سلامات ود المبارك وضيوفه ..
تجربه صديقنا بناها 5 ط ماشاء الله .. بس يومو الينزل اجازة بلبس لبس خمسة وبقعد مع العمال يراقبم لمن يسافر بلملمو سقالاتم وبجيم السنة الجاية اخدت معاهو سنين عددا دا شغل تمام لكن ما ف زول فاضي ليو هههه الناس مستعجلة وما بتقدر تراقب كل صغرة وكبيره
انا شخصيا زول اقاليم اشتريت جاهز في كوستي وصنتو وعملت نايم .. والله الجاهز بريحك بس تنفخ جيبك ..
ولنا عوده مع شغل الاسكان
| |
|
|
|
|
|
|
|
|
|
Re: تجربتي مع شراء الأراضي و البناء (Re: الطيب عباس)
|
ابو الريش
قلت لي بحث في تربة بيتي ؟
و لو قامو لقو فيها دهب و لا بترول يكونو كشفو السر و بقينا على لسان الغاشي و الماشي
انا عارف نوع التربة وعارف مشاكلها مع البنيان بس عايز اعرف علاج التربة الفوارة شنو و الكلام موجه لي مهندسي ولاية الجزيرة و جنوب الخرطوم
ما هي الترتيبات اللازم اتباعها تجاه هذا النوع من التربة في حالة بناء منزل من طابق ارضي فقط
نوع التربة انتفاخية Expansive Soils
اطلعت على بعض الحلول خلال بحثي على الانترنت لكن للاسف كلها تقريبا غير محلية و بيستخدمو فيها الات و مصائب ليست في المتناول ، حبذا لو كان الحل من بيئتنا و بي مواد نعرفها و تعرفنا
شاكر لك المرور و اثراء الموضوع و لهذه التوصيات المجانية
| |
|
|
|
|
|
|
|
|
|
Re: تجربتي مع شراء الأراضي و البناء (Re: خالد المبارك)
|
نريد تجارب لبناء لود بيرنق لطابق ارضي
هل من تجارب لا ستخدام الحوائط بدلا عن الاعمدة في البناء و هل هي قوية كفاية
صحصحو معانا شوية الموضوع يستحق
اخونا الطيب
والله زولك ده مفتح خالص
ياخ لكن ما كل الناس واحد و لسة هناك الاخوان الذين يعتمد عليهم في كل شئ و الحمد لله
| |
|
|
|
|
|
|
|
|
|
Re: تجربتي مع شراء الأراضي و البناء (Re: ابوحراز)
|
| Quote: المره افيدونا عن تشقق المباني في مربعات ابو سعد او المربعات حتي لو المبني اعمده |
..معليش استاذن صاحب البوست ..
وانا لست متخصص في هذا المجال ..
ولكن بحكم عملي بوزارة الشئون البلدية في السعودية ..
اضطلعت على الكثير من الدراسات الخاصة بالتشققات ..
وبدراسة الحالات التي تمت هنا ..
كانت هناك عدة اسباب للتشققات ..
منها التربة المتحركة والرخوة
سوء الانشاء ومراحل التاسيس الأولى ..
استخدام مواد سيئة في البناء
هذا ..بجانب مرور الطائرات والقطارات ومواقع الكسارات القريبة
والمياه الجوفية القريبة من سطح التربة
واسباب اخرى كثيرة
انا اعيد اليك السؤال هل هذه التشققات بجوار مواقع الكسارات في ابوسعد
اومهي في مواقع مختلفة ؟؟
وماهو رقم المربع الذي لاحظت به هذه التشققات ؟؟؟
المهم لو اتى احد الأخوة المختصين في سودانيز او لاين وهم على درجة عالية من الكفاءة
واجاب على السؤال فلا يفتى بالطبع ومالك بالمدينة
اما اذا لم تجد الاجابة لأي ظروف ..
فاني احيلك الى المهندس الحبوب وهو معماري ضليع ..
يعمل مقاولا ومهندسا مشرفا في مربعات ابوسعد
خاصة مربع 24 و56 و47 و32 و37 ب
امكانك الاستفادة من تجاربه الثرة في هذا المجال
ومعرفة اسباب التشققات
اتصل على هذا الرقم واطلبه 00249123099427 او 00249912399427
| |
|
|
|
|
|
|
|
|
Re: تجربتي مع شراء الأراضي و البناء (Re: ابوحراز)
|
التحية للاخ الموسوعة ابو حراز
كفيت و وفيت
و لو لقينا من نوعك ده خمسة بس في المنبر ده لاكتفينا بالمعلومات
التحية لك مجددا للمعلومات القيمة و الثرة
قلت لي ممكن مرتك زاتها ما تلقاها خخخخخخخخ
يا ساتر
| |
|
|
|
|
|
|
|
|
|
Re: تجربتي مع شراء الأراضي و البناء (Re: خالد المبارك)
|
أخى خالد السلام عليكم...بوست مفيد جداً جداً...وأتمنى أن يستفيدوا منه أعضاء المنبر.....
Quote: بعدين ياخ متعة الحياة انك تبني بيتك طوبة طوبة بي مواصفات حتى و لو لم تجد المال الكافي ما مشكلة ممكن تأجل لانو ماف زول بنى بيتو من مرة واحدة كده ون قو
و ممكن تصل لي مرحلة تخلي الباقي لي اولادك في المستقبل يكملو الباقي كمان
|
ده كلام سليم ومتابعة ألأخوان فى مداخلاتهم تثرى البوست مثل أبوالريش وأبوحراز وأختنا أميرة السيد وأضيف لأختنا أميرة راى أن البناء افضل من شراء بيت جاهز هناك متعة ومتابعة و لو حصل أى تعديل فى الخرطة بتكون متابع.. زى ماقالوا ألأخوان وده طبعاً إذا كنت ما مستعجل..احمد الله فى تجربتى لقيت ناس وقفوا معاى من عائلتى وإشتروا وبداوا حسب ما عايز أنا من تصور للخرطة....وطبعاً زى ماقاوا ألأخوات أمدرمان عامة أرضها جيدة ما عدا غرب العرضة جهة إستاد المريخ دى فواره لكن كل أم درمان ما شاء الله ممكن تبنى طين وتبنى فيه ثانى دور..ههه..لكن المشكلة فى السايفونات تعذبك.
الحمدالله كل ألأمور مشت بخير بس أهم شىء الشخص البكون قائم ليك بالعمل شخص ثقة وأن تكون ما مستعجل....ربنا يوفق الجميع.
| |
|
|
|
|
|
|
|
|
|
Re: تجربتي مع شراء الأراضي و البناء (Re: ismeil abbas)
|
السلام عليكم اخي خالد.
بوست جميل جدا وجاني في جرح ...اخوك برضو خاشي في معمعة البناء.
انا لست خبير في مجال نوعية التربة ...ولكن حاليا ببني في شرق النيل ..وتربتها ايضا طينية ..
فقمت بحفر 23 حفرة وعمق الحفرة 2 متر ونصف لما ظهرت الارض الثابتة ...فعملت الخرصانة للقواعد ...ثم صبيت الاعمدة القصيرة وارتفاعها من الشارع ما يقارب المتر.
وثم صبيت الصبة الارضية (سقف معلق) ...وبعد ذلك بديت في الطابق الارضي والحمد لله الامور ماشى طيبة.
على حسب تجربتي انصح بتسليم البناء لشركة معروفة وامينة ويكون بينكم في عقد يحدد تاريخ التسليم واي تاخير يكون هنالك شرط جزائي...بشرط بان يكون من طرفك مهندس استشاري
اما عن مواد البناء في الوضع الحالي اسعارها كويسة (طن الحديد 5 لينة و4 لينة سعرها ب 7 الف جنيه) طن الاسمنت عطبرة وبربر (1200 جنيه )
اعمل الاسكلتون بواسطة شركة ..وبعد ما تخلص منه ...تشوف ليك واحد حريف للتقفيل بالطوب.....شكرا لك اخي خالد واخوتي ..
سوف اعود
| |
|
|
|
|
|
|
|
|
|
Re: تجربتي مع شراء الأراضي و البناء (Re: خالد المبارك)
|
اخونا حسين عمر الفكي
ياخ وينك انت من زمان
نحن بنفتش عن ناس البيان بالعمل و الداخلين في المعمعة زاااتم
انا هسسي بزاكر في اضافتك دي و يا ريت لو كنت بتوثق لعملية البناء حتى يستفيد منها الاخرون
بالله ما تحرمنا من جياتك
طبعا لو قلت اعمل اعمدة ما اظن يكون عندي اكتر من 17 عمود و بيني و بينك الاعمدة افضل بي كتير
تنكرب تعمل الهيكل و بعد داك تقعد تقزقز بالتقفيلات - ان شاء الله لي يوم الدين ما فارقه
بالله عليك لو قدرت اديني التكاليف بتاعت الحفر و صب الاعمده ( الرقاب) براهن كده بي المواد تكون قدمت لينا خدمة جليلة
لك التحية مجددا اخي
| |
|
|
|
|
|
|
|
|
|
Re: تجربتي مع شراء الأراضي و البناء (Re: خالد المبارك)
|
تحية للاخ خالد وكل المارين في سوق العقار والبيوت
لدينا اخي مهندس اغترب لفترة ثم رجع
له شركة هندسية
حاليا يقوم بالبناء في شكل عمارة مشتركة شقق تسجل باسم السكان وتبني بمواصفاتهم ويترك لهم التشطيب او يقوم هو بذلك
طبعا قد تكون شقق وقد تكون ادوار حسب الرغبة وهو يساعد في شراء الارض ويقوم بكل التفاصيل
حكي لي في الاجازة ان معظم الذين بني لهم مغتربين لم يصدقوا انهم قد انتهو من هذه المشكلة بسهولة
خاصة والاخ محل الثقة
( طبعا انا لا اروج للموضوع لكن هذه من ضمن الحلول التي قد تطمئن المغتربين ومن لدغوا كثيرا )
| |
|
|
|
|
|
|
|
|
|
Re: تجربتي مع شراء الأراضي و البناء (Re: حسين عمر الفكي)
|
عزيزي حسين عمر الفكي
فكرتك عحبتني شديد....وانا كنت بفضل اشتري شقة جاهزة
وعندي قطعة ارض مسجلة باسمي...في المعمورة وفكرت هسع
ابنيها بالفكرة بتاعتك دي...لكن ما عندي وقت اشتري المواد
بنفسي..وعشان كده بترك الشركة دي تشتري كل شئ...
وهسع عاوزة منك خدمة تدينا عنوان ورقم هاتف الشركة
ان شاء الله في الخاص....عشان نتفق معاها على التفاصيل..
والسؤال المهم ..هل هذه الشركة بتقبل نقسط ليها التكاليف
شهريا..يعني مثلا..مثلا..نرسل ليها الف دولار شهريا..حتى
تنتهي من بناء طابقين...او قول ١٥٠٠ دولار شهريا..
والسؤال الثاني هل الطابقين الاستلمتهم بالفينيشينق..التشطيب
والله يديك الصحة والعافية
| |
|
|
|
|
|
|
|
|
|
Re: تجربتي مع شراء الأراضي و البناء (Re: اميرة السيد)
|
حبيبنا حسين .. تحية طيبة ..
يا سلام عليك .. فتح الله عليك على هذه الخدمة الجليلة وتنويرنا ,,
كم جملة التكلفة ؟ هل شامل التشطيب ؟
مودتي .. وشكراً على هذه التجربة الناجحة .. لكن الظاهر عندك مقدرات إدارية ممتازة ما شاء الله ..
| |
|
|
|
|
|
|
|
|
|
Re: تجربتي مع شراء الأراضي و البناء (Re: علي عبدالوهاب عثمان)
|
مرحب اخونا حسين
ما قصرت والله اهو شايف الفكرة لقت استحسان من كتيرين و منهم انا
طبعا انا لو بالغت عايز اعمل طابق واحد بس ما اكتر في مساحة لا تتجاوز 200 متر من القطعة (قدر قدرتنا خخخخخخ)
يعني بي حساباتك دي يا ربي تكون تكلفتي كم للاسكلتون بس لانو الباقي داك ما مشكلة ممكن نفير سااااي من الاهل نقضيهو - باقي نحن ناس نفير ده يبني مع ده و ده يبني مع ده حتى بعد سكنا المدن و لله الحمد
راسمالك فطور كارب بس ههههههههه
الشغله عشعشت لي في راسي و شكلو بقيت على الاعمده دي بس لو لقيت التكلفة ششنا كده يكون الموضوع ظبط
منور الموضوع لك التحية
| |
|
|
|
|
|
|
|
|
|
Re: تجربتي مع شراء الأراضي و البناء (Re: خالد المبارك)
|
الاخت الفاضلة اميرة
اولا : من الافضل ان تشتري المواد بنفسك او تكليف اي شخص امين يقوم بالشراء ...لانو الشركة لو قامت بالشراء
بياخذو منك قروش كتيرة جدا ...لو لاحظتي انا اخذت الخيار التاني والفرق بينه وبين الخيار الاول 150 الف.
تحسب مواد البناء على حسب مساحتك المبنية ...مساحتك كم؟ لازم تعملي تصديق البناء من ناس الاراضي الحرامية (ربنا يعينك معهم) بياخذ زمن
لكن بيني وبينك لو عندك زول تفتيحة بتستلمي في نفس اليوم ....تمشي ناس المساحة يدفعوك (680 جنيه) ويقول ليك المساح بجيك بعد شهر ويسلمك القطعة ...لكن عليك امان الله استلمتها في نفس اليوم ( دفع ههههه)
وناس الكهرباء والمياة نفس الشي .
تشوفي ليك غفير كويس وامين يحرس ليك موادك بالورقة والقلم (كم طن اسمنت سيخ ووووو) راتب الغفير 500 جنيه في الشهر ...وعليك بشراء راكوبة للغفير دا شرط اساسي ههههههه الراكوبة الديلوكس ب ( 1730 شاملة الترحيل )
افضل لك يا اختي اميرة شراء المواد كلها بنفسك ...والمواد في المراحل الاولي سيخ واسمنت وخرسانة ورملة وسلك رباط ...اسعارها معروفة والغفير عندك.
الشركة بتاخذ تكاليفها بنظام الصرفيات ( بعد اتمام كل مرحلة بياخذ صرفيتو والصرفية الاخيرة بعد التسليم ).
انا استلمت اسكلتون طابقين بدون تشطيب ....اسع اجراءت التقفيل شغال فيها ....لقيت زول حريف قالو شغلو نظيف ...بسافر بنفسي واشوف الحاصل باذن الله.
اعملي الخرطة ولك الخيار ...انشاالله برسل ليك الرقم
تحياتي لك
| |
|
|
|
|
|
|
|
|
|
Re: تجربتي مع شراء الأراضي و البناء (Re: حسين عمر الفكي)
|
الاخ الفاضل على عبد الوهاب
اسكلتون بس بدون تشطيب ...التشطيب شوية شوية بمزااااج انشاء الله
الارضي بكلفك 550 الف جنيه اذا كنت مصمم البناء الى اربعة او خمسة طوابق.
الاول بكلفك في حدود 160 الى 190 الف جنيه على حسب مساحة البناء ( يعني التكلفة عالية في الاساس والارضي)
اذا حبيت تغفل عندك عدة خيارت في نوعية الطوب ...فانا سوف اسير بالنصائح الوجدتها في بوست عباس الطيب ( الطوب الاحمر)
لوري الطوب النظيف 1400 جنيه ...او ممكن تأجر كمينة وتجهز عمالك والزبالة وطبعا ارخص (لكن لازم تقيف في راسها) فاضل خيار شراء الطوب
تحياتي لك
| |
|
|
|
|
|
|
|
|
|
Re: تجربتي مع شراء الأراضي و البناء (Re: خالد المبارك)
|
حبيبنا خالد
اعمل الخرطة واستشير الزملاء في المنبر ( المهندسيين) سوف يوضحو ليك كمية المواد
وانا استفت كثير من بوست الزميل عباس الطيب وبارك الله فيه وجعله في ميزان حسناته .
وانشاء الله مواد التشطيب من الصين او جدة ..وعلى حسب ما سمعت من اصحاب التجارب ارخص و بتختار بمزاجك
وفقك الله اخي خالد بس انعل الشيطان وابدا
احترامي لك
| |
|
|
|
|
|
|
|
|
|
Re: تجربتي مع شراء الأراضي و البناء (Re: حسين عمر الفكي)
|
عزيزي حسين عمر الفكي
شكرا كتير على النصائح المفيدة...وطبعا انا عارفة ان اي
شئ حكومي لازم الرشوة عشان الامور تتسهل...وهم بيسموها
تسهيلات...ودي خاتين ليها ميزانية خاصة...
وكمان عاوزين نعرف بوست عباس الطيب عنوانه شنو ..عشان
نستفيد منه...
والله يديك الصحة والعافية
| |
|
|
|
|
|
|
|
|
|
Re: تجربتي مع شراء الأراضي و البناء (Re: حسين عمر الفكي)
|
تحياتي اخي خالد المبارك وكل الضيوف الأكارم
بوست مهم جدا
اليكم تجربة ابن عمي تاريخ بداية العمل في 1/11/2015 الآن استلم الطابق الأرضي شقتين .. ( عمارة 3 طوابق 7 شقق )
https://www.0zz0.com
https://www.0zz0.com
https://www.0zz0.com
| |
|
|
|
|
|
|
|
|
|
Re: تجربتي مع شراء الأراضي و البناء (Re: حسين عمر الفكي)
|
تسلم اخي حسين
بل لكم الشكر والتقدير على هذا البوست المهم جدا .. واتمنى أن يكون نافذة مستمرة لتنوير كل من يرغب بالبناء حسب ارتفاع الأسعار ونزولها في السوق
افيدك بأن هنالك مهندسين جيدين ولديهم ضمير ، ملتزمين بالمدة التي يكتبونها في العقد ( أعني مدة التنفيذ ) وكذلك الجودة ،
كل ماتحتاجه هناك شخص هميم يكون متابع للعمل ويشرف على العمل وينقل لك مراحلة التنفيذ بالفيديو لاسيما أن وسائل التواصل سهلت كتير وجعلت الجميع في قلب الحدث
بحيث يمكن أن يرسل لك فيديو عن طريق الواتساب لترى بعين ما تم تنفيذه كل يوم وتكون كأنك شاهد عيان
لك تحياتي
| |
|
|
|
|
|
|
|
|
|
Re: تجربتي مع شراء الأراضي و البناء (Re: حسين عمر الفكي)
|
..تكلفة 550 مليون للطابق الأرضي تكلفة معقولة جدا ..
كما تلاحظون انا وضعت تكلفة من واقع تجربة الوكالة
والتي وصلت الى مليار و400 مليون
وهي تشمل الآتي مسطح البناء 280 م2
البدروم يشمل كل هذه المساحة 280م2
والذي يعتبر طابق ارضي
ويمكن الاستفادة منه في الكثير من الأمور
قاعة احتفالات
مسجد
موقف سيارات
مستودع
شقق ايضا
كما يشمل فتحة الأسانسير
وقد استهلكت هي والبدروم كمية كبيرة من الأسمنت والشيخ والخرسانة
هول كبير وصالون كبير وثلاث غرف ومطبخ واربع دورات مياه
قرلات الشبابيك والأبواب الخارجية وابواب السلم لمزيد من الأمان
التقفيل عدد 14 باب خارجي وداخلي تقفيل الشبابيك المونيوم
السايفون والسيب تانك والذي كلف 120 مليون
وهو حفر يدوي بعمق 45 متر
البياض الداخلي والكهرباء التي شملت حتى تركيب المراوح
والسباكة بما فيها كل اكسسوارات الحمامات
والسراميك
والحوش والذي كان عبارة عن جدارين فقط
وكذلك تقفيل الحوش
وشمل المبلغ 25 عمود للدور الأول بدون عمل صبة السقف
تبقت بعض التفاصيل مثل تراب البدروم لعمق متر ونصف لازال في مكانه
البياض الخارجي
وتفاصيل صغيرة كالسلم وغيره والنقاشة
بقي ان اوجه رسالة لكل المغتربين
الأسعار في السودان ليس لها اي علاقة بالبورصات العالمية
وارتفاع وانخفاض اسعار النفط
بل للأسف تحكمها خذعبلات واساطير مضللة ومضحكة
يمكن فجأة بلة الغائب يرفع اسعار الأسمنت
وسمسار واحد في السجانة او دلالة العربات يمكن يجهجه السودان كله
بما معناه انه ليس هناك ارضية علمية بامكان المرء ان يخطط على ضوئها
نفس البيت وبنفس المساحة التي تكلف مليار و400 يمكن ان تزيد وفي نفس الموقع
وكذلك الـ 550 مليون المذكورة سابقا يمكن ان تزيد
لهذا لابد من وضع نسبة مخاطرة او ايا كان اسمها تتراوح ما بين 25 - 30%
ليس هذا على مستوى مواد البناء
بل حتى لو شايل ليك مهر لعروس وهو 10 مليون بالقديم
لازم تحتاط بربطة أخرى في جيبك بـ 4 مليون
تحسبا لأي ظروف اخرى محتملة !!
هجمة مرتدة
لم نجرب عمل الشركات
ولكن هناك حاجة مهمة جدا في حال ان العمال هم الذين يقومون بالتنفيذ
شيء لابد تضعوه في الحسبان
مع العلم ان صاحب البيت نفسه يمكن ان يكون قد تغدى بفتة عدس
لكن والله على ما اقول شهيد
حفر الساس عاوز باااااااااااااااع خروف حجم عائلي
صب الأعمدة خروووووف
صب السقف خروووووف !
حفر السايفون يقول ليك عشان ما ينهار ويقع فينا برضو خروف
علي بالطلاق بتاع البياض قال وين { الدم }
اما كان مشيت لي فوق شوية بس الله يكون في عونك
| |
|
|
|
|
|
|
|
|
|
Re: تجربتي مع شراء الأراضي و البناء (Re: خالد المبارك)
|
بويت مفيد جدا خاصة للاخوة المغتربين ، ذلك أن الأسعار التي تقدم لهم أحيانا من بعض الشركات و المقاولين يكون فيها نوع من المبالغة.
شكر خاص للأخوين حسين عمر الفكي و Khalid Saeed
متابعين..و ان شاء الله اعود لأحكي عن تجربة خاصة.
| |
|
|
|
|
|
|
|
|
|
Re: تجربتي مع شراء الأراضي و البناء (Re: حسين عمر الفكي)
|
Quote: بارك الله فيك اخي ابو حراز.
لو امكن افادتنا بسعر البناء (سعر المتر بكم ) اقصد المصنعية ؟
لك احترامي |
.تحياتي وتقديري
قبل الاجابة احب ان اعرج على موضوع الغفير
طبعا يعتبر شيء اساسي جدا من خطة البناء
الراكوبة ودورة المياه لابد ان تقوم بانشائها قبل التعاقد مع الغفير
وقد لاحظت التعاقد معه بمبلغ 500 الف
لكن في الكثير من المواقع بابوسعد لايعملون باقل من مليون جنيه نهائياً
مع العلم انه يعمل مع عمال البناء يوميا
والحراسة في الأيام الأولى ليست ذات اهمية
حيث ان المقاول يستهلك ويقضي على الأخضر واليابس من المواد
ولكن تظل الحاجة ماسة له في المراحل المتقدمة من البناء
نقطة مهمة جدا لابد للمقبلين على البناء من الاهتمام بها
نفس هذا الحارس لابد ان توكله برش الماء على الصبة
وعلى كل الأعمدة بعد تخييشها جيدا
وكذلك رش البياض يوميا
يعني لابد اذا كنت متابع ان يكون البيت غرقان بالموية
فعليه ان يرش الأعمدة والسقف والبياض ثلاث مرات في اليوم
لكي تتماسك هذه الأمور مع بعضها
اها حق الرش هذا بعيد جدا عن الراتب
يوميا 30 الف وقد يستمر ذلك لمدة شهرين
اما في حال البياض فكل جدار يتم بياضه يشرب موية حتى يشبع لمدة 3 ايام
ومن ثم ينتقل الى الجدار الآخر
بالنسبة للسؤال عن سعر المتر طبعا بعض المهندسين يطلبون 5 مليون للمتر
وآخرون 4 مليون ونصف وبعضهم يطلب اكثر وكلها تسليم مفتاح
لكن ربما لايتم تنفيذ كل الشروط وفق ما هو مخطط لها
فيلجأ الانسان لنظام المقاولة بحيث تتفق مع مهندس على الأعمدة والصبة الأرضية والعلوية
ومن ثم تتفق مع عمال على البناء
وآخر على البير وهكذا 00
بعضهم يطلب منك احضار المواد وآخرون يتفقون معك بان يشتروا هم المواد
بالنسبة لسؤال الفيس بوك ولقد ضحكت كثيرا
حيث ان صديقي قال لي احتمال المطار يكون انتهى ونحن ماعارفين
امس اتصلت السودان على احد الأخوة في مربع 19 واكد لي هذه المعلومة
ولكن ذكر لي ان كل بيت تم تاسيسه جيدا منذ البداية لم تحدث به هذه التشققات
انت عارف توقعاتي ان الجماعة في مربع 19 عندهم { عرق } كما نقول في اهل العوض
عرق ارضي حائم في هذه المنطقة
افتكر ناس الجيلوجيا بيطلقوا عليه الواح متحركة
فلو أن هذا صحيح الجماعة ديل لازم يرحلوا !!!
وذلك على طريقة اهلنا في احدى قرى الجزيرة
المهندسين لفوا الظلت منهم واصبحت الحلة بعيدة من الظلت
مشوا للوالي في بيته وقالوا لقوه سكران طينة
واشتكوا أمر قريتهم له
فما كان منه الا بان حل المشكلة حيث طلب منهم ان ينقلوا القرية الى الظلت !!!
| |
|
|
|
|
|
|
|
|
|
Re: تجربتي مع شراء الأراضي و البناء (Re: حسين عبد المجيد)
|
تحية طيبة الأخ خالد وضيوفه الكرام
بوست مفيد جدا
أسأل عن التأسيس للدور الأرضي وطابقين آخرين هل يمكن تنفيذ ذلك اذا استخدمت اللودبيرنق؟
وأسأل عن عدد الأعمدة عند التأسيس هل هي مرتبطة بالمساحه المراد تنفيذ البناء عليها أو مرتبطة بتقسيمات الغرف ؟
وتكلفة كل عمود من الأساس للطابق الثالث ( مصنعية ومواد )
وشكرا ,,,
| |
|
|
|
|
|
|
|
|
|
Re: تجربتي مع شراء الأراضي و البناء (Re: البشير دفع الله)
|
أخي ابو حراز مشكور جدا على الافادة القيمة
انا تعاقدت مع الغفير ب 500 جنية (بالجديد) ...ظبت ليه راكوبة على حسب طلبه ...ولكن الواحد ما مقصر معه ابدا
كلو فترة اخوتي في السودان يقمون بدعمه ...والراجل مبسوط تب ...واضف الى ذلك بانه متزوج واسرته موجوده في الموقع ..وهو يعمل ايضا
مع المقاول وبياخذ حقه....اما موضوع الرش مهم جدا جدا وخاصة في المراحل الاولى ...في اليوم بياخذ 20 جنيه ثلاثة رشات في اليوم (الصباح و بعد المغرب والمساء خالس)
والظريف في الامر جاري رجل جميل متابع امر الرش اول باول من على البعد ..في يوم مارشو الصباح طوالي رسل لي في الوتساب وعصر لي الشمار ...اتصلت على الغفير
وسالته ليش مارشيت الصباح ؟ هههههه الغفير خاف قال لي يا معلم انت بتعلم ولا ايه ...لكن اوعدك ساواصل في الرش على حسب البرنامج .
عندي سؤال
فهل بناء المتر ب 4 مليون ما كتيرة؟ هل هذا المبلغ شامل بناء وبياض وبوهية؟
لك الود والاحترام
| |
|
|
|
|
|
|
|
|
|
Re: تجربتي مع شراء الأراضي و البناء (Re: الطيب عباس)
|
تشكر اخي الطيب عباس على الافادة القيمة
ياريت تورينا اسعار اسلاك الكهرباء (6 ملي و 4 ملي و 2 ونص ملي ) واسعار الطبلونات ....عشان الواحد كان كل شهر اشترى ليه لفة وخزنها بستفيد
تخريمة: سعر الخرسانة 18 متر 1600 جنيه (سعر اليوم) ... والرملة 18 متر 1800 جنيه
دور الطوب النضيف (4000 طوبة) ب 1400 جنيه
لنا عودة
| |
|
|
|
|
|
|
|
|
|
Re: تجربتي مع شراء الأراضي و البناء (Re: حسين عمر الفكي)
|
يا سلااام ياخ والله الواحد سعيد جد بي المشاركات القيمة دي
ما عارف ابدا من وين لكن متاااابع و بي شراهة كمان لدرجة الكلام عندي كمل
خالد سعيد اعجبتني التقديرات دي و حبيت اخد منها نسخة عشان ازاكر فيها لكن ما عرفت كيف التنزيل لكنني ساحاول
عسى ربي يجعل هذه المشاركات في ميزان حسناتكم لانها بالجد معلومات ثروة و بيان بالعمل
| |
|
|
|
|
|
|
|
|
|
Re: تجربتي مع شراء الأراضي و البناء (Re: خالد المبارك)
|
اخونا حسن سلام
| Quote: مبنية لودبيرنج مصنعية بـ 120 مليون ومواد بـ 158 مليون والتسليم في 30ابريل 2016م طبعا شامل البياض داخل وخارج من غير تشطيب .... دور ارضي + سطوحمبنية لودبيرنج مصنعية بـ 120 مليون ومواد بـ 158 مليون والتسليم في 30ابريل 2016م طبعا شامل البياض داخل وخارج من غير تشطيب .... دور ارضي + سطوح |
ده الكلام
ياخ انا محتار ما بين الحوائط الحاملة البسموهو لودبيرنق و بين الاعمده ، اصلا انا ما عايز اكتر من الدور الارضي ده في الوقت الحالي
هل الحوائط و الأساس من المتانة بمكان بحيث انها تحمل السقف الخرساني بارتياااح
و ما هي المواد المستخدمة في التأسيس و كم العمق و كم بيم بكون فيها و كم ارتفاع البيم الواحد
اسئلة كثيرة تدور في ذهني اتمنى ان اجد لها الاجابة
| |
|
|
|
|
|
|
|
|
|
Re: تجربتي مع شراء الأراضي و البناء (Re: حسين عبد المجيد)
|
اخونا حسن عبد المجيد
التحية ليك ياخي
و اشكرك و ارفع لك القبعة و الكورك و الطورية احتراما
معلومات ثرة حتما سنستفيد منها جعلها الله في ميزان الحسنات
____________________________________________________________________
الاخوة الكرام احبتي
يبدون ان هناك صورة مدرجة ادت الى فتل البوست و صعبت من قراءته نرجو شاكرين من الاخ المعني مراجعة حجم الصورة المدرجة
و لكم فائق الود و الاحترام
و متابعين هذا التوثيق
| |
|
|
|
|
|
|
|
|
|
Re: تجربتي مع شراء الأراضي و البناء (Re: الطيب عباس)
|
بوست مهم جدا خاصة للناس البعيدة عن أرض الواقع
لذلك ارجو الاستمرار فيه ومدنا بمعلومات عن الاماكن السكنية والمفاضلة بينها
خاصة من الملاك او المشترين الجدد.
---------------------------
وياريت سلسلة بوستات منصور مفتاح والاخ عبد القادر عن اراضي الخرطوم تعود من جديد
((يا ناس الخرطوم أسعار الأراضى بالخرطوم))
| |
|
|
|
|
|
|
|
|
|
Re: تجربتي مع شراء الأراضي و البناء (Re: محمد درار)
|
الإخوة المتداخلين
لكم التحية جميعا.
عدت من المملكة خروج نهائى فى العام 2003 و كنت قبلها بعام قد شرعت فى بناء المنزل فى العام 2002، يعنى بدأت البناء قبل العودة النهائية بسنة تقريبا
أوكلت البناء لشركة معروفة بجودة التنفيذ و صرامة المراقبة ، حتى أن صاحب الشركة طمأننى بأن ألا أتعاقد مع استشارى للمراقبة.
لما رجعت العودة النهائية ، بدأنا مرحلة التشطيب و هى مرحلة مكلفة و شاقة كما يعلم الجميع، كانت خطتنا أن نشطب الطابق الأرضى فقط عن طريق الشركة ، انتقلنا بعدها للسكن بالمنزل، بعدها أشرفنا على بقية التشطيب و بنفس عمال المقاول و لكن عن طريق التعامل المباشر مع العمال، كانت عملية التشطيب تتم أحيانا بعد نهاية دوامهم الرسمى إلا أن ذلك أفادنا فى أننا حافظنا على نفس جودة التشطيب.
هذه العملية وفرت علينا مبلغا كبيرا جدا كان يمكن أن ندفعه لو استمر المقاول فى التشطيب.
للذي يرغب أن يرى شكل المبنى و تشطيبه الخارجى يمكن أن يرسل لى بريده الإلكترونى فى الخاص.
تمنياتى للجميع بالتوفيق...
| |
|
|
|
|
|
|
| |
خالد المبارك
أيمن محمود
الطيب عباس
Abureesh
ابوحراز
ismeil abbas
حسين عمر الفكي
علي الكرار هاشم
علي عبدالوهاب عثمان
Khalid Saeed
الحاج حمد الحاج
حسين عبد المجيد
البشير دفع الله
Osama Siddig
فيس بوك
تويتر
انستقرام
يوتيوب
بنتيريست