|
|
|
 Re: بروفايلاتكم يا صحاب .. 19 ديسمبر (توجد صورة) (Re: محمد حيدر المشرف)
|
ود المشرف سلام .
تم تصحيح المعلومة يا منى عمسيب
يا مشرف انا ما دايراك تصححها ولا دا هدفي
طيلة ما الهدف واحد انا ذاتي جبتها من الفيسبوك
يعني السبقوني كتاااااار فمعذرة هذا ما القصد ولكن
القصد عدم التخصص في الحراك نحن برضو معاكم
في خندق واحد وبتمني تزور صفحة الفيسبوك حقتنا
انا ونجلاء سيد احمد تشوف التغطية العاملنها , هذا
ليست بطولة مننا هذا شرف لنا لخدمة وطننا الحبيب .
وشوشة :
تعال هنا عملت معاك كم مداخلة في بوستاتك يا حقااااار ؟
يعني شعار امبدا تشوف شعاري ما تشوف ؟ هههههههههه
لو سمحت اعمل لي قبول في الفيس تعال شوف روعة الشباب
والحماس المقطوع النظير .
ولك الشكر ودعواتك للعصيان .
شوف الروعة دي من تصميم ولدي وصديقي هشام . شوف شبابنا مبدع كيف ؟
| |
 
|
|
|
|
|
|
|
|
Re: بروفايلاتكم يا صحاب .. 19 ديسمبر (توجد صورة) (Re: محمد حيدر المشرف)
|
يا منى ..
في هذه الايام ..
هذه الايام ياخ ..
هذه الايام الطيبة, الحلوة, المعبقة بأجواء وطنية لم نخسها منذ ومان بعيد ..
في هذه الايام, كلنا شركاء الند بالند ..
وكمان انتن فايتين الخلوق بي ركعة بنات المدارس بحري .. وأم كبس براها ركعة .. وفي البدء كانت التاية ثم كانت صفية .. ثم شهيدات سبتمبر العظيم .. ثم مبادرة لا لقهر النساء .. ثم .... والقائمة تطول.
ابداااااع يا منى ..
لفتت انتباهي هذه المشاركة الواسعة من قبيلة الفنانين .. هنا اغنية للموصلي .. وتلك قصيدة لهاشم صديق .. وهناك مقال لفضيلي جماع .. وبينهما لوحات اجمل منها ما خلق الانسان .. عماد عبدالله من اعرفه بالاسم .. وهناك من لا اعرفه ولكنهم وجميعا تنادوا من اجل هذا الوطن العظيم, الجميل, السمح !!
| |
|
|
|
|
|
|
|
|
Re: بروفايلاتكم يا صحاب .. 19 ديسمبر (توجد صورة) (Re: محمد حيدر المشرف)
|
موقف حصل معي و انا شاهد عليه، قبيل في محكمة الخرطوم المدنية القاضي رفع الجلسة ليوم ١٩ بطلب من محامي الطرف الثاني .
قام رد محامي الطرف الاول و قال للقاضي: يوم ١٩ ما بنجي عندنا عصيان مدني. القاضي استغرب و قال ليه: ده كلام شنو؟ مع العلم ان المحامي
نفسه كان قاضي و بدرجة اعلى من القاضي الحالي. المهم القاضي ما كان عنده خيار الا يرفع الجلسه ليوم ٢١ و تحت اصرار المحامي على ان يكتب في محضر الجلسة
أن سبب التأجيل هو العصيان المدني يوم ١٩ ديسمبر. والله الكلام ده قدام عيني.
من صفحة ود الناظر هبانى
| |
|
|
|
|
|
|
|
|
|
Re: بروفايلاتكم يا صحاب .. 19 ديسمبر (توجد صورة) (Re: محمد حيدر المشرف)
|
يا حمودي..
العصيان على كل لسان ..
والرعب دخل العضم الانقاذي الامني ..
هم مرعوبون لدرجة بعيدة جدا ..
جميعهم مرعوبون ..
عصابة الاسر السودانية الحاكمة .. مرعوبة لدرجة بعيدة ..
هذا أمر لا تجدي معه كلاب حراستهم ..
لا المرتزق حميدي .. لا مرتزقة جهاز الامن
يا لعبقرية الشعب السوداني !!
هي ثورة نضيفة جدا ..
وستنتهي نضيفة..
| |
|
|
|
|
|
|
|
|
|
Re: بروفايلاتكم يا صحاب .. 19 ديسمبر (توجد صورة) (Re: سيف اليزل سعد عمر)
|
سلام يا ودالمشرف
شهادة لاهل عطبرة ,, وهذه مناسبتها حيث البوست يتحدث عن التضامن.
ايام نميرى ارتفعت الاسعار ومن ضمنها اسعار اللحوم.
قررت عطبرة مقاطعة شراء اللحمة ,, والتزمت المدينة وضواحيها بالقرار
ودخل حيز التنفيذ ,, واثناء سريان القرار فى عطبرة سافر احد اقاربى
ونزل عندنا فى الثورة ح السابعة ,, عندما احضرنا الغداء رفض الاكل لأن فيه لحم ,,
وقال : الاضراب عن اللحمة فى عطبرة مازال سارى وانا ما حا آكل لحمة الا اذا سمعت انهم فكوا الاضراب.
| |
|
|
|
|
|
|
|
|
|
Re: بروفايلاتكم يا صحاب .. 19 ديسمبر (توجد صورة) (Re: محمد حيدر المشرف)
|
اها يا بكري ابوبكر ..
والله نا فاضل ليك الا الصلعة ..
كيفك وكيف كيفك يا جلالدونا يا صاحبي ..
كيفك وهذا البهاء الوطني العميق ..
شايفك شغال بي اسم الحساب (حمد مين كدا تقريبا) .. ...
انت ما سمعت بالقول المنبري المأقور لصاحبه صاحبنا د, مصطفى
التجاهل
التجاهل
التجاهل
بيني وبينك انا اتداخلت تحت تحت في بوست كوزة دكتوره كده او ما دكتورة ..
لكنها وفي النهاية بشر وليست مجرد حساب
| |
|
|
|
|
|
|
|
|
|
Re: بروفايلاتكم يا صحاب .. 19 ديسمبر (توجد صورة) (Re: محمد حيدر المشرف)
|
شكرا د. المشرف لتلك اللفتة وألا هي توحيد صور البروفايلات
كل شيء يوحدنا يجعلنا أكثر قوة
الهدف هو الانقضاض واسقاط تلك العصابة
واقول لأختنا العزيزة منى عمسيب
من الطبيعي أن نختلف في اشياء كثيرة ولكن ما يوحدنا الان هدف واحد
فلنعمل على تحقيقه فلقد جاءت الفرصة التي طالما انتظرناها لأكثر من ربع قرن
لقد هرمنا في انتظار هذا اليوم
| |
|
|
|
|
|
|
|
|
|
Re: بروفايلاتكم يا صحاب .. 19 ديسمبر (توجد صورة) (Re: ombadda)
|
مشكور اخي الاعز امبدا .. وصباح النصر .
من الطبيعي أن نختلف في اشياء كثيرة ولكن ما يوحدنا الان هدف واحد
وهذا الذي سعيت له عندما احضرت الشعار
هنا حاولت الفت نظر الناس لتوحيد البروفائل
ولكن ليست اجبارآ . وتوقعت اضعف الايمان
اجد الكتير من البروفايلات متنوعة الفكرة ..
ولم اجدها الا عند القليل ! واتيت بآخر ولفت
النظر عليه بانه شعار جميل ومتفرد في بوست
من بوستات المشرف . وكذلك لم اجد من اهتم
به . وهذا لا يهم بقدر ما يهمنا وحدتنا وتضامن
في هذه اللحظات المفصلية . التي تؤكد باننا
( نكون او لانكون) .
ولكم جميعآ الشكر والتقدير .. ولكم السلام
وللوطن والشعب النصر واصدق الامنيات .
| |
|
|
|
|
|
|
|
|
|
Re: بروفايلاتكم يا صحاب .. 19 ديسمبر (توجد صورة) (Re: محمد حيدر المشرف)
|
تعرف يا مشرف
لو بكرى ما اتخذ الموقف المشّرِف ده
كنا ح نعمل ليهو عصيان منبرى و نوريهو الصِلع الجد جد
مع احترامى لى دعوة التجاهل و اقصائهم الا ان اخوك يرى العكس
يجب تواجدهم و الرد على اكاذيبهم و تضليلهم حتى يكتشف الكل اباطيلهم
و وهن حججهم و ضعف موقفهم
هسى عليك الله شوف موقف القلتا عليها دكتورة دى و الخدمة الجليلة العماتا فى توصيل فكرة العصيان و الترويج ليهو
مش كان اخير ليها تمسك خشما عليها بدل البهدلة الوقعت فيها دى
___
الوطن ينادينا
فى حضرنا و بوادينا
اليوم يومى
و العرس عرسى
فلنلّبى النداء
و منتصرين
منتصرين بإذن الله
| |
|
|
|
|
|
|
| |
محمد حيدر المشرف
مني عمسيب
احمد حمودى
جلالدونا
Hamid Elsawi
سيف اليزل سعد عمر
عبدالعزيز الفاضلابى
ombadda
أحمد الشايقي
امجد الجميعابى
فرح الطاهر ابو روضة
فيس بوك
تويتر
انستقرام
يوتيوب
بنتيريست