|
|
|
 Re: بيت في كندا (Re: عبدالحفيظ ابوسن)
|
قال لي
قلت اشتري لي بيت في كندا . والشراء ساهل والدفع ميسر بتدفع قروشك في خمسة وعشرين سنة
كلمت وكيل بيع بيوت ( هو قال اجينت ) .
وكعادة السودانين كلمت صحبي يجي يمشي معاي يساعدني في الاختيار .
ذكر اسمو ونسيتو . المهم قال لي
فتشنا كم بيت كدة مع الاجينت .. وماعجبني
وجينا راجعين .
استغربت جدا . صحبي ركب معاي ولفينا البيوت وما علق ولا نضم
قمت سألتو
شايفك ساكت ما ابديت أي راي
| |
 
|
|
|
|
|
|
|
|
Re: بيت في كندا (Re: عبدالحفيظ ابوسن)
|
قال لي كأنو راجي سؤالي
بيت في كندا لي شنو
البعرفو منو
تعمل بيت في السودان
الناس توصف بيهو
بي لفة بيت طارق
جمب بيت طارق
بي شارع بيت طارق
بيت هنا ماعندو أي طعم
| |
|
|
|
|
|
|
|
|
|
Re: بيت في كندا (Re: معاوية المدير)
|
اها قال لي
قدر ما حاولت اقنعو
البيت دة في اي وقت داير تبيعو بتبيعو .
تدق ليك يافطة برة فورسييل وتكلم اجينت
بدلا من تدفع قروش ايجار احسن تدفع في بيتك
وماقدرت اقنعو
| |
|
|
|
|
|
|
|
|
|
Re: بيت في كندا (Re: عبدالحفيظ ابوسن)
|
| Quote: ود ابو سن.. بعد ما تتم الحكاية بتاعة صاحبك حنجي نعمل مقاربة بين فوائد شراء بيت في السودان وشراء بيت في كندا أو امريكا من ناحية حساب الخسارة والريح... |
طيب يا أميرة يا أختي تمو الناقصة وضيفو للمقارنة كمان فوائد عدم شراء بيت لا في السودان ولا في كندا ولا في أمريكا, يتعني تكون قاعد في السهلة ساااااااااااي
| |
|
|
|
|
|
|
|
|
|
Re: بيت في كندا (Re: aosman)
|
تنويه اساسي
صحبي اشتري البيت
لكن صاحب صحبي كان معترض علي شراء بيت في كندا . ورجع بعد كم سنة من موقفه وقرر يشتري بيت في كندا بعد ما كان معارض
| |
|
|
|
|
|
|
|
|
|
Re: بيت في كندا (Re: عبدالحفيظ ابوسن)
|
طيب يا أميرة يا أختي تمو الناقصة وضيفو للمقارنة كمان فوائد عدم شراء بيت لا في السودان ولا في كندا ولا في أمريكا,
يتعني تكون قاعد في السهلة ساااااااااااي (QUOTE)
<<<<<<>>>>>><<<<<<<<<<><<<<
طيب.. وحنضيف للمقارنة تجربة أسرة ثالثة قررت ما تشتري بيت لا في كندا ولا في امريكا ولا في السودان..
والله يديك الصحة والعافية
| |
|
|
|
|
|
|
|
|
|
Re: بيت في كندا (Re: aosman)
|
قال لي
استغربت جدا وسألتو
ياخ لو كان اشتريت معاي زمان هسة كان قطعت شوط .. ومالك غيرت رايك
قال ليهو
مشيت السودان ونحن اصلا مربين ومولودين في بري ..قلت اشتري لي بيت في السودان .
هل تصدق المتر المربع الفاضي بالدولار
معقولا قطعة واطة في السودان اغلي من بيت في امريكا ولا لندن
لقيت الموضوع داير قروش كتيرة .. غيرت راي وفضلت اشتري في كندا
لأنها ارخص اقلاها
| |
|
|
|
|
|
|
|
|
|
Re: بيت في كندا (Re: عبدالحفيظ ابوسن)
|
قبل فترة مشيت الخرطوم .. نسيت الحي معاي شقيقي
بيوت سمحة كأنك برة السودان
ناس في الشارع مافي عربات متكلة زي الغنم برة البيوت وحكمة الله اي بيت فيهو مولد كهربا ما شفتو الا في البنوك
اخوي قال لي القطعة هنا وصلت اربعة مليار
اربعة مليار وقتها تساوي نص مليون دولار تقريبا لا تنقص عنه كثيرا
قول جنيهنا واقع الناس العندها القروش دى ما واقعين معانا مالهم
| |
|
|
|
|
|
|
|
|
|
Re: بيت في كندا (Re: عبدالحفيظ ابوسن)
|
Quote: مرحبا نزار
وتشكر
غاب عني فهم مداخلتك فأعذر لي قصور فهمي |
حياك الله ود أبو سن ...
الحمد لله الحكاية طلعت حمى خفيفة ...
حاشاك من قصور الفهم يا حبيبنا ...
بس إفتكرتها زي القصص الموجعة للمغتربين المتعلقة بشراء وبيع الأراضي والبيوت ...
| |
|
|
|
|
|
|
|
|
|
Re: بيت في كندا (Re: نزار عبد الوهاب)
|
ربعة مليار وقتها تساوي نص مليون دولار تقريبا لا تنقص عنه كثيرا
قول جنيهنا واقع الناس العندها القروش دى ما واقعين معانا مالهم(QUOTE)
>>>>>><><<<<<<<<<<><>>>>>>>>
انتو لمن شفتوا البيوت الفخمة دي في الخرطوم والمافي زيها إلا
في الشارع الخامس في نيويورك( 5th Ave. ) والبشتروا
فيها الأرض بالبوصة .. ليه ما سألتوا نفسكم الناس العندها القروش دي
والما واقعين معاكم حابو القروش دي من وين!!!
والله يديك الصحة والعافية
| |
|
|
|
|
|
|
|
|
|
Re: بيت في كندا (Re: اميرة السيد)
|
تشكر نزار
هي موجعة من زاوية تانية
زاوية البلد الفقير شعبه ده يكون اغلي دولة في العالم
التناقض المريع ده ولد متناقضات لا تصدق
| |
|
|
|
|
|
|
|
|
|
Re: بيت في كندا (Re: عبدالحفيظ ابوسن)
|
نشوف تجربة الأسرة الأولى التي اشترت بيت في أمريكا ولم تشتري بيت في السودان
( وطبعا حال امريكا بينطبق على كندا) لأن عنوان البوست " بيت في كندا".. وهي اسرة أعرفها
.. قال رب الاسرة انه كان مؤجر شقة في بروكلين باثنين ألف دولار وميتين لمدة 8 سنوات كاملة
وانه عرف بعملية حسابية بسيطة انه دفع لصاحب الشقة أكثر من 200 ألف دولار خلال هذه السنوات
الثمانية وان هذا المبلغ كان ممكن يجيب ليه بيت في القرى المحيطة بنيويورك والبسموها
هنا Up state New York ولذلك قرر يشتري بيت ،، ومشى لسمسار عقارات ولكن البنك رفض
ان يموله لشراء البيت لان تاريخ كرت الإتئمان الـ credit card ضعيف والبنك يريد على الأقل 550 نقطة
في تاريخ الكرديت.. وانه كاد أن ييأس من شراء البيت إلا ان صديق له اخبره بأن هناك سمسار عربي في
كوينز يمكن أن يساعده ,, وفعلا ذهب له وحل له مشكلة الكرديت
واستطاع أن يشتري بيت في قرية على بعد ساعة فقط من نيويورك.. وانه الآن يسكن هناك ويدفع فقط اقساط شهرية
تبلغ 880 دولار فقط بدل ما كان بيدفع 2200 دولار.. وان عمله في نيويورك وانه ارتاح من عملية الايجار والبهدلة
في البحث عن شقق للإيجار . واصبح الآن من ملاك العقارات .. وانه استفاد من شراء هذا البيت ، لأن تاريخ الكرديت
اصبح ممتاز وان اي بنك الآن يمكن أن يقرضه مبلغ في حدود 300 ألف دولار.. وان باستطاعته ان يشتري بيت في السودان
ولكنه لا يريد...
وسالته لماذا لم يقرر شراء البيت من زمان.. قال انه لم يكن يصدق انه سيقيم في امريكا ثمانية سنوات كاملة وانه عرف الآن ان
أمريكا اصبحت وطنا له لأن احوال المعيشة في السودان تتسير من سئ إلى أسوأ..وانه عرف ان اصحاب السلطة ايضا يشتروا البيوت
خارج السودان .. لأنهم عارفين الأحوال ما حتصلح ""وعارفين البير وغطاهو..""
والان نشوف تجربة الأسرة الثانية التي اختارت ان تشتري بيت في السودان وليس في امريكا..
والله يديك الصحة والعافية
| |
|
|
|
|
|
|
|
|
|
Re: بيت في كندا (Re: عبدالحفيظ ابوسن)
|
أما الأاسرة الأخرى التي اختارت أن تبني بيت في السودان ولا تشتري بيت في كندا ، فقد بررت
ذلك الإختيار لعدة اسباب وهي كاللآتي:
- سوق العقارات في السودان هو السوق المضمون والاستثمار في العقارات في السودان استثمار
جيد .. ومهما كان الأمر، ومنو واقع الحال في السودان منذ استقلاله ، فإن قطعة الأرض لا تنخفض ثمنها أبدا
حتى ولو كان الجنيه السوداني يساوي ثلثا دولارات ، كما كان العهد في عهد الرئيس السابق نميري.
- البيت في السودان مهم جدا جدا ، مهما كان موقع البيت ، سواء كان في الخرطوم او في أي مدينة من مدن السودان
لأن ضمان مكان يأوي إليه اسرتك بعد رحيلك من هذه الدنيا مهم جدا حتى لا يتبهدلوا من وراءك ( وقال رب الأاسرة
بالحرف المثل المصري :" يتذللوا امام البسوى والمابسواش)...
- شراء بيت في أمريكا ربكا تكون فكرة جيدة ولكن هذه الدنيا دوارة وما عندها أمان، حتى ولو عندك جنسية أمريكية
ولكن في النهاية انت تحصلت عليها بالتجنس وليس بالميلاد، والقوانين ربما تتغير في اي لحظة ةربما يسحبوا منك
الجنسية في اي لحظة ويأمروك بمغادرة البلاد في ظرف 24 ساعة ، وفي هذا الوقت سوف تضطر بيع بيتك
الذي اشتريته بمبالغ ضخمة بتراب الفلوس وتخسر.. وما تلقى لا بيت في امريكا ولا بيت في السودان وترجع
خالي الوفاض بعد غربة صعبة استمرت سنوات طويلة ..._( والا،ن الناس يرون في امريكا أسهم العنصري دونالد
ترامب، المرشح للرئاسة الأمريكية في تقدم مستمر وحظه في الفوز في الرئاسة الأامريكية كبير جدا.. وخاصة
لعد ما حدث أول أمس من القنبلتين للتين فجرهما متطرف اسلامي أفغاني في نيويورك وفي نيوجيرسي، وكل
مرة ترامب يظهر في التلفزيون ويقول :" انا مش قلت ليكم الاسلاميسين ديل مفروض يطردوهم من أمريكا
عشان نحمي المجتمع الأمريكي من شرورهم"" ويقول انه وفي اول ساعة يدخل فيها المكتب الرئاسي في البيت
الأبيض حيتخذ القرار بطرد حميع المسلمين والمكسيكان وانه سوف يتحصل على موافقة الكونجرس في ظرف 24 ساعة
وخاصة وان الجمهوريين العنصريين اغلبية في الكونجرس ..
- ونواصل السببين الأخيرين، لحين ميسرة ومسرة..
والله يديك الصحة والعافية
| |
|
|
|
|
|
|
|
|
|
Re: بيت في كندا (Re: اميرة السيد)
|
تسكري اميرة
برضو مافي مبرر لارتفاع اسعار المنازل في السودان حتي فاقت كل العالم . مع مقارنة الخدمات ومستوي الدخل هنا وهناك
ز
| |
|
|
|
|
|
|
|
|
|
Re: بيت في كندا (Re: عبدالحفيظ ابوسن)
|
تعازي الحارة للأخزان حسن والامين وطارق محمد عثمان في وفاة والدهم
نسأل الله ان يتقبله القبول الحسن.
تحياتي أخي عبدالحفيظ والمتداخلين
لم اك اعلم بالوفاة !
فعلا موضوع جدير بالنقاش .
ست البنات.
| |
|
|
|
|
|
| |
عبدالحفيظ ابوسن
نزار عبد الوهاب
Sharif Nasirladeen
معاوية المدير
aosman
ست البنات
فيس بوك
تويتر
انستقرام
يوتيوب
بنتيريست