الراجل قال لولدو، يا جنا إنت كُلُو يوم سينما، سينما، سينما تلفزيون مافي !؟. يأخ معقولة بس 27 سنة البشير، البشير، البشير !، يعني كان الشعب دا ما بيزهج الزول السغيل دا ما بيزهج !؟. يلعن دِيّك فرنسا زاتا.
والله دا زهج دا !...
01-03-2017, 11:33 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: ير !، يعني كان الشعب دا ما بيزهج الزول السغيل دا ما بيزهج !؟. يلعن دِيّك فرنسا زاتا. والله دا زهج دا !...
معاوية المدير السلام عليكم لفظ ديك فرنسا الحرف لايتسق مع الكلمة والمقصود معلوم وكلمة زي دينق فاتح ليها بوست طويل عريض وسوق وسمبروق .. يا اربط نصك وتعال سب الدين عديل عشان نرد ليك يا كمان خليك في لولتك دي 😳😳😳😳😳😳😳😳😳😳😳😳😳😳😳😳😳😳😳😳😳😳😳😳😳😳😳😳😳😳😳😳
01-03-2017, 11:49 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: معاوية المدير السلام عليكم لفظ ديك فرنسا الحرف لايتسق مع الكلمة والمقصود معلوم وكلمة زي دينق فاتح ليها بوست طويل عريض وسوق وسمبروق .. يا اربط نصك وتعال سب الدين عديل عشان نرد ليك يا كمان خليك في لولتك دي
وعليكم السلآم يا محمد المسلمي. المقصود المعلوم لديك معاوية المدير ما قصدوا، ؤ داير أوريك حاجة وآحدة عني أنا معاوية المدير، أنا لا يُمكن اسِب الدين لا للبشير ولا لغيره. يا محمد المسلمي الأعمال بالنيات ولكل امرءٍ ما نوى، وأنا لا بربط نُصي لا بفكوا لسب الدين لأنه ليس من شِيمي ولا هو ديدني إنت أربط نُصّك ؤ تعال رُد بما يحلو لك. من متين أنا قاعد إتلولو ؟...
01-03-2017, 11:58 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20440
والله يا الحبيب الواحد بقى يلاوز من فتح البوستات .. مافي مروة يا معاوية .. وكبرنا على التلتلة والمناتلة والكواريك ... بعدين ذاتو اليوم بقى ممحوق خلاس .. يادوبك ترجع من الشغل وتتغدا ومن الساعى 7 تقعد تكورك للعشاء عشان تتخمد تنوم .. اولمبارح قعدت اكورك من 6 ونص للعشا .. الاولاد قربو يقولوا: الغنماية دي جنت ولا شنو ؟!!
ايييييه زمن !!!
01-03-2017, 12:03 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
مكاوي يا حبيب، قُتلك بس فضلت الغنماية يأخ. العالم بقى غريب والله !، تشارك الناس إتجاههم تفتح رصاص في الله والرسول ما يقولوا بِغِم، تخالفهم تعتر في وآطة الله دي يقولولك، عِتِرت ليه !...
01-03-2017, 12:20 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: والله يا الحبيب الواحد بقى يلاوز من فتح البوستات .. مافي مروة يا معاوية .. وكبرنا على التلتلة والمناتلة والكواريك ... بعدين ذاتو اليوم بقى ممحوق خلاس .. يادوبك ترجع من الشغل وتتغدا ومن الساعى 7 تقعد تكورك للعشاء عشان تتخمد تنوم .. اولمبارح قعدت اكورك من 6 ونص للعشا .. الاولاد قربو يقولوا: الغنماية دي جنت ولا شنو ؟!!
ايييييه زمن !!!
هههههههههههههههه، يا قريبي هذا والله ما عنيته من البوست. يا أخي قلنا نفرفش شويّة الليل عندنا كموج البحر بنصلي العشا الساعة 6:24 دقيقة والفجر 7:00 صباحاً، أها جيّت من الشغل الساعة 10:00 مساءً قلت طالما الليل طويل آخُدلي نومة وأقوم أصلي العشا صحيت نفسي في فول، عملت لي فول بالطماطم والبصل اللخدر والشطة والليمون، بعد أكلت إتوضيت ؤ قبل أصلي العِشا بوضوي فتحت البوست دا قالوا لي كبست ديّن !. والله ضحكت يأخ. الكُبُر حصل بيني ؤبينك، والواحد لو لآقي طريقة يمرق علي الجليد البرا دا يترُد فيهو نار لأنوا معروف بيبعث في النفس الملل وكذلك الشجى والزول بيكون في حالة إشتياق للبلد واللهل، ؤ بعد دا يجي وآحد صعلوق يقولك البيكتب ضد الحكومة بنمنعوا يدخل يشوّف أهلو !، هو نحن لآقين حق التزكرة ؟، علي اليمين القاهو هسّع أصبحا في أتبرا. عليك الله هسّع في داعي للكتابة الكتيرة دي، يعني لآزم الوآحد يشرح تفاصيل يوموا كُلو عشان يبرئ نفسو من تُهمة سب الدين ؟!. غايتو الله يلزمنا الصبر بس...
يازول اخد راحتك ساكت (ديك فرنسا دا زي اطفال حلب شفت الباص البيني دا كيف) هسي لو قلت ضحايا نيرتتي يجول ناطين وشايلين سيوفهم قلنا نكبر اللفةB-) B-) قلت ليك تعال بلدك حلوه ارجع ليها تعال نكلملك صلاح غريبة يدخلك في الحوار الوطني اهو قرب. الحوار نضج قرب يلدي وانا في المستشفي مع المره دايره تلدي وانتو كمان بقيتو لينا كيس الصعود تسف وتدردم باقي لي سف الصعود في البرد الليلكم دا بكون عجيب
يازول اخد راحتك ساكت (ديك فرنسا دا زي اطفال حلب شفت الباص البيني دا كيف) هسي لو قلت ضحايا نيرتتي يجول ناطين وشايلين سيوفهم قلنا نكبر اللفةB-) B-) قلت ليك تعال بلدك حلوه ارجع ليها تعال نكلملك صلاح غريبة يدخلك في الحوار الوطني اهو قرب. الحوار نضج قرب يلدي وانا في المستشفي مع المره دايره تلدي وانتو كمان بقيتو لينا كيس الصعود تسف وتدردم باقي لي سف الصعود في البرد الليلكم دا بكون عجيب
علي اليمين القاهو هسّع أصبحا في أتبرا.(QUOTE >>> >>> >>> ود المدير ود اتبرا المسنوحة اميرة عندها كرديت كارد Unlimited يعني تصرف بدون حدود واذا انت جادي بنقطع ليك التذكرة وما عندك حجة....والفول المصلح تمشي تاكلوا في الداخلة عند احسن واحد بيعمل فول في اتبرا... والظاهر مدينتكم دي في كندا فيها ملل كثير وسمعت ان سكان كندا مرات بتحبسوا يومين داخل البيوت ما بطلعوا بره واذا طلعوا البرد بيقتلهم.... احسن مدينة في العالم ما فيها زهج ولا ملل هي مدينة نيويورك ام عواصم الدنيا وقربت تلحق عطبرة أم المدائن.... وهسع كمان في حاجة جديدة بنتفرج عليها وهي في الشارع البيمر قدام عمارة ترامب ونشوف العساكر اللايسين لبس الحرب وهم بيحرسوا واحد مجنون كل يوم بيصرح تصريحات ما ليها معنى..... وابعد من البوستات البترفع ضغط الدم وبتفقع المرارة وامشي بوست يحي قباني واقرأ وصية يوسف طه والمسنوح عبد الحفيظ ابو سن ليه.... واعمل بموجبها وحيرجع ليك النشاط وتكتب عشرين مداخلة يوميا.. ودمت بالف خير وصحة وعافية
01-03-2017, 09:35 PM
abubakr salih abubakr salih
تاريخ التسجيل: 12-27-2007
مجموع المشاركات: 8834
يا ود المدير الواحد براهو بقى ماشى بى جاز المصافى ..... الواحد بقى خايف لو قحة يقع فى الواطة ...... نفس مافى ...... المنبر بنحصلو بالجلالة ........ شغالين نظام الرد بالتقسيمة هنا نقطة وهنا شامة و مرات نجلى ..... وتكس ما يرجع ياخد صراحوا .
الواحد بقى خايف لو قحة يقع في الواطة (quote) ................................. والله يا ايمن دي ما سبقك عليها زول قبل كده.... لكن مرحلتك دي مرات نحن ذاتن بنصلها اذا يوم وصلنا محطة قطار انفاق نيويورك في شارع ٦٣ مع لكسينغتون...والمحطة دي عمقها داخل الارض بطول ٣ عمارات وطول كل عمارة بطول برج خليفة في دبي...(دي مش مبالغة) وما نلقى الاسانسير شغال ونضطر نطلع بالسلالم....ولمن نصل ربع المسافة نكون وصلنا مرحلة الواحدة فينا اذا قحت تقع من فوق راس السلم.... ولكن نصيحتي ليكم المشي كل يوم نصف ساعة مفيد جدا لاستعادة النشاط اليومي.... ..والتحية لصاحب البوست وضيوفه الافاضل....
والله يديكم الصحة والعافية...
01-04-2017, 02:13 AM
أيمن نواى على أيمن نواى على
تاريخ التسجيل: 05-02-2015
مجموع المشاركات: 4327
يا بت السيد جرجرة المنابر دى ما عندنا ليها حيل ..... الواحد بقي ذى حمار الهميم ماعندوا ضنب كان وقع فى الطين ما عارف يرفعوا كيف ..... مستجدين النعمة جارين وراء الراحة ..... الواحد بقى همه بارك العربية لازم يكون خطوتين من باب البيت ...... الحالة تحنن ....... الواحد بقى بيشعر انه بيدردق فى الواطة المشى غلبنا .... بقينا ذى باص الجريف مرة يمشى ومرة يقيف ....... مرة شفت صورة ود المدير فى الجيم لابس الترينق سوت يمارس الرياضة عجبتنى الفكرة ........ اشجعت قلت لازم امارس الرياضة ..... لكن الجيم مسالة مزعجة وضياع زمن ....... اشتريت الجهاز وتحمست للفكرة اليوم الاول هاك يارياضة يا ايمن جاك الفرج ....... بعد داك بقيت اشوف الجهاذ عشرة عشرة ..... مالى انا ومال التعب والاكل الكعب . .... شلت الجهاذ و رميتو برة البيت ...... بعد داك شعرت بالرحة ..... انحنا جينا امريكا للراحة ولا للتعب ...... هسى الكيبورد دا زاتو الواحد فتران منه . .... لو فى طريقة الواحد يتكلم بدل الكتابة الواحد كان اتواصل معاكم اكتر من كدا.
01-04-2017, 08:18 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: يازول اخد راحتك ساكت (ديك فرنسا دا زي اطفال حلب شفت الباص البيني دا كيف) هسي لو قلت ضحايا نيرتتي يجول ناطين وشايلين سيوفهم قلنا نكبر اللفةB-) B-) قلت ليك تعال بلدك حلوه ارجع ليها تعال نكلملك صلاح غريبة يدخلك في الحوار الوطني اهو قرب. الحوار نضج قرب يلدي وانا في المستشفي مع المره دايره تلدي وانتو كمان بقيتو لينا كيس الصعود تسف وتدردم باقي لي سف الصعود في البرد الليلكم دا بكون عجيب
يا صادق أهلنا قالوا مدارآة المؤمن علي رقبتُو حسنة، دحين أخير الزول قدُر ما يلقى يكبِّر اللفّة. بعدينك يأخ شُوّف لي زول غير صلاح غريبة دا، علي اليمين زولك دا خيّت في خيّاتة ما يدخِلوا، والمرا إن شاء الله ربنا يكتِب سلآمتا. عاين لي جاي، أكان جابت ولد سميهو الحوار واكان جابت بِت سميها نِقّة ساكت. تصدق في البلد دي إتمنيت لو كنت بسِف صعوط !، يأخي نكون قاعدين بنتونّس في أمان الله واللآ لآعبين عشرة حريق يجي وآحد يقول، الصعوط وصل عِن فِلآن !، الجماعة يقوموا أُوُررررررر يدوِروا علي فِلآن وأقعد أنا إتلفّت زي الطيرة !. أقول بالله شوّف هسّع كان بِقيّت بسِف علي الأقل كان يكون عِندي موضوع زي الجماعة ديّل، لكِن مرمي الله ما بيِترفِع...
01-04-2017, 08:37 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: ود المدير ود اتبرا المسنوحة اميرة عندها كرديت كارد Unlimited يعني تصرف بدون حدود واذا انت جادي بنقطع ليك التذكرة وما عندك حجة....والفول المصلح تمشي تاكلوا في الداخلة عند احسن واحد بيعمل فول في اتبرا... والظاهر مدينتكم دي في كندا فيها ملل كثير وسمعت ان سكان كندا مرات بتحبسوا يومين داخل البيوت ما بطلعوا بره واذا طلعوا البرد بيقتلهم.... احسن مدينة في العالم ما فيها زهج ولا ملل هي مدينة نيويورك ام عواصم الدنيا وقربت تلحق عطبرة أم المدائن.... وهسع كمان في حاجة جديدة بنتفرج عليها وهي في الشارع البيمر قدام عمارة ترامب ونشوف العساكر اللايسين لبس الحرب وهم بيحرسوا واحد مجنون كل يوم بيصرح تصريحات ما ليها معنى..... وابعد من البوستات البترفع ضغط الدم وبتفقع المرارة وامشي بوست يحي قباني واقرأ وصية يوسف طه والمسنوح عبد الحفيظ ابو سن ليه.... واعمل بموجبها وحيرجع ليك النشاط وتكتب عشرين مداخلة يوميا.. ودمت بالف خير وصحة وعافية
بِت اتبرا واللميرة، تب ما بتقصِرن، يديكن الصحة والعافية، ؤ يا قول أُمي الله يرحمها، تِتعلّن ما تِدلّن، يحفظكن رب العالمين ؤ يضاريكن جناح جبرين. عموماً فصل الشتاء مُمِل جداً ؤ ليلو سلبة بس، وهو نفس الليل الذي وصفة الإعرابيان إمرءِ القيس والنابغة في أشعارهم، لكن في موسم الصيف تعتبر كالقري من أجمل مُدُن العالم. نعم نيويورك مدينة ملآهي من الطراز الجيّد لكن ما بتِتسكِن لزول ود قرية زي حالتي دي، عشان كِدا ما قِدِرت عليها. جميلة نيويورك إذا الزول قصدها بغرض الزيارة، لكن الظاهر اللِسبوع الجاي حأمشي لجلالدونا في فيِنِكس إن شاء الله. زمان والدي عليه رحمة الله كان يقول لي، أمِش أقعُد مع وِلآد عمّك في المنطقة الصناعية إتعلّم المكنيكا. كنت أقول، أبوي دا بيبالغ واللآ شنو، معقولة أخلِي البحر والجروف والخُدرة والوجه الحسن وامشي أقعُد في المنطقة مع الحديد والسخانة ؤ كتمت النفس !. غايتو خليتوني صرفت جِنِس كِتابة !، حالتي قُلت تشوفوا لي صِرفة كان ألحق الجماعة الفاتو...
01-04-2017, 08:38 AM
علي الكرار هاشم علي الكرار هاشم
تاريخ التسجيل: 02-10-2007
مجموع المشاركات: 3710
Quote: سمح نان ما تقع الحوار زيك و زي الجماعة الغلبتن التظكرة ديك تظكرة و فنادق و مصاريف كمان. و اقيلا يودوك اتبرا بالطيارة لوووولز
ههههههههههههه،
يا ود خالتي النيجيري إنت الحوار دا قايلوا جِنيّنة سِيّدِي !، الجماعة قالوا، ود المدير وقعلنا تِحِت كرعينا وإتجرّس جِرسة السواد والرماد، لكن يشُمها قدحة. قال مُحي الدين فارس فيما قال،
وهناك أسراب الضحايا الكادحون العائدون مع الظلام من المصانع والحقول ملأوا الطريق وعيونهم مجروحة الأغوار ذابلة البريق يتهامسون وسياط جلاد تسوق خطاهمو ما تصنعون؟ يجلجل الصوت الرهيب كأنه القدر اللعين وتظل تفغر في الدجى المشؤوم أفواه السجون ويغمغمون نحن الشعوب الكادحون
تخيّل إنّك تمتطي ظهر واحد من الذين وصفهم مُحي الدين فارس تأكُل من قفاه وتشرب من قفاه، تنوم علي حسابه وتقوم علي حسابه وتتفسح علي حسابه وتتبرز علي حسابه وتستنجي علي حسابه، وترقد في أفخر الفنادق علي حسابه، وتملأ جيوبك من النثريات علي حسابه، ثم تركبه قافلاً إلي حيث أتيت، فماذا بقيت من إنسانيتك ؟!. يأخي اتبرا دي وحات الله أنا بعد دا أكان لِقيت فرقة أمشيها مسطِّح فوق رأس القطر ما بآبا تب...
01-04-2017, 09:24 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: يا ود المدير الواحد براهو بقى ماشى بى جاز المصافى ..... الواحد بقى خايف لو قحة يقع فى الواطة ...... نفس مافى ...... المنبر بنحصلو بالجلالة ........ شغالين نظام الرد بالتقسيمة هنا نقطة وهنا شامة و مرات نجلى ..... وتكس ما يرجع ياخد صراحوا .
وحات الله صدقت يا أيمن، عِلآ كِدي اللسعلك، إنت دحيّن وكِت إتنفضت ؤ قلت مارق، طاير ويّن مسوِي خِليقتك دي ؟، باقي أنا نشدت من خبرك. عارف، أنا وجع الضهر وكِت يتاوِرني بيهيّج فوقي وجع الكُراع ؤ يا نفر سغالة وجع الكُراع دا يقع فوق العدو، وجع أصلك ما تقدر توصفوا بغير إنوا سغيل أكتر من اللآزم، يعني أنا بشعُر بكراعي دي زي التقوّل دخل جواها ابوبكر المستنير من شِدّة سغالة الوجع دا !...
Quote: مرة شفت صورة ود المدير فى الجيم لابس الترينق سوت يمارس الرياضة عجبتنى الفكرة ........ اشجعت قلت لازم امارس الرياضة ..... لكن الجيم مسالة مزعجة وضياع زمن ....... اشتريت الجهاز وتحمست للفكرة اليوم الاول هاك يارياضة يا ايمن جاك الفرج ....... بعد داك بقيت اشوف الجهاذ عشرة عشرة .....
دا الجهاز يا أيمن، الوآحد بِقى زي كابتن كابو يأخ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية المدير
معاوية عبيد الصائم
محمد المسلمي
Hassan Makkawi
محمد حيدر المشرف
abubakr salih
أيمن نواى على
علي الكرار هاشم
عفاف الصادق بابكر
فيس بوك
تويتر
انستقرام
يوتيوب
بنتيريست