|
|
 بوست من الزَمن الجميل (يوجد إحترام)
|
Re: هل يُغير الدعاء ما خطه القدر؟؟Re: هل يُغير الدعاء ما خطه القدر؟؟
إخوتى واخواتى: ارجو منكم النظر فى هذا البوست فى اللنك التالى
لتروا كم كان الزملاء يحترمون بعضهم ,, ولايُشَغِّبون على افكارمن يدلى برأيه سواءاً اختلفوا معه او اتفقوا
,, لاخروج عن الموضوع لا إنصراف الى معارك جانبية ,,
ليته يعود ذا الزمنُ وليت النوارس التى هجرت المنبر ممن سترونهم فى ذاك البوست يعودوا لتعج ارصفة المنبر بالبضاعة الاصيلة .
التحية للصحفية اللامعة شمائل النور ,, والتحية لكل من كانوا فى بوست الجميلة الحبوبة المحبوبة شمائل وعزفوا عن المشاركة فى المنبر ونتمنى عليهم العودة فهم كعود الطيب يعم المكان ولا يُزكى مُشعِله دون المارين بجواره.
(عدل بواسطة عبدالعزيز الفاضلابى on 04-14-2016, 10:21 PM)
(عدل بواسطة عبدالعزيز الفاضلابى on 04-14-2016, 10:28 PM)
|
|
 
|
|
|
|
|
|
|
 Re: بوست من الزَمن الجميل (يوجد إحترام) (Re: عبدالعزيز الفاضلابى)
|
الموضوع الذى طرحته العزيزة شمائل من شاكلة المواضيع
التى تتعلّق بالعقيدة وما أكثرها فى هذا المنبر ,, وجئتكم
ببوست شمائل لألفت نظركم لتقارنوا بين تناول الزملاء اليوم
للمسائل ذات الصبغة الدينية وتناولنا لها فى الماضى.
انظروا كيف احترمنا بعضنا فى الماضى وكيف تهارجنا
فى الحاضر ,, فما الذى جد ومن هجَّ من المنبر اليس معذوراً؟
| |
|
|
|
|
|
|
|
|
|
Re: بوست من الزَمن الجميل (يوجد إحترام) (Re: عبدالعزيز الفاضلابى)
|
وهذا الزمن الجميل يا ود الفاضلاب..الا يمكن ان يعود مرة ثانية
للمنبر العام؟؟!! وفعلا راجعت البوست فوجدت ان مل المتداخلين
كانوا في قمة الذوق والادب وهم يعلقون ويشاركون بارائهم النيرة
في مسالة القدر والدعاء المخلص..ولم نقرا اي سباب او شتائم بذيئة
....ويا ريت كمان تكمل جميلك وتتحفنا ببعض الحكاوي الرائعة من الزمن
الجميل...وقد افتقدنا حكاوي اسحق ود بلة في روائعه من ايام الزمن الجميل
...وقريبتكم الكواهلية وصلت بلاد الضباب وتبلغكم السلام وهي بتتفسح في
شارع ادجوير رود....
والله يديك الصحة والعافية
| |
|
|
|
|
|
|
|
|
|
Re: بوست من الزَمن الجميل (يوجد إحترام) (Re: اميرة السيد)
|
مولانا عبد العزيز
كيفك والاسرة
عساكم بخير
طبعا زمن جميل .. كان ... واذكر عندما انضممت الى المنبر المرّة الاولى فى 2008
كنت اتداخل مع العديد ( انت ) والاخوة الاحباب الطيب شيقوق - البروف المعز - بدر الدين الامير -
د . اشراقة مصطفى - نادوس - معاوية الزبير - وهؤلاء على سبيل المثال لا الحصر
كانت المداعبات والطرائف والكثير الجميل
المهم ربنا يعيد تلك الايام
وسلام ليك كتير
................
تخريمة
...................
يا استاذة اميرة السيد
قولى للكواهلية : خلى زحمة ادجوير رود .. وامشى على ( آكتون تاون - ومنطقة ايلنق - ونورثفيلد )
مناطق هادئة وحلوة وجميلة جدا جدا جدا
لكم مودتى
| |
|
|
|
|
|
|
|
|
|
Re: بوست من الزَمن الجميل (يوجد إحترام) (Re: عبدالحفيظ ابوسن)
|
يا انور
الظاهر عليك لندني وعايش في بلاد الضباب...
والظاهر كمان الكواهلية الرباطابية ما بتعرف في لندن
غير ادجوير رود..وقالت انها لقت الشارع وكانه سوق امدرمان
..ووجدت سودانيين ومطاعم سودانية وخليجية ووجدت
النسوان العربيات حايمات بالنقاب ووحدات باللبس الموضة
ووجدت مكتبات مليانة بالكتب العربية...وكمان عرفت قصر الملكة
اليزابيت ..
واذا انت لندني اكتب ليها رقم تلفونك في الماسينجر وبكلمها
تتصل بيك وتوريها المناطق السياحية
المهمة في عاصمة الضباب عشان تزورها
..والله يديك الصحة والعافية..
تخريمة
ود ابو سن...
في الحقيقة كلام ود الفاضلاب صحي..
نوعية الشتائم والسباب البذئ البنقراهو
الان نوعية عجيبة وغريبة ما كانت موجودة
قبل كده....ونتمنى الحال ينصلح..
والله يديك الصحة والعافية
| |
|
|
|
|
|
|
|
|
|
Re: بوست من الزَمن الجميل (يوجد إحترام) (Re: اميرة السيد)
|
اختنا العزيزة الاميرة بت السيد
صبحك الله بالنور
انا ما عارف مولانا عبد العزيز بعد ما قال ( صباحتو بيض ) لا زال نائم ولا شنو ؟؟!!! ههههههههههه
بالنسبة لاخــتــنــا الكواهلية ( برلومة لندن ) وجه ضاحك ...
انا كنت عايش فى لندن فترة طويلة جدا ثم جئت الى السعودية بعد تعاقدى مع احدى الشركات
لكنى والله لا زلت احن اليها كثيرا ... فى جميع النواحى
دعواتك ربنا يرجعنى واعيش فيها باقى حياتى
احبها كما احب كوستى
امّا الجوال موجوووووووود على عينك يا تاجر ( اقرأى البروفايل ) بتلقى الرقم
وان شاء الله ما ببخل عليها - طب -
ابشرى بالخير
لك كامل الود
................
تخريمة
.............
يا مولانا عبد العزيز اظهر وبان ليك الامان
مودتى
| |
|
|
|
|
|
|
|
|
|
Re: بوست من الزَمن الجميل (يوجد إحترام) (Re: ANWAR SAYED IBRAHIM)
|
Quote: وهذا الزمن الجميل يا ود الفاضلاب..الا يمكن ان يعود مرة ثانية
للمنبر العام؟؟!!
|
هلا بالغالية ,, بت السيد
يا أميرة الزمن هو الزمن والدنيا هى الدنيا والكون هو الكون مُذ طرأ الإنسان عليه ,,
لكن الانسان هو من يتغَيَّر حُسناً أو قبحاً ,, وقديماً
قال المشركون هذا ماوجدنا عليه آباءنا وقد كذبوا فى قولهم هذا ,, لأنهم
لو حقَّاً اتَّبعوا ماكان عليه آباءهم لكانوا يتَّبعون الخير لأن آدم عليه السلام
هو أبوهم الاول وهو نبى مُكَلَّم كما قال نبينا محمد صلى الله عليه وسلَّم
فلايُعقل أن يكون آدم قد وصّى ابناءه بغير مايصلِحهم.
Quote: ....ويا ريت كمان تكمل جميلك وتتحفنا ببعض الحكاوي الرائعة من الزمن
الجميل...وقد افتقدنا حكاوي اسحق ود بلة في روائعه من ايام الزمن الجميل
|
إن شاء الله ربنا يقدِّرنا ونعمل ليك بوست أمه بت عم ابوه.
| Quote: ...وقريبتكم الكواهلية وصلت بلاد الضباب وتبلغكم السلام وهي بتتفسح في شارع ادجوير رود |
بنتنا الكاهلية من السودنة وحلة الصاج الى البرودوي ثم ادجوير رود
سمحة المقدرة.
| Quote: يا مولانا عبد العزيز اظهر وبان ليك الامان مودتى |
هلا وغلا الصديق انور
كانت أيام جميلة لم يفسدها اختلاف رأئ ولا كانت هناك جهوية ولا قبلية
ولا عنصرية ليت النوارس تعود. والتحية لكل من ذكرتهم فى مداخلتك التى أعادت لنا
شيئاً من الذكرى نقتات عليه فى سِنى المنبر العِجاف هذه.
| Quote: ما عارف الزمن الجميل البتتكلم عنو لكن ملاحظ المهاترات والعنف اللفظي لقدامي الاعضاء القدح المعلي فيها .. بل والترصد والانحراف بالنقاش .. لو عملت جرد بتلقي النسبة دي. |
هلا بالحبيب ود اسن .
لا أقطع بصحة النسبة التى ذكرتها ولكن قطعاً هناك إنحدار والبوست الذى أتيت به مثالاً إنما هو لنماذج
من الاخوات والاخوان وكذلك من ذكرهم الحبيب انور بعضهم مازال بيننا ومازال محافظاً على ذلك الخُلُق الوعر ,,
فلماذا لانقتدى بهم؟
| |
|
|
|
|
|
|
|
|
|
Re: بوست من الزَمن الجميل (يوجد إحترام) (Re: عبدالعزيز الفاضلابى)
|
والله يا ود الفاضلاب زي ما انت قلت سمحة المقدرة
..وكان جينا للحق الكواهلية الرباطابية عندها مقدرات
وما مقدرة واحدة ما شاء الله...وهي لمن تمشي من نيويورك
الى لندن او لباريس او فيينا او روما وكانها ماشة من السودنة
للداخلة او حي السكة حديد او للفاضلاب...وطبعا نحن بقينا
نعرف احياء عطبرة اكتر من احياء الخرطوم البقت اساميها
كلها اسماء مدن دول الخليج....وربنا يرجعها بالسلامة ..وهي
حتكون في لندن لمدة شهرين في اطار برامج التبادل الثقافي
بين الجامعات....ولمن ترجع طوالي للسودان مع ضيفتها
الامريكية ..وهي حالفة توديها قرى الجزيرة ..قرية ..قرية
والخوف تاكلها "البوش" فتة الفول وتقوم تمرض وتدخل
في سين وجيم....وانا سمعت ان اكلة البوش بقت مشهورة
..حتى في بوست هنا في المنبر العام عن بنت اثيوبية اشتهرت
بعمل البوش...
والله يديك الصحة والعافية...
| |
|
|
|
|
|
|
|
|
|
Re: بوست من الزَمن الجميل (يوجد إحترام) (Re: اميرة السيد)
|
لاستاذ/
الفاضلابى لك التحايا النواضر ..
حتما الباحث عن الجمال مدركه ولو فى غير موقعه ....والمتوجس يحصد
نتاج طباعه الفطرى....
تخريمه;;;ياخ مغروض شديد فى تلفون الخال الاستاذ هاشم ابوبكر''''
وحاولت الحصول على تلفونك من اخونا احمد البشير او شباب نيويورك
| |
|
|
|
|
|
|
|
|
|
Re: بوست من الزَمن الجميل (يوجد إحترام) (Re: عبدالرحمن الخليفة)
|
سلامات ولدنا فعلا بوست جميل لزولة جميلة هجرت الكتابة في المنبر بعد أن صار منفرا
شمائل كاتبة جيدة ومجتهدة لازالت تدافر بطريقتها الخاصة لتدلي برأيها في الشأن العام وتحظى كتاباتها بمتابعة كبيرة
ليتها تعود على الأقل من أجل القراء الذين يحترمون آرائها ومواضيعها الشيقة التي رفدت بها المنبر
تحية ليك ولضيوفك
| |
|
|
|
|
|
|
|
|
Re: بوست من الزَمن الجميل (يوجد إحترام) (Re: حيدر حسن ميرغني)
|
حبيبنا فاضلابي .. وضيوفه الكرام ..
صباح الرضا ..
Quote:
ما عارف الزمن الجميل البتتكلم عنو لكن ملاحظ المهاترات
والعنف اللفظي لقدامي الاعضاء القدح المعلي فيها |
زي ما قال ليك يا فاضلابي الكلس الخلوق ود ابو سن هل القدامي
الشايفنهم من ملاحقات ومهاترات ما بتعتبروهم من الزمن الجميل ؟
ولكم شكري .
| |
|
|
|
|
|
|
| |
عبدالعزيز الفاضلابى
ANWAR SAYED IBRAHIM
عبدالحفيظ ابوسن
حيدر حسن ميرغني
مني عمسيب
فيس بوك
تويتر
انستقرام
يوتيوب
بنتيريست